فتاح يا عليم رزاق يا كريم احصل اكتب البوست ده قبال بنات ابليس افكاري ما يمشوا لي علم الهدى ادوها موية بتديكم طراوة
ده بوست عشان زي ما بقولوا اهل نجد نبي نوسع صدورنا فبالله تحلوا بالروح الرياضية وساعدونا بالهدوء والموية الباردة
ما يطلبه الساسة من اغاني الريد والحناسة تقدمه المذيعة اللامعة جدا منى خوجلي
ونبدأ بالطلبات مبارك الفاضل المهدي يطلب اغنية الفنان علي السقيد
( عديلو وزين يا عديلو) ويهديها لغازي صلاح الدين وبيقول ليه ما عافي منك لي يوم الدين تصحوني من النوم وتخلعوني جنس الخلعة دي ما دام عارفين من ابريل ما تجو المغرب هسة كان جاني قلب اقول يا منو؟!!!
من يا سرعرمان ، خارج المجلس الوطني بامدرمان يطلب اغنية الفنان ابراهيم عوض ( يا خاين)
ويهديها لغازي سليمان البقى يسرح شعره كمان بالمجلس الوطني النديان
حكومة الانقاذ الوطني تطلب اغنية المرحوم خوجلي عثمان (ما بنختلف)
من يوسف عبد الفتاح ( رامبو) بعد ظهوره المفاجئ بدون احم او دستور ، يطلب اغنية الفنان محمد الامين ( جيناكم يا جبايبنا بعد غربة وشوق) ويهديها لي ناس الحكومة اللكومة
د. محمد حسن والله فتحت شهية الواحد للاهداءات.. غايتو انا نازلة السودان.. والناس هناك بتحتاج للسلام المدعوم.. خاصة في ظل الظروف الراهنة.. وعليه انا حاجزة كمية من الاهداءات ذات (العيار الثقيل) واهديها (لاخوة)لنا.. 1- الواقفون خلف الخطوط يطلبون اغنية ابو لي بي يااللبنة ابو لي بي ويهدونها لاولي الامر.. ويهدونهم كذلك اغنية زولن سمح صورة بالفاتحة بندورا.. ونعاود الكرة قريبا.. ملحوظة: انا مكشنة السنون الكبار ديل في الابتسامة دي.. بس ما عندي خيار تاني..
حليمة
07-16-2007, 10:50 AM
د.محمد حسن د.محمد حسن
تاريخ التسجيل: 09-06-2006
مجموع المشاركات: 15194
سيد مبارك يطلب من سيد اغنية لو حتى بندء من الصفر الريدة لازم تستمر بس تانى ماتبعد شبر انا قلبى من بعدك ندم حاذر تفكر تعتذر صدقنى مافى الحب وزر لوحتى نبدء من الصفر البينا لازم يستمر
07-17-2007, 02:22 PM
د.محمد حسن د.محمد حسن
تاريخ التسجيل: 09-06-2006
مجموع المشاركات: 15194
أغنية الراحل خضر بشير "إيه يا مولاي" خصوصاً الكوبليه بتاع "عسعسـ ـااا الليلو وناما، واكتسى الوادي ظلاما" يهديها تضامن الصحفيين الأحرار للزملاء بـوكالة (SMC) بمناسبة وصف رويتر للوكالة بـ "المقرب من الجهات الأمنية"
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
د.محمد حسن
Ahmed Mohammed Osman
Ashraf el-Halabi
lana mahdi
حليمة محمد عبد الرحمن
محمد أبوالعزائم أبوالريش
Nawal giha
عواطف ادريس اسماعيل
محمد عادل
فيس بوك
تويتر
انستقرام
يوتيوب
بنتيريست