|
Re: الريس بكري ...شكرا علي منحي العضوية (Re: طارق الأمين)
|
تعرف يا طارق ده ياهو زااااااااااااااااااتو عمر عثمان التوم
الزول الظريف
ونحن فعلا بنرحب بقدومو معنا وشفت جائي مسخن شديد وفي بوست دعوة الليلة الشعرية طوالي سال عن موقع الصحافة ..
بشكرك كتير يا عمر على الرسالة وطوالي حولتها لانعام وكنت عايز افتح بوست لكن قلنا الصوابر جوابر واهو بكري ما خزلنا ...
فضل لينا دخول الحاجة حنانة حيموره ...
مودتي
| |
|
|
|
|
|
|
Re: الريس بكري ...شكرا علي منحي العضوية (Re: omar altom)
|
اذن هذا عمر نفسه
بالاحضان ياراجل
اشواق ممتده عبر الاطلنطي
وذكريات لن تمضي ابدا
عمر بن نفر عظيم من ابناء بلادي
كان للاصاله والشهامه والكرم
النصيب الوافي
في تكوين وجدان اسرته
الصغيره والكبيره
عرفت مجالس الحي العظيم
طيب كلامهم وطعامهم ومقامهم
فارتشفنا بالموده اكواب الشاي
ولهطنا بالحنان كله
نعيميه حاجه النعمه وشعيريه بت التوم
وحكايات العم الفاضل عثمان التوم
والد اصدقائي واخوتي خالد وهاشم وسلوي
ونجلا عثمان التوم وزميلتنا ثناء المحامي
وحمل اليهم ال حدربي من جهه الام عافيه الشعر
فسقي وجدانهم الخال الشاعر حدربي محمد سعدعذب الكلام
وتربي شباب الاسره البديع علي نغمات ابن خالهم
الفنان الراحل حيدر حدربي
كما اشتهرو بيننا بالنبوغ المعرفي والاكاديمي
والنبوغ الاجتماعي والفلسفي والسياسي
وامتدت جذورهم من الاسلاف ناحيه ( صنب)
مروي القديمه وام دومها
نبع الحنيه والثوريه العتيقه
قال قائلهم قبل قرن من الزمان
اقلعو الميجر من صنب
اقلعو الكفراني) الكعب
بس فشان انو قليل ادب
وياقميريه قوز رجب
السغيري بتلقط الحب
فبين الثوره علي حاكم مروي الانقليزي
وقدره الاسلاف ايضاعلي التغني
للقميريه البتلقط الحب
كان هذا العمر عثمان التوم
فمرحبا به
| |
|
|
|
|
|
|
|