|
وازدان المنبر ب كمال سالم.... شاركونا الفرحه
|
ابن امدرمان الديمقراطى الاصيل الوجيه كمال سالم هل علينا فى منبرنا بعد طول انتظار مرحبا به اضافة ومكسب حقيقى للمنبر والقوى الديمقراطيه فهنيئا لنا ولبورداب الدوحه ولاننى اعلم كم يحب اشعار محجوب شريف اهديه هذه الاغنيه ولكم فرحا بمقدمه
|
|
|
|
|
|
|
|
Re: وازدان المنبر ب كمال سالم.... شاركونا الفرحه (Re: مبيوع)
|
كمال سالم الصديق ود امدرمان الاصيل وناثر الفرح
فى المجالس اين ما حل
رجل وناس من طراز فريد لة اياد بيضاء كثيرة فى الدوحة.
من حولية كل الوان
الطيف السياسى ديمقراطى محبوب من الجميع نشاغبة كثيرا
انا وصديقى اللدودكيكى ..ونكن
لة الاحترام والود كمال سالم ود بلد اصيل يصلح
ان يكون عمدة او شيخ عرب .....
يحفظ كل اهل امرمان القدامى وهو ايضا من ظرفاء امدرمان
فى جعبتة كثير من الحكاوى
والقصص الطريفة والنادرة .....
مرحب كمال سالم...........قد تكون شهادتى فية مجروحة
لكن ما يصح الا الصحيح.
فليحتفى بة كل بورداب الدوحة ....
وكل اعضاء سودانيز اون لاين ............
| |
|
|
|
|
|
|
Re: وازدان المنبر ب كمال سالم.... شاركونا الفرحه (Re: مبيوع)
|
واخيرا ومن داخل الحوش هاأنا ذا أقف غير مصدق اننى بينكم ياأحبتى وأخوتى فى سودانيز اونلاين وهذا هو الاعجاز ان يكون لديك اخوه واحبه لم تراهم. شكرابكرى ابو بكر - شكرا صديقىالحبيب ابوساندرا وشكرا عزيزى الدكتور الفنان الانيق ياسر مبيوع وشكرا لكل الاخوه الذين رحبوا بى فى هذا البوست والذين سوف اعود لهم بالتاكيد غدا . وتحيه خاصه للاصيل الااصلى الحبيب عبد الكريم الامين (كيكى)والذى لاادرى فى اى كمبو هو الان.
| |
|
|
|
|
|
|
Re: وازدان المنبر ب كمال سالم.... شاركونا الفرحه (Re: مبيوع)
|
شكرا لبكري الذي يخبر تماما بتواجد (المعتق)من الاشياء.. الذي زين به هذا المنبر, واراحنا من عناء ما كنا نسميه برهق البحث عنه وعن رائحته, اذ كنا كلما نشتاق الي السودان او امدرمان ندلف الي المكان الذي يتواجد فيه كمال سالم لنتنفس من عطره الامدرماني الاصيل الذي يضوع في المكان,, ودون ان تلتقيه حتى نكون قد اروينا شبقنا بالرائحه فقط والتي تدوم للحد الذي يقتل لعنه الشوق.. مرحبا به هنا
عاجزين تماما يا ياسر عن ايصال فرحتنا به وبك..فقط دعنا لحين ايجاد الماء الذي ينزل شهقة الفرح... كمال سالم نسمة نحتاجها هنا كثيرا هذي الايام .
| |
|
|
|
|
|
|
Re: وازدان المنبر ب كمال سالم.... شاركونا الفرحه (Re: فيصل عباس)
|
سلامات وعوافي وها اشرقت الشمس يا ياسر .. واغتسل الليل من عسعسه البهيم .. كمال سالم مرة واحدة .. يارجل برائحة النهارات الاليفة .. . . هاشا باشا .. يدلق علي الغربة عبق ام درمان الاصيلة .. تشتهي التفاصيل في حضرته وهو يعدد ابناء دفعته ويروي ذكرياته المجيدة وكانه شرب تاريخ المدينة من ثديها الحلوب .. حتة حتة يلف بيك ام درمان .. حي حي .. يشهيك المدن والتفاصيل الحميمة .. نشيط وحبوب وروحو جميلة .. امانة ما مكسب ياكمال سالم .. والله شرفتنا كتير يا كمال خصوصا وانك عضو متابع منذ فترة ليست بالقصيرة .. مليون مرحبا ولو يكتمل العقد النضيد "بحضور حبيبنا عادل سالم" نكون شاكرين وحامدين يا ياسر وعمر سعد وكيكي..
| |
|
|
|
|
|
|
Re: وازدان المنبر ب كمال سالم.... شاركونا الفرحه (Re: ودرملية)
|
حباب كمال ودسالم حبابو ..
كمال الراجل الزين ودالبلد بعرفو ..
يبقى سأتعرف هنا على كمال عاشق امدرمان والحافظ
لحكاويها ..وعندى زول برضو مليان حكاوى عن امدرمان
ومن ناسنا ناس الدوحة سيدخل اليكم حامل جراب حكاويه عن
تلك المدينة المعشوقة ..وسيكتمل الحكى ..
الف مرحب مرة اخرى بكمال سالم اضافة ثرة وحقيقية لهذا
المكان ..
ويبقى الود
| |
|
|
|
|
|
|
Re: وازدان المنبر ب كمال سالم.... شاركونا الفرحه (Re: عاصم ابوبكر حامد)
|
Quote: وتحيه خاصه للاصيل الااصلى الحبيب عبد الكريم الامين (كيكى)والذى لاادرى فى اى كمبو هو الان. |
كمال سالم بيننا هنا وانا اخر من يعلم... شنو يا مبيوع يعني الواحد ما ينزل اجازة ولا شنو؟؟؟ ومرحب بكمال سالم وان كنت ياكمال وفي جغانين الكنابو الا ان يوم حضورك الي هذا المنبر يوما استثنائي يستحق ان نخرج فيه الي الشمس ونرحب بقدومك الذي تاخر كثيرا.. مرحب كمال سالم مرحب,,, وكل تحياتي لاهل الدوحة الكرام...
| |
|
|
|
|
|
|
Re: وازدان المنبر ب كمال سالم.... شاركونا الفرحه (Re: عبدالكريم الامين احمد)
|
كمال سالم ..
ما بقدر أقول إنو أمدرماني .. عشان ناس الخرطوم وبحري ما يزعلوا وما بقدر أقول إنو (عاصمي) عشان ناس أقاليم السودان كلها (خاصة الشرق) ما يزعلوا عشان كده ترحيبي بي صديقي الجميل كمال ح يكون بكمال السوداني بس .. مرحب بيك يا كيمو ، ونحن موعودون بمساهمات (دسمة) كمال (لمن لا يعلم) يكتب باحدى الصحف القطرية .. يعني جاهز !! نشوفك ، ونسمعك ونقراك يا كيمو .. الف مرحب بيك ..
| |
|
|
|
|
|
|
|