|
|
 بغض النظر عن نهاية المباراة...فاز الهلال ..واقنع
|
نعم لم يتأهل الهلال في مباراة لم تنته في زمنها الرسمي.....لكن الاهم...فاز الهلال واقنع وامتع. باداء متميز وكره راقيه...ولولا سوء الطالع ..والتسرع والشفقه....لكان يمكن تعويض النتيجة....ولكن انها كرة القدم....
|
|
 
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: yasir Abdelgadir)
|
كهلالي أعشق الهلال فعلا أنا حزين لخروج فريقي من شبه النهائي لبطولة كبيرة كهذه، بيد انني سعيد لأنه وصل هذه المرحلة مما أكسب السودان تصنيفا متقدما ضمن نظام البطولة، و لأنه أكد على مقولة فوزه في استاده على جميع المنافسين في البطولات الإقليمية و القارية في ملعب استاد الهلال في أم درمان خلال السنوات الأخيرة. و تزداد سعادتي أكثر بأن محرز الهدف هو هيثم طمبل الطوربيد و هداف الدوري لعدة مواسم و هداف المنتخب الوطني الأوحد و هداف السودان و هداف مباريات هلال مريخ ضمن كوكبة اللاعبين في الناديين. ليصبح طمبل بإحرازه الهدف في المركز الثاني ضمن هدافي البطولة.
تهانيَ ياسر عبد القادر و تهانيَ للأزرق الأصيل حاتم إبراهيم
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: yasir Abdelgadir)
|
أخى العزيز ياسر
لابد من استدعاء نظرية المؤامرة هنا
لماذا يفعل جمهور الهلال ما فعله و فريقه يقدم أجمل العروض فى الفترة
الأخيرة و يتقدم بهدف على فريق فاز بالبطولات الأفريقية5مرات و بالبطولة الآفرو آسيوية مرة
فهل هناك عاقل يتصور أن نفوز علية بأكثر من هدف ؟
أشك فى أن يكون جمهور الهلال هو من فعل ذلك والا لما كانت الحجارة تأتى من مكان واحد طوال زمن المباراة؟
لماذا لم نشاهد الحجارة من كل جهات الملعب؟؟
فى المرت القادمة نتمنى أن يراعى الأخوة المتآمرون هذه النقطة!!!
و صحيح الما بتلحقو جدعو
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: yasir Abdelgadir)
|
.
أخي دكتور ياسر
ومتى لم يكن الزعيم "مقنعا" و " ممتعا "
في كل مرة تزداد قناعتي بأن البون جد شاسع
من شاهد مبارة المريخ مع الضرائب اليوغندي ،وشاهد مباراة الأمس سيقتنع بما أقول
واختصرها لي صديق مغربي " بعفوية شديدة " وهو يشاهد معي مباراة المريخ ..
اذ قال مندهشا " لا يعقل ان يكون هذا الفريق هو المنافس التقليدي للهلال "
مباراة الأمس عززت قناعاتي اكثر ..
الهلال اصبح يحلق بعيدا بعيدا ..
وعن جدارة هومن كبار الأندية الإفريقية والعربية
نتيجة الأمس لم اهتم بها كثيرا بعد ان فقدنا الجولة الأولى ..
مبروك لنا هذا المستوى المشرف ..
الأخ ALGARADABI
| Quote: أشك في أن يكون جمهور الهلال هو من فعل ذلك |
أما انا ياأخي..
فأجـــــــــــــــــــــــــزم بأن جمهور الهلال براء من هذه التصرفات
قام بها بعض المتهورين من " أعداء النجاح " الحاقدون على التفوق المطلق لهلال الملايين
وأتمنى أن تقوم إدارة الهلال بالتعاون مع السلطات بفتح تحقيق رسمي لأن الأمر فات حد المعقول .. وأصبحت سمعة الوطن هي التي تمس بتصرفاتهم الهوجاء .. تبا لهم .
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: hatim ibrahim)
|
الاجلاء الاعزاء حاتم وابوعسل...لكم التحيه ايها الشفيفين...وصول الهلال لهذه المرحله المتقدمه..لابد وان يقابله حقد وحسد من طائفه عشوائيه معروفه وهي مهمومه بامر الهلال اكثر من الاهله نفسهم..لذلك توقع اي شيئ من هؤلاء...
ام عن الهلال فحدث ولا تقف فقد امتع واجاد ولعب فأقنع....ويكفي ان نصنف ضمن افضل اربع فرق عربيه من مستوي الرجاء...ونتيجة امس اخرست كل الالسن عديمي المستوي امثال ايفوسكو وكركبو و سجم خشمكو اصلو ديل مستواهم الفدراليه فما دون من امثال انديه الضرائب ومصلحة المخازن والمهمات وماشابه...فليموتوا بغيظهم...
ام القرضابي فلا يوجد لدي سوي:
non autherised persons keep away
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: yasir Abdelgadir)
|
Quote: الاجلاء الاعزاء حاتم وابوعسل...لكم التحيه ايها الشفيفين...وصول الهلال لهذه المرحله المتقدمه..لابد وان يقابله حقد وحسد من طائفه عشوائيه معروفه وهي مهمومه بامر الهلال اكثر من الاهله نفسهم..لذلك توقع اي شيئ من هؤلاء...
ام عن الهلال فحدث ولا تقف فقد امتع واجاد ولعب فأقنع....ويكفي ان نصنف ضمن افضل اربع فرق عربيه من مستوي الرجاء...ونتيجة امس اخرست كل الالسن عديمي المستوي امثال ايفوسكو وكركبو و سجم خشمكو اصلو ديل مستواهم الفدراليه فما دون من امثال انديه الضرائب ومصلحة المخازن والمهمات وماشابه...فليموتوا بغيظهم...
ام القرضابي فلا يوجد لدي سوي:
non autherised persons keep away
|
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: Rakoba)
|
الهلالاب الاعزاء ..
الهلال هو الفريق الوحيد الى جانب الرجاءالذى يخوض فى وقت واحد تحدى بطولتين كبيرتين فى نصف
نهائى
البطولة العربية ودور الستة عشرة فى دورى ابطال افريقيا اكبربطولة كروية للاندية فى القارة
السمراء ولا يعيب الهلال خروجه امام فريق فى حجم الرجاء البيضاوى الفائز بكاس افريقيا
ثلاث مرات والذى شارك فى بطولة العالم للاندية .. فقد خرج قبل الهلال الزمالك المصرى على
يد الرجاء فبعد ان فاز عليه فى المغرب 2-0 عاد وخسر فى القاهرة بين جماهيره وعلى ارضه
3-0 وفيما اخرج الهلال قبل الرجاء شقيقه الوداد الذى قابل الهلال بعد ان قهر الاتحاد السعودى
بطل اسيا
اماالخروج عن الروح الرياضية الذى حدث فى جانب من المدرجات الجماهير
والتى لا يمكن السيطرة عليهافنحن لا نؤيده ايا كانت منطلقاته او اهدافه لانه يسىء للهلال
والرياضة السودانية ورغم ذلك نقول انه ليس حكرا على الملاعب السودانية فحالات شغب الملاعب تتعدد
فى كل الملاعب الرياضية حتى فى اوروباوهذا ليس تبريرا للشغب مهما كانت الدوافع ورغم حساسية
المباراة واهميتها والشد العصبى الا اننا لم نشهد اى خروج عن الروح الرياضية لاى لاعب من الهلال
ومسئوليته كمؤسسة تنبع من الالتزام المعنوى والادبى والقانونى حسب قواعد الفيفا
ويبدو السؤال مشروعا للاتحاد العربى ولجنته التحكيمية لماذا لم تسند المباراة لحكم يليق
بمباراة فى نصف نهائى البطولة العربية .. ومن هو طلعت نجم .. ومن قبله اسند الاتحاد العربى
ادارة المباراة الاولى فى الدار البيضاء لحكم اسمه عبد الله الهلالى لم يسمع به احد من قبل ادارته
لمباراة الذهاب واحتساب ضربة الجزاء المثيرة للجدل فى الدقيقة 5 من تلك المباراة الدراماتيكية
.. اسئلة حائرة للبطولات العربية التى تقام باسلوب (خريطة الطريق )
الهلال فعلا اقنع وهو يتسيد المباراة ويسجل هدف جميل فى مرمى الرجاء وخروجه ليس استثناء فقد
خرج قبله الاتحاد السعودى والزمالك المصرى والوداد المغربى ..وو
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: Rakoba)
|
والله بيضوضان ده لو جاب قون كان ادوهوا طلقه! هم فلقوا بالحجار في سارق اي زول شافوا؟!
وبعدين ناس المغرب بيلعبوا كوره وناس الهلال كراتيه عشان كده مافي زول بيحتك بيهم هم فاكرين انهم افترسوا الجماعه والله دي ذكرتني قصة الحمار الجري وري الاسد قايلوا خاف منو!
ناس غالبين خمسة .. ولاعبين ضد ناس بيلعبوا كراتيه...ولاعبين بالفريق الخامس...ويقولوا غلبناهم في استادنا..!
المباراة كانت عبارة عن تحصيل حاصل بالنسبة ليهم ...
وبعدين واضح انوا الجماهير افعلت من الباصات الخلفية والتمريرات القرديه لاضاعت الزمن والتقليل من الاحتكاك مع ملاكمي الهلال ! والظاهر والله اعلم الهلالاب كانوا دايرين ناس الرجاء ادوا الجماعة فرصة ادخال اهداف اخري واشراك الاهلة في الباصات بتاعتهم!
علي العموم الهلال مغلوب اتنين /صفر كما قانون الاتحاد ...انشاء الله ما يقلعوا الاستاد ويقولوا ما صالح للعب لكثرة الحجارة المتواجدة به!
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: محمد الامين احمد)
|
قبل قليل احضر صديق لي صحيفة السوداني واخبرني بأن احد الصحفيين من اهل المريخ لديه فوبيا الهلال يكتب بها ويسمي مزمل ابوالقاسم وقد سمعت به ولكن لم اقرأ له من قبل...
نظرت الي العمود فوجدت : نحن عندنا وانتو ماعندكم ,,ونحن عندنا وانتو ماعندكم...لحدي السطر التالت تكررت.... فكسبت وقتي ورددت اليه صحيفته وقلت له ربما تشخيصك هو فوبيا اطفال وليست فوبيا هلال
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: Rakoba)
|
الشباب الحلو :
نعم قدم الهلال واحدة من اجمل المباريات على مستوى السودان وكما قال المعلق الشوالي ان هذه المباراة هي افضل مباراة في البطولة على الأطلاق وهي مباراة النهائي..
الهلال لعب ولا اجمل ولا احلى ولكن التسرع والشفقة هما السبب وليت كرة مهند الطاهر في الثانية 40 وجدت طريقها للمرمى حينها كانت الموازين ستختلف...
الهلال في هذه المباراة احتسبت له اكثر من 10 ركنيات ربما..
الهلال في هذه المباراة سدد في المرمى اكثر من 10 تسديدات خطرة ..
وكذلك لم يكن الرجاء سهلاً واضاع فرص مضمونة ..
نحن كجمهور هلالي راضون تماماً عن الفريق ..
لكن وجب التنويه على انه يجب ان نعترف بأن الجمهور الذي فعل ذلك الشغب هو جمهور الهلال وجمهور الهلال فقط لا غير..
الشغب جاء من المساطب المحببة إلينا وهي الشمالية من وسط الملعب وهناك حيث محرم الجلوس للصهاينة كما هو محرم علينا الجلوس في المساطب الجنوبية ..
ولو فعل اي مشجع غير هلالي مثل هذا التصرف لتم دفنه بالحيا ..
الهلال مستهدف من التحكيم هذا شئ مفروغ منه وللصراحة فالحكام يستهترون بنا ولم ارى في حياتي فريق يهان تحكيمياً في بلده سوى الفرق السودانية ..
دوماً نحن مظاليم خارج وداخل ارضنا ..
الحكم الأفارقة يتحاملون علينا بحكم اننا عرب ونلاعب فرق افريقية ..
الحكام العرب يظلمونا لأننا افارقة ونلاعب فرق عربية ..
اضف إلى ذلك سعة صدرنا وترحيبنا الحار بالضيوف فترانا نقيم لهم الولائم والعزائم واللقاءات الصحفية و و و ..
منذ متى ولبنان بها كرة قدم حتى يأتي حكم منها ..
ومنذ متى عمان بها تحكيم حتى يحكمون لنا ..
واحيطكم علماً ومن داخل الإتحاد العربي فقد قام مراقب المباراة بتقييم حكم مباراة الهلال والرجاء في المغرب واعطاه 9.7 من عشرة ووصفه بالممتااااااااااااز دون ان يتعرض لضربة الجزاء فأي ظلم هذا ..
نعم جمهور الهلال هو من اثار الشغب وعلينا ان نعترف بذلك وعلينا ان نندم على مثل هذا الفوز التاريخي الذي ربما اضعناه اذا ما تقرر هزيمتنا بهدفين وسحب الهدف الذي احرزه طمبل والذي كان به هدافاً للبطولة مع لاعب القادسية بخمسة اهداف ويتخلف خلفهم بيضوضان بأربعة اهداف ...
اضعنا للاعب هيثم 25 الف دولار هي جائزة الهداف ..
واضعنا نصراً مؤكداً سيكتب لنا ..
وللعلم فإن البطولة القادمة سيتم فيها إختيار الفرق المشاركة عن طريق حساب نقاط الفريق التي يعطيها له الإتحاد العربي دون الرجوع لتصنيف الفيفا او الإتحاد الأفريقي ..
وللعلم ايضاً ان الهلال بهذا التصنيف كان صاحب افضل نقاط من الفرق العربية الكبرى الاخرى وصار كثالث افضل فريق عربي وبالتالي كان ضمان مشاركته للعام المقبل اضمن ..
ربما تفقدنا مثل هذه التصرفات الهوجاء نقاطاً نحن في امس الحوجة لها .لا لشئ إلا لكي نتربع على مصاف الأندية العربية حسب التصنيف العربي..
علينا ان نعترف بأن جمهورنا جمهور الهلال فقط من اضاع النصر وفقط من اضاع بهجة الانتصار وليس للمريخاب شئ في ذلك ...
ويبدو اننا نسينا ان الترجي احرز خمسة اهداف في الهلال في اخر 10 دقائق فلماذا سأس جمهور الهلال من احراز اربعة اهداف في ربع ساعة ؟؟؟؟؟؟؟
هي هذه مشكلتنا لا نتقبل الهزيمة واليأس يصيبنا سريعا ولا نعتبر بفريق مانشستر الذي حمل بطولة الأندية الأوربية وهو مهزوم إلى الدقيقة 91 بهدف فجاء واحرز هدفين في دقيقة ...
ولا نعتبر بفرنسا وبطولة امم اوروبا وهي مهزومة بهدف امام إيطاليا إلى الدقيقة 92 فجاءت وفازت بالكأس...
مبروك للاعبي الهلال وإدارته هذا الاداء المشرف وهذه النتيجة ...
ولا عزاء لنا في جمهورنا الكبير..
تخريمة :
ليتك يا راكبوة تقوم بإنزال ما قاله عصام الشوالي عن الهلال وهو يصفه في ملعبه وكيف ان الهلال داخل امردمان يرهب اعتى الأندية العالمية بكورته قبل حجارته وانه من المستحيل ان يخسر في ملعبه فهو اسد يزمجر وقال الشوالي ان الهلال دوما ما يفوز في ارضه وهذا شئ مفروغ منه ...
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: عمر الفاروق)
|
كتب حسن محجوب الظريف 
| Quote: إلا أن جماهير الهلال المخنوقة من ريحة الكسبرة وعوادم حافلات موقف أمبدة وستة الرجاء كان لها رأي آخر أرادت أن تتنفس ولم تجد وسيلة غير استعمال الحجارة وعملاً بمقولة أخوك كان غلبك فلقو!!. |
| Quote: حتى أسامة عطا المنان الذي لم يهدأ له بال منذ صباح الرحمن لإخراج المباراة في ثوب قشيب أبت جماهير الهلال إلا أن تكرمه بحجر ظلط من ماركة حجار كوانين ستات الشاي الذين يتحلقون حول استاد الهلال. |
Quote: إنتو كان وصلتوا الهدف السادس ونقضوه ليكم نحن ذاتنا كان دخلنا معاكم الميدان لكن قون جاء ومع السحور تعملوا لينا فيها ثورة فلسطينية ... يا عالم الهلال ده خرج من الدار البيضاء من زمان...
تسمعوا لي ناس خميس على عمر .. ستة أهداف في الرجاء .. بمرق ورتشارد اللسانه حصل زريبة العيش ... ولا هيثم مصطفى البقى يتم الماتش مناوشات مع الحكام ... الغريبة أمس كان حمام سلام بين الحكم والجماهير التي اتغابت فيه العرفة ونست البرنس وسيدا والجاي معاها مافي يمة أرحميني ثورة حتى النهاية كلو هلالابي يأكل نارو .. آي آي مادايرين.. |
Quote: أدفع نصف عمري وأعرف لاعبي الرجاء جابوا مرتبة الشفخانة دية من وين!!.
الأخ الصديق الفاتح عزالدين معتمد أمدرمان قال أمس الجمعة يوم العطلة كان يشرف بنفسه على نقل الحجارة من داخل استاد الهلال .. خمسة وثلاثون بطاح هينو لنقل الحجارة .
|
واي واي ما دايرين 
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: hatim ibrahim)
|
Dear Hatim and all
A couple of years ago one of the blue elite journalists made some stastics on
Mr. Muzamil Abul Gassim's writings. He came to the conclusion that the word"Al-Hilal" always comes in a greater number than the word"Al-Merreikh" in every single column for Mr
. It is the love of Al-Merriekhab for the Blue Eliteمزمل ابو القاسم
Yes, most of Al-Merreikhabs hate the Blue Elite more than they love their own little El-Merreikh. What strange fans
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: yasir Abdelgadir)
|
يا راكوبة الصهيوني :
انا واحد من الناس ما حا اضغط على الملف لأنو شهدت المباراة وتحليلها من طقطق للسلام عليكم ..
بصراحة هذا المحلل لا يمت للتحليل بصلة وانا متابعو حتى في مباريات الدوري الممتاز الإنجليزي وحقيقة انا اتعجب لهذا الظلم الواضح الذي نعانيه من قنوات ART ففي مباراة الهلال لم يتم إحضار محلل سوداني للمباراة بينما في جميع المباريات ياتون بمحلل من كل بلد كما في مباراة امبي والوحدات ..
وحتى عندما يأتي محلل سوداني نكون لأول مرة نسمع به ..
المحلل الجزائري لم يقل الحق بل وذهب لأكثر من ذلك وطمس تاريخ الهلال العريض وبخس من اداء اللاعبين ومن مستوى الكرة الهلالية بينما كان واضحاً مستوى الهلال في هذه المباراة ولا يحتاج لمعلق حتى ...
اخونا راكوبة الله يرضى عليك جيب كلام عصام الشوالي اثناء المباراة عشان تكون زول حقاني ومش تشيل حس الهلال ساي...
وإتزكر إنك زماااااان قديتنا بي الشوالي ايام :
خلتها في المرمى خلتها في المرمى ولكم الحق ان تفرحوا يا مريخيين ..
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: Rakoba)
|
راكوبتنا الصهيوني :
في فرق بين إنك تكون مدرب وبين إنك محلل ..
طيب ما أهو رابح مادجر كان بيحلل الدوري الإسباني ..والله انا بحلل احسن منو ؟؟
محي الدين مدرب كبير ده شي لكن ما بعرف يحلل ده شي تاني ..
امين زكي لا يحق لنا ان نهاجمه فيكفينا فخراً انه المدرب السوداني الوحيد الذي يحاضر في الفيفا كمدرب له شهادات ويعترف به الإتحاد الدولي وليس من ناس زعيط ومعيط ..
إتكيفت جداً لي تحليلو لي مباراة القمة بعكس سيد سليم اللي برضو ما عندو علاقة بي التحليل وزكرني بي ناس الخليج لمن يغيروا من الأجانب شبكنا ليك لاعبنا افضل من المحترف وبالله ديل سوو شنو وديل واقفين ساي ووو ..
عموماً التحليل انا سمعتو اكثر من مرة وصدقني محي الدين تحامل على الهلال كثيراً وظلمه فالهلال كان الأفضل وحتى في مباراة الذهاب لم يكن سيئ بل قدم مردود طيب ..
تخريمة :
لسة زايغ من الشوالي!!!!!
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: Rakoba)
|
الاخ راكوبه, والله الهلال دا تاعبكم تعب...ياخي انتو نسيتو فوزكم علي مصلحة الزكاه..بالله ارجعوا ابتهجوا بيهو شويه...ولما تكن كل القنوات بتتكلم عن الهلال دا في حد ذاته دليل علي مكانة وقوة الفريق...اما المحلل فعنصريته لاتغيب عن اي متابع...
الاخ عمر الفاروق لك التحيه واسمح لي اختلف معك...فمن يمد المغاربه بمعلومات للاضرار بالهلال من السهل جدا عليه ان يدفع بمن يرتدي شعار الهلال ويجلس وسط المساطب الشماليه...ولا يوجد اي مبرر لاي مشجع هلالي ليفعل ما حدث وفي هذا التوقبت بالذات..
الاخ العزيز حاتم...هذا الصحفي لايستحق ان تضيع دقيقه من زمنك لتقرأ شغل المشاطات الذي يكتبه
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: yasir Abdelgadir)
|
الاخ راكوبه..عندي خبر حايزعلك انت وقبيلة الحمر كلها اورده الان الاخ ابو عسل..
Quote: ارجنتينى الرجاء يطلب غزال الهلال للاحتراف بالمغرب
كتب ابراهيم الجيلي
ابدي حسن الصويري رئيس نادي الرجاء المغربي رغبة ناديه في ضم نجم خط وسط الهلال مهند الطاهر لصفوف ناديه الذي ينقصه لاعب مهاري بمثل هذه المواصفات وقال ان ادارة ناديه ستقوم بتكوين وفد لابتعاثه للتفاوض مع الهلال حول امكانية ضم اللاعب بعد الملاحظات التي نقلها المدير الفني للفريق الارجنتيني اوسكار ومهاجم الفريق بيضوضان· وقال الصويري ان ناديه بامكانه رصد حافز كبير لاحتراف اللاعب صاحب اللمسات السحرية بعد ان جمع معلومات قيمة عن عمر اللاعب ومشاركته مع ناديه الهلال |
فبالله قبل مايسافروا الجماعة ديل حنسوهم قولوا ليهم عندنا جماعه يمكن ينفعوا معاكم هم ما كبار بس وصلوا الاربعين سنه يادوب..يمكن يحنوا
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: yasir Abdelgadir)
|
| Quote: ارجنتينى الرجاء يطلب غزال الهلال للاحتراف بالمغرب |
هسي يادكتور بيني وبينك مصدق الخبر ده؟! جريدة قوون تعمل (مخدرات) للرشاشات عقب كل إنبطاحة دولية باحتراف لاعبيها في الخارج بدء من طمبل الذي احترف في فرنسا ومعتز كبير في الدوري الإنجليزي وأخيراً وليس آخر مهند في المغرب!!
اللاعب مهند لا يمكنه التفرج على مباريات الدوري المغربي، ناهيك عن اللعب فيه، اللاعب يعاني من هزال شديد وتخاف عليه في كل التحام من أن يستشهد جراء هذا التداخل، وببساطة يمكن يروح فيها مثلاً بحجر طائر زي يوم ذات المراتب!!
محمد موسى سيد الإسم البجيب أقوان من الكورنر، ما قدر يباصر مع المغاربة العنفين، تجي تقول مهند الطاهر.
مدد يا طاهر مدد!!
وأخبار المحترف المشطوب من درجة تانية إمارات معتز كبير شنو؟ قالو يوم ذات المراتب جا ورفع معنويات اللعيبة، وأدى نصائح محترفه ليحفظها اللاعبين جنباً إلى جنب مع نصائح محترف الشهر الواحد بالاسماعيلي ريتشارد.!
وسلم لي على المحترفين بطرفكم واحد واحد
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: yasir Abdelgadir)
|
.
الأخ راكوبة
ما أنــــــــــــــــا بضـــــــــــــــــــــــــــــاغط
شاهدت المباراة مباشرة بأمّ عيني ..
ولست في حاجة للاستماع لحاقد- على السودان -( ينّظر)..
انت خليك ( شجاع ) واعترف بأن الهلال مستواه تعدى مستوى الكرة السودانية بمراحل..
ياخي يا ريت تنسى ( البعبع ) ده شوية وترجع تنزل لينا شوية درر ..
تحياتي ..
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: hatim ibrahim)
|
حاتم،
سلامات
| Quote: واعترف بأن الهلال مستواه تعدى مستوى الكرة السودانية بمراحل |
بدليل الصفر الدولي الكبيرK ، والتجربة خير برهان.
اسمع ناس الرجاء ديل حنضمهم لاتحاد سيكافا، وسنة يجو يلعبوا في الدوري السوداني، والله العظيم خمسة × ستة محل ما تقبلوا لحدي ما تقفلوا النادي عديييل.
وحاول أضغط
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: yasir Abdelgadir)
|
يا جماعة اعزروني انا الأيام دي ببلع في حبوب المصداقية
مهند الطاهر لاعب حريف مافيها كلام بس اللاعب بي صراحة كده ميتااااااااان جداً وما جادي ابداً وبي صراحة كده كورتو بتزكرني بي كورة الروابط ديك الكلها محاوة وجبيد وإنت واقف في حتتك وتضيع في الفرص وما هاميك وبتكون بارد جداً ..
ما تقنعوني إنو مهند من احسن لاعبي الهلال!!!!!!!!!!!!!!!!!
يعني ما ممكن يكون هيثم موجود ويطلبوا مهند حتى ولو هيثم ما كان في الفورمة لأنو اللاعب ما بيتقيم من كورة واحدة ..
مهند في مباراة الرينجرز كان من اسوأ اللاعبين بعيداً عن الهدف المحرز طبعاً ..
مهند يا جماعة ما زول إحتراف والسودان ده لو كان فيهو إحتراف كان نجح فيهو كندورة احرف لاعب سوداني..
ولو نجح كان نجح مع الخجول انس النور واللي فعلاً كان لاعب متكامل ولكن خجله وإنطوائه ابعده عن الإسماعيلي وده كلام من جوة نادي الإسماعيلي ...
في كل مرة تنتهي مباراة خارجية للهلال ولا المريخ بعدها نسمع بي إحتراف سواء العجب او هيثم او قلق او مرق او او او او او ...
خلونا كلنا نتفق على الموضوع الأساسي وهو إنو الهلال حالياً افضل من يلعب كرة قدم في السودان والهلال لعب مباراة كبيرة ضد الرجاء والهلال داخل ملعبه بيكسر كل عظيم سواء من شمال افريقيا ولا جنوبها إن شاء الله ..
على الهلال أن يواصل مع ريكاردو ويواصل بي 4-4-2 ويحاول فقط يحل مشكلة الطرف الشمال وبي اسرع فرصة ...
والهلال الفرصة كبيرة جداً امامه لبلوغ دوري المجموعات في بطولة الأندية الافريقية وهي الأهم وحينها يصل الهلال لفرصة العمر ويحصد الدولارات وهو امر متاح إن شاء الله ..
تخريمة :
يا جماعة كان ما قدرتوا على راكوبة ده خلوني اجدع الكورس بتاع حبوب المصداقية ده واجي اقع ليكم فيهو إشاعات لمن يامن زاتو
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: hatim ibrahim)
|
ياسلام عليك يا حاتم...دا شفل جميل ..اصلو الحل انه لازم نديهم من نفس سلاحهم لانو دا الحل الوحيد.....ياخي احنا بنلعب ضد تلاته: الفريق الخصم والحكام وناس المريخ...والله بقوا لينا في حلقنا...ياراكوبه ياخوي كدي حصل قالوا قربتوا تغرقوا في الخرتوم تلاته...واختار ليك اغنيه رسموك في ضميري بالله نزلها سريع واهديها لي نفسك ثم لينا بمناسبة ورطتكم مع الخرطوم تلاته الطلعتو منها بي حظ اليهود بتاعكم
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: yasir Abdelgadir)
|
.
تعرف يا دكتور ياسر ..اصلا الحكاية كالآتي .. المريخ ده زمان كان عندو مشجعين عددهم قليل ومعظمهم كانوا هلالاب زعلانين لسبب أو لآخر ..اها لغاية نهاية الثمانينات ..المريخ شال ليهو - بحظ يهود - كاس مجاعة ..الناس الكانوا اطفال في الوقت داك لقوا البلد كلها بتتكلم عن الكاس الشالو المريخ ..فبقوا مريخاب ..مساكين .. ولما وعوا شوية في التسعينات وبدوا يشوفوا براهم مستوى فريقهم مقارنة بالزعيم .. اكتشفوا انهم كانوا "مخدوعين" ..لكن خط التراجع كان صعب بالنسبة ليهم .. كلنا بيعرف انو السودانيين بطبعهم " عنيدين" ..اها يا سيدي من يومها وهم ما لاقين حاجة يعملوها غير انهم "يعادوا " الزعيم .. ما شغالين بالمريخ لانو عارفنو " ليق " ساكت .. بس مقاصدين الزعيم ده .. يعني باختصار ..ممكن اقول ليك انو حسع نادر جدا تلقى ناس تقدر تقول عليهم "مريخاب" بيحبو المريخ .. السودان فيهو " هلالاب " عشاق الموج الأزرق ..وهم الاغلبية المطلقة .. وفيهو " أعداء الهلال " وهم اقلية متدثرين بـ" المريخ ".. عاملين زي اللوبي الصهيوني .. ماسكين الصحف .. وبيضغطوا على الحكام ..وبيرشوا الاتحادات ... وهلمجرا ..
غايتو ربنا يشفيهم ..
وهلالنا فوووووووووووووووووق ..
.
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: hatim ibrahim)
|
الأزرق العملاق حاتم:
لو رجعت للبوستات التي تتناول الكرة في هذا المكان تجد ثمانين بالمئة منها يتحدث عن الهلال. و حتى هذه الثمانين بالمائة نصفها على الأقل إن لم يكن ثلثاها بفتحوها أخواننا الهلالاب الزعلانين زي اللذيذ راكوبة دا. نحن لا نحتاج لأن نخرس أي مريخابي، و ليه نسوي كدا. ما هم براهم بكتاباتهم دي عاملين اللازم و زيادة و عاملين لينا دعاية مستحقة و اللبيب حيفهمهاو هي طائرة زي تحليق الزعيم و حيدا بتاعة حاتم دي . أرجو من راكوبة و بقية الهلالاب الزعلانين أن يواصلوا في محبتهم الصادقة دي لكبير الكرة السودانية الأوحد.
نسيت أن أشكر الأخ راكوبة على عرض بضاعته بأصنافها المختلفة هنا دا.. و إن هو نسى نحنا ما نسينا يوم فلقوا بيها سيمبا اليوغندي الكان متقدم بهدفين في سيكافا بالخرطوم سنة 1994 . و يا عجبي بعد دا الطيب عبد الرحمن مختار إعتبر سيمبا مهزوم و أدى البطولة للمريخ. و بالله ما تنسوا تحاولوا تسوقوا الرواكيب في الخريف زي ناس العجب و جندي و حسبو و دامر و بخلي ليك تتم باقي كشف الرواكيب يا راكوبة.. بالمناسبة عم نجاد أخباره شنو؟
كان زرق و للا هلالاب زعلانين نسيت أقول هلالكم فوووووووووووق
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: ابوعسل السيد احمد)
|
أديبنا أبوعسل
لا أسكت الله لك حساً، ولا وراك مباراة فيها حجراً!!
| Quote: أدى البطولة للمريخ |
أو لم تأخذوا كأس السودان قبل كم سنة، بالفاكس! حتى بدون مباراة؟
| Quote: بالمناسبة عم نجاد أخباره شنو؟ |
عمو نجاد في آخر مباراة، قالوا أهلو ضابحين كرامة، قالوا كان لعبت قدام ودأزرق كان طبقوا فيك حد الزنا، أصلوا ناس البوسنة ديل فيهم ناس مسلمين (نص كلتش) ويوم كورة الرجاء كان قايلين في تطبيق حد بين الشوطين!
| Quote: هلالكم فوووووووووووق |
فووووووق حجر ما بحصلوا
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: yasir Abdelgadir)
|
ابو عسل :
| Quote: و إن هو نسى نحنا ما نسينا يوم فلقوا بيها سيمبا اليوغندي الكان متقدم بهدفين في سيكافا بالخرطوم سنة 1994 . و يا عجبي بعد دا الطيب عبد الرحمن مختار إعتبر سيمبا مهزوم و أدى البطولة للمريخ |
واللذيذ في الموضوع إنو الطيب عبد الرحمن قال الجمهور الفلق ده جمهور سيمبا
يعني شوف فريق يكون غالب لحدي الدقيقة 46 ويقوم يفلق عشان يخرب المباراة !!!!!!
ياخ هي تنزانيا كلها ما فيها 1000 متفرج لمن يجي يقول ده جمهور سيبما؟؟؟؟؟
جمهور سيمبا حينها كان 15 نفر هم من إستطاع ان يوفر حق المواصلات من جامعة افريقيا لحدي امدرمان ..
وبعدين يا راكوبة راجع عبدو قابل وقول ليهو من هو أول فريق إبتدر شغب الملاعب في السودان وتحديداً في دار الرياضة وبسببهم تم منع إدخال البيبسي لدار الرياضة ؟؟؟؟
عمر الفاروق بعد ما كملت كورس الحبوب ..
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: yasir Abdelgadir)
|
| Quote: لا أسكت الله لك حساً، ولا وراك مباراة فيها حجراً |
والله يا راكوبة ما عارف انت بتحاول تقنع فى منو !
يا زول كفاية شهادة عمر الفاروق (لمن بلع حبوب المصداقية)
و شهادة الاستاذ عصام عبدالحفيظ و ديل من ناس البورد، بالاضافة
الى انو ادراة الهلال ذات نفسها ما ناكرة الموضوع، بدليل انهم
بيفكروا تانى ما يشتركوا فى دورة ابطال العرب بسبب الحكام !
مش عشان (الخمسات) البيرجعوا بيها كل مرة دى، و يا اخى ليه
كابتن هيثم مصطفى ذات نفسو ما نكر الموضوع، و الما مصدق يتصل !
فيا راكوبة كونك تحاول تقنع زول ما كان فى الملعب، و ما بعيد
ما يكون شاف المبارة زاتها فى التلفزيون ، و يكون معتمد فى التشجيع
على الاحساس القديم ، ده بيكون زى النفخ فى قربة مقطوعة.
و بعدين نحنا زاتو خايفين عليك من (الحجارة الطايرة دى)
مساكين ستات الشاى الحيرونهن حتى فى حجارتن !!! يلقوها من المشجعين
ولا من الدنيا !
--- ركنية---
ضمن نفس البطولة ، الجمهور الاردنى برضو عمل شغب بسبب الحكم
فى مبارة الوحدات الاردنى و انبى المصرى ، بالرغم من انو الواحدات
كان فايز برضو، لكن ما كان فى فليق ، يبدو انو ما عندهم ستات شاى جنب الاستاد!
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: yasir Abdelgadir)
|
محمد الأمين :
| Quote: يا زول كفاية شهادة عمر الفاروق (لمن بلع حبوب المصداقية) |
تعرف يا دكتور ناس المعمل قلبوا نتائج الفحص بتاعتي مع واحد بني صهيون والدكتور على الأساس ده صرف لي الحبوب ..
لمن رجعت ليهو بعد المقابلة قال لي يا زول شكلك ده مالو إتغيير كده وعيونك دي حمر حمر ..
المهم بعد المراجعة الدكتور سك واعاد لي نتيجة الفحص وطلع في غلط في النتيجة وانا حالياً بصدد تقديم شكوى المختبر والمطالبة بتعويض 2 مليار ..
والحمد لله مشيت لقيت كريات الدما البيضاء فوووووووووووووووووووووووووق وشغالة زي الورد وكذلك كريات الدم الزرقاء والحمد لله العلاج الجديد نفع معاي
تخريمة :
يا راكوبة ناس حماس ديل كدي خليهم يصرفوا للموظفين رواتبهم بعد داك نشوف موضوع التصدير ده
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: Rakoba)
|
الاعزاء الاجلاء...تحصلت امس علي صحيفتين سودانيتين من صديق عزيز.. طبعا بس بشوف صفحات الرياضه...اها والله كل كتاب الاعمدة هلالاب علي مريخاب...كلو بيتكلم علي الهلال...يعني الفوبيا ماعندنا هنا بس في البورد...ويتضح بجلاء صحة حديث الاخ حاتم والاخ ابوعسل...يبدو انومشجعين المريخ هلالاب وزعلانين زعله شديدة خالس
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: yasir Abdelgadir)
|
| Quote: يبدو انومشجعين المريخ هلالاب وزعلانين زعله شديدة خالس |
وهذه الفئة من مشجعينا يادكتور، الآن بعدما أنعم الله عليهم بنعمة تشجيع المريخ، أصبحوا فرحين بعد زعل متفائلين بعد تشائم، مفاخرون بنسبهم الجديد بين الرياضيين بعد الخزلان والتواري، أصبح لهم شيء في هذه الفانية يحكون عنه لأبناؤهم وأحفادهم، كيف خرجوا واستقبلو المارد وهو يعود جواً إلى السودان بأول كأس قاري، وعلم السودان والمريخ يرفرف عالياً من كابينة الطيار، كيف احتشد الآلاف "فوق فوق مريخنا فوق".
نتمنى أن يزيد معدل زعلك (حبة) لأنك وبعض أصدقائنا على الطريق الصحيح، لا يعيب هذه الفئة من مشجعينا الرجوع من الباطل إلى الحق، فالإعتراف بالذنب فضيلة، والمكابرة في الخطأ لا يجدي!
ببساطة أصبحوا صفوة، ولسان حالهم يردد..
من غيرنا قد أشعل الحماس وألهب الكفوف ؟
فأزهرت وفاء وأشرقت صفاء
و أثمرت أخا وجاءنا الوفاق وحد الصفوف
فصاحت الألوف:
نحن بين الناس صفوة
نحن في الحياة قدوة
نحن في المريخ أخوة نعشق النجم ونهوى
نحن في التاريخ سفراً يملأ التاريخ زهواً
واختلاف الرأي فينا يجعل المريخ أقوى
نحن في المريخ أخوة نعشق النجم ونهوى
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: yasir Abdelgadir)
|
يا راكوبة :
Quote: من غيرنا قد أشعل الحماس وألهب الكفوف ؟
فأزهرت وفاء وأشرقت صفاء
و أثمرت أخا وجاءنا الوفاق وحد الصفوف
فصاحت الألوف:
نحن بين الناس صفوة
نحن في الحياة قدوة
نحن في المريخ أخوة نعشق النجم ونهوى
نحن في التاريخ سفراً يملأ التاريخ زهواً
واختلاف الرأي فينا يجعل المريخ أقوى
نحن في المريخ أخوة نعشق النجم ونهوى |
دحين يا اللخو صاحب القصيدة دي مش عملها قبل إيداهو ؟؟؟
بس ده شكلو شفت وقرص للغفير حاجة تحت تحت مع كم كيلو لحمة وكيس فواكه ..
تخريمة :
نحن في المريخ نخوة ..
نعشق الجكس ونهوى ..
وإختلاف الغفير معانا يجعل الشلوت اقوى ..
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: Rakoba)
|
| Quote: يازول الكلام ده لم يثبت، |
ياسبحان الله... وهو كان ثبت لمن كان الكلام عن محترفي الهلال وكان كلام بس و في الشارع عديل وبحضور بعلها طلعتوها انتهاك اعراض وهلم جرا...ولمن بقت علي محترفنكم بقينا في الكلام ده لم يثبت......
دا دليل واضح جدا علي زعلكم الشديد
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: ابوعسل السيد احمد)
|
أديبنا أبوعسل
تحياتي
إنته لسه بتقرأ "أخطاء كل يوم"، الغريبة حتى كتاب الهلال حملو هذه الصحيفة جزء من ثورة الحجارة ضد الرجاء، باعتبار الشحن الزائد الذي مارسته الصحيفة للجمهور واللاعبين، وظهرت بمانشيت "التار" يوم المباراة، ولكن يبدو أن بعض الجمهور الأزرق (قرض) على كده
ومباراة بورتسودان صعبة للغاية، خاصة وأن المريخاب يعتبرونها مفتاح البطولة، ويقيمون لها وزناً أكبر من لقاء القمة المرتقب، لما عرف به نادي هلال بورتسودان من فرملته لقطبي القمة دون استثناء، ودونك ما حدث في لقاء الهلال الأخير حين تعادل الهلال في الربع الأخير بضربة جزاء مشكوك في صحتها، واحتسب الحكم أطول شوط كرة قدم موثق في السودان؟
والجيد هو غياب أحمد سعد للإنذار، وربنا يسهل ونتجاوز ودالساحل
| |
|
|
|
|
|
|
|
|
|
Re: بغض النظر عن نهاية المباراة...فاز الهلال ..واقنع (Re: yasir Abdelgadir)
|
حبيبنا راكــــــوبة
| Quote: ومباراة بورتسودان صعبة للغاية |
هذا الشــــــــــبل من ذاك الأسد البتعرفوهو ... لازم تتراجفوا نحن لسنا ما فضينا ليكم .. شغالين بنجوب في القارة شمالها وغربها وجنوبها..بنقابل في الأبطال القدرنا ..وكت نفضى ليكم حتبقوا تفتشوا في الترتيب ..لانو البطولة دي البعبع ما بيديكم فرصة فيها ..الا تتوسلوا ليهو ..
الأزرق الأصيل ابو عســـــل
تحايا بالجملة .. وشكرا لكلماتك الطيبة ..
.
| |
|
|
|
|
|
|
| |
ابوعسل السيد احمد
ALGARADABI
Rakoba
عامر تيتاوى
محمد الامين احمد
عمر الفاروق
طارق جبريل
فيس بوك
تويتر
انستقرام
يوتيوب
بنتيريست