|
|
 مشاهدات من السودان (عرس بت صالح)
|
يوم الخميس المقرر لزواج شقيقى تبارك ، أقيمت الدعوة فى صالة كبيرة لعل إسمها المكتبة القبطية أو النادى القبطى بأم درمان ، ولما كان النادى واسعا وكبيراً فقد كانت هنالك صالتان ، وكان بكلا الصالتين مناسبة زواج ، الصالة الأولى كانت محجوزة لشقيقى تبارك ، وصالة مجاورة لزواج ميمون آخر لا نعرف أصحابه ، وبما أنى الشقيق الأكبر للعريس فقد كنت اقف فى الواجهة لإستقبال المعازيم ، وبالفعل بدأ الناس يأتوننا زرافات زرافات ، ولكن كانت بعض الوجوه غريبة ، فلا هم من الأهل ولا هم من الأصدقاء ، يدخلون إلى الصالة ويتفرسون فى الوجوه ويدركون أنهم دخلوا مكاناً خطأً فيعتذرون ويخرجون ، ولما تكررت الحكاية ، سألت أحد الأشخاص الخارجين ، وقلت له يا ابن العم إنت العرس الجاى ليهو ده عرس منو؟؟؟ فقال لى والله أنا لا أعرف العريس ولا أعرف العروس ، نحنا جايين نجامل صاحبنا (صالح) أبو العروس ، فشكرته وإنصرف
بعد ذلك كنت أتفرس فى الوجوه وقبل ان يدخلوا وخوفاً من الحرج ، كنت اقول لهم إنتو جايين لى عرس بت صالح ، فيجيبوا بالإيجاب ، وأوصف لهم المدخل الصحيح فيشكرونى وينصرفون ،
تكررت هذه الحكاية مع عدد من الوفود ، حتى أتانى رجلا سودانيا طويلا وجميلا كباقى أهلنا ، إلا أن شكله غير مالوف لدى ، فكررت له المسالة نفسها وقلت له ، يا حاج إنت جاى لى عرس بت صالح؟؟؟
فكانت المفاجأة أن قال لى آى يا ولدى أنا صالح زاتو أبو العروس
فضحكنا سوياً وشرحت له الموقف ، ووصفت له المكان الصحيح ، ووقف معى للحظات ، ثم قال لى والله يا ولدى كان ما الناس راجينى بى هناك كنت قعدت معاكم هنا
|
|
 
|
|
|
|
|
|
|
|
Re: مشاهدات من السودان (عرس بت صالح) (Re: يازولyazoalيازول)
|
يا أبو الهش..
وبرضو الجماعة يقولوا ليك السودان ما ظريف
عليك الله العفوية دي... الواحد يلقاها وين..
أتهرينا رسميات.. وإنضباط في الغربة.... بالله
تكون معزوم في الغربة تتضاري وستين مرة تقرأ العنوان
وتتأكد عشان ما تتدخل بالغلط وتلقى نفسك مع ناس سين وجيم
يا هشام صحي الحالة صعبة والمسافة طويلة عشان نبقى بلد زي ما الكل بيحلم
لكن صدقني ساعتها نفتش لمواقف طيبة(بكسر الطاء) زي ده وما حنلاقيها أبدا..
ويلا عينك تشوف إذا بقينا حيين في الدنيا دي التباكي على الأطلال..
| |
|
|
|
|
|
|
|
|
 Re: مشاهدات من السودان (عرس بت صالح) (Re: يازولyazoalيازول)
|
الاخ هشام تحيات ومباركات
مبارك لى تبارك الذى عملها
بعد مامشينا من واشنطن ,, شفت الخيانات دى
كبف! متمنى احضر لى حفلة زى حقت تبارك دى والله
اصلى خرمااااان شديييييد, تحياتى وتبريكاتى
لكم جميعا وانشاء الله ربنا يجعلو زواجا ميمونا
كل الود 
بكرى
| |
|
|
|
|
|
|
| |
يازولyazoalيازول
ناذر محمد الخليفة
صالح عبده
Kamal Karrar
ابو جهينة
سمندلاوى
فيس بوك
تويتر
انستقرام
يوتيوب
بنتيريست