|
|
 أسأل عن إبننا ( الفاضل يسن عمر ) فى شيكاغو - لم نسمع عنه من شهر
|
السلام عليكم ورحمة الله وبركاته
إبن أختى الفاضل يسن عمر أحمد فى الولايات المتحدة وفى شيكاغو بالذات
لم يتصل ولم نسمع عنه من شهر ونتصل به ولا مجيب
أرجو المساعدة فى من يعرف عنه
وهو مطلع على سودانيزأون لاين
فأرجو منه أن يتصل بى شخصيا على تلفونى
0099626323862 جدة
ومن يجد عنه معلومة أن يتصل بى أو يكتب فى البوست دا أو مسنجر
وشكرا للجميع
صديق ضرار
|
|
 
|
|
|
|
|
|
|
|
Re: أسأل عن إبننا ( الفاضل يسن عمر ) فى شيكاغو - لم نسمع عنه من شهر (Re: siddieg derar)
|
ياما إنت حنين ياخال
ان شاءالله ود اختك سالم غانم وللدولار لامم
شهر دا ياخال ولا اي حاجه في امريكا لو ما اتصل سنة سنتين بعد داك اشفق
عليه فبلدنادى صعبة شديد و مرات الشهر دا يمر عليك الزول الساكن معاك في البيت ماتشوفوا..هسه انا والله 3 شهور مالاقي طريقة (احلق راسي ) فياسيدى
الله لايرميكا في امريكا وفي مقوله ارددها دائما :امريكا الويل توريكا
فيا سيدي ما تشيل هم تلقي اخونا مشغول حبتين وإن شاءالله نسال ليك معارفنا في شيكاغو عنه وربنا يطمنكم عليه
مع ودى
| |
|
|
|
|
|
|
|
|
|
Re: أسأل عن إبننا ( الفاضل يسن عمر ) فى شيكاغو - لم نسمع عنه من شهر (Re: siddieg derar)
|
أخانا معتصم
سلامات يافرجينيا
والله أنا شفقت لمن يوم بسأل عنه قالوا هو مرات كدا
لكن يامعتصم زمان لمن إتعينت وأنا مدرس صغير بعيد من أهلى مرات كدا
صهينت شوية عن الكتابة لأبوى
قام كتب جواب قال فيه : أتحسب أنك بعيد عنى
والله لآتين بك وأحزمك حزم السلمة وأضربنك ضرب غرائب الإبل
حتى يقضى الله بسجن أحدنا والآخر فى المشفى ألم تدرى بالهرة التى أكلت بنيها
قمت يا معتصم خفت ليك خوفة طوالى مشيت الهاتف – زمان إسمه الكول بوكس
ودى يعرفوها نا سود قاسم وملاسى – بس أكيد الموصلى ما حاضرها _
المهم مشيت إتصلت بعد ساعتين واللا أكتر إنتظار وتحدثت معه فقال :
خلاص مسامحنك .
فإنتو يامعتصم فى هذه الغربة البعيدة وأهلكم أكيد لا ينامون لا ليلا ولا نهارا
أعادكم الله من غربتكم .
ولا أحب أن أسوق لشىء كتبته وهو آخر شىء وفيه
وأنا أذكركم ومنكم هشام هبانى ، الموصلى ، ترجى ، عالية عوض الكريم،
دكتور أبو آمنة ، أخى سليمان ، محمد زين ، هاشم بدرالدين ، يحى فضل الله وكثير وكثير
ذكرتكم ودمعت عليكم وأنتم فى غربة الصقيع ، حتى ولو كنتم فى جنوب أمريكا
فاسألوا عن أهاليكم وطمئنوهم يا أبنائنا ، ولا رحم الله من شردكم
أم من حبب بلدا آخر إليكم سوى بلدكم ولتعذرونى
يأتى النساء الأمهات إلى مدار ساح * * القصر يسألن عن بعض الرجال الغائبين
قد هاجروا نحو الشمال وكان البحر * * يرمى بهم إلى مدن الصقيع مشردين
متلفعين ثبات مبدأهم وأخلاقا لهم قد * * أُورِثوها ويشدهم لديارهم دفق الحنين
يأتى الأمهات ويفترشن بساط ساح * * القصر وتجلس الشابات فى صمت رزين
يجلسن فى ظل الضحى يصنعن قهـــوتهن ويدرن هذا البيت فى رفق ولين
هذا حدث
ويا أختى ترجى كيف أنت وآمنة بخير وتسلم عليك كتير
أخوكم صديق ضرار
| |
|
|
|
|
|
|
|
|
|
Re: أسأل عن إبننا ( الفاضل يسن عمر ) فى شيكاغو - لم نسمع عنه من شهر (Re: siddieg derar)
|
الحمد لله لقد وصل منه إى ميل لأخته منال
وخالته قالت لى كويس كدا فضحته عشان تانى ما يقطع أخباره وشكرا لكم جميعا
أخونا الفاضل شيخ العرب معتصم مصطفى الجبلابى
وتراجى مصطفى الأخت المناضلة
وعادل عبد العاطى الأخ العزيز وعودا حميدا ياعادل والحمد لله النشاط والفكر موجود
دمت لأخوانك
وغادة بنت عبد العزيز خالد صاحبى والرجل القامة
وياغادة : فضايلو
جهجه الناس بى عمايلو
وكنت قايلو
مرة يسأل عن منايلو ( ودا إسم دلع أخته منال )
شكرا للجميع
صديق ضرار
| |
|
|
|
|
|
|
| |
معتصم مصطفي الجبلابي
Tragie Mustafa
Abdel Aati
غادة عبدالعزيز خالد
فيس بوك
تويتر
انستقرام
يوتيوب
بنتيريست