كتب الكاتب الفاتح جبرا المتوفرة بمعرض الدوحة
|
|
 مابنمشي لناس ما بجونا؟!
|
يحيرني دائم ما يشبه المقاطعة لما اكتب ممن اعدهم اصدقاء حرف و فكر و موقف، و قد اعياني البحث عن السبب وراء ذلك. فعندما التقيهم في كتاباتهم يتبين مقدار التقارب في الاراء و المواقف بيني و بينهم و عندما ابتدر امراَ ذا صلة بالهم المشترك لا اجدهم في رحابي فهل هذا نوع من عتب لذنب اغترفته في حقهم و خفي عني؟. هناك من الذين اعنيهم لم يحدث ان تكرموا علي بزيارة واحدة موثقة برد مكتوب منذ التحاقي. الكلام دا مافيه اي جرسة او استدرار عطف لكني احمل قناعة باننا هنا للتواصل الانساني و الحوار حول اهتماماتنا و همومناو انا يعمل بهذه القناعة في تعاملي مع ما يطرح بدون حسابات او تكتيكات اعتقد ان البعض يعمل بها محاباة او مجاملة او عصبية او .. يتمثل لي الاعراض عن كتاباتي كمن يكن في جمع من الناس و لا يعار قوله اهتماماَ و كأنه يتحدث الي نفسي و انه كسقط ليس لحضوره وقعاَ و لا لغيابه فقداَ فهل هذه قيمتي عندكم و انا اظن غير ذلك كمحب لهذا الوطن و لكل ما و من له به اي صلة؟..
كتبت كثيراَ عن ضرورة بقاء من يتسرب الي نفسه شئ من يأس لسبب او اخر يلحق به علي جنبات هذا المكان و كما ان عدائي لليأس و الاحباط معلاَ و انا باقي علي ذلك مهما عصفت الدواهي لان صاحب القضية مات او ذهبت عزيمته و ضاع امله اذا ما فقد القدرة علي التمسك بالامل و التفاؤل في الظروف الحالكة. من يتحرج من الزملاء من ابداء رأي مخالف لي في اي امر او قول او نية فعل ان لا يفعل و ليؤمن بأن صدري رحب لدرجة تحيرني انا شخصياَ في كثير من الاحيان فلا خشية علي من حدة قول فلكم في القلب مواطن لا تبلي و ان بليت...
افيدوني عشان ما اري نفسي بعينكم
و اعرفها بافهامك
و العاقبة عندكم في المسرات
علاءالدين نصار
|
|
 
|
|
|
|
|
|
|
 Re: مابنمشي لناس ما بجونا؟! (Re: نصار)
|
انا غيتو اتهورت و استبشرت فيكم خير في ان تدوني عيوبي
و استحلفكم بالله ان لا تتسم مداخلاتكم بالمطايبة و المجاملة
فاني اريد ان اعرف موقع اقدام
و اطمئنوا بانه كما يقول المثل الما بكتلك بقويك
و مافي كلمة كتلت من قيلت له او في حقه
اضربوا بيد من حديد
| |
|
|
|
|
|
|
|
|
|
Re: مابنمشي لناس ما بجونا؟! (Re: نصار)
|
بوست جميل.. وكتير ما كنت بفكر في السبب البخلي ناس تفتكرهم ناسك مايجو بتحاوروا معاك..
وبالنسبه لي الوضع كالآتي..
أولا مرات أنا بكون عايزه أجيك في البوست علي سبيل المثال..
اقوم اللحظه الأشوف فيها البوست أكون ما قادره ادخل..ليه؟
ممكن المود بتاعني في لحظتها ما جايه مع مود البوست..
الموضوع ما متمكنه منه وماعايزه اجي جيه ما عندها معني..
أو آخر مداخله في البوست تكون معكننه وماعايزه اجي بي وراها..
شفت كيف؟؟
ويوم تنسي وتنشغل..
ومرات البوست ذاته تلقاه راح وتنشغل انت بعد داك في بلاوي تانيه وخلاص!
وليك حق ماتمشي لناس مابيجوك ..وتلبد ليهم في المسرات..لكن كمان ما واحده بواحده..سمح؟
تسلم نصار..
| |
|
|
|
|
|
|
|
|
|
Re: مابنمشي لناس ما بجونا؟! (Re: Muna Khugali)
|
العزيزة مني
انا متأكد انه الشعور دا عند ناس كتار و بكون لسان حالهم بقول الصقر ان وقع كتر البتابت عيب و علي كدا يا كسحو و خسرناهم يا بقوا شايلين في خاطرهم و حاصرين مشاركاتهم في الشديد القوي.. اها انا الليلة فتيتو و يمكن نفيد اصحاب المشاعر الرقيقة بما يكتب في هذا المنحي.. ابيتي تتقلي علي بقوم انا اشيل وش القباحة و اقول ليك الحديث ما عن مرات و بعد شوية بذكر اسماء عديل كدا لناس ما بجونا و الزارعا الله تقوم في الحجر.. مني انا بتحدث عن ما يبدو لي كمواقف قصدية اما الحالات الذكرتيه دي لمان انا اجد بوست موضوعه عجبني علي الاقل برفعه بوعد العودة و بحرص علي الايفاء بالوعد. اسع في بوستات خزنا بكري في المطمورة بتاعة الربع الفات ناوي اجيبا بوصلات لانه عندي شئ اقوله فيها.. حاجة ما جميلة انه الواحد يتلفت كدا يلقي بوستاته حتلت في اسفل سافلين، الواحد يتحزم و يغتس وراها يجيبا مرة و مرتين بعد داك الواحد يستحي من فرضها علي ناس لا يهتموا بها.. بسمع عن اتصالات هاتفية و مسنجرات و غيرها من حملات العلاقات العامة لكن عن نفسي افضل التعامل علي المكشوف و الساحة العامة دي قادرة و كافية جداَ لتواصل بلاحدود، في دي يمكن اكون غلطان و اني اتجاهل طبائع بشرية لكن لا يعني تصرفي و تفضيلات جفاء او اي نوع من البرود الاجتماع بل بالعكس اري في ذلك توزيع عادل للحب و الاخاء علي رؤوس الاشهاد..
تسلمي
و قلتي لي العر متين و الطمباري منو؟؟
| |
|
|
|
|
|
|
|
|
|
Re: مابنمشي لناس ما بجونا؟! (Re: هشام مدنى)
|
العزيز هشام مدني
اعرف ودك الذي يضاهي ودي لك و فرح بذلك. و علي هذه الارضة و كما قيل ان اصدق النقد ما اتي عن حب اتمني ان تستفيض في نصحي و ارشادي...
كن بخير دائماَ
و من تحب
| |
|
|
|
|
|
|
|
|
|
Re: مابنمشي لناس ما بجونا؟! (Re: نصار)
|
الأخ نصـار:
أنا هسي جيت طيران افتكرت الحكاية طرب 
لكن الموضوع يستحق التعليق..
في اعتقادي , ربما يتجنب الشخص المشاركة في موضوع ما للأسباب التالية:
-أن الموضوع ليس من اهتماماته.
-أنه لن يضيف جديد بمشاركته.
-أن الموضوع يخالف اعتقاداته(سياسياً, دينياً و ربما عرقياً) ولا يريد الدخول في جدال و صراع مع المتداخلين.
-الأنشغال, النسيان و الكسل أحياناً.
-غرق البوست في الخـور .
| |
|
|
|
|
|
|
|
|
|
Re: مابنمشي لناس ما بجونا؟! (Re: Alsa7afa_30)
|
العزيز الصحافة
بارك الله في العنوان الجابك
و بارك الله في الكتبت
يا زول كفانا الله شر الخور
طبعاَ ان يصادف الموضوع اهتمام احدنا دا (مهم) للتفاع معاه
اما في امر الاعتقادات اوافقك ان البحث عن (الشبك) ما حبابه لكن اعتقد من قراءتنا لكتابات بعضنا بنكون كونا ملامح بعضنا الفكرية و شكل الخلاف مع كل واحد بكون كيف. منو البختلف مع الاخر بوعي و احترام و منو البتفلت و يهرج و يناطح.. الشي البهمني اننا ندير حوار مفيد في اي جانب يهمنا و نبعد كل الاعتبارات الا الاصل في عملية التثاقف و التلافح الفكري و المفاهيمي.. سودانيس اونلاين حققت الكثير و يمكنها بالمتاح لها ان تضاعف النجاحات و تحقيق النفع مرات عدة...
شرف كتير
| |
|
|
|
|
|
|
|
|
|
Re: مابنمشي لناس ما بجونا؟! (Re: نصار)
|
| Quote: الشي البهمني اننا ندير حوار مفيد في اي جانب يهمنا و نبعد كل الاعتبارات الا الاصل في عملية التثاقف و التلافح الفكري و المفاهيمي.. سودانيس اونلاين حققت الكثير و يمكنها بالمتاح لها ان تضاعف النجاحات و تحقيق النفع مرات عدة... |
بـس ميـن يسمــع!!!
سودانيز اونلاين أصبح في مقدمة المواقع السودانية (إن لم يكن في الريادة) , لذلك يجب أن يعكس أعضاؤه الوجه المشـرق للسودان أولاً و لبيئتهم و أسرهم ثانياً.. كمايجب أن يجري الحوار و النقاش في اطار الذوق و الأخلاق و عدم التجريح و الإساءة المباشـرة أو المغلفـة!!
| |
|
|
|
|
|
|
|
|
|
Re: مابنمشي لناس ما بجونا؟! (Re: نصار)
|
إضربوا بيد من حديد 
قُـتـّا كدِي يا نصــّار ..!
أولاً بالتبادي، لا أظنها المرة الأولى التى تطرح فيها مثل هذا الانطراح !وما عليك إلاّ ان تستكشف أوّلاً ، ماإذا كان هناك " طوارد " في ما تكتب من موضوعات ، وبمعنى آخر، لابد ان تتأكـّد من توفـّر بعض المُشـَـهـِّيات للحديث ؛أوَ ما قرأتَ أنّ بشـّار بن بُرد ، إمام المحدّثين في الشعر - كما يصفونه - قد مدح إحدى معارفِه بقوله:
ربابة ربّة البيتِ ، تصـبُّ الخلّ في الزيتِ ..
لها عـشـرُ دجاجاتٍ ، وديكٌ حسـُـن الصــوت..
فانبسطتْ [وقيل: عشـّته بالديك ظاطو ] وهذه التتمة - خلا الانبساط- فهيَ من عندي!
فقد وقع الشعر في " خاطرها" أبلغ من أقوال فحول الشعراء في " خاطر" إبن سـلاّم الجُمَحي!
من أمثال : قِفا نبكِ من ذكرى حبيب ومنزل .. بسقط اللوى بين الدخول فحومَلِ ..
لامرئ القيس ..
وهذا مفتتح معلـّقته ، والتى جاء فيها بذكرِ " دارة جُلجـُلِ " ..
ألا ربّ يوم لك منهـنّ صالحٌ ،، ولا سيـّما يوماً بدارة جـُـلـجُلِ ..
ويوم نحرتُ للعذارى مطيـّتي ،، فوا عجباً من كورِها المتحمـِّل
ويومَ دخلتُ الخِدرَ، خدرَ عُنَـيزةٍ !! فقالت لكَ الويلاتُ ......إلخ إلخ ...
لاأعني بالطبع، أنّ هناك " ربابات " بظهرانينا على سـوح هذا المنتدى ، بل قصدي - دون احتمال أيِّ تأويل ، في رأيِّ - يذهب تلقائياً نحو " التناسب ، أو التوافق بين الاطروحة والمُفتَرضين بأن تجد لديهم وقعاً .. وهناك "ثيمات" يكون لها فوائدها بعض الأحيان ، ولا ينوجد لها حظ التقاء حسُن في كل الأوقات ، تلك ال" ثيمات " التى تنطوي على جانب كبير من الوعظ السياسي الذي يُعرِّف المُـعـّرَّف ، والتى تستعجل النتائج ، والتى تفترض حُسن التفهـّم ما دام توفـّر المورِد، والتى لا تضع في الحسبان المثل الصيني " قد تستطيع أن تأخذ البقرة الى النهر ، ولكنـّك لاتستطيع أن تقسرها على الشـِّرْب! ] ..
تاني هام ،، تُـتـَـطـلـَّب (!) كذلك، ضرورة نوع الكتابة وموافقتها للمُفتَرَضين لقراءتها ، ويجمُل ان يوضع حساب أعذار للتواصل والمتواصلين ،ففي كثير من الأحيان، قد يكون الواحد فيهم أو الواحدة Exhausted & or full Absorbed فضلاً عن الــ Mood
غير المواتئ .. وبالتالي، لابد من الرّضا ، بما يجود به الظرف التداخلي .. وقد يحبـّذ كثيرٌ من الكُـتـّاب طول البوستات التى تزيد عن عشرة صفحات " أمتار " بينما يكون الأفضل في الأقصر والأوجز ، والذي يجيب تمنو دون ان تزداد امتار ساكوبيســه ..
تالت هام ،، كأنّك بكتابتك لهذا الموضوع ،تجهل القدر الكبير من المعزّة التى يحفظها لك الكثيرون بهذا الموقع ..؟!فأنتَ ، في رأيِّ، والكثيرين، كما أعتقد، من المقبولين حضوراً وكتابةً وحديثاً وصداقة ، لأنّك ظاهر الإخلاص ، ولك جانب من الصراحة مع النفس ، كبير ..
رابع هام ،، .... خليهو للمرة الجايه ..
بالطبع، أنت هاهنا لم تطلب الناس " من طرف " أن يأتوك ، من حيث انّك خصـّـصـت مَن تـعدّهم اصدقاء حرف و فكر و موقف ؛ وهذا تقييد حميد لدالّة المشكل ، على الأقل في اتاحته " دلالة " قد تقترب من الصاح في مَـنْ بالتحديد " تتوقّعهم مجيئهم " ..
مع ذلك، فإنّ في توقـّع " غير اصدقاء الحرف والفكر والموقف " - وهو قد يحدث كثيراً في المنتديات - دالـّة سـِـعة في التوفـّر على نبش وبحث وتقويم كافة جوانب المناشط ..
-------------
" ما بنمشي لي ناس ما بيجونا ، للقلعة رجعوا " يفـلــّعونا " بدل يعذّبونا .. وهذا الشطر الشعري الغنائي، فيه من الكثافة ، ما يجعله لُبانة كل لسان ، وعلكة كل خاطر ؛ وكم في الخواطر من حديث ، وعلى الألسنة أقفالها .. أقلـّه أنّ جروح اللسان ، صعيبة البريان .
----
التحية لكَ ، وللأخت العزيزة/ منى خوجلي * ، وقد قرأتُ لها كتابات طريفة في بوست لها بعنوان " لحظة من فضلك " .. وغلبني التداخل حينها ، لأسبابٍ من جنس الشواغل المذكورة في مداخلتها ومداخلتي هذي .. فهل ياتُرى فرزتني كما تفرِز هنا يا عزيزي نصـّار بين الموافقين لك في الفكر والموقف والصداقة من جانب ، وبقية البُـعَـداء من الجانب الآخر؟ .. إن فَـعـَلتْ ، فقد يحزنني هذا .. ولكنـّي ســُـأصحـِّح تقصيري ..
---------------------------
هذه المداخلة تالية لمداخلة الاخت مُنى ، وقد تشعبطـتُّ في مداخلة نصـّار ، حتى أُراجع بعض عبارات مداخلتي بناءاً على رَويِّ نصـّار ، مااستطعتُ الى ذلك ســبيلا ..
| |
|
|
|
|
|
|
|
|
|
Re: مابنمشي لناس ما بجونا؟! (Re: محمد أبوجودة)
|
العزيز ود ابوجودة
ايوه فاليكن الضرب بلا هوادة و انا البي كله هين
انا خايف علي الديك اذا ما ذبح فمن يوقظنا عند بلوغ المقصودان جاد الزمان علينا.. يتخيل لي انه اذا ما غلب علي قول او كتاباتك (في حالتنا هذه)، اذا ما غلب صفة بعينها يتم تأطيرك فيها بلا مواربة (قصة بلا مواربة دي تعمدتها علشان احكي ليك قصة طريفة. في سهرة تلفزيونية كان الضيوف منتسبي رابطة اقليمية باحد الجامعات، المذيع اتاح الفرصة لاحد مسؤولي الرابطة علشان يتحدث عن نشاطاتهم، الراجل سرد اعمالهم و نوه لنشاط قريب و انتهز الفرصة لتقديم دعوة عامة للحضور قائلاَ: ندعوا الجميع بلا مواربة).. بتصور اني بنكت و اتلطف لكن لا يعار هذا الجانب اهتماماَ اما لانه البعض جابا من قصيرة و اصبح لا (يوارب بابي) او انهم تزحمهم ما ترافق الطرفة من شدهات لا اتعمده..
بجيك راجع فانت تعلم كم يفتني حرفك و يعجزني..
| |
|
|
|
|
|
|
|
|
|
Re: مابنمشي لناس ما بجونا؟! (Re: نصار)
|
تعرف يانصار.... كتابتك دائما ما تكون عصارة محكمة ومكثفة بحيث
يشعر من يتناغم مع ما تطرح أنك عبرت عنه تماما وأنه لايمكن أن يضيف شئيا...
ويشعر بعض من يخالفك الرأي بأ نه قد يهبل نفسه ويمرمط نفسه أذا تصادم
معك.... !!!ويتهيب البعض التداخل أحتراما وبعضهم وجلا...
ويتجنب بعض هواة الاثارة والاسفاف والعك والتلاسن مثل خيوطك لأنها
بعيدة عن مبتغاهم ومافيها شتائم وشيل حال ومصارعة حرة.....
كما تلاحظ أن البعض مناكثيرا ما يثير قضايا جيدة ويطرح أهداف نبيلة
ولكن بأسلوب متهافت وبأنفعال مما يجعل الاخر يصرعه من نقطة ضعفه
هذه مما يغيب الموضوعي والجوهري ويبرز الشكلي والقشرة أو الاسلوب\
,,,أما أنت فتجود الفكرة والجوهر والاهداف بقدر رزانة ورصانة الاسلوب
وأحترام أسس الحوار بحيث لاتترك ثغرة تؤتي منها مما يجعل الجماعة
أياهم يكتفون بالمتاوقة والرجوع ...
كمال عباس
| |
|
|
|
|
|
|
|
|
|
Re: مابنمشي لناس ما بجونا؟! (Re: kamalabas)
|
العزيز كيمو
تسلم يا حبيب فقد اجدت في توصيف مشاركاتك انت و يشهد علي ذلك البورد اعضاء و زوار و اما ان تقاسمني في ذلك فهو شرف عظيم اشكرك عليه و اعدك ان اتفانا في ان استحقه.. متاوقة الجماعة بوافقك عليها حتي يثبتوا العكس نتذكر تسخين الساحة لكن هم فضل عندهم شي يقولوهوا؟ كان شايلاهم نشوة السلطة و اغواءها و الان شايلين الهم!!. الباقي عليهم دي يهد الجبال خلي بالك خليك من الكيزان.. اطراءك العظيم دا بقدر ما اثلج صدري ارهبني و اخشي ان يظن البعض اني تسقطه حتي الحظوا به.. يعني يختوني في محل واحد قريبنا اهله كانوا ممسكنوا محلاتهم التجارية في الجنوب حب يعرف مكانته عند الناس قام رسل برقية بانه اتوفي و علي طول ركب نزل البلد عشان يشوف حرورية البكا و فعلاَ لقي الدنية مقلوبة و انت عارف لمان الصايح يبلغ الله لا جاب يوم شكرك..
| |
|
|
|
|
|
|
|
|
|
Re: مابنمشي لناس ما بجونا؟! (Re: نصار)
|
عزيزي نصــّـار ،،
ســلامات ،، تاني ..
تقول: | Quote: ابيتي تتقلي علي بقوم انا اشيل وش القباحة و اقول ليك الحديث ما عن مرات و بعد شوية بذكر اسماء عديل كدا لناس ما بجونا و الزارعا الله تقوم في الحجر.. مني انا بتحدث عن ما يبدو لي كمواقف قصدية |
بدلاً عن ذِكر أي اسماء ، أفضـِّل أن تـخـُـتْ اللوم على نفسك ، وإن استعصى، فما عليك
إلاّ أن تخاطب تلك الأسماء متسائلاً بأي طريقةٍ أخرى ! على سبيل الإشعار قبل الإشهار ..
فالأمر الذي يبدو لكَ كأنّه " مواقف قصدية " قد لايتـّفق معك فيه المعنـيـّون ..
خُلاصة أوليـّة ،،،
أنتَ رجلٌ على جانب كبير من الوضوح والصراحة ، وهذه ميـزة حميدة ، وللصراحة ضرائبها ، كما أنّ مواقفك الرؤيوية متـّسـقة مع ذلك الوضوح ، ومخدومة بشكل طيـِّب في عقلك ..
بس ده ما بخلـِّيك تفترض مشابهة " كل الأصدقاء" لخلالك .. فالأصابع لاتتشابه برغم منبتها الواحد ومنهلها "سـيم سيم صديق"
مودتي،،
| |
|
|
|
|
|
|
|
|
|
Re: مابنمشي لناس ما بجونا؟! (Re: نصار)
|
شدنى العنوان لانه عنوان لاغنية احببتها دوما لانى عشت فى القلعة لفترة من حياتى القلعة التى حوت (بدور القلعة )
لكنى وجدتك ترمى الى (قلعة اخرى )
جيتك ، كيف لقيتنا ؟
ياخ الزووووول بكتب (دا زول تمتام) لمن تكتب ما تهتم(للايام ) اكتب ما يعن لك وسنقراؤك وسندخل اليك لانك زول كتاب
ما تزعل (لو غلطت عليك فى كلام ) او كما قال احد الفنانين
مودتى
| |
|
|
|
|
|
|
|
|
|
Re: مابنمشي لناس ما بجونا؟! (Re: سلمى الشيخ سلامة)
|
او كما قالة كل (الفنانين) ام عازة
العزيز سلمي الشيخ سلامة
نعم الايام ظروف و تعدي لكن الظرف النحنا فيهو دا ما داير يعدي مالو؟؟ اللهم اجعله خير.. تعرفي انا باقي القدرة علي الزعل جعلتها حصراَ علي من عصفوا بنا في المنافي و هو زاتو ما بحوق فيهم و كل من سواهم احبة و شركاء هم و اشقاء روح و وطن..
ودي و تقديري
| |
|
|
|
|
|
|
|
|
|
Re: مابنمشي لناس ما بجونا؟! (Re: عاطف عمر)
|
المرهف جدا : نصار
زحمة من الحب والتقدير والاحترام لشخصك الكريم.
المختصر المفيد :
الكلام التحت ده كنت كتبتو في بوست سابق في الخمسينات سنة واحد واربعين كده!!!
فتشتو ليك مخصوص لقيتو في صفحة خرطمية وكم كده ما عارف !!!!!!!
المهم الكلام ده ما في زول هنا حيقولو ليك , لانو الناس مربوطة بي سلسة بتاعة شلليات
ومجاملات لا فكاك منها...... وشخصي الضعيف ما في زول هنا طالبني حاجة أو جميلة عشان كده
أختها ليك علي بلاطة.
انت انسان حساس , عشان كده نصيحة أخوية : المنبر ما تديهو أكتر من حجمو الطبيعي , يعني خليهو
في مؤخرة مؤخرة اهتماماتك....... كفاية كده وأخليك تقرا باقي الكلام ( أقصد البري)
Quote: احصائيات ومفارقات غريبة في البورد (Re: jini)
معتصم , هبة , أبوبكر , شهاب عثمان, الولد الطيب وجني
منورين والله , الليلة عايز أرجع بيكم لي أيامي لما كنت قارئ الكلام ده في الخمسينات
سنة واحد وأربعين كده !!! المهم الكلام جاب الكلام والبورد ده قلت ليكم كلما مرة بذكرني
حاجة , وبمناسبة الاحصائية بتاعة البوست ده , ذكرني بالجماعة البيبيعو في السوق ويكوركو
لي بضاعهتم , في ناس كتابين جدا ومتميزين وموضوعهم يقعد في الصفحة الأولي لمن يعفن زول
يشتغل بيهو مافي , وفي نفس الوقت تلقي في واحدة فاتحة ليك موضوع بتاع قطيعة عديييييييل
كده , الأمة دي يا كافي البلا تتجاري ,الأعمي شايل المكسر وهاك يا رشاقة وهاك يا اشراقة ,
وخفة دم وظرافة مصطنعة لمن تخليك تحتار , وست البوست توزع في البسمات والمجاملات يمين وشمال
وقايلة البوست بتاعها شرط عديل والناس دي معجبة بقدراتها البلاغية !!!! وزولنا بتاع البوست الجميل
قاعد جنب باب البوست بتاعو ينش في الضبان , ويكورك بي طول حسو , علينا جااااي الليلة بي مية وخمسين
... جبنا بالطيارة وبعنا بالخسارة , جرب وما حتندم , بوست مظبط يااا فيهو صور ومجلات وفيديو ياااااا, ايوا جااااااي,
تقوم تجي واحدة من عقلاء المنبر غالبا تكون (...........) النقط دي عشان كل واحدة تفتكر دي هي المقصودة
تقول ليه : يا ولدي والله بوستينك ده سمح بالحيل عيلا الناس دي ما بتجيك بي أخوي وأخوك, نصيحة لي الله , أكان داير الناس دي
تجي علي بوستينك ده , جيب ليك بينة سميحة وقفها في خشم باب البوست بتاعك, عليك أمان الله الناس دي تجيك لمن تقول الروب من الزحمة,
يا أخوانا في بوست في الصفحات الورا بتاع العضو هشام آدم , قمة في الروعة , عليكمالله خشو عليهو ولا كمان يا هشام
أعمل بالنظرية أعلاه عشان تآمن.
سؤال قبل الطبظة : تفتكرو الزول البكتب كلام جميل وما في زول بشتغل بيهو احساسو بكون شنو ؟؟ وشايف البوستات الهايفة سوقها حاأأأأر؟؟
عرزة وطبزة : صحي كهف !!!!
|
| |
|
|
|
|
|
|
|
|
|
Re: مابنمشي لناس ما بجونا؟! (Re: Mohamed Abdelmotalib Hassan)
|
العزيز محمد عبدالمطلب
هو يمكن في شوية حساسية خلي بالك،، لكن حكيم سيد الابرة دواي ما خبرا
بالتأكيد المنبر لا يشغل همي لكن طالما اننا نكتف فيه يجب ان نوليه شي من همنا حتي لا تكون كتابتنا زي حكاية الفن للفن و دي طبعاَ حالة عبسية.. موش؟.. في ناس الله اداهم القبول (موش بتاع الوست) و نحنا علينا ان نساعد يسن بجكة و يمكن يصادفنا حظ المجتهد.. المسألة انه الواحد لما يطرح فكرة يهمه انه تصل للناس و يكون افضل لو عرف دا مختصر العوة دي كلها.. يا عزيزي برقم الدمامل البطفح في جسم سودانيز اونلاين الا انها وسيلة اعلامية بالغة الاهمية بداية بالعلاقات الشخصية و الجانب الاعلامي و التثقيفي و قد تيسر لها بفضل الله و عبده بكري في وقت تفرقنا فيه ايدي سبأ و غشيت فيه بلادنا الدواهي و هي تمر الان بمخاض عسير و تحتاج عون و سند و رأي و عمل كل ابناءها و بناتها اولي العزم..
تشكرات
| |
|
|
|
|
|
|
|
|
|
Re: مابنمشي لناس ما بجونا؟! (Re: عاطف عمر)
|
العزيز عاطف عمر
الحاصل اني وهبت نفس مثالاَ لاتاحة الفرصة لمناقشة الظاهرة و هذا لم يكن سهلاَ علي الا اني اثق في فهوم الناس او غالبيتهم علشان كدا غسلت وشي بمرقة و فعلتها.. كل من ذكرتهم مجدون و جادون و اتمني ان لا تتجاوز عن كتابة البوست الذي عن لك فنحن هنا نتعامل مع وسيلة جديدة علينا نأتيها بفهمنا للمنابر الاعلامية و تلك الحوارية التقليدية البتكون محددة بمكان و زمان و مشاركين و جمهور.. ودي ورطة فاذا كنت تكتب في صحيفة لا تنتظر تفاعل كما انك تحرص علي كتابة مجملة الفكرة و لا تحتاج او لا تتمكن من اسناده الا نادراَ اذا ما كاتبك القراء او ناقشك المهتمون.. و هنا نسعي لتوصيل الفكرة و نعشم في تمامها بما يضيفه لهاالاخرون او يصوبونها او يعلنون الرأي حولها قبولاَ او رفضاَ الخ.. انا حين اكتب ابحث عن نصف رأي الذي هو عند اخي و اذا لم اجده اظن انه قد ضن به علي اذا لم يعلن غير ذلك...
| |
|
|
|
|
|
|
|
|
|
Re: مابنمشي لناس ما بجونا؟! (Re: د.محمد حسن)
|
نصار ياقريبنا
طبعا هذا البوست لايعنينا فى شى
وحتى لو كان .. فلم يبقى فينا مايحزن
لكن دا مابمنع ان نتواجد مع ضيوفك الكرام وبالمره نكسر ليك التلجتين ديل:
يااخوي انت غير شكل .. واحد اعمدة التوازن فى وحل الخيبة والقناعات المهشمة
فارفق بنفسك واقرانا صاح
الود مقيم ومفرخ
| |
|
|
|
|
|
|
|
|
|
Re: مابنمشي لناس ما بجونا؟! (Re: dabeep)
|
العزيز دبيب
اي ريح طيب اتي بك يا رجل مليان ابداع و مقفل عليه
ليه كدا يا صديقي شوف احزان غيرك تهون عليك احزانك اللهية في اغلبها احزاننا جميعاَ لكنها لن تتغلب علينا مهما كان امرها.. و الموضوع يعنيك خالص خالص فلماذا كل هذا الغياب..
بالله ما تقطعك الطلة
و ربنا ييسر لك كل عسير
| |
|
|
|
|
|
|
|
|
|
Re: مابنمشي لناس ما بجونا؟! (Re: نصار)
|
Dear Nasar
I usually read all your posts without any comment from my side ! do you know why.
Cause your thoughts and writings are always perfect so I find my self have nothing to add or have no comment
the only comment now is just keep it up dear you are one of my favorite writers here
God bless you Nasar
Asaad
| |
|
|
|
|
|
|
|
|
|
Re: مابنمشي لناس ما بجونا؟! (Re: ASAAD IBRAHIM)
|
العزيز اسعد
اسعدك الله بقدر هذا الثناء العظيم الذي غمرتني به و رجل شجاعك العقل
كما قال الشاعر
اني رايت شجعان القلوب كثير
لكن شجعان العقول قلـــيل
و بقولك و قول الاصدقاء الذين سبقوك اعلاه
سوف اسعي للتغلب علي الصعوبة التي اجدها في نفسي حينما اطر للكتابة لوحدي في بوستاتي اكثر من مرة دون مداخلة من الاخرين..
تسلم يا زوق
| |
|
|
|
|
|
|
|
|
|
Re: مابنمشي لناس ما بجونا؟! (Re: ASAAD IBRAHIM)
|
العزيز اسعد
اسعدك الله بقدر هذا الثناء العظيم الذي غمرتني به و رجل شجاعك العقل
كما قال الشاعر
اني رايت شجعان القلوب كثير
لكن شجعان العقول قلـــيل
و بقولك و قول الاصدقاء الذين سبقوك اعلاه
سوف اسعي للتغلب علي الصعوبة التي اجدها في نفسي حينما اطر للكتابة لوحدي في بوستاتي اكثر من مرة دون مداخلة من الاخرين..
تسلم يا زوق
| |
|
|
|
|
|
|
|
|
|
Re: مابنمشي لناس ما بجونا؟! (Re: نصار)
|
رفيقي في الهجرة الأولى/علاء الدين نصار
انطبقت علي حكاية "هل غادر الشعراء من متردم....."
فسبقني رفيقنا في الهجرة كمال محمد عباس وقالها كلها..
وتماها اخونا اسعد ابراهيم بالافرنجي...
فلم يتبقى لي ما اقوله سوى:
Keep the good work, Nasar
| |
|
|
|
|
|
|
|
|
|
Re: مابنمشي لناس ما بجونا؟! (Re: Ahmed Yousif Abu Harira)
|
العزيز احمد ابو حريرة
القلوب دي سرها عجيب، قبل قليل كنت و كمال حسن علي نحكي لاحد الاصدقاء عن عجائب حياتنا في الهند و السند و بلاد تركب الافيال كما كان يقول السلف... اعظم ما خرجنا به من الهند هو هذا الانصهار الروحي الذي (سبكته) الشدة و ما تحمل القلوب و النفوس من مودة و اخاء،، نبل و شموخ العزيز كمال عباس يظهر علوه لمن عرف اننا كنا بحكم السياسة التقليدي متواجهان تصارعنا بشرف يظهر تأصله هذا الجود المحمود بخلع هذه الصفات التي اتوق لها و لا ادعي وصولي لبعض من بعضها و تاتي انت و العزيز نيازي تؤكدانها حتي خشيت علي نفسي تصديقها،، لكن انَا لها ليكم علي ان لا افك خطامها مهما جفلت و تفلتت..
صادق الود و التقدير
| |
|
|
|
|
|
|
|
|
 Re: مابنمشي لناس ما بجونا؟! (Re: kamalabas)
|
اخي الكريم نصار
تجدني اوافق الاعزاء كمال واحمد فقد عبرا بما جاش في خاطري لحظة ان قرات
عتابك الرقيق
تحياتي لكم وللاخ كمال حسن على المبدع الذي اختفى قبل ان يغمرنا بابداعه
ارجو ان يكون بخير .
لكم عميق الود
| |
|
|
|
|
|
|
|
|
|
Re: مابنمشي لناس ما بجونا؟! (Re: سمية الحسن طلحة)
|
العزيز سمية الحسن طلحة
القضية ليس في الكم بل بالعكس تمام ما يحيرني انصراف من اجزم ان لهم ما يقولونهم فيما اطرح قضايا و مواضيع، انصرافهم عن مبادءاتي و فقط اردت ان اعرف من الخلصاء مكمن العيب في طروحاتي شكلها و مضمونها. بالتأكيد كأنسان طبيعي يبهجني حسن رأيكم و امتداحكم لكتاباتي و انا عاجز عن الشكر و قاصر العبارة في ايفاءكم حقكم، لكن اغلظوا و ان ابي طبعكم الرقيق لنفع ارتجيه من النقد و ليس في قاموس ما يسمي بالنقد الهدام فان كلتم لي من ذلك فانا الرابح بلا تأخذكم بي رأفة. فطالما امتنع كثر من التداخل معي و غيرهم وهن دافعهم لمجرد الزيارة فهناك مشكلة احملها نفسي كما نصح بذلك العزيز ود ابو جودة... ليس في النفس الا كل خير للكل و لا امايز بينهم الا بما يفوق ما املك.. بل اهفو للتطور و الاستفادة من اراء الاخرين و اذا لم تتقاطع دروبنا فأني لي هذا النفع؟؟...
شرفتي كتير و الله
| |
|
|
|
|
|
|
|
|
|
Re: مابنمشي لناس ما بجونا؟! (Re: نيازي مصطفى)
|
العزيز نيازي
تسلم يا زول يا جميل، و ليس لخاطرك ان يحمل سوي الروعة.. العزيز كمال بخير و احد اسباب انقطاعة انه كان في السودان لعدة شهور و انا الان معه في فرانكفورت و هو يغريكم السلام.. اما الابداع فقد شدهته عنه طبيعة الحياة القاسية في هذه البلاد..
ودي و تقديري
| |
|
|
|
|
|
|
|
|
|
Re: مابنمشي لناس ما بجونا؟! (Re: بشير جبريل علي)
|
العزيز بشير جبريل
مرحب بمقدم العزيز
رديت عليك هناك ان شاء الله تكون وجدت في الرد فائدة
و علي اي حال يسعدني ان تجد عندي ما يعين و يخدم غرض
و معاك للشرح في المنبر او الهوت ميل او تلفونياَ
و معليش لو اتأخرت عليك لظرف ما
| |
|
|
|
|
|
|
|
|
|
Re: مابنمشي لناس ما بجونا؟! (Re: نصار)
|
العزيز محمد ابو جودة
الموضوع طلع من يدي خالص و لابد من ذكر الاسماء
و ابدأ بمحمد اوهاج اسحاق جون ابن سودانويه
و دا واحد من الزوار علشان ما واحد يجي يغالطني
بقول ليه ياخي ليه ما بتدينا فرصة نكرمك في مضاربنا الاسفيرية؟؟
دي علي نسق طرفك زميل المنبر الدكتور الحبوب محمد عبدالله الريح (حساس محمد حساس)
مرة سؤل عن فنانه المفضل، لتخ ليهم اسم من راسه
قالوا ليهو مافي فنان بالاسم دا
القال ليكم منو اكيد بكون في ماهو البلد كلها بتغني
دا كان زمان ياربي اسع نقول شنو؟؟؟؟
و برضو جاييك
| |
|
|
|
|
|
|
|
|
|
Re: مابنمشي لناس ما بجونا؟! (Re: نصار)
|
Quote: الموضوع طلع من يدي خالص و لابد من ذكر الاسماء
و ابدأ بمحمد اوهاج اسحاق جون ابن سودانويه
و دا واحد من الزوار علشان ما واحد يجي يغالطني |
عزيزي نصـّار، أبدأ يا زول ، فطُـرقِكَ تتشـَـهـَّى المسير ..
الزول القلتو ده ، أنا بعرفو ، أو ما غريب علي ،، عشان كده ما في مغالطات ..
شفتَ يا نصـّار ، ناصر "الكُل" كيف تكأكأت عليك حبـّاب القلوب ؟ وبرضو تقول لي
الطيـّارة فيها بوري !
عزيزنا المهندس،، عاطف عمـر محمد صالح .. كيف يا صديق ؟ ولله ما أعطى ولله ما أخـذ
ســائلاً المولى الكريم أن يتقبـّل عمـّنا عمر محمد صالح ، بجزيل الفضل وعظيم القبول
وأن يجعل البركة فيكم ، ويجبـر كســركم . فقد والله، قد صدَقَ مَنْ قال :
وإنّ النَّفسَ تهدأُ بعد حينٍ ،،، إذا لم تـَـلقَ في الجزَعِ انتفاعــا ..
تحيــتي إليك ، وإلى الشـِّبل الذي من ذاك الأسد ، والى إخوته وللأسرة ..
| |
|
|
|
|
|
|
| |
نصار
Muna Khugali
kamalabas
Alsa7afa_30
محمد أبوجودة
سلمى الشيخ سلامة
إسماعيل التاج
عاطف عمر
Mohamed Abdelmotalib Hassan
د.محمد حسن
ASAAD IBRAHIM
Ahmed Yousif Abu Harira
نيازي مصطفى
بشير جبريل علي
Osman Musa
فيس بوك
تويتر
انستقرام
يوتيوب
بنتيريست