|
الى بكرى أبوبكر....انت مدعو الى الدوحة...فى دارك...و بين أهلك بورداب الدوحة
|
الى بكرى أبوبكر....انت مدعو الى الدوحة...فى دارك...و بين أهلك بورداب الدوحة
لم استشير احداً....و لم احادثه....و لكننى اعلم باننا....فى شوق
للقياك...والتحادث ... والمعرفة..... وفوق كل ذلك أن نستضيفك فى بيتك و بين
اهاليك...و اصداقاءك... ومعارفك....
وهذه الدعوة موجهة بشكل خاص الى كل من يساند ... ويدعم بكلمة أو مشاركة....
الزمان متروك للاخ بكرى
المكان...الدوحة
كل الترتيبات...جاهزة... وايمانى .......كلنا شوق للقياك...ورد جميلك...الذى يغمر كل
السودانين.......باسمى ...وباسم بورداب الدوحة.....لك الصحة... ومنتظرين منك رد...
صديق - بورداب الدوحة
|
|
|
|
|
|
|
|
Re: الى بكرى أبوبكر....انت مدعو الى الدوحة...فى دارك...و بين أهلك بورداب الدوحة (Re: أيمن الطيب)
|
الاخ أيمن... لك و لاسرتك السلام.....
خوفى بكرى أفهم..غلط عن الخور.....و اقول الناس ديل حا"إودنى "الخور"
هو ماعارف الخور "هولنا"... وليته يعلم باننى أسكن فى
الخور "هولى"... يعنى ما "خور بكرى...لكن خور الدوحة االجميلة"....
أنا كلى ايمان...باننا فى أحر من الجمر للقاء الاخ المهندس بكرى.. صاحب هذه
الدار... وابسط ما نقدمه هو دعوته الى زيارتنا فى هذأ البلد الطيب بطيبتك ,,,
وطيبت أهلنأ الطيبون...هنا....
صديق - الدوحة
| |
|
|
|
|
|
|
Re: الى بكرى أبوبكر....انت مدعو الى الدوحة...فى دارك...و بين أهلك بورداب الدوحة (Re: محمد عبدالرحمن)
|
الزميل : صديق : تحياتي :
وهكذا هم ناس الدوحة على قلب رجل احد ، إذا تحدث احدهم كان متحدثا باسم الجميع ، الدعوة في مكانها، ومن ناس يعرفون قدر الناس ، ولشخص يستحقها ، وزيارته الى الدوحة الى داره ، فهو وسط اهله واخوانه .
صدقني ياصديق : ضربة معلم ..هذه الدعوة
هنا علينا ان نقول جميعن نعم لزيارة بكري ، ومرحبا مقدما .
وياصديق ليك "الناموس"* في هذه الدعوة .
* كلمة ثناء خليجية لمن ينجز عملا طيبا ويتفوق .
| |
|
|
|
|
|
|
Re: الى بكرى أبوبكر....انت مدعو الى الدوحة...فى دارك...و بين أهلك بورداب الدوحة (Re: Siddig A. Omer)
|
تحياتي أيها الحبيب الصديق ..
رغم أنك ذكرت اسم (بكري أبو بكر) في العنوان الرئيسي لبوستك هذا، مما يعني أنه اطلع عليه ..
ورغم كلماتك الجميلة ودعوتك لحضوره بيننا في الدوحة، وقد ساندك في ذلك الأخوةُ المتداخلون، إلا أنه
آثر الصمت و (الطناش) .. كما هي عادته في بوستات كثيرة !!
لماذا يا بكري ؟؟ حتى ولو على سبيل المجاملة (عَبِّر) هذا الإنسان ومن شارك في البوست ..
أهو الترفعُ ؟!! أم ماذا نسميه ؟؟
صديق .. يا صديقي، أقول لك وبكل صراحة
ما تشتغل بالفارغة ..
الما بعبرك ما تعبره ..
كفاية تعالي ..
| |
|
|
|
|
|
|
Re: الى بكرى أبوبكر....انت مدعو الى الدوحة...فى دارك...و بين أهلك بورداب الدوحة (Re: Siddig A. Omer)
|
صديق خلاص نويتو على الراجل وفكرتو تسحبو من الحوش بتاعو وشقاء عمرو ورزق عيالوا ..
بكري نصيحه لوجه الله اوعك تجي الدوحه لانها هي في الاصل اوضه وبرنده وحوش اصغر بكتير جدا من حوشك الاوضه جالوص وسقفا بلدي ومسنوده بشبعه في النص والبرنده مجدعين فيها ناس بهاء وصديق وبركات واولاد عبدالله ولي قدام شويه في الخور ودايما ما بيكون مليان ربوب وصحالب لونها بيج عشان كده اعمل حسابك واوعك تجي هنا.. وانت على كيفك غايو لو جليت من الاوضه الواقعه مع مطرت كراعك ولا زغت من رباطة البرنده وطشيت من شارع الخور ما بتقدر تفلت مني ومن ناس كمبو الري ولا معتز القريش.. وانا حذرتك . وكان راجل تعال...
| |
|
|
|
|
|
|
Re: الى بكرى أبوبكر....انت مدعو الى الدوحة...فى دارك...و بين أهلك بورداب الدوحة (Re: فيصل عباس)
|
أراك أخي فيصل مفرطا في التفاؤل،،
كأن بكري سيردُ على استفهاماتكم، ويتعاطى مع فيضكم !!
هيهات يا حبيب ..
Quote: لانها هي في الاصل اوضه وبرنده وحوش اصغر بكتير جدا من حوشك |
بل أكبر بكثير من حوشه الاسفيري .. لأنها جمعتنا روحا وجسدا وأغدقت علينا الخير، وقتَ أن لفظتنا
أوطاننا ..
مثل هذه الكلمات وما شابه، هي التي تصنع التعالي !!
فلنكن دقيقين في اختيار المفردات ..
محبتي أخي فيصل عباس ..
| |
|
|
|
|
|
|
Re: الى بكرى أبوبكر....انت مدعو الى الدوحة...فى دارك...و بين أهلك بورداب الدوحة (Re: لقمان حسن همام)
|
الى الاساتذة لقمان...حيدر و فيصل
شكراً كثيراً على ردودكم و تعليقاتكم على دعوتنا الى الاخ بكرى لزيارتنا,,فى الدوحة...ربما....و ربما فله من الاعذار .. و الغايب عذروأ معاه...
الى أن يجيب على الدعوة.. وهو حر ... سنظل ندعوه كما دعونا الكثير من المبدعين فى بلادى....
و اتمنى من الاخ بكرى أذا كان له من الوقت اقله أن يبدى قبوله أو عذره... وفى الحالتين له المعزة الصادقة و التقدير و الاحترام.
صديق - الدوحة
| |
|
|
|
|
|
|
Re: الى بكرى أبوبكر....انت مدعو الى الدوحة...فى دارك...و بين أهلك بورداب الدوحة (Re: عوض حمزة)
|
مرحب يا عوض.. والله أخونا بكرى دها لو ما رد علينا...المعنى كدهــا....بخلان و فى كلام آخر بخيل....و دى ما عرفناها فيهــو...لكن....بندور نودروا فى الاول...ميت و لا حى.... ونديه فرصة...عشان الغائب عذروأ معاهو...لكن إن بقى بخيل.....أبقى دى مشكلة دايرة ليها "نظرة".....
المهم يا باشمهندس عشان الناس دى ما تتعب فى الكتابة "ساكت"...ودى البوست "الخور".
المهم يانا نحنا منتظرين...
صديق - الدوحة
| |
|
|
|
|
|
|
Re: الى بكرى أبوبكر....انت مدعو الى الدوحة...فى دارك...و بين أهلك بورداب الدوحة (Re: عبدالكريم الامين احمد)
|
Quote: وبكري طبع الدفعة القدامنا بعشرة سنوات ودي فرصة جيدة نشوف الناس العجائز ديل الزمن عمل فيهم شنو
|
عبدالكريم يا صديقى و عدو ود رملية الحبيب
و الله كلامك عن بكرى دها كلو غلط بدليل نحنا قرينا مع بعض فى الدويم و أى "حتة" مشيته لقيتك قاعد قدام (ّذى ابراهيم قاعد قدام) طبعاً فهمتها.
بعدين بكرى دهــا يا "دوب" مواليد 1965 يعنى أصغر منك بعشر سنوات.....اصلهم المساحين "تبع جامعة الخرطوم" خمسة سنوات دى "بقضوهــا" "جر جنزير بس" بعدين الباقى تحفير "ودق" أوتات و الباقى "حبة قراية"...وشراب مريسة فى "كمبو الرى"
بكرى دها بقى حقنأ يازول "أوعك" تقرب منو.
طبعاً دها كلام "رندوك" بينى و بينك وانا سعيد بانك ظهرتها بعد غياب مرحب بيك يا صديق و أكيد انت رئيس لجنة الاستقبال تعيين الفريق "صديق" فى الانقلاب الآتىء باذن الله.
صديق
| |
|
|
|
|
|
|
Re: الى بكرى أبوبكر....انت مدعو الى الدوحة...فى دارك...و بين أهلك بورداب الدوحة (Re: Siddig A. Omer)
|
صجيق يا بريء انت انا ابقى لك واسطه واطاتك اصبحت
Quote: بالمناسبة مما تتوسطى لينا لبكرى دها خلى ارجع لينا بوست الذكريات الحلوة
هم أتنين (مع انو قال واحد بس) لكن انتى واسطتك قوية:
الى خريجى معهد الكليات التكنولوجية.......أجمعوا هنــــــا.....
الرســاجات يادرفــة....مســاطيل البورد و الرندوك .......(السيجارات يافردة) |
شايفني جلابيه..ولا بت اصول على قول فيصل الزبير؟؟؟ولا بتاعت بوستات كلها قرقراب وباقات ورد؟؟يازول بكري جنه وجن بوستاتي بكري ده زول بحب البوستات الناس ا الماشين جنب الحيطه ونحن الحيطه بنحن نهدها وبعدبن نقيف.
| |
|
|
|
|
|
|
الـــــى بورداب الدوحة (Re: Siddig A. Omer)
|
الـــــى أخواتى و أخوانى بورداب الدوحة........أرجو التسجيل هنا...حتى نتمكن من التنسيق لا ستقبال الا خ بكرى فى الدوحة. كما ارجو ارسال ارقام تلفوناتكم على المسنجر...رجاءاً....
صديق
| |
|
|
|
|
|
|
Re: الـــــى بورداب الدوحة (Re: khaleel)
|
والله يا باشمهندس....أجمل أقتراح معاك...من زولاً أصيل....
الاقتراح مدعوم من جانبى 100%.....و سوف ناتىء بالتفاصيل...متى ما قررنا الاجتماع..انشاء الله.
شكراً على المبادرة الطيبة لدعم اهلنا المحتاجين فى السودان...
صديق - الدوحة
| |
|
|
|
|
|
|
Re: الـــــى بورداب الدوحة (Re: ضحيه ابراهيم)
|
Quote: ابو يس
تحياتنا
يااخوى الباشمهندس ده حدد انو جاى ولا لسه والبرنامج كيف ومتين وكم يوم ونازل وين والتفاصيل شنو؟ |
الاخ الفاضل (الريس) ضحية.....
نعم الفكرة جماعية و التخطيط جماعى لذلك أدعو كل بورداب الدوحة الى المشاركة فى كيف سيكون استقبال الاخ بكرى فى الدوحة.....
أول ما يصلنى تاكيد بمواعيد الوصول الى الدوحة سوف اعلم الجميع... وسيكون لنا أول لقاء للتنسيق..انشاء الله.
شكراً ياريس على السؤال... و خليك معانا...
صديق
| |
|
|
|
|
|
|
Re: الـــــى بورداب الدوحة (Re: Nesta)
|
ألاخ Nesta.... والله العظيم تشرف و لينا الشرف بزيارتك....بس قول متين و تلقانأ منتظرينك على أحر من الجمر...
صديق - الدوحة موبايل: +9745872612
| |
|
|
|
|
|
|
Re: الـــــى بورداب الدوحة (Re: Siddig A. Omer)
|
مع حفظ الالقاب
بعضاً من بورداب الدوحة من الذاكرة:
عبدالكريم الامين عبدالرحمن بركات ضحية ابراهيم معتز القربش (المرفود) عبدالجليل (نادوس) عمر بوب ليلى (الابنوسة) بدرالدين الامير عماد عبدالله مامون الطيب محمد الطيب خالد سليمان صلاح عبدالله عادل التيجانى معتصم الطاهر معاوية الطيب بهاءالدين بكرى عوض محمد الخير محمد عبد الرحمن عبد الرحيم (ودرملية) ود العباسية (عبدالرحمن) هميم ابوبكر الامين مهلب القريش
| |
|
|
|
|
|
|
Re: الى بكرى أبوبكر....انت مدعو الى الدوحة...فى دارك...و بين أهلك بورداب الدوحة (Re: Siddig A. Omer)
|
صديق
انت الظاهر عليك خرفت ، انت نسيت اهم واجمل ناس:-
1/رندا حاتم
2/ رشاحاتم
3/كمال سالم
4/بشير جبريل
5/محمد اوالعزائم ابو الريش
6/احمد يوسف ابو حريره
7/ عامر تيتاوى
8/ ابوبكر القاضى
9/ كمال على الزين
10/ الفنان نور الهادى
11/ هاشم كرار
12/ عبد الغنى كرمالله
13/ كيغا 2000
15/خطاب
16/د. احمد عثمان
17/ فيصل عباس
18/على سند
19/عصام حسين
20/حامد موسى مراهد
21/هرون دياب طه
22/ حسام(صحافه30)
23/محمد ابوعاقله الطريفى
24/ الاستاذ طه ود الزين
25/ الجميل / عمر سعد
26/الفنان/ يسرى صلاح
27/ المبدع عادل ابجقادو
28/الاستاذ الاذاعى / لقمان حسن همام
| |
|
|
|
|
|
|
Re: الى بكرى أبوبكر....انت مدعو الى الدوحة...فى دارك...و بين أهلك بورداب الدوحة (Re: ضحيه ابراهيم)
|
والله يا ضحية كلامك صاح أخوك "خرف" كيف لى أن انسى فاكهة "بورداب الدوحة" لكم جميل الاعتذار.....الاخوات والاخوان أساتذتى:
1/رندا حاتم 2/ رشاحاتم 3/كمال سالم 4/بشير جبريل 5/محمد اوالعزائم ابو الريش 6/احمد يوسف ابو حريره 7/ عامر تيتاوى 8/ ابوبكر القاضى 9/ كمال على الزين 10/ الفنان نور الهادى 11/ هاشم كرار 12/ عبد الغنى كرمالله 13/ كيغا 2000 15/خطاب 16/د. احمد عثمان 17/ فيصل عباس 18/على سند 19/عصام حسين 20/حامد موسى مراهد 21/هرون دياب طه 22/ حسام(صحافه30) 23/محمد ابوعاقله الطريفى 24/ الاستاذ طه ود الزين 25/ الجميل / عمر سعد 26/الفنان/ يسرى صلاح 27/ المبدع عادل ابجقادو 28/الاستاذ الاذاعى / لقمان حسن همام
و الله انت الريس جد جد......
صديق القاعد بعيد
| |
|
|
|
|
|
|
|