|
تسجيل جديد للفنان ( علي المحيريبة)
|
العنوان بغرض الجرجرة فقط للإجابة علي هذا السؤال : - هل هناك بلد غيرنا يسمي المغنيين بأسماء مناطقهم ........ نحن عندنا مثلا
حنان السجانة فيصل الصحافة الهادي الجبل طلال حلفا حيدر بور تسودان احمد بور تسودان عثمان ربك ثنائي الجزيرة ثنائي العاصمة تغريد جبرة ثنائي العامراب عبدالرحيم أرقي عبدالرحيم البركل حامد كترينا والكثيرين .......................................................................................................
|
|
|
|
|
|
|
|
Re: تسجيل جديد للفنان ( علي المحيريبة) (Re: Abd-Elrhman sorkati)
|
العزيز جدا جدا.. عبد الرحمن سوركتي.. مرحبا بعودتك الى البورد سالما غانما.. كيف حال الاهل وحال البلد؟ فعلا العنوان جرجرني.. معرفة باسماء مطربين يحلمون اسماء بلدانهم تكاد تكون معدومة. بس هي ظاهرة موجودة عندنا..هل لها ظاهرة بحجز حفلات المنطقة والمناطق المجاورة كلها ليهو هو ، وبعدين يبدو انو فيها بعد تاني، فثنائي الجزيرةد تعني انهم شايلين البرنجية وما في زول زيهم في التطريب، مما يصب في خانة الدعاية المفخمة والاقرار(الاجباري) بالتفرد.. اكتر شئ اثار انتباهي الاتي: حامد كترينا الاسمين اصلو ما بمشن مع بضع.. حامد وكترينا.. واضيف اليها الوجوه الجديدة حرم الضقالة، ندى القلعة..وعيره وغيره.. وبجيك راجعة للموضوع دا.. تحياتي لجميع افراد الاسرة..
| |
|
|
|
|
|
|
Re: تسجيل جديد للفنان ( علي المحيريبة) (Re: Abd-Elrhman sorkati)
|
Quote: اكتر شئ اثار انتباهي الاتي: حامد كترينا الاسمين اصلو ما بمشن مع بضع.. حامد وكترينا.. |
يا حليمه الزول دا من ناس الخرطوم 2 وكترينا اسم محلي يطلق علي شارع في منطقة الخرطوم 2 يؤدي الي كبري المسلمية كانت تسلكه مواصلات الصحافة زلط زمان قبل ما ناس يوسف عبدالفتاح يفتحوا شارع بيويوكوان الحالي الشاقي السكة حديد من الجنوب للشمال
| |
|
|
|
|
|
|
Re: تسجيل جديد للفنان ( علي المحيريبة) (Re: Moawia Mohammed)
|
Quote: يا حليمه الزول دا من ناس الخرطوم 2 وكترينا اسم محلي يطلق علي شارع في منطقة الخرطوم 2 يؤدي الي كبري المسلمية كانت تسلكه مواصلات الصحافة زلط زمان قبل ما ناس يوسف عبدالفتاح يفتحوا شارع بيويوكوان الحالي الشاقي السكة حديد من الجنوب للشمال |
الاخ معاوية شكرا ليك على التوضيح.. انا عارفة محل كترينا.. بس استغرابي من اسم حامد+كترينا..يعني لو كان هيثم+كترينا..مقبولة.. او بقي حامد+طيبة ممكن.. بس كترينا دي كتيرة.. مع اعتذاري التام للاخ حامد، وارجو ان لا يفهمنى غلط.. بس كتيرينا دي شترا مع اسمو.. دا اسم ما فني .. على كدا ممكن نتوقع لؤى كاب الجداد.. وكلتوم الرياض والسرة الملازمين وام الحسين اركويت وغيره...الخ. ولا كيف؟؟ ويزول الاستغراب.. الله كريم
| |
|
|
|
|
|
|
Re: تسجيل جديد للفنان ( علي المحيريبة) (Re: Abd-Elrhman sorkati)
|
Quote: حنان السجانة فيصل الصحافة الهادي الجبل طلال حلفا حيدر بور تسودان احمد بور تسودان عثمان ربك ثنائي الجزيرة ثنائي العاصمة تغريد جبرة ثنائي العامراب عبدالرحيم أرقي عبدالرحيم البركل حامد كترينا والكثيرين ....... |
من أمثال
جلال الصحافه خالد الصحافه معاويه المقل حسين شندي محجوب كبوشية صلاح كوستي الرشيد كسلا محمد شبارقه منير البحوث محي الدين اركويت هيثم دنفر عباس جزيرة أمير حلفا طلال حلفا أيمن سوريبة انصاف مدني حفيظ كسلا خالد بورتسودان ياسر بورتسودان حيدر بورتسودان نيالا
والكثيرين......
| |
|
|
|
|
|
|
Re: تسجيل جديد للفنان ( علي المحيريبة) (Re: Abd-Elrhman sorkati)
|
الاعزاء : -
حليمة الشيخ ابو خالد معاوية .
لكم جميعا الود ... ارجو المعذرة فلعنة الملاريا حالت بيننا ... شكرا لمروركم الجميل .... خطرت لي هذه الخاطرة وانا أسمع بأسماء الفنانيين في كل أنحاء الدنيايتم أختيارها بعناية حتي تبدو مموسقة وجاذبة ...... ولكن الحال عندنا أختلف ,
شكرا
| |
|
|
|
|
|
|
Re: تسجيل جديد للفنان ( علي المحيريبة) (Re: Abd-Elrhman sorkati)
|
معاوية لك الود Quote: حيدر بورتسودان نيالا |
مبالغة ..بسبب الافلاس ...
ذكرتني نكتة زمان أيام الزمن الجميل ... كان معروف ان الفنان جدا عباس تلودي يغني أغاني عثمان حسين وبأجادة تامة ... مرة عمك كبير كدة مشي حفلة لقي بغني فيها عثمان حسين وهو ما بعرفو ... قال بالله شوفوا الراجل الكبير الما بخجل دة بيقلد في عباس تلودي
| |
|
|
|
|
|
|
طلال عبدالرحمن (حلفا) يرد في المنبر العام (Re: Abd-Elrhman sorkati)
|
أنا لم أطلق علي نفسي لقب حلفا بل لقيتو ماشي معاي بدون ما يكون عندي فيهو دور فانا أعتز جدا" باسم والدي وبالعكس أنا شخصيا" شايف اسم "طلال عبدالرحمن" مميز أكتر من "طلال حلفا" وهناك فنانين كثر بأسماء مناطقهم ذي حسين شندي وصديق كبوشية ونحن شعب معروف باطلاق الألقاب من باب الدعابات ولكن أحيانأ يلتصق بك هذا اللقب ويبقي جزء من شخصيتك.
| |
|
|
|
|
|
|
|