|
Re: كولاج ..................للشهيد ماكير واخرون. (Re: عبدالكريم الامين احمد)
|
عبدالكريم
اول جرو بنزين شاهدته في حياتي وتعاملت معه كان صديقنا شوكة وكان يسكن Next Door لمنزلنا بجوبا وكان منزلهم جميل بل كان من اجمل منازل الحي والده اسمه الله جابو وكان واحدا من الموظفين الجنوبيين الكبار القلائل الدين وصلوا حتي سن المعاش وبني لاسرته هدا البيت الفاخر بحي ملكال بمدينة جوبا و الدي= اي حي ملكال ) كان حكرا للفئة الفوق وسطى بقليل يعني طبقة عليا الا ربع من التجار الجلابة واحيانا كانوا يسموهم خواجات.
قلت ان شوكة كان اول جرو بنزين اراه واتعامل معه واصادقه فقط لانه كان ود حلتنا . كان شوكة حتي داك المساء ابن موظف متقاعد ميسور
لكنا عندما صحونا وفي واحدة من تلك الصباحات كان شوكة قد اختفي وفي المساء مر شوكة بوسط الحي ممزق الثياب ويحمل في يده علبة صلصة فارغة وبداخلها قطعة قماش متسخة معطونة في البنزين وشوكة يستنشقها بمهارة غير مكترث وبصحبته مجموعة من الجرو بنزين وكان شوكة قائدهم وهم ينشدون
صحن فول مع عيش ما بنفع منق منق مع عيش ما بنفع
وكان شوكة بالفعل قد اصبح جرو بنزين برتبة قائد .
*جرو بنزين بعرب جوبا تعني الدي يجر البنزين من الTank بتاع العربية ليستنشقه عشان يستمتع .*
| |
|
|
|
|
|
|
Re: كولاج ..................للشهيد ماكير واخرون. (Re: salah elamin)
|
هلا ابو صلاح وبسيرة النبيل شوكة انفتقت كوهة من الاشجان والحديث الجميل عن اصدقائي اصدقائك (الجرو بنزين) النبلاء...وقد مر شوكة بالقه العالي علي سرديات جوبا نار مندكورو في الجيب..
Quote: وفيض تداعيات امونة كبسي يتقاطر..ببننا
وصفا سرمدي من(السني)..اخترق حاجز الزمن واتي الينا(بكبسي)..يجول..!!
ورسما مدهشا..يشده الابصار اتي به عادل عثمان..لراقصين الهمهم له
روح (كبسي)..التي ترفرف حول كل الجمال والابداع..في بلادي..!!!
وسط كل ذلك الجمال والدهشة .لابد من استدعاء الذاكرة
لنحي تلكم الجوقة من الاطفال والصبية المتفاوتة الاعمار..الذين
كانوا يدورون في مدارات عديدة حول جوبا..وكثيري التجوال والتسكع
بين ازقتها وحواريها...ولكن محطة(كبسي)..عند تلكم الشجرة
بالقرب من حواف سوق (كنجو-كنجو)..كانت هذه الشجرة هي
اهم محطاتهم..حيث يتوافر لهم الضحك والفرح..وهم الذين
شردتهم الحروب...وجدوا في هذه (المنودراما)..المجانية..
مسرحا لهم..يستريحون عليها..من رحي التجوال والتسكع..والتشرد...
انه مسرح الفقراء...........وقيل ان كبسي كان يعرفهم (واجدا..واحد)..
ويتفقد امرهم...ويداعبهم بكل الصفاء الابوي.... ......................................
انهم ..(الجرو بنزين)...اي الذين ستنشقون البنزين....
وقد كانو كثيري المرح والشغب ..والتسكع..
ويحفظون جوبا بكل ازقتها....وقد تراهم وهم يحملون..في
جيبوهم الخلفية لتلك الاردية التي وزعها لهم
مسوولي امر (التوطين)...يحملون زجاجات
صغيرة بها القليل من البنزين...
وقطعة من القماش الابيض..يبلونها..بقليل من البنزين ثم..يشمونها...
بجانب صباعات (السلسيون)..يوفره لهم تلكم اعمال(الحمالة)..
الي يمارسونها بعض المرات في (سوق الزنكئ)...
كان الجرو بنزين كثيري الجراءة خلال الحفلات العامة في ذلك الزمان..
وكانو يجيدون الرقص الافريقي الفطري..العنيف..
ويرقصون داخل مسرح سينما جوبا علي
موسيقي الاستراحة..,,
وكانو يحفظون كل الاغاني الهندية..ويغنون...
ميري مهبا سمارا هيه هي
تم هري موت كهي!!!!!!!!!!!
,ويرقصون ثم
ينتشرون الي المطاعم المنتشرة .لياكلون (الباقي بيو)...والباقي بيو
هو متبقي طعام الزبون عند المطاعم..او قل (الكرتة)...
ياكلون منها ويحلمون المتبقي داخل اكياسهم المتسخة..
الي امكنة ليلهم المتفرقة حيث ليس لهم مكان ثابت...!!!!!!
اشهر هولا الجرو بنزين واعلاهم صوتا كان
(شوكا)...سليل احد الاسر الميثورة الحال في قلب
جوبا..الا انه ركل حياة الدعة
والثراء وذهب الي عالم اخر اختاره الي نفسه
مع هولا (الجرو بنزين)..ليصير معبودهم الاول
والهمهم نبلا وشهامة وصياعة وتسكع....
وقيل ان (شوكا)..عندما جاء الي هولا المشردين في
يومه الاول جاء ومعه كل ملابس الفاخرة
الاتية من نيروبي والخرطوم وقام بتوزيعها
بالتساوي علي هولا الاصدقاء الجدد!!!!!!!!!!!!!!!!!!!
تري اين انت يا شوكا النبيل الان!!!!!!!! |
جوبا نار ... مندكرو في الجيب!!! وها نحن هنا في انتظار سيرة شوكة واخريين من الجرو بنزين النبلاء
| |
|
|
|
|
|
|
Re: كولاج ..................للشهيد ماكير واخرون. (Re: عبدالكريم الامين احمد)
|
كنا قبل ايام قليلة انا وطارق دكاترة لنا شنة ورنة وطارق يحمل درجة الدكتوراة في علم الفيروسات ال Virology لكنا وبمحض ارادتنا سنكون مجرد مستجدين مثلما تمرد صديقنا شوكة وترك حياة العز واصبح جرو بنزين تمردنا طارق وانا واصبحنا مستجدين .
لكن تمرد الشهيد )فيما بعد ( كمرد مكير كان شيء اخر لم يكن مكير يعيش حياة وادعة بل كان مجرد زول مهمش ساكت بالخرطوم عندما قرر ان يتمرد .
| |
|
|
|
|
|
|
Re: كولاج ..................للشهيد ماكير واخرون. (Re: salah elamin)
|
الجميل / صلاح الامين
تسجيل حضور ومتابعه لسيرة الضعفاء والمهمشين اهل الريف والغلابه وللشهيد الكمرد مكير ..ختو معاكم حجر ياا ولاد الامين بدوكم عين فى ( الون ..تو) الجميل البينك وبين كيكى ونحنا مشتاقين نقرأ ليك يا ابوصلاح سمعنا عنك انك كتاب وحكاى اكتر من كيكى..
| |
|
|
|
|
|
|
Re: كولاج ..................للشهيد ماكير واخرون. (Re: khaleel)
|
الاصدقاء ضحية خليل طارق عبدالكريم اسمعوا جلالة المهمشين دي
مشينا في غابة مع كمرد جون ولقينا عمر بشير قام جري ارفع كلاشينكوف نيران.
واسمعوا دي .
نحن جيش الشعب حملنا سلاح عشان حق الشعب
ولوحدة شعب السوداني عشان تحرير وطننا نناضل
عشان حرية شعبنا نناضل
ساعود للكتابة والسرد
لكم جميعا ودي وحبي
| |
|
|
|
|
|
|
Re: كولاج ..................للشهيد ماكير واخرون. (Re: salah elamin)
|
واسمعوا دي
مشاكل قريب يا جيش الشعبي ا ن شاء الله موتو كمرد ان شاء الله
موتو مالو. :
عندما وصلنا الي تلك الارض وتحت السماء دات النجوم الكثيرة تلك لم يخطر ببالنا البتة بانه وبعد اقل من عشرة اعوام
سيرحل اجمل كومرد
لكنه كان قد رحل وتركنا يتامي
رحل كومرد جون
يا اصدقائي
| |
|
|
|
|
|
|
Re: كولاج ..................للشهيد ماكير واخرون. (Re: salah elamin)
|
فيما بعد سنصبح اصدقاء ومن صوت الطلقات البعيدة القادم نحونا سينسج لي قصة حياته ...... قلت له وان احاول خلط الجد بالهزر الجنوب البتتفاصح بيهو دا انا بعرفوا احسن منك هل سبق لك ان زرته ؟ اجابني مكير بلسان شمال نيلي فصيح والله يا كمرد زرتوا مرة واحدة لما الحت على امي ان امشي معاها البلد عشان يشلخوني ويكسروا سنوني القدام لاني بقيت راجل خلاص . ضحكنا وقلت ليهو حسي انت في زول ارجل منك يا كومرد ما ياهو انت تعلم التاس كيف يشيلوا سلاح عشان يمشوا يشاكلوا . ابتسم وقال لي انا عارف انت ما بتدخن يا كومرد لكن شوف لي سيجارة من طارق او من الناس بتاعينكم ديل .
طيب يا كمرد لكن طارق ما صاحبك ممكن تاخد منه سيجارة براك
اجاب مكير ببسمة صافية (يخيل لي انه ابتسممها فيما بعد وهو يؤسس مع اخرون لجماليات الاستشهاد ) يا كومرد ما انا اصلا حاشيل من طارق سيجارة يا هو زيادة الخير خيرين.
| |
|
|
|
|
|
|
|