|
|
 الشريف زين العابدين الهندي يرثى العمدة "محمد العوض بليلو" (خشم العقبة)
|
عِماد الحكم عماد السجايا * عميد المجد معمود الخلودِ
عوان المسنين فى البرايا * معين الناس معوان الكنودِ
سراج الساهرين على الليالي * سياج المعوذين من البرودِ
سليل العز سلال الرزايا * مسيل الخير سيال الجهود
ذراع الفخر زراع العطايا * مسيل الخير سيال الجهود
مُخِيف الخوفِ حقار المنايا * مُذيق الموت موتاً ذى شهود
يواعدك الملاك الى لقاءٍ * فتسرع فى اشتياقك للصعود
وتمضى كالنسيم بلا عناءٍ * شفيف الروح كالبطل الشهيد
عجلت مودعاً وتركت جُرحاً * نوازفه كذبحك للوقود
وادمعه تبلل كل ارض * كما ابتلت صحافك بالثريد
تضيق بها جفان كالجوابى * تزيد على زيادة مستزيد
وتشبعهم بشاشة ذى سماحٍ * تسمح سمحة عبر العهود
وفقدك لا يعالجة أناس * ولا صبر يفي هذى الحشود
فإنك أمة ودليل قومٍ * تعود محكم القول السديد
تركت مآثرا جلى وحمدا * يشير الى الزعامة فى اللحودِ
لقد أوفيت إذ مارست صعباً * يتيه به الوفاء على العهودِ
وأنت الآن عند الله ضيف * عزيز القدر موفور السعودِ
عليك الرحمة الكبرى فإنا * وحق الله في كرب شديد
هذا ما قاله الراحل الشريف زين العابدين الهندي –عليه رحمة الله- فى رثاء هذا الطود الشامخ ود بليلو، فقد يسأل البعض من هو هذا العمدة وكيف كان حتى يرثيه الشريف الهندى بهذه المرثية التى نشرت فى صحيفة الرأى العام فى عددها 760 بتاريخ السبت 22 جمادى الثانى 1420 هجرية الموافق 2/10/1999.
ابقوا معي وسأتلو لكم من مآثره ومناقبه ذكرا وذلك من خلال المراثي التي قيلت فيه.
|
|
 
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: على احمد النعيم)
|
ألا رحم الله الرجلين الشريف والعمدة ود بليلو
فكلاهما كانا أمة فقد لازمت المرحوم العمدة
اثناء زيارتة لقاهرة المعز مستشفيافى عام
1998 فقد كان الرجل بحق وحقيقة أمة وكان
علية رحمة الله جل همة أن يرى الأشقاء فى الحزب
الإتحادى فى وحدة وتراص حيث كان مقر إقامتة رغم
مرضة غرفة عمليات لرأب صدع الأشقاء وكان كثير
السعى بينهم ، فبفقدة فقدنا ركنآ مهمآ من أركان
الإدارة الأهلية فى المنطقة والسودان عامة، ألا رحم
الله العمدة ودبليلو ورفاقة وأنزلهم فسيح جناتة.
عبدالله
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: على احمد النعيم)
|
العُمد والإدارة الأهلية
بعد زوال مملكة الشايقية على اثر النتائج السالبة فى معركتى كورتى والتكر اللتين أبلى فيهما الشايقية بلاءا مبيدا تراجع ما بقى من جيوشهم جنوبا تحت قيادة الملك شاويش حيث انتهى بها المطاف الى الانضواء تحت قيادة الجيش التركى الغازى حيث سلم الملك شاويش بعد استسلام ملوك الجعليين والعبدلاب الذين سلموا على التوالى، وهم الملك نصر الدين وملك الميرفاب والشيخ ود عقيد والمك نمر والمك مساعد والشيخ ناصر ود الشيخ الامين ود مسمار شيخ العبدلاب.
وبعد حريق ود الباشا الشهير فى شندى وخروج المك نمر وهدوء الأحوال الأمنية، سرحت الحكومة التركية قوات الشايقية وأجبرتهم على زراعة الأرض الخالية من حلفاية الملوك جنوب حتى كبوشية شمالا، ونفذ الشايقية مكرهين امر الباشا، وقد تحسر عليهم الرحالة بركهارت بقوله: بعد ان كانوا يطاردون العدو بالخيل فى أطراف الصحراء اصبحوا يسوقون ثور الساقية على أقدامهم وهم حفاة.
وقد نفذ الشايقية الأمر وانتشروا فى الأرض المذكورة، حيث نزل الحوشاب والكدنقاب فى مناطق الازريقاب والكدرو والجيلى وود اب حليمة، وقرى على الضفة اليمنى للنيل، وقوز نفيسة والكوداب وام غريز على الضفة اليسرى حتى شلال السبلوقة. وانتشرت قبائل السوراب فى منطقة حجر العسل وحجر الدل وبانقا والعونية فى البسابير، كما انتشرت فى قندتو وشندى وكبوشية وانتشر الرحل فى الوديان كالعوتيب والنقعة واب حريق واب ريحان والكربكان والشقيق واميكح على الضفة اليمنى شمال السبلوقة. وقد نزل ملوك الشايقية فى كل من العيلفون والحلفاية وحجر العسل والهوبجى، وقد انشا رؤساء البيوت والقبائل خلاوى لتعليم القرآن الكريم واكرام الضيوف. وبعد انقضاء عهد السناجك بنهاية العهد التركى وعهد الامراء بنهاية عهد المهدية، جاء نظام العمد فى بداية العهد الانجليزى او ما يعرف بالإدارة الأهلية. وهو نظام يقوم شيخ القرية فالعمدة فشيخ الخط والناظر العام وعلى هذا الأساس اصبح للشايقية مجموعة من العمد تناسب ثقلهم السكانى فى منطقة جنوب ولاية نهر النيل . وهم العمدة ود بادى فى شندى والعمدة ود ناصر فى مويس والعمدة ود زياد فى البسابير والعمدة ودبليلو فى حجر العسل والعمدة ود يوسف فى مديسيسة والعمدة بشارة فى جزيرة نسرى والعمدة ود الهدى فى ود حامد.
ومن اشهر العمد فى نهر النيل هو العمدة ود بليلو ، فقد توارث بيت ود بليلو زعامة القبائل منذ عهد بعيد وكانوا على النحو التالى:
العمدة على ود بليلو المتوفى عام 1321 هـ
العمدة محمد على بليلو المتوفى عام 1920م
العمدة بليلو على بليلو المتوفى عام 1926م
العمدة العوض محمد على بليلو المتوفى عام 1964م
العمدة محمد العوض بليلو المتوفى عام 1999م
ومن ابرز صفات آل بليلو هو الكرم الذى ذاع صيته فى المنطقة وكان من اشهر الكرماء فى بيت بليلو هو العمدة محمد العوض بليلو وسوف نترك الحديث عن كرم وسجايا محمد العوض بليلو عليه رحمة الله الى ما قيل فيه من شعر تدفق كالمطر المدرار بعد رحيله. والشعر اقوى اثرا واصدق تعبيرا عما يختلج فى النفوس حيث بكته صوادح القريض فى كل قبائل حجر العسل – مجموعة بلة الكباشى واحمد الحاج الحسونابى وحسن السيد وابراهيم مصطفى الحسونابى وود قاعور السورابى والزبير الحسانى وغيرهم. وسيجدهم القارئ وهم يعتصرون حشاشة افئدتهم حزنا على ود بليلو وعلى راسهم جميعا الشريف زين العابدين الهندى –فارس العربية العملاق-
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: على احمد النعيم)
|
نواصل فى ما قيل من رثاء فى شأن العمدة
رثاء الشاعرالزبير فضل العاطى رابح:
ما لو الليلة قمرك يا بلد ما هلّ
وسعدِك غاب ونجمك من عُلاه إدلى
وين العمدة نوارة البلد والحلة
خلانا ورحل طالب القبول عند الله
***
قمرين غابو... محياك والقمر فى ليله
وبكت حجر العسل حزنت جبالا ونيلا
وين يا العمد تسند للضعيفة تشيلا
يا ضو القبيلة وشعلتا وقنديلا
***
اسمعوا يا أهل شوفو المصيبة الجاتنا
العمدة البلولة رحل تركنا وفاتنا
كان زادنا القبيل داخرنو لى حوباتنا
وكان سيفنا البنعرض بيهو فى لماتنا
***
كان والله نبراسنا البنير ظلماتنا
وكان العمدة افراحنا وحصاد بلداتنا
وقوتنا ورجولتنا وسماحة ذاتنا
وموت العمدة كان والله ياهو مماتنا
***
كان الجايه طالبه الناس بيتلقاها
كبرت واللا صغرت هو البعرفو لداها
همومنا بشيلا ما تقلت فتر خلاها
ما قال بس كفاهو المن زمان سواها
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: على احمد النعيم)
|
نواصل فى رثاء العمدة يرحمه الله مع الشاعر ود رابح
مما شب كان فائق جميع اقرانو
وكبرتو التجارب تقلت ميزانو
رايو حصيف مسدد وبالمكارم زانو
قدحو معلى فوق نجم الثريا مكانو
***
يا الطيب حليل زولا اخوك بتعرفو
وكم اكرمتو لى نبلو وكمالو وظرفو
كان حلال مشابكا ناسا ما بنصرفو
كريما سيل ومن فيضو العطاشى بغرفو
***
كان راس القبيلة وكنزها المدخور
وسيفها البيهو تعرض وجرتقها المضفور
وكان ياهو المسمى ومن زمان مخبور
فراج كربة العانى الصبح ماسور
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: على احمد النعيم)
|
الأخ على أحمد النعيم تحياتى
فى اجازتى الصيفية كنت كثيرا أزور العمدة وكان بصحبيه أخى دكتور عادل وكان الرجل كما قلت شهما كريما وفيا ((,كنت أنت فى صحبيه على ما أذكر))
وشاء الله بعد عام من رحيلة نزلت الى مصر الحروسة وكنت ابحث عن شقة ودلنى أحد السماسرة الى شقة قرب جسر السويس ففوجئت بأنها نفس الشقة التى كان ينزل بها العمدة عليه رحمة الله فقابلت صاحبها لواء فى الجيش ((نسيت اسمه)) وأستأجرتها منه.
ووجدت صاحب الشقة لا يزال يذكر العمدة ويسميه ((بالأمير)) وكان يقول لى كان يسكنها أمير سودانى. وهو يحمل له مودة وتقدير كبيرين.
رحمه الله وغفر له.
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: ود شندي)
|
Quote: وسيدالجدول المتحدر
|
الاخ ود شندى
اولا لقد اصبتنى فى مقتل بذكرك هذه المناحة التى قالتها امى -متعها الله بالصحةوالعافية- فى رثاء والدى يرحمه الله رحمة واسعة:
"سيد الخدار المبدر وسيد الجدول المتحدر" فقد كان صمدا للسواقى فى زمانه نسأل الله له الرحمه.
ثانيا اظن انى اعرفك وتعرفنى من خلال مداخلتك هذه! فهل لى ان اسأل انت من ياتو حله من تلك الحلال؟.
وصدقت اخى ان العمدة يستحق النواح "فعلى مثل العمدة تبكى البواكى".
والشكر موصول للباشمهندس بكرى لاتاحته لنا هذه المساحه وهذا المرتع الخصيب.
تحياتى بلا حدود اخى وافصح لله درك.
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: Ahmed Yousif Abu Harira)
|
| Quote: يا ناس الونسة الفوق الفراش دي شنو؟ |
والله يا ود اب حريره صدقت الفقيد ما يستاهل يتونسو فوق فراشو. وهاك مما قيل فيه يا شيخ احمد:
السبلوقة ناحت واتحول خريرها نحيب
والبير قطت وشدرنا جف حطيب
لولا المعصية وفى الاخرة برضو نخيب
كان لطم الخدود والليلة شق الجيب
***
مالك يا الحجر شهدك إناه نضيب
والدر فيك عجف ما كان حلوب مو وجيب
ابو طليحك ضمر اصبح يساوى شطيب
نورك إنطفأ نارك بقالها لهيب
***
انطق يا حجر واسمع سؤالى واجيب
وين الدارو عامرة وبالعشاما رحيب
وين الكفو نادى وبالعطايا رطيب
وين الايدو تدى وما بقولك جيب
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: abuguta)
|
Quote: مصابكم جلل فى البضبح الحلوب والسارحة
ذكراه عمت ارض النيل ..والجبال المالحة
سمعت بيهومن قبل وانا من الجزيرة الفالحة
عجبنى كلامكم فيه ,وجتكم داخل اشيل الفاتحة |
الاخ ابو قوته
ربنا يكرمك وسعيك مشكور، ونحن جد سعداء بتشريفك ووقوفك معنا فى الافصاح عن مناقب هذا الرجل وليتك عاصرته يا اب قوته، فقد كان كالسيل، كالعوتيب الذى يسمع خريره قبل ساعات من وصوله الى اذن السامع، الرجل كان اعجوبة زمانه.
شكرا لحضورك بيننا.
تحياتى بلا حدود
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: سمية الحسن طلحة)
|
Quote: المتل العمدة بكايتو بتمشى مصنقعة وبتمنح :
|
شكرا بت طلحة على المرور الكريم.
نعم صدقتى والله وصدق من قال الراجل ببكنو فعايلو ومناقبو. والنواح على العمدة يشبه الى حد كبير بكاء اولاد الشلهمة على اخيهم. واود ان اورد لك هنا واحدة من النائحات المصنقعات اللائى بكين العمدة، إمرأة يا بت طلحة وجدوها فى ركن قصى اول ايام الماتم وهوتنوح بصوت خفيض وتقول: (وا شناة جيتى ليك يا عمدة) عليك الله يا بت طلحة تخيلى هول الفجيعة يعنى جيتها الان كانت تختلف عن جياتها السابقة ولما سالوا عنها وجدوها لا تمت الى العمدة باى صلة اللهم الا ايادى العمدة البيضاء التى كانت تصلها وتصل المعدومين امثالها بدون ان يدرى احد ماذا اعطى العمدة وكم اعطى ولمن؟
جزاك الله خيرا يا بت طلحة وعشمى ان تقعدى معانا لامن الفراش يترفع.
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: على احمد النعيم)
|
واشناة سفرتنا فيك يا عمدة
هكذا قالها الأستاذ منصور بلة محمد عبيد الله، (من قلعة ود جمال - ريفى حجر العسل) تخيلوا معي هول الفاجعة وكيف تبكى الرجال الرجال!! لله درك يا منصور:
شفتو النيل
شفتو الزول يحانس عزرائيل
يدس الموت
يسافر يوت
أمل بنوت
حلم جيعان .... منارة ليل
دا كان عمدة
مشلخ بدموع الغلابة
مدوزن بى وتر الربابة
بعرق التعابة
مخلوق من زمن فات
مدخور لى زمن آت
لكنا استعجلنا مستقبلنا
اكلنا دخرينا جت
ما راعينا اجيالنا
لسنين القحط
وميال البخت
ومال السحت
****
كان مشروعا من مشروعات املنا القومى
تصالح مع ذاتو
تصالح معه العالم
كان كبيرا فى زمن الاسئلة الكبيرة
وكان عملاقا فى زمن الاجابات القصيرة
وكان بصيرا عندما انعدمت البصيرة
وكان بالموت جديرا
الموت رجل يصادق الرجال
الموت حقيقة تهفو للحقيقة
وكان العمدة حقيقة
أرأيت الموت يطرق باب البخلاء؟
أيطلب الجبناء؟
أيتربص بالأثرياء؟
لا.... لا..... لا
الموت يترك اهل الدنيا
لأمهم الدنيا
ولنفوسهم الدنيا
ولطموحاتهم الدنيا
ويستصحب فى سفرته عمدة
ليؤانسه ليؤاكله
وينحر له فيكرمه
أرأيت رجل يكرم موتا؟
إنه العمدة!!!
***
كنت أصلى عصر الخميس وكان جرس الهاتف يرن، لا الهاتف زهج ولا المهاتف قنع. سلمت من عصري ورفعت السماعة!
الو مين؟
خالد عباس حميد.
خير
سمعت بالعمدة؟
مالو؟
مات فى إبن سيناء ظهر اليوم.
رأيت سماعة الهاتف تدمع من طرف وتدمى من الطرف الاخر، ولم ادر ماذا حدث بعد ذلك... كان الصمت وحده يتحدث بداخلى وكان شئ مثل لوح الزجاج المكسور يصرصر فى صدرى... خرجت تائها وفى رهط من الباكين اتجهنا نحو منزله فى حجر العسل. نحو ساعة ونصف كان داخلى يقيم حوارا، غراما معذبا ومتلفا مع طيف ذلك العمدة. الامة النجدة السخاء الضوء السحابة السماحة البساطة، هل يستطيع القبر ان يضم بين جنبيه خريفا؟ ضراعا ونترة وطرفة هل يلحد النيل الطامح فى عز الخرسان؟ ام هل سيتسع ذلك اللحد الشبر للضوء؟ هل رايتم المادة المعتمة تمنع ضوءا من ان ينطلق؟ انه طاقة وكان العمدة طاقة... قوامه النحيل اقرب الى القصر منه الى الربعة، لونه الاخضر الدقاق.. جبهته العريضة الذكية ... الشلوخ المستعرضة تاخذ راحتها على وجنتيه.. لسانه الذرب البهجة فى الصوت عندما يقول "على الحرام" كلماته السريعة الطلقات لا تترك لاحد ان يعصى له امرا ... من من الناس لا يعرف من الجيلى وحتى عطبرة شرق النيل وغربا، لم يكن العمدة عرابا لحلها. المتعاقبون على الخدمة المدنية منذ سودنتها وحتى يوم رحيله، من منهم لم يرفع له العمدة ظلامة لمظلوم او حاجة لمحتاج؟
ديوانه المتواضع البناء على ضفة اب قيدوم كم امة من الناس الف آلاف ملايين... كم نحر وكم ذبح او يذبح او ينحر امام تلك الدار اللينة؟ لا يستطيع احد غير الله سبحانه وتعالى ان يعلم او يحصى .
قبل عام وبضعة اشهر رقد العمدة بالفشل الكلوى فى مستشفى ابن سيناء. فكانت ازمة لم تعرف ادارة المستشفى طريقة للتعامل معها... زواره يوم الزيارة يساوى عددهم زوار جميع مستشفيات العالم، لم ينفع معهم باب ولم يُجدِ بواب وتتراص صفوفهم من باب الزيارة حتى باب الغرفة التاريخية، يصر كل واحد منهم رجل او امراة او طفل ان يكافف العمدة، ويصر العمدة ان يضغط على كف كل مكافف . ويسال المريض الزائر عن حاله!! فى اغرب وضع لا تعرف فيه من المزور ومن المزار.
يا الهى العمدة يخرج من تحت ماكينات الغسيل المرعبة وهو يبتسم فى شجاعة هى اقرب الى اللجاجة، ان كل النظريات عن التسمم بالبولينا لا يعترف بها العمدة وان تقف كليتاه لا يهم عنده. ولما تدافع المتدافعون للتبرع بكلاهم استغرثت الفحوصات اشهرا. وعندما تم التفكير الى اين يذهب العمدة مستشفيا تدافع الناس كل يريد ان يعالج ذلك الهرم من حسابه تشرفا، لكنه اختار دعوة ابن الاكرمين، فكانت القاهرة ممثلة فر راس دولتها، وكان مستشفى المنصورة يستقبل هرما غير اهرامات الجيزة المعروفة.
ويا المنصورة ما وقعتى فى ورطة.. كل ابناء السودان المقيمين قديما وحديثا كانوا يتوجهون زرافات ووحدانا يفكرون للنيل من مصبه. بعدها عاد العمدة للنيل لاستكمال العلاج فكانت حجر العسل على موعد مع مجزرة للخراف والابل والبقر، لم تتوقف لاربعة اشهر. ويرجع العمدة كل اسبوعين يسلم جسده لماكينات الغسيل المرعب ثلاث ساعات. غيره ينام بعدها عشر ساعات وهو يقفز من تحتها لان هناك من ينتظره ليقضى له حاجة من حاجات الدنيا في دواوين الدولة او غيرها... الغارمين تطاردهم البنوك أين العمدة المزارعين يتعثرون في السداد أي مشكلة صلح كبيرة وعويصة اين العمدة؟اثنان محكوم عليهما بالإعدام ينتظرون تنفيذه من يذهب او من يكون وجيها عند أولياء الدم ليعفوا.. انه العمده. اثنان فلتا بشجاعته من حبل المشنقة فى كوبر وهو لم يفلت من حبل المنون فى ابن سيناء.
يذهب يوم الخميس يستعد لجمع أطراف اضخم خصام تشهده البسابير وحجر العسل. استحلف أطراف ذلك النزاع ... استحلفهم بالله وبكل غال ونفيس ان يكللوا ما بداه بالنجاح ويتصالحوا عله يرتاح فى رقدته الابديه، وبعدها سقط وارتج الفناء فى ابن سيناء.. كانت الهواتف فى الداخل وتنوح من الخارج، وكانت مئات السيارات الغمامة التي أمطرت فى كل مكان وقبض ريعها كا واد.
توقفت سيارتنا على ضفة وادى اب قيدوم الغربية ... وكانت هناك امراة يلاهى صوتها بالعمدة ... لم يكن نحيبا فالنحيب يصدر من قلب موجوع ولكنه كان ملاهاة والملاهاة تصدر من القلب المفجوع وما اكبر الفرق بين الوجع والفجيعة. كانت هذه المراة تقول كلامها مسجوعا اخفى صوتها الواهن معظمه ولكنى استبنت منه قولها " واشنات جيتى ليك يا عمدة"...
انه الشناة خففت همزتها لتساعد الباكي والنادب وما اشنأ ان تطرق حجر العسل ليلا ولا تجد العمدة!!!
كانت قدماي ليلتها تغوصان في حزن الرمل باب قيدوم وانتهى ساعتها الحوار الداخلى المخيف الى بكاء "نخيج" ضاع معه صوتى والتفت استعير المراة الباكية مفرداتها فضنت على حتى ادركنى الدمع الملح الاجاج فخفف قلييلا مما بى على العمدة .. وها انذا اذرف دمعا لا اظن انه سينفع وسيطالنى قولهم:
دعوت الصبر بعدك والاسى * اجاب الاسى طوعا ولم يجب الصبر
نعم ان الدهر ماض الى نهايته المنطقية وان الحزن على العمدة محمد العوض بليلو سيظل قائما يتربص بكل فرح بل بكل مشروع للفرح الى ان يولد فينا مثلهوما اظن ان تفشق مشلخة على مثله، الى ان يجد الكرم ابنا الى ان يجد الجود فارسا والسخاء قلبا ... ساظل ابكى العمدة.
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: على احمد النعيم)
|
 ود النعيم اولاد الهندى ديل لهم بصمات خاصه لمن يعرفهاهولاء القوم ذهب شيبوب الشريف لم اتشرف بلقائه كثيرا حدثنى عنه ابنى احمد يوسف بمافيه الكفايه بحكم ماكان بينهما من اواصر الصداقه الشخصيه تاثرت كثيرا بالشريف حسين الهندى عند ماكان معارضا فى المملكه المتحدة كان بالنسبة لى المثل الاعلى بمافيه من المبادئ كان معارضا وليس ماجورا فى لندن كان ينكفئ على وجه عندما ينام لمصلحة السودان وكان مؤمن بقضيته بينه وبين نفسه لايهمه ان مات غدامايهمه فقط هو ان يكون راضيا عن نفسه ودا شى شى صعب انا اعرفه جيدا ان يصبر الرجل على المبادى اعزرنى ود النعيم اننى خرجت خارج الموضوع فى فيما ذكرت ولكن اتقهقرالى موضوعك (العمده ود بليلو) سمعت عنه من قوم اثق فى قولهم فهو ليس من من يتبع الاخرين برأيه لتحقيق مصالح شخصيه وإنني أميز من يتصفون بهذه الصفه إستحق ود بليلو عن جداره رثاء شخص في مكانة الشريف زين العابدين (عدل بواسطة خالد المحرب on 05-07-2007, 09:32 PM)
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: خالد المحرب)
|
Quote: سمعت عنه من قوم اثق فى قولهم فهو ليس من من يتبع الاخرين برأيه لتحقيق مصالح شخصيه وإنني أميز من يتصفون بهذه الصفه إستحق ود بليلو عن جداره رثاء شخص في مكانة الشريف زين العابدين
|
صدقت اخى خالد ان الشريف الهندى علم فى راسه نار، وهذا يكفى.
اما قولك فى العمدة ود بليلو فهو الحقيقة ذاتها، بعد ان خلف مناقبا وشمائلا جعلته مستحقالرثاء مثل هؤلاء الافذاذ امثال الشريف زين العابدين الهندى وغيرهم.
ليتك رايته يا ود المحرب، إذا لرأيت كوم من السماحة والكرم يمشى على الارض.
شكرا جزيلا اخى خالد على مداخلتك الكريمة.
تحياتى لك وللاسرة الكريمة بلا حدود
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: على احمد النعيم)
|
الأخ علي
تحياتي
لقد تشرفت بمعرفةالمرحوم العمده ود بليلو قبل سنوات خلت ابان عملي بالبنك الأسلامي السوداني وبالفعل كان رجلا" يحجب ضوء الشمس -لقد كان فارسا" كريما" عفيفا"حبوبا" اسأل الله له الرحمة والمغفرة وان ينزله الله مع الصديقين والشهداء
كما لا انسي الفارس الأخر المرحوم أحمد عمر ( حجر العسل ) الذي توفي منتحرا" بمنزله ببري اسأل الله له الرحمة والمغفرة
لقد اثرت في نفسي شجن عظيم وحزنا" دافق بانزالك لهذا البوست المضخم بالوفاء والجميل
لك تحياتي
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: ابو عثمان)
|
Quote: لقد تشرفت بمعرفةالمرحوم العمده ود بليلو قبل سنوات خلت ابان عملي بالبنك الأسلامي السوداني وبالفعل كان رجلا" يحجب ضوء الشمس -لقد كان فارسا" كريما" عفيفا"حبوبا" اسأل الله له الرحمة والمغفرة وان ينزله الله مع الصديقين والشهداء
كما لا انسي الفارس الأخر المرحوم أحمد عمر ( حجر العسل ) الذي توفي منتحرا" بمنزله ببري اسأل الله له الرحمة والمغفرة
|
الاخ ابو عثمان، تحياتى
نعم اخى لقد كان الرجل رحمه الله كما ذكرت، ونعم الشرف شرفك بتعرفك عليه.
والرحمه والمغفرة ايضا للمرحوم احمد عمر "الباندير"
شكرا جزيلا اخى على المرور الكريم، وواصل معى حتى نعطى هذا الرجل ما يستحق من التمجيد والتكريم.
تحياتى بلا حدود
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: على احمد النعيم)
|
والله كان مو الفراش وبكاء الزول القاسي علينا كان ما عقبت!!!!
ياود لنعيم زولك مابتفقدو
قبل وما امروق من المكتب قلت اخير اشيل الحديث دا معاي وارقد علي حمير قفاي واقراهو، بعيد من التلفونات والكرو كرو
وانا في الاشاره اشيل الورق ويسرقني الزمن والاشاره تولع البواري jييييييييت تييييييييت وانا ماجايب خبر... الا بلا البوليس(عباس) في القزاز وهاك يا ورق وهاك ودي وتعال وفي الاخير قالو منشورات دحين ياود النعيم كان يوم الغسل ما جيت ماتلومني وحضر عصاتك وتعال في الجوديه عشان تقنعو الديك وتمرقني من المنشورات والمحن البجن ضيفات
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: على احمد النعيم)
|
ود النعيم
كيف اصبحت
الجماعه ديل قابصين الخرزه
وقالو :الخشم عرفناه العقبه دي منو؟ وبت منو؟
قلتلن : كضابين والله الخشم زاتو ما عرفتو
قال : الخشم حنا ما نعرف العربي تبي تعلمانا إنت!!!
قمت ضحكتنا وزكرت حكايه احمد الخواض ود الموج اول ما جاء جاي
مشي البقاله وقالو اديني مربه
البقال: ايش مربه والله مادري ايش تقول روح دور وايش تبقي
ود الموج اول رف جاب البرطمانيه وجاء
البقال: اييييه من الاول ماتقول جآم والله انتم ماتدرون العربي
نعود لما انقطع من حديث
قلت ليهم والله الخشم مو خشمكن المعروف (النخره)
دحين نحن لسه في الدرس الاول وبعدين نشوف العقبه
والليله يوم السوعال عن العقبه
دحين كمنا عن العقبه
عشان اخوك بعد يومين ما تلقاهو برسل ليك من غوانتنامو
الليله يحلها الشبكه
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: ود شندي)
|
Quote: تعرف لي البكان دا وين
خربانه الدنيا
ديل جاين من بكاء يوسف ود مختار
الفاتحه علي روح الضعيف |
ود شندى والله لقد فتحت فى نفسى المواجع وفتحت جروحا كادت ان تندمل وما اظنها. ولو تذكر فى اول مداخلة لك معى فى هذا البوست قلت لك انك فى "عبى" وانت جحدت على ان اتعرف بك عن قريب !!! لماذا؟؟؟ اتخاف شيئا؟؟؟؟
وانا والله العظيم كانى اراك فى كل شئ ... فى كل واد من اوديتنا ... حتى صورة الحافلة وهى راجعة من شوقارها من حلة الزرق... يا خى حرام عليك!!! وماذا فيها لو قلت لى اننى فلان الفلانى ... ويكون فى علمك انا فى غربة لا ترحم واظنك كذلك.... فلماذا الجحود... فارجوك افصح لى حتى نكون عونا على مصائب هذه الغربة القاسية..
انا الح عليك لانك فى كل مرة تنقلنى الى اهلى... حتى فى هذه المداخلة الاخيرة وصورة هذه الحافلة التى تهيج الاشجان بعد عبورها مزلقان ابو هجيليج متجهة الى قهاوى ود رابح او عائدة من الخرطوم بعد استراحة البكاش.
اخى ود شندى ارجوك ان تفصح فقد بلغ السيل الزبى..!! واذا كان متحرج فى الافصاح فى هذا المنبر راسلنى على الماسنجر او ساعطيك رقم تليفونى او اعطنى انت رقمك وساقوم بالاتصال بك... هل هذا يكفى؟؟؟ وسؤال ملح هل تعرف قرابة المرحوم بوسف مختار بى؟؟؟ وما اظنك تجهلها بعد ذكرك لكل هذه المفردات!!!!!!!
منتظرك الحين!!
| |
|
|
|
|
|
|
|
|
وعزة جلال الله لم اقصد ذلك
لك العتبي حتي ترضي
| Quote: ويكون فى علمك انا فى غربة لا ترحم واظنك كذلك. |
هذا صحيح ...
ولكن هل تتفق معي باننا في اوطننا في غربه اوحش !!!
ودالنعيم
كيف ذلك!!!؟1؟1؟
وانت في وطنك الحبيب الذي تعيش في احضانه وابنك لم توفر له سبل العيش الكريم والتعليم
كيف لك ان تعيش وانت لم تملك الدراهم لعلاج فلذات كبدك من داء الملاريا اللئيم
كيف لك ان تعيش وابنك يطار في شارع من دفارات الالزاميه
كيف لك ان تعيش بين اختطاف واغتصاب بعد ان اصبح الزواج العرفي مقننا بيننا
وطننا عزيزي غربه داخل غربه يكفي انك في غربه داخل وطنك (بين الفقر والعوذ)
غربتنا مفروضه من وطن ركل بنا الي المنافي
آآآآآآه
ودالنعيم اذكر كل شي.. وزحيحيك بين القلعات الموحشه في هجر ضلو سماهو....
وبحراً غير مجراهو...
| Quote: فارجوك افصح لى حتى نكون عونا على مصائب هذه الغربة القاسية |
غربه الاوطان اهون من غربه الزمان
زمان اللؤم الذي حجب عنا رجالنا وساداتنا .... الذين فضلوا البقاء في باطن الارض من ظهرها ... (ونحن بصددهم في هذا لبوست)
Quote: وصورة هذه الحافلة التى تهيج الاشجان بعد عبورها مزلقان ابو هجيليج متجهة الى قهاوى ود رابح او عائدة من الخرطوم بعد استراحة البكاش.
|
لوحه جميله رسمتها بحرفك المميزه
وانا لم افعل شي سواء ((كوبي وبست))
ود النعيم
في الحلق لقصه
وادمع لم تعرف قوانين الجاذبه ( تطير فررررررررررر)
| Quote: واذا كان متحرج فى الافصاح |
ود النعيم
انا لم اكن سياسيا ضليع
ولا راسماليا تزاحم الخانات الحسابيه دفاتر البنوك
انا زولا اغيبش
ارتضي ان تكون المطارات والمواني محطاته
وطنه المنافي
والله يرحم الاسلاف
السورابي
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: ود شندي)
|
Quote: نواصل فى ذكر مناقب الفقيد ودبليلو ودعونا نقف هنا على واحده من المراثى التى قالها الشاعر محمد عبد الحفيظ ابو لكيلك لله دره، والتى بلغت او كادت ان تبلغ مرتبة الشعر الجاهلى، والحق يقال ان العمده محمد العوض ودبليلو عليه رحمة الله قد كان اهلا لما قاله ابو لكيلك، حيث كان مشرعا للوراد واصحاب الحاجة.
إلى رائعة ابو لكيلك: |
يا الله يا ود النعيم والله هذا رثاء لا يقل روعة عن رثاء الخنساء لاخيها صخر
انا بحاول احفظها وكلما يموت حد اقراها للناس عشان ابكيهم ليك كلهم
كتر خيرك يا عظيم
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: على احمد النعيم)
|
بسم الله الرحمن الرحيم
ياود بدر البصلي الفجر وتاخد الاجر
اظن الرد شالو الشال مداخله بت طلحه
Quote: ود شندى والله لقد فتحت فى نفسى المواجع وفتحت جروحا كادت ان تندمل وما اظنها. ولو تذكر فى اول مداخلة لك معى فى هذا البوست قلت لك انك فى "عبى" وانت جحدت على ان اتعرف بك عن قريب !!! لماذا؟؟؟ اتخاف شيئا؟؟؟؟
|
وعزة جلال الله لم اقصد ذلك
لك العتبي حتي ترضي
| Quote: ويكون فى علمك انا فى غربة لا ترحم واظنك كذلك. |
هذا صحيح ...
ولكن هل تتفق معي باننا في اوطننا في غربه اوحش !!!
ودالنعيم
كيف ذلك!!!؟1؟1؟
وانت في وطنك الحبيب الذي تعيش في احضانه وابنك لم توفر له سبل العيش الكريم والتعليم
كيف لك ان تعيش وانت لم تملك الدراهم لعلاج فلذات كبدك من داء الملاريا اللئيم
كيف لك ان تعيش وابنك يطار في شارع من دفارات الالزاميه
كيف لك ان تعيش بين اختطاف واغتصاب بعد ان اصبح الزواج العرفي مقننا بيننا
وطننا عزيزي غربه داخل غربه يكفي انك في غربه داخل وطنك (بين الفقر والعوذ)
غربتنا مفروضه من وطن ركل بنا الي المنافي
آآآآآآه
ودالنعيم اذكر كل شي.. وزحيحيك بين القلعات الموحشه في هجر ضلو سماهو....
وبحراً غير مجراهو...
| Quote: فارجوك افصح لى حتى نكون عونا على مصائب هذه الغربة القاسية |
غربه الاوطان اهون من غربه الزمان
زمان اللؤم الذي حجب عنا رجالنا وساداتنا .... الذين فضلوا البقاء في باطن الارض من ظهرها ... (ونحن بصددهم في هذا لبوست)
Quote: وصورة هذه الحافلة التى تهيج الاشجان بعد عبورها مزلقان ابو هجيليج متجهة الى قهاوى ود رابح او عائدة من الخرطوم بعد استراحة البكاش.
|
لوحه جميله رسمتها بحرفك المميزه
وانا لم افعل شي سواء ((كوبي وبست))
ود النعيم
في الحلق لقصه
وادمع لم تعرف قوانين الجاذبه ( تطير فررررررررررر)
| Quote: واذا كان متحرج فى الافصاح |
ود النعيم
انا لم اكن سياسيا ضليع
ولا راسماليا تزاحم الخانات الحسابيه دفاتر البنوك
انا زولا اغيبش
ارتضي ان تكون المطارات والمواني محطاته
وطنه المنافي
والله يرحم الاسلاف
السورابي
| |
|
|
|
|
|
|
|
|
 Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: على احمد النعيم)
|
Quote: كان الجايه طالبه الناس بيتلقاها
كبرت واللا صغرت هو البعرفو لداها
همومنا بشيلا ما تقلت فتر خلاها
ما قال بس كفاهو المن زمان سواها |
صديقي الجميل ود العم... ود النعيم...
يا أخي الكريم هذا البوست أنا ساكن فيهو قَبَل... لأنه توثيقي وفيهو جميل الكلام الصااااااااادق الما فيه نفاق... وصدق من قال أصدق الشعر هو الرثاء لأن من يُرثى لا يتوقع منه مقابل...
وإستوقني المربع المقتبس أعلاه من الشاعر ود رابح له ولآله تعظيم سلام... فقد جمع فيهو كل صفات الشهامة والرجولة والإقدام في هذه الشخصية العظيمة التي أدعو الله تعالى أن ينزلها منازل الصديقين والشهداء وحسن أُولئك رفيقا...
ولك عزيزي ولزوارك الكرام قواسيب مودتي...
أبو الحســـــــين...
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: على احمد النعيم)
|
Quote: ياود بدر البصلي الفجر وتاخد الاجر
اظن الرد شالو الشال مداخله بت طلحه
|
ودشندى كيف الحال وسلامات ياعقيد الخيل وتميم الدار
حمدالله لك بالسلامة الأنحليت من ناس خشم القربة و....
وإنشاء الله عقبان ماتصادفك عقبة بركة من صلى وقال ياالله
الحراير الفاكها فى الجماعة دى شنى ؟ ها ناس نسيتو إتو
قاعدنلكم فوق فراش !؟ شايفة ود أب حريرة ماعندو مانع وكمان
بتمنى فيها لى صاحبو ودالنعيم ! غايتو ياها حال الرجال أصلهم
بعقدو الراى فوق فراش البكا، حاسبوا أنا متابعة كلامكم السمح
دا بالحرف ،ولا كمان سولنا فراش للحريم بى غادى عشان ماندخل عليكم.
ودالنعيم
والله أستاجرت فيا ببوستك دا أجر براه يدخلك الجنة
ياخ دا كلام عجيب فى زول عجيب خلاااس من ناس معدومين وين بلدهم هسع ؟
وانت مابراك المقلبة عليك المواجع حديثك دا تور علينا الحسس بالحييل
وخلانا نتاوق ونصد خانقانا العبرة وحاميانا الكلام...
وفعلا كلام ودشندى فى محله الوطن بقى غربة وخاصة بعد ما فاتو منه الناس
السمحين أمثال العمدة ودبليلو
بقى الزول لما يقول راجع نهائى الناس بقولوا ليه الله يكضب السينة
يعنى العودة للوطن بقت شينة ، متل الدعوة عليك زمان يقولوا ليك :
تصلى لى ورا ، هسع بقت علينا فتنا بلد النبى حوفاء وبقينا نصلى والشمش بى قفانا.
واصلوا... والله يديكم الصحة والعافية والمعافاة فى الدين والدنيا .
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: سمية الحسن طلحة)
|
بت طلحه
نحمدو ونشكرو بي حريرتنا وطلحتنا
Quote: شايفة ود أب حريرة ماعندو مانع وكمان
بتمنى فيها لى صاحبو ودالنعيم ! غايتو ياها حال الرجال أصلهم
بعقدو الراى فوق فراش البكا، |
القطر فيهو مفتش???
Quote: أنا متابعة كلامكم السمح
دا بالحرف ، |
هيييييييييييييع ابشري بالخير
وريتنا بحريرنا يملنا Chat
الله والنبي يا بت طلحه تقعدي حدانا
ويات البجي تطلقي فيهو السكيلي
استغفر الله
والله يرحم الاسلاف
| |
|
|
|
|
|
|
|
|
|
Re: الشريف زين العابدين الهندي يرثى العمدة "محمد العوض بليلو" (خشم العقبة) (Re: ود شندي)
|
Quote: شايفة ود أب حريرة ماعندو مانع وكمان
بتمنى فيها لى صاحبو ودالنعيم ! غايتو ياها حال الرجال أصلهم
بعقدو الراى فوق فراش البكا، |
بت طلحة كيف حالك
شكرا على مداخلتك التى افصحت وابانت فى حق الفقيد ود بليلو.
اما بخصوص حراير ود شندى صاحبى اب حريرة من زمان يدفر فى عليها !! ما بعرفو يمكن داير يشوف شيل التمساح فى صاحبو. لكن انا عارفو خواف والله الحريره كان ربطوها ليهو فى المنام اكان ينفضها من ايدو.
تحياتى بلا حدود
| |
|
|
|
|
|
|
|
على احمد النعيم
Ahmed Yousif Abu Harira
ود محجوب
ود شندي
abuguta
خالد المحرب
ابو عثمان
الطيب شيقوق
أبو الحسين
فيس بوك
تويتر
انستقرام
يوتيوب
بنتيريست