|
وحشتوني....وحشتوني.....وحشتوني.....يا ناس البورد!!
|
افتقدتكم كثيره....خلال ال 12 يوم الماضيه.
غبت عنكم ولم تغيبوا عني
وكنتم حاضرين جميعا وكان (حوش بكري ابوبكر ) موضوع لاحاديث كثيره,مع بورداب كثيرين
التقيتهم,هناك في الولايات المتحده الرائعه ابدا باهلها.
حتى اعود لكم بالتفاصيل.....
اقول ....
سعيدة اولا بكسر حاجز الادمان عليكم....
وحأكون سعيده اكثر لو كنتوا كلكم بخير....
وسعيده بلقاء الكثيرين.....ممن قرأت لهم وقرأوا لي...ولم نلتقي الا آخيرا.
ويا شباب امريكا الله يديكم العافيه,والله بترفعوا الرأس عالي
وكرمكم فياض,ومعرفتكم كنز,ومظاهراتكم مبالغه.....حقيقي لم اتخيل المظاهره بهذا الحجم.
والي حين عوده زي ما بيقول البرنس.
تراجي.
|
|
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: jini)
|
العزيز جني
والله اول يومين زي الرايحه لي حاجه
بس الحمد لله كان برامج مرهق جدا يتركنا جثثا هامده ليلا
يوميا من السابعه صباحا ولا نخلد للنوم الا الساعه الثانيه عشر ليلا.
محاضرات
لقائات
احاديث صحفيه
اذاعيه
تلفزيونيه
غايتو امريكا فيلم هندي يقدر عليها الشدديد القوي.
الله يعينا اهلها على نمطها.
تراجي.
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: عبدالرحمن الحلاوي)
|
الحلاوي
سلامات
شكرا لك
وتفاصيل واشنطون اختصرها بشاشا في بوست لذيذ
بوش يتصل بالبشير ويطلب عودة على عثمان لابوجا.
ما وراء التفاصيل:
يا زول شغل مكرب خلاص
ناس امريكا ديل ما بيهظروا
وطبعا هذا ينطبق على السودانين ايضا.
فضل مشاركتنا في هذه المظاهره يرجع للرائع عضو البورد
د.محمد القاضي هذا الرجل يعمل لاجل هذه المظاهره منذ اكثر من 5اشهر
فله التحيه.
صالح محمود بدأ جولته من اول ابريل
انضممت اليه يوم 19ابريل
وانضم الينا د. بارودي فاشر من كندا ايضا يوم 24
اقمنا اكثر من 30 لقاء هناك
جامعات
كليات
نقابات
لم نترك شيئا.
وكانت الخلاصه يوم 30 ابريل حيث تم حصاد الجهد
فالشكر لكل من ساعدنا لايصال صوت دارفور لكل صناع القرارا السياسي في الولايات المتحده
وكل هؤلاء متطوعين لايتقاضون اجرا ويقومن بهذا العمل في اوقاتهم الخاصه
فالتحيه ل:
1)د.محمد القاضي
2)لوآن ماركو
3)ابن زياد
وكوكبة فلادلفيا من الدارفورين.
تراجي.
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: Ahmed Abdallah)
|
احمد عبد الله
الاتحادي الظريف
شكرا لك:
Quote: أنا ما قلت ليك تاني ما تجي البورد ده ..?? |
وانا نازله من المنصه العملاقه في بلد العمالقه
التقيت بشاب ظريف يفاجئني بكلماته:
(لما انت امرأه بتقدري تخاطبي حشد زي ده
البخليكي تتسكعي معانا في سودانيز اون لاين شنو؟؟؟)
ابتسمت وصافحته فمد يده معرف نفسه: احمد عبد الله
سلمت عليه فرحه ان اجد بوردابي آخر اعرفهفقد صرنا وكأننا اهلا من خلال هذا البورد
بعد مصافحاتنا رددها مرة آخرى اوع اشوفك متحاومه في اون لاين ثاني....
ومن هنا اقول له:
(والله العشرة ما بتهون الا على قليل الاصل...وناس الاون لاين اخوة اعزاء اعتز بهم جدا
وافتقدهم وقد صاروا اهلي وعشيرتي في هذه الغربه...وكما قال الشاعر:
...واهلي وان ضنوا علي كرام...)
لك الود ايها الفاضل
وفاتتك الندوة فقد كانت ممتازة.
معزتي وتقديري.
تراجي.
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: ابوالقاسم ابراهيم الحاج)
|
ابو القاسم
تمنيتك معي يا اخي
وساحدثك عن عائشة الفتاة الجاميكيه
التي كانت وراء انضماما منظمتها العملاقه في واشنطون
للتحالف الذي نجح في حشد الجماهير لهذه المظاهرة.
تحدث مديرها عنها:
وقال هي من دفعتنا للانضمام لهذا التحالف بحماسها واصرارها.
وعندما اتيحت لها فرصة التحدث
لن تصدق روعتها وبساطتها وتلقائيتها.
قالت: ان اخبار دارفور في النشرات الاخباريه كانت تذبحها كفتاة سوداء
فاحست بانها لابد ان تفعل شيئا
قبدأت باقناع مديرها وفكرت في مشروع المليون كرت بريدي للرئيس بوش
وبدأ تجوب الحوانيت و الصالونات ومحلات غسيل الملابس
لاقناع الزبائن بتوقيع هذه الكروت,قالت انها
قطعت شوطا كبيرا,ولكنها ماضية في مشروعها ولابد ان تكملهم مليون كرت.
وقالت ان هذه هي البدايه ولن نتوقف حتى يعود السلام لدارفور.
التحيه لعائشه الصبيه الرائعه
واتمنى ان احصل عى صورتها لانزلها لكم هنا.
تراجي.
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: Tragie Mustafa)
|
Quote: وحشتوني....وحشتوني.....وحشتوني.....يا ناس البورد!! |
أهلاً وردة...........!!
Quote: افتقدتكم كثيره....خلال ال 12 يوم الماضيه. غبت عنكم ولم تغيبوا عني |
وإحنا كماااااااان....
Quote: وكنتم حاضرين جميعا وكان (حوش بكري ابوبكر ) موضوع لاحاديث كثيره,مع بورداب كثيرين التقيتهم,هناك في الولايات المتحده الرائعه ابدا باهلها. |
ما قلنا ليك بطلي النميمه... قولي وما تتكسفيش....!
Quote: سعيدة اولا بكسر حاجز الادمان عليكم.... |
ياااااه... شراب ولا حبوب، ولا هوا ساي!!!
Quote: وحأكون سعيده اكثر لو كنتوا كلكم بخير.... |
كلنا كذلك....
Quote: وسعيده بلقاء الكثيرين.....ممن قرأت لهم وقرأوا لي...ولم نلتقي الا آخيرا. |
إنشاء الله تلاقي الباقيين كلهم في ساعة خير وجو من المودة والإخاء...!!
Quote: ويا شباب امريكا الله يديكم العافيه, والله بترفعوا الرأس عالي وكرمكم فياض, ومعرفتكم كنز, ومظاهراتكم مبالغه..... حقيقي لم اتخيل المظاهره بهذا الحجم. |
الشباب شباب السودان، ودائماً شبابنا بيرفعوا أكتر من الراس، والكرم موروث من أجدادهم،، ومن زمان المظاهرات ألف وميدان أبو جنزير يشهد،، والكلام ما الحجم بل الأثر والفعالية.. وأتمنى أن يكون المردود إيجابي وعلى أهل دارفور المسحوقين جميعاً كبيرهم وصغيرهم أبيضهم وأسودهم ، ساكني المخيمات قبل الزعماء والقادة ، الفقراء قبل الأغنياء، المساكين قبل القادرين، الضعفاء قبل الأقوياء، أبناء القبائل الصغيرة قبل القبائل الكبيرة. فاهمه قصدي يا تراجي يا أختي.
الشايقي ________________ فاوضني بلا زعـــل
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: Al-Shaygi)
|
الفاضل الشايقي
شكرا لك
Quote: ما قلنا ليك بطلي النميمه...
|
تسميها نميمه ليه تفتكر لو التقيت بك حيكون حديثنا شنو غير البورد؟؟؟؟؟
عارف يا الشايقي
ياريت لو ناس واشنطون ينزلوا لك حديثي للسودانين عشان تعرف انه دائما بتكلم عن شنو:
Quote: وأتمنى أن يكون المردود إيجابي وعلى أهل دارفور المسحوقين جميعاً كبيرهم وصغيرهم أبيضهم وأسودهم ، ساكني المخيمات قبل الزعماء والقادة ، الفقراء قبل الأغنياء، المساكين قبل القادرين، الضعفاء قبل الأقوياء، أبناء القبائل الصغيرة قبل القبائل الكبيرة. فاهمه قصدي يا تراجي يا أختي.
|
وفاهمه قصدك تماما ومتفقه معاك.
شكرا لك.
تراجي.
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: bayan)
|
بيان
شكرا على سؤالك
والله اللمه كانت بالحيل سمحه
وناس الكي بيورد الشايلين حالهم والله طلعوا خطرين بالحيل
ناس صبري الشريف مثال راكبين قرابة الثلاث ساعات عشان يصلوا
ناس خالد كودي ناس بوسطن قريب السته ساعات عشان يصلوا
(لم التقي خالد لكن اعتقد انه حضر) فقد حضر انشطه آخرى
ولكن ناس بوسطن عموما دي مسافتهم لواشنطون وقد حضروا قرابة ال 9بصات من بوسطن.
التقيت صديقك منعم الجزولي واول ما عرف نفسه قلت له انت صديق بيان
اي اقصد بانه هل هو من تكتب عنه بيان فاجابني نعم.
المهم منعم رجل فاضل واخو اخوان لم نلتقي اثناء المسيره
والتقينا مساء في ندوة ناس واشنطون والله ما اجملهم ابناء بلدي هؤلاء.
Quote: بالله بشاشة ما مشا المظاهرة اسع انا قايلاه راس القايدة الحصل شنو؟ شغلتنا اموالنا واهلونا ولا كيف؟ |
لا يا بيان
والله ان من اخطأ بحق باشاشا
فقد وعدته ان ابقى على اتصال
وحشد الحشود للقائي وكان يعتقدني قادمه لسان فرانسسيسكو
وانقطع اتصالي بهم جميعا,بعد دخولي للولايات المتحده لانه
برامج كان مرهق جداوما كان في زمن نحك شعرنا,غايتو
ربنا كاتب لينا ما نشوف بشاشا,لكن بركه الشفته دينق
كان هنالك صمدا وقويا كشجرة التبلدي في بلادنا
ساعود لاحدثكم عن دينق.
تحياتي.
تراجي.
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: Bashasha)
|
العزيز بشاشا
سامحني يا اخي فقد كنت مشغوله ولم اصحح لك المعلومات.
Quote: فاتنا الشرف، ولكن البركة في الجايات، اودارفور بلدنا |
ما علمته من الاخوة
انك اعتقدت اني ساكون بطرفكم يوم 19ابريل
وهو للاسف يوم وجودي في نيويورك
وقد القيت سفرة سان فرانسسيكو التي كانت متوقع ان التقيكم فيها
وايضا اسفه اني لم اخبرك عن رالي يوم 30 لانك اكيد ما كنت قصرته.
المهم ابناء الهامش في نيويورك وواشنطون يقرونك السلام
ويشيدون بكتاباتك بشدة وسلام خاص من ابناء النوبه لشخصك(اقصد نوبة جبال النوبة).
Quote: ادينا انطباعاتك عن اكبر مسيرة في تاريخ السودان، خارج السودان، |
يازول ده شغل كان خرافي
ويومها حسيت باني اسير في جنازة عرش البشير
صدقني ايامهم قد انتهت خلاص يا بشاشا
يازول لو شفتا الجماهير السودانيه تهتف بقيادة البوردابي:
د.محمد القاضي(العار ..العار...يا بشير..)
(سفاح ...سفاح يا بشير...)
(لاهاي...لاهاي يا بشير...)
وولو شفت الصادق اسماعيل البوردابي بصوته الجهوري يقود الهتاف
يازول كأننا في ابو جنزير يوم الانتفاضه
وكان هنالك شاب لم اعرفه ينشد اشعار محجوب شريف
وبنات سودانيات شماليات كثر بعمر الزهو يصرخنا ويهتفن لاجل وقف النزيف بدارفور
مطالبات بالاهاي للطغمه الفاسده,وجاء الجنوبين باعداد خرافيه بطبولهم
واعلامهم واهزيجهم للوقوف بشدة مع اخوتهم الدارفورين.
اما شباب دارفور فقد تدفقوا كالسيل العارم من كل فج لواشنطون
حملتهم عشرات الباصات لواشنطون,وبعضهم قدم من قبل يوم لبعد الماسافات
اغلقت كل الشوارع باتجاه مكان المسيره,وكانت هنالك مسيره ابتدائيه
اسمها:Rally Befor The Rally
دي كانت تسخينه للمظاهره العظمى
وهنالك التقيت
الرائعه الوجه النيويوركي المخلص نجاة بشير
والرائع صبري الشريف قادم من نيوجرسي وعادل خميس
وشابا كثيرين لم اعرف بعضهم هنالك غنينا ورقصنا
وتشابكت ايادينا في رساله قويه
لسفاحي الخرطوم
اننا بألف خير رغم جرائمهم
واننا متضامنين ومتحدين كسودانين
وان البشر من كل السحنات قد آمنوا بعدالة قضية اهل دارفور
واننا متصدين لهذا الظلم حتى آخر قطرة دم فينا.
والله ملحمه خرافيه,بس فقدناكم,وبعد تلك المظاهرة المختصره
تحركنا لنلحق بمن سبقونا هناك ووجدنا الجموع الغفيره
وما ان وصلنا بهتافاتنا وسحناتنا حتى عرفتنا الجماهير الغفيره
اننا اصحاب الوجعه واننا السودانينفبدأ يصفقون لنا ويرددون هتافاتنا
(ستوب جونسيد ناو) ......(استوب جونسيد ان دارفور)
والله يا بشاشا يوم تاريخي لتضامن الشعوب.
معزتي .
تراجي.
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: Tragie Mustafa)
|
Quote: Quote: وحشتوني....وحشتوني.....وحشتوني.....يا ناس البورد!!
أهلاً وردة...........!!
Quote: افتقدتكم كثيره....خلال ال 12 يوم الماضيه. غبت عنكم ولم تغيبوا عني
وإحنا كماااااااان....
Quote: وكنتم حاضرين جميعا وكان (حوش بكري ابوبكر ) موضوع لاحاديث كثيره,مع بورداب كثيرين التقيتهم,هناك في الولايات المتحده الرائعه ابدا باهلها.
ما قلنا ليك بطلي النميمه...
Quote: اقول ....
قولي وما تتكسفيش....!
Quote: سعيدة اولا بكسر حاجز الادمان عليكم....
ياااااه... شراب ولا حبوب، ولا هوا ساي!!!
Quote: وحأكون سعيده اكثر لو كنتوا كلكم بخير....
كلنا كذلك....
Quote: وسعيده بلقاء الكثيرين.....ممن قرأت لهم وقرأوا لي...ولم نلتقي الا آخيرا.
إنشاء الله تلاقي الباقيين كلهم في ساعة خير وجو من المودة والإخاء...!!
Quote: ويا شباب امريكا الله يديكم العافيه, والله بترفعوا الرأس عالي وكرمكم فياض, ومعرفتكم كنز, ومظاهراتكم مبالغه..... حقيقي لم اتخيل المظاهره بهذا الحجم.
الشباب شباب السودان، ودائماً شبابنا بيرفعوا أكتر من الراس، والكرم موروث من أجدادهم،، ومن زمان المظاهرات ألف وميدان أبو جنزير يشهد،، والكلام ما الحجم بل الأثر والفعالية.. وأتمنى أن يكون المردود إيجابي وعلى أهل دارفور المسحوقين جميعاً كبيرهم وصغيرهم أبيضهم وأسودهم ، ساكني المخيمات قبل الزعماء والقادة ، الفقراء قبل الأغنياء، المساكين قبل القادرين، الضعفاء قبل الأقوياء، أبناء القبائل الصغيرة قبل القبائل الكبيرة. فاهمه قصدي يا تراجي يا أختي.
الشايقي |
الشايقى شايقى!!!؟؟؟.
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: ابوالقاسم ابراهيم الحاج)
|
لما كوستاوي نزل ليك شريط مقابلة هنا كنت خاتي يدي في قلبي تفضحينا مع الخواجات العاملين معاك مقابلة بي زي خرمجتك البتعمليها هنا لكن والله لقيت عندك شجاعة ادبية ورغم الاختلاف الا انه كلامك كان معتبر وما بيخجل زي نص السودانين البيعملوا معاهم لقاءات . اسمعي انت ما تركزي علي المواضيع دي وتنسي قصة الكتابة الربنا ما قاسم ليك فيها دي؟
ـــــــ سؤال اساسي في النص
عملتي بيدك حركة مشاءة كم مرة عليك الله في المظاهارات ؟
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: hanadi yousif)
|
هنادي يوسف
ايها الجسورة
الصلبه الصامده
الانحنائه لشخصك الرائع منك نستمد القوة
واصلي الصمود
وليتك كنت معنا.
ولم انساكم صدقيني
تحدثت مع سنتور اوباما عن ملف اللاجئين
وتحدثت في ندوة امنيستي انترناشونال عن ملف اللاجئين.
تحياتي لكل الرفاق بطرفك خاصه (النسر) لم تطمأننونا عليه بعد
من يوم المذبحه الحزين.
تراجي.
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: Tragie Mustafa)
|
Quote: بالله بشاشة ما مشا المظاهرة اسع انا قايلاه راس القايدة الحصل شنو؟ شغلتنا اموالنا واهلونا ولا كيف؟ |
دكتورة بيان تحياتي،
لو جمع المال والبنون زينة الحياة الدنيا، منعوني من المشاركة افتراضا، فالمشكلة وين لوانتي ماعندك شك في "تزعمي" لي انشطة ذي دي، انطلاقا من معرفتك بي مواقفي المعلنة؟
الكلام في امثالك العندهم موقف عديل كده، مش مجرد ظروف!
فانتي كخريجة "اسلام سياسي" او كوزة اخترتي خندق النظام مش كده برضو ولاانا فاهم غلط؟
مشاركتي من عدما لاتغير شئ من التزامنا، ولكنك وبحكم ذهنية الاسلام السياسي، ففهمك دايما نصوصي، طقوسي، حفظي، تسميعي، درشي، طرشي!
اما نحن، فالاساس عندنا الممارسة في الحياة الخاصة، مش النص!
عشان كده في تاريخ ثقافتنا، الكتابة كانت محرمة عديل كده، ولهذا لغتنا كانت مجموعة رموز وبلاحروف استهجاء!
لوعندك رغبة تواصلي الموضوع ده، فخلينا نطلع من الخيط ده.
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: شدو)
|
الأستاذة تراجى ..
بل نورت أمريكا وناس أمريكا .. ثم .. كل الشكر لك لما قمت به من واجب .. واذ نحن نطلب من المولى عز وجل أن يديم لك الصحة والعافية .. ثم أن يكثر من أمثالك ..
ثم .. وثم ..
نورت البورد من جديد ..
ونحن بانتظار تقاريرك .. وكتاباتك ..
أخوك العجوز .. أرنست
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: Yasir Elsharif)
|
اساسي وغـــد النوايـــا السيئـة
كونك لا تحمل قلبا لا تجري كفاية هذا لا يعني ان الناس كلهم على شاكلتك .. امنياتي على الدوام ان يهديك ربك ويمنحك الشجاعة لتواجه بها (ضبان وشك) ولا تقاتله واذ تفعل ذلك يصيبك خيرا كثيرا كثيرا جدا .. كن اساسي يا اساسي وعد من جديد قلبا نابضا ينتج الحب المؤكسد ليمنحه للذين هم في حاجة اليه اطرد عنك هذه الشرور المتعاظمة ايها الوغد الصغير كن مصدرا للحب .. يا بني .. تعال الى تمام النبض الحاني ولا تركله بعيدا لتجلس وحيدا الى شرورك لا احد يؤانس شغبك ..
يهديك ربي يااساسي هو ولي ذلك والقادر عليه ..
.. ....... ............
متى تأتيـــن ايتها البعيدة القريبة .. متى تدشنين اطايبه ليرتاح العالم من ضجره
اقعد دائما على خير ولا تعافر ..
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: شرير والبرتقاله)
|
اكون وغدا للنوايا السيئة عندما اراك تمتقص دور الاسد الذي يتربص بفريسته ... الكثير من المساكين هؤلاء لا يعرفونك حق قدرك ... وثعلوبيتك التي يحتار فيها الترابي نفسه ... احتار انا في ان اري اربعيني مثلك عاد من مبتدأ الرهاق ... ليكون حديثه الي صورة ... ورهاقه ... ويبزل حبه رخيصا تحت اقدام اي واحد بتاع كوداك ....او لقطة رائعة في جدار مجلة نسائية ... او حتي دعاية تلفزيونية ... لذا انعتك بالمنافق لاني اعرف حدودك جيدا ومنتهي ادراكك هذه الايام حينما تنقلب علي قناعاتك وتؤكد ظلمك تراجي طيلة الفترة الماضية فقط من اجل صورتها كمشاءة لم تكن تعجبك بقدر ما تقول انك انصت منتبها عندما تحدثت تراجي؟ ؟ غايتو زوق الناس بيديهو رب الناس وربنا يهني سعيد بي سعيدة وان شاء الله يوم حالقاك مسكر في راكوبة وانت تبزل عشقك امام مرقها وعناقريبها وبنابرها.
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: د. بشار صقر)
|
المناضلة و صاحبة الكلمة الرصينة / تراجى
ولله مشتاقين كتير ,,,, و حقا افتقدناك
و حمدلله على السلامة ,,, و لك التحية اينما
حللت ,,, انت كبيرة فى وجداننا ,,, و نقدّر
لك المجهود الكبير الذى تبذلنيه فى المحافل
الدولية من اجل سودان خالى من الترهيب و التشريد
و القتل و ألأغتصاب و الجوع و المرض ,,, انحى
احتراما لك ايتها الثائرة .
الفولانى
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: Tragie Mustafa)
|
Quote: والله لقيت عندك شجاعة ادبية ورغم الاختلاف الا انه كلامك كان معتبر وما بيخجل زي نص السودانين البيعملوا معاهم لقاءات . اسمعي انت ما تركزي علي المواضيع دي وتنسي قصة الكتابة الربنا ما قاسم ليك فيها دي؟ |
الغريبة الدباب اساسي، فيهو الخصلة النادرة دي.
خصلة احقاق الناس بعض حقوقهم.
احييك ياخصمي اللدود، اواحنا خصومتنا دايما شريفة او ناصعة.
اماكتابة الفارسة تراجي، سليلة رودا او خليفتا في المنبر، فهي من جعلت من تراجي من هي اليوم!
في عرفنا الكلام الما شفيف، دغري لي حد التجريح، عهر، بل خيانة لي دماء الملايين. لانو المدخل للتدجين والتطويع هو الكلام الاملس الناعم "الراقي" والدبلوماسي!
احنا ما بي شيتا ساهل كتلنا بعض بالملايين. والكلام المبهر او مملح ابدا ما المدخل لمواجهة انفسنا وافعالنا.
غسيل الجرح ألمو مبرح، ولكن لعلاجو فلابد من الالم.
صحيح وضع الفارسة تراجي اختلف من حيث الموقع والمسؤولية، او ده بيتطلب منها سعة افق اوسعة بال اكثر، من دون افراط اوتفريط في كلاش الكلمة!
معادلة صعبة مافي شك.
نتمني ليها التوفيق.
التحية ايضالمدرسة سودانيزاون لاين، اوناظرا بكري،الخرجت تراجي اوقدمتا للعالم.
اوعا راسك يكبر ياتراجي!
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: Bashasha)
|
بشاشا
Quote: اوعا راسك يكبر ياتراجي! |
افو يا بشاشا ان بتك يا عمر ابوطالب وبتول حسين
لم يعلماني سوى التواضع
وعلى ماذا يكبر رأسي
على مقدرتي على ايصال صوت المغيبين بشكل جيد
لا يا بشاشا
ساصل ابنة البسطاء
حفيدة الشريف محمد الحسين النزل الانتخابات ضد عبد خليل في دائرة ام كداده
وتحدى اوامر قياداة الانصار رغم انه انصاري على السكين لكن فرض الرأي ما بنقبله.
لك التحيه ولسودانيز اون لاين التي هي ماجمعتني بالرائعين مثلك يا بشاشا.
مودتي
تراجي.
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: lana mahdi)
|
اساسي قمئ الاحساس ووغد النوايا السيئة
Quote: وثعلوبيتك التي يحتار فيها الترابي نفسه |
الان فقط تستل من جراب حرابك خادش لعناتك لتغتال مع الفارين شخصية (شيخكم) بـ قمئ اوصافكم . الان تشخت (الشخيط) وتبذل وافر جهدك للتخلص من ارثه .. لا تخف يا صديقي هو ايضا مثلك فعل الشيء نفسه تنكر للذين ماتوا هنالك اثر فتاويه ذات البلاوى اذ اطلق (لبوق) الخراب عنانه يحرض النداء اثر النداء لقتل الابرياء ، لان الله في تلك الايام اخبره دونا عن العالمين ان الجنة مفتوحة فقط للصاعدين الى السماء واياديهم مبلولة بدماء الابرياء فقط لانهم نسوا ان يسكنوا في مناطق لا يحق لاي انسان لا يدين بدين الكيزان ان يسكنها .. فعلها بذات اليد الباردة ، وامر بقتل الكثيرين وشرد الكثيرين .. فعلها بذات اللحية التي ظل يمصرها امام العالمين وهي تمطر ماء وضوء من المفترض ان تطهره لا تطهر الاعراق بدلا عن ذلك تسعة سنوات كاملات تشرد فيها من تشرد واغتيل فيها من اغتيل على وضوح من تلك الفتاوي بقاع قد خلت ، وجنان هناك قد ازدحمت ابوابها بالحاملين لصكوك الغفران ولم يقف احد منهم ليسال مامصير الذين اخلوا اماكنهم في هذه الارض غصبا عنهم ليرح احدكم مقعدا اماميا هنالك في جنات الخلد لم يقف احدكم ليسال الذين تركوا على عجل مقاعدهم في هذه الدنيا البسيطة بسبب نزوة احدكم ، ما الاحلام التي كانت تخشخش بمفاتيحها في رؤسهم .. ما الامنية الاخيرة وهم يدفعون ثمن صعود احدهم الى السماء منتصرا ليدسوها في اذان احبابهم . اطفالهم او حتى اماكنهم الحبيبة ومع ذلك لم يتعلم الشيخ شيئا مما مضى ولم يتركنا الذين تخطتهم باعجوبة ايادي خرابهم القتاوي ذات البلاوي فعل ذلك ومازال يفعل وان منحه الله ساعة ليوم غد سيفعل مثل اي كوز قمئ سيعتقد انه خليفة الله الوحيد في الارض المعنى بتعميرها ولا احد سواه يسرق البترول ، يسرق اموال المغتربين ، يمارس ... في دهاليز المساجد ولا تطرف له عين .. ويكذب ، وينافق ولا زال يعتقد ان لا احد يستحق ان يتولى الفتواي غيره ..
لا تخجل ياصديقي ممما انت فيه الان فغدا دائما عندكم يوم اخر .. سوف تفعل مثل مافعل شيخكم الذي تتنكر له الان وتصفه بالثعلبية .. بذات الدم البارد الذي كنت تصفق له فيه وانت معجبا بافكاره ، مستجيبا لتحريضه
كفانا الله وجميع من نحبهم من شروركم ..
وداهية تاخدكم
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: شرير والبرتقاله)
|
يا سبحان الله يا شريرالابليسي بالامس القريب الم تخبرني علي رؤس الاشهاد وانت (تمزمز) الشوربة وتتمطي مع عود المشوي وعيناك تدمع مع حرارة البصل بانك مفتون هذه الايام بالشيخ الترابي لانه (فك اللعب) مثل فتنتك بالكاميرا الديجتال ذات الالف ريال الا واحدا(لعنة الله تغشي كوداك وفوجي فلم التي تجعلك تغير قناعاتك مع اول لقطاتها) الم تقل ان الان الترابي اصبح شيخك مباشرة بعد فتاويه الاخيرة ... الان تتربص نافضا يدك من اي تصريح اطلقته بالامس ... بيد اني استغرب نجواك لي انه السودان لن يعود سودانا ابدا يصلح للحياة ما لم يعود السيد فيه سيدا والـ.. (البقية قد تدخلنا قواتمالا) وانك في لحظة تجلي طفقتك تتغزل ان هذا العصر يفتقد الي الزبير باشا؟ صديقي .؟ اراك اصبحت تترقي سلم النفاق نزولا طالع اعالي الفوق تحت بوكس يخمك انت وقناعاتك المن اصل وصورتين . كل نسخة بتوقيع اراك عدت يا صديقي تحلم بقطع الاطلنطي وتتقرب زلفي الي سدنته
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: Tragie Mustafa)
|
Quote: مرحبا بعودتك يا تراجي، يا فارسة المنابر؛ كلام وكتابة.. الله يقويك ويشدك .. والله لا يضيع أجر من أحسن عملا..
بي ظهورك في المظاهرة افتخرنا وسنفتخر.. نضالك من أجل المستعضفين والمستعفات سوف يسجله التاريخ بأحرف من نور.. |
Quote: لك التحية اينما
حللت ,,, انت كبيرة فى وجداننا ,,, و نقدّر
لك المجهود الكبير الذى تبذلنيه فى المحافل
الدولية من اجل سودان خالى من الترهيب و التشريد
و القتل و ألأغتصاب و الجوع و المرض ,,, انحى
احتراما لك ايتها الثائرة . |
Never look back...just gooooooooooooooooooo...bless ya
| |
|
|
|
|
|
|
Re: وحشتوني....وحشتوني.....وحشتوني.....يا ناس البورد!! (Re: إيمان أحمد)
|
العزيزة تراجي
تحياتي
عودا احمدا..لم تغيبي عنا..فقد كنا معك خطوة بخطوة..كنا معك وانت تعليين رايات الحق خفاقة ..في بلاد العم ..سام..ارتفع منا الهام..واثلجت الصدور..لك الف تحية مهيرتنا..ورابحتنا الكنانية..لك التحية وعبرك لكل الصناديد الذين اسهموا معك.. افتقدك ..البورد فيما نفتقد جرسا يقرع بالخطر..وطبل يدوي لحرب مزمعة ضد الظلام والظلم..افتقدنا مرورك الصاعقة..ذاك الذي يثير(العجاجات..والكتاحة)..اظن ان اعداءك واحبابك علي سواء ..استنضجهم جمر الانتظار..اهلا بعودتك..
لك كل الود
| |
|
|
|
|
|
|
|