|
|
 من قلب الشرق من حلفا الجديده
|
اخوتى البورداب الحلوين
اولا مشتاااااااااااااااقين
صدقونى لم انسانكم قط رغم بعادى عن البورد وكنتم مثل قلبى ترافقونى حيث ما كنت انا واليوم ارسل لكم التحايا من الوطن الحبيب من حلفا الجديده هذه المدينه التى تقع فى شرق السودان الحبيب
ولكم التحايا
بكاش
|
|
 
|
|
|
|
|
|
|
|
Re: من قلب الشرق من حلفا الجديده (Re: noha_g)
|
سلامات حبيبنا باكاش
هيجت الاشواق كده من الصباح
بقي انت من حلفا ... وانا اقول انت زول تمام كده ليه
انا بقي من قرية 18 ...سلم علي كل ناس 18 وادينا اخبار حلفا بعد دخول الانترنت اليها ووصول طريق الاسفلت بعد عمل دام 7 سنوات
| |
|
|
|
|
|
|
|
|
 Re: من قلب الشرق من حلفا الجديده (Re: BAKASH)
|
بكااااااااااااااااااااااااااااااااااش
سلام اخى الكريم ..كميات من التحايا لا حدود لها .. اننى معك الان هنااااااك بخيالى ..فى حلفا.. حلفا البلد ..حلفا الحنان.. حلفا دفء المشاعر .. والاهل الطيبين ..
يا اللـــــــــــــه عليك يا بكااااش
تحياتى لكل الاهل بحلفا الجديده وتحية خاصة لى اهلنا فى المصنع..
وحمد الله على سلامتك
لى ذكريات عطره فى هذه المدينه العريقه باهلها وموقعها الجغرافى فى مساحة الوطن وقلوب الناس
سلام لكم جميعا
وتسلم بكاااش ابن البلد الاصيل
| |
|
|
|
|
|
|
|
|
|
Re: من قلب الشرق من حلفا الجديده (Re: BAKASH)
|
شوق عارم إعتراني يا بكاش ، وكيف حال الناس في مدينتي وكيف حال أهلي بقرى دبيرة - القرية 3و6 و9 و7 و14 وعموم الأهل بكافة القرى
|
وزاد شوقي يا سوما بسيرة مصنع السكر ، وايام قضيناها هناك فيالإدارة والمصنع والورش
عبدو أريس
إر مسكاآقنا ،، بركا بركا بليقوني
مسكا إدين دونا ، ولا ألقونا
إلهي لون هيردو جمى كجا
|
| |
|
|
|
|
|
|
|
|
|
Re: من قلب الشرق من حلفا الجديده (Re: 3bdo)
|
المهندس
شكرا ليك يا رائع وما ننسى ايام الدراسه والسينما
دريمز
سلااااااام كتير
جاييكم انشاء الله ما ممكن ارجع بدون ما اشوفكم شكرا يا زوق
الدكتوره نهى
سلاااااااام
ناس اوشيك واوكاش والقاش وجبال توتيل كلهم يسلمو عليكى شكرا ليكى
عبدو
ناس حلفا كلهم يسلمو عليك والانترنت شغاله يوم بعد يوم ههههههههههه
الرائعه سوما
سلاااااااام كتير وشوق تسلمى يا رائعه وناس المصنع وناس البلد كلهم يسلموا عليكى
ولياب
سلاام يا ود حلفا والاهل كلهم بخير وحلفا بقت جميله
شكرا ليكم يا حلوين
بكاش
| |
|
|
|
|
|
|
|
|
|
Re: من قلب الشرق من حلفا الجديده (Re: BAKASH)
|
الاخ بكاش
مرحب بيك في حلفا
واتمنا ان ازورها قريب ان شاء اللة
تحياتي لناس حلفا واحد واحد شبر شبر
اتمنا ان ازور فيها قبر الشيخ عبد المجيد قرية 22 واشيل الفاتحة للماتو واسلم علي ناس البلد في الكيلو 14 وفي 22 و و و و
وذكريات جميلة ...... ولكن ماباليد حيلة
hasb loga
massoub
| |
|
|
|
|
|
|
|
|
|
Re: من قلب الشرق من حلفا الجديده (Re: MASSOUB)
|
سلام يا شباب
تحياتي لحلفا الجديدة وأهلها و للعاملين بالمؤسسة الزراعية ومؤسسة الري
أمضيت فيها حوالي شهر وأسبوع ، بالمؤسسة الزراعية بالإستراحة
كان ذلك في العام 1998م ، كسبت كثيراً من الأصدقاء في وقت قصير
كنت أستمتع بالذهاب للسوق مشياً ، وأرجع مشياً متأبطاً جريدة الرأي العام
واستمتع بالجلسة على كافتيريا أمام المستشفى أراقب المارة
لي ذكريات لذيذة عن حلفا وسبب ذهابي إليها ويومي الأول فيها والأيام التوالي ومغادرتي
لها، وعن اهل حلفا حلفاويين وعرب ووافدين ، أرجو أن أجد الفرصة لتذكرها من خلال الحوار
لكم التحية
| |
|
|
|
|
|
|
|
|
 Re: من قلب الشرق من حلفا الجديده (Re: HAMZA SULIMAN)
|
لوتنينا وهاشووك تكتمينا
الاخ الفاضل باكاش
حمد الله علي السلامة وطولت جدا مننا يبدوا انك طلقت
البورد لووووول , جميل ان نراك في البورد مرة اخري
ويلا عايزنك تنقل حال الشرق واهله ورحلتك بين ربوعه
التي اشتقنا اليها ايما اشتياق
دقنه
| |
|
|
|
|
|
|
|
|
|
Re: من قلب الشرق من حلفا الجديده (Re: BAKASH)
|
سلام من بلد بعيــــــــد لى ناس حناااان ..
التحيه ليك يا بكاااش .. والتحيه لى ناس حلفا من مواصلاتنا فى السوق الشعبى مرورا بى محطات اهلنا فى الشرق .. من حنتوب وتبدا تباشير الشرق .. الخيارى.. الفاو.. القدمبليه.. المشاريع الزراعية ثم قضارف الخير .. وجبال الشرق العريقه ولهجاتنا الحنينه .. والقطاطى مكسوه بحله خضراء من نبات الليف الجميل المتسلق بلون زهرته البنفسجيه والبيضاء والصفراء .. وحيشان الصريف مرورا بالشوك وخيراتها الكثيره خاصة اسماكها الدسمه وفاكهة البطيخ الحلوه لحد الارواء .. ونعرج عبر الترع والاراضى الخصبه متوجهين لى حلفا ..عبر اشرنكيل.. والقهاوى ولهجات اهلنا الهدندوه والجبنه المحكره فى طبلية الخشب .. جبنه الحديد الصغيره بحجم فنجال او اثنين فقط .. وما احلاها من قهوه ..وما احلا كلام وطيبة اهلنا فى الشرق .. وتبدا رحلتنا عبر الطريق الممتد من خشم القربه الزلط الى ..مدينة حلفا .. وما اجملها معناة فى هذا الطريق عبر بصات النيسان .. فى فترة الخريف .. شاقين قرى اهلنا الطيبين فى طقس جميل ونسيم عليل .. وسط الحواشات .. وقطيع الابقار والاغنام ..انها حقا بلدا غنية بخيراتها وطقسها المتميز دون مناطق بلدنا الحبيب .. فى فصل الخريف تكاد تجزم انك سوف تلامس هذه السحب الداكنه بيدك ..من كثافتها وبرودتها التى تحسها وتستمتع بها ..
وفى المدينه العريقه الجميله المتميزه بمبانيها المتشابهه من مساكن الموظفين وغيرها .. تاتى الى مسامعك تحايا اهلنا فى حلفا بمختلف اللهجات واللغات ..لكن المعنى واحد .. الطيبه الكرم الجود الاصاله ..
ثم تبدا رحلتنا الى المصنع .. الذى يبعد ثلث الساعة من حلفا المدينة ..قاطعين الترع والحواشات .. وتتميز عربات المنطقه بى اللاندروفر نسبة لطبيعه الارض الخصبه الطينيه ..التى يصعب السير باى سيارات اخرى فى فصل الخريف .. وفى الطريق نرى الكثير من سيارات وشاحنات النقل وترلات المصنع .. ومع نسيم الطين ياتى لنا المصنع بتباشير ريحة القصب والمولاص .. هل تعرفون المولاص ؟؟ .. . ومن البعد يلوح لنا مبنى المصنع العريق والسوق والبركس ..ثم عشرين بيت والسنير.. ويبدا سلام اهلنا اشتقت حقيقة لها كلها ..اشتقت لى الصلابيه المخلالات الفطائر المشمش حتى اكل حلفا له طعم ونكهه خاصة مثلما اهلها لهم طعم ونكهه خاصةاشتقت لى اى شارع ومنطقة فيها واشتقت واشتقت واشتقت ووووووووووووووو
حلفا اننى اعشقك حتى الثمالة..
التحية لكم جميعا وتسلمواااا وتسلم يا بكاااش وتسلم كتير عبدو ..اسفه للاطاله
| |
|
|
|
|
|
|
|
|
|
Re: من قلب الشرق من حلفا الجديده (Re: BAKASH)
|
سلام تانى ..بكاش .. يا ريت تتحفنا بى اى ابداعات جديده من حلفا.
حلفا فيها شعراء وفنانين مبدعين جدا .. وبتمنى تجيب لينا بعض المقتطفات من شعراء المنطقة ..
وفيها جمعيات ثقافيه نشطه ..تحياتنا ليكم جميعا وبتمنى ليكم التوفيق واجازه سعيده ان شاء الله
| |
|
|
|
|
|
|
|
|
|
Re: من قلب الشرق من حلفا الجديده (Re: BAKASH)
|
تابعت رحلتك ،،، وخيل لي أني مسافر
في الفاو والخياري ،، أشعر برائحة الشرق
وعند القدمبلية ،،، كأني على موعد مع النبق والسمسمية
أملء رئتي بالهواء العليل عند القضارف ،،،،
وفي القضارف يبدأ خفقان الشوق وتزيد ضربات القلب
لهفة وشوقا للحبيبة ، وتمر بالشواك وربما وقفنا لحظات بجانب
مطعم أبناء وادي ستيت ، وتحرك بنا الأكسبريس أوقل الحرمين
وعند خشم القربة ،،، خذ يسارك وتوجه نحو الشمال
يأخذ الطريق الأسفلتي الى الأهل والأحباب
من أول الطريق ومن على بعد يبدو لك الجبل شامخاً عند القرية 1 فرس
وجبل آخر عند القرية 33 فرس ،،،، ويتخلل جنبات الطريق بعض الزراعات المطرية ،،،، وهي أراضي مزروعة خارج نطاق المشروع الرسمي لمؤسسة حلفا الجديدة الزراعية .
وما هي إلا لحظات يترآى للناظر الخضرة المنبعثة من حواشات أهل دال والكيلو ،،،،، ومنازل محطة فرس ،،، ويا حليل أيام القطار المحلي الذي جاب تلك المحطات ذهابا وإيابا ما بين حلفا الجديدة وكسلا
وعلى الخط الموازي من الجهة اليسرى ، أرى الكيلو 26 حيث الترعة الرئيسية المتجهة للقرى تتقاطع هناك ،،،، الترعة الرئيسية تتجه نحو الشمال حتى المدينة ،،،، وترعة أخرى تتفرع نحو الشرق وأخرى نحو الغرب لقرى أخوانا العرب - عرب البطاحين والشكرية-
نحن الان على مقربة من المزرعة والجبلين على ميمنة مني وميسرة ،،،
القرية 33 على يميني ،،،، القرية 1 على يساري
وماهي إلا دقائق سأكون عند أهلي بدبيرة القرية 3 ، هاهي المنازل بدت لي واضحة وبجانب الترعة ظهر لي السوق بدكاكينه المضروبة بالزنك وبعدها تظهر لك منازل الموظفين بتفتيش دبيرة الزراعي ،،، المنازل محاصرة وسط الأخضرار لأشجار عالية باسقة
وتمر وأنت ترى الإدارة ومكاتب التفتيش الأول - دبيرة القرية 3-
وفي الكمبو أختلط أهل الغرب بأهل الشرق ،،، أبقار وأغنام وزراعة وخضرة ،،،، نسير وسط الخضرة والحواشات وماهي إلا لحظات ويبدو لك القرية 6 دبيرة الحصا ،،، حيث فيها محطة الشيخ عمر وعلى جانب الترعة هناك شجرة ضخمة وارفة الظلال يستظل تحتها العائدون من حواشاتهم من أهل القرية
ونمر سريعا بأهلي في دبيرة القرية 9 وأودعهم متجها إلى القرية 13 أشكيت
ومن أشكيت يبدو لك عيانا بياناً مدينة حلفا الجديدة ،،،، يظهر لك أولا المبنى العالي الذي يعادل أربعة طوابق أو أكثر وهذا المبنى هو مطاحن حلفا الجديدة ،،، ذلك المرفق الحيوي الذي إنهار إداريا وعمليا في الأعوام الأخيرة ،،،
وصلنا المدينة
المطاحن ،،،، السجن ،،،، سوق المحاصيل ،،،، الأشغال ،،،، حي الثورة ،،، المحالج ،،،، السكة حديد والمستودعات ،،، النقل الميكانيكي البيطرة ،،،، السوق الشعبي حيث محطة الباصات لكل من الخرطوم ، القضارف ، كسلا ، خشم القربة ، بورتسودان
المدينة والأحياء والسوق الرئيسي ومعالم المدينة الحيوية ومصنع سكر حلفا والقرى المجاورة ،،،،، سيكون للحديث بقية
ولكم تحياتي
| |
|
|
|
|
|
|
|
|
|
Re: من قلب الشرق من حلفا الجديده (Re: BAKASH)
|
تسلم يا ولياب ..حقيقة واصلت الرحلة بتصوير جميل للغاية ..واكتر من رائع .. لكن وينو ناس الرحله الورانا ..اكسبريس حلفا .. واشرنكيل ..خليناهم ورانا .. ما تحصلوا الركب يا ناس عبدو وبكاااش .. وواصلوا معانا ..وبقية الجماعه .. نسيت يا ولياب الزواده .. ريحتها تجوعك ..لوووول
سلام
ولنا عودة باذن الله
| |
|
|
|
|
|
|
|
|
|
Re: من قلب الشرق من حلفا الجديده (Re: soma)
|
سلامات يا حلوين
يا سوما وولياب اهم حاجة الزوادة... الطعمية والجبنة والبيض المسلوق ..ديل بقو مرتبطين عندي بالسفر.. ولما يقيف بيك البص في الفاو للفطور ... تلقي نفسك بتاكل مع اكل اللي جنبك ..الناس كلها تخت اكلها.. وكل واحد ينادي اللي قاعدين جنبه في البص او اللي جنبة علي الطربيزة محل الفطور وما شايلين فطور ... وتاكل كانه ده حقك من غير اي حساسية... طيبة مبالغ فيها وصحبة طريق مع ناس ما احلاهم
| |
|
|
|
|
|
|
|
|
|
Re: من قلب الشرق من حلفا الجديده (Re: BAKASH)
|
تسلمي يا سوما وأنت بتصحي فينا أجمل الذكريات ، وناس أشرنكيل وحلفانكو ( يا حليلو ) وترحيلات أبوآمنة إن شاء الله يجوا بالسلامة .
ومن قلب السوق وتحيداً المربع الأول وعند قهوة أحمد النوبي ( قهوة قندول ) أتأمل حركة الناس ، فتيان وفتيات من البصاولة يبيعون العيش الشمسي المتفرد والمتوفر فقط في مدينة حلفا الجديدة دون أي مدينة أخرى في أرجاء السودان ويتميز هذا الخبز بلدانته وطراوته ولديه طعما لا مثيل له ومذاقا رائعا ، وأهالي القري منتشرين حول المكان ، هذا قادم من قريته للمدينة حيث مقر عمله وأخر أتى ليقضي حاجة أسرته وكل له مأرب ، تدب الحركة صباحا في المدينة وعندما الثالثة ظهرا ، تبدأ حركة السوق في إنكماش شديد وقد زار أحد الصحفيين المدينة منذ سنوات وعلق قائلا ( المدينة التي تهدأ) أي بعد عودة أهل القرى . في المربع الأول تجد صيدلية د. خالد أبوالريش ومحلات أولاد النوبي وتجارة قرناص ومن الخلف بعض البوتيكات ومحل خياطة للشهير زيدان المتخصص في الجلاليب . وعلى يسارك يبدو مطعم الشوك وقد تحول المكان للتجارة والتموينات وبجانبه ذاك المنجد الذي تقوقع في محل المرحوم جمال عجوبة لسنين طويلة ولا أنسى كهرباء صلاح شريف وهو من أرقين . الجانب الآخر (أي الشمالي) أيضا ميدان وكان شهيرا بمحل الخيرات لصاحبها السنوسي ذلك الرجل الذي أتى من ديار جعل وأبى أن يفارق حلفا حيث وجدهم الأهل ومات فيها . وأذكر سابقا مكتبة التوفيقية وحسين جمعة المصوراتي ووفي الجهة المقابلة أذكر محلات شركة باتا والذي أصبح فيما بعد ساتا وأذكر في صباي محلات الخواجة عبد الكريم قيشر والخواجة خوزيف ومحلات شوربجي وهناك بعض المحلات الأخرى التي تعمل في تجارة الملابس الجاهزة ، ولا أنسى حلواني سيف الدين صحابي وكم وكم من مرة جلسنا هناك ونحن نستمتع بأكلة الباسطة مضافا إليها القشطة ، وكم من وقت جلسنا عند قهوة عبده مترجم وإحتسينا الشاي (شاي حليب كارب) يسطلك عديل . و مطعم الشمندورة وحلواني وقهوة ملتقى القرى .
للحديث بقية
| |
|
|
|
|
|
|
|
|
|
Re: من قلب الشرق من حلفا الجديده (Re: BAKASH)
|
كيف امسيتو ؟؟..عبدو لكن ما تقول لى طعميتك والله تجيب البعيد .. والزواده براها ؟؟ الزواده ما احلاها فى رواكيب القش .. وكراسى الحديد المضروبه بوهيه خضراء ..وزرقاء .. وفى نهاية الراكوبه تلقى المحاسب فى طاوله متواضعه من الحديد ايضا وعليها دفتر عربى صغير وقلم حبر ناشف وعلبة سجائر برنجى تبع المحاسب وكبريتة ابو تمساح .. وفى الجانب التانى ثلاجه من الحديد عبارة عن حافظة مياه كبيره موصلة توصيل تقليدى بمواسير عاديه وبالداخل المويه البارده لونها مايل للاحمرار .خاصة فى فصل الخريف ..وايضا نصف لوح ثلج .وبعض النشارة الصغيره من الخشب التى كانت مصحوبة مع الثلج .. والكبابى عباره عن علبة انناس او علبة اخرى فارغه ومفتوحه من اعلى ومربوطه بى حبل بلاستيك حتى لو لم تكن ظمآن ..تشعر حينها بالرغبة فى الشراب كانك صايم .. وتحس بى متعه وتلذذ وانت تزيح النشاره من كوب الماء .. مافى تافف ..ما فى اى احساس بعدم صحة الاناء او المكان .. بل العكس كل شىء صحى ..اما الهواء الطلق ..سبحان الله .. اكبر مكيفات الخليج البارده زنة 3 طن ..لا تعادل نسيمنا العليل النقى .. وفى خارج الرواكيب اصطفت طوابير العربات من مختلف الانواع ..الشاحنات اللوارى .. الباصات ..الحافلات الكبيره والصغيره .. سيارة ولا اتنين من السيارات الخاصة .وبعض سيارات الموظفين الحكومية .. عناقريب من الجلد والحبل فى ضل الرواكيب بالناحيتين ..وراكوبه بعيده شويه من هذه الجموع للسيدات والعوائل .. ونقطة تفتيش فى نهاية الطريق ..
وفى الناحية الاخرى اصحاب الشاى والقهوة ..طبليات صغيره حولينا بنابر وصوانى المونيم ..وكبابى الزجاج الصغيره ..وايضا الجبنه من الحديد وحوالينا كمية من الفناجين ..وريحة القهوة تطير منك الصداع قبل ما تشرب القهوة زاتها. و صبى ولا اتنين شايلين باكو سجائر البرنجى ومعه جرائد اليوم الفات ومجلات من اسبوع .. وستات التسالى وحلاوة سمسمية ..و نغمات صوت الباعه وبالزات ستات التسالى والفول ..ليها نغم خاص ..وفى كل هذة الزحمة والضجيج .ما بتحس بى ازعاج .بل العكس .. جو بهيج واحساس بالراحة وعدم التعب مهما كانت رحلتك طويلة ..ووووووو للحلقة بقية لكن يا ولياب عليك الله فى داعى للباسطه ام قشطه دى ؟؟؟ نحن ما ناس الرشاقه ..لكن لما امشى حلفا بفك الرجيم وملعون ابوها الدنيا لوووووول
غدارة يا غربه ام جفاف
لنا عوده ان شاء الله
| |
|
|
|
|
|
|
|
|
|
Re: من قلب الشرق من حلفا الجديده (Re: BAKASH)
|
سوما لك التحية
نقلتي الصورة بالقلم ، صورتي المشاهدة وكأنها حية تماثل أمام ناظري ،، خليتيني في عجلة وفي لهفة لشهر يونيو حتى استمتع بإجازتي هناك ، حيث عجبني الخريف في العام الماضي وكم خضت وحل الطين في قريتي ، وانا أجوب بين منازل الأهل ،،،
شنو يا عبدو جبت الزواده وما كملت معانا الفطور ،،، يبدو أن سائق البص تعجل ،،، ويبدأ في تشغيل صافرة النيسان معلنا التحرك من محطة الفطور ،،،،
كنا وقفنا عند قهوة عبده مترجم ، وفي الطابق العلوي كان ناس الضرائب سابقاً ، حاليا يبدو أن مجموعة من المحامين يشغلون ذلك المكان ،،، وعلى شمال القهوة بوتيكات ومحلات طيور البان الذي مازال بلوحته (اليافطة) القديمة وبخط الفنان وخطاط حلفا الأول الأستاذ محمد عبد الله وأكاد أجزم أنه لا أثر لخطوط الأستاذ ، عدا يافطة طيور البان ومحلات حسن مهدي للتجارة بجانب الخيرات ،، وأمام هذه المحلات ينتشر الترزية (الأفرنجية والبلدية) وعند نهاية المحلات يتجمع بعض أهالي القرية الشمالية
وأمامهم بعض المحلات التجارية والجزء الأخر منطقة خالية ويبدو لك واضحا من هناك بنك الخرطوم وبنك السوداني الفرنسي ( الذي يحتل موقع بنك الوحدة سابقا) ومن خلفهم رئاسة جمعية اللواري السفرية بحلفا الجديدة وتمشي شوية وتقطع الردمية وتجد السينما الوطنية وأمام السينما مبنى محلية نهر عطبرة وتمر من أمامه جنوبا حيث تجد رئاسة محافظة حلفا الجديدة وعلى اليسار البريد سابقا وسودان تل حاليا ، وعلى يمينك محكمة حلفا الجديدة ثم رئاسة أراضي حلفا الجديدة ثم الإدارة المركزية
وتتقدم قليلا حيث تجد رئاسة الشرطة ومن هناك يترآى لك منازل مربع 6 . وعموما أحياء المدينة تنقسم الى ثلاثة أقسام قسم شمالي وجنوبي وشرقي وسوق المدينة في الوسط ،،، أما الأحياء الجنوبية فهي مربع 6 ، التوفيقية ، دبروسة ، 100/4 ، حي البصاولة ،حي العرب ، الكنوز ، مربع 10 ، 15 ، أركويت أما الأحياء الشمالية فهي : حي التجار ، ديم عثمان ، ديم تبس ، حي الجبل ، المؤسسة الزراعية ، والجهة الشرقية حي الثورة ، المحالج ، حي الكنيسة .
وعلى الطرف الشمالي من المدينة هناك حي الري و بعض الأحياء العشوائية ،،،
سوما
دعنا نفارق المدينة وندخل خط المصنع (القصب ،،، الترلات ،،، الكاتاكو ،،، المولاص ،،، السكر ،،، خمسين بيت ، عشرة بيوت ، عشرين بيت ، المصنع ، الورش الزراعية ، الإدارة ، ميز المهندسين ميز الموظفين ،، ميز الفنيين ،، البركس ،،، (معلش لا أريد أن أنسى الترعة العفنة) ولا حريق القصب في الموسم وللحديث بقية
| |
|
|
|
|
|
|
|
|
|
Re: من قلب الشرق من حلفا الجديده (Re: BAKASH)
|
ولياب .. سمعت كلامك ومشيت معاك المصنع ..وفتحت جرح عميــــــــــــــــــــق ما بندفن .. مشيت معاك لفه ..لفه وشارع شارع ..لحدى ما وصلنا عشرين بيت .. وفى نهاية الصف الاول ..شفت الامية بتاعة الكهرباء .. وشفت بيت الناظر .. ناظر المدرسة .. ........ البيت ده كان بيتنا يا ولياب .. والناظر ده كان ابوى .. هل معقول انا تانى اقدر امشى حلفا ؟؟؟ وامشى المصنع ؟؟؟؟؟ الكل حا يلاقينى بالنحيب ..لو كان فى زول من الايام ديك .. المدرسة معلق فيها النعى لغاية تاريخ اليوم .. ليه ؟ لانه الناظر مات ......... الناظر مات فجأة .. وجات حلفا باكية حزينه .. بى ناسها وطيبتها .. حتى بيوتها بكت الناظر . بكاه الشجر . وبكاه المطر .. وبكتو اقلام المدارس والورق .. انا من قبيل بساسق بى بره بره .. بزازى بى الترع والحواشات .. بعاين بى هنا وبى هناك .. ما سالتنى ليه ؟ هل ما عاجبنى المنظر الجميل .. والوصف البوصف ليكم فيه ؟ لوحات طبيعيه مرسومه ومنحوته فى خيالى .. لكن الوجعه والصدمة كانت ناااااار .. مولعه وما زالت مؤججه فى جوفى .. بتلتهب فى الحظه مليون مره .. وبتفتح جرح ما بندمل .لمن اغيب عن هذة الفانيه ام قدود .. انا حقو انسحب من الرحلة الجميله دى .. اقشش دميعاتى الما بجفن .. واودعكم ..على امل القاكم فى بقعه تانيه من بقاع بلدى الطاهر .. وبتمنى ليكم رحله جميله .. وسلموا على اهلى كلهم واصحابنا واحبابنا .. واتمنى انهم يعذرونى ..لانه الجيه ليهم اصعب مما يتخيلوا .. زمان كيف.. وهسه كيف .. من سنه ونص والذكريات الجميله المحفوره فى جوانا .. كل ناس البيت .بقت زى بركان من نار ..كل ما نفتحوا يولع زياده .. نحن بنحاول نخليه مدفون .. صحيح نارو بتفضل جوانا لى ما شاء الله ..لكن على الاقل ما بنفتحها عشان ما نألم الحوالينا .. ارجو ان تعذرونى لو المت اى زول فيكم .. فقط ارجو ان تترحموا معى على والدى الاستاذ الجليل المرحوم صديق الطيب الصديق
والله معاكم
| |
|
|
|
|
|
|
|
|
|
Re: من قلب الشرق من حلفا الجديده (Re: BAKASH)
|
سوما
الف رحمة عليه
،،، وربنا يحفظكم
بقدر حبكم لأهل المصنع وأهل حلفا
سأهيل التراب على ترعة الذكريات
وأردمها ،،، ردما ،،، لا القريدر ولا
اللوادر يستطيع أن يفتحها،،،
حزنت كثيراً لأني
فتقت لك الجـــــــــــــــرح العميق في
مسيرة حياتك.
أعذريني ،،، ما خطر في بالي أن
أكون سببا لأحزانك المدفونة
وداعا سأترك هذا البوست
| |
|
|
|
|
|
|
|
|
|
Re: من قلب الشرق من حلفا الجديده (Re: ولياب)
|
سوما
قريت ليكي قبل فترة بوست عن نفس الموضوع المؤلم وكانك كنت تتحدثين بلساني ... لكنها سنة الحياة ولله الحمد
والدي ايضا كان (ناظر ) وكبير قريتنا واهلنا ... كان في حادث عربية في يوم ( اثنين ) السنة اللي فاتت ... واخواتي رفضوا يتصلوا بي يكلموني عشان ما اقلق ... انا عرفت يوم الخميس واتصلت بيهم في حلفا لكن ابوي كان نايم وانا قلت ليهم ما تصحوه خلوه نايم باتكلم معاه مرة تانية ... وتاني يوم سافروا الخرطوم لاكمال العلاج واتوفي فور وصوله للخرطوم ...بدون ما اتكلم معاه واسمع صوته
طبعا كعادتنا نحن السودانيين وعواطفنا المكبوته ... ما كنت عارف اني باحب ابوي للدرجة دي... لكن ما براي... الحمد لله كل اللي بيعرفوه كانوا بيحبوه
هي الدنيا كده ... والحمد لله الذي لا يحمد علي مكروه سواه
| |
|
|
|
|
|
|
|
|
|
Re: من قلب الشرق من حلفا الجديده (Re: BAKASH)
|
اخى العزيز ولياب .. حقيقة المنى كلامك .. ومتاسفه بالجد لو حسستك بالذنب ..صدقنى لم اكن اقصد ..ولكن كما تدرى فمشاعر الانسان لا يمكن التحكم فيها .. خصوصا فى مواقف مثل هذه .. ولكن عندما تقول ان مودع البوست وقبلها تدفن ذكرياتك ّّّّّّّّّّ!!!!!.. فسمح لى ان اقول لك لا.. واترجاك لمواصلة الرحله الجميله ..ومثل ما قال اخونا الكريم عبده فهذه حال الدنيا ..وما علينا الا ان نترحم على موتانا .. ربنا يرحمهم جميعا .. واتمنى عودتك سريعا للبوست ..واوعدك سوف اشاركك متابعة المشوار الا ان ياتينا اخونا بكاش بالجديد من حلفا الجديده...
اخى ولياب ارجو ان تعتبر كلامى هذا طلب من اخت لاخيها ..وعشمى فيك كبير..
اخى الكريم عبده حقيقة رغم مرارة الموقف الا انك واسيتنى ..اتمنى من المولى الكريم ان يرحم والدك ووالدى ..وجميع موتانا ..وان يصبرنا جميعا .. الف شكر ليك للمداخله .. وارجو مواصلة المشوار..
ولنا عودة باذن الله
..اين انت بكاش ؟؟
| |
|
|
|
|
|
|
|
|
|
Re: من قلب الشرق من حلفا الجديده (Re: BAKASH)
|
العزيز بكاش
حمد الله علي السلامة
وانشاء الله لقيت الاهل كلهم تمام وبي صحه وعافية
اها يازول خلينا في المهم لقيت عروس ولا لسع هههههههه يكه شكلك كده مالقيت عروس جيت داخل البورد من هناك ههههههههه يكه
تحياتي الحاره لي محسن الصلحابي
رئيسك بتاع المنطقة الشرقية هههههه يكه
زاتوووووووو
| |
|
|
|
|
|
|
|
|
|
Re: من قلب الشرق من حلفا الجديده (Re: BAKASH)
|
عبدو
الف رحمة على العم وأستاذ الأجيال الذي كان يعرفه الداني والقاصي في منطقة حلفا وعموم السودان ،،، وبالمناسبة في إجازتي السابقة نقل التلفزيون حفل تأبين الوالد رحمه الله
وحتى أنا ،،،، لي قصة ،،، وما قصدي أن أزيد الجراح ولكن فقط مجرد ذكريات ،،، ذات صباح شتوي فارقت القرية كعادتي كل صباح إلى المصنع ،،، والوالد رحمه الله على فراش المرض ،،، همس لي رحمه الله .... ماشي وين ،،، قلت له سأعود من مشوار ،،، النية كانت أن أقدم لإجازة لظروف الوالد ،،، وبالفعل وصلت المصنع وأكملت إجراءات الإجازة وعند العاشر صباحا كنت في سوق حلفا حتى أعود لقريتي ،،، همس لي شخص في السوق بأن الوالد إنتقل إلى رحمة الله وشاطرني الأحزان ،،، تمالكت حزني ودموعي في السوق ووسط الناس ،،، وأستقليت أول سيارة مغادرة للسوق في إتجاه خطنا ،،،
رحمهم الله جميعا ،،، موتانا وموتاكم وموتى المسلمين
سوما
تأثري كان لحزنك وإعلانك بعدم مواصلة المشوار ،،، ومادام أنتي ستواصلين ،،، سنواصل معا
في المربع الثالث من الجهة الشمالية لسوق حلفا نجد موقف حافلات المصنع ،،، تتميز هذه الحافلات بقدم موديلاتها ولكنها محافظة ،،، زي الحديد ،،، هناك البكاسي ،،، وهناك سيارات المصنع المستخدمة في العمل ،،، ولكنها كثيرا ما تجوب السوق والقرى المجاورة ،،، أما بغرض العمل أو لأغراض شخصية ،،، وهناك البصات التي تنقل العمال والموظفين ،،، بص المدينة ،،، بص القرية 21 بص القرية 22 بص القرية 24 .
تحركت بنا الحافلة ونشق وسط حي عثمان وعند نهاية الحي نأخذ ميمنة ونتوجه للسكة حديد ونتوجه شمالا في الطريق الى المصنع ،،، الحواشات ،،، الخضرة ،،، الترعة ،،،، المزراعين ،،، البهيمة والأبقار ،،، مناظر لا تفارق بعضها البعض ..... ها هي القرية 21 واضحة أمامي وهي من قرى دغيم الحبيبة ،،، عرف أهلها العلم والتحضر والمعاملة الطيبة للغريب قبل القريب ،،، وهذا ديدن عموم أهل حلفا والنوبة
رويدا رويدا أختفت القرية ،،،، وبدت مزارع القصب واضحة وعلى مد البصر ،،، وهذا هو دخان المصنع يبدو أكثر سوادا ،،، يعني أننا على مقربة من المصنع ،،،،
وقبل أن أصل كبري المصنع ،،، (النقطة التي إذا أخذت يمنيك دخلت موقع وإدارة المصنع وإن أخذت شمالك دخلت السوق وأحياء المصنع)
وعلى الترعة هناك كبري صغير للمشاة ، دعني أنزل عنده وأقطع المشوار كداري لحي الألمان ، حيث كان سكني بجانب النادي .......
نشوفكم بعدين ..... سنجوب المصنع ..... والإدارة ..... وبعد داك السوق .......
فتكـــــــــــــــــم بعافيــــــــــــــــــة
| |
|
|
|
|
|
|
|
|
|
Re: من قلب الشرق من حلفا الجديده (Re: BAKASH)
|
الاعزاء ابناء عشيرتى
قد خلخلتم انسجة الدواخل بضوضاء من الماضى وتفاعل من ما احمل من الحاضر وانشد من دفوف الماضى انشودة يعتليها من عباقرة فنى ماهر - شاكر -اوندى ينظم ايقاعها الراحل على مكين وموسيقارها صالح ولولى حدثتمونى عن اجمل سنين عمرى
وفى ازقة الذكرى حلفا ,السوق الكبير المطاحن الموسسة
سيف الحلوانى قهوة عبده مترجم الخيرات البوصة وصندوق الادخار
السينما والليق عيش البصالوة
شكرا ولياب وعبده
لقد ابدلتم الزمن العاصى بالزمن الماضى الملون بلون الفرح
شكرا ازلتم الغبار عن ضحكة مكبوتة بالداخل
ابو السرة
| |
|
|
|
|
|
|
|
|
|
Re: من قلب الشرق من حلفا الجديده (Re: BAKASH)
|
عبدو أخوي
لك التحية
شكرا على اللينك المصلح
تمنياتي لك بدوام التوفيق
أبو السرة
أهلا بك ،،، سعدنا بوجودك وسطنا وفي مدينتك وفي قريتك
أشكرك على هذه الخاطرة ،،، وصراحة الفنان شاكر ياسين وأغانيه واداءه ، يأثرني كثيراً خاصة أغانيه المعبرة للغربة ،،، وأيضا أغانيه العاطفية ،،، ولا أخفى عليك أنني دوما أترنم بأغانيه حينما أكون شارد الذهن ،،، وخاليا من هموم هذه الدنيا ومن مشاكل الغربة
شورتي لاق ككا جوقجني
إندو أين فراقنوق أودني
لإنقا بنجكيا وتيا أيقا فيقنناني
ولك تحياتي
| |
|
|
|
|
|
|
| |
BAKASH
almohndis
noha_g
ولياب
manubia
MASSOUB
HAMZA SULIMAN
degna
بت قضيم
ALZOLZATOO
وجن
abuelsora
فيس بوك
تويتر
انستقرام
يوتيوب
بنتيريست