مبروك للهلال....(تحليل موضوعى للمباراة)(رائينا فى هيثم مصطفى)ودعونا نفكر فى قبر نسور قرطاج

(عدل بواسطة تاج السر حسن on 07-09-2007, 12:25 PM)

Quote: اذا حاول الهلال مهاجمة الترجى من الوسط وركز على ذلك دون الاطراف لما انتصر الهلال يظهر ذلك جليا فى مصيدة التسل التىنجح فيها دفاع الترجى والهدف الثانى استثناء وجاء بعد ان فكر الترجى فى التعادل

Quote: لم افهم سبب مقارنتك له بالعجب هنا في مجال تحليلك لمباراة ليس المريخ او العجب طرفا فيها

...محمد البشرى ياخي مفترض أنك مفتح أكتر من كدا ..
انا امس حاضر الكورة معاي خمسة هلالاب على السكين .. وإتنين مريخــاب .. وأحد حقاني عديل كدا .. والتاني ذمتـو زي ذمتي واحد .. الحقاني ده انصفني يوم مباراتنا مع الأهلى لانو بنتعامل معاهو بي موضوعية خالص .. التاني كالن عصا نايمه وعصا قايمه .. وقلت لي يا تمبس كان رشوكم .. بكره اوعك تدخل البورد .. وقلت ليهو بالحرف الواحد كلما نجيب قون ح اجدعك بالشباك ده .. وانزل بالاصانصير اجيبك وتاني ارميك .. اها طارق وحات خوتك مرة يرفع لينا صوت التلفزيون ومرة يجيب لينا في الدعايات .. وبعد الرش حصل .. صاحبك قلب هلالابي عديل كدا وقرب يجدعني انا بالشباك ..
زي ما عارف .. في ناس عارفه الهلال ده شنـو بالضبط ... وكل الكلام البكتبو فيهو ده لي سبب واحد بس .. لو الهلال ده جاب ليهو كاس من بره .. بعد كده الفورة الف .. والجاري وراهو ما بلحقــو .. وزي ما عارف الكاس دا بالذات ما زي كل الكاسات .. علشان كدا كل الناس الكتبت عن الهلال من فترة القرعة .. ومن ايام الفريق النيجيري وتصريحات اموكاشي .. ظاهرييييييين وامنقه حاجة أنو في حاجة اسمها ارشيف .. وعلشان كدا أي واحد جا الآن لحس كلامــو وعمل فيها هلالابي بالتجنس .. ده حقو لما تدخل ليهو اي بوست اكتر حاجة تعمله ليهــو ..
تعمل ليهو الوش المحتار وفيهو علامة استفهام ده:



ولمزيد من التفاصيل راجع هنـا والله يخلي أحمد الريح .. عبدو قابل بتاع البورد.. ح تلقى ليك خمسطاشــر رابط .. اظنها في يوم واحد اتكتبت يوم قرعة الهلال الوقعتو مع المجموعة دي .. وتعال شوف الناس دي على حقيقته عامله كيف .. ما يغرك البجو يقولو ليك مبروك للهلال ديل .. تعرف في نوعية كدا .. تقول مبروك وتحس بي الاسى طالع من نخرينه .. لكن زي دي .. تقول مبروك غصبا عنها .. ورجلينه في راسه .. زي ما قلنا قبل كدا هنا ردنــا على النوعية البتهاتر دي وتجي تكتب كلام خارم بارم .. ردنا في الميدان .. بالنحاس وبالكيته ..
ومبروك الف مبروك للسودان .. وللهــلال .. وفي انتظار المريــخ يفرحنــا ونقوله مبروك للسودان بالفم المليان .. لكن زي عادتنا ما ح نجي نكتب انو العجب كان رايح والا فتشو ليهو ما لقوهو .. لانو ده ما اختصاصنا .. اختصاصنا تصدير الفرح للناس الغلابــة .. ونفرح معاهم ، لكن مطلقا ما اختصاصنا الكتابة السخيفة .. ولا التهجم على اللعيبة .. ولا نشغل راسنا بي حاجة ما بتخصنا .. عندنا هلالانـا بنموت معاهــو .. والبمثل معانا خارجيا مورده عباسة جزيرة الفيل مريخ .. إلخ .. والله بنخش معاهــو النار ..
الهلال او البغل المزامل الخيل (بوست مفتوح لمعرفة حجم الهلال الحقيقى)

Quote: لا لشى اكتب هذا البوست الا وفى زاكرتى هزائم الهلال الثقيلة المخجلة من فرق المغرب العربى ... اعنيها بالاسم الفضائح المحمولة جوا ولسنا بصدد الفضائح المحمولة جوا من المشرق العربى بل تلك المحمولة من من المغرب العربى لا شك بان الهلال وقع مع فرق تاريخيا هى ذات انجاذات وانتصارات تعرف كيف تدير المنافسات وفق حسابا معقده وبما ان الهلال له تجارب مريرة مع هذه الفرق اتمنى الا ينخدع الاهلة ويحلمون انهم سيواجهون الميلان فى كاس العالم للاندية وما الى اخر الاحلام التواضع ومعرفة قدر النفس وحده سيمكن الهلال من الخروج من هذه البطولة بسمعة طيبة حتى يبنى الفريق نفسه اكثر واكثر لقادم البطولات مع العلم ان هذا الهلال يفتقد مع انصاره لاى انجاذ خارجى يطفئ ظمأ السنين الماضية التى مضت والهلال لا يملك فيها اى تاريخ مشرف او اى انجاذ يذكر يحمد له مكابر من لا يقول كده اوب وكده اوبين وحتى نضع الصورة فى نصب اعين الجميع قادم الهلال يشير الى كده الروب وكده الروبين لمن اصابته كتابتنا بالاحباط نقول له دائما ما يذهب كلامنا ويعود كما قلنا فى كبد الحقيقة تمنياتنا لكم بقرعة اقل اوبه تحياتى ودام الود مخو

Quote: نحذر من ستات المغرب العربى نكرر تحذيراتنا ولا عذر لمن انذر تحياتى ودام الود مخو

....قرعة الهلال كده اووب وكه اوبين سالتكم بالله ما تمرمطو سمعة الكرة السودانية

Quote: محمد حامد سلامات Quote: حقو الهلال يقدم استرحام للكاف والله اقتراح جميل جدا ارجو مهاتفة صلاح ادريس قبل الجماعة ما يفروا تحياتى ودام الود مخو

......حقو الهلال يقدم استرحام للكاف

Quote: يا مخو معليش كنتو مأملين في شماته لكن الله كريم أنا شخصبا عاذرك

Quote: طبعا انتو بتعزو الله والرسول صح

Quote: طبعا نعزو وعشانك انا سحبت كلامى الفوق دا وممكن اسحبو من الارشيف ودى لك

Quote: طبعا نعزو وعشانك انا سحبت كلامى الفوق دا وممكن اسحبو من الارشيف ودى لك