|
رابحه حماد.... من اوائل الدارفوريات المسرحيات....معا لانقاذها...
|
المسرحيه رابحه حماد تعاني من مرض السرطان وتحتاج لعلاج سريع.... تصدى زملائها من معهد الموسيقى و المسرح لعلاجها.... اعتقد ناشطي جرافور ومالهم من علاقات يمكنهم المساعده ايضا. فالتستغلوا علاقاتكم العالميه لعلاج رابحه حماد....
Quote: اجرت الاستاذة رابحة حماد عملية جراحية بمستشفي الاطباء بالخرطوم وكللت بالنجاح الا ان الاطباء اكتشفوا الاصابة الجديدة.نسال الله لها الشفاء والعافية رابحة حماد مسيرة طويلة في العمل الابداعي والفني شاركت مع عماد الدين ابراهيم مسرحية بيت بت المني بت مساعد ومع الاصدقاء في متاعب ومن المسلسلات صرخة في وادي الصمت ومسلسل الدخيل الا ان معظم مشاركاتها الاخيرة كانت في الدراما التلفزيونية والاذاعية اسست جمعية رعاية المراة والطفل بجنوب دارفور_نيالا شعلة من العمل والنشاط في اروقة التلفزيون القومي والولايات هذا ما استطاعته الذاكرة فقط من تجربتها نرجو ان تمتد كل الايادي للعون في رحلة علاجها واعتقد ان التفاكر يجب ان يكون مثل ما كان في الحالات المشابهة السابقة مثل اقامة الحفلات او تقديم عرض مسرحي شهير يعود ريعهم للمساهمة في علاجها هذا بجانب ما يمكن ان يقدمه اهل الخير من دعم مادي مباشر اليها او الاتصال بالمؤسسات الطبية الخيرية ذات الاختصاص حتي ترفل في ثوب من العافية قشيب |
معا لانقاذها.
|
|
|
|
|
|
|
|
Re: رابحه حماد.... من اوائل الدارفوريات المسرحيات....معا لانقاذها... (Re: عبد المنعم ابراهيم الحاج)
|
الاخت تراجي
الاخت العزيزة رابحة حماد من بنات كوستي اتمنى يا تراجي مرة واحدة بس تشوفي موضوع ذي دا بصورة انسانية...بدون جهوية رابحة اللطيفة الذكية تحتاج لوقفتنا كلنا من نمولي لحلفا..
بعدين كونها اسست رابطة ولا جمعية في دارفور لا يعني انها من دارفور تعمل صديقتنا المسرحية الشايقية القحة فاطمة وسط المهمشين من جنوب السودان في مدارس الاطراف في الحاج يوسف هذا لا يجعلها جنوبية.. قام والدي بعمل اذاعة في الدلنج سنة 1963 اسماها صوت الدلنج الحر وهو شايقي من مورة
ديل فنانين واساتذة بلا حدود... وللجميع رابحة تحتاجكم...
| |
|
|
|
|
|
|
Re: رابحه حماد.... من اوائل الدارفوريات المسرحيات....معا لانقاذها... (Re: bayan)
|
Quote: ولكن لو في ناس ما حسياعدوها الا لو عرفوا انها من دارفور هل تعتقد احرمها من دعمهم؟؟؟ |
المساعدات الانسانية لا جهة لها وهؤلاء ما لازمين رابحة الشمس المشرقة ما ان يعلوا نداء هنا يتنادى الناس لرفع المعاناة لا يهتمون بجهة المحتاج.. قد حدثت للطفلة افراح وهي من دارفور اعلى المساهمات كانت من اناس في غاية الطيبة.. لا يمتون لدارفور بصلة للصغير محمد ارسل الناس من كل السودان لم يقل احد انه شايقي ولا جعلي... فبالله يا تراجي ابعدي هذه النظرة الضيقة.. ولعلمك رابحة تخرجت في النصف الثاني من سنوات الثمانين يعني ما من اول الدارفوريات المسرحيات..
| |
|
|
|
|
|
|
Re: رابحه حماد.... من اوائل الدارفوريات المسرحيات....معا لانقاذها... (Re: bayan)
|
Quote: اتمنى يا تراجي مرة واحدة بس تشوفي موضوع ذي دا بصورة انسانية...بدون جهوية |
بيان انت المفروض تيألي نفسك هل اغيب انا من مناسبات الغير؟؟؟؟ انا شخصيا موجوده مع كل السودان الا اذا ما عندي قدره ولكن ولو بالدعم المعنوي انا موجده شوفي انت وين لا يوجد الآخرين وليس انا. كون والدك فتح اذاعه في الدلنج فكلنا اهلنا قدموا لكل السودان حسب مكان التنقلات.... وامي الدرافوريه المن ام كداده قدمت اكثر من مدرسه لكها بالعون الذاتي لاهل الشرقطوكر وضواحيها تحديدا...بعدين؟؟؟ما دخل هذا برابحه الآن؟؟؟ طالما انشأت منظمه بدارفور حتى لو كانت من الواق واق فان لها علي اهل درافور حق فلا تحرميهم من التعبير عن محبتهم وتقديرهم لها.
| |
|
|
|
|
|
|
Re: رابحه حماد.... من اوائل الدارفوريات المسرحيات....معا لانقاذها... (Re: محمد الكردى)
|
Quote: تبقى من كوستي ولا الجزيره ابا البت بتنا |
... ياخي ( بتــه لما تبتك يا شيخـه ).. حسع كان ما البوست ده بتعرفيها من وين والا شفتيها وين ..؟ عايزه طوالي تطلعي في راس الناس .. حتى ولو كانت عندهم معاناة عايشنها ... لو كان عندك ضمير كان تمشي تكتبي كلامك ده في البوست الاصلي .. علشان ما تفتحي ليك بوست سخيف زي ده .. وتشتتي جهود الناس وتطممي بطن الناس الكانت ناوية تساعد .. ده موضوع انساني ما ليهو علاقة بالسياسية ولا الجهوية ولا الزغاوية ولا الجعلية ولا الشايقية .. راسك الكبير ده متين تستعمليهو استعمال صاح ..؟ كلمي بكري خليهو يسحب البوست ده .. علشان خاطر الاستاذة رابحــه .. ربنا واليها بالعافية ويكتب ليها السلامة ..
| |
|
|
|
|
|
|
Re: رابحه حماد.... من اوائل الدارفوريات المسرحيات....معا لانقاذها... (Re: Tragie Mustafa)
|
Quote: كدي امشي اعتذر لدينق عن كذبذك وادعائك بمتاجرته بسكر الجنوب وبعدين تعال اتجدع للفارغه. |
.. والله كلما اشوفك اونلاين بتذكر انو في حاجة في الدنيا دي اسمها فارغة .. إنت اعتذرتي لي منو قبل كدا ..؟ انا شخصيا مطالبك بي اعتذار .. الشعب السوداني كلو مطالبك بي اعتذار .. اخونــا صلاح الطلعتيهو اتصل عليك في كندا وسجل ليك في التلفون بتاعك واتهمتيهو انو ما راجل وقلتيها هنا بالفم المليان .. مطالب بي اعتذار منك .. كم زميلة هنا مطالبة بي اعتذارك ... البورد ده مطالب بي اعتذارك ..
بعدين كدي تعالي وريني ( سكـــر الجنوب ) دي شنــو المسكتي فيها دي ..؟ بتعرفي شنــو عن سكــر الجنوب إنت ؟؟ كدي امشي اسألي بتاع المباحث وتعالي قولي ليهو تمبس قال شنو عن سكــر الجنوب .. شكلك بطنك مليانه بالكلام عن السكــر دا ... يلالا كدي فتيهـو يا ( الحوصة ) .. فتيهو فتاهو.. بلا
| |
|
|
|
|
|
|
Re: رابحه حماد.... من اوائل الدارفوريات المسرحيات....معا لانقاذها... (Re: mohmed khalail)
|
Quote: أحبتي الكرام الهدف الاساسي ايجاد الدعم لهذه الفنانة الخلوقة وقضايا الاختلاف يمكن مناقشتهاخلال بوستات اخرى دعونا نوحد الجهود لاجل توفير الدعم ولكم شكري. |
شكراً نبيلاً أيها النبيل محمد خليل، ولا فض فوك والشكر أجزله لأختنا الفاضلة تراجي مصطفى لتبنيها هذه الحملة الإنسانية، فأنت يا أيتها الشمس تراجي، دائماً السباقة لعمل الخيرات، رغم كيد المرجفين فى البورد والمرجفات، واللهم رب الناس، مُذهب البأس، أشف محبوبتنا الفنانة المُبدعة رابحة حماد، وأنت الشافي، و لاشفاء إلاشفاؤك، أشفها شفاءً لايغادر سقماً. آمين
| |
|
|
|
|
|
|
|