سنين مرت والحال ياهو ذاااتو الحال ... أبوبكر لوحسبت هموم السودان دا أكتر من سبيب الراس عشان كده نص أهل السودان صلعة ، ينقذنا رب العالمين بس . وهدى أناقاطعة تذاكر وحجز مؤكد ومتأخرة 10 أيام بسبب الناقل الوطنى الذى أضاع علينا فرص السفر علي الخطوط الأخرى .. ياله من وطن يشيخ في ريعان الشباب !!!
07-14-2007, 02:22 PM
abubakr abubakr
تاريخ التسجيل: 04-22-2002
مجموع المشاركات: 16044
Quote: وهدى أناقاطعة تذاكر وحجز مؤكد ومتأخرة 10 أيام بسبب الناقل الوطنى الذى أضاع علينا فرص السفر علي الخطوط الأخرى .. ياله من وطن يشيخ في ريعان الشباب !!!
وانا اقول هسع الملكة اخر سلامات هناك في البطانة وانتي في ضيافة الكان " الناقل الوطني"؟؟ اها منو البيدفع ليكم مصاريف العشرة ايام ؟ بعدين هو بقي ناقل كويتي ما وطني ؟ هو مخنا ذاتو صلع ؟
07-14-2007, 02:22 PM
abubakr abubakr
تاريخ التسجيل: 04-22-2002
مجموع المشاركات: 16044
اخي محمود .. الكارثة اكبر واقسي .. مجرد ان تتخيل ان الاف الخيام التي في دارفور ازدادت الاف وربما ملايين اخري بسبب الفيضانات في زمن "الانقاذ" التي فشلت في تنقذ نفسها من ادمان لفشل خلال عقديين من الزمان صرفت فيه البلايين رشوة وفسادا في مشاريع هشة واخري وهمية .. امس رايت احد الشوارع "الانقاذية" وقد انشقت .. الشوارع الاسفلتية لا تنشق عند فيضانات غير مصحوبة باعاصير كالتي اصابت سلطنة عمان اما ان تنشق بسبب فيضان من سوء تصريف فهو دليل سوء تنفيذ واشراف... بم يطفح الشعب السوداني الذي جفت عروقه جوعا ومرضا ؟ انها"الانقاذ" الغرغرينة ؟؟
07-14-2007, 02:37 PM
abubakr abubakr
تاريخ التسجيل: 04-22-2002
مجموع المشاركات: 16044
يادوبك وقفنا صف في حوش مدرسة كوستي الاولية صباح يوم ا-1-1956 واستاذنا عبدالسلام اشر بالعصاية وهات يا "نحن جند الله جند الوطن ......الخ " وصباح 1-1-1957 في استاد عطبرة والمرحوم حسن خليفة العطبراوي " انا سوداني انا " و1-1-1958 في كوستي تاني وفي الفسحة جنب الاسبتالية وحفلة فيها المرحوم ابراهيم عوض "وطني السودان " وسيد خليفة "يا وطني " وعثمان حسين "افديك بالروح " وووو 1-1-1959 في عبكة (من قري مركز حلفا) والخوف كاتلنا لانو قالو السد العالي حيغرق حلفا فالعساكر الجو قبل شهريين ما زي المرحوم عبدالله خليل ومصريين انو حلفا تغرق....!!!
-من ذاكرة كهل عبكاوي( كان طفلا في زمان بعيد) اسمو ابوبكر ( والله كل الفوق دة صح بس غنية عثمان حسين ما بتذكر هي افدييك واللا واحدة تانية " .......................
Quote: من ينقذ من؟؟ سؤال فلسفي عميق وحزين ومؤلم هل نحن بقدر الاجابة عليه؟
يا سودان معليش حكموك ناس الجيش انت ما بتستأهل تكون كده (انت ما بتستاهل الحظ/الظلم دا) ****** انت كنت زراعة الليلة فيك مجاعة ****** ياسودان من وين لي وين الحالة دي حتدوم لمتين ديل حكامك سووا الشين ****** يا سودان الحب تلقاه ويوما يا حبيب اولادك يرجعوا ليك من الغربة
سلامات المهندس ابوبكر. بالرغم من دقة الوصف وجمال كلمات الاغنية، لكن ما عارف عندي احساس بان هذه الابيات لم تكتمل بعد، فالرجاء من كاتب هذه الكلمات اضافة المزيد حتى تصبح ملحمة ثورية. التحية للمبدعة رشا شيخ الدين.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
abubakr
سلمى الشيخ سلامة
محمود الدقم
فيس بوك
تويتر
انستقرام
يوتيوب
بنتيريست