|
|
 "ونسه" مع قرمبوز
|
تعال نتونس .. نحكي .. نقول
نحلم
امكن لمن نحلم .. تصبح شتلة باكر اطول
موش استنيتك؟
قلت لنفسي - و يائس طبعا-
هسسسة بتاوق
بجي متأخر
بجي تعبان
أو بجي متفائل زي ما كان
ساعة و اكتر امكن مرت
..................
يا ربي بجي؟
|
|
 
|
|
|
|
|
|
|
 Re: "ونسه" مع قرمبوز (Re: omer ibrahim)
|
يلا يا عميره
اقول ليك
الاصدقاء
هُم هكذا كما اقر محمد صاحبنا "فاضلابي" يقولون لك لاتفعل كذا بعد ان تكون كذا فعلاً قد حدثت.
يعني ما بصير انك تقول لي ما تزعل والدنيا مُتحافه كُلها مع امبارح
والذهاب والاياب متوحد فيّ
لكن شنو
احكي ليك قصة عجيبه جداً
بعد ما تسمع مُنير ده معاي
http://6arab.com/singers/masri/moneer/index.htm
علي فكره
أسمع لي غنية اسمها الجماهير في حُضني
شفت محمد عامل بوست "حلو اذاي"
| |
|
|
|
|
|
|
|
|
|
Re: "ونسه" مع قرمبوز (Re: Ibrahim Algrefwi)
|
قرمبا .. خيت اللمبا
-لمبا ترجع بالسلامة وترجع ايامنا الجميلة-
عارف يا صاحب امبارح انا هميت عديييل قلت الزول يا انتحر ولا عمل مصيبة .. كان اجي القي ليك محمد منير وشنو .
لكن ياخ خلينا من فاضلابي و كلامو .. نحنا زاااتو وكت كتب كلامو بتاع الأصدقاء داك ما كنا
بنعرفوا .. ديل اصدقاء تانين .. لقاهم مرة كدة .. لكن ياخ مش برضو اتلوم؟ ياخ عاين جنس الكلام
دا
---------------------------------------
الأصدقاء
الذين يقولون لك يجب بعد ان وجب شئ اخر
يفتحون جراحك بقصد ان يعرفوا اسبابها فقط
ثم لا يغلقونها ابدا
اكثر من يجرح بلا قصد
و اكثر من يعتذر
القادرون على جعل خطواتك ابطأ,اذ عليك أن تتحدث أثناء السير
وهم مهمون لاجل هذا
أن لا يكون لك صديق يعني أن لا تحس بفداحة الأشياء
انهم ملح الحياة
اللهم
اللهم أحفظ لي أصدقائي
---------------------------------------
وقال شنو
اللهم أحفظ لي أصدقائي
فاضلابي دا ود -جمبوطك- ساي
هسة خلينا في المهم .. وريني القلب مالو و انا راجي القصة العجيبه جداً
| |
|
|
|
|
|
|
|
|
|
Re: "ونسه" مع قرمبوز (Re: Dia eldin khalil)
|
ضيا
سلام .. انت وينك يا شاب؟
ياخ مرحب بيك شديد .. لكن انت متأكد انو دي ونسة بس الفيها الحاجات القلتهم ديل؟ نحنا ونسة -
ام شطة وفت فت - دي زي صعبة كدة في المنبر دا .. ولا شنو؟
حبابك ... وقول كلمنا
| |
|
|
|
|
|
|
|
|
|
ونسه مع قرمبوز (Re: omer ibrahim)
|
داير اتونس ..
ياصاحبي معاك وبيها اهترش
ياخ .. طيبة طيابة
البت ياصاحب
__________________
اه بس لو كنت معاي..
ما كنت .. بخطط مرسال شوقي اليك مكتوب
__________________
!!عارف عندها
لما الدنيا تخت في كتفي .. سنة وتلتين
اهو دا العمر ابتدا يادوب
مش بتبالغ؟؟
| |
|
|
|
|
|
|
|
|
|
Re: "ونسه" مع قرمبوز (Re: Elmosley)
|
ديشااااااك
قرمبوز الحق......
الونسة دي دردقت لينا موسيقار كبير شديد و عندو (مازيستيرييين) كبار.
موصلي
ابراهيم طوالي بجي متأخر .. بس شغالين الكديس و الفار
....
تشرب شنو؟؟
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
عُمر
أنا طبعاً ماخد عين سوداء
والروح مصابة بطقس ردي جداً , وهناك اشياء انته تعلم اطرافها تقطعُ في روحي قطعاً جائراً الي درجة انني انذف كم من الاحاسيس والانفعالات غير المبرر اطلاقاً..!
mute
دبريشن يا مان
ولكن
مجرد وجودك في مكان ما يكفي لمذيد من الحياة
__________
الراجل شرب شنو
دردقو دردقو يغني لينا
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
عُمر
أنا طبعاً ماخد عين سوداء
والروح مصابة بطقس ردي جداً , وهناك اشياء انته تعلم اطرافها تقطعُ في روحي قطعاً جائراً الي درجة انني انذف كم من الاحاسيس والانفعالات غير المبرر اطلاقاً..!
mute
دبريشن يا مان
ولكن
مجرد وجودك في مكان ما يكفي لمذيد من الحياة
__________
الراجل شرب شنو
دردقو دردقو يغني لينا
| |
|
|
|
|
|
|
|
|
|
Re: "ونسه" مع قرمبوز (Re: طلال عفيفي)
|
طلال
ياهذا المجنون .. بالكتابة وعشق سعاد و الاسكندرية.
اما من شيء يخلفنه باهمال غير الذكري؟
تركت كل شيء ........ كل شيء مرتب ..
الا القلب با صاحبي.
يوما قالت :
انهن آتيات من كوكب لم نأت نحن منه .. فتعجبت .. الأن تغادرني الدهشة ..
Quote: دع عنك حزن المودعين,وشهفوفة المنتظرين :
أركب , وسافر ...
تدحرج في العالم , وخليها على الله ..
و لا تنتظر أي شي ..
انغمس في الحاضر ..
و ليلا .. ابحث عن ونسه خفيفه مع الحنين .. |
عارف يا طلال كلامك دا ذكرني بصديق يذكرني بكتاباتك وحكاياك العجيبة ..
يسرد قصصه كما هي قرأتك .. هو ايضا بضع ملاذ .. وونسة روح مليانة مع الحنين
B]
| |
|
|
|
|
|
|
|
|
|
Re: "ونسه" مع قرمبوز (Re: طلال عفيفي)
|
طلال
لأول مرة "زعلان منك"
انته كمان توجعني!؟
موش عرف أنو مُحتاج ليك "شويه كمان"
طلال حرام عليك يابا
رُد لي روحي
"رد لي قلبي وحذائي"
وانته عارف اذاي
________________________
شيرين اكثر الماً من ذي قبل
البت الذي "اللذة"دي
بس "نخاف عليها كثيراً
"لا يا حبيبي"
ما بنخافش
__________________________
في -ألف 22 عن السيرة وكتابة السيره الذاتيه
الجامعه الاميريكيه قسم الادب النجليزي والمقارن
ت-3575107
شوفو تاني_______________________________
لو حيتجي برجاك
| |
|
|
|
|
|
|
|
|
|
Re: "ونسه" مع قرمبوز (Re: dreams)
|
احلام بالانجليزي
منورة الونسة بوجودك .. لكن عليك الله للدرجة دي الراجل بياع؟
(نص) كول ؟؟ ولا كول كامل كمان. والله مشكلة.
بعدين يا دريمز
| Quote: صاحبك دى بياااااااااع |
انت من اندهم ولا أيه؟
| |
|
|
|
|
|
|
|
|
|
Re: "ونسه" مع قرمبوز (Re: طلال عفيفي)
|
ود عفيفي ... طلال
لا ادري لما يعشق قرمبوز الدراما حين يلتقيك؟
برررااااااحة و مافي زول يسمع .. فاضلابي .. هذا اللعين .. والمشحون بنثر العبير .. اهداني
معرفتة .. احبه انا الآن أكثر لذلك.
19 ديسمبر مساء ذلك اليوم .. و لمدة دقيقة .. بتصدق؟؟ دقيقة كاملة
بس تاني لم ار الا صورته المنبرية .. لم يتح لنا الزمن الا ان نتبادل الاتي:
* مبرووووك وهو يقلدني بشوشا جدا
** الله يبارك فييييك
* ما عرفتني؟ وضحك
ولم اعرفة فصورة سودانيز لم تكن قد وجدت لها مكانا في السيرفر بعد.
لم يترك لي فرصة ان اتذاكي .. فاردف
* قرمبوز ياخ
** لا حولاااااا ,,, انت ابراهيم صاحبي دا؟؟
****** مبروك ******
تأتي أرتالا و يختبيء قرمبوز - صاحبي - و لكنما ثمة حبيبة نحكيها و وطن
قرمبوز .... عجيب ذلك الطيف . لم تدركه نفسي و انما وددت لو.
Quote: و انت يا عمر ..
ماذا عن الدنيا عندك ؟
زمن طويل ولم أرك .. |
وانا يا طلال مسااااافر .. تعبت
احب سؤالك عني ..
زيورخ تلفظني في شهرين و أعود لجمة وونسة عصرية مع أم سلمة بت الصديق و حفل لعقد
الجلاد .. بهي ..
و لأحزم نيتي و حقيبة و حب .. غربا
امازال بيتكم جميل جدا كما كان؟
هل القهوة مازالت ممعنة في طقسها ذلك الذي أعرفه؟
قول كلمنا
| |
|
|
|
|
|
|
|
|
|
Re: "ونسه" مع قرمبوز (Re: dreams)
|
دريمز
وحات الله ..... بس
المهم ........... فاهماني انتي؟
ياخ أقول ليك كلام ..........
ولا أقول ليك ................ قولي انتي
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
أصدقائي كالنجوم بايهُم اغتديت أهتديت
تعرف ياعُمر
انته وطلال ديل اصدقاء الطفولة ومعاكم بت كمان اسمها (شذي)
-علي فكرة ياطلال-أنا شُفت زينب بت بيلا- وانا احب ان اكون داخل اشياءكُم لان اشيائي مُتعبه
عايز اجي احكي
وابكي واشكي
واكضب واهزر واضحك واضحك
هنا ياعمر
لكن
وااااااااااااااااااااي
مـــــــــــــــــــن
الجواااااااااااااي
عُمر او طلال
او دريمز او فاضلابي او اي واح(كُلكم بوجه واحد بروحي)
النجدة
سأموت
"والله العظيم"
* ملحوظه
(يلعب عُمر هذي الايام دوراً مُهماً لبقائي في الارض فهو احد ورودها واحجارها !)!
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
hi ya shabab,,,
wallahi alla yedik al 3afia ya 3omar ya lami al shabab
al wanasa ma 3agrmbooz gabat agma al shabab
tilal 3afifi altaf wa akter zoool mohazab bi kl hdoooo2 al donia
wa kaman alwalad al bi3ani min waga3a l as7ab (alfadlabi)
sadigi al bashtag laiho akter min al moiaa
>>>>>>>>>>>>>>>>>>>>>>>>>>>>>>>>>>>>>>>>>>>
dair a7i laikom grmbooz malo al aym di
grmboooz bisba7 fi ba7ar
fi gameee3 al itigahat
wa ma 3areeef yemal shno
7asi ino kl al doni gasdaha wa 3amla laihooo 7agarat
<<<<<<<<<<<<<<<<<<<<<<<<<<<<<<<<<<<<<<<<<<<<<
ya rab sa3eed grmboooz wa 7ilo zai ma 7alait al fageer min al dain
>>>>>>>>>>>>>>>>>>>>>>>>>>>>>>>>>>>>>>>>>>>>>>
ana asif ya shabab lani bakteb bilo3'at al chiata zai ma bigolo
lakin al kitaba bel 3arabi shoia sa3ba 3ali
winto as7abi kan ma ista7maltoni al bista7malni mno ana????
| |
|
|
|
|
|
|
|
|
|
Re: "ونسه" مع قرمبوز (Re: Dia eldin khalil)
|
أين رأيت بت بيلا .. وكيف , أرجوك أكتب لي التفاصيل الممله حتى لو
على الايميل.. يا ابراهيم
....................
يا عمر هل انت جاي السودان فعلا ؟؟
لو ده حصل هيكون كويس , ممكن نعمل لينا عصابه .
نسمع موسيقى , نتبادل أفكار ونمائم خفيفه ,
يا سلاااام دي هتكون أيام زي الطحنيه . ربنا يقرب البعيد ..
....................
أنا الليله اتفرجت على مسرحية " أحلام شقيه " التي كتبها
سعد الله ونوس المدفون بدمشق . كانت عجيبه , الديكورات هايله
والمسرح موزع كويس جدا ..
وكان في بنت اسمها كارولين خليل , بتمثل , فارعه , وما أدراك
ما الفارعه ! جميله وعندها شامه تحت شفايفا .. وجسد أسطوره ..
بس , بعد كده توجهت على خماره و تناولت شوية منكر كي أجلو هذه
الروح . .
وتحياتي
طلال
| |
|
|
|
|
|
|
|
|
|
Re: "ونسه" مع قرمبوز (Re: طلال عفيفي)
|
البنات :
مكيدة الخالق ..
الليلة سهرت مع " فرح " , بنت على كيفك وذات جمال مبرح ,
هي أساسا من الاسكندريه مسقط هواي .. لمن غادرتها حسيت اني
نسيت عيونها جواي .
..................
أمتني اللهم عشاقا
واحشرني في زمرة العاشقين
يا الله
طلال
| |
|
|
|
|
|
|
|
|
|
Re: "ونسه" مع قرمبوز (Re: طلال عفيفي)
|
طلال
لأول مرة "زعلان منك"
انته كمان توجعني!؟
موش عرف أنو مُحتاج ليك "شويه كمان"
طلال حرام عليك يابا
رُد لي روحي
"رد لي قلبي وحذائي"
وانته عارف اذاي
________________________
شيرين اكثر الماً من ذي قبل
البت الذي "اللذة"دي
بس "نخاف عليها كثيراً
"لا يا حبيبي"
ما بنخافش
__________________________
في -ألف 22 عن السيرة وكتابة السيره الذاتيه
الجامعه الاميريكيه قسم الادب النجليزي والمقارن
ت-3575107
شوفو تاني_______________________________
لو حيتجي
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
اها شفتو كيف
هكذا يبتدر "ماو" الونسه
علي فكرة هذا الماو من اصول شايقيه ذات صلة ذهبيه بالونسه والحكي والتمويه بعض الشئ _لذا كان يمسك ائماً بي قبل الغرق_ وانا احن اليه بشكل يومي " ربنا يحفظو"
................
طلال
"بت بيلا لقيتها وبس "ماينفعش كده ياحبيبي "
بس لما تيجي وأنا" احكيلك علي الجري "
وبندهلك
عُمر
عاين عايز اسمع معاك عميري
لو أتاخرته
!!!!!؟
ضياء
شنو يا "مان" فيك من يكتُم سر
الخميس "كيف"
...............
...............
عارفين "يعني أنا دائماً بنجح اصحابي معاي واخص -أُسامه عباس بود وتحايا- بنجحو في جرفي لاوهامهم وحكاياهم
............
............
............
علي كُل اسه انا علي مواعيد "سمحه" وبكره في قصة مهمه جداً
وتحياتي
| |
|
|
|
|
|
|
|
|
|
Re: "ونسه" مع قرمبوز (Re: Ibrahim Algrefwi)
|
عليك الله يا قرمبا يا خيت اللمبة
أسامة عباس وينو
تلفونو
ياخ أنا بحبو لا حولاااااا
أها البوست ده يا عمر بقى بشبه لي معهد جوتة ولا الفرنسي ما عارف
أنشا الله يقوم ليك شاعر في صلعتك دي ذاتو
ضياء والله وجع الأصحاب في حالو ذاتو
ومعاهو وجع روح
وألم في المحبرة
أسمع ما مشتاقين ياخ
طلال
ياخ المنكر ده
ممتاز!!!
| |
|
|
|
|
|
|
|
|
|
Re: "ونسه" مع قرمبوز (Re: mohammed alfadla)
|
قرمبوز
انت مفرهد ولا انا غلطان .. قول ما تخاف
*******************************************************
ضياء
بالله خلي الكي بورد بتاعك دا يتكلم سوداني.
*******************************************************
دريمز
انت نمت؟ ساه؟
*******************************************************
طلال وفاضلابي ..
قال تعالي:
بِسْمِ اللّهِ الرَّحْمنِ الرَّحِيمِ
قُلْ يَا أَيُّهَا الْكَافِرُونَ(1) لاَ أَعْبُدُ مَا تَعْبُدُونَ(2) وَلاَ أَنتُمْ عَابِدُونَ مَا أَعْبُدُ(3) وَلاَ أَنَا عَابِدٌ مَّا عَبَدتُّمْ(4) وَلاَ أَنتُمْ عَابِدُونَ مَا أَعْبُدُ(5) لَكُمْ دِينُكُمْ وَلِيَ دِينِ(6)
صدق الله العظيم
*******************************************************
بكري أبوبكر
اديك العععععععععافية
*******************************************************
مطرة .. و أحمد ربشة .. و شوق .. و أصحاب
يااااااااااربي
*******************************************************
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
سباهك هير يا عمر
جنس تراوة هى لكن
دعاشة سااااااااااقطة باقى مطرة امس ..تستاهلكم
قرمبوز
اتصلت عليك امس ....بس خلاص عرفت الحاصل عليك...حالة سعبة
فاضلابى وطلال ...سلامات كتارات
تسلمو
| |
|
|
|
|
|
|
|
|
|
Re: "ونسه" مع قرمبوز (Re: mohammed alfadla)
|
ماشي يا عمر ..
ولكم دينكم يا خوي ..
بس أوع تعرض في الحله ..
.......................
ابراهيم : " قرمبوز " :
مالك تدس الونسه وتدخرها للنحيب الليلي ..؟
.......................
أرأيت يا فاضلابي كيف يعاملني هؤلاء الأولاد ..
معليش ..
بكره أرجع و معي الحكايات وشرايط سعاد حسني , ونشوف ..
( على فكره مقعدك شاغر ) .
.......................
ضياء :
اعتقد أن في جيناتي 98 جكايه .
أنا في الطريق ..
رش النجيله ,
مهد الدرب ..
طرطق ودانك ..
و ...
اصبر حبه ..
........
أخوكم في الفضاء الطلق
طلال
| |
|
|
|
|
|
|
|
|
|
Re: "ونسه" مع قرمبوز (Re: طلال عفيفي)
|
الجندرية
علي الحلال شرفتي .. لكن بس ضحكتيني بي اماتنا الولدننا بعد ما مرقتو دي .. اها دحين اكان بتعني
ناس dreams و قرمبوز و طلال و فاضلابي و ضياء ديل .. عوجة واحدة مافي لكن كمان اكان دخلتيني
البطن دي .. الله يسامحك .. ولا اقول ليك كلام .. والله يكون يديك العافية عدييييل.
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
صباح متورد جداً
بعدين الليله الخميس "مُبهج بطبعو"
اتمني لكُم جميعاً من الاوقات اجملها
..............
..............
بسمع في عميري ده يعني "فرح فرح طفولي .
والحب يا مناي الوان
............
............
طيب "أكلك منين يا بطة"
ماش..! كُلكم اولاد-وبنات "قمريين"
.......
.......
أُسامه عباس يا فاضلابي لسه وسيم ومُهم ومازال يفعل بي الاسئلة
وهو "من غير تلفون ومن غير ايميل لكن حنضرب ليك سوا بلجمعه.
أي خدمة...عايز سبب امشي بيه "بيتكم" الفي شمبات ده. رسلني لجدو اقول ليه اي حاجه , عليك الله
عليك الله "ارعي" دائماً مُبتسم
........
........
عُمر
سراً " افرهد زول " بي شوفتك وأُمي
تعرف يا عُمر أنا لامن يجي الليل حق امدرمان داك وفي الحوش بستعين ب"القمر" وبعض من الغمام الخفيف , هذا لمحاربة نفسي وانحباس الروح في "زول" فاطلقها لتطول القمر , اها لامن يكون مافي قمر اليوم داك او انطر انوم جوه"الاوضه" لظروف مُتعلقه بالمناخ او الضيوف او ساي
فاستدعي القمر من كُراسه شعريه غالباً لدرويش . او من روح "عميري,مُنير ,الكاشف, محمد أحمد عوض ,فيروز, الفلاتيه, تريسي ,ابوداؤد , وهم كثُر مروجي الاقمار,
الا ان اجمل الاقمار كان "ابن وجهها الفصيح"
أما في حاله عميري فالاقمار تختلف فلا قمر سواه
فالراجل "ده" صوته ابن ناس بصحيح
.
.
.
.
أسه عايز اقول ليك شنو
ايوووووووووااااا
بريخت كيف معاكم
أقول ليكم عنه شعر
(.....
الحديث عن الاشجار
يعُد جريمة اذا كان يعني
السكوت عن جرائم ابشع
.....)
تاني
(.... هل يغني الشعُراء في ألاذمنةُ الغاتمةُ المرة
نعم : يغنون غناء غاتماً مُراً
..........)
والعهدة علي التراجم
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
نصائح عادية لمُتعة "مــأ"
أنصحكم بالمرورمن هنا
معرض تشكيلي
وكمان من هنا عشان "القلب يعمر شويه"
شخصيات جديرة بالحب
ومن هنا عشان خاطر "الحال الوطني"
مر القطار .. يا مراويد والبقية
وتعالو تاني
.........
.........
كُنا بنقول شنو
ايوه
دريمز "تعرفي غُنية بالحاصل بي انتي عالمه"
اتصلت بي عديل كده
كضابه,, لا حولااااااا . حظ بقي
خلاص بمشي الحال
بس اشوفك "سريع"
.............
............
طلال
اسمعني " لو بتشوف ايهاب عبدالحميد سلم عليه واخبره بانه يكتب القصة القصيرة بطريقه "شابة" وعرفة كثيراً وبس شويتين وارسل ليك تصور "نقدي " جاد جداً للقصة بعنوان القاهرة.
طلال
شُفت "نجلاء" صاحبتك ... بتكتب كيف , وبتختفي!!؟
ضياء
الزول ده جاي "سجمنا"
أماني
بُصي ع الايميل
شفتي كيف
فيك من يكتُم ال"سر"
وربنا يماسكنا بيك اكتر
وبوسة عالية لهبو
| |
|
|
|
|
|
|
|
|
|
Re: "ونسه" مع قرمبوز (Re: Ibrahim Algrefwi)
|
سسسسسسسسسسلام يا شبابنا الحلوين بلا منازع..........
عمر.... صديق لطيف زي النسمةما لاقيتك لاكن متمني شديدالقاك في قعدة شمباتية طبعن كلكم عارفييين لمن يكن في شباب زي الزهور و في بحري اكيد بتبقي الدونياممرجحة علا سلم do rai me
...........................
ما احلاها ادنيا كان جا فاضلابي بي طريقت المعرووووفة بيقل (يا ضياء انا ود حبري"بحري بل رندك"
حبري ....حبري ابراهيم طلب
حبري.....حبري المؤسسة
حبري ....حبري الجمري يا
,,,,,,,,,,,,,,,,,,,,,,,,,,,,,,,,,,,,,,,,,
كل عادا نجي كاششششششششششين اانا قرمبوزمعانا (حزيفة عمر) نقعد نسمع شبكة بيقل يشغل قلبي حبك علا مررررررررررر الزمااااااان
الامان الامان............
احححححححححححححححححححح
غايتو
نسوى شنو
,,,,,,,,,,,,,
يا طلال القعدة دي اوعا تفتك
نكلم غاندي يجيب الفلوت و يجي يصفر لينا و كمان ببو الهادي الديع يعزف لينا في الجيتار
,,,,,,,,,,,,
يا شباب كلكم معزومين القعدة دي
و متين يا ربي تاني تلمنا....
قرمبوز اانا مشتاق ليك ياخ
| |
|
|
|
|
|
|
|
|
|
Re: "ونسه" مع قرمبوز (Re: Dia eldin khalil)
|
ضيا
و الله انا مشتاق القيك كيف .. لا حولااا
بعدين هبشت ليك ناس ان بحبهم حب ..
و اصحابي صحوبية ..
الله يسامحك بس.
ياخ تقول لي ببو و شبكة و غاندي في الليل دا ..
داير تلحسني ولا كيف انت؟
يا خوانا امسكوا ضيا دا مني .. بعوقوا ليكم
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
أنا داير أقول لي كلام كده لكين ما عارفو شنو بالظبط
أوووووووووف
ما هو شوفو بقى يا شباب
لازم الموضوع ده نلقى ليهو حل
يا قرمبوز الغين والقاف
الغيييين والقاااااف
والزين والذال
بلا تراجم معاك بلا كراع
طلال شايفهم،خليهم للأيام
سيبو الهوا بجيبوا زي ما قال الشاعر
وبعدين(غرفتك لازالت شاغرة،والزجاجة التي سنقتسمها والهم والكتب والشرايط التي ستضيعها وتعتذر!!)
ضياء بطل المكاواة
أحسن ليك،براهو الواحد قلبو واجعو
عمر أنشا الله يا ود البروف....
بس أصبر
أحلام أبراهيم ده
ما تضربي ليهو،حيحصل ليك الحصل لي
الود ده النوع البيكسر
الجندرية
منورة
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
الونسه دي كلها مدوره و انا ما جايب خبر
ديششششك اتاري الناس العجايز ديل مرات ونستهم بتكون لزيزة
انا ما لي دعوى لكن حاجر لي بنبر و اقعد اتونس معاكم و ما حامشي حتى لو همشتوني
اها حجونا كدي و يا قرمبوز ما تكتب بالحبر السري عشان نخش في الخط
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
ابراهيم :
ورد في الأثر : خميسك ولو تبيع قميصك ..
............
ما كان من أمر أني توجهت الى النادي اليوناني ..
ايهاب انسحب بخفه من المجلس وذهب الى مرقص .
حنان حكت لي عن الاسكندريه ( احنا كنا ساكنين في
عماره وجارتنا كانت روسيه , طبعا كان في أرمن وأغاريق
كتير , أنا جدودي أصلا من كريت , الجزيره اللي في
عرض البحر دي , هم كانوا قراصنه وتجار مخدرات ,ولمن
الجماعه الاتراك استولوا على الجزيره , راحوا طالعين
على الاسكندريه ....).
وقالت لي عن الكبير ( عبد الناصر ده كان شديد , محدش
يعرف يقول له لأ أبدا .. هو بس "الجريتلي"اللي كان وزير
ماليه وقتها هو اللى عملها .. عبد الناصر ده أنا بحبو
كده في التاريخ , يعني في الكرامه ...)
ثم لمعت عيناها ( ده أكبر دون جوان في التاريخ ) ..
..........................
..........................
سلكت عدة أزقه , وعبرت كذا شأرع ..
ابتسمت وأنا أتذكر مقولة وضاح شرفي حين أسأله عن خميسه ,
كان يقول : الخميس ده بتاع العوام, نحن بنكتل الكتله يوم
التلات .
..........................
أقول قولي ده , واستغفرالله : لي ولكم ..
طلال
| |
|
|
|
|
|
|
|
|
|
Re: "ونسه" مع قرمبوز (Re: طلال عفيفي)
|
الى ابراهيم( مع الرأفه )
.................
................
أربعون قافلة ..
عبرت دمك الوحيد , عاطله
عن الأغان .
المشارق ,
والبوصلات .
وضللها الصهيل .
.......................
هل بُحت , في رئةِ السمراء ,
بأغانيك الغجريةِ
ورجولةٍ منسيه
على أعتاب البلاد ؟
......................
هل رددت , على مسمعها الصبي ,
سيرة من هجروك ..
( من أسرجوا الخيل أمامك و أنت كسيح )
ولملموا , في البرد , الخيام ؟
.....................
أم غازلت ياسمينها
وتركت قصتك
( لتحكيها في زمانٍ قادم ) ؟
....................
طلال
| |
|
|
|
|
|
|
|
|
|
Re: "ونسه" مع قرمبوز (Re: طلال عفيفي)
|
عارف يا عمر ؟
جميله هي , تلك التي تدلي قدماها في المتوسط , الاسكندريه
أو زي ما بيسميها حبايبها " ماريا " ..
بس فضيحة المدن الساحليه .. أن الناس يشوفون فيها البحر
والكورنيش ..
لكن الاسكندريه عندها حياتهاالداخليه العميقه , فيما لا يخص
البحر .. دروب تفوح برائحة البن البرازيلي .. ومطاعم صغيره
يجلس خلف كاونتراتها أغاريق في نهايات العمر ..
................
................
عوده الى البحر :
كنالما يجيء الليل .. ويرتفع الموج , نتحرك من على المقهى
صوب الساحل , يكون الناس قد غادروه .. والرياح تهب قويه وعفيه
من الشمال .. تحط قافلتنا الرحال على الرمل .. معنا عود وكم
قزازه كده فضلة خيرك , بنلم, كنا, الخشب بتاع أقفاص الحمام
والفواكه ونردمه على الشاطيء ونولع نار ضخمه ونقعد نغني ونرقص
ونشرب .. كنا نفتتح بأغنية "البحر بيضحك ليه " ..
وكانت هذه الFire Night تقام كل أربعاء .. في الشاطبي على البحر ..
................
................
من جهة أخرى ..
أمجد خايف ليه ؟؟
................
................
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
الِ النبي سلينا
وبما انكُم هنا "شوفو معاي العذاب ده"
حلفا دغيم
أنا من رأي سرباً من الحشرات يصطاد القمر
شفت "البشر" جاءو ليمتعو ام ليغرقوا العهدة علي من سكت
اشري وقطعه من الجنة والعياذُ بالله
شُفت اذاي
الفا قديمه ولا بيروت
انال دينك يا ابود
قرأت لكم عن حكيم نوبي
"ان التراب هو التراب والسماء هي السماء
هي تحت الماء
والبنات "البنات ياطلال" كما الارض والسماء والسلام والسنابل
ودمهم علي من
اللهم اجرني في مُصيبتي
ولكني اعلم علم العافين بان لاخير منها مادُمت حيا
...................
...................
أسف للسيرة "الموجعه " بس نحنه اصحاب
| |
|
|
|
|
|
|
|
|
|
Re: "ونسه" مع قرمبوز (Re: Ibrahim Algrefwi)
|
العزيز omer ibrahim
سلامات يارائع ..
ياخلاصة الخير الفى الناس ..
وترياق الزمن المتعافى ..
امبارح عصفورتك
ركت فى البال..
رقصت وادت عصفور
الريد شبال...
وطارت من قولة كر
ما الزوله النهر العصفوره
بحرض فى كلاب الحر..
بعد الكولن القصير ده ..
ممكن اتونس مع قرمبوز ولا الخطوط مشغوله..
| |
|
|
|
|
|
|
|
|
|
Re: "ونسه" مع قرمبوز (Re: Ibrahim Algrefwi)
|
قرمبوز كان كده بتونس معاكم ..
كان فى كم زوله بتسال ..
مع حفظ حقوق الكم زول...
قرمبوز عندى معاك ونسه كتيره
وجاييك بى تقلى
للمشاوير العصيبه البيناتنا ..
والذكريات ..يالحزين..
كم اشتاق ان احضنك وابكى ..
فقط الى ان احن سفرى ساواصل معاك .
لى وش الفجر وبيناتنا الثبات...
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
هوووووي يا عمر انت شكلك قاعدي بالصلعه ولامن تتكلم عن عدم الاذيه تبقى مشكله
قرمبوز لطمئن فانا امدرماني حاصل على الجنسيه البحراويه بتغيير الاقامه
فغردبانفصاح ( انفصاح دي ما فيشا في لسان العرب )
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
هوووووي يا عمر انت شكلك قاعدي بالصلعه ولامن تتكلم عن عدم الاذيه تبقى مشكله
قرمبوز لطمئن فانا امدرماني حاصل على الجنسيه البحراويه بتغيير الاقامه
فغردبانفصاح ( انفصاح دي ما فيشا في لسان العرب )
| |
|
|
|
|
|
|
|
|
|
Re: "ونسه" مع قرمبوز (Re: Amjed)
|
يا أمجد
حرام عليك .. يعني (الجلحات) اول ما تبقي جادة طوالي بس تتهموها زورا بالصلع؟
بعدين دي الموضة كدة يا ود عمك ..
انا كان ربيت ليك شعري بوريك عروض غريبة .. لكن القصة بتبقي خطرة.
| Quote: حاصل على الجنسيه البحراويه بتغيير الاقامه |
دي ماااافهمتها .. يعني عندك التابعية ساي .. ما جواز؟
| |
|
|
|
|
|
|
|
|
|
Re: "ونسه" مع قرمبوز (Re: mohammed alfadla)
|
....................................
اما بلغك انك حمار .. بتحفظ الحاجات المنسية
هسة الكلام دا نكتوا من وين؟
فاضلابي
حلج التشاؤم فكرتك .. و اتسوك الناموس معاي
اها شنو ليك؟
| |
|
|
|
|
|
|
|
|
|
Re: "ونسه" مع قرمبوز (Re: mohammed alfadla)
|
عمر
امجد
ابوحميد
وقرمبوز...
هى انتظرونى اسبوعين كده وبجيى اتم معاكم الونسه ..كلها ساعات وتنقطع ونستى يعنى نهاية اليوم ده وتانى ..الله يقطع الغربه وسنينها الفرقتنا وعلمتنا سب الدين
ولا اوريكم اعملوا صمود ..
ياخى انتو مش رائيعين..
بس يبقى سر الدهشة ..فى ما نملكه من روح غاليه علينا وبيناتنا الالفه ..
وحق الصحبه الجد جد..
ودسل نحن والدايرنا بلقانا هناك
ياصحاب..
تلقانا هناك
طالعين من صوت الصدى
ننتشى فى الدهشة
ويكون موال البداية
نهاية والم 00
ترجع صرخة
ويرجع جوفك
مستف بالحمم 00
وحزنك مرق ياوطن
ملفوف فينا
واقف على زمن حلم
مشدود وتر 00
منحوت حجر 00
منسوج بحر 00
وتلقانا هناك
تلقانا فى الايام
تلقانا فى سكة الدمعات 00
يكون انتظارنا
على ضل الساقية والشمعات 00
رجل واحده
قلب واحد
وكلمة ماكلمات 00
وتلقانا هناك
فى نهاية السكة
وكت تصبح هى الخلاص
معانا الناس
ناس ماناس 00
تمد ايديك
تجيك ملانه بالاحساس 00
ديل العود
وهم الفاس 00
ديل الناس
واصل الناس 00
وتلقانا هناك
وتبدا اللقيا هناك
بعيد وقريب 00
حبيبه وحبيب 00
وتلقانا هناك 0
ابوحميد الصور دايره تطلع د...
ناس ابوزر وابوحميد (ناس العقد)
والناس التحتانيه المعاك فى الصوره
يامان
كيف يكون طعم الحياه وتبدا انت فى نهايته...
عمر ..
البوست امانك فى ذمتك ..
وقرمبوز ده طلعوا ...
كملو مره واحده..
امجد مابتوصى ..اكيد وانت شهيد يامجيد..
ويبقا بيناتنا الثبات
ميعادنا لى وش الفجر..
ونلاقى فى الزمن المريح..
لكن شكلى كده بخلى الستيف وبجى اتم باقى الساعات معاكم ..
وانوم فى العربيه ..
الله يجازيكم كان تعملو فينا كده..
و وااااااااااااى شديد..
| |
|
|
|
|
|
|
|
|
|
Re: "ونسه" مع قرمبوز (Re: معتز تروتسكى)
|
اسبوعييييين عديل كدة؟
شنو يا تروتا .. ما فهمنا ليك اي حاجة
لكن يا معتز انا طبعا كل يوم بتاوق لي صرخاتك البهناك دي ..
والله بوست مليان و كوراك كيف.
يا شباب عليكم الله امشوا ادوا الصرخات للحياة دي طلة ..
صرخات تستاهل اضنينكم والله
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
_______________
ها أذيكو عاملين ؟ الجماعة كويسين
أقصد بالجماعة (الاروبيين "النرويجين ,السوديدين,السويسرين,المُهاجرين
اولاد بمبا , وكل من جاور ايامكم)
_________________
جابت ليها صور
(ضياءءءءءءءءءءءءءءءءءءءء الدين
صور كيف نعوقهم
ولا نخليهم؟!!
ــــــــــــــــــ
دريمز
خوشي جوه
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
ياصديقي عمر وصديقي هذا كامله الاحساس علي ضوء (صاحب صاحبك ..صاحبك)
ولا كيف ..طبعا في مشروع ونستك مع قرمبوز ,انت وقعت وماسميت ,قلي
كيف ..ايوا انت سالتني ,انا اقول ليك انا لي سنين بتونس مع الراجل
ده مافترتا لانو دا امتاع غريب وكضاب انا لو قلت ليك مامر يوم وانا
مااخدت حصتي من الونسه لانو الونسه مع الفرده دا فيها( قريفه )
ذي قريفت البن شفت كيف ..اها وقعت ولا ما وقعت
في حاجه تانيه قرمبوز دا انا مسميهو الوناس الاعظم ,يعني بعرف يسوق
الونسه بشكل عجيب وشعارو(الونسه اهم من المعيشه)اها انت لوواصلت
في الونسه وحياه النبي تلاقا نفسك في السودان,واها تبقي فيك ونست
يني,اها ياجماعه الخير اخليكم تتونسوا انا عندي مشوار صغير
ياقرمبوز اسمع جيب معاك عمر ونتلاقا يا الانمائيه او اتني عشان نتم
القصه دي
يلا...اسمع معاك كيس ,ولا اقوليك انسي
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
ماو "حته واحدة"
تحذير
هذا الشاب قطعه من النضار
سبق وان اخبرتكم عن الشاب "الانيس" ماو "موش كده"
هو ده
Quote:
ياصديقي عمر وصديقي هذا كامله الاحساس علي ضوء (صاحب صاحبك ..صاحبك)
ولا كيف ..طبعا في مشروع ونستك مع قرمبوز ,انت وقعت وماسميت ,قلي
كيف ..ايوا انت سالتني ,انا اقول ليك انا لي سنين بتونس مع الراجل
ده مافترتا لانو دا امتاع غريب وكضاب انا لو قلت ليك مامر يوم وانا
مااخدت حصتي من الونسه لانو الونسه مع الفرده دا فيها( قريفه )
ذي قريفت البن شفت كيف ..اها وقعت ولا ما وقعت
في حاجه تانيه قرمبوز دا انا مسميهو الوناس الاعظم ,يعني بعرف يسوق
الونسه بشكل عجيب وشعارو(الونسه اهم من المعيشه)اها انت لوواصلت
في الونسه وحياه النبي تلاقا نفسك في السودان,واها تبقي فيك ونست
يني,اها ياجماعه الخير اخليكم تتونسوا انا عندي مشوار صغير
ياقرمبوز اسمع جيب معاك عمر ونتلاقا يا الانمائيه او اتني عشان نتم
القصه دي
يلا...اسمع معاك كيس ,ولا اقوليك انسي
|
شُفت اذاي !!!
تعرف ياماو "يابن امي وابن اكثر من ابي" حضورك هنا بدي لون ازرق غمامي , بالرغم من انك تصيبني بحالة يُتم عالية وكمن فقد اخاه الاكبر..
وانته عارف ليه
_______________
سفيت موش
| |
|
|
|
|
|
|
|
|
|
Re: "ونسه" مع قرمبوز (Re: Ibrahim Algrefwi)
|
عارفين ..
بالامس أصابني سهاد يشبه سهاد العاشقين , كما أني أشعر
هذه الأيام بأن عقلياتي مش سليمه , حيث أني وأنا ماشي في
الشارع أبدأ في في مخاطبة كائنات غير موجوده ( بنات على وش الخصوص),
واتمنى من الله تعالى أن يستر .
.............
أمس كانت مريم تغني أغاني الشيخ امام .
كانت ترتدي فستان ( شوال ) أحمر .
المراكب أبحرت يسارا .]
..............
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
طلال
الحالة دي متأخرة
ربنا يعينك
مااااااو
أنا مشتااااااق ليك شديد
أبراهيم
ايوة صور يعني حتعمل شنو أكتر من كدة
عامل راسك الكبير ده
ياخ خلاص ذاتو.....
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
عمر
صلاة الجمعة الكنت بتمشيها بعربيتي لآنو علاقتي بالمملكة السعودية مش ولا بد
لمن أجي منزلكم العامر بكتكوت أجمل بنات بحري بعد عشرة سنين
و أحسن من يجعل أسامة عبد العزيز الطيب حاج أبراهيم مواطن ساكت في الوقت الحالي
يا عمر
حجة أم سلمة دي ما عندها غدا ترسلو لينا في بلاد برة دي
بعدين
وحيات السودان البيوجع بعد السفر ده
أنا مصاب بخذلان عظيم
أيدكم معانا يا شباب
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
أنا مشيت لي بوست كتلني بالضحك
عاملوا ناجي الزبير
أسمعوا دي مقتطفات
مسطول الدكتور قال ليهو ولدك ده «بسنن» قال انا متوقع حاجة زي دي.
مسطول قالوا ليهو : الصينيين بولدوا كل دقيقة طفل .
قال : دا التطور مش زي هنا كل 9 شهور طفل
مسطول جاء جارى بسرعة دقش أمو قالت ليهو : شنو ما شايفني ؟ قال ليها: والله شايفك لكن وين ما عارف؟؟؟؟؟
بعدين عليكم الله شوفوا الجاية دي سودانية كيف يعتي لاحظو للمصطلحات
مسطول عندو قروش محولة ببنك فيصل، جاء سأل الهدف قال ليهو فيصل وين؟؟؟؟
بعدين شوفوا الحالة دي ما غريبة علي
مسطول دخل يدو في مويه نار مرقا لقاها مافي.. دخل رأسو يشوفا مشت وين
المهم الكلام ده كلو هنا
كروريـــــــــــات (2) مسطلة
| |
|
|
|
|
|
|
|
|
|
Re: "ونسه" مع قرمبوز (Re: omer ibrahim)
|
هوي اذيكم شديد
طلال
سر علي بركة اللـه مع مراكبك
وسعاد دي "براحة علينا"
فاضلابي
just wait
عمر امبارح اكلته بسبوسة سمحه شديد لاتشبه باي حال حلويات اوربا
ضياء وينو
أمجد كده موش كويس
| |
|
|
|
|
|
|
| |
Ibrahim Algrefwi
Dia eldin khalil
Elmosley
طلال عفيفي
mohammed alfadla
omar_ragab
الجندرية
Amjed
معتز تروتسكى
فيس بوك
تويتر
انستقرام
يوتيوب
بنتيريست