كتب الكاتب الفاتح جبرا المتوفرة بمعرض الدوحة
|
مساء جديد...رشا وتسابيح..السمحة منو؟
|
بدون الواحد ما يشعر ولا يقصد..يلقى نفسه متابع لبرنامج مساء جديد على قناة النيل الأزرق...الشباب المذيعين محمد وأمجد..على قدر قدرتهم قاعدين يجتهدوا وماشي الحال وكل حاجة..
أها نقوم نجي نشوف رشا الرشيد وتسابيح مبارك...عيني باردة.. الاتنين سميحات خالص والله.. وضربة معلم يا أستاذ الشفيع وأستاذ مجدي عوض صديق.... ما شاء الله الشباب قاعدين يكتسبوا ثقة كل يوم أكتر.. والشابات ديل فعلاً أول حلقاتهم كانت على الزيرو ...لكن هل السماحة براها كافية؟؟
نرجع لموضوعنا...
هسي في ناس يقوموا يحمروا لي... أنا سؤالي واااااضح...السمحة منو؟ رشا ولا تسابيح؟؟ السؤال دا بالمناسبة الفضلى حرمنا المصون ما عاجبها..لكن المسألة بسيطة...
يا ريت لو تامبا والشباب الفنانين يقوموا يرفعوا لينا صور للمقارنة أو خلينا نقول المناصحة..
أنا غايتو عندي رغبة أبدأ ليكم التصويت (رشا أو تسابيح)؟؟ أنا صوتي للمقتدرة سلمى سيد بدون زعل يا نسرين سوركتي... والله تقوموا تعملوا معاي شمطة هسي أقوم أصوت للمرحومة ليلى المغربي..
هترشة شديدة موش؟
الله غالب غايتو
|
|
|
|
|
|
|
|
مساء جديد...رشا وتسابيح..السمحة منو؟ (Re: Mahmoud Mustafa Mahmoud)
|
[B] سلامات اخ محمود ..قبل ترشيحى الاخ الاسمو امجد ده بديك احساس انو مستعجل فى طريقة كلامو وطرحو للمواضيع ...قيتو يقوم النفس عكس محمد عندو حضور جيد وهادى ورزين اما للترشيح رشا ولا تسابيح .. الاثنين حلوين ونص بنص صوتى ليهم... بس سلمى سيد هى ال TOP فى النيل الازرق لانو سماحة وثقافة وحضور جيد جدا .. والتزعل نسرين سوركتى ...
| |
|
|
|
|
|
|
Re: مساء جديد...رشا وتسابيح..السمحة منو؟ (Re: Mahmoud Mustafa Mahmoud)
|
الأخ إيهاب مهاجر... شكراً على مرورك وتصويتك الدبلوماسي..
قلت لي:
Quote: الاخ الاسمو امجد ده بديك احساس انو مستعجل فى طريقة كلامو وطرحو للمواضيع ...قيتو يقوم النفس عكس محمد عندو حضور جيد وهادى ورزين |
أتفق معاك..بالرغم من إنه أمجد برضو لذيذ وحبوب خالص.. (يديك إحساس) دي..ذكرتني باستعمال أمجد لكلمة (إحساس) في التقارير الخارجية والمقابلات..يعني ممكن عادي جداً يقول لزول ثمانيني أو سبعيني سؤال بسرعة مليون كلمة في الثانية...وضروري أن يحتوي السؤال على عبارة (عايزين نعرف إحساسك في الحتة دي)..
وقلت بطريقة جميلة:
Quote: اما للترشيح رشا ولا تسابيح .. الاثنين حلوين ونص بنص صوتى ليهم... بس سلمى سيد هى ال TOP فى النيل الازرق لانو سماحة وثقافة وحضور جيد جدا .. والتزعل نسرين سوركتى ... |
فأفرحتني..وريحتني في (بالي) دا...
لك الشكر على الحضور والمتابعة..
| |
|
|
|
|
|
|
|