|
|
 رساله من سلافه الي ابوى ..... اختنا الصغيره تنعى ابوى فى بلاد الغربه
|
سامحني وانا ببكيك من بعيد
ببكيك بكل اشواقي بكل الحب والحنين
مشتاقه كنت اكون معاك واضم يديك
وافديك بروحي لوكان باليد
بعد السنين خانى الزمان
جاني الخبر وجدد الحزن القديم
انا كنت حاسه بكل الحصل
حسيت بلحظات الفراق
حسيت بانك بتودع الغائبين وبتودع الحاضرين
وبتودع الجار والاهل
الليله وينك ياابوي بقيت بعيد
انا في ظلام الغربه كنت بهاتي بيك
بحلم كتير لمن اجيك
واسمع كلامك من قريب
واطل عليك في كل صباح
اهديك سلام واهديك محبه واحترام
الليله وينك ياابوي
بسال عليك كل البمرببيتنا ويعبر طريق
وين الكريم
الكان بيسقي النيم
الكان بيعطى وما بمل
كنت الملاذ
وكنت الدليل
وكنت الامان
الليله وينك ياابوي
حزن الكبير وبكى الصغير
صمت الوتر الكان برن بصوت حنين
ياحليل زمانك ياابوي
مشتاقه لي شوفتك
مشتاقه لايام عشناها بينك من سنين
الليله وينك ياابوي
البعد اصبح لي مصير
ذاد الذمن صدماته لى
وحرمانه لي في كل يوم
وريني كيف اصبر الين لحكم ربي وده المصير
انـا مطمئنه لانك في منامي
وريتنى انك ما بعيد
انـك معـاي
وهناك معاك امـي
وكـل الغائبين
و الحمد لله رب العالمين
|
|
 
|
|
|
|
|
|
|
 له الرحمة ولاسرته الصبر الجميل (Re: Halema2)
|
للفقيد الرحمة ولكم الصبر الجميل
اللهم اجعله من اصحاب اليمين
اللهم اجعله مع الصديقين والشهداء
اللهم اغفر له ذنوبه جميعا
اللهم اذا كان محسنا فزده احسانا
واذا كان مسيئ فتجاوز عن سيئاته
| |
|
|
|
|
|
|
|
|
|
Re: له الرحمة ولاسرته الصبر الجميل (Re: رقم صفر)
|
Quote:
كنت الملاذ
وكنت الدليل
وكنت الامان
|
الآخوات سلافه و حليمه 2
الصبر الصبر الصبر الفقد صعب والصبر حااااار ذي النار
الله يرحم ابواتنا كلنا و يصبرنا في غربتنا
عارفين في السودان علي الأقل الذول لما يذورم ويترحم عليهم بيرتاح
لكن في الغربه دي اللة يعين
الله يرحمن رحمه واسعه ما كانوا ناس هينين و ما هانوا الا علي ربهم
حيفضلوا جوانا وقيمن ح تظل باقيه طول ما انحنا عايشين
الصبر و الدعاء بس
your sister Noon
| |
|
|
|
|
|
|
|
|
|
انا لله وانا اليه راجعون (Re: Halema2)
|
الأخت حليمة
رحم الله والدكم وأدخله واسع جنانه
وحشره في زمرة النبيين والصديقين
والأبرار والشهداء وحسن أولئك رفيقا
ونسأل الله أن يلهمكم الصبر وحسن العزاء
| |
|
|
|
|
|
|
|
|
|
Re: رساله من سلافه الي ابوى ..... اختنا الصغيره تنعى ابوى فى بلاد الغربه (Re: Halema2)
|
الاخت العزيزه نون
اه يا اختى من الفراق
بالرغم من اننى ذهبت الى السودان وحضرت وفاته هناك الا اننى وعندما عدت الى بيتى وزوجى احس وكاننى فقدت السودان كله وأسال نفسى كل يوم هل لى عوده الى هناك وهماذهبا الى الدار الاخرى
هل يسد الاخوان والاخوات مكان ابى العطوف وامى الحنينه
هل سوف نصبح مثلهم ويفتقدنا اولادنا مثلما نفتقدهم نحن الان
اسئله كثيره وحزن عميق واحساس بالنهايه
ربى الهمنى الصبر واجعلنى قويه
يا حليلهم يا نو ن اهلنا فاتونا يا حليلنا
| |
|
|
|
|
|
|
|
|
|
Re: رساله من سلافه الي ابوى ..... اختنا الصغيره تنعى ابوى فى بلاد الغربه (Re: Halema2)
|
حليمه اختي
حاسة بيك والله العظيم لاني مريت بي نفس ظروفك المارة بيها
الاحساس بي اليتم احساس فظيع ما اظن ذول يقدر يوصفو
الاخوان والاخوات ما بقصروالكن ما بسدوا مكانت الابو الابو مكانتو ما بتنسد و ذي ماقالت سلافه
كنت الملاذ كنت الدليل كنت الامان
و من بعدهم
تاني وين نلقي الملاذ
تاني وين نلقي الدليل
تاني وين نلقي الامان
ما كانوا هم السند
ما كانوا هم الا مل
ما كانوا هماالدليل
ما كانوا هم ضو الطريق
الليله نحنا وين من بعدهم
بس قولوا لي الليله كيف الصبر
بس قولوا لي الليله كيف الصبر
احييييي استغفر الله العظيم
| |
|
|
|
|
|
|
|
|
|
Re: رساله من سلافه الي ابوى ..... اختنا الصغيره تنعى ابوى فى بلاد الغربه (Re: Halema2)
|
سلافة
كما حدثت صباح دعيني احدثكـ
الحزن يا صديقتي صديق حميم لنا .. مواطن سوداني اصيل .. يمشي بيننا/معنا
و يمتُ لنا بأواصر شديدة القربي .. نتعاطاة بتلذذ و نتعامل معه كصديق عزيز
ليس لاننا سُود المزاج او غافلون عن الجمال الذي حدثتنا عنه الارض
لكن .. لاننا أحن الشعوب في المنظومه السكانيه
نحن يا سلافه عندنا حاجة اسمها (الكرور*) و دي ما شفناها عند شعب تاني غيرنا
شفتي حِنيتنا وصلتنا وين !! نحتفظ بأول بابور جاز اشتريناها لانه زاملنا كل صباح
لسنين طوال .. سمع قصصنا و خبرنا امره
تخيلي حانعمل شنو لمن نفقد من هو في قامة الاستاذ و المُربي .. عبدالحميد
انا افهم حزنكـ و شجنكـ
و إطمئنكـ .. صباح بخير و الاصدقاء لازالو حولها يحاولون تجفيف منابع الدمع
مايقلقني هو انت و حزنكـ و تلكـ الرقة التي قرأتها وسط كلماتكـ
كيف كان حزنكـ حدثيني و كيف ودعتي اباكـ و حبيبكـ وحدكـ
ابكي يا صديقتي .. فالدمع يغسل احزاننا و يطهر قلوبنا
... من قال ان الدمع خيانة كاذب .. فنحن نحمل لقبان جميلان
سودانيون و بشر
والحزن يا صديقة هو الامر الوحيد في هذا العالم الذي يبداء كبير
و من ثم يصغر .. فتجملي بالحزن و الصبر
اللهم اجعلها آخر الاحزان و البركة فيكم انتم يا ابناء عبدالحميد
______
* الكرور = كل ماله علاقة بكل المتعلقات العاطفيه للمواطن السوداني
| |
|
|
|
|
|
|
| |
Halema2
ناذر محمد الخليفة
رقم صفر
noon
فاروق حامد محمد
Tragie Mustafa
abubakr
HAMZA SULIMAN
خدر
فيس بوك
تويتر
انستقرام
يوتيوب
بنتيريست