شايلّو جوز تُفّاح ..

Quote: يادوبك إنتا ياعمر؟؟

لكن بالله البت من عمرها يبقا 12 سنة يسكّوها ليك شي ليمون وشي برتكان وشي تفاح ..
غايتو كان ما شافوها شينة أظن كان حدّهم البطيخ ..

Quote: لكن بالله البت من عمرها يبقا 12 سنة يسكّوها ليك شي ليمون وشي برتكان وشي تفاح .. غايتو كان ما شافوها شينة أظن كان حدّهم البطيخ ..

Quote: وكان إتزوجت مابسيبوها شابكننا طابق البوخة ومابعرفو شنو

Quote: الفاروق عمر سلامات قلنا بس نكسر الـ ( ون تو ) البينك وبين العزيزة تماضر دا

Quote: والعجيب ...لما يهبشوا..العيون...!! ديل..فاتوا..تكنلوجيا.العدسات الللاصقه.بكافة تشكيلاتها..وبريق الوانها..

Quote: وبكوا..كده.. وتنخموا.. وشالوا..الشجون..!! بديع ابداعهم فى وصف جماليات المراه..برسم موحى يبرز كل الخصائص والخصال..واسحار الجمال.. يؤكد ..حالة الريد المستشريه بشكل واسع ومتواصل...

الناس ديل بي الدارجي كده كانوا بكّايين بس

(عدل بواسطة عاطف عمر on 07-01-2007, 08:10 PM)

Quote: عاطف ياقديم

Quote: عاد ده لو طرف توبم كان شافو كامل كان مات

Quote: أقول أنت نور (نقلا عن جريدة الخرطوم) عبدالرحمن الريح أحد شعراء الأغنية السودانية الكبار بل أن البعض يعتبره الجسر الذي انتقلت به القصيدة الغنائية من عصر الحقيبة الى العصر الحديث. فهو أكثر أبناء جيله تجديداً في أساليب كتابة الأغنية وفوق هذا وذاك فانه في طليعة الشعراء الملحنين ولعله الوحيد الذي قدم لحنا للفنان الخالد كرومة وتغنى به وذلك عندما لحن أغنية صديقه وابن جيله محمد بشير عتيق: في رونق الصبح البديع قوم يا حمام اسمعنا أنغام الربيع وعبدالرحمن الملحن ليس أكثر قدرة على استخدام أصوات المطربين الذين يلحن لهم فحسب ولكنه الأكثر قدرة على وضع الكلمات المناسبة لجمهور المطرب الذي يلحن له. فهو عندما يكتب للمطربين الشعبيين يختار أسلوبا في كتابة الأغاني يناسب جمهور المطرب مثل (يا جميل يا مدلل) لعوض الجاك و(توبة يا أحباب) لمحمد أحمد عوض واذا كتب للمطربين الشباب اختار لهم من الكلمات ما يناسب جهودهم مثل (بسمة الأيام) لابراهيم عوض و(كان بدري عليك) لعمر أحمد و(في شاطئ الغرام) لأحمد الجابري و(في القطار) لصالح سعد. وقد ظل عبدالرحمن الريح لأكثر من اربعين عام يكتب لأمير العود الراحل الفنان حسن عطية الأغنيات التي تناسب جمهوره من طبقة المتعلمين الذين يلتفون حوله في جلسات الصالون ولأن حسن عطية اشتهر منذ البداية بأنه مطرب الصالون وليس مطرب الحفلات الجماهيرية، فان عبدالرحمن الريح قدم له مجموعة من الأغنيات التي تناسب مجموعة الصالون ولم تدم الصلة بينهما الا لهذا السبب. وللصلة بين حسن عطية وعبدالرحمن الريح قصة حدثت في بداية الأربعينات وهي قصة اللقاء الأول بين الشاعر عبدالرحمن الريح والفنان حسن عطية، فقد تعود الفنان حسن عطية أن يتغني بأغنية الشاعر عبدالرحمن الريح (أنا سهران يا ليل) من تلحين عوض شمبات وفي صالون الأديب السياسي الراحل محمد أحمد محجوب استمعت مجموعة من أبناء الخرطوم الى الأغنية من حسن عطية وسألوه عن شاعرها وعندما أخبرهم عنه طلبوا منه أن يدعوه للسهر معهم. وجاء عبدالرحمن الريح بدعوة من الفنان حسن عطية واكتشف عالماً جديداً من أجواء الغناء. غناء للاستماع فقط لا يصاحبه رقص ولا ضجيج. وتابع حسن عطية وهو يختار من الأغنيات ما يتناسب مع مستوى الحاضرين. وبعد أيام قليلة كان عبدالرحمن الريح قد انتهى من كتابة وتلحين أغنية جديدة تناسب روح الصالون وأسلوب حسن عطية الغنائي وهي أغنية (أنت نور) ثم أردفها ب(يا ماري عند الأصيل) والثالثة (لو أنت نسيت) لتستمر رحلة الابداع بين الشاعر عبدالرحمن الريح والفنان حسن عطية وهي رحلة أنتجت العديد من الروائع. أقول أنت نور كلمات ولحن عبدالرحمن الريح غناء: حسن عطية ••••••••• أقول أنت نور ولا أقول زهور ولا أقول نسيم فواح بالعطور ••••••••• أقول أنت نور من أفق الوجود ولا أقول زهور من روض الخلود ولا أقول نسيم من عطر الورود أراك في الحقيقة مع**** دقيقة ومحاسنك رقيقة كأنك حديقة ومفاتنك زهور ••••••••• أقول أنت نور من أفق الجمال ولا أقول زهور من روض الخيال ولا أقول نسيم السحر الحلال أقول انت ايه محيرني ليه أحب أسألك أشوفك تتيه أخاف أخجلك لأنك نبيه وكلك شعور ••••••••• فليك حق تكون تحب العلوم وتهوى الفنون وديع كالرضيع بعيد عن ظنون وما في الفؤاد يبين في العيون لأن الوجوه تكاد أن تفوه بما في الصدور

Quote: النبي شوف التِكِسِّر ده محتار ذاتو ماعارف يوصف ويقول هو شنو ؟؟ أريتو طرف توبي

Quote: لكن البيحيرني لمن تقرا الكلام بتاع الحقيبة ده وتركّز فيهو شديد بتلقاهو مخل بي الاداب

(عدل بواسطة محمد عبدالرحمن on 07-02-2007, 07:56 AM)

Quote: بما أنك عايش في مجتمع كلوا كبت في كبت ولا ترى من النساء سوى أشباح سوداء

Quote: شايلّو جوز تُفّاح ..

Quote: يا عمر ماذا يقصد شاعرنا الكبير / عتيق فى القصيدتين ادناهـ : الاولى : مابنسى ليلة كنا تايهين فى سمر وين يا جميل يوم كنا تايهين فى سمر من انسنا اتمتعنا بى جنى الثمر كم قلبى بالانفاس لانفاسك غمر الجو سكر من ريك اتعطر خمر

Quote: سؤال تعسُّفي

Quote: غايتو يا ناس الحقيبة تندّمو الزول على البلوغ ..

Quote: زمان ما دكين قال برتقال قلتو أمرقو من البلد

صديق الموج :
وينك يا نائب رئيس الحركة الشعبية في الخليج والصديق الشخصي لجون قرنق كيييييية في العوازل ..
اها المرة دي مالك ما قلتي لي بجيكم بي رواقة وتشرد تاني
لكن انا البقول ليك تعال جيب لينا من الفواكه دي هنا وانا عارفك يا ممسوخ انت جنايني شاطر

Quote: وجوز البرتكان

Quote: صديق الموج : وينك يا نائب رئيس الحركة الشعبية في الخليج والصديق الشخصي لجون قرنق كيييييية في العوازل .. اها المرة دي مالك ما قلتي لي بجيكم بي رواقة وتشرد تاني لكن انا البقول ليك تعال جيب لينا من الفواكه دي هنا وانا عارفك يا ممسوخ انت جنايني شاطر

عمر يا ظلامى يا مكسر بالدس العزيز يا اباذر وبقية المرضرضين يا تماضر!!.
بالله ياعمر تذكر لما ضرب لى من نيفاشا وقالى نوقع رايك شنو؟(خارج النص)
عم عتيق يا عمر مرة سالتو ياعم محمد انتو النساء الكتبتوا فيهم الكلام ده
وين؟او وين ذريتهم؟
قال لى يا ولدى الحقيبة دى بدات سنة 1915 يعنى بعد موقعة كررى
بكم وعشرين سنة ونحن فقدنا 10000 رجل مجاهد فى نص ساعة وكنا
محتاجين الناس تتزوج، نتناسل وتتكاثر والمرأة السودانية دى ابتليت
باسواء ثلاثة اشياء،شلخوهم ،ودقوا ليهم شلاليفهم، وختننوهم،
كان ما قلنا فيهن كده البعرسهن منو؟؟
عمر ليس هذه هى كل الحقيقة لكن الناس ديل خيالهم خصب وثقافتهم عاليه
وكانت امدرمان مثل عروس كحلت الاهداب ولبست الاهاب,والحياة وارفة خضلة
تغرى بقول مثل هذا،وكان ذلك منسجما مع منطق الاشياء انذاك،
لذا ترى هذه الجزالة المفرطه،وعلى فكرة هذه الحسيةالتى ترون وماهى بذلك لانهم تعلموا فى الخلاوى
وقرأوا فى القران الكريم وصف بنات الحور (كواعبا اترابا)(فيهن فاصرات الطرف
لم يطمثهن انس قبلهم ولاجان،كانهن الياقوت والمرجان،جعلناهن
ابكارا،عربا اترابا، حور مقصورات فى الخيام..الخ ماورد فى وصف بنات الحور
فافادو من تعليم الخلاوى هذا العربية الفصيحة واخذوا بعض الصور...
ولذا تجد ودالرضى مثلا يقول :
كالعهن النفش قدماها بى مسوا الحرير ادماهاكالعهن المنفوش)
او يقول:
معسعس يرقش يلمع تسريحة البارع الصانع (والليل اذا عسعس)
وامثله كثيرة ياعمر وصور بديعة تنطق من فرط حلاوتها...
اما من حقولك التى تعنى تلك فهاك بعض الامثلة:
فى مبيسمو عقد الدر فى صدرو جوز تفاح (لحظك الجراح)
عينو فى الورد ونفسه فى التفاح (ياليل هات لينا صباح)
فى عصير الند البنضحو الرمان(من قليبو الجافى)
شوف عناقد ديسها تقول عنب فى كروم (جناين الشاطى)
المزمزم ضرب مثل عجوة معطونه فى عسل (نسايم الليل كلمى)
ماح غصنك خصرك تتنى هادله ايدك ورخص البنان
وافى كتفك ردفك فتنا ويعلو صدرك جوز برتكان(زهيرة روض الجنان)
ترفع وتقلع نهدانة رمان لغشيم مادانا(دمع الشوق)
الجبين الفضح الهلال والمهضلم سابل حلال
نادى يركع ويسجد جلال النهيد المن برتقال(اسماء)
الفريع الرمانه ثانى صدره يعلى ويرجعلو تانى(يا امانى)
الفى الصدير فرهيد رمان ده والا نهيد(سيده وجمالها فريد)
وتنظر كيف صدير يقلع تفاحو وردف ناتر(وجه القمر سافر)
عالى صدرك لى خصرك بر فيه جوز رمان جل البرا(العيون النوركن بجهرا)
فاهى فيهو الاشعار خصيله والتغزل فى نظمى دام
وفاك فيهو الفاكهة الاصيله والمسك والدر والمدام(مناظر الحفله الجميله)
ما الدر المنظم عقدك ولا فاك والعناب مكنتل ام خضرة شفاك؟(0ياالقمرى المظلل بورق الاراك)
الظبيه اللامع خديده تتلولى فى رمان الصدير(ما الحوارى الظهرت جديده)
صدرها قيافه ونهيداتا برتكان يافه(العجب تيها)
جوز رمان صديرك البرز تناك(ياصيدة الاراك)
الفويطر العنابه حالى للمسك والراح والدر هو حاوى(ياهلالا فى الجو تلالى)
يافريد حسنك ياملاك فى خدور داشعر ووشى؟ ام دا ليل وبدور؟
برتكان على بان ام نهيد وصدور؟ والبلوح ده ثناك ام عقيد من در؟(ظبى رامة)
وسطا ضمر وتهادى شايل الثمار نهادا(ام وسطا ضمر)
قلبه شفنا متين فرع بان يرنع اثمرلو رمانتين(مثلى كم ضايعين)
عايم صدره عالى كشحه مضمر
وفوق تفاحه شايل جوز طبنجى معمر(ليك يا الطيب الحظ والفرح دوار)
الضمير ماع صار فقيد والشعر لى اقدامك يقيد
والفويطر زى عقيد مابين عنابتين يقيد(يوم نظرتك لى عيد)
عنب الشام بحبه الا عصيرو غالى(ولهان هامى دمعى)
عمر العزيز هذا ما استطعت قطافه خصوصا نكتب مما كان يسمى ذاكرة
لك الود وساعود لبستانكم هذا فلى فيه قطوف دانية،،،

Quote: اغنية ما اعتيادى للشاعر التوم ابراهيم التوم مزيكا سودانية seda: تغنى بها العطبراوى وهى لشاعر من ابناء عطبرة الشامخة كان للشاعر محبوبة وهى تدرس فى الثانوى وهو طالب فى الجامعة وياتى فى الاجازة لمدينته ومحبوبته وفى الصباح تركب المواصلات الى المدرسة وهو ياتى فى الصباح الى محطة البص ينظر اليها وتنظر الية وتركب البص مع صديقاتها فى صباح يوم وهو ينتظرها فى محطة البص اتى معها شاب انيق ووسيم وهو مندمج بالحديث معها وهى تضحك فى نشوة ولم تهتم بحبيبها ولم تعيره اى اهتمام رجع الشاعر الى بيته وهو فى حال يرثى لها وفى العصرية اتى صديقه ليخفف عليه المصيبة واخذه وذهبا يتجولان بالقرب من دار المحبوبة وعندما شاهدتهم خرجت وكانها ذاهبة الى بيت الجيران ولكنه لم يهتم بها وفى نهاية الشارع قابلهم ذلك الشاب الذى كانت معها فى الصباح وكان يعرف صديق الشاعر معرفة خفيفة فدعاهم الى كوب من الشاى واصر وكانت المفاجاة انه اخذهم الى دار المحبوبة وهم فى ذهول وعندما جلسا فى الصالون عرف الشاعر ان محبوبته هى شقيقة هذا الشاب وعندما رجع الى بيته كتب اغنية ما اعتيادى بلسانها هى وكانها هى تتسأل ما اعتيادى مالك ما اعتيادى وشدا بها العملاق العطبراوى وشاعرها هو المهندس التوم ابراهيم التوم وهو شاعر رقيق تغنى له الخالدى ومحمود على الحاج والعطبراوى واحمد بورسودان

ماإعتيادي بصوت الفنّان مصطفى السنِّي.

Quote: صديق سلامات ماشاءالله والله ذاكرتك ذاكرة ناس 18 سنة بس ( وأشارت لنفسها ) كدي شوف العبادي ده:

Quote: زى الفراعنة بالضبط ناس عملو حاجات ما عادية ولسه فيها اسرار ما اتعرفت

Quote: ماشايف صينية الكعك دي أنا جيت أنجِّض خبيزي ده ماتشيل همي إنتا سيب البصبصة وأرمي قشة الكبريتة وإتزحلق عامل كرعيك المغبشةوبنطلونك المَسَلسَل ده

:
:
:


تخريمة :
البتيفور كععععععععب والكعك محروق والبسكويت معولق واحدة كبيرة وواحدة صغيرة وواحدة بي شخوت وواحدة من غير شخوت ..
نادي شفعكم وشيلوا صوانيكم دي واقطعوا وشكم وما تجونا تاني إلا في عيد رمضان الجاي ..
عاملة توبك المورّد ده ..

Quote: تنظر قامة ممشوقة ومضمَّرة كافلة..نغماتا تنسيك الفروض والنافلة

Quote: ناعس لواحظ حور هاروت لو رأهن مستكان مسحور

Quote: غايتو ياعاطف قصة الخيال القالتا االمدام دي ساكت بهتناها عليها

Quote: شلخو الحسامي و خالو ورمز الصليب فى خالو بروحي لو اسخالو سيد عين حياتى اخالو يا حليل رياضنا الغناء

Quote: لك الود ويغشى تماضر،،،