|
|
|
 Re: تعالوا جاي يا اولاد مدني (Re: معتصم عيدروس)
|
عزيزي معتصم ...
التحايا والود ...
| Quote: ابناء ودمدني في هذا المنبر كثيرون والحمد لله .. |
كنت أفضل لو كان البوست باسم ( الجزيرة) ...
لكن لا بأس فمدني هي القلب النابض للجزيرة .. بل للسودان أكمله ...
وكما تعلم فاني لست من أبناء مدني بالميلاد .. إنما بالتبني ، وبعشقي لها ، وبعشقها لي ..
ولذا ستجدني أول المساهمين في انجاح هذا البوست ...
وبما أني مقيم بشكل دائم في مدني ، سأمدكم بكل ما هو جدير أن يعانق قلبكم ، وأعينكم ...
ويا حبذا لو امتد ذلك للتعارف ...
خصوصا أن عدد الأعضاء الذين يتواجدون في مدني لا يتجاوز الأثنين - على ما أظن -
واصل وستجدنا معك عزيزي ...
| |
 
|
|
|
|
|
|
|
|
Re: تعالوا جاي يا اولاد مدني (Re: حسين يوسف احمد)
|
Quote: إنما بالتبني ، وبعشقي لها ، وبعشقها لي ..
ولذا ستجدني أول المساهمين في انجاح هذا البوست |
العزيز حسين يوسف .. مدني لا تقبل بالتبني وكل من اقام بها يوماً فهو منها واليها ..
ويكفي ان تكون اول المبادرين .. واول الداخلين لهذا البوست
Quote: وبما أني مقيم بشكل دائم في مدني ، سأمدكم بكل ما هو جدير أن يعانق قلبكم ، وأعينكم ...
ويا حبذا لو امتد ذلك للتعارف ... |
مؤكد بانك لن تبخل علي هذه المعشوقة ..
وليكن هذا البوست خدمة لابناء المدينة بالخارج والداخل ولننشر به احزانها وافراحها ولنوثق لها فهي تستحق التوثيق ..
| |
|
|
|
|
|
|
|
|
|
Re: تعالوا جاي يا اولاد مدني (Re: معتز تروتسكى)
|
الاخ معتز تروتسكي
قد تكون (تروتسكي) هي التي اغبتك عني .. ولكن لا مانع من ذكري
| Quote: الابيض -مدنى- جبل الاولياء |
جبل اولياء لي فيها كثير من الاعزاء ..
اما الابيض فقد ذهبت اليها مرة واحدة وليوم واحد خريفي ووجدتها كما مدني تستحق العشق بانسانها وتبلديها ورمالها
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
معتصم
وانا منها واليها
وأحب حبها وفيها أحبائى ..
فلنبدأ من أحيائنا
الدباغة .. القسم الثالث
الموردة / الحطابة والنادى
النيافة
شيخ الجيلى
توتومادا
الخور
شجرة الهشاب قرب مدرسة البنات الابتدائية
الشارع التحت الذى راح شمار فى مرقة
وأسماء كثيرة ..
| |
|
|
|
|
|
|
|
|
|
Re: تعالوا جاي يا اولاد مدني (Re: Sabri Elshareef)
|
جاري ودفعتي ود حي الجناين الصحفي الرياضي / عيدروس ..
سلامات يا زول يا غائب ..
لمدني نوبات عشق حين اصاب بها اصبح كدرويش في حلقة اب شاطوط
او حكّامة تمرق الشياطين من زار (...) في الحلة الجديدة .
ولها نكهات وروائح اشمها في امكنة بعيدة عنها ،، تعرف يا معتصم
رائحة اللبخ جنوب حديقة وقيع الله و شمال مكتبة الوطنية اشمها
أحياناً هنا في North Carolina . وتعيدني الي مكاني هناك مكان الباعة
يفترشون ونحن نساوم لشراء الغاز المغامرون الخمسة .
والرائحة المفروشة في الطريق من السوق الكبير الي دردق المتركزة
بالحي البريطاني -عشان خاطر معتز تروتسكي - والتي هي مزيح من نكهة
شجر اللبلاب والنيم وطمي النيل اشمها في امكنة لا تخطر بخيال النيل .
لكني
أعتبرها روائح تقليدية ومزيفة ، اعيدها الي الحي البيرطاني فيستقيم
الأمر ..
مدني تحتاج الي ذاكرة صبية تثير فيها شبق الماضي ليستقيم عودها
الذي تعب من محاولة ثنيه بعضلات الإنقاذ الظالمة .
سيكون هذا البوست عالياً لنعيد بعض الق المدنية المنزوع عنها ..
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
العزيز معتصم
سلام
عندما قرأت عنوان البوست ، خفت و قلت يمكن الزول ده يوقفنا في كبري النشيشيبة، لكن لما دخلت و قريت البوست عرفت أنه ناس ضهاري مدني مسوح ليهم بالدخول اها طوالي دفرت الباب و دخلت.
هي أيام من طفولتي وشبابي و مدرستي الثانوية و جزء من مسيرتي العمليه. لها و لأهلي الكثر فيها ألف تحيه. و هيا يا شباب
| |
|
|
|
|
|
|
|
|
|
Re: تعالوا جاي يا اولاد مدني (Re: Dr. Abdalla Siddig)
|
الأخوة الأعزاء
لكم جميعاً التحية وكل عام وأنتم بخير
قال د. عبد الله:
| Quote: لما دخلت و قريت البوست عرفت أنه ناس ضهاري مدني مسوح ليهم بالدخول |
وطالما الحكاية فيها ناس ضهاري ... نحنا جيران مدني ... ونسجل حضورنابرضو.
التحية لمدني ولأبناء مدني
الحلاوي
| |
|
|
|
|
|
|
|
|
|
Re: تعالوا جاي يا اولاد مدني (Re: Dr. Abdalla Siddig)
|
شباب مدني بقيادة ربان السفينة معتصم عيدروس
مرحب بيكم والدار داركم
مدني الحضارة
مدني الرياضة
مدني الثقافة
مدني العلم
مدني يا أجل خبر
التحية لكم ممزوجه بروائع ودمدني في كل المجالات والتحية لاهلنا في ضواحي ودمدني والدار ترحب بكم والبيت بيتكم وكل سنة وانتم طيبين
Quote: الدباغة .. القسم الثالث
الموردة / الحطابة والنادى
النيافة
شيخ الجيلى
توتومادا
الخور |
اخونا المهندس ياحليل يازول الاسامي دا زمان الحين في حي الرياض والواحة والدوحة وهلمجرا
ابومصطفى
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
أخي الكريم معتصم عيدروس
كما ذكر أخي حسن يوسف وغيره نحن ناس (ضهره)لكن آه يا مدني
ويا وجع ودمدني ومصابها ؟
منتظرين منكم المساهمة لرفع الظلم والغبن الذي لحق بمدني
للامام
الشفيع
الدمام
| |
|
|
|
|
|
|
|
|
|
Re: تعالوا جاي يا اولاد مدني (Re: Alshafea Ibrahim)
|
عيدروس
كل عام والجميع بخيرمدني الجمال وكفى ..
وانا بقول يا جماعة نكبرا شوية الجزيرة ...
الجاي شاقي مدني شقى بيها
والحضر اهلي والاتحاد بحرق عمتو
والبسكن فيها بيجيب نسييبتو
والبشق السوق بياكل باستتطا
ومابنسى فول الملك وابو ظريفه
وببقى ابو الظرافه والطافه وسيد القيافه
والبلعب فيها الدافوري ببقى حريف اى ميدان
والبغني فيها وبنجح بغني في راس االحيشان
والقابل الظرفا فيها اتعلم الضحك وكيف اكون ودود
والقراي بجي مكتباتا من الفجر لي عيسى
والادب والفهم والعلم والنضم والحرف والشقاوة وخفة الدم تلقاها من الديبه للكاشف القطر البجي من الغرب بيجى بيها والقطر الجاي من الشرق بيجي بيهاوالجاي من الجنوب نازل فيها وناس الشمال من زمنا بعيد زرعوها كل الناس بحبوها وانت لازم تكبرها شويه خليها الجزيرة وراجينك في انتباه
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
التحية لانسان ودمدنى الرائع
والتجلة والاحترام للمدينة الفاضلة مدنى
مدنى التى تتعلم من شارعها الاحترام والتسامح والمحبة
ياالله .................
من تلك المدينة الساحرة.......
حيث تعرف الكل والكل يعرفك...
والجميع اصدقاء
تلك المدينة الجامعة.......
شديد الاعتزاز انا بك....
وافخر بأنى احد ابناؤك..
| |
|
|
|
|
|
|
|
|
|
Re: تعالوا جاي يا اولاد مدني (Re: Saifeldin Gibreel)
|
| Quote: اكون عشت فيها بعد قراءتي لكتاب الاستاذ محمود ابوالعزائم سحارة الكاشف |
مؤكد ان سحارة الكاشف كتاب ممتع ويؤرخ لكثير من مظاهر الحياة الاجتماعية بالمدينة ..
الف مرحب حبابك سيف الدين ونلتقي في دروبها .. وحواريها ..عبر هذا البوست
| |
|
|
|
|
|
|
|
|
|
Re: تعالوا جاي يا اولاد مدني (Re: Saifeldin Gibreel)
|
| Quote: اكون عشت فيها بعد قراءتي لكتاب الاستاذ محمود ابوالعزائم سحارة الكاشف |
مؤكد ان سحارة الكاشف كتاب ممتع ويؤرخ لكثير من مظاهر الحياة الاجتماعية بالمدينة ..
الف مرحب حبابك سيف الدين ونلتقي في دروبها .. وحواريها ..عبر هذا البوست
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
الاستاذ/ معتصم عيدروس
لك التحية و التقدير على مجهودك الاعلامي لعكس الوجه المشرق لمدينة ودمدني في كل الوسائط الاعلامية ....
مدني البسمة تستطع تسمى ....
انا مثل حسين يوسف ومعتز تروتسكي عشت في مدني سنين اعتبرها من انضر واجمل السنين
الود لكل ابناء هذه المدينة الباسلة وكل ابناء الجزيرة الخضراء
جمال حسين
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
اكثر مايحيرنى فى تلكم المدينة الوادعة.....
بل قل يعجبنى
هى البساطة والاريحية التى يقابلك بها المدنيون(ابناء مدنى)
فالكل سواء والمقياس هو المباشرة ومواصلة الناس
حيث لا توجد تلك النظرة المادية بين الناس فى التعامل
فمهما بلغت من سمو مادى اومركزى فانت عند المدنيون ذات الشخصية
وايضا...
لاتعنى المدة التى قضيتها بعيدا عن الناس (اغتراب سفر...الخ)عند اهل مدنى شيئا
فانت عندما تعود فسرعان ما تسترد جميع علاقاتك القديمة وبنفس القوة!!!!!!
ياالله ......
مااروعك من مدينة
| |
|
|
|
|
|
|
|
|
|
Re: تعالوا جاي يا اولاد مدني (Re: حافظ عبدالعاطى احمد)
|
Quote: انا مثل حسين يوسف ومعتز تروتسكي عشت في مدني سنين اعتبرها من انضر واجمل السنين
الود لكل ابناء هذه المدينة الباسلة وكل ابناء الجزيرة الخضراء |
سعداء نحن بابناء الجزيرة وكل من ينتمي الي مدينة ودمدني .. ومؤكد ان سعادتنا تكون اكبر ونحن نراك ايها العزيز جمال حسين تحتفي بهذا البوست ..
=====
Quote: اكثر مايحيرنى فى تلكم المدينة الوادعة.....
بل قل يعجبنى
هى البساطة والاريحية التى يقابلك بها المدنيون(ابناء مدنى)
فالكل سواء والمقياس هو المباشرة ومواصلة الناس
حيث لا توجد تلك النظرة المادية بين الناس فى التعامل
فمهما بلغت من سمو مادى اومركزى فانت عند المدنيون ذات الشخصية
وايضا... |
الاخ حافظ عبدالعاطي مدني فعلاً هي كل ما ذكرت .. فالكل سواء ولا مكان بين اهلها للنظرة المادية او لغيرها ..وبمعني اصح فلا مكان فيها للطبقيات فالكل سواسية في حب بعضهم وفي حب مدينتهم .. ومؤكد ان لكل قاعدة شواذ..
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
اشكرك يا ود العيدروس نحن اهل واصحاب واستاذنا مجذوب عيدروس لو بقي
اخوك هو مفخرة للوطن وللثقافة احمل له تحياتي وتحيات صداح ورسل
لي عنوان او تلفون مجذوب علي رسالة خاصة بالماسنجر
سلام لمدني واهل مدني تربينا في اشلاق بوليس مدني فاحسن تربيتنا علمناحب
السودان والسودانيين اكلنا القراصة مع الدناقلة وشوايقة ومحس وحلفاويين
بادلناهم الكسرة واللقمة وملاح الويكاب رقصنا مع ايقاعات المردوم والكمبلا والوازا شاهدنا المصارعة بتاعت نوبة الجبال وعرفنا
النيمنق وهيبان وتيرا وايضا ناس الشرق وجنوبنا الوديع فاشلاقنا
هو صورة مصغرة لسوداننا
اتمني لمدني عودة نكهة وحلاوة بسمتها وجمال طلعتها
ساتيك راجع بالجديد
| |
|
|
|
|
|
|
|
|
|
Re: تعالوا جاي يا اولاد مدني (Re: keiga2000)
|
Quote: اشكرك يا ود العيدروس نحن اهل واصحاب واستاذنا مجذوب عيدروس لو بقي
اخوك هو مفخرة للوطن وللثقافة احمل له تحياتي وتحيات صداح |
يا صبري الشريف يا قريبي
فعلاً اخوي مجذوب عيدروس وهو كما عرفت ... لقيتني كيف ؟؟؟
تحياتك وصداح لمجذوب سوف تصل .. ونتمني ان نراك كثيراً في هذا البوست
عنوان مجذوب سيصلك عبر بريدك الداخلي ..
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
يالا لى مدنى يا شباب مدنى....
قريت الابتدائى فى الشرقية..المتوسط فى الاميرية والثانوى فى مدنى الثانوية...شاهدة المرحوم الفاضل سعيد فى مسرحها..والافلام الهندية فى الوطنية...شربت شعيرها فى بان زين وتسكعت خلف اسوار حديقة وقيع الله قبل الوصول لاسوار ميدان الملك لمشاهدة تمارين الرومان...هل لى الحق فى الكتابة هنا?
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
ان تكون جزءا من المدينه فتتطبع بطابعها
انت تكون المدينه قطعه من ذاتك وجذوة من روحك
فهى ودمدنى
معتصم يازول يارائع
اشتم فيك عبير ودمدنى
سعدت بالتوصلمعك يوم امس
ولنمد جسورنا معبرا لكل اهل الجزيره
اخوك د. مبيوع
السكه حديدغرب والشرقيه السوق
الاميريه
مدنى الثانويه
العظمى
ولك الود ولكل احبابى اهل مدنى
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
اشرف السر
مدني
البيان - مايو40 - بانت - الدرجة..
جذوري من مدينة مدني... وان تنقلت في طفولتي مع الوالد بمشروع الجزيرة...
درست الثانوية بمدني بنين - والجامعة في جامعة الجزيرة عشقا لمدني...
| |
|
|
|
|
|
|
|
|
|
Re: تعالوا جاي يا اولاد مدني (Re: اشرف السر)
|
الاخ Mahathir
| Quote: قريت الابتدائى فى الشرقية..المتوسط فى الاميرية والثانوى فى مدنى الثانوية...شاهدة المرحوم الفاضل سعيد فى مسرحها..والافلام الهندية فى الوطنية...شربت شعيرها فى بان زين وتسكعت خلف اسوار حديقة وقيع الله قبل الوصول لاسوار ميدان الملك لمشاهدة تمارين الرومان...هل لى الحق فى الكتابة هنا? |
لا اظنك تحتاج الي تذكية فالبلد بلدك والبوست ملكك
===
الفنان مبيوع
Quote: ان تكون جزءا من المدينه فتتطبع بطابعها
انت تكون المدينه قطعه من ذاتك وجذوة من روحك
فهى ودمدنى |
فعلاً هي ودمدني .. وفي انتظارك علي الماسنجر وفي هذا البوست
====
العزيز اشرف السر
| Quote: البيان - مايو40 - بانت - الدرجة.. |
لك كل التحايا وفي انتظارك ان شاء الله قريب من جامع ابوسنون او في سوق الدرجة او سوق بانت
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
ومدني
قبة السني وفريقنا
ودمدني الشيخ الطيب ودالمكاشفي
ودمدني الشيخ النيل ودالمكاشفي
ودمدني الشيخ الجيلي
ودمدني الشيخ ودشاطوط
ودمدني الشيخ ابوقناية
ودمدني الشيخ عبدالسيد
ودمدني ابوقبتين
ودمدني شيخ دشين
المدارس
مدني السني، مدني الثانوية اولاد، مدني الثانوية بنات، الجزيرة ابوبكر
الليثي ، شقدي المؤتمر الثانوية، الاهلية أ الاهلية ب (زمان طبعا) المؤتمر المتوسطة الغربية بنات البندر القسم الثاني ، جبرونا ودكنان، زروق الهوارة، الامير، وهلمجرا
وفوق فوق مدني فوق
| |
|
|
|
|
|
|
|
|
|
Re: تعالوا جاي يا اولاد مدني (Re: keiga2000)
|
مدنى الحنينة
للشاعر : صالح فرح صالح
يافراشـــات دوري بينا نمشي لي مدنى الحنيــنه
ننســـا بين خضرة ربوعه غربه كم طالت سنينه
***
اصـــلو نحن غلطنا مره سـبنا ارض الطيبه فتنا
فارقنا احضـــانه ومشـينا فى دروب الغربه تهنا
عشـنا بين آهــه وأسيه وياما فى غربتنا شــفنا
لاعرفنا نعيــــش بدونك لا السـنين داوت جرحنا
***
لما تجمعنا الليالي ونبدأ نســـــرح فى ملامحك
دون ارادة نقيف عشانك وفى الخيال بالايد نصافحك
نشكي ليك بعد المسافة وبى لهيب الشوق نصارحك
ما انت اصلك حاجه تانى والبزورك كيف ابارحـك
***
من سنين بتمنـــــى ارجع امشي للقبه وازوره
اطوف بيوتك حاره حاره واغشــا حبوبتى البدوره
اغازل المســــــاح بكلمة اهدى للكاشف شعوره
والقا فيك يامدنــــى روحى والليالي يضوى نوره
***
صالح فرح صالح / العين
من موقع ودمدني
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
ودمدني
للشاعر :دفع الله يوسف ابوعاقلة
( ودمدني) وأحرقت دموع شوقي أعيني
فالجرح............. جرح حرمان
والدمع.......... دمع أشجان
بعيداً عنك............ لا أمان
وبعدك لا فرح.......... وغيرك لا مكان
........................
( ودمدني) مدينةٌ كأغنية
كضـحكةُ طفلة جميلة
لم تعرف الرياء شفتاها
عروسُ الغدِ الجميل
النورُ خضابٌ في يداها
جميلةٌ كطائرٍ
كصوتِ الحقِ في الضمائرِ
الضوءُ في عينيها يراقصُ النجوم
القمرُ لؤلؤةٌ في جبينها
وعقدها الأزهار
الأزرقُ بين جنبيها
وفي السماء دثار
والشمس بوجنتيها
كقبلةٍ من نار
الأخضرُ رمز شموخها
والحبُ كالأشجار
..............................................
(ودمدني) وأحرقت دموع شوقي أعيني
أُناديكِ ... برعشة المحتاجِ للدواءِ
ورحلةِ المشتاقِ للقاءِ
أُناديكِ .... وعلى ذراعيك تنام حبيبتي
وبنيلِ عينيها تردد الصفاء
وابتسامِ الفجر في ثغرها هو الرجاء
أُناديك يا مدينةً بها أحبتي
وأهلي
فهلا تسمعي النداء؟؟؟؟؟
دفع الله يوسف ابوعاقلة
السعودية/ نجران
1999/07/12م
موقع ودمدني
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
ودمدني
للشاعر :دفع الله يوسف ابوعاقلة( ودمدني) وأحرقت دموع شوقي أعيني
فالجرح............. جرح حرمان
والدمع.......... دمع أشجان
بعيداً عنك............ لا أمان
وبعدك لا فرح.......... وغيرك لا مكان
............................................................
( ودمدني) مدينةٌ كأغنية
كضـحكةُ طفلة جميلة
لم تعرف الرياء شفتاها
عروسُ الغدِ الجميل
النورُ خضابٌ في يداها
جميلةٌ كطائرٍ
كصوتِ الحقِ في الضمائرِ
الضوءُ في عينيها يراقصُ النجوم
القمرُ لؤلؤة%
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
الأخ معتصم عيدروس
أنه بوست العشق الابدى وبوست الحب الذى لا ينتهى
انه بوست الوفاء لارض الوفاء ولاهل الوفاء
انه ملتقى العشاق للجمال المتفتح دوما
سيدى
انا من حنتوب الجميلة
والتى قال عنها الشاعر : للنيل باقية شامه وليها الهدهد علامة
الهدهد شعار مدرسة حنتوب الثانوية
والتى انتقلت اليها بعد الاميرية
وقبلها مدرسة البوليس الابتدائية
حيث كان يختلط الدرس مع النغم من فرقة البوليس
مدنى يا أجمل حلم
كم أشتاق اليها وكم احن لدروبها الهادئة
مدنى
يكفى ان تنطق اسمها ليتدفق الاحساس بكل جميل
وينداح الحنين والشجن لبعدك عنها
مدنى احلى معزوفة يمكن ان يتغنى بها العشاق
من اوفى مدنى حقها ؟؟؟؟
ليس بعد
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
معتصم عيدروس
مرحبا انا ياخوى قايم الاسبوع الجاي على السودان.. لكن بي كلامكم ده ،الشايفني بكره في مدني ماكضب .خليتو هوا البحر هبانا وريحة أزهار السنط في أم بارونا مخمخت نافوخنا،، والخيال سرح في الجزيره مع الأفيال، وفي الرومان وميدان الملك، والسكه حديد مفتوحه لي سيد الأتيام، والرابطه الجابت عمر النور، والدفاع وسنطه، والثوار وعلم الوطن مرفوع في ميدان المولد، وزفة موسى الثعلب ، والقطر بذيع في التاريخ، الكان اجمل.. أميرةالقطن..( وكرنفال الحصاد) وكل عربه مزينه بالورود، الورود التي احتفلنا بها في أول معرض عام 1903 في مدني الجمال، والثقافة، التي أنارت الوطن كان لمدني دورا وفي الغناءمن الكاشف لي عمر جعفر والمسرح من مدثر النوحي لبي عيدروس ومحمد محى الدين ومحراب الفنون والدراويش والمديح وسحرة الكرة اولاد كرار والله جابو ومحجوب البحتاج لتوثبق لحياته الطويله في الملاعب والساحر سيد مصطفى والأمير احمد عبدالله وحمد والديبه حاجه عجيبه حكاية مدني الجمال وتحياتي لي كل الكتبوا خاصة سواقين الركشات الماخلو حي ولا فريق ماجابوا خبرو من الدرجةحي المعارف لي الدباغه اول مصانع الجلودفي المدن القديمه...مدني الجمال،كل المدن جميلة طالما هي في بلادي ولكن كل من زار مني سحرته بجمالهاوناسها مدني الجمال...
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
ليت حظي سمح واسعدني
طوفه فد يوم بي ربوع مدني
كنت أزوره ابويا ود مدني
واشكي ليه الحضري والمدني
آه علي حشاشتي ودجني
وحنيني ولوعتي وشجنى
دار ابويا ومتعتي وعجني
مدني القبة
مدني العشير
مدني الكاشف
مدني وداللمين
مدني ابوعركي
مدني عبدالعزيز المبارك
مدني الاهلي
مدني الاتحاد
مدني النيل
مدني جزيرة الفيل
مدني سانتو اخوان
مدني حموري اخوان
مدني سنطة
مدني عامر
مدني قلة
مدني الريشة
مدني حمد والديبة حاجة عجيبة
مدني حيدر قطامة
مدني خدوري
مدني زراع
مدني موسى الثعلب
مدني ود الفتلي
مدني ود عم فاروق
مدني السودان
| |
|
|
|
|
|
|
|
|
|
Re: تعالوا جاي يا اولاد مدني (Re: عزيز عيسى)
|
Quote: مدني القبة
مدني العشير
مدني الكاشف
مدني وداللمين
مدني ابوعركي
مدني عبدالعزيز المبارك
مدني الاهلي
مدني الاتحاد
مدني النيل
مدني جزيرة الفيل
مدني سانتو اخوان
مدني حموري اخوان
مدني سنطة
مدني عامر
مدني قلة
مدني الريشة
مدني حمد والديبة حاجة عجيبة
مدني حيدر قطامة
مدني خدوري
مدني زراع
مدني موسى الثعلب
مدني ود الفتلي
مدني ود عم فاروق
مدني السودان |
مدنى مامون بحيرى
مدنى الأمين دياب
مدنى ميرغنى سنهورى
مدنى الهادى النحاس
مدنى الأمين كعورة
مدنى مكتبة الوطنية
مدنى مكتبة مضوى
مدنى الحاج فرينى
مدنى محمد سيد أحمد
مدنى الليثى
مدنى شدو
مدنى على حسنين
مدنى شيخ العرب
مدنى الجيلى حسن صلاح
والله لو قعدنا نحسب سنة بالتمام والكمال لن نستطيع إحصاء عظمائها رجالا ونساءا
جنى
| |
|
|
|
|
|
|
|
|
 Re: تعالوا جاي يا اولاد مدني (Re: معتصم عيدروس)
|
سلام مربع
الحنينة السكرة
احلي مدينة رغم جور الزمن
نكون عمليين اكثر
ماذا نفعل لنعبر عن مدني
انا عندي كل مشكلة بالمجني عليها مدني
رغم الاشراقات الجديدة في مدني
اذكر منها تأهيل النادي الجزيرة
تحديث بعض صالات الرياضة
تجديد بعد الشوارع
اضاءة شارع النيل و شارع ابوعيسي
سفلتة شوارع داخل الاحياء
ترقد داخل المدينة قنبلة مؤقتة اتحدث عنها دائما و احس بغصة
في كل حين
دار الامل للاطفال مجهولي الابوين
الدار تقع في حي الواحة قرب نادي النهضة خلف سينما الزمالك
بها اطفال لقطاء عمر يوم الي سنة
الموت زائر يومي
اللبن مشكلة
النظافة مشكلة
الدار تتبع للرعاية الاجتماعية
اللبن المطلوب هو
bebelac 1
N. V. Nutricia
zoetermeer, Holand
Dubai, U.A.E
P.O. BOX 17542
WWW.NUTRICIAME.COM
نقلتها المعلومات دي من العلبة
و دا ارخص لبن هنا
العلبة ب
13.500
جنيه
بس صعب نلقي قروش
انا طبعا بنوتة و انتو قلتوا اولاد يلا مع السلامة
| |
|
|
|
|
|
|
|
|
|
Re: تعالوا جاي يا اولاد مدني (Re: sudania2000)
|
الاخ معتصم العيدروس الاسم ده ما غريب علي التحيه لمدني قبه السني وفريقنا عامره حلقات الذكر التحيه ليه دردق مسقط راسي وفخري لدردق الابتدئيه وشقدي المتوسطه والاهليه (آ) ومدني الثانويه والتدريب المهني والهواره والعربيه وبناته ولي عوده مع نادي الامل واستاذ شبو وفريق ارجاني ودكتور الفاتح حسين (الماوماو....خروفه...)صابر سعيد محمود جراب الفول... فطايسو اب زنقله..كرنشيش عفيش فيش ...وطنبوج ...وحكايات الفريق الحلوه ....
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
اتيت لمدنى فى الثمانينيات...والمدينة فى اجمل ايامها....احببت الرومان لمريخيتى ولسكنى بالحى السودانى... اهل مدنى يعشقون اتحادهم واهليهم اكثر من هلال ومريخ امدرمان... فكنت اداوم المرور بمقر النادى بالقسم الاول..واسال نفسى لماذا سمى الميدان بميدان الملك...
وكذلك اتعجب لماذا لايشترى صاحب محل عبدالحق للعماري الشهير الا العربات حمراء اللون? اكتر اسم اتعبنى هو اسم ذلك الفندق بشارع النيل جوار مبنى المحافظة... قرب جامع الحكومة...فندق الانتركونتناتال..كنت دائما احدق فى الاسم واحاول استهجاء الكلمة وانتهى برمى اقذع اللعنات على كاتب الاسم واهل الفندق...فالتفت للناحية الاخرى فلاتستطيع الا الابتسام لجمال حنتوب الساحر واتعجب كيف مكان بهذا الجمال يمنح السودان اناس بقبح الترابى ودموية النميري...
ساعود....هل يذكر احدكم بائع الصحف الشهير..مخترع عجائب الاخبار وغريبها?
المباراة اتحاد مدنى x مريخ امدرمان ...1988 يدخل الاستاد صائحا "نميرى يعود لسودان"
| |
|
|
|
|
|
|
|
|
|
Re: تعالوا جاي يا اولاد مدني (Re: Mahathir)
|
| Quote: مدني الجمال،كل المدن جميلة طالما هي في بلادي ولكن كل من زار مني سحرته بجمالهاوناسها مدني الجمال... |
استاذنا محمد السني دفع الله
مرحب حبابك
وفي مدني خاصة في العيد ستجد كل الطقوس التي تفتقدها في غيرها من المدن سواء داخل السودان او خارجه .. فالصلاة جامعة بجامع الحكومة وستجد كل ظرفاء المدينة الذين يجعلون اسماكك عن الضحك صعباً .
بس يا استاذ حيرتنا دا انت باين عليك ما خليت ليك فريق ما دخلته ولا زقاق ما دخلت فيه كراعك.
اتمني ان نلتقي في مدني في العيد
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
الاخت سودانية
Quote: رغم الاشراقات الجديدة في مدني
اذكر منها تأهيل النادي الجزيرة
تحديث بعض صالات الرياضة
تجديد بعد الشوارع
اضاءة شارع النيل و شارع ابوعيسي
سفلتة شوارع داخل الاحياء |
فعلاً كل هذه اشراقات اضافة الي مستشفي التاهيل ومستشفي الشرطة ولا تنسي سفلتة وانارة شارع الوالي في الدرجة ..
Quote: ترقد داخل المدينة قنبلة مؤقتة اتحدث عنها دائما و احس بغصة
في كل حين
دار الامل للاطفال مجهولي الابوين
الدار تقع في حي الواحة قرب نادي النهضة خلف سينما الزمالك
بها اطفال لقطاء عمر يوم الي سنة
الموت زائر يومي
اللبن مشكلة
النظافة مشكلة
الدار تتبع للرعاية الاجتماعية
اللبن المطلوب هو
bebelac 1
N. V. Nutricia
zoetermeer, Holand
Dubai, U.A.E
P.O. BOX 17542
WWW.NUTRICIAME.COM
نقلتها المعلومات دي من العلبة
و دا ارخص لبن هنا
العلبة ب
13.500
جنيه
بس صعب نلقي قروش |
نتمني ان يتفاعل معنا الجميع وهذه ليست القنبلة الوحيدة الموقوتة في المدينة ..
| Quote: انا طبعا بنوتة و انتو قلتوا اولاد يلا مع السلامة |
اولاد وبنات .. انتي من زمن الولد بي بتين ولا شنو يا اختي
لكن الواضح انك متواجدة داخل مدني ومؤكد انك ستفيدين البوست كثيراً.. فتعالي ومعك اخريات
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
| Quote: ولي عوده مع نادي الامل واستاذ شبو وفريق ارجاني |
| Quote: صابر سعيد محمود جراب الفول... فطايسو اب زنقله..كرنشيش عفيش فيش ...وطنبوج ...وحكايات الفريق الحلوه .... |
يا اخوي يا ريحان انت ولدنا عديل كده
اذا وصلت لي فريق ارجاني ولي نادر طمبوج ونادي الامل وصبري وجكسا وعباس وابوقدوم وناس حراسة وجامع عبدالباسط .. فانت ولدنا عديل كده
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
Quote: هل يذكر احدكم بائع الصحف الشهير..مخترع عجائب الاخبار وغريبها?
المباراة اتحاد مدنى x مريخ امدرمان ...1988 يدخل الاستاد صائحا "نميرى يعود لسودان" |
الاخ Mahathir
هاشم ما زال يوزع الصحف .. وينادي مناداته المشهورة تلك التي عرفت عنه ..
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
Quote: كم جميلة هذة المدينة احبها واعشقها لحد الجنون
مدنى الجمال
مدنى العريقه
مدنى دردق
مدنى مكى
مدنى الدرجه
مدنى السودانى
سيبقى ودك فى قلبى ولن تخبو معانيك الجميله
العيدروس شكرا على البوست الجميل دة
وكل سنة وانت طيب
Quote: تعالوا جاي يا اولاد مدني
أولاد مدنى بس بنات ماف |
الاخت نجود
وانتي بخير
ومرحباً بك في اي وقت
انحنا طبعاً اولاد الاحياء الشعبية ناس دردق
جيرانكم وبفصل بيناتنا شارع
لكن لمن كهربتنا تقطع بنقول شوفوا اولاد الراحات مرتاحين
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
Quote: هل يذكر احدكم بائع الصحف الشهير..مخترع عجائب الاخبار وغريبها?
المباراة اتحاد مدنى x مريخ امدرمان ...1988 يدخل الاستاد صائحا "نميرى يعود لسودان"Çááå. |
الاخ Mahather
الاخ معتصم
بائع الصحف دا علي ما أعتقد ود عم فاروق.. ولا واحد تاني..
الشيء اللي بعرفه ودعم فاروق كان بيعطي معلومات وتغطية اخبارية كاملة شاملة رغم انه أمي..
في مجال السياسة والرياضة والفن وممكن يزودك بنبذة كاملة عن اسماء اللاعبين والممثلين وأخبارهم والافلام التي مثلوها..
وكان انسان بيعطف علي المساكين كثير.. يعني لو عندك أي مناسبة ما بتحتاج لاعلان..
وصل ليه الخبر وأرقد عافية لأنه ما بقصر في الناحية دي يلم ليك الناس كلها..
أعتقد الاخ جني وشخصي الضعيف من أكثر الناس حظا.. عشنا الاثنين ما بين مدني والخرطوم
امتداد الدرجة الثالثة.. ولما فتح بوست اولاد امتداد الدرجة الثالثة كتر خيرهم هذا البوست
أعاد لنا ذكريات أيام عشناها في احضان تلك البقعة الطيب أهلها.. توصلنا من خلال البوست
التعرف علي اسماء عدد كبير من أشخاص جمعتنا بهم صداقات في أيام لن ننساها.. وها أنت تفتح لنا بوست
آخر يذكرنا بمدينتنا ودمدني الحبيبة لنعيد أيضا ذكريات الماضي.. شكرا كثير..
معليش طولت شديد من مدني والسودان عامة وليس من عادتي.. وزمان لما كنت عايش في الخرطوم
ومن شدة شوقي لمدني تلقاني كل اسبوعين ناطي في بصات الجزيرة.. (بخاف أركب بصات الركبي) ومدني دائما في الاحداق..
وربنا يوعدنا بزيارتها وزيارة امتداد الدرجة الثالثة لنلتقي فيمن فضل البقاء في السودان.
ولكم كل الود.
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
الاخ العزيز السني دفع الله،
كيفك يا راجل.. اعرفك وأعرف جميع أفراد عائلتك في مدني.. لكن ما أظنك تتذكرني..
بتكم كان علي بعد خطوات من منزل والدنا في مارنجان..
إلتقيت بيك حوالي أربعة مرات في مدني عن طريق الصدفة في منزلكم العامر عند زيارتي للاهل أواخر السبعينيات..
أخوك أسامة زميل دراسة.. كان بيزورني دائما في جده لما يحضر الى السعودية في طريقه من أبوظبي الى السودان..
كيف أخباره.. هل ما زال مقيما بالامارات؟.
| |
|
|
|
|
|
|
|
|
|
Re: تعالوا جاي يا اولاد مدني (Re: عزيز عيسى)
|
| Quote: ومن شدة شوقي لمدني تلقاني كل اسبوعين ناطي في بصات الجزيرة.. (بخاف أركب بصات الركبي) ومدني دائما في الاحداق.. |
الاخ عزيز عيسي
يا حليل الركبي ..
المواصلات اسع بقت بصات مكيفة (سوار ، اشرنكيل ، افراس ، وهلم جرا.
اما عن مواصلات الجزيرة فابشرك بان الشركة سوف تعود للعمل بعد العيد ببصات حديثة ..
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
العزيز معتصم عيدروس
لك الامنيات والود العميق
احيك على اهتمامك الا محدود بهذه المدينة
التى يتسرب حبنا لها عبر المسام
اتمنى ان نوفق جميعا في اثراء هذا البوست
وتأكد انو
يوم بكره جميل ضواي ووسيم
عاصم ابوحجل
من ابناء مدني
| |
|
|
|
|
|
|
|
|
|
Re: تعالوا جاي يا اولاد مدني (Re: Khalid Kodi)
|
الاخ معتصم
جاية من وين يا بنية ناوية علي وين السفر
قلتي لي مـدني الجميلة مـدني يا أجمل خبر
فيها قضـيت الطفولة وفيها شاخ عـمري وكبر
أذكرأيامناالجميلة وقعدة النيل في العصـر
كـل أحبابي وصـحابي نحن فرقنا القدر
قبة السني وبيتوناعامرة حلقات الذكر
تلهم الكاشـف يغني ويكتب المساح شعر
السلام يا مدني ليك حتي لو طال السفر
هكذا تغنوا لها إبداعا وألقاً وجمال فكانت ومازالت مدني السني هي المعطاء لكل الإبداع في بلدي
وزي ما بقولوا كفر ووتر تسعة لغات والعاشرة إبتسامة
فالتحية لتلك المدنية التي تنام هادئة علي ضفاف الأزرق الدفاق
ولكم حبي
ود زبيدة الوافد إليها
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
أدرت كاسيتاً كان مركوناً بمسجل العربة و لم أكن أدري ماذا بالشريط من غناء يريحني، ولمَن مِن أهل الإبداع في بلادي يكون ذلك الشريط ، كنت فقط أريد أن أسمع شيئاً يخفف عني ذلك الضغط المحتـقن داخل عقلي وصدري ، فجاءني صوته هادئاً ، ولكن بنبراته القوية الواضحة المعالم وتصحبه موسيقي في هدوء شاعري متميز وجاذب:
مالو .. أعياه النضال .. بدني…
روحي ليه.. ليه مشتهية ودمدني
كنت أزور أبويا .. ودمدني..
وأشكي ليهو …الحضري والمدني
فقلت ياسبحان الله ، ما أجمل هذا الصباح الأبيض ، وسرعان ما بدأ الهم والغم يتسرب من صدري وينسحب بعيداّ بعد أن جثم عليه بكل عنف يوماً كاملاً ، فإنزاحت سحابة الغم الداكنة من خيالي وسافرت مرتفعة في الفضاء الرحيب بعد أن جاءني صوته.. صوت أبو الأمين كي يشدني مع جماليات خليل فرح إلي جماليات ودمدني .. عشقي المستديم.. ودمدني التي كانت ولا تزال تعانق النجوم .. وتتغطي بالنجوم ، فنحن أيضاَ ظللنا في إغترابنا نعلق أنجمنا ، فإنتشيت وحلقتُ في أجواء عالية ( إلي حيث لا حيث ) ، فطافت بخيالي ودمدني وذكريات أزمنة كانت أنيقة وخبايا أمكنة كانت رقيقة في تلك المدينة الوطن ، ليمتليء كياني ويزدحم بالنشوي ، فتسمرت ولم أحرك السيارة من جراج المنزل إلا بعد إن إنتهت تلك الأغنية الخالدة التي قام أبو الأمين ببعثها من جديد بعد أن كانت قابعة في سجلات التاريخ منذ أن كتبها الراحل المبدع ( خليل فرح) في عام 1930م وهو في طريقه بالقطار من الخرطوم صوب ودمدني للمشاركة في فرح فنان السودان الأول ( الحاج محمد أحمد سرور) إبن قرية ودالمجذوب شمال ودمدني ، فشدتني الأغنية تماماً نحو عُشقي .. نحو مدينة الأحلام .. ودمدني… ورحم الله خليل فرح ، ورحم الله سرور.
ولأجل ذلك، وبسبب كل ذلك .. وبسبب تلك الحزمة من الوجد والعشق لودمدني الروح ،
كانت رائحة الرواية ( الذكريات ) تستفزني أن أكتبها .. فكانت ودمدني هي تلك الرائحة، ولأجلها جاءت فكرة الإصدارة القادمة .. جاءت لتحكي ودمدني قصتها بنفسها .. تحكي بعضُُ منها لأهل السودان عامة ولأهل ودمدني في كل مكان. .
وختاماً نقول … معاً قريباً إلي ودمدني ومعها كل ضواحيها التي تحاصر وتجمِّـل خاصرتها .. وإلي ناسها وإلي أحيائها بكل حواريها وأزقتها.. إلي همومها وإهتمامات أهلها المتعددة المتألقة في ذلك الزمن البعيد القريب خلال فترة الستينيات وبداية السبعينيات من القرن العشرين.. وإلي مفاصل حياتها الإجتماعية والأدبية والفنية والسياسية وعمالقة الرياضة فيها منذ زمن بعيد ، وإلي حلقات الذكر والقباب التي تحرسها برعاية الله من كل الشرور.. وإلي حكاوي أسواقها الرشيقة .. وشخصياتها الجادة والمرحة أيضاً والتي كانت تعيش في ذلك الزمان .. مع كل ذلك الزخم ذو الطعم اللذيذ القادم من داخل نسيج مجتمع ودمدني .. نواصل الحكاوي .. عن مدينة الأحلام تلك .. قريباً جداً في كتاب قادم من بين هدير المطابع .. ليطلع عليه أبناء المدينة داخل الوطن ، وفي كل شتات مهاجرهم في كل الدنيا.. إنشاء الله ،،،،
بقلم صلاح الباشا
نقلاً عن موقع ودمدني
| |
|
|
|
|
|
|
|
|
|
Re: تعالوا جاي يا اولاد مدني (Re: عزيز عيسى)
|
| Quote: وحسب ، التحية لكل شرفاء مدينتنا الرائعة، ابناءها وبناتها. |
الفنان خالد كودي
انتظرناك كثيراً لتطل عبر هذا البوست.
تقبل تحايا صديقك اسماعيل عبدالحفيظ ، وفي انتظار مساهماتك سواء بالريشة او بحد القلم
| |
|
|
|
|
|
|
|
|
|
Re: تعالوا جاي يا اولاد مدني (Re: عزيز عيسى)
|
معتصم عيدروس عزيزعيسى
ليكم الحب من غير حدود وينك يابو عيسى زمن والغربه طالت أتمنى من الرحمن ان نلتقي في مدني الجمال وشكرا يا عيدروس على الدعوة... اسامه في الخرطوم يفكر في ترك العربه والاستقرار في البلد..بائع الجرائدهو هاشم الظريف ود عم فاروق كان الزين بتاع مدني ودى حكايه طويله لكم الحب والموده
| |
|
|
|
|
|
|
|
|
|
Re: تعالوا جاي يا اولاد مدني (Re: محمد سنى دفع الله)
|
اهل مدني
لكم التحايا.....لست من اهلها ولكني:
1.مررت بها لكنانة في 81 فاعجبت بها!
2.زرت اسرة زميلي في الجامعة 86 فاحببتها!
3.عشقتها لاجل اخي وزميلي و صديقي وتؤام روحي ورفيقي الزي فقدته منز ستة عجاف دكتور عثمان عبد الحفيظ عبد الفاضل له الرحمة والمغفرة!
ولكم الود ومازلت اعشق مدني لعشق عثمان لها......
احمد علي القاسم
| |
|
|
|
|
|
|
|
|
|
Re: تعالوا جاي يا اولاد مدني (Re: عزيز عيسى)
|
| Quote: (وما بيعرف سر سحرها إلا اللي يعيش فيها).. |
صدقت يا عزيز فمدينتنا لا تشبه المدن .. والذي يعيش سيعرف سحرها .. لان هذا السحر ليس في الارض ولا في المباني .. انما في انسانها ..
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
سلام
فاليكن هذا المقام لرفع ابن مدني محمد عزالدين الذي اصبح من معالم
المدينة لكي يرتفع في عرض كتبه في كشك ودمدني بدلا افتراشه الارض
لاكثر من عشرين سنة يوزع ويعطي الثقافة بكل اشكالها وعرفت شجرته
بشجرة المعرفة
فهذا النداء لاهل السودان اخص اهل المدينة ومعي خالد كودي وصداح محمد
الحسن والنوراني الحسن موافقين علي الفكرة
وفي شخص محمد عز الدين تكريم لكل اهلنا في المدينة
| |
|
|
|
|
|
|
|
|
|
Re: تعالوا جاي يا اولاد مدني (Re: Sabri Elshareef)
|
Quote: سلام
فاليكن هذا المقام لرفع ابن مدني محمد عزالدين الذي اصبح من معالم
المدينة لكي يرتفع في عرض كتبه في كشك ودمدني بدلا افتراشه الارض
لاكثر من عشرين سنة يوزع ويعطي الثقافة بكل اشكالها وعرفت شجرته
بشجرة المعرفة
فهذا النداء لاهل السودان اخص اهل المدينة ومعي خالد كودي وصداح محمد
الحسن والنوراني الحسن موافقين علي الفكرة
وفي شخص محمد عز الدين تكريم لكل اهلنا في المدينة |
الاخ صبرى ،
لك التحية الشكر على طرح هذه الفكرة هنا
والتحية للرائع الفذ استاذنا محمد عز الدين،والى حين أن نلتقى.
الاخ عيدروس،
لدى الكثير من القول عن مدينتا الحبيبة، سأفعل فى ظرف أفضل،
تحياتى لأخى الحبيب ورفيق أعز الايام الى روحى ، اسماعيل عبد الحفيظ.
| |
|
|
|
|
|
|
|
|
|
Re: تعالوا جاي يا اولاد مدني (Re: Sabri Elshareef)
|
| Quote: وفي شخص محمد عز الدين تكريم لكل اهلنا في المدينة |
الاخ صبري الشريف .. اتفق معك ويتفق معي الكثيرون ولعل في مقدمتهم اخونا متوكل توم في ان محمد عز الدين يستحق ان يرتفع بفراشته الي مكتبة يؤمها كل اهل الثقافة بمدني ..
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
مدنى:
جكسا الاسبالية
ظقلة
حيدر قطامة
مدنى:
جمال حامد
خشبة
مدنى:
التوم النمر
عباس كبوش
مدنى:
استاذ النو
استاذ الزين
استاذ ود المجذوب
استاذ صلاح كيمياء
استاذ بشير زمبة
استاذ عبدالله قرفة
استاذ عبدالباقى
استاذ حمد
استاذ قدورة
استاذ الصايغ
مدنى:
مليجى واولاده
نجيكم بى مهلة
سلام للكل
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
مدني يا عصام جبرالله
عم محمد سيد احمد
ومدني شخصية تدعي ابو الاجمار
ومدني سابو
ومدني
الصول علي جميل واصبح رائد شرطة
مدني ال شقدي
ومدني ال نقدالله
مدني اسرة ابو عيسي ومحطتهم ومسجدهم
مدني حوفي
ومدني شيخ شاطوط
مدني ادم شية
مدني استاذ عبد الملك مصطفي العبيد
مدني تعتز بمحاميها حسن حسين حمد واحمد صلاح عووضه
مدني بشجرة معرفتها دانية الثمرات وراجع تاني
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
الاخ معتصم
اقترح تعديل العنوان ليشمل بنات مدني فلهن المكان الذي هو قلب مدني
اخص ام الحسن الشاعرة والمناضلة والدة ناهد جبرالله وامال جبرالله
وعزيزة الغول واحلام جعفر عبد الرازق وعشه الكارب وجميلة الكارب
وجارتنا ميري ووالدتي عشه علي العمرابي او بت رفاعة كما يحلو
لجاراتها ان ينادينها
حواء الشايقية امراة نخلة من نخلات ابو رنات عاشت في مدني
واعطتها نكهة خاصة
زينب زيادة وزميلاتها معلمات المدينة
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
Quote: حيدر قطامة
مدنى:
جمال حامد
خشبة
مدنى:
التوم النمر
عباس كبوش |
يا عصام جبر الله لميت لينا الشفوت كلهم هنا ..
ناس سودانيز اون لاين لو عارفين الاسماء دي شنو تاني غير اولاد مدني مافي زول بخش هنا
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
تحضرنى زخّات من زكريات و رائحة الشيّه تزكم أنفى بين جدران الشقق المغلقه بين أحضان الغربه المقلقه ... أما هناك .. فى مدنى فقد كانت رائحتها تعطر الفضاء البراح ...
و نحن صغارا كانت السينما الوطنيه أو الخواجه هى مبلغ همنا مساء العيد ،
تلك الصفوف المتراصه منذ عصرا باكر و (عابدين) ينظمها و ( أبو العافيه ) تخلو الكنبات من حوله !! و ( ود الفتلى) يستعرض أمام نظراتنا المندهشه ...
و من ثم إلى فول أبو ظريفه أو كشك و من ثم إلى عربيات الباسطه و بداخلها الرتينه ... ثم الذهاب كدّارى الى جزيرة الفيل ..
من منكم لم يحضّر العيد فى مدنى ؟؟؟
كلكم ... و كل ناس مدنى ... و كل السودان بألف خير .
| |
|
|
|
|
|
|
|
|
|
تعالو جاى يا اولاد مدنى (Re: معتصم عيدروس)
|
مشينا العيد وجينا ولفينافى مدنى
وماخلينا حاجة
لكن مالاقينا زول غير
معتصم عيدروس
صدفةبس...طبعا
كنت اتمنى نتلاقى
اكبر كمية من المتداخلين فى البوست دة
لكن الجايات اكتر من الرايحات
شكرا على البوست معتصم عيدروس
(لكن يامعتصم هدوء شديدعلى الطبيعة)
| |
|
|
|
|
|
|
|
|
|
Re: تعالو جاى يا اولاد مدنى (Re: حافظ عبدالعاطى احمد)
|
اها ياحافظ ورينا مدني بقت كيف في العيد
ياحليل زمن ام بارونه وسوق الجلود واكشاك السوق الجديد والمراجيح في ودجيحا وفي فسحة ميدان مدرسة المؤتمر وفي ميدان بانت وياحليل جنينة وقيع الله وياحليل مدني واعياده وفوووووووووووووق فووووووووووووووووووق ودمدني فوووووووووووق
ابومصطفى
| |
|
|
|
|
|
|
|
|
|
Re: تعالو جاى يا اولاد مدنى (Re: حافظ عبدالعاطى احمد)
|
Quote: لكن مالاقينا زول غير
معتصم عيدروس
صدفةبس...طبعا |
ما تنسي نشأت يا حافظ
عموماً رغم انها كانت في فرصة ضيقة الا انها ماشة والجايات اكتر من الرايحات
| Quote: (لكن يامعتصم هدوء شديدعلى الطبيعة) |
وانت يا حافظ داير شنو ... زلززززززززززززززززززززال
-----------
اها شربوت ناس نشأت كيف ؟؟؟؟؟؟؟؟؟ابو لونين
| |
|
|
|
|
|
|
|
|
 Re: تعالو جاى يا اولاد مدنى (Re: معتصم عيدروس)
|
شربوت ناس نشات ابولونين
الكريسيدا!!!!!!
ياالله
حاجة كدة غريبة
رغم الطلة الصغيرة منك
الا انها كانت جميلة ومليانة
واتمنيناانو نلاقى ناس كتار
...............
(مازلززززززززال لكن ود دردق)
| |
|
|
|
|
|
|
|
|
|
Re: تعالوا جاي يا اولاد مدني (Re: معتصم عيدروس)
|
Quote:
دار الامل للاطفال مجهولي الابوين
الدار تقع في حي الواحة قرب نادي النهضة خلف سينما الزمالك
بها اطفال لقطاء عمر يوم الي سنة
الموت زائر يومي
اللبن مشكلة
النظافة مشكلة
الدار تتبع للرعاية الاجتماعية
اللبن المطلوب هو
bebelac 1
N. V. Nutricia
zoetermeer, Holand
Dubai, U.A.E
P.O. BOX 17542
WWW.NUTRICIAME.COM
نقلتها المعلومات دي من العلبة
و دا ارخص لبن هنا
العلبة ب
13.500
جنيه
بس صعب نلقي قروش
انا طبعا بنوتة و انتو قلتوا اولاد يلا مع السلامة |
أخخخخخخخخخخخخخخخخ
يا جماعة الكلام ده ادوه حقه من الاعتبار بالله
| |
|
|
|
|
|
|
|
|
|
Re: تعالوا جاي يا اولاد مدني (Re: قرشـــو)
|
شخصان لا أنسى فضلهما علي ما حييت:
* التوم ابراهيم سنهوري الشهير بالتوم نمر
* عم محمد سيد أحمد
التوم نمر:
كان يصنع الأحذية الرياضية (الكدارات) لمعظم الفرق الرياضية بالمدينة حتى الكبرى منها آنذاك... وكانت كداراته تمتاز بجودتها وصلابتها مما أكسبه شهرة واسعة حتى أن فرق القرى والمدن المجاورة كانو يفضلونه على نظرائه صانعي الكدارات في مدني بل وحتى في أمدرمان ..."إلى أن دخلت الأديداس وقريناتها السودان فصار زبائنه من القرى والفرق الصغرى"
كان مصنعه عبارة عن طاولتين وثلاث مقاعد وماكينة خياطة "جلود" في حيز صغير في براندة مطبعة الجزيرة (تحياتي من هنا لأستاذي مامون بحيري) ومكتبة الفجر التي كانت أشهر أعلام مدني (وتحياتي من هنا أيضاً لصديقي مامون محمد سيد أحمد الذي فيما علمت الآن قد أعاد لها الحياة)...
في هذا الموقع أمضيت زهاء الـ 10 سنوات (في البداية كصبي صانع أحذية ثم صرت صانع أحذية مستقل وأنا أبن ما يزيد على العشر سنوات بقليل)... هنا تعرفت على أصدقاء منهم من لا يزال يواصل التواصل، ولكم أن تتخيلوا الأثر الذي تركته منقطة "استراتيجية" كهذه على الشخصية، وهنا يجيء دور الثاني:
العم محمد سيد أحمد:
من خلال علاقتي بعصام، وأمين صرت أحب هذا الرجل رويدا رويدا، فهو يعطي الانطباع بأنه ذا شخصية صارمة متزمتة... الخ، لكن يملك وراء هذه الصرامة طيبة وظرف غير متناهيين... يأثرك بأناقته وحرصه على تقديم واجب الضيافة أياً كان الظرف...
الهدية التي قدمها لي عم محمد هو أنه كان قد سمح لي بقراءة كل ما أود قراءته من المكتبة فكان لدى حق الدخول لمكتبة الفجر في أي وقت لإستعارة أي كتاب لقراءته ثم إعادته... بحكم السن بدأت بسلسة المكتبة الخضراء فقرأتها عن بكرة أبيها، ثم سلسة أحكي لي، ثم الألغاز، وبعد ذلك سلسلة إقرأ، وعدد غير قليل من المجلدات... حاولت قراءة كتاب "اللامنتمي" لكولن ويلسون لكن لم أفهمه آنذاك...
صرت مفخرة يعتز بها عم محمد بعد التخرج من الجامعة، وموقع حفاوة بالغة عندما أزوره في المكتبة خاصة بعد أن بدأت العمل كمساعد تدريس بالعلوم السياسية جامعة الخرطوم...
(كان التوم نمر يستعين بمهاراتي اللغوية في تعديل أبيات قصئاده التي كان يخطها المرحوم فريد وأشهرها الدنيا مدرسة: كان التوم يطلق على هذا النوع من القصائد "شِعْر الحِكْمة")
ذكريات لا تمحى يا عصام...
ولك الشكر يا عيدروس... سؤال يا عيدروس: هل تجمعك أية علاقة قرابة ولو من بعيد بآل "أبو مشيلح"؟ (جوار جامعة بانت)..
سيف بشير
| |
|
|
|
|
|
|
| |
معتصم عيدروس
حسين يوسف احمد
معتز تروتسكى
.
معتصم الطاهر
keiga2000
محمد سنى دفع الله
nashaat elemam
Saifeldin Gibreel
gamal elsadig
Mahathir
مبيوع
اشرف السر
قرشـــو
عزيز عيسى
jini
محمود ريحان
عاصم احمد محمد أبوحجل
Khalid Kodi
Ahmed El Gasim
فيس بوك
تويتر
انستقرام
يوتيوب
بنتيريست