|
هيييي حليل زمن كنا وكنكنا الناس تفرش وإحنا رحلنا.. قال أنضف الكمونية قال.. حكم!!؟
|
هيييييييييييييييييي وتانى هييييييييييييييييييي والما عنده هيييييييييييييي يشتري ليهو هييييييييييييييييييي ودي كانت اخر هييييييييييييييييييي وانا اشتريتا شبهينا واتلاقينا .... جقر جقر وكمونية البقر ... وهيييييييييييي.... جرجخييييييس يا النبق الرخيييييييس....! هيييييييييييييييييييييييييي...... قصة ودايره حصه .. نبرة ونستبرة وما نسكن جبرة.. هيييييييييييييي.... شن جده على المخده التنجيد ولا الكيس الجديد.. قرفة وعدم عرفة.. وهييييييييييييييييييييي يا انتا.... نحمد الله تربية بيت وفرش موكيت .. الغدا ضأن .. والتحلية برتكان.. ومليانييييين يا إنتا .... وهيييييييييييييي.... لاكوع يقد الوسادة .. لا ساق يضبح الجداده .. البيابانا غلط ..والبريدنا بنقطعوا الظلط كركدي وما قدرتو ليه.. ده اسلوب شنو ده ... ياااااااااااااااااااي عشوائي جده ولا فلل امبدة.... وهيييييييييييييييييييييي يا انتا اعمل شخيط.... واقيف بعيد اعمل لاين واقيف عاين ...... ...
وقبال ما تجيني واحدة شايلة المفراكة ولا الكونوش.. حتو الشمااار.. وختو الكورة واطه فاحدى الزميلات العزيزات بحوش معاذ عطا السيد "سودان نيت" قامت بايراد طرف من هذا الخيط الذي يبحث في هذه الثقافة السودانية الانثوية المحضة... "عجبتني المحضة دي" ثقافة الشكل.. والزعيط.. والمعيط.. ومفردات الردحي لها عراقتها واسيادها من النساء اللواتي يتفنن في صناعة المفردة وهو فن نادر في ادارة الحوار... فما رأي الزميلات العزيزات هنا
|
|
|
|
|
|
|
|
Re: هيييي حليل زمن كنا وكنكنا الناس تفرش وإحنا رحلنا.. قال أنضف الكمونية قال.. حكم!!؟ (Re: Ishraga Mustafa)
|
Quote: هوى ياطيفور ارعى بقيدك |
هووووووووووي يا اشرااااقة هووووووووووي هسي بقوم افك ليك كميات من عينة دا....
هييييييييييي... وهيييييييييييي وتاااااني هييييييييييييي
بشتنة والناس متمحنة
ونقيف في طرف المعلقة ونوريكم الصعلقة
الواحد يشتت وخلق الله تلقط
وهيييييييييييي وتاااااني هييييييييييييي
هييييييييييييي يا انتــــى
المشى كدارى ولا ركوب اللوارى
كوارع وحايمه فى الشارع
طاحونه ومره مجنونه
مكرونا و ما عبرونا
هبهانه والناس تعبانة
هييييييييييييي وتاني هيييييييييييييييييييييي
غادى غادى الجزام بعادى
ليمونة وعاملة فرعونة !!
الليله بلاش وبكره بلاش
جايبنو بالطياره وبايعنو بالخساره
هييييييييييييي وتاني هيييييييييييييييييييييي
وعجب العجب والصيام في رجب يا هنااااايه
| |
|
|
|
|
|
|
Re: هيييي حليل زمن كنا وكنكنا الناس تفرش وإحنا رحلنا.. قال أنضف الكمونية قال.. حكم!!؟ (Re: موسى الحسين سيد أحمد)
|
العزيز موسى .. حليلك يا خوي انت من زمن رفعة الجلابيه الزمن دا والله الواحد شنبو يكتف بلد وبرضو السوسه ضارباهو
وهاك دي.. حتة من كتاب الانداية للاستاذ الطيب محمد الطيب رحمة الله عليه اوردها الزميل كاونارو في نفس البوست.. وهي تتضمن تصويرا لشجار بين اثنين من "الرجال" العاملين لدى شيخات الأنادي. وشجارهم تكملة لشجار بين الشيختين أصلا وأحدهما خرتومي "خرطومي" (حلبي) والآخر إقليمي (عربي)
"وعند احتدام المعركة، ينبري أصحاب المعين الذي لا ينضب. وهنا لا يملك الجميع غير الصمت والإصغاء .. "الكِرِبِّشين" يعمل مع بت كوراك و"شاي الجَّمُر" يعمل مع بت أب عوة. الكربشين: هيــــــــي هيـــــــي!! ويعقبها بضحكة فاجرة يسمعها كل رواد الأنادي. ويطوح برأسه للخلف، ويزوَرّ حاجباه، وتبيَضّ عيناه، شطار يا بت امّي. عاد من يوم الليلة بت كوراك "فنَّشت" وأنا قبيل الجعيص والرخيص. ومن الطرف الآخر انبرى "شاي الجمر" نيابة عن بت اب عوة. وهو عُرفيا "وأدبيا" ملزم بالرد على الكربشين والمسألة مسألة "كرامة"!! شاي الجمر: عاد انا ما شايل نضُر تاني بت اب عوة ما تفتح خشمها مع الحنيش والدردبيش آآي يا بتي! الكربشين: مع منو يا شاي الجمر؟ شاي الجمر: مع الطلطميس والدردبيس!! مع قرع ود العباس العشرة بي قرش ومية هوادة. أجي! أجي! الكربشين: أجي يا الديك صدر عريان؟ يعلم الله أنا كايس لليوم المتل دا! شاي الجمر: عندك يا صايع يا مايع يا تَرَنْ تَرَنْ العند القيف حَرَنْ! شطار يا ولدي! الكربشين: يا عربي الصقيعة ويا رعاوي القيعة .. الكراع بي شقها والـ... تنضم مع منو!!؟ شاي الجمر: مالو العربي يا يُمة، لقاط خُردة ولا عَقاب جَرْدة!!؟ الكربشين: آآي يعلم الله أخير من عرب الاشو "القطيفة" الما بفرز الريال من التعريفة! شاي الجمر: نحمد الله الجمع ناس منيش وعلَّمُن الحديث.. يا عَقاب الشِّحادة والحِدادة! الكربشين: يعلم الله! أسمع أكلمك كان ما عارف الحِدادة.. أخير من ناس القُرادة البياكلوا الجرادة ويعافوا الجدادة! شاي الجمر: دا لي منو يا المهجوم ويا الملام الخرتوم؟!! الكربشين: آآي يا ولدي .. الخرتوم يعيش الخرتوم!! مالو؟ علَّمكُن الكلام يا ناس عرْ وجرْ، يا ناس عوك ومعوك، يا ناس الحَويَّة والحناية، يا ناس القُطران والدُلقان!! شاي الجمر: قادر هو الما عجزان!! يا ناس نَبَيِّض والشيح والكشيح، يا ناس العفنة والمِندفنة!! الكربشين: عِندك! يا مكشوف الحال ويا شبه الرجال!! شاي الجمر: يا يُمة يترجلن كرعيك!! شبه الرجال أنا؟ مالي فيني عرقا طاير؟ فيني عصبة مشحوطة؟ ما محل ومكل! الكربشين: جَرْ يا هناي يا عقاب هاساي وبنات كُدُنداي! شاي الجمر: يا يُمة.. جَرّارك مُسدد نخريه، يا الرزالة يا فضلة العِتالة، يا ناس المغطى وملان شطة!! الكربشين يحاول الرد ولكن الانفعال يصرعه فيقع مغشيا عليه: أح أح أح الظار!! ويتجمهر حوله الرواد وهو ملقى على الأرض وشاي الجمر "يردح" وتصيح "تام زينو": هــــــــاي دا التُّربي! يعلم الله بطنو بقت زي القربة! وفعلا تنتفخ بطن الكربشين وتُدفن الهزيمة في وسط حفلة الزار التي تقام له في الغداة. وحفل الزار هو المتنفس الوحيد للمهزومين في هذا الصراع."
او كما قال...
| |
|
|
|
|
|
|
Re: هيييي حليل زمن كنا وكنكنا الناس تفرش وإحنا رحلنا.. قال أنضف الكمونية قال.. حكم!!؟ (Re: طيفور)
|
عزيزنا طيفور .. لكن ماجنيت عديل .. جنس ده لاقاك وين ؟؟!!
Quote: الكربشين: أجي يا الديك صدر عريان؟ يعلم الله أنا كايس لليوم المتل دا! شاي الجمر: عندك يا صايع يا مايع يا تَرَنْ تَرَنْ العند القيف حَرَنْ! شطار يا ولدي! الكربشين: يا عربي الصقيعة ويا رعاوي القيعة .. الكراع بي شقها والـ... تنضم مع منو!!؟ شاي الجمر: مالو العربي يا يُمة، لقاط خُردة ولا عَقاب جَرْدة!!؟ الكربشين: آآي يعلم الله أخير من عرب الاشو "القطيفة" الما بفرز الريال من التعريفة! شاي الجمر: نحمد الله الجمع ناس منيش وعلَّمُن الحديث.. يا عَقاب الشِّحادة والحِدادة! الكربشين: يعلم الله! أسمع أكلمك كان ما عارف الحِدادة.. أخير من ناس القُرادة البياكلوا الجرادة ويعافوا الجدادة! شاي الجمر: دا لي منو يا المهجوم ويا الملام الخرتوم؟!! الكربشين: آآي يا ولدي .. الخرتوم يعيش الخرتوم!! مالو؟ علَّمكُن الكلام يا ناس عرْ وجرْ، يا ناس عوك ومعوك، يا ناس الحَويَّة والحناية، يا ناس القُطران والدُلقان!! شاي الجمر: قادر هو الما عجزان!! يا ناس نَبَيِّض والشيح والكشيح، يا ناس العفنة والمِندفنة!! الكربشين: عِندك! يا مكشوف الحال ويا شبه الرجال!!
|
يكفينا شر ناس الكربشين وشاى الجمر .. امين يارب العالمين
عوض حمزة
| |
|
|
|
|
|
|
Re: هيييي حليل زمن كنا وكنكنا الناس تفرش وإحنا رحلنا.. قال أنضف الكمونية قال.. حكم!!؟ (Re: انعام عبد الحفيظ)
|
Quote: نحنا قاعدين طرف البوست أي عنكبة ح نجري طوالي |
قولتي لي نجري طوالي يا انعام.. عليك دينك اسمعي دي.....
هيييييييييييييييييييييييييي وتانى هييييييييييييييييييييييييييي
يا ناس كشا مشا العزمو فطور جا عشا
برستيج ياناس وليد... واستايل ياناس وائل
انحنا المولودين في الإمتداد وحبينا في البلاط !!
وانحنا ناس الخرطوم محل الرئيس بنوم و الطياره بتقوم
اننو شنو يا عشى البيت يا قطع الخيت
يا ناس البوبار والسكنة بالايجار
ياناس الشوبار وعدم الدبار
هييييييييييييي وتاني هيييييييييييييييييييييي
بنضورة وكشفنا دورا...
وديل حصتين عتاب يالمسجلة غياب!!
يامطرة ادينا رشة ويازمن جيب لينا عشة !!
هييييييييييييييييييييييييي وتانى هييييييييييييييييييييييييييي
وكلاااااااااام يا عوض دكااااااااااااااام
| |
|
|
|
|
|
|
Re: هيييي حليل زمن كنا وكنكنا الناس تفرش وإحنا رحلنا.. قال أنضف الكمونية قال.. حكم!!؟ (Re: طيفور)
|
Quote: لكن ماجنيت عديل .. جنس ده لاقاك وين ؟؟! |
حبيبنا ود حمزة.... كلو مكتوب ومسطر يا ملك راجع كتاب "الانداية" للاستاذ الطيب محمد الطيب واظنك قلت الزول جنا وفقد المحنا.. حقيقي نفس الدهشة دي اصابتني لما بدات وفجآة تذكرت بحري.. آخ من بحري.. مواقف كثيرة بين النساء رأيتها رأي العين بل كنت وانا صغير اهاجر من حلة حمد الى حلة الشلالية ثم سوق الدناقلة الصغير او اديها جبدة لحدي ديوم بحري ناحية الزرايب والكرنتينه لاستمتع بمثل تلك المناقرات بين الجارات خصوصا حين يعقبها "زعيط ومعيط" اما اخطر النساء في ذلك العهد فهم نساء الشلالية.. فهم كوم وباقي النساء كوم تاني...
المهم في الموضوع يا عزيزي وحسب العينات الواضحة اعلاه ان هناك لغة واسلوبا جديدا لادارة "الطفنقي والدواس" تتشكل وتحتاج فعلا الى دراسة وتمحيص
مع كل ودي..
| |
|
|
|
|
|
|
Re: هيييي حليل زمن كنا وكنكنا الناس تفرش وإحنا رحلنا.. قال أنضف الكمونية قال.. حكم!!؟ (Re: طيفور)
|
مجموعة اضافية من منظومة الردحي
هيييييييييييي وتانى هيييييييييييييييييييي البندورو بنعمل ليه حلبه ... المابندورو بنحرش عليه الكلبه القميص جمايكا و.... الصلعة فورمايكا الكراع مكسورة ... والنخرة ماسورة
هييييييييييييي وتاني هيييييييييييييييييييييي جرجير يا وسخ الزير شماسى يا ظهر الكراسى هبهان ووسخ بيان ناصل وماعارف الحاصل
هييييييييييييي وتاني هيييييييييييييييييييييي ناس ناس وناس أنناس وناس أذي للناس... وناس أتموا بيهم باقي الناس بشتنة ورقاد واطة !! هيييييييييييي اقيفى بعيد واعملى شخيط و نقطه و سطر جديد
هييييييييييييي يا انتــــى تنبزينى انا يا كرور يا وسخ الخور ياطربيزة الجزارة يا لامة الوسخ والزفارة قطاطي ومستوي واطي بطاطس ومستوى غاتس هيييييي يكا ويكا هيييييي يا الشمس ضربتك والرجال ابتك يا تراترا وشبه اللساتك الورا
هييييييييييييي وتاني هيييييييييييييييييييييي ما تقيفوا فى الزلط و تتكلمو الغلط ماتقيف فى الرصيف وتعمل حريف!! كان جبل طلعناو و كان عسل لحسناو اوع من كده و الدنيا شتا يا ناس الصقت جا خلي عندك زوق الباب اتقفل يلا نط بي فوق
هييييييييييييي وتاني هيييييييييييييييييييييي افتحي عينك هييييييييي وما تخليني ادق الصفايح واطلع الفضايح
| |
|
|
|
|
|
|
|