هذا هو مصير الخرطوم........... حتي النصر

Quote: مدنيين يا حرامي النت ؟؟ قمنا خلاص للتنطط .. إنت مالك ما يتثبت لي كلامك البتقولو ؟؟

Quote: ذنبنا شنو نروح ضحايا أحلام مخربين..

Quote: الإتجرحو و بيوتهم و عرباتهم باظت ديل ذنبهم شنو؟

Quote: كنت اتمنى انو العنوان يكون هذا هومصير النظام .....حتى النصر كنا كلنا وقفنا معاك فيها ، حقيقه انا ماقادرة اصدق الكل يوم البسمعو وبقراه عن الرغبه فى تحويل القتال الى شوراع الخرطوم بالرغم من انكم عارفين ومتاكدين تماما انو المتضرر الاول فيها هو المواطن السودانى البسيط لا النظام ولااعوان النظام بتجيهم حاجه معقوله وصلنا الى الدرجه من حقدنا على بعض درجه اننا بقينا مابنفرق بين الظالم والمظلوم ولاهى سياسة الحصل لى لازم يحصل للباقين ولا اساسا من الاول ماقضيه انتهاك نظام فاسد لحقوق الاخرين بقدر ماهى تصفيه لحسابات باجنده معروفه اخى خالد اتمنى ان تنظر للامور من منطلق ان المواطن السودانى بمختلف اتجاهاتو واثنياته وعرقياته ومعتقداته هو ضحيه لهذا النظام ليس مواطنى دارفور هم وحدهم من عانو ويعانون عارفه انوفى فرق فى المعاناه وانو الحصل فى دارفور من انتهاكات شى فظيع يجب محاسبه من قامو بيها محاسبه عسبرة علشان يكونو عبرة لغيرهم لكن المواطن فى الشمال او الخرطوم ذنبه شنو وبالمنطق الانتو بتتكلمو بيه ده اوبتنادو بيه او بتفتكرو انو ده المفروض يحصل اسمح لى اقول ليك بالمنطق الماشى ده المجموعه المسلحه الصالحت والموجودة الان فى الخرطوم هى تعتبر شريكه للنظام فى كل الجرائم البيقوم بيها طالما قبلو انهم يختو يدهم فى يد ملوثه بدماء الشعب السودانى وطالما قبلو انهم يسكنو فى القصور والمنازل المكيفه ومن اخذو هذة المناصب بااسمهم يعيشون فى خيام لاتقيهم لسعات الشمس وسياط البرودةوطالما قبلو على انفسهم انهم يتناولو تلات وجبات فى اليوم ومن يتحدثون باسمهم لايوجدون مايسدون به رمق صغارهم وبالمنطق ده نقوم برضو احنا اسر شهداء رمضان نطالب بالقصاص من مواطنى دارفور الذين لاحوله لهم ولاقوة لان من قام وشارك باعدام شهدائنا كان بينهم عدد من ابناء دارفور او على اضعف الايمان برضو بنفس المنطق وان تطالب باقى قبائل السودان بمحاكمة كل ابناء دارفور باعتبار ان هذا النظام الدموى الموغل فى الفاشيه من اسسه ودعمه وسانده وشاركه فى كل الانتهاكات التى حدثت كانو من دارفور لقد قال الله فى محكم تنزليه بسم الله الرحمن الرحيم الاتزر وازرة وزر اخرى صدق الله العظيم (سورة النجم الايه 35) ارجو المعذرة لعدم وجود التشكيل فانااكتب بيكىبورد انجليزى تحياتى

Quote: سلام يا خالد.. لا أري في هذا اليوم شبه من ابريل المجيد..الا من وجهة نظر الانقاذ ومن شابهها! أبريل هو شهر الانتفاضه التي لم تستخدم فيها تفجيرات.. شهر توج نضال الشعب فيه بأعظم انتفاضه في تاريخ السودان..وسجلت فيه الحركه الوطنيه تاريخ عظيم.. ابريل وقفت فيه قوات الشعب المسلحه بضباطها الوطنيون الفؤاد يحن لها و يحلم بها تتحقق مرة اخري..نهديها لأبائنا قبل ان نذهب من هذه الفانيه.. أبريل للطغمه الحاكمه ومن شابهها شهر الدم والموت والذبح والدمار.. ففيه قتل علي فضل وذبح شهداء رمضان وبكي كل الوطن فيه حرقه.. مالي اراك تنادي بالدم مثلهم؟ التفجيرات لن تذهب بأرواحهم هم..بل ستذهب بالمواطنين ألابرياء.. ستذهب بالأم وألأب.. والطفل والصديق.. والجار والبائع وغيرهم..وعندما تأتي التفجيارات لن تميز في الأرواح.. سيضيع فيها الأسود والاصفر.. الطفل والشاب.. الفتاه والرجل..لن تنتقي سكان الخرطوم من الانقاذيين ولا حلفائهم من المناطق الأخري..بل ستقتل الآخرين الذين لا سبيل لهم لحماية أنفسهم.. لماذا تفرح بتفجيرهم لأبناء الوطن وأنت الذي تنادي برفع الحروب عن دارفور؟ هل تري ان تفجيرالخرطوم وموت ابرياءها.. يعوض شعور الاخرين بالألم؟ هل ندافع عن كل الوطن أم نرغب في دمار كل الوطن؟ اطالبك أخي بأن تزيل نشيدنا.. نشيد أسر شهداء أبريل من هذا البوست الذي يطالب بالدمار لأهلنا.. شهداء ابريل لم يطلقوا رصاصة واحده وكان في امكانهم فعل ذلك.. شهداء ابريل هم نفس الضباط الذين ضغطوا علي القوات المسلحه مع وطنيين آخرين لمنع الدم.. ونحن اسرهم التي تغنت بالوطن وبأبريل والقصاص من المجرمين.. قصاص يأخذه الشعب في عدل وليس بالتضحيه بالأرواح البريئه والانتقام الأعمي! انه رجاء خاص وأرجو أن تقدره..ابعد بسيرة شهداء أبريل من هذه الروح التي لا تفرق بين المجرم والضحيه.. أرجو أن ترفع هذا التسجيل العظيم من هنا..فلا شهداءنا ولا نحن أسرهم نرضي بالدم البريء.. للأنتقام من حكومة الأنقاذ.. والا فما الفرق بيننا وبينهم؟

Quote: إنَّ الطيورَ لتحنّ إلى أوكارِها، والبهائمَ العجماواتِ لتحافِظ على زرائبِها، غريزةً وجبِلَّة وفطرةً، فسبحان الذي أعطَى كلَّ شيءٍ خَلقَه ثمّ هدى. فما بالنا نقرأ أو نسمع بأن الخرطوم تحترق والناس يرقصون طرباً وفرحاً وشماتة ، إن هذا يوضح ويبين مدي الحقد والكراهية والعفن الذي يغلف قلوب البعض ناهيك عن الجهل والخلط بين معني الوطنية ومعاداة الأنظمة السياسية الخرطوم ليست هي عمر البشير وهي كذلك ليست المؤتمر الوطني وبالضرورة هي ليست المدينة الفاضلة المهمشين في الخرطوم أكثر من ساكن الخرطوم إن جاز التعبير أبناء الجنوب الذين يعيشون في الخرطوم أكثر من أولئك الذين يعيشون في جوبا أبناء دارفور في الخرطوم أكثر من أخوتهم في الفاشر وكتم أبناء الشرق والشمال في الخرطوم أكثر عدداً من أقرانهم في دنقلا وكسلا وسنكات وكوستي وكريمة وبورتسودان الخرطوم هي عاصمة السودان وكان لزاماً عليها أن تحتوي كل أهل السودان الخرطوم لن تتأثر بهرطقات البعض وتمنياتهم فالله أكبر من كل كيد الحاقدين والمارقين فما هي إلا وساوس وتهيؤات من نفوس مريضة – وما حدث في الخرطوم مهما كانت أسبابه والظروف التي تقف وراءه ما هو إلا سحابة عابرة سرعان ما أنقشعت فالمجد للسودان والعزة لأهل السودان والسلام لجميع ربوع السودان والسلامة لعاصمة السودان من كل سوء وكل شر.