|
|
 وداعا سودانيز أون لاين وكل المنابر السودانية
|
ليتي مِت قبل هذا وكنت نسيا منسيا
ليتني لم اعلم وظللت جاهلا طول عمري
ليتني ما أحببتكم ولا عرفتكم يا ناس البورد
ليتني استطيع أن أواصل رغم جرحي العميق
ليتني وليتني وليتني
أودعك أيها المكان الذي:
غدرني فيه أعز أعزائي
غدرني فيه أصدق اصدقائي
ليتك تركت لي صفرا في المائة للشك أنك لست أنت
ليتك اخبرتني أنك تتلذذ بعد كل طعنة تطعنني إياها
وأنت ترى خنجرك وسكينتك تقطر بدمي الذي جريت فيه
صديقا وعزيزا وحبيبا وقريبا
كنت سآتي لك بعدد السنين خناجرا وسكاكينا
حتى لا تتعب بحثا عنها فتعبك يقتلني ويعذبني
صدمتي فيك أكبر مما كنت أكنه لك
هاتفي اليك اليوم سيكون آخر عهدك بصوتي
وبوستي هذا سيكون آخر عهدك بقلمي وصورتي
لن تراني بعد اليوم ولن تسمع صوت ولا خط أناملي
ولكنك لن تنسى أنك غدرتني وهربت جبنا وخجلا
لن تنسى أنك اسأت لمن لم يسئ إليك ابدا
هل عرفت نفسك ؟؟
لا يغرنك خطابي المذكر
قد تكون ذكرا وقد تكونين أنثى
يقيني أنك عرفت نفسك ...
وداعا أحبتي جميعا ـ وداعا محمد حسبو ـ هنادي يوسف ـ خالد أحمد ـ ود رميلة ـ كي كي اللعين
وداعا تراجي ـ بشاشا ـ ابكرينا ـ رندا حاتم ـ ابوبكر الأمين - عادل عبد العاطي - رقم صفر
وداعا بيان ـ أساس ـ فيصل نوبي ـ عبد المنعم سليمان ـ رافت ميلاد وداعا جميعا
وداعا كل من ناكفته أو خاصمته
وداعا كل من لاطفته ووانسته
وداعا بكري ابوبكر ولك شكري وتقديري
أقسم بالله أنني اودعكم ودموعي لا تنحبس
احبكم جميعا جميعا جميعا
|
|
 
|
|
|
|
|
|
|
|
Re: وداعا سودانيز أون لاين وكل المنابر السودانية (Re: معتز القريش)
|
Quote: غدرني فيه أصدق اصدقائي
ليتك تركت لي صفرا في المائة للشك أنك لست أنت
ليتك اخبرتني أنك تتلذذ بعد كل طعنة تطعنني إياها
وأنت ترى خنجرك وسكينتك تقطر بدمي الذي جريت فيه
صديقا وعزيزا وحبيبا وقريبا
كنت سآتي لك بعدد السنين خناجرا وسكاكينا
حتى لا تتعب بحثا عنها فتعبك يقتلني ويعذبني
صدمتي فيك أكبر مما كنت أكنه لك
هاتفي اليك اليوم سيكون آخر عهدك بصوتي
وبوستي هذا سيكون آخر عهدك بقلمي وصورتي
لن تراني بعد اليوم ولن تسمع صوت ولا خط أناملي
ولكنك لن تنسى أنك غدرتني وهربت جبنا وخجلا
لن تنسى أنك اسأت لمن لم يسئ إليك ابدا
هل عرفت نفسك ؟؟
لا يغرنك خطابي المذكر
قد تكون ذكرا وقد تكونين أنثى
يقيني أنك عرفت نفسك ...
|
الحاصل شنو يا معتز؟
أخد ليك راحة إسبوعين تلاتة ..
وتعال راجع..
لكن تمشي نهائي دي ما مقبولة..
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: عبدالكريم الامين احمد)
|
عارف يا معتز المشكلة وين ؟؟
انه بندي البوردات دي والاثير اكبر من حجمها الحقيقي وبندخلها في حياتنا الشخصية ..
الكلام دا سبب المشكلة الرئيسية ..المنبر دا زيو زي اي جريدة الزول المفروض يتعامل معاهو
قدر ما هو عليه يعني موقع بتاع حوار سوداني تبدى فيهو وجهات نظرك تحرتم نفسك فيهو وما تسيى لي زول وتحفظ للناس قدرها بالتالي مفروض يحفظوا ليك قدرك ..
حياتنا الشخصية الخارج البورد دي حقتنا برانا لا ضير من بعض الفتات الجميلة من تهاني وتعازي ومجاملات ما بنقدر كسودانين نخليها
لكن تعاملنا مع المنتدي علي انه زيه زي البيت او مكان العمل او ما شابه بيدخل الزول في مشكلة مع نفسه في البداية لانه الناس الموجودين هنا ديل معظمهم ما اتقابلوا الا بالكيبوردات ولو بالغوا ضربوا تلفونات لي بعض والقليل فقط اتقابلوا في الواقع للحظات او ساعات ما بتخلي الزول يكون وجهة نظر حقيقية او هي في النهاية مافي داعي ليها زاته وجهة النظر لانه الموضوع كله محض حوار وانتهينا
كونه الطعن يجيك ممن تظنه صديقا وفيا دي يبقي مشكلة فيك انت ما في الموقع لانك انت الوحيد المخير في اختيار من حولك من اصدقاء لتعطيهم اسرارك .. يبقي انحنا هنا ما عندنا اي زنب انك تخلينا وتخلي حوارنا عشان واحد صديقك انت غلط في اختياره ...فمثلا يعني لو صحبك في المدرسة او في العمل طعنك في ضهرك تقوم تخلي مدرستك ولا تخلي الجامعة ؟؟ يا حبيب ادي الزول الغلطه في اختياره دا حجمه الحقيقي وخليهو هو بس وقت تخلينا كلنا هنا كانك بتقول انكم كلكم زي صاحبي دا؟
ولو اصريت تمشي يبقي انت زاتك زيك زي صحبك دا بتطعنا في ضهرنا وبتشكك في نزاهتنا وفي عفة اخلاقنا ودي الحاجة الانحنا ما بنقبلها .
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: اساسي)
|
أساسي قال:
Quote: عارف يا معتز المشكلة وين ؟؟
انه بندي البوردات دي والاثير اكبر من حجمها الحقيقي وبندخلها في حياتنا الشخصية ..
الكلام دا سبب المشكلة الرئيسية ..المنبر دا زيو زي اي جريدة الزول المفروض يتعامل معاهو
قدر ما هو عليه يعني موقع بتاع حوار سوداني تبدى فيهو وجهات نظرك تحرتم نفسك فيهو وما تسيى لي زول وتحفظ للناس قدرها بالتالي مفروض يحفظوا ليك قدرك |
يا معتز أنا أتفق تماما مع "أساسي"
نحنا شعب عاطفي زيادة عن اللزوم و بنشخصن المواضيع على طول...و دا المضيع مجهوداتنا و طاقاتنافي الفاضي.
أنسى يا زول و أرمي وراك....أريتا ما تنت....الشغلة كلها ونسة ساكت...
وداعك مرفوض و غير مقبول...و خللي الحماقة..انت كده خليتهم يوصلوا للعاوزينو...
و في انتظار بوستاتك و مداخلاتك
كمال عبده
| |
|
|
|
|
|
|
|
|
|
لا هذه ليس بالاخلاق ولا القيم النبيلة عش بيننا يا قريش (Re: عبدالله شمس الدين مصطفى)
|
سلامات
وعوافي
صديقي الحبيب
معتز القريش
اولا دعني اغريك شديد المحبة ..
احبك مهما اختلفنا ...
انت انسان طيب ..
قلبك نظيف ..
تقول مافي صدرك .. لا تخبيء رأيك خلف الضحكات ولا الكلام المعبأ بالغمز واللمز..
كلنا نخطيء يا قريش .. ومعظمنا مختلفين في امور شتي..
ليس بيننا انبياء ولا معصومين ..ليس بيننا ملائكة ولا آلهة مقدسة ..
كلنا قد اتكانا علي جدار الخطابا ذات يوم..
وكل منا له سوءاته وخطله وشططه ..
كلنا قد ظلمنا اناس من قبل .. بل واخطانا في تقييمهم ..
وجرحناهم في احاسيسهم ومشاعرهم .. غير اننا ما زلنا موجودين علي امل ان تغسل تصاريف الحياة خطايانا وتزيل عثراتنا ..
وعلي امل ان يفهم الاخرون اننا جميعنا بشر ..
ولدنا لنصارع الخطايا قبل ان نتقن حسن النوايا ..
والخلاف دائما ما يكون بيننا ...
موجود بكل قبحه وسخفه ..
لكنه ليس بدافع لمثل هذه الاساليب المريضة التي تعرضت لها ..
انت لاتستحق يا صديقي كل هذه الاساءة ..
مشين ما حدث لك ..
ومشين ان يكون هناك بشرا بهذه النفسية السقيمة ..
تعرضت لامر جلل يا قريش ..
غير ان الامر لم ياتي من من يستحق فلاتكلف نفسك عناء الحزن ومفارقة اصدقائك ...
نحن نريدك بيننا ..
ماحدث لك ليس من الاخلاق في شي ولا القيم النبيلة التي يجب ان نتحلي بها ..
عش بيننا ياقريش ..
عش بيننا ياحبيبنا ..
لا تذهب ..
...
يا احباب الروح ..
تعرض معتز لحرب عنيفة من صديق ومن "مجموعة مجاهيل" يسبونه في اعز ما يملك ..
لا لشي سوي انه اختلف معهم ..
ان كان معتز في الفترة الاخيرة قد كتب بحدة ..
فهذا رايه ..
ان لم نستطع تصحيح مساره ومحاورته باسلوب يجعل الامور واضحة امامه ..
فنلكن علي قدر من الرجولة والنخوة .. ونقول له ما يعن لنا بلا تخفي وبلا تجريح..
وان كان معتز قد اخطأ فليس من حقنا ان نبادله الخطأ بالخطأ .. وانه لمن انبل المشاعر الانسانية ان ترد الاذية عنك بلطف الانبياء وطيبة الملائكة فهي خيرا من الوقوع في برك الاساءات الآثنة والاساليب الرخيصة ..
ان كان من يكتب لمعتز باسم متخفي يريد ايذاءه فعليه ان يعرف انه قد شرخ وجه الانسانية باسلوبه المريض ..
قد شوه اخلاق الزمالة بهذه الفعلة القبيحة ..
قد دنس نظافة المباديء وصدق النوايا وقد ثوبها من دبر ..
وان كان لديه قدر من الشجاعة ..
فليظهر وليقل رايه امام الجميع مثل مايفعل معتز في خلافاته مع الاخرين ..
وليترك اساليب المرجفين والجبناء العاجزين ..
وليكن قدر رايه وكلامه مثل ما كان معتزا دائما قدر مايقول ..بلا تخفي وبلا خوف صائبا كان ام مخطئا ..
نعم معتز قد اخطأ من قبل .. ولكنه لم يغتغت الكلام بل قال رايه ..
ودخلنا جميعنا ورددناه عن هذا الطريق ..
ربما انه لم يعتزر حينها ولكنه كان في طريقه ليفعل ذلك ...
عرفت معتز قبل سنة فقط ..
ولكني اشهد الله واشهدكم ..
انه رجل طيب وقلبه نظيف برغم الخلافات في الافكار والاراء لكن له روح طفل يثور فجاءة ثم سرعان ما يهدأ ..
معتز لايتعشم في ايذاء احد ..
نعم هذا ليس قصده ..
ربما لم يوصل افكاره بالصورة المثلى ..
هذا ايضا وارد ..
ولكننا ايضا لم نترك له طريق اخرا ليعود منه ..
طفقنا نشتمه ونسبه ونؤذيه بلا رحمة ..
وصفناه باقذع الالفاظ واسواء الالقاب..
وتحمل كل ذلك ..
ولكن ان يصل الامر الي هذا الحد فعفوا هذه ليست باخلاق الرجال ولا النساء العفيفات ..
هذه اخلاق بينها وبين الانسانية فراسخ مديدة من الحيوانية والشيطانية والقبح المعبأ في الاثير ..
عفوا معتز ..
لاتذهب وابقي بيننا ..
لانريد لك الاذية ..
ولا نريدك ان تكون سببا في اذي الاخرين ..
نريدك ان تستوعب الاخرين بلطف ..
وان تترك لهم فسحة من المودة ليستوعبوا ارائك وافكارك ...
وبالمحبة وحدها تلتقي الرؤى وتذوب الاختلافات ..
ولك شديد محبتي واحترامي ..
اخوك ابد الابدين
عبدالرحيم عبدالله عبدالرحيم درار "ودرملية" ..
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: بهاء بكري)
|
معتز قريش ....
قول بسم الله وروق شوية ... انا لسه ما كملت مناكفه معاك ...
الحاله كنت ناوية اعمل ليك زى تمبس وعصام احمد...
اباريك من بوست لى بوست وافور دمك ....
هووووى يا "بلاك نمس" الدنيا دى ما بياخدوها كدا ...
اخد درس من اختك "انا" ... خليك عكليت واخد حقك حمرة عين وايدية...
قرار مردود وغير مقبول اخد ليك "بريك" وتعال صادى ...
منتظرنك ... سمح.
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: معتصم دفع الله)
|
سلامات
وعوافي
صديقي الحبيب
معتز القريش
اولا دعني اغريك شديد المحبة ..
احبك مهما اختلفنا ...
انت انسان طيب ..
قلبك نظيف ..
تقول مافي صدرك .. لا تخبيء رأيك خلف الضحكات ولا الكلام المعبأ بالغمز واللمز..
كلنا نخطيء يا قريش .. ومعظمنا مختلفين في امور شتي..
ليس بيننا انبياء ولا معصومين ..ليس بيننا ملائكة ولا آلهة مقدسة ..
كلنا قد اتكانا علي جدار الخطابا ذات يوم..
وكل منا له سوءاته وخطله وشططه ..
كلنا قد ظلمنا اناس من قبل .. بل واخطانا في تقييمهم ..
وجرحناهم في احاسيسهم ومشاعرهم .. غير اننا ما زلنا موجودين علي امل ان تغسل تصاريف الحياة خطايانا وتزيل عثراتنا ..
وعلي امل ان يفهم الاخرون اننا جميعنا بشر ..
ولدنا لنصارع الخطايا قبل ان نتقن حسن النوايا ..
والخلاف دائما ما يكون بيننا ...
موجود بكل قبحه وسخفه ..
لكنه ليس بدافع لمثل هذه الاساليب المريضة التي تعرضت لها ..
انت لاتستحق يا صديقي كل هذه الاساءة ..
مشين ما حدث لك ..
ومشين ان يكون هناك بشرا بهذه النفسية السقيمة ..
تعرضت لامر جلل يا قريش ..
غير ان الامر لم ياتي من من يستحق فلاتكلف نفسك عناء الحزن ومفارقة اصدقائك ...
نحن نريدك بيننا ..
ماحدث لك ليس من الاخلاق في شي ولا القيم النبيلة التي يجب ان نتحلي بها ..
عش بيننا ياقريش ..
عش بيننا ياحبيبنا ..
لا تذهب ..
...
يا احباب الروح ..
تعرض معتز لحرب عنيفة من صديق ومن "مجموعة مجاهيل" يسبونه في اعز ما يملك ..
لا لشي سوي انه اختلف معهم ..
ان كان معتز في الفترة الاخيرة قد كتب بحدة ..
فهذا رايه ..
ان لم نستطع تصحيح مساره ومحاورته باسلوب يجعل الامور واضحة امامه ..
فنلكن علي قدر من الرجولة والنخوة .. ونقول له ما يعن لنا بلا تخفي وبلا تجريح..
وان كان معتز قد اخطأ فليس من حقنا ان نبادله الخطأ بالخطأ .. وانه لمن انبل المشاعر الانسانية ان ترد الاذية عنك بلطف الانبياء وطيبة الملائكة فهي خيرا من الوقوع في برك الاساءات الآثنة والاساليب الرخيصة ..
ان كان من يكتب لمعتز باسم متخفي يريد ايذاءه فعليه ان يعرف انه قد شرخ وجه الانسانية باسلوبه المريض ..
قد شوه اخلاق الزمالة بهذه الفعلة القبيحة ..
قد دنس نظافة المباديء وصدق النوايا وقد ثوبها من دبر ..
وان كان لديه قدر من الشجاعة ..
فليظهر وليقل رايه امام الجميع مثل مايفعل معتز في خلافاته مع الاخرين ..
وليترك اساليب المرجفين والجبناء العاجزين ..
وليكن قدر رايه وكلامه مثل ما كان معتزا دائما قدر مايقول ..بلا تخفي وبلا خوف صائبا كان ام مخطئا ..
نعم معتز قد اخطأ من قبل .. ولكنه لم يغتغت الكلام بل قال رايه ..
ودخلنا جميعنا ورددناه عن هذا الطريق ..
ربما انه لم يعتزر حينها ولكنه كان في طريقه ليفعل ذلك ...
عرفت معتز قبل سنة فقط ..
ولكني اشهد الله واشهدكم ..
انه رجل طيب وقلبه نظيف برغم الخلافات في الافكار والاراء لكن له روح طفل يثور فجاءة ثم سرعان ما يهدأ ..
معتز لايتعشم في ايذاء احد ..
نعم هذا ليس قصده ..
ربما لم يوصل افكاره بالصورة المثلى ..
هذا ايضا وارد ..
ولكننا ايضا لم نترك له طريق اخرا ليعود منه ..
طفقنا نشتمه ونسبه ونؤذيه بلا رحمة ..
وصفناه باقذع الالفاظ واسواء الالقاب..
وتحمل كل ذلك ..
ولكن ان يصل الامر الي هذا الحد فعفوا هذه ليست باخلاق الرجال ولا النساء العفيفات ..
هذه اخلاق بينها وبين الانسانية فراسخ مديدة من الحيوانية والشيطانية والقبح المعبأ في الاثير ..
عفوا معتز ..
لاتذهب وابقي بيننا ..
لانريد لك الاذية ..
ولا نريدك ان تكون سببا في اذي الاخرين ..
نريدك ان تستوعب الاخرين بلطف ..
وان تترك لهم فسحة من المودة ليستوعبوا ارائك وافكارك ...
وبالمحبة وحدها تلتقي الرؤى وتذوب الاختلافات ..
ولك شديد محبتي واحترامي ..
اخوك ابد الابدين
عبدالرحيم عبدالله عبدالرحيم درار "ودرملية" ..
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: النصرى أمين)
|
معتز
لك التقدير من قبل ومن بعد
ياصديقى أن الذى أبكاك وبكى
معك من سمعو صوتك وانت تبكى
حقيقة يبكى حتى أصنام مكة
أن تفجع فى صديق عمرك الذى
يكتب باسم مستعار ويسرب أخص
خصوصياتك معه وبل وخصوصياتك
الاسرية للاخرين المختلفين معك
لكى ينالوا منك جد فاجعة عسيرة
الاحتمال لكن يامعتز أن تقرر المغادرة
لكل المحاور السودانية عشان تلك الفاجعة
هذا يعنى أن صديقك مريض النفس والنشأة والكوين
قد انتصر وهل يرضيك ان ينتصر القبح بل ويبقى
بين الناس هنا أو هناك معتز لن اربيت على كتفك
واطلب منك إحتمال ما لايحتمل لكن ان الذى يود قتلك
وفشل فقد أحياك فى ثوب جديد تمهل ياصديقى وتأمل
فهنا وهناك من الخصوم الصادقين الذين كشفو لك ذلك
العدو الذى يلبس ثوب الصديق وكما قال سيدنا على:
لو امتحنت الدنيا لبيبا تكشفت له عن عدو فى ثوب صديق
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: تاج السر حسن)
|
| Quote: اصابت معتز لعنة المزن !! |
لولا أن المقام لايليق لقلت لك أحضر الإقتباس المعلوم هنا.
يازول إنت صرت كوكب فى مجرتى سأعطيك الضو والظلام متى شئت.
حوصلتى التى تحتويك لامخرج لك منها ..
أتمنى عندما يذوب المحيط المتجمد الشمالى ألا أكون سبب الإحتباس الحرارى (وموسع قد الأوزون) يا مستر أوزون.!!
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: تاج السر حسن)
|
ابوالتكنلوجيا سلامات
استهدي بالله وانعل الشيطان ومااكثرهم هنا في المنبر
معقوله تمشي وتخلي الجماعه الحلوين ديل
ودرمليه
Quote: معتز القريش
اولا دعني اغريك شديد المحبة ..
احبك مهما اختلفنا ...
انت انسان طيب ..
قلبك نظيف ..
تقول مافي صدرك .. لا تخبيء رأيك خلف الضحكات ولا الكلام المعبأ بالغمز واللمز..
كلنا نخطيء يا قريش .. ومعظمنا مختلفين في امور شتي..
ماحدث لك ليس من الاخلاق في شي ولا القيم النبيلة التي يجب ان نتحلي بها ..
عش بيننا ياقريش ..
عش بيننا ياحبيبنا ..
لا تذهب ..
|
اسعدابراهيم Quote: معتز تأمت لالمك
فلا تذهب
|
كيكي اللعين زي مابتقولQuote: تبا للخفافيش
والذين يعملون في الظلام
ولا عليك يا صديقي يا قريش فانت اخ عزيز علينا ونحن نحبك
|
والاستاذه رندا حاتمQuote: معتز قريش ....
قول بسم الله وروق شوية ... انا لسه ما كملت مناكفه معاك ...
الحاله كنت ناوية اعمل ليك زى تمبس وعصام احمد...
|
وكلام ال BIG BOSS بدر الدين الامير
Quote: هذا يعنى أن صديقك مريض النفس والنشأة والكوين
قد انتصر وهل يرضيك ان ينتصر القبح بل ويبقى
بين الناس هنا أو هناك معتز لن اربيت على كتفك
واطلب منك إحتمال ما لايحتمل لكن ان الذى يود قتلك
وفشل فقد أحياك فى ثوب جديد تمهل ياصديقى وتأمل
فهنا وهناك من الخصوم الصادقين الذين كشفو لك ذلك
العدو الذى يلبس ثوب الصديق وكما قال سيدنا على:
لو امتحنت الدنيا لبيبا تكشفت له عن عدو فى ثوب صديق
|
وانا شخصيا متمني تكون دي كذبه ابريل
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: بدر الدين الأمير)
|
Dear Motaz
Although I don’t know the reasons that forced you to take this wrong decision, but I wish that you change your mind about the whole thing that called electronic discussion boards
As Asasi said, keep your private life private and share your public experiences and activities… you’re not a quitter, although you’re managing to escape... You’re not a quitter because I think you have been hurt and disappointed…however; always expect nothing to avoid the dissatisfaction and disappointment... please come back and lead yourself and your belief, and don’t let anyone takes you to where he wants you to be unless you want so..
____
Seriously ya Motaz
Sometimes I disagree with your inputs and I wish that I can come and break your keyboard , but I have always believed that you a very clean person inside and that’s why I am begging you to stay... So please stay
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: kamalabas)
|
صديقنا القريش معتز
كل السلام وكامل التضامن ضد الغدر وضرب الاصدقاء من خلاف في هذا الزمن الردي
وما عليك يا قريش يختلف النبلاء ويكون بينهم شرف الخصومة
ماعلمت به وحسيته من غضبك النبيل يعمق ماساءة مثل هذا الامكنة التي
ادمن علي جنباتها البعض الخبث والدهاء الكذب والسخف
والابتزاز وارتداء جلابيب القديسين وهم اكثر الناس تشهويها وتمزيق...
تعال يا قريش ارجع
ومارس حقك وقل رايك بكل ما اوتيت من شجاعة
اختلف في هذه الساحة ولا تتركها للناس الممزقة الجبانة..
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: عبدالكريم الامين احمد)
|
كيكى لك التقدير
شخصيا أتفق تماما مع مناشدتك لمعتز
ولكنى أضيف أن شرف الخصومة قيمة قدسية
عند أهل العلم وهل يستوى الذين يعلمون
والذين لا يعلمون ؟ ويامعتز أقم مأتمك
على ذلك الصديق أو الصديقة وحين تكفف
دمعك لابدء أن تقول تفاصيل ماحدث وشخصيا
لن ابراكها معك بمقولة عفى الله عما سلف
ولله أن يعفوا وعلى البشر أن يقتصوا ولكم
فى القصاص حياة . احترمت رغبتك حين رجوتنى
وانت تبكى أن لا أسألك التفاصيل ولكننى لن
أحترم وجودك هنا لو عدت من غير أن نعلم تفاصيل
ماحدث لانك افردت بوست للذى اوجعك وتوجعنا معك
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: صديق الموج)
|
؟؟؟
ما عايز أعرف الحصل شنو و خلاك ما معتز البعرفو ..
لكن تمشي ؟؟ ..
شينة يا معتز ..
تقعد هنا و تقول الدايرو قدام الناس كلها , نختلف و نجوط و نكورك و نتداوس ..
بس تمشي ؟؟
المخارجة ده شغل الناس الميتانة يا معتز ..
الهروب و المضارية و التلبت ..
ياهو ده العندك ؟؟ ..
يا خسارة يا صاحبي .
داير الزول ده ينبسط إنو القباحة و اللؤم و الخسة هزمتك ؟ ..
و عامل لي فيها الأسد النتر و مقنع الوليات و فارس الحوبة ؟؟
مرقك زول هويّن ساكت و في أول محك بتقع على ركبك و تقول الروب .
بطل الجرسة و أقيف على حيلك و رد الظلم الوقع عليك و إنتصر ..
إنتصر يا شيخنا الظلامي لأننا عارفين معدنك الطيب و أصيل ..
إنتصر لينا نحنا على الأقل وكت رضيت على نفسك الهزيمة .
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: معتز القريش)
|
يا معتز
لو انت معتز { ل }
عشان صاحبك غدرك
بتكون بالغت وغلطت زي ماقال ليك أساسي
كونك تعتزل عشان صاحبك زعلك
مابنقبلها منك
لكن لو معتزل عشان أنت زعلتنا
ممكن تشتت
وبرضو ممكن تقعد
لو إعتذرت وبطلت العكننة البتعملها لينا
شايفك ما خصيتني بالوداع
مع إنو أنا أكتر زول متأثر
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: القلب النابض)
|
الاخ معتز القريش
لم يعجبني خطك الفكري بتاتا ؛ ولا كتاباتك ولا حديثك عن تعدد الزوجات في اي يوم؛ وقد اكون اغلظت عليك في القول من جراء ذلك.
اكبرت فيك خروجك من بوست احتفالات الخاتم عدلان في الدوحة رغبة منك في عدم حرف البوست عن مساره؛ وفتحك لبوست آخر ..
وإستمعت لكلام ود رملية عنك وقمت بتصحيح موقفي في ذلك البوست وفي بوستك الخاص؛ واعتقد اني كسبت من ذلك؛ بدلا على الاصرار على المشاحنات والمطاردات البليدة.
فى كل الاحوال اتمنى الا تترك البورد ووجودك وسط الناس - الذين يختلفون ويتفقون معك - بسبب فرد واحد؛ مهما كان حجم الألم الذي تعانيه.
اتمنى ان تواصل وجودك في البورد.
عادل عبد العاطي
| |
|
|
|
|
|
|
|
|
 Re: وداعا سودانيز أون لاين وكل المنابر السودانية (Re: ريهان الريح الشاذلي)
|
يا معتز..
لو كان كل مغدور بيفر من الغادر بهذه الطريقة..
لكان..
فرت الإنقاذ من غدر الشيوعيين..
لأسباب ظلم القريب كوقع الحسام المهند..
أو كما فعله حملة السلاح من أبناء دار فور في من يشاركونهم..
ويشاطرونهم ذات أسباب الثورة..
الطريق طويل يا معتز ولا يعلم المسافر ماذا ينتظهره من مراحل..
خلي روحكـ سلبة وأرمي بصرك قدام..
فأكثر الساعات ظلمة..
هي الساعات التي تسبق الصباح بقليل..
لا تفر هكذا تاركاً المنبر وراء ظهركـ.. ويكفي إن هناكـ من تحبهم..
فالتولي ساعة الزحف يعتبر فراراً والفرار عيب.. ونحن ما دايرين ليكـ الميته أم رماد شح..
دايرنكـ يوم لقى والعجاج يكتح..
يا معتز القريش التسامي عن الصغائر والنقائص كما فعلت بعدم ذكر اسم هذا الخسيس يعتبر فضيلة..
وتخير من تسر إليهم وإنت مخير.. ياهو العترة بتصلح المشية..
في إنتظار مساهماتكـ التي أقدرها حق قدرها..
غيب وتعال بتلقانا نحن يانا نحن..
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: الواثق الصادق)
|
العزيز معتز
تحيه اولا وشكرا على الملأ على الاشياء الجميله التى منحتنا اياها مع الدرس الخصوصى
دعنى اولا ان اقول لك ان وجودك بالمنبر اضاف اليه كثير واضاف اكثر لبورداب الدوحه وخاصه انك كنت دائما ذاكرته البصريه بعينك السحريه وبصيرتك الفنيه ولقد كنت دائما توثق للمناسبات التى تقام فى الدوحه بصور غايه فى الروعه ، صور لم تكن خبط عشواء ولكن فيها الاحساس الفنى والبصيره التكنلوجيه التى رأ يتها فى مكتبك واهتمامك العالى بسبر اغوار الآلات وكشف اسرارها لتطوعها لصالحك .
وجود صورك فى المنبر اضفى على المنبر جمال وكنت دائما تزيل كآبة منظر المنبر بهذه الصور تلك الكآبه التى تعوذ منها الرسول عليه افضل الصلاة والسلام وهذه حسنه تضاف اليك كما تضاف اليك ايضا حسنة اماطة الاذى عن المنبر بواسطة الجمال ، وكم استمتع اناس كثر فى العالم كله بتلك الصور وهذه محمده ايضا تضاف اليك انك من حيث تدرى او لاتدرى جلبت الفرح لكثيرين وعرفت اناس كثيرين با حوال اصدقاءهم او اهلهم ورفقاء لهم الذين افترقوا عنهم منذ زمن بعيد ولم يتسنى لهم مشاهدتهم ولم يروا كيف فعل فيهم الزمن افاعيله.
لا ادرى بالضبط سبب قرارك للرحيل
ولكن اتمنى عليك الا تجعل من شخص واحد اصابك بالاحباط سببا لمغادرتك فنحن فى الدنيا نتعلم كل يوم ولكننا نصير اقوى ، كان ابى رحمه الله يقول ( البتورى سمحه ) وهذه فائدة الدروس فى الدنيا اليست الدنيا مدرسه .
عجبنى جدا ان فى رسالتك التى وجهتها خصصت اناس ومنهم محمد حسبو وهنادى الذين كان بينك وبينهم ما صنع الحداد وهذا يدل على انك لا تضمر ضغينه برغم قساوة اللغه وخشونة اللفظ لكن تبقى الانسانيه هى التى تسرى فى دماء الناس لا اخلاق الوحوش التى من طبيعتها الغدر والخيانه .
نسعى كلنا فى هذا المنبر لعدم شخصنة القضايا وعندما نناقش نناقش بأدب واحترام ، ربما تكون اللغه قاسيه لكن يجب الا تكون جارحه ، نناقش الفكره ونعيبها ولكن لا نعيب الشخص فالاشخاص كل يوم يتعلمون فكثير من يحملون فكره يحملون نقيضها غدا ، فما زلنا نتعلم من الايام ومن الناس ولا يوجد شخص احتكر وتعلم الحكمه كاملة ، ولهذا اذا جرحك شخص ما من المناسب جدا ان تعلمه كيف يخاطب الناس وكيف يحترم الناس وان تبقى فى هذا المنبر مرفوع الجبين والهامه .
مع تحياتى وتقديرى
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: معتز القريش)
|
أخانا معتز
لم يغادر الزملاء من متردم ...
وفكرت لوهلة أن أكتفي بالمرافعات والمناشدات والبرقيات الواردة أعلاه، إذ فيها ـ برأيي ـ كل ما يمكن أن يقال.
وبما أن هذه هي مداخلتي الأولى معك (وقد تكون الأخيرة في حال ركوبك رأسك).
وبما أنني لا أريد أن أكرر ما قالوه...
سألجأ إلى وسيلة لأ أظن أن أحداً سبقني إليها في هذا المنبر، وهي الأمر:
لن أرجوك، ولن أستعطفك، ولن أعدد لك محاسن أن تبقى ومساوئ أن تغادر.
ولن أعطيك أي نوع من الدروس.
أمرنا كالتالي:
ـ أعد قراءة المداخلات ـ أعلاه ـ 14 مرة.
ـ أكتب مداخلة هناي داك، وشهرته "أساسي"، ومداخلة عبدالرحيم عبدالله عبدالرحيم درار، وشهرته "ودرملية" 14 مرة.
ـ أعد قراءة مداخلتك أنت شخصيا ... ثم اكتبها مرتين بالكيبورد الافتراضي الخاص ببكري أبو بكر http://www.sudaneseonline.com/arabickey/index.shtml ...ثم انسها (من النسيان) جملة وتفصيلا.
ـ عد إلى المنبر بعد فترة راحة نترك لك أمر تقديرها (من الأفضل ألا تتعدي ثلاثة أيام).
ـ أكتب بوستاً تعلن فيه عودتك، وأسبابها، وقدّم له بعرض لأسباب صدمتك/ حزنك/ غيابك.
ـ إن شئت أن يكون أجرك على الله، فاعفُ واصلحْ. وإن اقتصصت فلك فيه حياة.
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: معتز القريش)
|
معتز
زولكـ ده ما بيستحق انكـ تقول عنه صاحب..
عشان زول واحد تخلي العالم و الناس ديل !!
تفتكر انه كل الناس زي زولكـ ده ؟
عُد محاربا كما عهدناكـ..
يا كيكي سوق الزول ده قهوة الكورنيش هناكـ مع ود رملية جره من أضانه جيبه هنا تاني ..
ياخ الحنيس الكتير ده ما كويس
ما تتعود علي كده يا معتز ياخ !!
و أقول ليكـ شيء
أخوكـ زاتو ايام كده كان بتصله ايميلات زي دي ..
عُد يا عزيزي و
______________
طنش تعش تنتعش
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: keiga2000)
|
My Dear Friend Mutaz alQuraish
This is a really very unwise decision to make
although most of the time I disagree with what you write, but I've always considered you a tough warrior. I had also known you to be stronger, this is why I'm surprised to see you breaking into parts by a stupid act of an unfaithful friend. In fact you were to generous to call him/her a friend, however and regardless of the pain he/she has done to you, I sincerly beg you to stay
We need your company here and we'll miss the flavor you add to the board if you go away
Do not leave ,do not turn around to this kind of "friends" and most importantly do not call them "friends" in the first place
Come Back
it is an order
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: معتز القريش)
|
أساسي قال:
Quote: عارف يا معتز المشكلة وين ؟؟
انه بندي البوردات دي والاثير اكبر من حجمها الحقيقي وبندخلها في حياتنا الشخصية ..
الكلام دا سبب المشكلة الرئيسية ..المنبر دا زيو زي اي جريدة الزول المفروض يتعامل معاهو
قدر ما هو عليه يعني موقع بتاع حوار سوداني تبدى فيهو وجهات نظرك تحرتم نفسك فيهو وما تسيى لي زول وتحفظ للناس قدرها بالتالي مفروض يحفظوا ليك قدرك |
يا معتز أنا أتفق تماما مع "أساسي"
نحنا شعب عاطفي زيادة عن اللزوم و بنشخصن المواضيع على طول...و دا المضيع مجهوداتنا و طاقاتنافي الفاضي.
أنسى يا زول و أرمي وراك....أريتا ما تنت....الشغلة كلها ونسة ساكت...
وداعك مرفوض و غير مقبول...و خللي الحماقة..انت كده خليتهم يوصلوا للعاوزينو...
و في انتظار بوستاتك و مداخلاتك
كمال عبده
| |
|
|
|
|
|
|
|
|
 Re: وداعا سودانيز أون لاين وكل المنابر السودانية (Re: معتز القريش)
|
Quote: عارف يا معتز المشكلة وين ؟؟
انه بندي البوردات دي والاثير اكبر من حجمها الحقيقي وبندخلها في حياتنا الشخصية .. |
الاخ / معتز
دة اساس المشكلة اتعامل مع هذا البوردعلى هذا
الاساس واحمد ربنا انو بيوريك اصول الناس ومعدنها
تعرف فى ناس فى البورد بتفتكر انها بقت يمساهمتهم
قامة فكرية وسياسية ومحط انظار واعجاب النساء والفتيات
وانو رايهم مسموع ومقروء اكثر من رؤساء احزابهم
ويتعاملو مع بوستات الغير وكانة مشكلة من مشاكل السودان
وقضية من قضايا الحزب ، وبالماسنجر يتم التخطيط عبر الدول
ويحشد الاصدقاء فى سويعات مما يجعلة متفوق عن جميع قادة حزبه
ولدية راى فيهم ايضا وراى فى مكانة التنظيمى المتواضع فى
الحزب
الف حمدللة على سلامتك الجسدية
ونحن فى انتظارك
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: معاوية الطيب)
|
وين ياجماعة الظلامي المجرم ده لسع ما جاء راجع ولاشنو؟؟؟
تعال ياقريش يا صديقي تعال..
تعال وقالوا صحبانك الشيوعيين (علقوا دستورهم وراجنك)
تعال يا قريش وناسك الجمهوريين راجنك للجدل والحوار
تعال ياقريش وهنادي وتراجي قالن خلاص حيجن ضيوف في حلقات (الاتجاه المعاكس)
تعال يا ظلامي وارجع في عشان الناس البحبوك
وفي عشان الناس الشاماك وبحبوك وادمنوا غلغلتك وعكلتتك وجنونك
تعال ياقريش وناس كيكي وودرملية عملوا(حفلة) شييييينة وشها زي الكبك(تعال قلقلهم وخلي التلفونات ترقد هبطرش)...
تعال وانا سمعت تحت تحت انو في واحدة (شرط للارض) هدية ورضية ومكسرة وحالفة الا تسد ليك الخانة الرابعة..وتخليك تربع الدفاع (لو ما جابتك دي تاني جية ليك مافي شكلك كده)..
تعال يانجم الشباك عشان الزول المعجب بيك لدرجة تركيب صورتك في بروفايلو..
تعال يا قريش عشان اصحابك الظلاميين ناس بيان وهجو الاقرع
تعال يا قريش عشان الاخوة الاعداء تراجي وبشاشا وسيف مساعد
تعال يا قريش عشان الاصدقاء المكجنكك (ناس) كيكي وياسر طيفور عبدالمنعم
تعال يا قريش عشان (مديرك) (افتح عينك في دي واعمل حسابك من الخصم) تاني يايمة البلمعو منو
والبجيب صورو منو..(معتز اوع من خصومات الغياب عن المنبر)...
تعال ياقريش عشاني انا البسكاك مداخلاتك من منبر لمنبر بكراع كديس عشان اموت من الضحك
الزعل الفرح الغضب...
تعالي يانجم بلا منازع تعال ..يا قرشرش..
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: معتز القريش)
|
أخي الحزين الصابرمعتز
لأول مرة أتخاطب معك وهذا شرف لي وأعتز به
لن أتي بكلام أو أحرف من عندي فأنا وأنت بشر والمقام هنا أعلي من ذلك
إذن ماذا أنا فاعل
سوف أذكرك وإياي بكلمات الذي يغفر الذنب العظيم فلا يغفر الذنب العظيم إلا العظيم وأنا واثق من أنك سوف تأتمر بكلماته وتعمل بها حبا في مرضاته وإنصياعا لأوامره وهذا ما عرفته عنك من علي البعد
أخي معتز لن بعرف أي واحد منا عظم ألمك وعمق جراحك إلا من قال وهو أعظم قائل:
(لاتستوي الحسنة ولا السيئة إدفع بالتي هي أحسن فأذا الذي بينك وبينه عداوة كأنه ولي حميم وما يلقاها إلا الذين صبروا وما يلقاها إلا ذو حظ عظيم....) صدق الله العظيم
أخي معتز خذ هذه الآبة بقوة وإرض ربك عندها سوف ترضينا جميعا
يقيني سوف أرآك معا حالما تقرأ هذه الآية وأنت العالم والداري دينيا ولغويا ما يعنيه المولي عز وجل
ماكان لي غير هذا أن أخاطبك به
إنه لقول فصل وماهو بالهزل
عشمي فيك كبير
اللهم أجمعنا علي طاعتك ورضاك والحب فيك
ومن الوصل رسول بيننا
لك كل مودتي وتقديري وجل أحترامي
أخوك د.متوكل
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: معتز القريش)
|
عزيزى ود القريش
لن اسالك سبب رحليك
ولكن سأقول لك انت بيننا كالمطر اينما وقع نفع
وكالنخلة يقذفها الناس بالطوب فتسقط الثمر
نسألك البقاء لتبقى لنا بسمتك الجميلة
وادبك الجم , فنحن ماذلنا قصر نحتاج توجيك ورعايتك
كما عرفت قيمة الغدر اخى معتز فلتعلم بأن هناك اهل
للوفاء وعرفان الجميل هذا مايميزنا عن غيرنا اخونا معتز
| Quote: احبكم جميعا جميعا جميعا |
ونحن نحبك
| |
|
|
|
|
|
|
|
|
 Re: وداعا سودانيز أون لاين وكل المنابر السودانية (Re: ابو تميم)
|
أخوى العزيز و الصديق الكريم الوفى....
ليس هناك ما يدعو أن تترك براح الحرية لمن لا حرية لهم...
صوتك مسموع...و انت معروف تاريخاً و حب....
فليذهب الغث و ليبقى صوتك عالياً...كما عرفتك لا كثر من عقدين..
مصادم..صريح...وفوق كل ذلك انسان جميل......
فما حوجتنا الى الجمال و الصراحة.......
لك حبى واحترامى و تقديرى...
صديق
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: معتز القريش)
|
يا معتز
صحيح اني مرات بتغاظ من رودوك وبوستاتك
لكن انت انسان واضح للجميع , واضح بأنك انسان نقي القلب 
لا يكره ولا يحقد
علشان كدا اتلم في البوست دا ناس مابتلموا
ياريت تراعي محبتهم ليك وترجع
وإذا رجعت , دي نصيحة مني ليك
المنتديات وجدت علشان الناس تستفيد
أبعد عن المابفيد..
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: نهال كرار)
|
Quote: وين ياجماعة الظلامي المجرم ده لسع ما جاء راجع ولاشنو؟؟؟
تعال ياقريش يا صديقي تعال..
تعال وقالوا صحبانك الشيوعيين (علقوا دستورهم وراجنك)
تعال يا قريش وناسك الجمهوريين راجنك للجدل والحوار
تعال ياقريش وهنادي وتراجي قالن خلاص حيجن ضيوف في حلقات (الاتجاه المعاكس)
تعال يا ظلامي وارجع في عشان الناس البحبوك
وفي عشان الناس الشاماك وبحبوك وادمنوا غلغلتك وعكلتتك وجنونك
تعال ياقريش وناس كيكي وودرملية عملوا(حفلة) شييييينة وشها زي الكبك(تعال قلقلهم وخلي التلفونات ترقد هبطرش)...
تعال وانا سمعت تحت تحت انو في واحدة (شرط للارض) هدية ورضية ومكسرة وحالفة الا تسد ليك الخانة الرابعة..وتخليك تربع الدفاع (لو ما جابتك دي تاني جية ليك مافي شكلك كده)..
تعال يانجم الشباك عشان الزول المعجب بيك لدرجة تركيب صورتك في بروفايلو..
تعال يا قريش عشان اصحابك الظلاميين ناس بيان وهجو الاقرع
تعال يا قريش عشان الاخوة الاعداء تراجي وبشاشا وسيف مساعد
تعال يا قريش عشان الاصدقاء المكجنكك (ناس) كيكي وياسر طيفور عبدالمنعم
تعال يا قريش عشان (مديرك) (افتح عينك في دي واعمل حسابك من الخصم) تاني يايمة البلمعو منو
والبجيب صورو منو..(معتز اوع من خصومات الغياب عن المنبر)...
تعال ياقريش عشاني انا البسكاك مداخلاتك من منبر لمنبر بكراع كديس عشان اموت من الضحك
الزعل الفرح الغضب...
تعالي يانجم بلا منازع تعال ..يا قرشرش.. |
السلفي الصالح
تعال صاد
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: Marouf Sanad)
|
السلام عليكم
الأخ معتز
هي مداخلة واحدة ضمتنا معاً ومن خلالها شعرت بصدقك في طرح ما انت مقتنع به
وأيضاً شعرت بأنك لا تكاد تجد فرقاً بين ما هو حقيقي وملموس في الحياة وما هو اسفيري بحيث انك لا تكاد تجد فرقاً بينهما.. وأظن أن هذا هو سبب المشكلة
كان بوست
الكتابة بالإسماء المنبرية ( المستعارة)
وكان تعليقك ( حاداً وعاصفاً )
قلت..
Quote: بغض النظر عن الخلفيات التاريخية التي تحاولون بها
ايجاد مبررات لكم لاستعمال اسماء مستعارة
ومع احترامي للجميع ولآرائهم فانني أري
أن الإنسان المتصالح مع نفسه ويعبر عن نفسه وتربيته
لا يمكن أن يخفي نفسه .
أنا معتز القريش منذ انضمامي إلى هذا المنبر ومنابر أخرى
أكتب باسمي الحقيقي بل باسم شهرة عائلتي (القريش)
ولم أتداخل في اي منتدى قبل أن اضع صورتي واستكمل بيانات بروفايلي
وأعتبر نفسي مسؤولا مسؤولية كاملة عن كل تصرفاتي واقوالي
سواء داخل المنبر أو في الحياة العامة وليس عندي ما أخاف منه
لأضطر لإخفاء شخصيتي .
لذلك فإنني لا احب ابدا التداخل مع اشخاص يكتبون باسماء مستعارة لأنني
أرى أنهم أجبن من أن يعبروا عن آرائهم بأسمائهم الحقيقة أو أن لهم تصرفات
تتناقض مع ما يطرحونه في المنبر ـ وهذا النوع لا يستحق أن ناخذ بكلامه
لأنه من المنافقين الذين يظهرون خلاف ما يبطنون .
والذي يخاف أن أعرفه فانه غير جدير بمعرفتي
سادتي الأصل هو الحقيقة وما غيرها فروع
ومن هنا أناشد الأخ الكريم بكري ابوبكر بضرورة الغاء
جميع الأسماء المستعارة واستبدالها بالاسماء الحقيقية
لأن هذا المنبر لم يعد كما كان في الفترة التي تتخذونها
مبررا لإحتفاظكم باسمائكم الحركية .
(الذنب ما حاك في النفس وخشيت أن يطّلع عليه الناس) |
ومداخلتك نفسها تشي بهذا الخلط البين في مفاهيم الشجاعة والجبن والخاص والعام والشخصية الحقيقية بكل ما يحيط بها من أهل وأسرة ووظيفة وحياة اجتماعية وأخرى اسفيرية هلامية ليس فيها من الحقيقة شىء وانما هي آراء وحوارات نتبادلها ومعارك مستمرة لا تكاد تنتهي الا لتبدأ
ورددت عليك بسؤال بديهي:
Quote: وهي معلومة جديدة بالنسبة لي ( أنكما لا تداخلان مع أصحاب الأسماء الوهمية)
بمعني إنكما تصلان لاتخاذ موقف مسبق مقاطع لأصحاب الأسماء (الحركية)
وسؤالي هنا..
كيف يمكنكما معرفة أن هذا الشخص يكتب باسم وهمي أو حقيقي ( إذا استبعدنا معارفكما الحقيقيين)؟
فقط لأن اسم ك (الزوول) أو( جني) أو (عمك تنقو) غير طبيعي ؟
ما يدريك أن أسماء مثل (عمر علي ) أو ( محمد سليمان) أو (JOK BIONG) هي أسماء حقيقية ؟
أيكفي الاسم الموسيقي العادي للحكم بحقيقة الاسم أو وهمه؟ |
لا أظن انك اطلعت عليه ولو فعلت فلربما استمر الحوار ولربما كنت استطيع اقناعك بضعف ووهن الاعتماد على اسماء احسبها وهمية وإن كانت تبدو حقيقية لأنني أظن إن من سدد طعنته اليك ربما كان ممن يحمل اسمه موسيقى الإسم الحقيقي
عموماً أرجو رجوعك عن هذا القرار فأنا أرى فيك نظافة قلم ليست موجودة في الكثيرين ممن يكتبون في هذا المكان
........................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: الزوول)
|
Quote: مداخلات أصدقاء القريش فى هذا البوست هل يمكن أن يكون لنفى التهمة عنهم
أمام قراء وأعضاء سودانيزاونلاين |
سلام يادكتور وعوافي
وبصفتي من احد اصحاب قريش يادكتور وعقب بيانه الشهير الذي بموجبه قرر (قريش) الرحيل
وتركنا هنا قمت باجراء سريع واستدعاء (فكي) الكمبو الشهير (قوبي) وارسلنا له زيارة
خاطفة لحل هذه المعضلة التي ارقت منامنا وجلبت لنا الغلغلة والدبرسة...
فلبي الفكي الشهير الزيارة مرحبا بالعمل علي علاج (حالة) صديقنا قريش صاحب الامر الغامض....
وفي اوضة نائية في اطراف حي الريان الشعبي بالدوحة
قمنا بجلب قريش لهذا الفكي وبعد (تلتلة) ومجابدة
وبمجرد دخول صاحبنا قريش الي حضرة الفكي (قوبي) قام قوبي برش كمية من الماء علي وجه قريش
الذي ارتعد واصبح يصيح بصوت عالي وهستيري
يافكي انا مطرة
يافكي انا خريف ابو السعن
يافكي ان برق قبلي وبحري ومطرة ضحوية
وعمل ق قريش (جوطة كبيرة ليها ضل) حيرت ليك الفكي ذااتو
وحسع يادكتور الرجعة هينة الكلام في الجن ابومطرة ده البعالجوا لينا (شنو)...
ونذكر ان الفكي قد لوح بسيرة الدولار ابو صلعة من بلاد العم سام..
فيدك معانا يا دكتور من صديقنا الجنوا بقي مطرة مطرة..
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: عبدالكريم الامين احمد)
|
.. كم أتألم وأحزن عندما أستشعر مثل هذه المعاناة
من ما يشتكون جور الأصدقاء وغدرهم ، فمهما كانت الأسباب
ومهما كان حد إيلامها فأرجو أن تكون الأسمى والأعلى شأنا ...
.. قرأت لك الكثير فلم نعهد فيها غير البعد الإنسانى
والمعاملة الطيبة والطرح المفيد ... لك التحيه أخ معتز القريش
ونرجو أن لا تبتعد أبدا ولك تحياتى ....
محمد مختار جعفر
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: محمد مختار جعفر)
|
ليت الناس ميزت بين موقف سليم وهو رفضها وشجبها وادانتها الكامله لما تعرض له الأخ/ معتز، فى شخصه وخصوصياته، وبين فكره التكفيرى الأقصائى غير المستحب، اضافة الى اندفاعه فى امور لا يعرف كثير من تفاصيلها وتعقيداتها!!
اما من جانب خاص فانى اعتبر الأخ/ معتز، قد اصابه سهم طائش كما يقول الشاعر الكتيابى أو ربما هى لعنة و"كج" عينه!!
أتمنى أن يعود مرتديا ما يحميه من المطر .. وبرضو يبطل شلاقه!!
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: عبدالكريم الامين احمد)
|
كيكى
صاحبنا معتز إكتشف تفاصيل ماحدث بالصدفة
أنا أحكى لك قصة حقيقية وموثقة بالصور يعلمها
الاخوين عماد عبدالله وحسين ملاسى :
فى سهرة من السهرات وفى شقتى سرق جوالى ووقتها
كان معى بان زيارتهم للدوحة شقيقى فائز الامير
وابن عمى حمزه بلول الامير وقد كانا يقومان على
خدمة الضيوف وشهدا تفاصيل الحدث ناهيك
عن توثيقة بالصورة ناهيك عن خصوصيات العمل وخصوصياتى
الموجودة فى الجوال . المهم لكى لايكون الامر فرية او صناعة
قتل خصم ذهبت لمركز شرطة العاصمة وبالصدفة وجدت الضابط
المسؤل صديق شخصى أعرفه منذ أن كان طالب حكيت له تفاصيل
ماحدث وقلت له انا لا أرغب فى غير أن او ثق لسرقة هذا السارق
بشكل رسمى قال عندك الكود بتاع الجوال قلت نعم قال لو اى شخص فى
العالم استخدم هذا الجوال يمكننا الوصول له من خلال هذا الكود بس
لو موجود فى قطر سوف يبعد فورا من البلاد قلت لصديقى لا احتمل مسولية
من يعولهم رغم الاضرار العملية والشخصية وحتى هذه اللحظة ذلك الشخص
بستقل الاسماء والرسائل الموجودة فى جوالى حين تكون مطابقة لاسماء من فى
البورد لينال مني وهو بهذا لا يدرى انه يوثق سرقته رغم أنفى ناهيك عن انه
بالامكان حتى هذه اللحظة ان ابلغ سرقة هاتفى ويكون قد اقتص هو من نفسه بنفسه
تنهدات: كما يقال : الحقيقة مثل النور لا يستطيع أحد ان يخفيها
| |
|
|
|
|
|
|
|
|
|
عرفتك فنان (Re: معتز القريش)
|
أخي ود القريش
تحياتي
لن أتناول الموضوع كما تناوله الإخوة والأخوات الأعزاء والعزيزات فقد شبعت من طرحهم الجميل المشجع للعودة وهذا في رأيي استفتاء يمكن يرشحك للرئاسة مستقبلاً ، ومن خلال البوست هذا اتضح لي أن هنالك ملكات أدبية جميلة عندك فما كتبته يمكن أن يكون نثراً رائعاً يضيف لما عرفناه عنك كفنان وعازف من زمن (الجاهلية) .
وبصراحة أنا شايف الموضوع ما بستحق الضفر دا كلو فصديقك /تك أخطأ في حقك (قد يكون) ولكن اللوم بجي بالغفلات والمواجهة المباشرة معه/ا أفضل من شر الموضوع وقد يكون أحد المتداخلين هو من أساء إليك وفي نفس الوقت قد لا يكون عارف أنه المسيء فقد تختلف نظرته وأحسن حاجة إنك تراجع كلام أخونا العازف الشهير (أساسي) عل الله أن يجعل لك مخرجا
أخوك / عادل التجاني
| |
|
|
|
|
|
|
|
|
|
Re: عرفتك فنان (Re: عادل التجانى)
|
يا معتز أنا غايتو مابعرف التانى والتالت
الزمن دا الناس مابتخلى حقها
وإنت عليك أتاوة لازم ترجع تدفعا
نسيت قصيدة الأمهريات الشلتها لصاحبك كيكي
وتم الإتفاق بموجبها أن تعمل لدينا فى وزارة
الإعلام والدوبيت ؟؟؟ والزمن دا كلو ساكتين عليك
وزير بلا أعباء ، الآن جد الجد أرجع بالتى هى أحسن
ولا بنحوطك .
| |
|
|
|
|
|
|
|
|
|
Re: عرفتك فنان (Re: سمية الحسن طلحة)
|
يا معتز
ســــــــلام
كثيرون في هذا المنبر لا يعرفونك (حقاً) ..
بل وكثيرون من بورداب الدوحة أيضاً..
لم أعرفك متخازلاً في أكثر المواقف صعوبة ، وحلكة ..
فكيف أقتنع بآن بأن سبب تركك لهذا المكان هو غدر ممن تسميه (صديق) ؟
ولا أعتقد أن (صديقك) هذا صديقاً حقيقياً ، فالصداقة قد تماثل (الأخوة) في كثير من الأحيان .
فهل يعقل أن يصدر مثل هذا السلوك القبيخ من (أخ) ؟؟
معتز ..
دعك من هذا الذي تسميه (صديق) والتفت الى كل النداءات أعلاه .
ان كان لأحدهم (خاطراً) عندك ، فلا مناص لك من الرجوع الى هنا .
يا معتز ،، أجبر بخزاطر الناس ديل ، والله لو ما رجعت ح يكون ( عـــــيب ) كبير خلاص ..
وصدقني ، لن نحتاج أن نعرف هذا الشخص (الصديق) كما تسميه ، سيكشف عن نفسه هو وحده ..
خليتك بي عافية ، ومنتظرينك ..
| |
|
|
|
|
|
|
|
|
|
Re: عرفتك فنان (Re: عادل التجانى)
|
Mutaz
Please get back here and answer our calls. We won't let you go brokenhearted. Come back to make us all healed... you can quit the board for any reason, but not this one. It's shame on all of us -including yourself- to close your chapter here with a stabbing...
___
Badereldin and Kareem
I think you need to have a lot of talks with Mutaz to encourage him returns
| |
|
|
|
|
|
|
|
|
|
Re: عرفتك فنان (Re: Yassir Tayfour)
|
فى Quote: سهرة من السهرات وفى شقتى سرق جوالى ووقتها
كان معى بان زيارتهم للدوحة شقيقى فائز الامير
وابن عمى حمزه بلول الامير وقد كانا يقومان على
خدمة الضيوف وشهدا تفاصيل الحدث ناهيك
عن توثيقة بالصورة ناهيك عن خصوصيات العمل وخصوصياتى
الموجودة فى الجوال |
بدرالدين ودخالتى ...سلااام ..
ياخوى انا جوالك مابعرف السرقو ..لكن كان (رايحات) ليك
بدل ..لقيتن ليك وجهز البشاره ..لانو لى زمن شايف بكرى
الامين دا لابس ليهو بدل ببيعوهن وين مابعرفن ...اها بكره
فى الحفله بقنعك بالقصه دى ..بس قول ان شاء الله مايشوف مداخلتى
دى ..
| |
|
|
|
|
|
|
|
|
|
Re: عرفتك فنان (Re: محمد عبدالرحمن)
|
تضامني اللا محدود مع الأخ معتز القريش
وارفض نقل الامور والاسرار الشخصية لهذا المنبر .
الذي قدر بك يا معتز لا صديقك ولا حاجة ده انسان مريض شفاه الله
لا تكترث له وعد المنبر ليس ملك له .
علاقات المنبر هي علاقات عابره في تقديري وليس كل ما تعتبره صديق يمكن ان يكون صديق .
| |
|
|
|
|
|
|
|
|
|
Re: عرفتك فنان (Re: الصادق خليفة)
|
الأخ معتز القريش
كل هذه المناشدات من الذين يتفقون معك و الذين يختلفون معك دليل تميز ، أضمي صوتي لصوتهم بمطالبتك بالعدول عن هذا القرار ..
تحياتي
الحاج حمد
| |
|
|
|
|
|
|
|
|
|
Re: عرفتك فنان (Re: hajhamad)
|
معتز يا قريش
اعلم تماما انك ستعود
فقد فعلها اصدقاء لك من قبل
ولكنهم لم يحتملوا البعاد طويلا
لان من يدمن هذا المكان بكل جماله وقبحه
يصبح مدمنا له تماما
سوف اعتبرها استراحه محارب
اتمني ان لا تطول وان تعود لنا اكثر
صفاء وهدوء وحيويه
وبذلك تكون قد استرحت وهزمت القيح
| |
|
|
|
|
|
|
|
|
|
Re: عرفتك فنان (Re: Omar Bob)
|
صديقي الحبيب ..
رغم الجراح ومرارتها ؛؛
يظل اليقين أنك قادر على تجاوزها ..
تعاطفي معك كبير ،،
وتفاؤلي بعودتك أكبر ..
منتظرنك
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: معتز القريش)
|
Quote: ليتك اخبرتني أنك تتلذذ بعد كل طعنة تطعنني إياها
وأنت ترى خنجرك وسكينتك تقطر بدمي الذي جريت فيه
صديقا وعزيزا وحبيبا وقريبا
كنت سآتي لك بعدد السنين خناجرا وسكاكينا
حتى لا تتعب بحثا عنها فتعبك يقتلني ويعذبني
صدمتي فيك أكبر مما كنت أكنه لك |
Quote: كونه الطعن يجيك ممن تظنه صديقا وفيا دي يبقي مشكلة فيك انت ما في الموقع لانك انت الوحيد المخير في اختيار من حولك من اصدقاء لتعطيهم اسرارك .. يبقي انحنا هنا ما عندنا اي زنب انك تخلينا وتخلي حوارنا عشان واحد صديقك انت غلط في اختياره ...فمثلا يعني لو صحبك في المدرسة او في العمل طعنك في ضهرك تقوم تخلي مدرستك ولا تخلي الجامعة ؟؟ يا حبيب ادي الزول الغلطه في اختياره دا حجمه الحقيقي وخليهو هو بس وقت تخلينا كلنا هنا كانك بتقول انكم كلكم زي صاحبي دا؟
ولو اصريت تمشي يبقي انت زاتك زيك زي صحبك دا بتطعنا في ضهرنا وبتشكك في نزاهتنا وفي عفة اخلاقنا ودي الحاجة الانحنا ما بنقبلها . |
الاخ معتز ،، كلام اساسي وكلام الاخوة الاعزاء في الصميم، فحلي بك ان تفكر بالعدول عن القرار...
وصاحبك ده اعتبروحالة مرضية ...
غزلان..
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: معتز القريش)
|
الأخ/ معتز القريش
مرحب بعودتك وهذه المنابر ادمان ليس بالسهل التخلى عنها، لذلك لا تسعى يا اخى لأبعاد اى شخص تحت اى دعوه!!
لا يمكن أن يجد انسان مكانا نظيفا فيوسخه !! ابحث عن السبب، وربما تفوتك اشياء كثيره!
لا تعلمها .. انا شخصيا لا اعتدى على أحد مطلقا لكنى ارد عليه بنفس أسلوبه وبالطريقة التى تردعه وتبطل شره.
اكتب ما ترتاح له نفسك واترك الآخرين يكتبون ما يرتاحون له، فى نهاية الأمر ما يكتب هو بوست أو مداخله مثل مموضوعك او مداخلتك.
يؤلمنى جدا أن تكفر انسان ، ولا نمنعك من أن تكتب، ولذلك ليس من حقك أن تمنعنا للرد على من يعتدى علينا بذات اسلوبه.
المهم من اقبح الأفعال الغدر .. ثم الغدر!!
| |
|
|
|
|
|
|
|
|
|
Re: وداعا سودانيز أون لاين وكل المنابر السودانية (Re: تاج السر حسن)
|
Quote:
أعود ورجلي فوق رقبتي
أعود وأرجلك جميعا على رأسي
أعود وحبكم هذا يكفيني
ليس لدي من الكلمات ما أعبر به
معتز القريش |
ورجلك فوق راسك وارجلنا فوق روسينا نستحمل ملاساتنا بعضنا فهذا وطن اسفيرى فيرشوال حتى نعود الى الوطن يوما لنلتقى بالاحضان ونضحك من طفولتنا الاسفيرية وكما قيل اختلاف الراى لا يفسد للود قضية!صدقنى انا لا احمل لمحمد سليمان وبشاشا اختلافى معهما فى الوسائل وليس الغايات وسنظل سودانيين شئنا ام ابينا مطارات الدنيا وموانئها تتعامل معنا على اساس اننا سودانيين فمن العجز والغباء ان لا نكون نحن اول المؤمنينبذلك
ولك الحب والمودة
جنى
| |
|
|
|
|
|
|
| |
معتز القريش
Kostawi
عبدالكريم الامين احمد
اساسي
انعام عبد الحفيظ
عبدالله شمس الدين مصطفى
ودرملية
ناذر محمد الخليفة
bayan
بهاء بكري
Saifeldin Gibreel
معتصم دفع الله
Biraima M Adam
ASAAD IBRAHIM
jini
ismeil abbas
محمد البشرى الخضر
بدر الدين الأمير
Balla Musa
محمد الطيب حسن
Yassir Tayfour
kamalabas
Nazar Yousif
عصام عبد الحفيظ
صديق الموج
شهاب الفاتح عثمان
Emad Abdulla
أبو ساندرا
waleed500
Hassan M Saeed
القلب النابض
Abdel Aati
ريهان الريح الشاذلي
A.Razek Althalib
محمد فرح
إسماعيل وراق
محمد عبدالرحمن
wadalzain
ملكة سبأ
محجوب البيلي
فيصل نوبي
keiga2000
Ahmed Yousif Abu Harira
أبو عبيدة البصاص
رأفت ميلاد
-1.jpg)
معاوية الطيب
Mutwakil Mahmoud
Wathig Makki
حسن الجيلى سعيد
Siddig A. Omer
Marouf Sanad
الزوول
محمد مختار جعفر
عادل التجانى
الصادق خليفة
hajhamad
Omar Bob
فيس بوك
تويتر
انستقرام
يوتيوب
بنتيريست