|
مجذوب ومجزوب فى زمة الله فى ذمة الله الحاصل شنو؟
|
يا جماعة الواحد فينا ماشى مطشش وبينقل اللعبة الحلوة من البورد لكن حيرتى ذادت وما قادر اعرف وين اخت راسى مع عناوين البورد التى تزيدنا طشاشا.. عناوين البورد اليوم تحمل اسم مجزوب ومجذوب .....واخرون كتبوا ايضا فى زمة الله واخر فى ذمة الله مالكم علينا ورونا فين الصح..............؟
|
|
|
|
|
|
|
|
Re: مجذوب ومجزوب فى زمة الله فى ذمة الله الحاصل شنو؟ (Re: هاشم نوريت)
|
هاشم نوريت. دبايوا. الملاحظ إنو السودانيين قدوا الإملاء وكتير من حملة الدكتوراه ذاتهم بقوا يخطئوا فى الإملاء.
طبعا الصحيح مجذوب, وليس مجزوب!!. وكذلك; ذمة وليست زمة.
وذكريات من نيالا وليست زكريات اللهم إلا أن تكون جمع زكريا!!?. تصحف فى المصحف تنجو من هذه الهفوات. مع المودة.
| |
|
|
|
|
|
|
Re: مجذوب ومجزوب فى زمة الله فى ذمة الله الحاصل شنو؟ (Re: هاشم نوريت)
|
هاشم دبايو
الكى بورد او لوحة الفاتيح..بعض الخواجات صمموها وعندهم مشكلة فى نطق التومات الزاى والزين,,,لذا الماشين لانقودش مخها اتلخبط...ولا تستغرب لو وجتد لخبطة فى الغين والقاف
والجيم والياء فى الريال..بالكويتى ومعناها الرجال بالعربى
عشان كدا ياخوى فى ناس هنا بتجرى فى اصايعها..على وزن بتجرى فى دمها زمان نحن بنتمرن مع فريق المدرسة درجة اولى ,,ونحن بنجى لابسين بتمو بينا العدد بسمونا الناس البتجرى دمها وهم الحافظين,,,حكمة الله فى خلقو نحن ما زلنا بنجرى فى دمنا وهم كرشو ومسكهم سكرى ولا بشاهدو الكرة حتى لو كانت فى art عشان كدا خلى الناس تجرى اصابعها على الوطن السيبيرى.. ودمت
| |
|
|
|
|
|
|
Re: مجذوب ومجزوب فى زمة الله فى ذمة الله الحاصل شنو؟ (Re: هاشم نوريت)
|
سلامات الأخ هاشم,
ومع ذلك تكون الأخطاء غير المقصودة واضحة ويمكن بسهوله تفريقها من تلك التى يعانى أصحابها بعض الضعف وفى بعض الأحيان كل الضعف فى الإملاء!!
كثيرا ما يحاول بعض الأعضاءالتنبيه لهذه الهفوات ولكن يكون الرد دائما (نحن فى حصة عربى) !!!!!!!
جل من لا يخطئ ولكن بعض الأخطاء تكون قاتلة ومخجلة!! وقد تغير من المعنى ونحن السودانيين كنا نعانى من نطق بعض مخارج الحروف ولكن الموضوع إمتد ليشمل الكتابة فيما يبدو!!!!
لدي صديق عندما كنا فى الجامعة ووددنا مشاغلته وحرق أعصابه نطلب منه قراءة عمود فى جريدة سودانية وتلك مهمة مستحيلة رغم إجادتة لثلاث لغات حية إجادة تامة وكان عذره انه أجنبى التعليم وهذا هو العذر الأقبح من الذنب ولكن ناس مجانية التعليم ومدارس الحكومة عذرهم يا ربّى يكون شنو!!!
*شاهده قبل نشره خيار ممتاز جدا.
| |
|
|
|
|
|
|
|