|
|
|
 Re: الى الاستاذة سلمى السيخ سلامة المحترمة مع التحية (Re: صديق الموج)
|
ابراهيم الكاشف فنان الزمن السرمدى
بانصرام هذا العام يكون قد مضى على رحيل الفنان الكبير ابراهيم الكاشف سبعة وثلاثون عاما،لكنه مازال طازجا ،غناؤه يدخل الوجدان الجمعى لهذه الامة و(يطوى جناحينو يطير بينا )
بدا الكاشف حيث يجب ان يبدا ، حيث النقطة اشترعها هو للغناء الحديث ، كانت تلك البداية ، بداية لمعارك حامية ، بين اهل القديم وبينه ، من اولئك الذين حاولوا الى كبحه واجهاض مشروعه الحداثى او التحديثى ، لكنه خرج بنهاية الامر منتصرا للحداثة والتغيير الفنى ، وخرج متوجا على عرش الغناء الحديث ، وظل على قمته بلا منافس حقيقى ، فى ذلك الحين اذا علمنا انه كان ( نجارا ) واميا فى ذات الوقت ، لم يدخل من باب المدرسة قط ، لكنه استطاع ان ( يدق كل مسامير الغناء الحديث ببراعة لا مثيل لها ) دقها اوتادا ابدية لا تصدأ ولا تتزحزح
الكاشف ، يا له من مغن لن تجود بمثله الايام ، ربما فى زمان ما ، لكنه سرمد ، واكسير لحونه ما يزال الشجرة التى يرتاد ظلها من يشتغلون بالتلحين ، فهو( جب) الموسيقى الذى كلما نهلت منه ازداد عمقا وبات ماؤه اكثر عذوبة ، فلكم تغنى كل من شاء ان يصل الى بوابة اللحن والكلم الذى لا يضاهى عمقا ،واللحن السهل الممتنع ، يدخل الى القلب حتى ان جاء عبر صوت فنان اخر ، حين تستمع الى الكحلاوى فانت لا شك مستطعما حلاوة اللحن وسهولة الاداء(وداعا روضتى الغنا ) على سبيل المثال ، حكى لى احد اصدقاء الكاشف والكحلاوى ( انهما كانا صديقين ، وان الكاشف قال للكحلاوى ، لو مت قبلك تغنى الاغنية دى ساعة التشييع ، ولو انت مت قبالى بغنيها ليك يا كحلاوى ، وقالوا ان الكاشف يوم تشييعه كان الكحلاوى لحظة ان وضعوا الجسد على حافة القبر بدا بالغناء الباكى لتلك الاغنية) واضاف الصديق ( تبدو تلك الاغنية كانها مرثية للكاشف )
غنى الكاشف للعديد من الشعراء (خالد ابو الروس ، عبيد عبد الرحمن ، السر قدور ، حميد ابو عشر ، خليل فرح ، المساح )
يلفت النظر فى الكلمات التى يختارها الفنان الكاشف انها رصينة ، وذات حدس عال فى البقاء كالماس لا تتغير مدلولاتها ولا يعتريها الوهن ، تتناسب وكل مقام ومكان وزمان ، فله حدس ظل يقظا فى اختيار الكلمات بلا ادنى شك يحيلك الى صرامة معرفية بلا حدود
صابحنى دايما مبتسم
اشوف جمالك وفتنتك
اتجلى فى وكت الضحى تجد العليل نعنش صحا
الصاحى دون خمر انتشى
يا صادح البال يارشا
بقلبى افعل ما تشا
والكون وراك طايع مشى
وها نحن نمشى فى اثر تلك العبقرية الغناية ،او فى سياق اخر تجده (حسبما زعم عم السر ان عبيد عبد الرحمن لم يركب طائرة فى حياته لكنه كتب رحلة بين طيات السحاب ، اورد ذلك فى ندوة انعقدت فى مركز عبد الكريم ميرغنى العام الفائت ربما فى شهر نوفمبر منه ) لكن تلك الاغنية تدخل معك كلما دخلت الى جوف الطائرة تتمثل الكاشف وهو يهدى روعك ان كنت تخاف الطيران
ياحبيبى قلبى حاب
رحلة بين طيات السحاب
بختنا انت وانا يابختنا
ويا بختنا بمطرب وفنان كالكاشف ، فلم تكن الدراما فى ذلك الحين كما مؤثرا على الحياة باى قدر لكنه استوحى مشهدا دراميا خالدا حين تستمع الى اغنية (الجمعة فى شمبات ) ترى كم ان الشاعر عبقرى وان الكاشف اكثر عبقرية فى صياغة اللحن
جداول المية كابه
نسايم البشر هابه
كل زول مفتون بزولو
عيون لعيون محاربة
شفاه لى شفاه مقاربة
خليهم يقولو زى ما الناس يقولو
حلات الجمعة يوما
وحلو شمبات مقيلو
لاحظ ( الماء منسابا ) ويدوزن ذلك فى الموسيقى ، ولنا ان نكتشف من خلال هذه الكلمات ( المكان ) لدى الكاشف ، المكان الجغرافى ، فهو مكان تم اختياره بعناة فائقة ، لكل ماهو جميل (روضة ، نضار ، شمبات ، طيات السحاب ، شلال) مشهد جغرافى يعج بالحياة والامل ، وحبيب حاضر دائما وحتى فى غيابه يرجوه ان يكتب له، لانه يعانى
الحاصل بى انا شوق وحنين
واقيم الليل اهات وانين
وهو دوما مهموم بذلك الحبيب ، مشغول (مشغول فكرى حاير مشطوب انشطاب )لكن حبيبه يبدو دائما عنيد ، ويحيله الى الحيرة ( يا محيرنى ومتحير ، انا عمرى غرامك انت وغرامك عمرو قصير ) والكاشف لم يشذ عن القاعدة التى انتجت مجايليه من حيث تذكير الحبيب ، فهو ـ الحبيب ـ صغير ، اسمر جميل ، محجوب لا يتم توصيفه الا عبر ذلك الحجاب (وحجبوه حاسدينى ،
بقوا بينو مابينى ،
لا ادرى ما ذنبى المنعوه من قربى
ابعدوه عن قربى وابو لا يبارحوه
لكنه فى مقام اخر هو نفس هذا المحجوب ، لكن اعلى درجة ، واسمى مقاما انت بدر السما فى صفاك
قل لى من عينى من خفاك
حبيبى متى وفاك ؟
لكنه فى تجلى اخر يتلامس معه ( نقلة نوعية ) حيث من الحجب والخيال الى واقع ملموس
والحب البان فى لمسة ايد
يقول شيخنا الجميل السر احمد قدور شاعر هذه الاغنية ان( الكاشف جيتو فى ورشة الوزارة ، وزارة الاعلام ، وحفظتو الاغنيةدى ، مشينا عشان نسجلا فى الاذاعة ، قالو لا يمكن ، ليه ؟ قالو ليهو انت لقيتا وين عشان تلمس ايدا)
الكلمة لدى الكاشف لا تنفصل عن اللحن ،فهما صنوان ،فالكلمة تحيلك الى النغم والعكس صحيح ، فانت لا يمكن ان تتخيل (الربى والسهل او جداول الموية ) بدون اللحن الذى لم يفارق الكلمة ، تنساب الكلمات كما اللحن ، وهنا يقول شيخنا الجليل السر قدور (لمن كان الكاشف بلحن فى رسايل ، سال قال ايه يعنى ربى ؟ فقلنالو المكان المرتفع ، فقال خلاص اللحن يجى عالى ،اذكر جلوووووسنا على الرباااااا كان الكلمة فيها صدى ) احيانا ينتابنى غرور وانا استمع الى هذا المغنى المطرب الفنان واحس انه يغنى لى وحدى ، احس اننى تلك المحبوبة الاثيرة لديه ، لذلك تابعته منذ اليفاعة منذ ان كانت ( الشاغلين فؤادى) بالرق ، الى ان غنى اخر اغنياته ، الفته وحفظته مقطعا مقطعا ، وحرفا حرفا ،وجلست الى قرنائه عم السر قدور متعه الله بالصحة والعافية ، فهو من يحفظ الى حد كبير سر هذا العبقرى ، الذى كان له شرف ادخال الاوركسترا الى فضاء الغناء السودانى وكثيرا ما يعترينى الحزن لحظة ان يغنى فنان ما من الشباب اغنية لهذا الهرم الشامخ ولا يحسن اخراج الكلمة او التدقيق فى نطقها ، ليس لان الكاشف مجرد (فنان اثر) لكنه قامة علينا احترام فنها ، الكاشف ، لك الرحمةايها الفنان الذى (انت عارف انا بحبك ؟ ولا ماك عارف بالمرة ؟ )
| |
 
|
|
|
|
|
|
|
 Re: الى الاستاذة سلمى السيخ سلامة المحترمة مع التحية (Re: حيدر حسن ميرغني)
|
استاذ صديق أحيك
الرائعة سلمى
شكرا لك وانتي تكرمين عبقرية الغناء السوداني
وإبداعه المتميز ابراهيم الكاشف
وياريت نحتفل كلنا بالكاشف هنا
العيون الفيهن نعاس
هن اساس معنى الجناس
هن يثيرن في الناس حماس
هن يسوقوا الزول للجنون
التفت وجه لي بسمة
تكسب الزهر ازدهار
وصلت فيها الوداعة
وخفت الروح والنضارة
جذب حبيبي فنه
نظرة مني ونظرة منه
واحدة مني التانية منه
وارتفعت الحرارة
والتهبت العواطف
اصلى من النار شرارة
الشال منام عيني وفؤادي جارحه
انشاء الله يلاقيني وبهواي اصارحه
نتقابل الأتنين
أشكيله مر البين
ولعل قلبه يلين
يعطف على المجروح
والروح تناجي الروح
والعين تشوف العين
والإيد تصافحه
لما رايتك بالقرب مني
هل تدري اني بسعداظني
احس بعظمة وشان كبير
افرح كتير فرح كبير
واكاد اطير من الفرح
حبيبي اكتب لي
وانا اكتب ليك
بالحاصل بي والحاصل بيك
الحاصل بي أنا شوق وحنين
وأقيم الليل آهات وانين
فارقني حبيبي
خالفني سنين
تحكم بيني وبينه البين
ما ليك آمان ياده الزمان
ياليالي زمان الله عليك
اما افتتان من الأغاني التي تحلق بي بعيدا
حبيب الروح سلمت
انا بي لو علمت
انا الأمين ووافي
وليك وجداني صافي
ياملهمي القوافي
ولكل معنى وافي
زي بسمة الازاهر
في نظري اترسمت
زي نقشت الخواتم
في قلبي اترسمت
انا بيك افتتنت
ولي عودة
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: حيدر حسن ميرغني)
|
نهال العزيزة يبدو انه ( البيت محروس ) وبقيت ست البيت ، دى تمامة الكلام ، الزول الاسمو الكاشف دا ساكن جواى من الطفولة وللان ما بارح ،وبزعل من المغنين الصغار لمن الواحد يغنى للكاشف وما يذكر المصدر زى لمن زول يكتب بحث وينسى المصدر مش حاجة تغيظ ؟شكرا على الاغنيات دى بحولا لعزة عشان تغنيها زولة بتغنى كويس شديد لكين حق الفنان الكاشف محفوظ
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: سلمى الشيخ سلامة)
|
سلمى يامذهلة
البيت منور بقلمك يا مبدعة
والادهى من كده انو بعد ما يغنوا غناء الكاشف وما يذكروا اسمه
لمن يجي زول يقول ليك سمعتي الغنية الفلانية بتاعت هناي الفنان الجديد
دي أنا بترفع لي ضغطي بالجد
وعلي قوله
ظلموني الناس
ونسيوا هواي
أشكي وأبكي
الآمي براي
ظلموني الناس
وتنكروا لي
وأنت الحبوب
ما شاعر بي
طالب إحسان
باسط إيدي
ومستنين عزة
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: صديق الموج)
|
يا زول يا رهيف يا زول سمح ، يا تانجو ، كنت فى المدرسة المتوسطة معتادة ان اقدم (الليالى الشعرية والادبية ) وكنت بغنى حينها لفنانين تشكيلة عجيبة 0البلابل ،محمد ميرغنى ، عمر الشاعر _ما زيدان ،وبعدينك الكاشف )كنت بخاف لمن اغنى للكاشف ، لانى بحبو اكتر من اى واحد تانى ، لكين كنت بتحاشى اغنى للكاشف رغم انى حافظة غناهو امكن لانو صوتو كان اكبر منى ولا مابعرف المهم ما زلت احب الكاشف وبتغاظ لمن واحد يقول ( حاغنى ليكم اغنية من اغنيات عصام محمد نور وتطلع اغنية للكاشف ) مش حاجة تغيظ
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: سلمى الشيخ سلامة)
|
العزيزه سلمى..
عندما اقرا اليك..استعيد فى مدى ابصارى كل ملامحك وكنتى انت تلك ( الشافعه)بتلك التسريحه والضفيره على الجانبين...واسترجع كل ملامح ذلك الزمن الندى..واسترجع شتات الذكرى ولا يزال حفيف خطى الاحبه يدوزن ايقاعه طرقات مسارات القلب الحزين..وتختلط صور الذكريات وقطرات الدموع وهى تحجب .وتمنع وتمنح دفقه من وفاء لكل الذين فارقونا وفرقتنا منهم الايام..من رحلوا عن عوالمنا الى عوالم اخرى .واخرهم الفاضل الطيب...ولا يزال صدى جلجلة ضحكته تهبش وجدان الحس..عليه الرحمه مضى هكذا فى صمت وهو نائم يحلم ولم يعد من حلمه الكبير...
ولعلك سلمى..
وانت تحكين الان عن الكاشف العملاق وانا متاكد انك لا تعى ملامحه وتقاطيع وجهه لكنه اسرك بشجو غنائه وعبقريته الفذه وربطك بادائه الاخاذوهو الامى العامل البسيط..انه فنان نقل الفن السودانى من مصاحبة الكورس الى اللزمه الموسيقيه وزمن الاركسترا..وطواقم العازفين..ومنح لغة الموسيقى اللزمه..وفصل بين ملودية اللحن واطار اللحن فى الجمل الموسيقيه.وكان ذلك الرائد الذى كانت كثافة الحانه نقلة متقدمه فى تاريخ الموسيقى والغناء السودانى..وله فخيم الصوت الغريد الابداع..
تذكرت كل ذلك ..وتذكرت صفاء الايام..وتلك الصبيه اليافعه النضره التى كبرت ..وتخرجت وعملت وتزوجت وانجبت..لكن ذلك الحس القديم لا زال يسطر على جوهر الفكره..
العزيز سلمى..
صديق الموج هذا الانسان المسكون بالجمال..وهو رفقة رحلة ضمتنا معا الصناجه مننصور المفتاح والاستاذ يحى عبد الكريم.وصديق الموج وشخصى الضعيف فى اشهر بوست عن بادية الكبابيش..ونحن فى اقاصى الدنيا كل فى موقعه لكن سرحنا بخيال الفكره.وعشنا حلاوة الواقع بمعرفة منصور المفتاح وخبرة يحيى عبد الكريم..وادراك صديق الموج..
وصديق الموج فى ملامح تفرده تستشعر منه خلاسية الالوان وهو يهبش ويستعمل الحروف والكلمات..له معجم وقاموس خاص به.وله غبش التعابير فى مضارب احزمتها..وله سلسبيل رشقه..
لكما معا..
سلمى الشيخ سلامه..
والعزيز صديق الموج..
رفقة زمن حكى وحكاوى واحد تنوع مدى مشواره..المتعدد الذى يجمع البداوه والحضر..ويعيد شباب زمن الغناء السودانى..ويفرح زمن اعتلاج طال...
وواصلى فى ذلك المسار..
كثيف الود والاعزاز
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: عصمت العالم)
|
Quote: صديق الموج هذا الانسان المسكون بالجمال..وهو رفقة رحلة ضمتنا معا الصناجه مننصور المفتاح والاستاذ يحى عبد الكريم.وصديق الموج وشخصى الضعيف فى اشهر بوست عن بادية الكبابيش..ونحن فى اقاصى الدنيا كل فى موقعه لكن سرحنا بخيال الفكره.وعشنا حلاوة الواقع بمعرفة منصور المفتاح وخبرة يحيى عبد الكريم..وادراك صديق الموج..
وصديق الموج فى ملامح تفرده تستشعر منه خلاسية الالوان وهو يهبش ويستعمل الحروف والكلمات..له معجم وقاموس خاص به.وله غبش التعابير فى مضارب احزمتها..وله سلسبيل رشقه..
لكما معا..
سلمى الشيخ سلامه..
والعزيز صديق الموج..
رفقة زمن حكى وحكاوى واحد تنوع مدى مشواره..المتعدد الذى يجمع البداوه والحضر..ويعيد شباب زمن الغناء السودانى..ويفرح زمن اعتلاج طال...
وواصلى فى ذلك المسار..
كثيف الود والاعزاز |
عصمت العالم تحياتى...
اولا اهدى عنى هذا البوست للاخ على عبد الرحيم وان شاء الله يكون بقى عافيتين.
ثانيا شكرا طويلا على هذا الاطراء وان تتدخلنى مدخل صدق وتختنى معاكم ولم اكن اكثر
من مجرد صبى اسرج النار كلما نزلتم مضارب واعشى البل ،كان هذا يكفينى عن كل
مطلوب ومرغوب وانا رابع ثلاثة ..انت ياسمح،منصور المسكون ،يحى ذلك الشفيف
وكما قالوا مصاحبة الرجال فلاح..ممتن انا لتلك الرحلة التى اهدتنى اياكم.
اخيرا..اذا وصفتنى باننى مسكون بالجمال فهذا من فضلكم ولكن تعال شوف الجمال
الذى يمشى على رجلين...سلمى هذه التى تحيل الحروف الى نسمات يهبن عليك
نواحى بيت المال من اعمال امدرمان فلا تعرف هل تتكى على الخور ام تبرى المزالق
كم عظيمة هذه المشوطنة وياليت كل مرة تجى تسقينا من اثداء الثقافة الحلوبة
فكلامها جميل وحديثها حلو..هذه من الذين يصفونهم بانهم لا يمل المجالس حديثهم
حفظها الله هذه الدرة المكنونة..وتسلم،،،
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: صديق الموج)
|
صديقي صديق الموج" وانا في غاية الجدية"
ليتك تعاملت مع الاستاذة سلمى مباشرة....والله يا صديق لن تجد ارق ولا اكثر ثقافة ..من سلمى الشيبخ...والله لقد احببتها كأمرأة مثقفة من اول ما قابلتها... وكانسانة تحس بالاخرين...انها حواء الزمن الملخبط الما معروف اولو من اخرو... اعطيها فرصة واعطي نفسك فرصة لتعرفها.....
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: سجيمان)
|
Quote: صديقي صديق الموج" وانا في غاية الجدية"
ليتك تعاملت مع الاستاذة سلمى مباشرة....والله يا صديق لن تجد ارق ولا اكثر ثقافة ..من سلمى الشيبخ...والله لقد احببتها كأمرأة مثقفة من اول ما قابلتها... وكانسانة تحس بالاخرين...انها حواء الزمن الملخبط الما معروف اولو من اخرو... اعطيها فرصة واعطي نفسك فرصة لتعرفها..... |
سجيمان..شكرا
لكن انا سعيد قدر ده؟؟؟
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: صديق الموج)
|
| Quote: اول حاجة يبدو انك مستعجل شوية لمن سميتنى السيخ سيخ يا صديقى ؟ ما بطال لكننى هاناذى اكتب اليك |
سلمى العزيزة..تحياتى
اول الكلام رائك شنو نخليها سلمى السيخ شلامة، وتبقى الصداقة قرابة ..وبعدين احى انا من بوامتى دى لكن
الما بلخبتنى شنو ..هسع جنس الكلام البتكتبى فيه ده مابلخبط قبيلة ..ده غير الكلام الداساهو والداخراهو
متين يا ربى نتلم، لانريدك معنا، ولا نريدنا معك ،ولكن نريد اللمه فى حيشان اهلنا الواسعة المبهول فوقها
الهمبريب ديك...مع انه معاك ياسلوم كان امبدة كان اسكندرية الكلام ياهو الكلام..بس نلاقيك.
راجع للكاشف بى تقلى بس روق واحلى،،،
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: صديق الموج)
|
Quote: صديق الحبيب
استدراجك للاخت الفاضلة سلمى عجبني جدا
الزولة السمحة دي مليانة حكاوي وغناء ممكن تكتب ليك حتى تستغيث
تحريضها على الكتابة فرض علينا نحن الذين نعشق كتاباتها
تحية ليها وليك ولذاكرة الزمن الجميل الذي تحوَم حوله |
حيدر العزيز..
هذا نوع من التحريض يقتل..بالله شفت البنية دى بتقلب مواجع الزول كيف
يالها من سلمى...بوركت يا بت الشيخ،،،
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: صديق الموج)
|
| Quote: ها الرائعة والرائعة جدا لك تحياتى وتحيات من هم فى كنفى .. والشكر الجزيل لاخونا العزيز صديق الموج لهذا البوست الجميل والجميل جدا .. ولنا لقاء ياسلمى بنت السيخ عفوا اقصد الشيخ ودسلامه .. تحياتى |
تاج السر انت وكت بتعرف الكلام السمح قدر ده البقاك هلالابى شنو؟؟
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: صديق الموج)
|
Quote: عاد لكن يا ود الموج ما بسعلك
الختيتها رقدت
الشنب دا كلو ما شايفو
تحياتي
أخوك معاوي |
معاوية زكرتنى ود صاحبا لينا كان شيطان فى سنة ثانية جاء لابوه قال ليه مش التاء تاء التانيث
ابوه قال ليه نعم..قام الشافع قال ليه طيب ليه بتقولو لعمى حمزة عمى حمزة..قال ليه نقول
ليه شنو ...قال ليه مفروض تقولو ليه حمز..انا اظنى جبت الشافع داك بس معكوس تسلم،،،،
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: صديق الموج)
|
الشاغلين فؤادي
الشاغلين فؤادي وتايهين فايقين
يكفي البي زارف دمع الما يقين
من القبلة لاح لي برق لمع
والصيد في الخمائل ياناس اجتمع
قوموا يا أحبة نسترق السمع
ما بضيق القعدة والمايق دمع
ديل أحبابي لي يامولاي غدروا
انسلبت لحومي وأعضاءي خدروا
لاموني العوازل بحالي ازدروا
هم شايفين دلالهم تايهين ما دروا
النسيم عاودني أقوم من نومي تاب
مشغول فكري حائر مشطوب انشطاب
يانسيم بالله تجيب رد الخطاب
اوعى الجاهلة لي ما بتحمل عتاب
سامرت الكواكب لم الفجر لاح
نادى الفجر وقال ياأهل الصلاح
صلوا الوقت حاضر قاموا أهل الصلاح
انا الليلي غيم
لخيال لي لاح
البلابل ناحت في الليل الهيجع
سهرنات عيوني ومابيات الضجيع
من الحالة ديك اخير لي النجع
وا حسرة شبابي ما لقيت لي وجيع
تحياتي سلمي
تحياتي استاذ صديق
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: صديق الموج)
|
Quote: .....صديق كيفنك
..
متكيف بس |
خطاب وانا بقرا فى كلامك ده اتصل على مهلب على مالك..
1- تم نقله الى مدينة الرياض
2-لم تزل هند والعيال بجدة حتى نهاية العام الدراسى
3-سوف نذهب الى مدينة الدمام الخميس بعد غدا 29/3
4- يبلغك تحياته
5- طالما انت متكيف العجب انا
6-شكرا على الاطلالة،،،
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: صديق الموج)
|
الغالي تمر السوق
الحبيب المافيش منو اتنين
صديق يا حلو ياخي بفتش فيك
واخيرا صديقي حيدر حسن ميرغني
وراني محلك يا خاين
ياخي انت واختك سلمى
اعلام من اعلام بلادي المافيش متلها
العالم يحفظ ارثه بالتقنية
ونحن نتحدى بعقولنا سلمى بت الشيخ
وصديق ود الموج انتم محل دراسة لباحث
مقتدر ومنقب عن الجمال
تقبلوا ودي واحترامي
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: صديق الموج)
|
احمد العجوز ولد الاصدقاء فى الزمن الجميل ، سالت عليك موية النيل واستديوهات التلفزيون ومحمد نعيم سعد ومصطفى احمد الخليقة وكل الاصدقاء قالو لى فى السعودية ،متذكرة لغاية الان المحطة والشغل الكان فيها ومتذكرة المدرسة المختلطة وزمن يا صديقى زمن طويل لكن الذاكرة لا تتعب فى درب الاصحاب ، اقعد عافية ولقمتك دافية وسماك صافية
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: سلمى الشيخ سلامة)
|
أنت عارف انا بحبك
وبحلف بك
ولا ماك عارف بالمرة
آه انا ناري
أنت صارف عني مدة
وأنا خايف اتحدى
طمئني تعال نبدأ
التعارف والتألف والمودة
ياحبيبي من فضلك طاوعني جاملني
لا تخالف مرة واحدة
آه أنا ناري
أنا شايف المحاسن الطرايف
في صمتك في كلامك
في عيونك في ابتسامك
في خدودك في قوامك
أنت جالس انت ماشي أنت واقف
أنت نايم صغير قرير
الطرف حالم
ماك عارف طرفي في جهل المنام( دي ما متاكدة منها)
آلف الحب والهيام
مع الجمال بالعواطف
في غرامنا استمر
آه أنا ناري
متين اسابق رضاك علي
وعلي تعاند
هواي مناي
حياتي حبك بالمحبة
بلاك أشوف النور ظلام
وأذوق طعم كال حاجة مرة
زورني مرة
لما رأيتك بالقرب مني
هل تدري أني بسعداظني
أحس بعظمة وشان كبير
أفرح كتير فرح كبير
واكاد اطير من الفرح
والأمل احي واحالف في المسرة
زورني مرة
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: صديق الموج)
|
الخال العزيز اطربتنى رسالتك فجعلت ارددها واتوسل الى معرفة اشياء خفتت اضاءتها فى زمان ( التيك اواى ) وزمان الايقاع السريع لكن الموج لم اكن قد عرفته قبل هذا الاثير لكنى وللحق وجدته ذواقة وعالم فى شان الغناء والدوبيت اضاف الى معارفى الكثير ,نحن كما تدرى (بنات مدن ) لكننا جبلنا على تلقف كل ما يقع تحت طائلة النظر وتذويبه فى الحنايا ، كان جدى بابكر لو تذكره احد اسباب معرفتنا بالبادية ، ثم ان الخال فخرى وعلاقته ببادى رحمه الله كانت احد ذوابانا فى متن الحقيبة ، ثم مع ذلك وجودنا فى بيت يستطعم الغنا والشعر والقراءة كما تعرفه ادى الى شغف لم يدع لنا سوى ان نكون محبين لكل ما هو جميل ، يقع تحت طائلة هذا الجمال الكاشف والكحلاوى وبادى وجدنا الامين برهان، ونفر كثير شكل الوجدان ، الى ما صار لنا من امر ان نكون ( حيرانا فى خلوة الشيخ البدوى ) تجد ان المناهل متعددة لكنها تجرى مجرى الحياة و تالف الجمال وتبتغيه اينما كان
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: سلمى الشيخ سلامة)
|
إفتتان
لي حق إذا اتهمت فؤادي عندك أنت
ياحبيبي أنا بيك إفتتنت
حبيب الروح سلمت
أنا بي لوعلمت
أنا الامين ووافي
وليك وجداني صافي
ياملهمي القوافي
ولكل معنى وافي
زي بسمة الازاهر
في نظري إبتسمت
زي نقشت الخواتم
في قلبي إترسمت
أقول ليك إذا سمحت
أنا شايفك
تبهرج كل ما ليك لمحت
وضوء الفجر أنت
وزهر الروضة فحت
وزي أغصانها نحت
ياحلو المناظر
ياساحر النواظر
يالنظروك سرحت
وبالنظرات جرحت
ياحبيبي
أنا بيك إفتتنت
وبدر الحسن انت
وبين الناس عرفت
من وصفو المحاسن
بس ما هن وصفت
أنا أنا
أنا ناري نار
ياتومي
أنا بعيوني شفت وصادقك
إن حلفت
من تأثير عيونك صديتني
ورجفت
ومن تأثير عيونك على خديك خفت
أنا انا
أنا ناري نار
ياتومي
ست سلمة ياراقية كلماتك الرقيقة تبهجني دوما
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: سلمى الشيخ سلامة)
|
الشال منام عيني
الشال منام عيني وفؤادي جارحه
انشاء الله يلاقيني وبهواي اصارحه
ألقاه في شاطئ النيل
أقوله أنت جميل
ولعل قلبه يميل
يا بدر نور ولوح
يا زهر عطر وفوح
وأقوله إسمك مين
يا سيدي
قال في إبتسام ياسمين
بعبق روايحه
نتقابل الاتنين
اشكي له مرالبين
ولعل قلبه يلين
يعطف علي المجروح
والروح تناجي الروح
والعين تشوف العين
والإيد تصافحه
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: نهال الطيب)
|
أنا يا طير
أنا ياطير
أناطير بشوفك
فرحان وبتغني
وحبيبك معاك
وحبيبي غاب عني
أنا يا طير موله
محزونون لاني
وحيد وحبيبي غايب
وآه يا طير
وتاني علي مصايب
من أدهى الغرايب
لي أقرب حبايب
صدوا وفاتو مني
أنا ياطير
حبيبي للآلام تركني
متدلل علي
بالهجران هلكني
حبيبي زعلان من صدى
وبرأيه استبد
اتناسى المودة
واعتاد التجني
ياريت ياريت
ياريت كنت زيك
لو يجدي التمني
حبيبي يكون معاي
وفي الاشجار نقيل
وبالاغصان نميل
وفي خفة جناحك
وحرية صراحك
في الأفنان نغني
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: بدرالدين شنا)
|
صابحني دايما وإبتسم
أشوف جمالك وفتنتك
صابحني دايما مبتسم
القى الملاك مترسم
والنور يلوح من وجنتيك
والخضرة زانت شفتيك
موتي وحياتي بكفتيك
أنت الشرف صار ليكاسم
والعفة دايما حافتك
صابحني ما بين النخيل
واتغنى في الروض ياجميل
تجد الأزاهر حافتك
ومالة طرب حين شافتك
عشقت جمالك وخفتك
وبنضارة بسمت ولفتك
اتهادى خلي الناس تميل
يالزان جمالك عفتك
اتجلى في وقت الضحى
تجد العليل نعنش صحى
والصاحي دون خمر انتشى
يا فاضح البان يارشا
بقلبي افعل ما تشاء
والكون وراك طايع مشى
نور الشمس نورك محاها
وسعدت عيوني الشافتك
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: Moawia Mohammed)
|
تحية إلى العمالقة , الأستاذة , الأعزاء هنا .
أستاذتنا سلمى و أستاذنا صديق : بصراحة كدة أنا ما كنت بعرف من الكاشف غير اسمه ,
و غير النكتة الشهيرة إياها التي ترددها أمي و خالاتي كثيراً (أنا وأخوى الكاشف )!!, إلى أن تزوجت رجلاً يذوب عشقاً للكاشف , و يحفظ أغانيه و يرددها و في عينيه نظرة هى مزيج عجيب من النشوة و الألم , جلعتني أتلظى بالشك في بعض الأحيان , هل يعشق هذا
الرجل أنثى غيري ؟ و لأجل هذا تطل من عينيه تلك النظرة و هو يردد (أنا, أنا ) ؟
إن كان هذا فهو السجم و الرماد إذا !!
لكن و مع التكرار و العشرة و التعود , عرفت سر تلك النشوة المختلطة بالألم و عذرته,
لأنني أيضاً - و ياللطرافة - بت أضبط نفسي متلبسة و في عينى ذات النظرة حين أسمع
أغاني الكاشف !!
خليكم طوالي في الصفحة الأولى ما تمشوا بعيد نحن متابعين و مستمتعين !
مودتي لكم جميعاً
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: منى أحمد)
|
يا استاذة منى لك كل الحب والود لان اكاشف ما يزال رغم (سحارة الكاشف ) التى جمع فيها استاذنا محمود ابو العزايم كل مااستطاع الى جمعه سبيلا لكنه كنز ما يزال ينتظر الككشف المزيد عن خباياه وخفاياه ، مثلك تعلقت بالكاشف من اهلى وابى تحديدا لانه كان دون ان يقصد قد جرنا الى معرفة الفنانين السودانيين ( ناس جيله)كان يوم الجمعة فى القضارف حيث كان يعمل ناظرا لمحطة السكة الحديد يدير المسجل (الريل ) وهو نوع اختفى الان حتى فى الاذاعة ونستمع الى الكاشف وخليل فرح وابراهيم عوض وغيرهم ،اقول ان الريل هو اسطوانتين بلاستيكيتين واحدة للمواد والاهرى تتفرغ منها الاولى ، المهم ان علاقتنا بدات بالكاشف منذ الطفولة فم نجد مناصا من ان نستمع اليه وبات اح الحاضرين فى بيتنا نحفظ جميعا اغنياته ونرددها فى مناسباتنا حبا ووجدانا مصاغا منذ امد بعيد وحتى الان حين استمع للكاشف فانى مثلك لدى تلك النظرة لمجمل اغنياته، لذلك يعصر الحزن قلبى حين استمع الى فنان ناشئ يلوك الكلمات دون دراية ويضع واحدة ما قالها الكاشف قط واكاد اكون مثل عمنا عليه الرحمة محمد صالح فهمى مدير الاذاعة حينهاوالذى تتوارد الحكايات انه (جدع الراديو) حين نصب احد المذيعين الفاعل، وحرم عليه ان يكون مذيعا الا بعد ان يغادر هو الاذاعة وهذا ماحدث لذلك المذيع وللاسف يا صديقتى فان تراث الكاشف ى الاذاعة من اشرطة (الريل )سوف لن تدار مرة اخرى لان الاذاعة ادخلت النظام الرقمى وحولت تلك الاشرطة الى مزبلة لا نعرف متى سيعاد صوغها من جديد
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: سلمى الشيخ سلامة)
|
الشوق والريد
الشوق والريد
والحب البان
في لمسةإيد
ولمسة إيد
نقول ونعيد
والدنيا زهور
في عينينا تصبح كل يوم
زي طفل وليد
وكل الأشواق
آهة بتجرح قلب المشتاق
ديل يا هاجر
ليك فرسانك
لوروحك يوم
تنسى دلالها
تشوفنا قريب
يوم ما تتعلى
تسألنا ونسأل عن حالها
ونعيد الكان
نعيد الكان
حليل الكان
نخلي الحب يسرح بينا
يبقى جناحين ويطير بينا
نسكت وتتكلم عينينا
نعيد الكان
ليك رسالة لو روحك
يوم تنسى دلالها
ونعود أحباب زي ما كنا
في دنيا الحب
نلقى الجنة
ياحبيب ياأغلى غرام
اسال قلبك برضو
لو كان حن
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: نهال الطيب)
|
سلمى الشيخ سلامه..
ابنة الاخت العزيزه...
العملاق الكاشف هو النقله الكبرى من فترة الحقيبه الى زمن الحداثه.والبناء اللونى الجديد.وهو اول من اهتم بشكل الاوركسترا المصاحبه.وهو اول من وضع اللزمه الموسيقيه..المختلفه والمخالفه لملودية لحن الكلمات.وهو من اهتم بالمقدمه الموسيقيه..وهو ذلك المتمكن الموهوب فى ابداع وصياغة وتنفيذ الالحان..وكان نبع لا ينضب من القدره والمقدره والثراء الفنى المتكامل..وهو يتمتع بجمال الصوت الاخذ..وسحر البيان ..
ولعل مصداقية ذلك فيما رواه المخضرم استاذنا الشاعر الفنان السر احمد قدور..فى قصيدة ..الشوق والريد والتى حسب افادته انه قد قرا القصيده للكاشف .وهو يصحاب الكاشف فى سيارة الكاشف من الخرطوم الى امدرمان..وردد مقاطع القصيده عدة مرات على سمع الكاشف..واعاد الكاشف ترديد القصيده..ثم قال للسر احمد قدور اعتبرها قد لحنت..وقال استاذنا السر انه التقى به مساء ذلك اليوم فاسمعه اللحن قبل توقيعه مع العازفين..
وعبقرية هذه العملاق .تتمركز فى القدره الفذه على الحفظ.وهو الامى..وعلى سحر التناول اللحنى..ومقدرته على التوزيع الموسيقى وهو يلقن العازفين اللحن بترديده ..بصوته.وبصفير الفم..والتاتاه.. منتهى التمكن والابداع والقدره..الفنيه..وفطرة الذكاء الالهى الفياض..وعلى شفافية الاستيعاب ومقدرة الحفظ الفذه ..التى تسبق الزمن والوقت ..وهى محيرة ومدهشه
والكاشف على ما اعتقد لم يلحن له ملحن ايا من اغنياته..ولاحظوا التنوع المولدى ...ومذاق التشكيل المتسق والانتقاء الانيق لتفرد وازن بين نوعية الارتقاء اللحنى..وكان العملاق الفنان الكاشف...يتمتع بكل صفات ومزايا ذلك الالهام الذى منحه له الخالق العظيم.لذا فى سريان مداه شكل كل ذلك التواجد المتواصل الذى حدد مسارات مدرسته الفنيه المتفرده.وهو يبنى تلك السطوه.وهو يجنى زراعة كل تلك المروج والخمائل الغناءالتى شتلها ..وعبق فواح اريجها..وضمخ اطراف الكون..وغير معالم وملامح الغناء السودانى.
وهو رائد عصره
وانه فريد عصره.
وساعود
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: نهال الطيب)
|
الخال العزيز ، مرة كنت بقرا فى مجلة الاذاعة والتلفزيون فى دار الوثائق ، المهم لقيت انه الفنان عوض الجاك (حرد الغنا )وقعد فى البيت ، لان الكاشف بدا يغنى بالاوركسترا، وخلى الغنا بالرق ، ربطت بين هذا وذاك فى سياق الاغنية المصرية وكيف انها تحولت من التخت الى الاوركسترا ، والحرب ان صحت التسمية بين محمد عبد الوهاب واقرانه فى تلك الفترة ، واجزم ان الكاشف لم يكن يعلم بتلك الحرب الضروس ، لكن حاسته القوية وذكائه هى التى قادت تلك المعرفة الى الضوء الذى ادخلنا بؤرته، حكى لى واحد من الموسيقيين المصريين الذين تعرفت اليهم فى مصر ان المعارك بين عبد الوهاب وشقيقه كانت تصل المحاكم لكن مع ذلك انتصر عبد الوهاب للتجديد والحداثة ، وذلك الرجل كنت اقوم بترتيب مكتبته فى القاهرة فى البيت وكان قد تجاوز السبعين لكنه ما زال يلحن(كان بدينى عشرين جنيه لترتيب المكتبة )وقرات معظم الرسائل بينه وبين عبد الوهاب فى شان التلخين ( اسمه زكى باشا)ما اود قوله ان معارك التجديد بين الكاشف وعوض الجاك مرت كما تمر كل الاشياء بعادية لكن تلك تم توثيقها حتى عرفناها من خلال التوثيق وهنا الفرق بيننا وبينهم لا تفوتهم اليه وضرورة التوثيق ونحن ما نزال نلوك الكلام حتى عم السر لم يكتب الا النذر اليسير اعنى فى اصدارات، ما يكتبه فى صحيفة الخرطوم حرى به ان يعيد انتاجه فى كتب لانه باق اما الصحيفة فانت ادرى بمصيرها
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: صديق الموج)
|
أنا جوّه الحوش ده من يوم ما فتحتو بابو ،،
و محكّر وقاعد و متوهط فى نصو ..
أصلى ضعيف أمام الجمال ....
الكاشف ... العبقريه الضائعه فى بلاد لا تنصف مبدعيها ،
تخيلوا الكاشف ده لو كان حق جيرانا فى الشمال ؟؟
Quote: رغم (سحارة الكاشف ) التى جمع فيها استاذنا محمود ابو العزايم كل مااستطاع الى جمعه سبيلا لكنه كنز ما يزال ينتظر
الككشف المزيد عن خباياه وخفاياه ، |
حقا ما ذكرت أستاذه سلمى ،
و يا ود الموج إنت نضميك ويينو ؟
كل الود لكم ..... و متابعين .
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: صديق الموج)
|
الصديق وراق لم تجاف الحقيقة بحديثك عن عم السر ولا عن الكاشف وهذا ما اشرنا اليه من ان الكاشف ما يزال يختاج الى الدراسات ولا ينته الامر ابدا فهو مثل تشيكوف فى القصة القصيرة وماركيز فى الرواية وارمسترونج فى الموسيقى للاسف كل من ذكرتهم معنيون بهم فى بلادهم الا نحن لا نتوسل الى فنانينا بالتوثيق ولا نحاول الى ذلك كل مافى الامر اننا نستمع وكفى ، اعيب على نقادنا الموسيقيين غياب هذه الصفحة من تناولاتهم ، وهم كثر لكنهم فاشلون فى النقد الموسيقى لانهم مع امتلاكهم ناصية اللغة تفلت منهم نواص التحليل، رحم الله الاستاذ جمعة جابر فهو ومعه الدكتور الفاتح الطاهر الوحيدين الذين كتبا فى الموسيقى السودانية وانقطع السيل من بعدهما، رغم وجود اعداد حتى هنا فى هذا المنبر لكن كتاباتهم لم يسعو فيها الى توثيق الموسيقى لامثال الكاشف وعائشة الفلاتية وغيرهم اعنى الكتابة الحرفية والمتخصصة عموما نحن امة ما تزال ابداعاتها تنتظر التوثيق
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: Moawia Mohammed)
|
حبيبي أكتب لي
حبيبي أكتب لي
وأنا اكتب ليك
بالحاصل بي
والحاصل بيك
الحاصل بي
اناشوق وحنين
وأقيم الليل
آهات وآنين
فارقني حبيبي
خالفني سنين
تحكم بيني
وبينه البين
مالك آمان
ياده الزمان
يا ليالي زمان
الله عليك
أنا اكتب ليك
وانت تكتب لي
ياحبيب روحي
يا انورعيني
ياوحيد عمري
الما دمت حي
أكتب لي عن كل شئ
ارحم بعاد بعادي
ياحبيب فؤاد فؤادي
واذكر وداد ودادي
ارعى الوفاء
وادع الجفاء
اذكر جلوسنا على الربى
نستعرض أسراب الظبى
نسمع همسات الصبا
ونحنا في فجر الصبى
ابسم إليك تبسم معاي
تسمع غناي مع صوت النأي
وأنا يامناي
سلام ست سلمى وأستاذ صديق
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: نهال الطيب)
|
العيون
البتوحي للناس العيون
يا حلاتهن هن اساس الريد والفنون
جنني ياخ العيون هن اساس الريد والفنون
العيون الفيهن نعاس
هن أساس معنى الجناس
هن يثيرن في الناس حماس
هن يسوقن الزول للجنون
العيون البيض لو صفن
يجرحنك يتلاصفن
مرة نظرا لي وقفن
شالو نومي وما أنصفن
العيون السود كاحلات
في دلالن متثابتات
يجرجنك ما سألات
يتركنك متهملات
يا حلاتن هن اساس الريد والفنون
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: نهال الطيب)
|
أسمر جميل
أسمر جميل عاجبني لونه
كحل سوا دالليل عيونه
عالي النخيل ما ضقنا تمره
أسمر جميل ما حن عمره
جسمي العليل استحلى جمره
شرع الغرام طايع لامره
اسمر جميل فوق في سماءه
وكل الخلوق ترغب ضياءه
سهم اللحاظ ساعة رماه
صاب القليب سالت دماءه
اسمر جميل فتان بريده
كل الخلوق تتمنى ريده
فن الدلال يا ناس بزيده
عقد القلوب منظوم بجيده
اسمر جميل بادي الوسامة
ضوت جمال وجهه إبتسامة
فوق الخديد عاجباني شامة
من العيون الله السلامة
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: صديق الموج)
|
نهال العزيزة تحياتى
انا المدعو صديق الموج وبكامل قواى العقلية واهليتى المعتبرة شرعا
اعلن عن تنازلى لك عن هذا البوست لتعوسى فيه جمالا
وان شئت بهاءآ والقآ ..ولك فى ذلك حق التفنن والتزويق
والتنويع فيما استخلفتى فيه..
والله خير الشاهدين.
المقر بما فيه:صديق الموج
الشهود :
1/ سلمى الشيخ سلامة
2/ سفيان نابرى
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: صديق الموج)
|
أستاذ صديق الجمال والآلق والبهاء أنت منبعهم شكرا ليك ياراقي
الليلة لاقيتو
الليلة لاقيتو
وملئ السرورقلبي
وبأسمه ناديتو
لهى وانشغل عني لاني غديتو
دقى وخفق قلبي وغلبني تثبتو
فضلت آتاوه وما قدرت انديتو
من وقتها وعنها وطوالي حبيتو
القلب حباه بالشكر واليتو
ما عشقت هندامه وما طلت واليتو
أنا اعشق اخلاقه قدرته جليتو
ياؤيته يشعر بي يا ريتو
أنا ضمنت رضاك كان شخصي هنيتو
كيف تم لي أملي الفي كون تمنيتو
أنا كنت أقول للناس السعد ظنيتو
عرج علي بعد العمر أفنيتو
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: صديق الموج)
|
أستاذ صديق ونحن بنحبك يا فرايحي اللون
حجبوه من عيني
حجبوه من عيني
الا من قلبي ده
ما قدروا حجبوه
حجبوه من عيني
ضاروه حاسدني
بقوا بيني وبينه
وبعدوه من قربي
وابوا لا يبارحوه
هو منطقي وذوقي
وسموه معشوقي
الليه زاد شوقي
مع انو في قلبي
هو الوحيد حبي
يا عوازلي وصحبي
بس ما تشفوه
هو ما بتشوفه عيون
وما حاموا حوله ظنون
وديع رقيق وحنون
هو القطعة الشيقة
والشمس المشرقة
والنار المحرقة
اهو رمز حلوه
حلوه حلوه
ياناس حلوه
حبيب ريدي نادوه
يا ناس نادوه
ست سلمى أشتقنا ليك يا حبيبة
| |
|
|
|
|
|
|
|
|
|
Re: الى الاستاذة سلمى السيخ سلامة المحترمة مع التحية (Re: منى أحمد)
|
أحتار أنا
رف قلبى بجناح النسايم
وراح وشافك.. وشاف جمالك
وإنت نايم..
شافك لقاك أجمل ملاك
زهرة ربيع غطاك نداك
....
ياورده أحلى من الزهور
مالو القمر يا حلوه
خلاهو الظهور..
رسلت قلبى إليك هناك
جانى ورجع محتار معاك
أحتار أنا !!
....
أنا حبى وين..
أنا عمرى وين..
عمر المعذب كم سنه..
إحترت فى عمر السنين
يامن هناك واللا الهِنا,
بقت حياتى مُقسٍمه
نص فى الأرض ونص فى السما..
وإنت القمر وأنا كلما,
زح السحاب ألقاك تبين
وفيك الدلال.. وأصلو الدلال
حق الشباب..
وإنت السحاب حجبك كتير
وأنا فى الأرض ياروحى
هالكنى الهجير
تحياتي منى أحمد
أشواقي ست سلمى
أستاذ صديق
| |
|
|
|
|
|
|
| |
صديق الموج
سلمى الشيخ سلامة
حيدر حسن ميرغني
نهال الطيب
عصمت العالم
سجيمان
munswor almophtah
Moawia Mohammed
تاج السر محمد حامد
Mohamed Abdelgaleel
خطاب حسن احمد
بدرالدين شنا
سفيان بشير نابرى
Soumeta
إسماعيل وراق
فيس بوك
تويتر
انستقرام
يوتيوب
بنتيريست