اولا بحكى ليكم البصيرة ام حمد دى سوت شنو قالوا فى تور فى حلة من الحلال دخل راسه فى جر (زير )وبعد شرب موية الزير راس التور حلف ما يطلع من الزير اتلموا ناس الحلة وبدا اهل الشورة وطبعا ما عايزين خسائر لافي الزير ولا فى التور يتشاوروا كيف يخلصوا التور من الجر وبدا التنظير لاجراء عملية جراحية ناجحة وبدات المشاورات والمداولات زى بالتعمل عندنا فى مستشفياتنا ونتيجتها مرات كتيرة التضحية بالام والجنين من اجل نجاح العملية .المهم جات البصيرة ام حمد ودى مرة بصيرة وحلالة مشاكل اها البصيرة قالت اقطعوا راس التور .قطعوا راس التور اها وبعد داك اكسروا الزير.قاموا كسروا الزير وانتهت المشكلة .قصة البصيرة ام حمد دى هسي بتسوى فيها الحكومة ممثلة فى الجهات التى تعمل فى مجابهة اثار السيول والفيضانات فى ولاية الخرطوم الجماعةديل يا جماعة غرقوا كتير من المنازل بسبب هذه الفتاوى التى تحاكى فتوى البصيرة ام حمد فمثلا فى ام درمان غيروا اتجاه السيل وتسببوا فى غرق منطقة كاملة واغلب المنازل التى انهارت كانت بسببهم بعد ان كسروا شارع الظلط مما ادى الى ان تندفع المياه نحو المناطق الماهولة وتتضاعف الخسائرمثل ما حدث فى كسلا والذى ادى الى الاحتجاجات التى انتهت بمذبحة .يعنى وقع عليهم قصة الجابوه فزعة بقى وجعة
07-12-2007, 04:03 PM
فرح فرح
تاريخ التسجيل: 03-20-2004
مجموع المشاركات: 3033
البصيرة أم رهف سمعتي قصة دائرة عموم الزير ؟!! الحاصل مسئول ما بمكان ما وزمان ما (عشان تشتيت المسئولية القانونية) المهم هذا الرجال ظمأ وإقترح بضرورة وجود زير بها المكان فإنطلق احد شمشرجية ذلك العصر واحضر زيرا" وبعد ذهاب المسئول تساءلوا ومن يملأ الزير ؟!! فعينوا مالئا" للزير ثم تساءلوا ومن يعطيه أجره ؟!!! فعينوا له صرافا" وتساءلوا ومن يحاسب هذا الصراف؟! فعينوا له محاسبا" , ثم مراجعا" داخليا, ثم , ثم , ثم!!!! وعند زيارة المسئول المرة التالية وجد بناءا" عليا" وعربات وموظفون ومجلس إدارة و و ولافتة كبيرة كتب عليها (دائرة عموم الزير) وفي ركن منزوي خفيرا" محتضنا" زيرا" جافا" وورقة ملقية علي الأرض أَشر عليها أن : يرفض طلب شراء خرطوش جديد لعدم وجود ميزانية !!!!!!!!!!! جاغوم البلاع رئيس مجلس إدارة عموم الزير
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
رهف
فرح
Ahmed musa
فيس بوك
تويتر
انستقرام
يوتيوب
بنتيريست