|
|
|
 Re: عمدة مدينة نياجارا يفتتح بدئ الحفريات في � (Re: يحي قباني)
|
كتب (المغالتاتي) نملة في بوست مجاور ما يلي:
Quote: يا باش مهندس قباني
اغلب أعضاء المنبر و ان لم يكن كلهم يفتون في كل شئ فمثلا انت خضت صراعات في السياسة حتى ظننتك حامل دكتوراة عن الصادق المهدي...و افتهنت في فن الحقيبة و لم تترك ودعة و ظلام ليل..اما عن الكورة ما سبت حدث و بتتكلم عنها كانك مدرب خبير..و عن التاريخ..و ...و ..و الغريبة لم تكلمنا عن الهندسة ....ما علينا |
و قمت بالرد عليه بما يلي:
Quote: المغالطاتي عمر نملة باشا .. :)
بالنسبة للصادق و السياسة .. و بالنسبة للكوره و الفن .. لو لقيتني (كذبت) او حتى (كضبت) في شي .. تعال وريني وزرزرني كمان ..
اما (الغريبة) الما كلمتكم عن الهندسة ..
فعمري ما لقيت سبب اجي اتبوبر بي شغلي و أكل عيشي ..
لكن لو ده بريحك .. حافتح ليك بوست كامل اوريك انا بعمل شنو في مجال (الهندسة) الخلاك مستغرب اني ما جبت سيرتها ابدا ..
فشنو .. خليك منتبه .. |
و هاهو البوست كما وعدته ..
به افتتاح المشروع .. و الروابط لشركتي مع شركائي و مشاريعي الهندسية المنفذة ..
اتأسف انني اتحدث عن عملي و اكل عيشي .. و لكن من هم امثال عمر نملة (الفتران) وجدت ان الرد عليهم حتى و انا كاره ان اتحدث عن شئوني الخاصة هو الحل .. علهم ينتبهو ..
| |
 
|
|
|
|
|
|
|
|
Re: عمدة مدينة نياجارا يفتتح بدئ الحفريات في � (Re: يحي قباني)
|
حبيبنا الجميل قباني .. تحياتي
ما شاء الله الى الامام بإذن الله
لم استطيع أن اعرف صورتك بين المجموعة
دي فرصة جميلة لنراك يا جميل
ما شاء الله كلهم شباب وناس وسامة وانت منهم
في انتظارك ..
اصحاب الكفاءة والمقدرات السودانية منتشرين حول العالم
والحكومة عندنا محاصصات .. البندقية أهم من الدكتوراه
تحياتي .. يا جميل
| |
|
|
|
|
|
|
|
|
|
Re: عمدة مدينة نياجارا يفتتح بدئ الحفريات في � (Re: علاء سيداحمد)
|
Quote: قبة يا حبيب
سلام
اول حاجه- (نياجارا) دي مش قيها شلالات؟؟غايتو زي الدرسنا كده في الجغرافيا زمان.
الحاجه التانية - باين انو المشروع ليهو (شنة ورنة) فاشرح لينا بي صورة بسيطة عشان الناس تعرف طبيعة المشروع. لانو بامانه ما تابعت الفيديو .يمكن تكون ليك خبرة تنفع بيها السودان - بدلا من الحفر المالية الشوارع في السودان- ياخي مرات الواحد يحس انو المهندسين بيكونو راسمين (الحفر) في المجسم قبل تنفيذ مشاريع الطرق:)
الحاجة قبل الاخيرة- طمنا على استاذنا (الكابلي) في اشاعه حايمة في الوسائط.
الحاجه الاخيرة- عجبتني حركة (الكوريك)- أدتني إحساس إنكم عمليين.
|
سلامات الشيخ ..
نعم مشروعنا يبعد 9 دقايق فقط من شلالات نياجارا الدرسناها زمان ..
المشروع عبارة عن 28 فيلا على نظام التاون هاوس .. ملك حر .. تتراوح المساحات بالقدم المربع من 1750 و حتى 2200 قدم مربع ..
الكابلي بخير و الحمد لله .. اليوم و كل يوم بتطمن عليهو من استاذنا عمر الجزلي .. اشاعات غير صحيحة ..
| |
|
|
|
|
|
|
|
|
|
Re: عمدة مدينة نياجارا يفتتح بدئ الحفريات في � (Re: يحي قباني)
|
Quote: حبيبنا الجميل قباني .. تحياتي
ما شاء الله الى الامام بإذن الله
لم استطيع أن اعرف صورتك بين المجموعة
دي فرصة جميلة لنراك يا جميل
ما شاء الله كلهم شباب وناس وسامة وانت منهم
في انتظارك ..
|
عمك يا علي يا رجل يا ذوق ..
هرمنا يا عم علي وين الوسامة .. خلاص زمنا راح ههههههه
كما ذكر احد الاحبة انا ابو بلو (اكبرهم) سنا .. و اعقلهم هههههه
| |
|
|
|
|
|
|
|
|
|
Re: عمدة مدينة نياجارا يفتتح بدئ الحفريات في � (Re: يحي قباني)
|
Quote: الف الف مبروك باشمهندس يحى قباني ..
.والله فرحنا كثير بنجاحك ونجاح شركتك في مدينة مشهورة عالميا وهي نياجرا فولز حيث اشهر شلالات العالم ...
.ونحن نفرح وتغمرنا السعادة لنجاح اي سوداني في بلاد الغربة...وفي الحقيقة انك لم تحدثنا ابدا عن عملك وعن شركتك الناجحة ،،وبالطبع هذا لانك تعمل في صمت ..ولكن هذا ليس موقف صحيح ،فيجب على كل سوداني في بقاع الارض المختلفة ان يحدثنا عن نجاحاته واعماله كي يعرف الناس ان هناك سودانيين ناجحين في بلاد الغربة ..
..ومزيدا من النجاحات
والله يديك الصحة والعافية |
الله يبارك فيك يا بتنا ..
يا ستي .. انا ابدا ما احب اتكلم عن شغلي و رزقي و اكل عيشي لانها من ربنا التوافيق فيها .. و في النهاية هي عمل اجادته بعد توفيق ربك بجي بالتعليم و الخبره ..
اما الحاجات الانا بكلمكم بيها هنا فهي ثقافة بتجي بالطلاع الشخصي الجاد و الذهن المفتوح و البصيرة المتوقده و الروح المتوثبة و الالهام كما قال صديقي سنو ..
| |
|
|
|
|
|
|
|
|
|
Re: عمدة مدينة نياجارا يفتتح بدئ الحفريات في � (Re: يحي قباني)
|
قبة ينتفض
كان جينا للبوبار نلقي ناسو كتار
طيب لمن انت مهندس وبتاع هيردولجي كمان
مالك ومال كندا
الناس كلو يوم يحتل غريق تلو الغريق
ليه ما جيت لي مشروعي بتاع وادي المقدم ونقل مياه النيلين عبر سحارة غرب ام درمان الي وادي المقدم والملك ؟؟
انت انا عشان قاعد في اليمن قايل ما عندي مخ ولي شنو وكنت متزعم المسخرة في البورد وارشفيك قااااعد
تستاهل المعط
كندا بنوها ناسا والصين بنوها ناسا وانت بلدك بقت مذبلة مع الانقاذ وناس حمدوك والكعوك
والزمن بينا
بجيب الصين وبتشوف السودان ده ببقي كيف بعد ناس تتحرر من وهمة شكرا حمدوك وجحابير الخليج والاتراك والمصريين
داير مريم البتعوس ولي صفوت فانوس
اسي ولي تي سي
هوي ...الناس غرقت !!!هوي ...الناس غرقت !!!
| |
|
|
|
|
|
|
|
|
|
Re: عمدة مدينة نياجارا يفتتح بدئ الحفريات في � (Re: يحي قباني)
|
Quote: نعم مشروعنا يبعد 9 دقايق فقط من شلالات نياجارا الدرسناها زمان ..
المشروع عبارة عن 28 فيلا على نظام التاون هاوس .. ملك حر .. تتراوح المساحات بالقدم المربع من 1750 و حتى 2200 قدم مربع .. |
مليون مبروووك يا صديقي والى الامام دائماً
شايف مولانا حافظ بشير قالك الحركة شمال
تعرف لو الحركة شمال عندكم تبقى دي مشكلة كبيرة بالنسبة لي لاني كدا يا كتلت يا كتلوني ههههههههههه
لكن لو الحركة عادية زي التنا دي فانا حاجز واحدة
| |
|
|
|
|
|
|
|
|
|
Re: عمدة مدينة نياجارا يفتتح بدئ الحفريات في � (Re: نعمات عماد)
|
ياصديقي بسم الله تبدأ وأنشاء الله مشاريع أكثر وأكثر ،،، أستغربت لمن يسألك عن عملك ،، وأستغرب أن تلك نفسك الرد
ياصديقي السودانيين فيهم حاجات يصعب فهمها لايمكن أن يسال أنسان في العالم شخص عن مهنته وما يعمل فيها بجد ده زول عجيب ولكن
بالله أحجز لأخوك للتقاعد في نياجرا وما أدراك ما نياجرا
Keep Up
| |
|
|
|
|
|
|
|
|
|
Re: عمدة مدينة نياجارا يفتتح بدئ الحفريات في � (Re: محمد البشرى الخضر)
|
Quote: تعرف لو الحركة شمال عندكم تبقى دي مشكلة كبيرة بالنسبة لي لاني كدا يا كتلت يا كتلوني ههههههههههه
لكن لو الحركة عادية زي التنا دي فانا حاجز واحدة |
😂😂😂
حصل اشتري سريع يا هيثم
الحركة في مدينة قباني وفي كل كندا يمين.
الفيديو من رابط موقع الشركة alphacapitalmanagement.ca
ويبدو أنو تركيب الفيديو لسبب ما عمل الصورة معكوسة.
جهز قروشك وإتوكل على رب المجرات
| |
|
|
|
|
|
|
|
|
|
Re: عمدة مدينة نياجارا يفتتح بدئ الحفريات في � (Re: Haytham Ghaly)
|
ألف مبروك ول أبا يحيي قباني
دا الشغل النضيف ..
ما تقعد تزرزر فينا ب رانيا حضرة خلت الأمم المتحدة .. ورانيا حضرة رجعت الأمم المتحدة ..
أنا منتظرك لوصلة عودتها لذات وظيفتها حتى اليوم!!
شغلك الهنا دا شغل نضيف .. وأنت رجل مالي جبتك .. وهذا فخر لينا جميعاً أبناء الشعب السوداني كلما تضغطنا الظروف يبين معدنا الأصيل.
ألف مبروك ..
بريمة
| |
|
|
|
|
|
|
|
|
|
Re: عمدة مدينة نياجارا يفتتح بدئ الحفريات في � (Re: يحي قباني)
|
| Quote: part of the Downtown Revitalization |
ابو حميدنا يا فنان ..
نياجارا داخله مرحلة مختلفة من كل القبل ده .. جاييها تطوير شديد .. اكبرهم مستشفة ضخم بتكلفة مليار دولار تم اعتمادها و حتبنى على اساس تلبية اي بانداميك زي الكرونا ..
المنطقة ما بس الشلالالت الفيها هي الجميله .. كل المنطقة خلابه ..
مزارع العنب و الخوخ و الكثرى شي يفتح النفس ..
و اما ناس الشربه .. فمعاصر العنب من اهم المعاصر في الدنيا .. هههه
| |
|
|
|
|
|
|
|
|
 Re: عمدة مدينة نياجارا يفتتح بدئ الحفريات في � (Re: السر عبدالله)
|
| Quote: واياديك البيضاء يتحدث عنها كل اهل سانت كاترين |
كمان جابت ليها أيادي بيضاء .... !!!!!
شنو يا خال بتذاكر من ورانا .... 🤣🤣🤣
ياهم اصحاب الايادي البيضاء ديل هم اللي الله بيوفقهم و بزيدهم من فضله ..
لأنو مسخرهم لمساعدة و قضاء حوائج الناس ...
ربنا يوفقك و يزيدك و يبارك ليك في رزقك يا خال ...
| |
|
|
|
|
|
|
|
|
|
Re: عمدة مدينة نياجارا يفتتح بدئ الحفريات في � (Re: محمد المرتضى حامد)
|
Quote: قبة ينتفض
كان جينا للبوبار نلقي ناسو كتار
طيب لمن انت مهندس وبتاع هيردولجي كمان
مالك ومال كندا |
جقود يا صديقي ..
كندا اكرمتنا و اكرمت وليداتنا و علمتهم ..
و مرقنا لي ظروف من السودان قبل ما يمسكوه الكيزان ..
و حلفت ما ارجع و سما الخرطوم تظلنا سوا …
و الى يومنا هذا .. الباقي انت عارفو
| |
|
|
|
|
|
|
|
|
|
Re: عمدة مدينة نياجارا يفتتح بدئ الحفريات في � (Re: يحي قباني)
|
Quote: جقود يا صديقي ..
كندا اكرمتنا و اكرمت وليداتنا و علمتهم ..
و مرقنا لي ظروف من السودان قبل ما يمسكوه الكيزان ..
و حلفت ما ارجع و سما الخرطوم تظلنا سوا …
و الى يومنا هذا .. الباقي انت عارفو |
كلنا حصل لينا كده وفايتنك بي الصبر
ويرضه اليمن اكرمت مثوانا 30 سنة
واصبح وجوددنا فيها موقف...حتي نفوق اخر كذاب اشر في السودان الحضارة والمنارة
وعندنا مشاريع ورؤية واضحة في البورد (مسلة جقود) وفي الاسافير ايضا
ايوه ما مهم السوداني قاعد وين
المهم قعد يعمل في شنو
ارمي قدام بس
| |
|
|
|
|
|
|
|
|
|
Re: عمدة مدينة نياجارا يفتتح بدئ الحفريات في � (Re: Yasir Elsharif)
|
بالله مدينة بهذا الجمال
وهذه الدهشة الباذخة .. هل تحتاج إلى مشاريع إضافية ؟؟
طيب نحن نعمل شنو ؟؟؟؟
قبل كم يوم أوصلت احد المعارف إسكان في ام درمان
أول شيء قربنا نصل ام روابة عشان نصل الإسكان ذاتو
بيوت كئيبة تقول خططها راعي ضاااااان
زولنا المغترب مما شاف البيت اصابو طمام وحيرقان واحتمال وحم ذاتو
وقرر ببيع البيت
إنجاز رائع يا باشمهندس
وفخر كبير للشعب السوداني
اكبر مشكلة في السودانيين انهم لايتحدثون عن انجازاتهم
ويعتبرون ذلك نوعا من النرجسية
لماذا لايحكي كل احد في مجاله عن تجاربه
عل ذلك يساعد في نقل هذه التجارب للوطن المنهك
ربما ذلك يساعد في رتق الجراحات
والنهوض بهذه الأمة إلى آفاق ارحب
هجمة مرتدة
أيام جماعة الله اكبر الجديدة حاكمين البلد
كان عندهم شطحات عجيبة في افتتاح المشاريع
يعني انت لمن تشوف الافتتاح والهيلمانة المصاحبة وهي لله
تؤمن تماما ان ( البنقو ) لازال في السودان بخير
ولازال الأصلي منه متوفرا
مرة والي افتتح دورات مياه في مسجد !!!
لكن أكثرهم شطحا وتعاطيا افتتاح غرس لوحة مرور
مكتوب عليها Stop !!
| |
|
|
|
|
|
|
|
|
|
Re: عمدة مدينة نياجارا يفتتح بدئ الحفريات في � (Re: Kamal Alalla)
|
لقد صدقت يا ابا حراز فيما قلت فان مدينة نياجرا فولز بالفعل باذخة الجمال
لحد الدهشة ،فهي المنطقة السياحية الاولى في كندا ، وحتى الامريكان يأتون اليها
للسياحة في الصيف بالملايين ، والان يشيدون بها اكبر مستشفى في منطقة نياجرا
والعمران مستمر فيها على قدم وساق ،وتقوم بها الشركات المختلفة مثل شركة اخونا
الباشمهندس يحى قباني ..
ونرجو ان تزورنا هنا وتكون ضيفنا لكي تشاهد هذه المدينة السياحية الرائعة الجمال..
| |
|
|
|
|
|
|
|
|
|
Re: عمدة مدينة نياجارا يفتتح بدئ الحفريات في � (Re: سيف النصر محي الدين)
|
Quote: لم استطيع أن اعرف صورتك بين المجموعة
دي فرصة جميلة لنراك يا جميل |
... يا شيخ على .. نحن من زمااان كحلنا عينا برؤية الحبيب و حبيناه من قلوبنا .
.. اثناء متابعتنا اليومية اللصيقة للاستفادة من كتاباته و ارائه و تعليقاته و مداخلاته
لقينا صورتو مع الفنان المثقف الجميل ياسر مبيوع ف كندا التى تشرفت به و احتضنته
التفوق و الابداع ليس غريبا عليه
دعواتنا له بالصحة و العافية و السعادة و الهناء و لاسرته
بوست جميل تظهر قدراتنا كسودانيين .. و من باب اما بنعمة ربك فحدث
يبعث ف النفس انشراح و ثقة و امل و تفاؤل
... شكرا هندسة و كل المرور
و صباحات الثقة و التفاؤل و الفرح الجميل
| |
|
|
|
|
|
|
|
|
|
Re: عمدة مدينة نياجارا يفتتح بدئ الحفريات في � (Re: محمد بدرالدين)
|
حبيبنا محمد بدرالدين .. تحياتي يا جميل
التحية للحبيب قباني وعلى هذا النجاح الباهر
هو صحيح فنان في كل مجالاته في اختيار فن الحقيبة ( جمال امدرمان)
وكذلك في سرد الخواطر اذكر خواطره في بوست عن عائشة موسى اذا لم تخني الذاكرة
وقصة ذلك الكلب الوفي .. المقالة في غاية الروعة ..
اتضح ان روح الفن والجمال حتى في مجال تخصصه
متعه الله بالصحة والعافية
تحياتي الحبيب محمد
والتحية للحبيب الجميل قباني
| |
|
|
|
|
|
|
| |
يحي قباني
الشيخ سيد أحمد
علي عبدالوهاب عثمان
Ahmed Yassin
بسمات الشيخ
د.عماد يوسف
Hafiz Bashir
Abureesh
علاء سيداحمد
adil amin
نعمات عماد
Hassan Makkawi
محمد البشرى الخضر
Osman Musa
Biraima M Adam
Deng
عمر نملة
Salah Zubeir
shaheen shaheen
أبوذر بابكر
Amira Hussien
Abdelrahim Mohmed Salih
Mahjob Abdalla
السر عبدالله
ABUHUSSEIN
بكرى ابوبكر
محمد المرتضى حامد
زينب محمد عبدالله
خضر الطيب
محمد حيدر المشرف
محمد أبوالعزائم أبوالريش
Yasir Elsharif
ابوحراز
Kamal Alalla
سيف النصر محي الدين
محمد بدرالدين
بدر الدين الأمير
مدثر صديق
فيس بوك
تويتر
انستقرام
يوتيوب
بنتيريست