|
|
 كوسو المنار بطريقتكم دي ياهوو الانهار..!!
|
كوسو منار ولن ينهار
يبدو ان هذه المقولة قد اصابتها الشيخوخة وتصدعت لا ادري هل بعامل الزمن
ام بممارسات التنظيمات السياسية مجتمعة ولا استثناء لاحد فيها....
جميعهم يتباكون علي الديمقراطية والممارسة الرشيدة وضرورة انتزاع الاتحاد من الكيزان الاوباش
ولكن عندما يتحقق لهم ذلك باصوات وجهد الطلاب يذهب الامر برمته الي خلافات و(نقة) وتخوين واختراق
واختراق مضاد والضائع في كل الاحوال هي التجربة والطلاب والطالبات وستكسب قوي الجبهة الاسلامية بدون شك ان كان هذا هو ديدن الجميع هنا وهناك...
|
|
 
|
|
|
|
|
|
|
|
Re: كوسو المنار بطريقتكم دي ياهوو الانهار..!! (Re: Emad Abdulla)
|
احنا يا عماد خاميين وصاريين منذ امد طويل..
والبيحصل ده ياعمدة امر غير عادي ويدعو تماما الي الرثاء...
واحنا ياعمدة ناس قريعتي راحت ما بنعرف ساس يسوس سياسة
لكن دايرين وعي عالي بقضايا الوطن
والديمقراطية ودايرين نكرررررررررررران ذااااااااااااااااااات
دي لو بقت مافي نخم ونصرررررررررررر لمن الله يغفر ليييييييييينا
| |
|
|
|
|
|
|
|
|
|
Re: كوسو المنار بطريقتكم دي ياهوو الانهار..!! (Re: Emad Abdulla)
|
لا احد مستفيد من الحاصل سوي ناس المؤتمر الوطني
والتنظيمات دي ما اظنها تاني حتفوز بالاتحاد بعد ما حدث بينهم من :
التأمر ضد بعضهم البعض
عدم توفر الثقة بينهم
انقسامهم وتناحرهم علي المناصب
كيل كل الاتهامات الممكنة في حق بعضهم البعض
واصدقك القول يا كريم : لو كنت طالب هناك ما حأصوت ليهم تاني
الخوف علي الانتخابات الكبيرة، المنتظرنها كتير من الناس بأمل .
| |
|
|
|
|
|
|
|
|
|
Re: كوسو المنار بطريقتكم دي ياهوو الانهار..!! (Re: عبدالكريم الامين احمد)
|
| Quote: وياريت الناس دي تتعلم ,تنكر ذااتها في البداية |
ياكريم ...هون عليك
لو قريت الازمة من الاول... من الدرس الاول، بتلقى انو مافى زول ضحى بذاته
ده بيخلنى اسأل عن قيادة قومية لسياستنا العجيبة
المسألة معقدة جدا ومانرمى اللوم فى الاجيال الجديدة رغم ماعندى من قرءاة مغايرة لاغلب المناوشت الحصلت دى
البيحصل ده ياصديق نتاج طبيعى لازمة ضاربها جزورها فى تاريحنا
ببقى السؤال الحل شنو؟ من هنا نبدأ
| |
|
|
|
|
|
|
|
|
|
Re: كوسو المنار بطريقتكم دي ياهوو الانهار..!! (Re: Ishraga Mustafa)
|
Quote: واصدقك القول يا كريم : لو كنت طالب هناك ما حأصوت ليهم تاني
الخوف علي الانتخابات الكبيرة، المنتظرنها كتير من الناس بأمل |
مرحب يا ابو السعود
وفعلا بهذه الطريقة وهذه الممارسسة من الصعب الحصول علي اصوات الطلاب بسهولة
والموسف في خضم الازمة ليس هنالك رغبة في تذويب الخلافات والرجوع الي منصة الالتفاف
فالقصة مدورة تصعيد تصعيد ونقة لا تسمن ولاتغني من جوع كل همها ارضاء النزعات الذاتية بعيدا من
هو الطالب الحقيقي وهموم الجامعة...
فعلا الانتخابات الجاية هي المحك والتحدي الاكبر والناس يجب ان تكون علي قدر المسئولية
والا انها الانقاذ مرة اخري وبثوب (ديقمراطي)
| |
|
|
|
|
|
|
|
|
|
Re: كوسو المنار بطريقتكم دي ياهوو الانهار..!! (Re: عبدالكريم الامين احمد)
|
Quote: البيحصل ده ياصديق نتاج طبيعى لازمة ضاربها جزورها فى تاريحنا
ببقى السؤال الحل شنو؟ من هنا نبدأ |
فعلا يا اشراقة
وانا ابدا لا الوم الجيل الجديد فهم شباب يبنون تجاربهم ولهم الحق في ذلك
ولكن الموسف هي الخلفية التي تغذي تلكم التجارب والمرارات التاريخية بين الاحزاب
والملل والكيانات (الناس دي يا اشراقة كل زول لابد للثاني في زقاق ضيق)
والضحية هو الوطن مرة اخري...
| |
|
|
|
|
|
|
|
|
|
Re: كوسو المنار بطريقتكم دي ياهوو الانهار..!! (Re: الجيلى أحمد)
|
| Quote: أكثر مايحزن فى الأمر هو ضياع جهد الطلاب والتحول الكبير الذى ستفرزه هذه لأزمه.. |
سلام يا جيلي
الخشم بقي ملح ملح دون شك
ولكن يا جيلي هناك مليون فرصة مواتية لاستعادة ثقة الطلاب والمراقبين في هذا الاتحاد
يمكن رتق الجرح وتحويل هذه الازمة الي غذا ناصع ..ولكن كييييييييف هذا ما يرمي اليكم انتم
اهل هذه التنظيمات بالكرة في ملاعبكم...
وزي ما قال اسعد ابراهيم القصة الاهم هي الانتخابات الكبيرة لمن الموتمر الوطني ينزل بكل ثقله
واحتياله التاريخي وزخمه الاعلامي (اها الناس تقول يا منوووووووووووو)
| |
|
|
|
|
|
|
|
|
|
Re: كوسو المنار بطريقتكم دي ياهوو الانهار..!! (Re: عبدالكريم الامين احمد)
|
Quote: ولكن كييييييييف هذا ما يرمي اليكم انتم
اهل هذه التنظيمات بالكرة في ملاعبكم...
وزي ما قال اسعد ابراهيم القصة الاهم هي الانتخابات الكبيرة لمن الموتمر الوطني ينزل بكل ثقله
واحتياله التاريخي وزخمه الاعلامي (اها الناس تقول يا منوووووووووووو) |
تعرف ياكيكى
برغم معطيات الواقع الصعبه والإحباطات المتتاليه , إلا أن الثقه لم تتزحزح
فى أن هذا الشعب قادر على الإختيار الصحيح مهما ظن تجار الدين أنهم أنضجوه على نار الحوجه, ...
الجرح ياكريم نمشى به وهو (ينتح) داخلنا..
| |
|
|
|
|
|
|
|
|
|
Re: كوسو المنار بطريقتكم دي ياهوو الانهار..!! (Re: الجيلى أحمد)
|
| Quote: الجرح ياكريم نمشى به وهو (ينتح) داخلنا |
معاك يا جيلي لازم الناس تمشي وضروري نمشي رغم الاحباطات والمتاريس
لكن لمشي داير ارادة كما الجبال واصرار ونكران ذاات
ورغبة في تغيير الجسم الذي يمشي وضخ فيه مجسات صحية معافية تنظر دوما للمواطن
المسكين لا لكسب حزبي او فئوي او سياسي وفيلكن المكسب السياسي يصب في خانة توطين
حق المواطن اولا واخير...
غير كده يا الجيلي سنصير مثل النعامة التي تدفن راسها في الرمال
ضرور يا الجيلي تفعيل النقد الذاتي وجلد الذات والاحتراق من اجل الوطن
لا من اجل المصلحة الضيقة...
يا الجيلي الوطن اتخرب ونعق فيه البوم ونحنا هنا وهناك لا زلنا في مربعات بعيدة جدا
من مربع الهم الاساسي...
| |
|
|
|
|
|
|
| |
عبدالكريم الامين احمد
Ishraga Mustafa
Emad Abdulla
ASAAD IBRAHIM
الجيلى أحمد
khaleel
فيس بوك
تويتر
انستقرام
يوتيوب
بنتيريست