|
بدون انذار
|
الى شهداء كجبار
الى الذين قضوا وهم يتمسكون بحقهم في ابداء رأيهم . لكم المجد والخلود .
بدون انذار
(1) بدون انذار دورى رصاص الغدر الغاشم في كجبار جثث احرار ودما ... حار ايه كان ذنبك؟؟ كنتا في حالك ناضرة حقولك ورايق بالك تزرع ارضك وتستر عرضك للحبان دايما تتفقد صافي ضميرك وقلبك ابيض الطورية رفيقة دربك ومنجل .. اخضر بالتأكيد .. اتيتم بعدك الحواشه تفيض بالخير الا العسكر فهمم غير كان من حقك تاخد حقك الا اب كاب واقف في دربك عسف العسكر .. ما بخلينا ابد نتقهقر لو كان بيشو 0 او كان جعفر 00 (2) الصادق سالم رفضتا تسالم وين احلامك بالمستقبل؟؟ ووطنا يصبح في حال افضل ووين يا هاشم000 الفجر الحالم؟؟ ثمرك يانع يا مظلوم ليهو تساسق في كل يوم بس من بعدك آه لو تعرف كيف مكلوم (3) يا ود فقير الحال صبح بالجد خطير يحنث رئيس ويحلف وزير بقت البنادق لغة الحوار لو قلتا لا ... يملوكا نار او بس تطاطي وتصبح حوار ليكم تحية يا القلتو لا انتو البقيتو في اعظم جوار (4) بكره الشموس ترجع تطل يغمرنا ضل ويحل نهار بكره الديار يملاها ود وتبقى المحبة اعظم شعار
حاشية
0 عمر البشير 00 جعفر نميري 000 هاشم صديق
|
|
|
|
|
|