كتب الكاتب الفاتح جبرا المتوفرة بمعرض الدوحة
|
|
 حكايات راجع من الخرطوم..
|
قدر ما حمت ما سمعت بي ناس يتكلموا او يتونسوا بي مواضيع سودانيز اونلاين...
وبعدين محلات الانترنت زاتها ما كتيرة...وانا بتكلم عن المساحة الجغرافية من
الديوم الشرقية والغربية وانتهاءا بجبرات الجديدة بي صحافاتها...بالكاد تلقي
ليك مقهي انترنت...لكنو مليان حبش...والعايز يتأكد يمشي لمحل الانترنت المقابل
المغتربين...وشرطا تكون الدنيا مغرب..
وبعدين اكتشفت ان هنالك ثمة علاقة طردية بين الرقشات والبعوض...فكلما كثرت الرقشات
في منطقة...بتلاقي البعوض...وكمان ثقيل ثقالة...تسمع صوت رقشة...تطن في اضانك بعوضة..
صرف صحي وصحة بيئة...وتصريف مياه...ننسي بس...ولا مية سنة...والغريبة ناس المرور
لافين في الشوارع يخالفوا في الناس...واقل وصل بي تلاتين ألف..؟
ركبوا معاي اتنين مرور...وشايلين دفاترهم ماشين الصينية...وشويتين تلاتة نزلت
في حفرة في نص الظلط...لما ركبتي زاغت مع ركبة العربية...قلت ليهم هسي عليكم
الله قلبكم بطاوعكم تقطعوا ليكم ايصال لي زول في جنس الشوارع دي...قالوا دي ما
شغلتنا دي شغلة ناس الطرق..
** اشراقة حيمورة...لنفس الاسباب الفوق دي انا فتحت رسالتك اليوم وحاولت
ارد عليك...ما مشي الحال...وشكرا علي السؤال عني...وان شاء الله في الاجازات
الجاية...نجيك بي الدرب.
|
|
 
|
|
|
|
|
|
|
|
Re: حكايات راجع من الخرطوم.. (Re: ناذر محمد الخليفة)
|
ناذر العريس...وينو الليلة...
ما بنيت 3 دي بانيل...لأني لقيت البلد كلها طوب واسمنت وسيخ
و3 دي بانيلاية واحدة ما لقيتها...
يا راجل تصريح البناء عايز ليه شهر مساكك ما بين الاراضي والمساحة..والشئون الهندسية
والمجاري...وحاجات تانية...
| |
|
|
|
|
|
|
|
|
|
Re: حكايات راجع من الخرطوم.. (Re: nazar hussien)
|
(اسياد الشيْ زاتا..)
جملة سمعتها كثيرا في حفلات الاعراس والصيوانات من فنانين وفنانات...
ما نحن الغرابة اسياد الشيء زاتا..(ما نحن الشوايقة اسياد الشْيء زاتا
ولما كتر سمعي لهذه العبارة وجهلي بمعناها...اتوكلت وسألت ست الشأي
زبونتي اليومية القاعدة في ضل غزييييير بعد معدية توتي قبالة النيل
ومقابل قاعة الصداقة..
وشرحت لي بتفصيل ممل...ماهية الشيْ زاتا..
فطلعت كل قبيبة عندها شيْ زاتا خاص بيها...
هسي انتو يا ناس سودانيز اونلاين الشيْ زاتا حقكم شنو؟
| |
|
|
|
|
|
|
|
|
|
Re: حكايات راجع من الخرطوم.. (Re: nazar hussien)
|
والله نحنا الغرابة مانحن أسياد الشي زاتا .. !!
هنا عشان تسمعوا الشي زاتا:
ولأنو ناذر سبقني بالشي زاتا : يبقي لازم اقول ليكم فهم صديقتي ست الشاي لعبارة الشي زاتا:
قالت والعهدة عليها ان الشي زاتا عند الغرابة (ما الرتينزات): ولما ما فهمت قالت..انت
امشي سوق ليبيا قول عايز رتينزة بيدوك طوالي...كان عرق كان حجاب..
اها عند الشوايقة...الشي زاتا بودينا التوج...احسن نبيع شاهينا..
وما تسعلني عن الشي زاتا عند المحسية.
شربت باقي شاهيي داك ودورت طلعت
| |
|
|
|
|
|
|
|
|
|
Re: حكايات راجع من الخرطوم.. (Re: haroon diyab)
|
العريس ناذر
عرفت الشي زاتا...ومعاها (المغرزة...) ككلمة جديدة لنج دخلت بكل تصريفات الفعل
علي قاموس اللهجة السودانية..
طبعا انت عارف انها بدت كفعل غياظ للمرأة المتزوجة...تغزلا في زوجها..
وتبدأ بعد داك بقية المغارز..
والمغرزة والتغريز...وغرّز (دود مراقد السار) كلمة قديمة...استعملها سائقي اللواري
في الضهاري ( وهو الهامش الآن) شفت الزمن اتبدل كيف؟ والبتغرز عربيتو الا يكون معاه
مساعدين مفتلين وصاجات وكوريق...وأحيانا يستعان بنبات التبس او الطرفة او السيال
لردم اثر التغريز...
وحا اجيك راجع بمعارف كثيرة التقطها عن غير قصد من شوارعنا..
| |
|
|
|
|
|
|
|
|
|
Re: حكايات راجع من الخرطوم.. (Re: nazar hussien)
|
تخفيف عب المغتربين
شوف عيني وما حكوها لي:
وقفت طائعا مختارا لتخفيف عبي لجهاز المغتربين ودفع جميع التزاماتي الاجبارية والطوعية
وفشلت في اليوم الاول والثاني والثالث الا من دفع حق الفطور في الكافتيريا المظلمة..
وبعضا من جنيهات لتصوير كل ما املك من اوراق ...مثني وثلاث ورباع...وفي نفس ماكينات
التصوير المتاحة بمبني الجهاز....وأنسي تماما ان يرجعوا لك الباقي...
تعارفنا في الصفوف من كثرة الدردرة والانتظار...وابتدعنا كل حيل الوقوف في الصفوف
وترك البعض عمته لتقوم مقامه في الصف بينما آخر اوقف ابنه الصغير...واتفقنا أخيرا
في عز هذه المعمعة ان يعرف كل منا من امامه ومن يليه...ونلخبط الصفوف علي كيفنا
العايز يدخن والعايز يشرب قهوة والعايز...يمشي الخانة...بدون ادب...
تزمرنا...واشتكينا جهرة...وسرا وحينما لم تنفع الشكوي اتوكلت علي الله ومعي بعض
الممغوصين...للذهاب لمدير الصالة...لنشتكي له من بطء الاجراءات وحقارة الصرافات
الواحدة منهن وان جاملتنا تمسك ساندوتشها بكلتا يديها وتقرم علي عينك يا صف
لتقول لنا كان فيكم خير قولوا شيء..ويبدأ مسلسل القرم لمدة لن تقل عن ساعة
تلوك وتجتر ما تلوكه...لتلوكه مرة اخري...وهي حادرة في نظرتها...
دخلنا علي مدير الصالة انا ومع بعض المحموقين من هذه التصرفات التي اعتبرها
بعضهم اهانة...وتذكر كل واحد كيف يعامل في مغتربه...بل سرد البعض...قصص وحكايات
ليقارن الموقف بذات الموقف في اغترابه...
وثمة شيوخ معنا يقولون لوكوا الصبر...وفي باطنهم...قولا فظا وقرارا...لا رجعة فيه
(تاني كان جيت هنا يجيبني الضريب)..
ذهبنا بكل الحماس لمدير الصالة في مكتبه وطلبنا منه ان يأتي للصالة ليلقي نظرة
علي ما يصل فيها ...فمن خرج للفطور لا يعود الا بعد ساعة واكثر حاملا كباية شايه
في يده...واصبعين للكمبيوتر...ولا اصابع لدفاتر الارصدة...
قلنا له يا سعادتك ...وانتم تعرفون زحمة الاجازة لماذا لا تضاعفوا عدد الصرافين
المتحصلين...وقبل ان نبدأ في اللماذات الاخري قال لنا: امشوا لمدير شئون العاملين
قولوا ليه الكلام ده...وهو يهم كغيره لتناول وجبة الفطور...
احسست بغثيان...ودوار...وحمي...وبرد خفيف...من هذه الاجابة...بينما...خرج من معي
دون كلمة...مرددين......لم اخرج معهم...وقلت له يعني هسي نشتكي لي منو؟ غايتو
الشكية لي الله دا من فوق...
| |
|
|
|
|
|
|
|
|
|
Re: حكايات راجع من الخرطوم.. (Re: nazar hussien)
|
Quote: قلنا له يا سعادتك ...وانتم تعرفون زحمة الاجازة لماذا لا تضاعفوا عدد الصرافين
المتحصلين...وقبل ان نبدأ في اللماذات الاخري قال لنا: امشوا لمدير شئون العاملين
قولوا ليه الكلام ده...وهو يهم كغيره لتناول وجبة الفطور... |
نزار ( حمدله ) بسلامتك
ياربي (مرارتك) قاعدة في محلها؟
| |
|
|
|
|
|
|
|
|
|
Re: حكايات راجع من الخرطوم.. (Re: بنفسج)
|
Quote: احسست بغثيان...ودوار...وحمي...وبرد خفيف...من هذه الاجابة...بينما...خرج من معي
دون كلمة...مرددين......لم اخرج معهم...وقلت له يعني هسي نشتكي لي منو؟ غايتو
الشكية لي الله دا من فوق... |
نزار
حمد الله على السلامة
انا الليلة من الصباح جاتنى زهجة مغترب يعنى جايى الشركة اقدم استقالتى قلت اجرب عضلاتى
وسالت اول سودانى قابلنى فى الشركة شغال محاسب قلت ليه انا زهجت قال يادوب انت زهجت
كنت عاوز افتح بوست استشارة بالموضوع دا
لكن لما لقيت بوستك قلت عسى ان اجد مايشفى قليلى
اها اسى انا بسالك يانزار رايك شنو فى زهجتى دى وانا لسع لى 8 سنوات اغتراب
ما رجعت فيهن ,,لسبب كل سنة ناطى واحد من اسرتى واخيرهم زوجتى بارسل
اها اتوكل واقدم استقالتى هناك البلد كويسة,,ام انزل اجازة تقرصى بعوضة او بعوضتين
او اقطع لى ايصال لحركة مرور او ادفع ضرائب متهرب منها سنين,,
كدى ادينا نصحية اخوية
| |
|
|
|
|
|
|
|
|
|
Re: حكايات راجع من الخرطوم.. (Re: abuguta)
|
Quote: انا الليلة من الصباح جاتنى زهجة مغترب يعنى جايى الشركة اقدم استقالتى قلت اجرب عضلاتى
وسالت اول سودانى قابلنى فى الشركة شغال محاسب قلت ليه انا زهجت قال يادوب انت زهجت
كنت عاوز افتح بوست استشارة بالموضوع دا
لكن لما لقيت بوستك قلت عسى ان اجد مايشفى قليلى
اها اسى انا بسالك يانزار رايك شنو فى زهجتى دى وانا لسع لى 8 سنوات اغتراب
ما رجعت فيهن ,,لسبب كل سنة ناطى واحد من اسرتى واخيرهم زوجتى بارسل
اها اتوكل واقدم استقالتى هناك البلد كويسة,,ام انزل اجازة تقرصى بعوضة او بعوضتين
او اقطع لى ايصال لحركة مرور او ادفع ضرائب متهرب منها سنين,,
كدى ادينا نصحية اخوية |
مكانك زين يا اب قوتة احسن لك
| |
|
|
|
|
|
|
|
|
|
Re: حكايات راجع من الخرطوم.. (Re: بنفسج)
|
Quote: نزار ( حمدله ) بسلامتك
ياربي (مرارتك) قاعدة في محلها؟ |
يا بنفسج...هو انا كان عندي مرارة بمشي لي جنس الوصفتو دا..
المرارة واللوز ديل...شلناهن من اول سنتين...من زمن رسوم ترعتي كنانة والرهد..
علي فكرة الترعتين ديل الحصل عليهن شنو؟ واحد يفتينا
| |
|
|
|
|
|
|
|
|
|
Re: حكايات راجع من الخرطوم.. (Re: Adil Al Badawi)
|
Quote: ردموهِن بالدنانير البِشيلو وإخَلَسوا فيهِن ديل.
حِمد الله على السلامة ومحل المرارة واللوز ركّب ليك ألارمات. |
ألارمات عشان يرجعوني من باب المطار يا عادل؟
انا بدلن ركبت (الشي زاتا) وعيني قوية...اتخن مدير اقول ليه
شغلكم دا احوص...وارجي اللماضة وانا واقف قدام التربيزة...
وفي النهاية نبقي اصحاب واقضي غرضي ومعاها امكن فطرة فول في
صحن طلس مظلوط بالجنبة..والظلطة مغطية بي حتة جبنة.
| |
|
|
|
|
|
|
|
|
|
Re: حكايات راجع من الخرطوم.. (Re: عباس عزت عباس)
|
ذهبت الترعتين مع الريح...
والريح ذاتا ذهبت وين يا عزت؟
هناك والعهدة علي عيني...اذا كنت منتظر موظف ليرجع من فطوره تأكد ان
الفطور ذاتو بيكون مشي يفطر...ولما الموظف ينتظر الفطور لما يفطر..
بكون اذان الضهر اذن...وهاك يا فلاحة الناس كلها في الوضوء...تقول
راجعين من غزوة الخندق,..
| |
|
|
|
|
|
|
|
|
|
Re: حكايات راجع من الخرطوم.. (Re: haroon diyab)
|
الفارس هارون
الزول بيجي راجع من الاجازة...مفلّس ومرترت...وشكل برجلة الشنط في المطار
لسة في الذاكرة...
عندك بطاقة اعفاء من التجنيد...يا ست انت لو سمحتي عندك كرت سفر؟
يا زول هوي ماشي وين؟
| |
|
|
|
|
|
|
|
|
|
Re: حكايات راجع من الخرطوم.. (Re: معاذ حسن)
|
Quote: نزار
حمد لله على السلامة
اخوك مستني كبري شندي
حقنا في السلطة والثروة والبترول الرايح وين ما معروف.وعوضنا في الدفعنا ضرائب وجمارك وسجم ورماد.
دحين خبر الكبري شنوّ؟ |
الله يسلمك يا معاذ...
كبري شندي سأفرد له بوستا منفصلا بصوره...ولو تغلبت علي هذه التكنلوجيا العجيبة
سآتيك به هنا فيديو...شغالين فيه شغل جيد...وموقعه قبالة الجنائن..والبيارة
او هكذا نسميها..
| |
|
|
|
|
|
|
|
|
|
Re: حكايات راجع من الخرطوم.. (Re: Alsa7afa_30)
|
ألذ ناس لاقيتهم بالترتيب كانوا:
طارق الامين وعوض شيكسبير...والالذ منهم عمل جادي...وعملها لينا لما كنا نمشي
الولايات لي شغل نلاقي مثلا القاضي المقيم كان بيحضر الهيلاهوب...ويسهل لينا امورنا
(ولبست لي قميص اصفر)...وانا منتظرو يدخل في نكات بدون مقدمات ما كنت عارف الشغلانة
بالصعوبة دي...كنت قايل ونستهم كلها ضحك...(اتاريهم جادييييييييييين)
وبالطريقة دي يكون عادل امام زاتو في بيتهم ما عادل امام...
حا احكي ليكم بالتفصيل عن طارق الامين الصديق والاستاذ والمبدع بي عوضو واصحابو
وابداعو...والغنية (الحدث )الما لقيت زمن اشيل منها نسخة...
الراجل دا لقيتو ابدع مما خليتو..بي زي مية سنة ضوئية..
| |
|
|
|
|
|
|
|
|
|
Re: حكايات راجع من الخرطوم.. (Re: nazar hussien)
|
Quote: نذار سلام ..
ألف حمد لله على السلامة ..
أها كيف الصحافة و الحاجة سكينة تحديداً . |
الصحافة تحياتي ...30 فاقداك...كل يوم فيها حفلة...وأخر حفلة حضرتها زواج عماد التلب
دلوكة شغالة من بي النهار وبالليل...بدأ غناء الخرطوم...ولد القلع...وهاجر كباشي
اما الحاجة سكينة فلا زالت في سكينتها وسكاكينها...(وكوارع السنيييين)
شارع محمد نجيب عملوه زي شوارع الرياض ...البطحاء والعلية...وكورنيش الدوحة
شارع سميييين وغليد...بي تلتوار في النص...ولمبات في الشوارع...
| |
|
|
|
|
|
|
| |
nazar hussien
ناذر محمد الخليفة
haroon diyab
بنفسج
abuguta
معاذ حسن
Alsa7afa_30
فيس بوك
تويتر
انستقرام
يوتيوب
بنتيريست