|
Re: الحسناء الجميلة... التي أحببت!!! (Re: Deng)
|
.. . أين احببتها فى احد ملتقيات الخرطوم!!؟ أن كانت الاجابة نعم فاعمل حسابك تكون حبت جواز سفركـ بنات العرب ديل انا عارفهم بلباصيات يا جوك ..
____________________
ما تكتر من التياب بناطلين جينز وكالفن كلاينت بس
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
Quote: أين احببتها فى احد ملتقيات الخرطوم!!؟ أن كانت الاجابة نعم فاعمل حسابك تكون حبت جواز سفركـ بنات العرب ديل انا عارفهم بلباصيات يا جوك .. |
تبلدينا.
أنت مخك ده ما قادر يطلع من الخرطوم أو السودان؟ وسع عقلك شوية.
دينق.
| |
|
|
|
|
|
|
Re: الحسناء الجميلة... التي أحببت!!! (Re: Mustafa Mahmoud)
|
ود حلتنا .. سلامات ..
خليك ديامي تفتيحة ، وما تتأخر كتير مادام الموضوع جاهز .. هي ما أصلها بتجي مرة واحدة بس ، يا خلصّت الموضوع ، ويا ضيعتو من ايدك وقعدت عشرين سنة تاي عشان تلقى ليك واحد زيو ، أو حتى مقارب ليهو ..
يلا بالله خلص القصة ، وخليك زول عرس ساي . وورينا الحنة متين عشان نجيك بي دلاليكنا .. ما تقول لي أمريكا ما فيها حاجات زي دي ، وتعمل لينا حركات (مغتربي أمريكا) ..
ربنا يتمم على خير .
صلاح عبدالله
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
Quote: يا دينق سلامات
عامل فيها صاحبنا وما بتورينا؟ على العموم يا بختها والله.
زينب الشفيع |
يا زوبا.
طبعا أنتي ومنعم الشمار قاتلكم. أصلوا ما حترفوا أي حاجة. والله أنا زاتي بختي.
دينق.
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
Quote: الف الف مبروك و ان شاء الله تكون هديه و رضيه و تكون بتقرا البورد..احتمال تانى تتظارف شويه معانا.. و بعد العرس لو قررت تزور الساحل الغربى ,,تتفضل انت و العروس و تزورونا |
ٍسمارت أنا.
شكرا ليك شديد يا عزبزتي, ولكن القصة ما جابت ليها عرس بعد لسه. وأكيد حنزوركم أصلوا أنا عندي معزة خاصة للساحل الغربي وجمال الطبيعة به.
دينق.
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
دينق لك التحية ما تقول الحب تحية وبسمة من صقرك ندية او مواعيد فى الاماسى فيها نتغازل شوية الحب وفاء و الهام الاهى يجمع ارواح فى السجية و لو تحب بالمعنى ديه بصراحة قولوا لينا
الحب شى جميل . دوما خالد ابوالقاسم
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
Quote: دينق لك التحية ما تقول الحب تحية وبسمة من صقرك ندية او مواعيد فى الاماسى فيها نتغازل شوية الحب وفاء و الهام الاهى يجمع ارواح فى السجية و لو تحب بالمعنى ديه بصراحة قولوا لينا
الحب شى جميل . دوما خالد ابوالقاسم |
الاخ خالد.
حقا الحب شئ جميل.
دينق.
| |
|
|
|
|
|
|
Re: دينق هكروه (Re: ASAAD IBRAHIM)
|
Quote: الحسناء الجميلة... التي أحببت!!! |
والله يا دينق أصعب خمسة حاجات فى الدنيا دي اللي هم تلاتة القراية فى الكُبر والحُب فى الكُبر
وبعدين يا دينق الحسناوات فى المغرب والبرازيل وللا بلاش، يلا فك آخرك وورينا دي منو؟
وما تنسى التدعيم بالصور
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
يا عزيزي انتا قصدك زوبا ولا ابوسن ساعدونا بالكتابه يا ناس امريكا
العريس اها الاستعدادت كيف وعليك الله كلم منعم اقول لينا العروس منو شمارات وكدا
سلاماتي الغاليه
زوبا
وفي مقوله اخري
دومه
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
Quote: دينق الشرير،،
بركة الإنكبيت علي وشك كدي،،
أصلي من زماااااااان راجية فيك يوم،، |
سوميتا.
مشتاقين كتير لا حس منك ولا خبر المانع خير؟ والله مخاصماني زي حبيبنا الزمان أوسلي؟ المهم أنا سعيد بمروروك من هنا.
دينق.
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
برة و بعيد،،
مااااااالي قال بخاصمك؟ النحددو معاك هنا ده ،،
غالبا ما اكون في بلدكم دي من يوم ٢٥ لي يوم ٢٧،، ف بنتلاقي مش؟
بس برضو مبسوووووطة فيك،، أتمني لقلبك و قلبها عماراً باقوي الحب،،
مودة،،
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
دينق العاشق !!!
الحب في الأرض ,, بعض من تصورنا,, لو لم نجده ,, لأخترعناه ,,
مبروك وعقبال العرس بس ماتنسى تعزمنا ,,,
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
Quote: وبعدين يا دينق الحسناوات فى المغرب والبرازيل وللا بلاش، يلا فك آخرك وورينا دي منو؟
وما تنسى التدعيم بالصور |
الغالي التذير حجازي.
أها المرة دي لا برازيل ولا المغرب. رأيك شنو؟
دينق.
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
Dear Brother Deng
Grretings
I wish you happy life with your loved one.. take care of each other and send us some advise on lasting happy relationship
all the best
aisha
الاخت عائشة حميدة.
شكرا لك كثيرا لهذا الكلمات الرائعة, بالتأكيد سوف أكتب لكم عن تجربتي.
دينق.
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
Quote: يا مان دي بركات موية النيل الشربتها بعد 17 سنه. من هنا و رايح نسميه " عبار النيل " |
الاخ محجوب.
لم أكن أعلم أن مياه النيل قد تجعل الانسان يحب من مناطق أخرى حول العالم.
دينق.
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
Quote: دينق العاشق !!!
الحب في الأرض ,, بعض من تصورنا,, لو لم نجده ,, لأخترعناه ,,
مبروك وعقبال العرس بس ماتنسى تعزمنا ,,, |
عواطف.
لا معنى للحياة بدون حب. الله يبارك فيك أما موضوع العرس ده دي قصة تانية كمان.
دينق.
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
Quote: برة و بعيد،،
مااااااالي قال بخاصمك؟ النحددو معاك هنا ده ،،
غالبا ما اكون في بلدكم دي من يوم ٢٥ لي يوم ٢٧،، ف بنتلاقي مش؟
بس برضو مبسوووووطة فيك،، أتمني لقلبك و قلبها عماراً باقوي الحب،،
مودة،، |
سوميتا.
أنتي جيتي واشنطن دي مليون مرة. لا بتضربي لزول ولا بتقابلي الناس. أنا واشنطن خليتها لي أكثر من تلاتة سنين أنتي نايمة ولا شنوا؟ أنا هسع في نيوجرسي وبمشي واشنط في الويكند فقط.
دينق.
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
Quote: الاخ محجوب.
لم أكن أعلم أن مياه النيل قد تجعل الانسان يحب من مناطق أخرى حول العالم.
دينق. |
يا هبيب عبار النيل هو الحب في اسمي تجلياته... بعده يمكن ان تحب في اي مكان في العالم
| |
|
|
|
|
|
|
Re: الحسناء الجميلة... التي أحببت!!! (Re: حسن الطيب يس)
|
هي الجمال..الامل.. والحياة
ولله دي بشارة خير وألف مبروك وهنئياً لهذه الخواجية المابتعرف عربي بجورج وهنئياً لجورج بهذه الخواجية يعني ياجماعة الزول شرب موية النيل وحام في الخرطوم من اوزون إلى الحاج يوسف إلى وسط الخرطوم والمريديان وفندق أراك إلى نيوجرسي وفي النهاية ما لقي ليهو حسناء يحبها دي باااااااالغت فيها يا دينق والله لو عاينت في اقرب كازينو تجد حسناوات وجميلات وفاتنات ولكن انت طلعت زول ما تفتيحة
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
Quote: الأخ / دينق
أُحَيِّ فيك هذا البوْحَ الجميل .. فلتَدُم حسناءَك ولْتَدُمْ أنتَ بجمالٍ لا يُضَاهَى ..
تقبَّل وجوديَ ..
ولكَ كلَّ الحب ..
أخوك / محمَّدزين ... |
الاخ محمد زين.
مادام أنت موجود, أكيد الحب حيكون موجود. تقبل تحياتي.
دينق.
| |
|
|
|
|
|
|
Re: الحسناء الجميلة... التي أحببت!!! (Re: Marouf Sanad)
|
Quote: يا لكي من جميلة. أحببتها.. أحببتها.
دينق |
حولالالالا
يا عالم يا وهم القال ليكم الجميلة دي إمرأة منو?
عالم وهم متوهم
توهما بتمكين بس ما يقولوا ليهم جميلة و حبينا يجوك جارين و جاريات هسع في داعي للنطيط و الردحي ده
لو هسع دينق قال ليكم جميلة نيفاشا أحببتها أحببتها
كان حا تعملوا شنو?
طبعا كنتوا طقعتوه بالزجاج الفاضي
كرمبا_________________________________________
لقد أختير بريمة وزيرا للعريس و صبابا للعبابير
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
Quote: يا هبيب عبار النيل هو الحب في اسمي تجلياته... بعده يمكن ان تحب في اي مكان في العالم |
يا محجوب.
أنا زمان ما حبيت في شارع النيل, علشان كده لم أشرب من موية حب النيل. لكن ما اعزب مياه النيل وما أجمل الذين يقطنون على ضفاف النيل
دينق.
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
تيمان برقو الما بتفرقو(بريمة وود الطالب)
أولا ود الطالب ده عايش في السعودية. وتلقاهوا هسع عطشان جنس عطش. أنا عارفك بتحلم بي عبابيري دي وما لاقي زييها. أنا هنا بتكلم عن الحب وعن الجمال وأنت خليك في عطشك ده في السعودية الناشفة دي.
بريمة.
اليومين ديل أنت لابد وين؟ ما شايفنك في أنشطة وندوات واشنطن؟ أوع يكون كوستاوي ده مهددك. المهم أنا هنا بتكلم عن الحب والجمال وما أظن أنت بتفهم في الحب والجمال. أنت لسه عندك مشكلة لم تحسم بعد, وهي المشكلة التاريخية بين الحوازمة والنوبة بمنطقة جبال النوبة.
دينق العاشق
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
Quote: دينق الخطييييييير دي تكون موديل 07 الف مبروووووووك وعقبال نشوف دينق الصغير و نحنا تحت الخدمة إنت تأمر و نحنا ننفذ |
الاخ حسن الطيب.
الله يبارك فيك يا عزيزي. أكيد أكيد. وشكرا لك مقدما.
دينق.
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
Quote: هي الجمال..الامل.. والحياة
ولله دي بشارة خير وألف مبروك وهنئياً لهذه الخواجية المابتعرف عربي بجورج وهنئياً لجورج بهذه الخواجية يعني ياجماعة الزول شرب موية النيل وحام في الخرطوم من اوزون إلى الحاج يوسف إلى وسط الخرطوم والمريديان وفندق أراك إلى نيوجرسي وفي النهاية ما لقي ليهو حسناء يحبها دي باااااااالغت فيها يا دينق والله لو عاينت في اقرب كازينو تجد حسناوات وجميلات وفاتنات ولكن انت طلعت زول ما تفتيحة |
إبراهيم علي.
الحب لا وطن له. شكرا للمرور.
دينق.
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
Quote: حولالالالا
يا عالم يا وهم القال ليكم الجميلة دي إمرأة منو?
عالم وهم متوهم
توهما بتمكين بس ما يقولوا ليهم جميلة و حبينا يجوك جارين و جاريات هسع في داعي للنطيط و الردحي ده
لو هسع دينق قال ليكم جميلة نيفاشا أحببتها أحببتها
كان حا تعملوا شنو?
طبعا كنتوا طقعتوه بالزجاج الفاضي |
كوستاوي.
بالله أمسك خالتك الظلامية بيان دي. حتموت من الغيرة.
دينق.
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
دينق
الرجل الأنيق خلقة وأخلاقا
مبروك
ما أجمل القلب العمران بالحب ..
بت العباسى قالت :
Quote: Raja
صديقي الحبيب جورج..
فرحت ليك شديييد.. وأجمل شئ لما نعلن إننا حبينا.. |
انا قبل كدا قلت ليك علنى فى البورد و على الملأ وفى بث ماشر
أنا بحبك سويتي شنو ؟ فلت لى إنت أخوى أسع دا ما شاكوش بالله يا دينق ومنعم ..
| |
|
|
|
|
|
|
Re: الحسناء الجميلة... التي أحببت!!! (Re: Deng)
|
Quote: يا لكي من جميلة. أحببتها.. أحببتها.
دينق |
كما قيل يا صديقى أجمل ايامنا هى التى لم تأتى بعد وأجمل اطفالنا هم الذين لم يأتوا بعد Good Luck بس ما تنسى تكلمها بى جنسيتك التالية بعد ستة سنوات ياصديقى جنى
| |
|
|
|
|
|
|
|