|
|
|
 Re: ... هكذا ينسرب العشق (Re: الجندرية)
|
بس، قام عرسها وجابوا الفنانين والحفلة دى مدورة ليك للصباح
اها فى نص الحفلة جة راجل لابس ليه جلابيه كبيرة، شال المكرفون ووقف فى نص المسرح
دقيقة دقيقة ،
ياجماعة دة بوست منو دة؟؟؟؟
اتخيل لى انا داخلة غلط
معليش الرحمابى ، واصل لانو شحتفة الروح دى ما بنقدر عليها ،
لو طولت علينا بتمها براى
لوووووول يالجندرية
| |
 
|
|
|
|
|
|
|
 Re: ... هكذا ينسرب العشق (Re: AlRa7mabi)
|
تماضر ما قلتي الجلابيه كبير وبس والا كانت ملونه وقصيره ... لاني بعرف زول بالشكل ده .... اها يازول ما تطول والا زي ما قالت تماضر حتمها براها ........... لووووووووووووول @ تماضر
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
يا جماعه العشق ده انسرب ونشف كمان الحاصل شنو الزول ده زي المشي يعيد مع اهله وخلاني واقف في الشمس منتظر البت الحديقه اقصد باقي القصه .... ياربي نسوي شنو اتمها برراي زي ما قالوا الاخوات تماضر والجندريه والا ياربي يتموها هم بمعرفتهم غايتو مافي طريقع غيرالانتظار ودمتم احبتي
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
العزيزه تماضر وانا اقدر اتقدم ما انا زول بعشق النظام خلاص وراكم وبعيد مش الخواجات قالوا ليدز فيرست وتسلمي يالعزيزه وشوفوا لينا طريقه في تتمت القصه
| |
|
|
|
|
|
|
|
|
|
Re: ... هكذا ينسرب العشق (Re: willeim andrea)
|
بس قامت المرة المشلخة دى دعكت ايدها فى الواطة وقالت كان ما الراجل ابجلابيتن عريضة دة نزل من المسرح
ما بقطعوا الرحط
ام العريس زعلت وقالت لاهل العريس اركبوا البصات انرجع اهلنا
بس الاجاويد وقعت قورشونص
.......
واصلوا معاى يا شباب الرحمابى دة ما اظن يجى قريب دة
لما يرجع يلقانا غسلنا الحلل وقشينا الحوش
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
كل عام وانتم بخير
الجندرية
ولا أبلين
واللخ اخجلتوبي ولا الأصح أخجلتموني
المهم قطعتوا مصاريني من الضحك
والله جاتني فكرة انو نواصل على هذا المنوال
وكل واحد من الماشركين يكون من - الشخوص - بتاعة الكبكبة الحاصلة دي ولا رايكم شنو
تماضر
آمنت أنو الابداع لا بنشحد ولا بنسرق
لكنو موووكر في الدواخل
وهبشة بسيطة بتخلي الحرف ينزف
والله دلقتي كل حروفك والواتنك على هذه الصحفة
حتى بدت بهذه الروعة
وليم انديرا
يا حبيبي والله تباري الحريم ديل امرقوك من الجنة وسقطا
انت نسيت جدنا الكبير
يا جماعة اجازة العيد كانت طويلة جدا
هنا في مسقط ، والنت غير متاح لي إلا في اوقات محددة
هذا هو السبب وراء - انسرابي - كما قالت الجندرية
لكن بي جد وجدت ان لو العمل استمر على
هذه المداعبات حا يكون أفضل
على العموم سأواصل لكن - طريقتي- الخاصة
يعني لن استرسل باسلوب الروايات
وكل واحد ذنبو على جنبو
شكراً
رحمابي
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
لا والله يا تماضر
ما حقتي براي
تملكني احساس انها حاجة مشتركة
وكل واحد فينا يضفى عليها من نفسه وروحه
وهكذا احببتها
وارجو ان نتمها جميعا
ولك خالص التحايا
رحمابي
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
الجندرية
انتى ما مصدقة ادونا قصة ولا شنو؟؟؟
نتمها برانا
ناولينى اللبرة والخيت ديل
والليفة والصابونة الجنبك دى
والخور القدامك دة ما تقعى فيه بنحتاج ليه فى تمومة القصة
امكن البطل يكون داير ينتحر ولا كدة
عليك الله ما بلقى لى عندك حبة غرنجال؟؟؟
لما تجى جيبى معاك سكسك وخرز وكستبانة وطاقة دبلان وتوبين ليلى علوى وكردان وجزمة رجاليه نمرة تلتاشر
وحيطة الاسمنت المقبلة على البحر دى بتنفعنا عشان البطلة بتمشى تنزوى هناك مرات هروبا من القيود الاجتماعية،
دايرين كمان نحجز ليناصالة فندق فيها مطعم للمشاهد الرومانسية
اتخيل لى بس فضل قطر ولا طيارة للرحلات الطويلة
ويكون القصة ماشة على الكملة
خلاص
يازولة عديلة
لو احتجت لى حاجة تانية بكلمك
اها نبدا التمومة من وين؟؟؟؟
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
الحبيب الرحمابي ... كل سنه وانته طيبه والقابله علي امانيك ... يعني بعد ما تشطب علي الكوارع حتي تظهر في المنبر....... اها بخصوص الانسراب ... غايتو انا من ناحيتي موافق بس حسب الترتيب الذكرته انته اها الدور عليك يالجندريه
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
ناس العرس
تماضر والجندرية
والله فيكن الخير ، لكن هل كل الروايات الشرقية بتنتهي بزواج
البطل والبطلة
يعني شواكيش - نهي - زي ما بقولوا الهنود
وليم أندريا
منظم الحفلة الرائع
ووزير العريس
أشكرك على رحابة صدرك ، وحى نتمها ما تخاف
بس الجزء الآتي كان يفترض رقم اتنين
لكن دا ما بفوت على فطنتكم، ودائما بحب
شوية البهارات دي
الزائر الرائع
وررررروووك
أولا بشكرك على ما قمت به بخصوص صورت أمورتي صفاء
وفيك الخير والله
واشارتك للآبيات الجميلة
فعلا في الحب دا الناس بتصبح زي الأطفال
كلما تهب ليهو - حاجة - بقول هل من مزيد
وارجو انك ما - تنسرب - مننا
وكي شايف الخطة بقت تلاتة اتنين
لووول يا تماضر والجندرية
تحياتي
رحمابي
| |
|
|
|
|
|
|
|
|
 Re: ... هكذا ينسرب العشق (Re: AlRa7mabi)
|
أخى /عبد الرحمن
لطالما أُعجبت بكلماتك
فى طياتها عُمق آخاذ
لا أدرى ما ذا تحمل
فيها شى غريب لم أستطع وصفه
كأنها مأخؤذه من عالم آخر
عموماً
كلمات الإطراء العاديه لاتوفيها حقها
لذلك أُعذر تقصيرى فى إعطائها ما تستحق
وفى إنتظارك على آحر من الجمر
| |
|
|
|
|
|
|
|
|
 Re: ... هكذا ينسرب العشق (Re: AlRa7mabi)
|
الرحمابي أول حاجة ما شاء الله بتك عسل الله يحفظها ليك
بعدين أنا وقفت في الصف ، لاكين دحين يا خوي الشغلانة دي ما شحتفت روحنا شديد خلااااااااااااااااااااس
تماضر العسل ، ضحكتيني الله يفرحك كمان وكمان ، أها وقفتي وين ؟ آآآآآآآآآآآآه ….
أها العريس مسكتو الهاشمية ، قال حررررم مرتي ما بترقص ، والمشكلة قامت ليك ودخلوا الاجاويد ، والساعة العروس تقوم تتنفض ليك ، وتطير ليك عويناتها ، هوووووووووووي يا …( الرحمابي هو إسمو منو ؟؟ ) ، المهم ، أنا ما كسرت ضهري شهرين بتعلم شان تجي تقول لي ما ترقصي ، برقص يعني برقص ، قام الراجل اتحمشن ليك قال ليها علي بالطلاق رقيص ماف ، والساعة التقوم ليك فلانة الغناية …
أسو أسو أسو القديم نسو ؟؟ والعروس أنبسطت ليك بسطة ، قالت ليها : عدلوا حالهم وجو ؟؟ اها صاحبنا زي الضربتو كهربا ، طار فووووووق وجا نازل ، كمان فيها قديم ؟؟ انت طالق ، طالق ، …إلخ ، رمى يجي خمسين طلقة كدي ، أها أبو العروس جا جاري ليك فاكي الروري ، جرستينا ، فضحتينا ، وديك في غناها ، يا يابا شن سويت ، أنا ما أبيت البيت ، أنا بس بريد زولي ، المعاهو من تبيت ……
يا اخواني أنا نفسي انقطع !! أنتو فاهمين شي ؟؟
وده كلوووووووووو كوم ، والصف الأبي يمشي شبر ده كوم تاني ، الله يتوب علينا احنا من شغلة العيش دي ، محل ما نمشي لاحقانا
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
وجن
كثيراً ما أسرتينا برقيق مفرداتك
وكنا نصمت دون تعليق ،
وهذا الذي معنا جزءٌٌ مما عندكم
والله عاجز عن الشكر
أهل العوض
ها زول حمدلله بالسلام
وحجا مبروراً إن شاء الله
وشاكر ليك لرفع البوست
وكذلك لرأيك الجميل فيه
توونا
أشكرك لإعجابك بالبنت الشقية صفاء
وربنا يخليك
والله الحفلة من أولها شكلتها واقفة لرب السماء
يا جماعة ما تروقوا المنقة شوية
والله ضحكتوني كتير
بعيد العريس دا ما لو مابي الرقيص
الله يكضب الشينة
وما ملاحظة ناس العرس الأصليين مسجلين غياب
الجندرية وعرفناها زعلان عشان
ما خلوها تمشى قناة الجزيرة
قالت آيه ، واحدة ركب راسوا وحماها تمشي
دا إمكن التقاليد أو - التراث - أو العادات
تماضر شيفها فتحت ليها نفاج فيه عبق جميل
وشاعرية مرهفة مع الود محمد البارس
ووورروك قال لينا ما تحزنوا
طيب وليم اندريا دا وين مشى
عايز واحد يشوفوا في محل الجكس بي هناك
تحياتي
سوف نواصل
رحمابي
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
و عشان ما نحزن
لازم نكون قاعدين عندك هنا
و بالمناسبة شايف القصة جابت ليها فلاش باك
دا لزوم زيادة الشحتفة و لا كيف يا ملك؟
ولسع منتظرين
و يبقي الأمل
تونة
الله إجازيك بالخير والله ضحكتيني ضحك في قصة الرقيص دى
| |
|
|
|
|
|
|
|
|
|
Re: ... هكذا ينسرب العشق (Re: woroorrook)
|
تونا تتجازى
لوووول
اها عم الولد جة من السعودية يا دوب ما عارف اى شى عن العرس دة
لما مافى زول ظهر فى المطار ركب تكسى وجة البيت ، شايل شنط الشيلة فى الضهرية
جايى من هناك يخطب منو؟؟؟؟ العروس دى زاتها
وبس
....
اريتوما وصل وشاف الحفلة وعرف القصة
عاد الراجل دة عمل عمايل
واتهابل هبالة
وجوعر جنس جوعار
كييييف ود اخوه يلحق لامن يعرس المرة الهو خاتيها فى بالو
اجى؟؟؟ ويعرفوك كيفن يا سجم الرماد؟؟
لا نضمت
لاوريت زول
لا اتقدمت
عاد الناس يشموهو فى اضافرينهم
والساعة اليكورك ليك باعلى صوت
تعالوا شوفوا الشنط دى فيها شنو؟؟؟
افتحوها شوفوها فيها شنو؟؟؟
عوارة السواد والرماد
اها واصلوا
| |
|
|
|
|
|
|
|
|
|
Re: ... هكذا ينسرب العشق (Re: willeim andrea)
|
الرحمابي
كيفك
والله يا اخي ما زعلانة ، ولم يكن الأمر كما حسبت ، ليته كان يتوقف على النظرة التراثية للأمر ـ لو كانت مطلوبة أصلا ـ لأتى قمة في الحداثة ولذهبت وانجعصت وتفلسفت وقلت ما لم يقله مالك في الخمر ، لكن الأمر كان يتوقف على حسابات أخرى وشاءت الأقدار أن لا تنجح ، قدر الله وما شاء فعل ، أكيد خير .
المهم يا سيدي
غالباً يتوقع القارئ / ة مصائر شخصيات القصة او الرواية التي بين يديه ، من خلال بناء الشخصيات نفسها وسير الأحدث في النص ، شخصياً اسعد كثيراً حينما ينجح الكاتب / ة في كسر أفق انتظاري ، وإصابتي بالحمى ، وإن لم يفعل فيما يتعلق بالمصائر ، يغفر له / لها ذلك كسره على مستوى التقنيات ولعبه عليها ، فإن لم يفعل / تفعل هذه أيضاً ، سألعنه / ها واندم على وقتي الذي أضعته في قراءة هطرقاته/ ها ، فالإبداع هو كسر التوقع ، كسر الثابت /الساكن /القديم أو بالأقل خلخلته .
ها أنت تفعل وتنجو من لعناتي ، لك تقديري
اسمع زولك بتاع الخط التاني من المسجل دا ما اظنو يقدر على الشاكوش ، حينتحر بطريقة ما والطرق كثيرة أو يجين
اها الحصل ليهو شنو
لووووول ياتماضر
شكلك دايره عكاز الرحمابي يصلك بالجد
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
وررروووك
ربما لم تكن شحتفة روح
، ولكنها محاولة لفك سور التقليدية والرتابة
حتى لا يكون الكلام مجرد سرد كأن يكون مثلا ذهب ، وحضر ، وخرج
، أي هناك تقديم وتأخير للآحداث
الزمانية والمكانية
أرجو أن أخل بوحدة الموضوع
تماضر
والله ما شايفك جيباها البر أبداً
شواكيشك تخلي الواحد يتخازز
ويتلفت بي وراهو
الجندرية
لا تدرى سحر كلمات ، لأنها على ما أظن خرجت
من ثوب المجاملة الى الدخول الي متن العمل نفسه
وإن كان بصورة
( خفيفة)
لكن وما يدريك أنهما شخصيتن مختلفتين
أليس وارداً أن يكون
البطل هو هو نفسه
وليم اندريا
تاريك معنا ، والله انا قايلك غتست ليك
في محلا موكر
تلسم يا الغالي
تحياتي
رحمابي
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
الجندرية
جارة ناس العرس الصامدة
شكرا لجهد المتابعة
وما تخافي مش حا نتأخر
تماضر
صدقيني زي البديت أخجل من هذا الكلام
أقوم اصدق بالجد
اشكرك جزيلا ، والولد محمد داك أبقي عليه عشرة.
تحياتي
رحمابي
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
الرحمابي
سلام
الديويتو الشغلتو للجماعة ديل ما خطيييييييير
كل منهما شغال في منلوجو الخاص وخليتنا نسمعوا دويتو
جنس شطارة وانت تنطط بالسارد من داخلي لي خارجي زي حصان الشطرنج
بس بقيت عامل لينا زي مسلسلات الاذاعية السودانية زمان
لكن ديك على الاقل بنكون عارفين مواعيد الحلقة الجاية
نسوي شنو عاد .. ما في غير نصبر
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
تماضر يا بت امي ، الشغلة جابت ليها سفر !! عاد أكان كدي حا نقعد نحرس ونرجي عصام العريس لامن يجي راجع من السفر لكن هسي الناس تقول شنو ؟ تقول خلى عروسو وهج ؟؟ ما بيقولوا شان عرسها مغستن بس في ديك الطلقها !! لا بريدها لا شي ، كلها يومين واديها ورقا .. الجندرية يا ختي الشغلة ما شغلتنا والله لكن الظروف جبرتنا نقعد نحرس في الرحمابي لامن يحن علينا ، مسلسل قال ، يا بتي مسلسل الرحمابي ده إلا كان مسلسل مدبلج أبو مية خمسة وخمسين حلقة داك ...لوووووووول
هوي بي ، هوي بي ، عصام العريس يا الله تتما لييييي … عشان نحن نفسنا ده انقطع من الجري ورا البوست ده …لول
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
تونه
الله يجازي شيطانك
هوي بي ، هوي بي ، عصام العريس يا الله تتما لييييي
الكلام دا بجيبوه من وين
والله فطستيني عديل كده
وعشانك ، وعشان الجماعة المشرورين ديل
هاكم مرة واحدة باقي الحكى
وتسلموا
رحمابي
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
احححححححححي...
اخيرا.... ما قادرة اصدق
طبعا انا يا الرحمابي متابعة من الأول
لكن قلت قصة الرحمابي احسن اختبار للصبر
وقررت انى ما اكتب اي شى مهما استفزيتنى لحدي ما تنتهى
وقمت اخدت نفس طويييييييييييل وحبسته و فضلت ماسكاه لمن قرب ينقطع
و ما اكذب علييك... كم مرة كدة قربتا تغلبنى
ومرة كدة القدر وقف معاى ... والله بعد ما كتبت الرد
قام النت فصل ....تصدق
لكن بينى وبينك سلييت روحى...
والله مبالغة...
عارف انا قلت الموضوع دا نهايتو شاكوش فاهم
لكن الحمد لله الله ستر
والله القصة رهييبة و انت رائع
الله يديمك ويدييم ابداعك
زمرد
| |
|
|
|
|
|
|
|
|
|
Re: ... هكذا ينسرب العشق (Re: وجن)
|
يخسي عليك يارحمابي
مابتلكزني مالك تقول لي الليلة الحلقة الأخيرة
انا ماغاتسه في رقيص العروس حق تماضر مالك ما جيت تحضر
ولا انت تبع ناس رقيص العروس عيب
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
أيوي يوي يوي يوي يووووووووووووووووووووووي يا الرحمابي !! والله لامن انبسطت ! لوووووووول
أحححححححح ، حمد لله على السلامة ، أنا والله قايلاك بعد شحتفة الروح دي كلها حتجي تقول لينا ، وكل يتم على مزاجو ! لول ، والله كنت انتحرت ليك ، بس الحمد لله جات سليمة، والعرس تم على خير
بعد ده جا دور الشبيبة ، ناس تماضر والجندرية وزمرد وتونا ، ناس الربة ، أنا غايتو علي الغناية ، والباقيين علييهم الهجيج ،
يا زمرد= أمشي كدي سخني الدلوكة نشوف الحاصل شنو ، تماضر هي قولي بسم الله ، متين غنينا عشان تقومي تكشفي ؟ ما تروقي المنقة ، لووووووول
أها أرح ،
ما قال بجي مالو ماجا
الجعلي بجي مالو ما جا
الشايقي بجي مالو ما جا
لووووووووووووووووووووول
الرحمابي الله يسلم لينا قلمك ياخي ، ويخلي ليك صفاء السكر دي ، بالمناسبة انا عاملاها في خلفية الشاشة كتارات كتارات ، عشان بعدين اجيب لي بت بتشبها كدي ، غايتو إلا أعرس ليوناردو دي كابريو ، ولا ابن عبد ربو داك ، عشان بي شناتي دي مافي أي امل ، لووووووول
| |
|
|
|
|
|
|
|
|
|
Re: ... هكذا ينسرب العشق (Re: toona)
|
رحمابى
تعرف مع انه القصة عجبتنى
لكن قلت ياريت كان ما تميتها
عشان نشوف الجماعة الطيبين ديل بتموها كيف بهترشتهم دى
والله طلعتونى من الجو الكنت فيه
يديكم العافية يارب
تسلمو كلكم
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
وااااااااااااي يا تماضر ، اتي كنتي وين ياختي ؟ هسي برقصوا في عروسن ، ااااي مشيتي تكابسي وتتممي علي الاتعشي والما اتعشي ، لغاية ما الحفلة انتهت ؟؟
فاتتك حلاة ربة لاكن ، عاد الجندرية دي سوت سوا ، وعملت عمايل ، خليه ساكت ، شيتن كشف بالاكتاف ، وشيتن بالرقبة ، والله عقدتنا زاتو ، انا دي قعدت في الواطة فاتحة خشمي زي الهبلة ، لوووووووووول
أها وجاك وروروك داك عاااااااد اسكتي ساكت ، في النص ، جنس بشير وجنس شبالات هي ، ولا الكشف ، ووووووب ، مافي زول بلحقوا غايتو ، وارح يا الجندرية كب كب ، والجندرية ديك تحتو ليك ، وانا عاد زي درويش الحلة ،زغاريد ساااااااااكت
لوووووووووووووووووووول
اها كدي نمشي نشوف الرقيص واجي اتما ليكي يا مسكينة
| |
|
|
|
|
|
|
|
|
|
Re: ... هكذا ينسرب العشق (Re: Yassir7anna)
|
لووووول يا تونة
بالغت عديل
لكن انا فاتنتي نص الحفلة
مشيت اشوف عروس تماضر
وبعدين الزوجات البتعرضن للعنف والضرب
لمن جيت كنت داير لي فاصل كامل عاشن اجي في المود
الله يجازي محنك لكن
| |
|
|
|
|
|
|
|
|
|
Re: ... هكذا ينسرب العشق (Re: الجندرية)
|
النقدة يا شباب
يا تونة عليك الله زغرودة تانية
عشان العروس جابوها
للرقصة التانية البى اللبسة التركوازية
ابشر يالرحمابي
قصدى يا عصام
دا اليوم الدايرينو لييك يا عصام
مبروك عليك
الكابى ديسا حلاتا زهرة و داعصام عريسا
ويعلو صوت الغناية:
النقدة يا خوانا... المابتصفيق انشاالله ما يعريسوها
ويعلو صوت التصفيق ... حتى العروس قعدت تصفق
الا العريس قال ليها لا ما انتى
اها دا كلو كوم وتونة كوم تانى
تونة كانت في الأول من ما يدوقو الدلوكة
تقوم ترقص قايلا نفسها العروس ... قدر ما الناس قالو ليها اقعدى
دايريين نشوف ..مافي فايدة
اها من ما سمعت
المابتصفيق انشاالله ما يعريسوها
البت قامت تصفق زى الما نصيحة
اكان الغناية سكتت هي ما بيتقيف
الحفلة انتهت ....والبت تصفق
الناس رجعت بيوتا و نامت .. وتونة تصفق
ولي قعيدتي معاكم دي ..هي بيتصفق
والله البت دي شفقانة شفقة
غايتو الله يسعدها.. ويعرس ليها .. ويريحنا
ياخوانا بينادونى ....
امشى واجى اتم ليكم قصة تونة
سلامى ليكم
زمرد
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
أولا بعتذر ، النت كان معلصج معاي يومين
وبشكركم للتواصل
زمردzomorrod
والله دا شرف كبير لي أنو في ناس متابعة ، أنا كنت فاكر أنو المماسيخ المعاي دل بس هم زملان الشقا الموسم بوجع الغربة بس ، والناس المارقة للحارة ناس جندريتنا وتماضرنا ، وناس الربة هناك الظريفين ، وشكرا للكلام البنقط عسل . تسلمي .
وجنا العزيزة
وأنا أعرف انو بين خبايا أسطرك ترفل كلمات ليست كالكلمات .. ولا تترددي ,اكشفي عن كتابك بقوة حتى تخرجي لنا مكامن الدرر ، واشكرك مرة أخرى للمجاملة الرقيقة تسلمي .
الجندرية
والله افتقدناك ، رديت عليك برد خاص بين جوانحه يحمل ما يتعلق بالقاصة هدى العطاس ، وكما تعلمي عامل المفاجاءة في الخاتمة دائما أفضل ، وكل واحد مستني الشاكوش ، أنا ما بتاع كده أنا زول حنين يا جماعة أميل دائما للفرح وكل رصيدي في الدنيا التفاؤل والإبتسام . تسلمي
الظريف وورررروووكoroorrook
شايفك تسالم في الزهور ، وكأن لسان حالك يقول أريتو بي حالي ، ، فعلا أريتو بي حالك ، وماتخاف بس انت كمل قرايتك والبت صفوية في انتظار ، بس لو اتخرت حمادة ولد ياسر حنا شايفو افرفر .
toona
صاحبتنا تونا الظريفة
شايفك وسط الربة ، بس أوعك تتخيلي نفسك راكبة في ركشة ومعاك فردة ، يقوم اللستك يطق تقولي هي عقدوا . لوووول ، وبشكرك بعمق على اعجابك بالبنت صفوية ، وارجوك ادعي ليها بالشفاء ، اليومين ديل مريضة جداً ، والله حالتها تحنن ، واكيد انتي حا تلقي واحد في وسامة دي كابريو آه ، لا زلت أذكر ذلك المشهد وهما يقفان على حافة السفينة التي قيل انها السفية التي لا تغرق أبداً ، والشراع يرفرف معلناً انحيازه للحرية الأبدية ، وكان ذلك آخر فلم اشاهده وبعده طلقت السينما بالتلاتة ، مرة أخرى اشكرك على تفاعلك مع الشلة.
دريمزdreams
صديقتنا الرائعة
لم أكن أدر بأن هناك خلف الغمام أنفاسا رائعة تتابعنا في ميول صريح وتوقيع على بياض لمعنى الفرح ، والحمد لله انك خرجتي من أجوائك الي عالمنا العبق الذي يفوح منه عبير وعبق المحبة
Tumadir
تماضرنا
لكن انتي فايقة لي من مبارات ضرب الرجال لي النسوان ، الكلام دا وين ؟ نحن بوستينا دا مافيهو فجة واحده لجنس دا ، عنوانا دائما المحبة والوئام والعناق دون فراااق ، لووول.
ياسر حناYassir7anna
والله عالم جبانات بشكل ، وبعدين تعال الولد محمد دا ايفو بغمز بي طرف عينو للبت صفوية دي ، يا زول أمسك الولد عليك ، البت دي خلاص حجزناها لي ورورروك الجرسة ، وما في داعي للإحراج.
تحياتي لجميع
رحمابي
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
واااااي يا الرحمابي ، ما اكون دي انا بس ، عشان ببوس صفوية كل ما افتح الشي دا ! أكون عاديتها ليك بالنزلة ، لاكن كلام سحرتي لينا بتنا ده ماف ، عشان انا كلو ما اعاين ليها ساكت اقول ما شاء الله ، الله يشفيها يا رب ويقومها لينا بالسلامة
بعدين تعال هنا ، أنا اشيل واتجرس ، واشيل واتكبكب ، وشي اسويها خلفية شاشة ، وشي أقطع فيها قصايد ، تجي تقول لي ود ياسر حنا ووروروك ؟؟ والله بالغت عديل يا الرحمابي !! اول شي الود وروروك ده شناة شديدة ، والبت صفوية دي بت سكر بس ، حرام تضيع مستقبلها ، ( وفي اضانك كده ، وروروك ده محجوز يا ود امي ، بس ما تكلم زول ) لول
لوووووووووول يا زمرد ، والله قطعتي مصاريني بالضحك ، عاد لاكن اسوي شنو ، البورة ما بنقدر عليها ، هو بلا كدي الناس جارية عكس ، لامن تجيب ليها دعوات غنايات كمان ؟ لول ،
ناس العرس ، وينكم ؟ من يوم ما ودينا الفطور تاني ما شفناكم ؟ انشاء الله خير ؟ واااااااي إتو لسة معا سكينة المعطها راجلها وسط الحلة ؟ ياخواني ود ناس ست النفر ديل ما جرس نسوان الحلة دي جرس تقيلة لاكن ..اكان في داعي يسكها بالمفراكة وسط بيوت اولاد الشيخ ؟ الكلام ده ما اعوج منو لاكن …ولا كلتوم الشمشارة ، جات جارية ليك توبا نصو في يدها والباقي جارا وراها ، حلة ملاحها لحقت حلة الخواض !
الجندرية عساكي طيبة من نقزي اليوم داك ، أنا قتا بس بتجيكي قطايع يا بت امي لووووووووول
| |
|
|
|
|
|
|
|
|
 Re: ... هكذا ينسرب العشق (Re: woroorrook)
|
كما امسك القلم واوقف سنه على بداية سطر في ورقه
بحثا عن بدايه
توقفت يداي هنا على الكيبورد وانا ابحث عن حروف يمكن ان انظمها
لكني اجد 000 اني احييك على هذا الجمال ولن لم تكمله
رائع سردك ربما قالها غيري فلم يتسنى لي قراءة كل البوستات
الكبير جدا قلما وحسا 000 الاستاذ عبد الرحمن
لك كل التقدير والاحترام
لكني حقا اتمنى ان تكون نهايه جميله
ايماننا بالحب من النظرة الاولى شئ قديم
لكن ايماننا بالصداقه شئ اكبر
لك احترامي دوما
القاكم باذن الله
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
رحمابي
جدو رائعة ما كتبت
ولكم انا محظوظ ان اتصفح هذه الكتابات التي ان دلت انما تدل على القدره على تطويع الحروف لتنساب كلامات يتفطر القلب اليها وتزداد الرغبة في المزيد منها
اشكرك على ما كتبت وكن على ثقه انني سوف اكون من المتابعين لما تكتب
أخوك ابوفاطمه
| |
|
|
|
|
|
|
|
|
|
Re: ... هكذا ينسرب العشق (Re: ابو فاطمه)
|
الحميم رحمابي
في زمان عائد من صفوف الخبز
ومن صروف الرماح
والهجر المتعمد
ها أنت تعيد إلى الأشياء أشياءها
وإلى الزمان زمانه
وإلى السرد رونقه
وإلى الكلام معناه
ولا أملك إلا أن أهديك (مصائر .. (قصة قصيرة)؛) علها تقوم مقام الأشياء الصغيرة
التي يتبادلها الأحباب، التي يقال أنها لا تشترى
وأستطيع أن أنام قريرا، لأني أثق أنك تحرس أحد أبواب مدينتنا بحرص ومثابرة
أبكر آدم إسماعيل
| |
|
|
|
|
|
|
|
|
|
... هكذا ينسرب العشق (Re: AlRa7mabi)
|
الأخت نور الهدى
أولا حمد لله بالسلام ، ونتمنى أن يعاود قلمك نثر عطره على صفحات البورد المخملية
وأما إيمانك بالصداقة ، فإيماننا بها مضاعف
وأنا فعلا سعيد وفخور بهذه الصداقة
ولم نخذلك أبداً .. فقد كانت النهاية سعيدة .
الزائر العزيز أبو فاطمه
بل أنا من أسعده الحظ بأن مررت أنت على هذا البساط المتواضع ، والذي أردنا له
أن يسع كل القلوب العطوفه التي ترسل إشارات حنانها كذبذبات ليلتقطها
كل محب للخير والفرح ، مرحب بك .
د. أبكر آدم اسماعيل
وأنا الذي عندما – أخربش – يكون كل هاجسي أن ألا أتغول على مقامات جليلة ، وأن لا أصيب جسد الأدب بشظية ركاكاة ، فتريد أن تأمني على أبوابكم الحصينة ؟؟؟
د. أبكر ، لك عميق شكري وتقديري ..
رحمابي
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
البوست ده مريح و لذيذ.... تحيه للمشاركين كلهم... و استئذنكم للقعاد معكم بجاي لأنو البورد مصاب بحالة تجهم و جديه زايدة الأيام دي.... يا رحمابي كتابتك... ما عارف أقول ليك شنو... يعني مسبكه... مصلحه... منعنعه... ذكرتني عباره لكاتب مصري بتقول: واحد احساس مظبوط من فضلك...
بس ما تغيب كتير
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
ياسر محجوب
وها أنت تأتينا ونلمح بين غيابك وحضورك البهي
الق تلك الكلمات المرهفة والتي كثيرا ما حملتنا معها
في رحلة الي عوالم حالمة مرهفة
لا تسعني الفرحة بهذا المقدم الجميل
ياسر أعشق كلامك
لك عميق احترامي
عبدالرحمن
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
أي تعبير يستوفي جمال هذه القصة؟؟؟
عارف يا رحمابي
تبدأ في قراءة هذه الحروف فتلزمك بقراءتها بهدوء وهمس ، علها لا تصاب بكسر وخدش،،، كم هي عالية الجودة والرقة والنعومة
ياخي بالغت
تخيل كل المدة دي بفكر اكتب شنو بالضبط؟؟؟
وللبقية نقول
سلمتوا لهذه الضحكات
يوم بترفدوني غايتو
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
صاحبتي بت قضيم
زي ما بتقول اختنا شيري سلمتي للطلة
وكلماتك التي اثمنها عاليا ، ولعل هذا العشق المنسرب
ينثر علينا عطراً يعبق تلك الأجواء (غير الصحية ) والتي آلمتنا جميعا
ويلا انمضي لمملكتنا ، مملكة الأحلام والمحبة والتسامح
بشكرك بكل صدق
رحمابي
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
العزيز رحمابي
كيف حال الصغار الذين ما تزال تلقنهم عشق البساتين ومعايير المحبة؟
في الغياب المؤقت، كنا يا صديقي نرعى دجاجاتنا اللائي صرن يتكففن الجيران الحبوب، وأمسين نهبا لثعالب العالم الكبار في مواقيت الليل؛
ولكن، رغم أنف العولمة، سيكون لنا حوار مع مسارب العشق، وحكايات العشيات في القرى البعيدة
وكل عام وأنتم بخير
| |
|
|
|
|
|
|
|
|
|
Re: ... هكذا ينسرب العشق (Re: AlRa7mabi)
|
وليتهم يتعلمون يا صديقي د. أبكر
أسمح لي .. أن أناديك صديقي ( رغم أنك شيخي )
وأسمح لي .. أن أعاتبك بالمحبة نفسها
( من غير وداعي ) تدمي قلوبنا .. ونحن الأحبة
وأسمح لي .. أن أعدّل هذا الوشاح/الوسام الذي منحتي
وأسمح لي .. أن ( لا ) أبوح لك بمقدار الشوق الذي أحمل
مرحبا بعودتك ، ولنا التقاءات كتاااار إن شاء الله
عبدالرحمن رحمابي
عصام جبرالله
شرفت الديار يا زين
تسلموا
| |
|
|
|
|
|
|
|
|
|
Re: ... هكذا ينسرب العشق (Re: الجندرية)
|
الرحمابي ، امانة ما فاتتني حفلة وجنس انسراب دا لا مينووين يا ناس عصام ، تعرفو خلا س ان جاتني فكرة مجننونة البوست دا حاحولو عمل كوميدي ما بين نص ك ونصوص ياسر وتماضر وتونة والباقيين طيب يا الهام ما لقينا لينا نص للمهرجان كمان فيهو ناس الجندرية ، دقيقة راجعة يا روميو اقصد عصام وجولييت
| |
|
|
|
|
|
|
| |
AlRa7mabi
الجندرية
Tumadir
willeim andrea
woroorrook
وجن
Ahlalawad
toona
Yassir7anna
نور الهدى
أبكر آدم إسماعيل
Yassir Mahgoub
بت قضيم
عشة بت فاطنة
فيس بوك
تويتر
انستقرام
يوتيوب
بنتيريست