|
اتصل بالاذاعة على الهواء وقال لهم الان (بشرب) في سيجارة بنقو
|
في احد برامج اذاعة امدرمان اف ام 100 صباح اليوم وكان النقاش يدور حول المخدرات واثارها الضارة واظن البرنامج بمناسبة اليوم العالمي لمكافحة المخدرات واستضاف خبير نفسي على ما اعتقد وضمن المكالمات التي تلقاها المذيع (الاستاذ الشفيع ) على الهواء مباشرة كانت المكالمة التالية : - الو .. - ايوة .. الاذاعة ..؟ - نعم .. منو معاي ؟ - ما ضروري اقول ليك الاسم .. في الحتة دي اتوقعت انو الزول ده عايز يخرم .. وصدق حدسي .. - مرحب بيك عموما .. اتفضل .. - طبعا المخدرات في السودان ما بالدرجة الاتكلموا عنها الجماعة ديل قبل شوية .. ونحنا عندنا البنقو ده بس ومافي مخدرات تانية زي الهيروين والحاجات التانية ديك .. - ايوة .. لكن .. - وبعدين قبل شوية في واحد قال القطعة بي 5 الف جنيه .. السجارة بتكلف الفين بس .. - لا لكن نحنا بس عايزين نعرف السبب البخلي الناس يشربو البنقو ذاتو شنو وهو مدمر للصحة ويؤثر على تفكير الانسان .. ويصيب الانسان بعدد من الامراض واحيانا في ناس كتااار بموتو بدون سبب وبكون من المخدرات .. - وبرضو في ناس بموتوا بدون سبب .. لكن ما من المخدرات .. وبعدين حالة البلد ذاتا تخلي الزول يشرب اي حاجة .. - ايوة لكن .. - اسمع انت كنت بتشرب بنقو .. - لا .. لسة بشرب .. وهنا اتت المفاجأة
- هسه انا بتكلم معاك وبشرب فيها.. ولم ينقطع الحوار .. ولم استطع متابعته لاتصال هاتفي جعلني اغادر السيارة مسرعا..
|
|
|
|
|
|
|
|
Re: اتصل بالاذاعة على الهواء وقال لهم الان (بشرب) في سيجارة بنقو (Re: Nesta)
|
الأخ نيستا .......... والله ضحكت شديد وإتذكرت موقف طريف مر بى
والدى ربنا يديه طولة العمر توقف عن التدخين لمده زادت عن ال 10 سنوات ، رجعت انا للسودان بعد غيبه زادت عن ال 5 سنوات ولقيته بيدخن !!! سألته ليه يا أبوى أنت ما وقفت من التدخين ليك أكثر من عشره سنوات ؟؟؟ رد على قائلا يا ولدى ما بركه القيتنا ماسكين لينا سيجاره حمرا فى إيدنا ما ماسكين لينا مصيبه زمان على آخر عمرنا ، فى الأيام السودا ده !!!!!!!
| |
|
|
|
|
|
|
Re: اتصل بالاذاعة على الهواء وقال لهم الان (بشرب) في سيجارة بنقو (Re: بشير حسـن بشـير)
|
في احد برامج العيد استضافت الاستاذة يسرية محمد الحسن اسرة مصحة كوبر والتقت احد المساطيل فسالته ان يوجه رسالة الي المواطنين عن خطر المخدرات وكيف انها تسبب الجنون فرد عليها قائلا انت يا استاذة القال ليك البنقو بجنن منو؟ المجنون دا من يومه مجنون كان شرب بنقو ولا ما شرب!!! ايضا من طرائف البث المباشر احد المقدمين استضاف عجوز من اهلنا في الجنوب وبيسال فيها فيها عن عادات الزواج والمهر عند الجنوبيين فقالت له المرة الصغيرة بتدفع فيها كمية كبيرة من البقر يعني يمكن الفين او تلاتة فسالها عن المرة الكبيرة فقالت له يختلف الف ومرات خمسمية فسالها عن المرة العزبة فقالت له وه دا بيركبوا ساهي (بيركبوا دي من عندي انما الكلمة القالتها ما بتنقال)
| |
|
|
|
|
|
|
Re: اتصل بالاذاعة على الهواء وقال لهم الان (بشرب) في سيجارة بنقو (Re: Nesta)
|
طبعا صباح اليوم وانا استمع للاذاعة ايضا وهذه المرة اذاعة امدرمان اذاعة السودان وفي اتصال مباشر مع مسؤول ف ولاية القضارف اسمه عبد الاله ابو سن .. واثناء الحديث سمعت صوت انثوي بصورة واضحة يقول ( ماقالو يوم السبت اجازة .. ما قالوا يم البت اجازة ) مرتين .. المذيع ارتبك جدا ورد عليها بصوت يشبه الهمس ( نحنا على الهواء .. نحنا على الهواء ) .. وعاد الى المسؤول الو .. الو اظنو قفل في وشهم الخط ..
بالله ما اخير مسطولي بتاع امبارح ..
بالمناسبة اتصلت باذاعة اف ام 100 صباح اليوم .. وقلت ليهم الزول بتاع امبارح كمل كلامو .. قالوا لي ايوة خليناهو يكمل كلامو للنهاية وده جزء من اتجاه البرنامج ..
| |
|
|
|
|
|
|
Re: اتصل بالاذاعة على الهواء وقال لهم الان (بشرب) في سيجارة بنقو (Re: Nesta)
|
Quote: ماقالو يوم السبت اجازة .. ما قالوا يم البت اجازة |
تعرف يا نيستا ذكرتني بناس البيت لما يجي الشافع من برة يكورك و يكون في ضيوف في الصالون أما بتاعت المسطول جدعة ... جدعة ... جدعة خصوصا و هو بيورد الحقائق من تكلفة و مبررات ليييه بقت في حركات سمحة زي دي في البلد بعد ما إحنا مرقنا منها ؟
| |
|
|
|
|
|
|
Re: اتصل بالاذاعة على الهواء وقال لهم الان (بشرب) في سيجارة بنقو (Re: غباشي)
|
كانوا بيتكلموا عن الجنس يا غباشي ..
وجايبين ليهم واحد دكتور في شنو كده ما عارف .. المهم الحتة السمعتها كان بيقول العطور السودانية السودانية التي تستخدمها النساء تعتبر دعوة للجنس .. واضاف .. هناك الجنس بالشم والجنس بالعين والجنس بالكلام .. والمذيعة كمان قاطعتو قالت ليهو الكلام المعسول يعني .. اتخيل يا غباشي .. وانا لغاية الجنس بالكلام غيرت المحطة وما عارف الحصل بعد داك شنو ...
| |
|
|
|
|
|
|
|