|
كتب الكاتب الفاتح جبرا المتوفرة بمعرض الدوحة
|
|
 Re: وصفة شعريّة..للعلاج النفسى من الشواكيش ..للمشوكشات فقط (Re: د.ناهد محمد الحسن)
|
| Quote: وصفة شعريّة..للعلاج النفسى من الشواكيش .. |
ناهد ازيك.. الجملة المقتبسة الفوق
دي الجابتني جارية عدييييييييل..
بس لكن اختها دي...
نوديها وين؟ ان دخلنا ثبتت علينا وان وقفنا بعيد .. الملح بفوتنا..
انت ما سمعتي بـ(كَتِر من المجان كان يقد المصران)..
انا غايتو ما مشوكشة.. الله يسالني يوم القيامة..
اها صدقتيني..؟؟
كان صدقتيني بجيك راجعة.. خلي ستات الشواكيش الجد يدننا معاهن فرقة..
بس قبل ما يجن يصنقرن بعندك.. زحي الترباس دا شوية..
فتك بعافية..
حليمة
| |
 
|
|
|
|
|
|
|
|
Re: وصفة شعريّة..للعلاج النفسى من الشواكيش ..للمشوكشات فقط (Re: حليمة محمد عبد الرحمن)
|
Quote: نوديها وين؟ ان دخلنا ثبتت علينا وان وقفنا بعيد .. الملح بفوتنا..
انت ما سمعتي بـ(كَتِر من المجان كان يقد المصران)..
انا غايتو ما مشوكشة.. الله يسالني يوم القيامة..
اها صدقتيني..؟؟
كان صدقتيني بجيك راجعة.. خلي ستات الشواكيش الجد يدننا معاهن فرقة..
بس قبل ما يجن يصنقرن بعندك.. زحي الترباس دا شوية..
Quote: للمشوكشات فقط
|
كلام حليمة دا صاح
هسه انا من قبيييييييييل منتظرة لي واحدة
تخش البوست دا وبعدها اجيك طوالي
ناهد الكلام دا صعب شوية يختي
| |
|
|
|
|
|
|
|
|
 Re: وصفة شعريّة..للعلاج النفسى من الشواكيش ..للمشوكشات فقط (Re: انعام عبد الحفيظ)
|
عارفة يانعام عندنا فى اجراء الكشف السريرى تعلى المرضى حاجة اسمها ( الاستبصار ) ,اى يعنى المريض واع بحالته ام لا ؟..وانت واعيه ماشاءالله عليك ..ما حناخد زمن على العافية ..ولحدى ما نبدا العلاج قولى لى ..نرقعو دعوة تهدّو ولا زى مشتاق برضو انت ؟..
ياللذين يغفرون قبل ان يجففوا
ادمعا جريحة ...
مايستاهل والله يا انعام ..لكن نقول شنو ؟...الشقى ما بسعد ..
| |
|
|
|
|
|
|
|
|
 Re: وصفة شعريّة..للعلاج النفسى من الشواكيش ..للمشوكشات فقط (Re: حليمة محمد عبد الرحمن)
|
حليمة ..شنو خفّة الدم دى ..موت بس والله ..
وبعدين ياختى انا طبيبة نفسية ..الترباس ده اجرى منو وين؟
البعالج البطتون بتاع باطنية والبعالج الشواكيش , لازم يعلن انو دكتور شواكيش ...وبعدين يا حليمة ياختى ما عليك مدسّة , ما فى زول بجينا بمرق نصيح ..الما مشوكش مشوكش فى اللاوعى , وهاك يا كهارب والمجنون ما بلوم ؟! ولاشنو ؟ نقول شكوش فى اللاوعى , جذبك الى هذا البوست ..؟! ولاشمار ساكت ؟! ماتتسرّعى فى الاجابة العلاج مجان للمبادرات الاولى ..الله يخليك للملح ده ..تسلمى يا حلوة
| |
|
|
|
|
|
|
|
|
|
Re: وصفة شعريّة..للعلاج النفسى من الشواكيش ..للمشوكشات فقط (Re: د.ناهد محمد الحسن)
|
رحيل
( تحتجب قصيدة رحيل ,لحين تسديد رسوم الكشف ..الملح ده بكتلكم يوم
انا دافع بياض السمع والشوف
وكلامك بفتش قلوب مجرحة وجارحة
تحياتي للبت الشاعرة الاديبة الطبيبة / ناهد محمد الحسن وشكرا لبكري ابوبكر
ان شاء الله كمان يقدر يجيب استاذ عمر علي احمد واللورد يس محمد النعيم
منبر فيه كل السودان
امشي وتعالي مع زحمة الخرطوم وساعات نتاوية جيدة
وادي الناس جرعات بسيطة ما تكتري الناس بتشرق بالكلام السمح وبتلحق امات طه يا حليل طه
| |
|
|
|
|
|
|
|
|
|
Re: وصفة شعريّة..للعلاج النفسى من الشواكيش ..للمشوكشات فقط (Re: Sabri Elshareef)
|
صبرى الشريف مشتاقين موت..وين انت ياواد يا امريكانى انت ؟! اوع صواتك الهنا تكون صتها هناك ..باقى الكهربة هناك للبشوكشو ..يجيبوهم ليك فى اوبرا وهاك يالبع ؟..نحن هنا ارهابيين على قدرنا , شدّة اذن وصفعة صفعتين وكده ..
بعيدا عن البوست , الليلة ماشّة لسموءل وحاجّة عشّة وشماراته..حتى لو عينه فيها عملية مابتخليها ..البوست نور ياملك ...
| |
|
|
|
|
|
|
|
|
 Re: ردا علي ناهد (Re: مشتاق)
|
مشتاق ؟! شكرا على التحية ..
علم وسينفّذ..بى جنبة كده( انت مشوكش ولسّة مشتاق ...حالتك صعبة ياابنى نرقدك معانا فى المستشفى كيف؟!..لكن عارف نفسى كان اشوف مشوكش مشتاق ! ..تحيّة الوفاء لاهل الاخلاص والوفاء وسلامات ياكبير .
| |
|
|
|
|
|
|
|
|
|
Re: وصفة شعريّة..للعلاج النفسى من الشواكيش ..للمشوكشات فقط (Re: د.ناهد محمد الحسن)
|
قائمة مشتروات..!
منشّة للذباب..
بعض رطل من اللحم ..
وكم سنتميتر من الشعر المكعّب؟
( شاكوش وصف غير لائق بالعلاقة الانسانية وهذا تعبير ايهاب عمر )
ويقول الناس تجيب لها اسم تاني
مثلا لو واحدة رافضة بتقول عايزه تقرا او هكذا
لي صديق اخذ علي راسه بمكابسة لحتات ما بتاعته يعني مدا رحلو ابعد من لحافو
تعرفي اجمل رفض اشوفو هكذا الاثنان ديمقراطيان
الاول يقول والله هو يريد التقرب لتاسيس علاقة انسانية وان شخصيتك فيها الكثير من
الحداثة والشفافية ومعا ممكن ناسس لحياة جيدة
هي تقول
والله لدي مشروع علاقة خليك( انكنتاك)
صاحبي يهيم ويهيم ويرجع للزواج من بت البلد علي وزن غطي قدحك
انا شاهد علي علاقة وشاكوش
واخر تم بالابحاث الزراعية وسط الزهور متصور
قائمة مشتروات..!
منشّة للذباب..
بعض رطل من اللحم ..
وكم سنتميتر من الشعر المكعّب؟
| |
|
|
|
|
|
|
|
|
|
Re: وصفة شعريّة..للعلاج النفسى من الشواكيش ..للمشوكشات فقط (Re: د.ناهد محمد الحسن)
|
يعنى يا ناهد دايرة تجيبى لينا (الهوا)
نحنا البنصرف الشواكيش ( هييييييييع )
وكان ما صرفنا شاكوش بنورى (البخرة حقتو )
زى ما قال الطيب صالح ( يازول انت قصةتك ما مخارجة معانا)
وعلى راى الشماشه ( اتفكفك يا فردة )
اها يا ستى الشاكوش دا ما علينا بحوم
وحاتك من ( صرة الوش الاولى ) التانية (شتات يا فردة )
العمر ( مش بعزأة يختى )
فكرة لذيذة انتى عالجى بالطب النفسى ونحنا بالبلدى
هسى كان الزول فتح ليهو عيادة (موازية ) لعلاج المشكوشكين والمشوكشات ما بتزعلى منو ؟
بالجد ما بتزعلى لانى عندى ( زى ديل عييييييييييييك ) واسوى لى حائط مبكى رايك شنو ؟
والله ما بحميك عارفة العلاج حيكون بالغنا
ودى تجربة حقيقية كان بعملا الراحل عبد العظيم حركة والفنانة ستونه مجروس فى مستشفى التجانى الماحى بغنوا للمرضى ولانه بيتنا كان قريب من المستشفى ( اتعاديت طبعا ) كنت بسمع الحفلة
دامت لكم افراحكم
| |
|
|
|
|
|
|
|
|
 Re: وصفة شعريّة..للعلاج النفسى من الشواكيش ..للمشوكشات فقط (Re: سلمى الشيخ سلامة)
|
سلمى ..مشتاقين ..
بالله همباتية انتى ..عافية منك ؟ شوكشيهم لينا ..يشوكشن البلا الفى خلقتهن ..لو بكرى ادانى فرصة ,انزل ليك لستة بالدعوات على المعتدين ..اقوم بتحديثة بالامراض الحديثة مرورا بانفلونزا الطيور..ياختى المشوكشة بعد ماتدعى بحصل ليها releif ونتفشى , ولا اقول ليك ..يرفع بكرى عننا الحظر وننزل مستوى الشتايم ..ولا رايك العكاكيز احسن ..اختك المحتارة ناهد
| |
|
|
|
|
|
|
|
|
|
Re: وصفة شعريّة..للعلاج النفسى من الشواكيش ..للمشوكشات فقط (Re: حليمة محمد عبد الرحمن)
|
Quote: أبصرتها معك ..
ذات خيبة كبيرة ..كبيرة
لصيقة باذرعك ..
جمالها , من ذلك النوع الذى ان ذقته سيلسعك
عيناها ولونها ووجهاوكل ما بها ..
مختصر ما يحبذ الرجال من جمال
وشعرها نسيت شعرها ؟؟!
حكاية الاميرة السجينة ..
ان جذبته اليك سوف يرفعك ..
وانت تدور حولها ..
مدلّها بحبها ..
كم وددت وقتها
لو امد اذرعى لاصفعك ..
|
دكتورة ناهد، تحيات طيبات
وددت هنا ان الفت انتباهك بان غيظ الانثى المثقفة جميل حينما يوضع على سلة الورود الطبيعية للكلمات أعلاه فهى مرفدة بدقة وكثافة عالية ومدلول عميق يسبر غور الرجل الشرقى ويثبت اهتمامه بنوع معين من النساء .هذه الدقة فى وصف الغريمة يدل على ان الأنثى ايضا" تتباها على صنواتها بالعقل لا بل الشكل ، وهذا صراع طويل يحسمه دائما" ميلان الرجل الشرقى الى تفضيله الابله للأنثى ذات الشكل الجميل والانوثة المتدفقة ).وغالبا" ماتخسر الانثى المثقفة العاقلة فى هكذا صراع .
انشالله صفعتك ماتقيف يادكتورة لكل رجل يهوى تفسد اللب وقشور المظهر وثنايا الجسد
سلمت يداك
بابكر زيكو
| |
|
|
|
|
|
|
|
|
 Re: وصفة شعريّة..للعلاج النفسى من الشواكيش ..للمشوكشات فقط (Re: ABU QUSAI)
|
د. ناهد !!!
واو !!! عنوان جذاب خاصة للشمشارين العايزين يعرفو المشوكشات منو !!
أتريدني أن أعذرك !!
يا سيدي ما أشطرك !!
أنت الذي ناديتني !!
وأتيت حتى أبصرك !!
فعلام تتركني وهل !!
مني الهوى شيئا ترك !!
يا هاجري رحماك !!
مر الزمان ولم أرك !!
عمري خسرت ربيعه !!
وأصر أن لا أخسرك !!
فأنا أراك كمنقذ !!
للعسر ربي يسرك !!
كنت القريب فما الذي !!
مني حبيبي نفرك !!
الغانيات جميعهن !!
أردنني أن أهجرك !!
لكنني لم أستمع !!
إلا لقلب آثرك !!
فغدوت أنت مليكه !!
وعلى الغواني أمرك !!
أنا خاضع لك سيدي !!
ومسلم في المعترك !!
والدرب أفرشها أمامك !!
بالورود لأحضرك !!
فإذا رحمت وزرتني !!
شكرا لغيم أمطرك !!
وإذا امتنعت تكبرا !!
أعذرت فيك تكبرك !!
يا مالكا قلبي الذي !!
مثل الملاك تصورك !!
كيف استهنت بقدر من !!
فوق البرايا قدرك !!
ولم اكتفيت بهاتف !!
يشكو إليك تجبرك !!
يكفي يقول لك الهوى !!
ماذ ترى قد غيرك !!
أسمعت من قول الوشاة !!
مقال زور كدرك !!
هيا إلى قاضي الهوى !!
فهوى الصديق المشترك !!
إن قال إنك ظالم !!
فبحكمه لن أجبرك !!!
أو قال إني مذنبة !!
أسعى لكي أستغفرك !!
فالحب يجبر خافقي !!
يا سيدي أن ينصرك !!
التوقيع : واحدة مشوكشة !
وعذرا للإطالة !
| |
|
|
|
|
|
|
|
|
|
Re: وصفة شعريّة..للعلاج النفسى من الشواكيش ..للمشوكشات فقط (Re: د.ناهد محمد الحسن)
|
د. ناهد
سلامات
تختلف ردات الفعل من مشوكشة لاخري ولكن من الجمال ان تكون ردت الفعل ملهمة للاخريات
وممكن تساهم في تضميد جراحات ايضا لاخريات .
وقد تحرج المشوكش وتلبثه ثوب الخجل من فعلته
يكفي يقول لك الهوى !!
ماذ ترى قد غيرك !!
أسمعت من قول الوشاة !!
مقال زور كدرك !!
هيا إلى قاضي الهوى !!
فهوى الصديق المشترك !!
إن قال إنك ظالم !!
فبحكمه لن أجبرك !!!
أو قال إني مذنبة !!
أسعى لكي أستغفرك !!
فالحب يجبر خافقي !!
يا سيدي أن ينصرك !!
التوقيع : واحدة مشوكشة !
!
واجزم ان هو قراء هذة السطور لعاد اليها صاغرا فهل كل هذا الجمال يترك.
وجمال المراءة في قوة ضعفها الساحر
وحتي لاتوصفي بالانحياز للنوع
اعتقد مشوكشة ومشوكش شيء واحد( ضحايا ) والفرق الوحيد في ضربة الشاكوش وتاثيرها
ولك الود شوالات وللرائعة عواطف
يعني كلنا محتاجين لوصفة للعلاج النفسي والا يكون عندك خيار وفقوس وهذا لايستقيم مع المهنيه
و
طبيب جراح قلوب الناس ادويها
وقلبي ياناس...............
| |
|
|
|
|
|
|
| |
حليمة محمد عبد الرحمن
انعام عبد الحفيظ
مشتاق
سلمى الشيخ سلامة
بابكر عثمان مكي
هاشم أحمد خلف الله
محمد الطيب حسن
Adil Osman
ABU QUSAI
عواطف ادريس اسماعيل
د.محمد حسن
السمؤال بدرالدين
بدرالدين كاجوري
احمد العربي
Ahmed Yousif Abu Harira
Ahmed Mohammed Osman
فيس بوك
تويتر
انستقرام
يوتيوب
بنتيريست