مــذكـــرات عـــــروس

بت قضيم .. قلبتها جد !!!؟ فعلا بعد كلامك رجعت وتأملت كلامنا – نحن الجنيات – ولقيت إنو إذا نظرنا إليه من الزاوية ديييك يطلع كلام فارغ في موضوع جاد .. نسوي شنو عاد . اللسان بقى كدا يعني نحن والله عاجبنا الكلام وبنحاول نحرض البنية عشان تفتو ، لكن كمان في كلمات كدي تقيف ليك في حلقك لازم تقولها ... خصوصا لمن يكون معاك واحد زي جاد أو قرجة يباصي ليك وانت تشوت ..

أنا أعذر قرجة وجاد وأعذرني (أهل العوض) كوننا ناس مشينا في المشينا فيها وعرسنا وجبنا الجنى لكن الاولاد الصغار ديل زي ابو حراز دا اللي لا عرس ولا دخل دنيا ، الدخلو في الموضوع شنو عشان يخربو؟

تفتكري الموضوع عكيناه لدرجة يستحق معاها اعتذار للبنية سماح؟ على كل نعتذر ونحن في رجا تمامة السالفة. الله يهديك معانا يا بت قضيم بركة الجمعة الجامعة والدعوة السامعة .. الجمعة بتوقيت اليابان .

الاحبة الكرام كلكم .. تحية لكم .. أظن والله أعلم ، وبعض الظن إثم ، إن كلامنا دا كلو خارم بارم لأني أظن (برضو) إن الاخت سماح مشغولة في ركن آخر من أركان هذه الحياة لذلك لم تتمكن من الحضور هنا لتكمل الحكاية .

ويبدو إننا كلنا طلعنا ناس حساسين ساكت (بالله كيف الواحد يكون حساس وساكت؟) ومسكنا في زاوية إننا زعلنا فلان وهو فلان لا زعلان ولا الله قال ..

المداخلات الحصلت في يقيني إننا عبارة عن تعليقات خفيفة ، أنا شخصياً كنت أرسلها على عواهنها وفورا ودون تمحيص ، بقصد أن البساط أحمدي وأننا كلنا هنا نتونس ، وهي عادة سودانية قديمة وأصيلة إننا لا ندع من يتكلم ليكمل حديثه (خبارو هو الفاهم الوحيد؟) .. لذلك أرى أن سماح لا زعلانة ولا حاجة .. بل أرى أنها أرادت أن تكتب شيئا هي مقتنعة به وسوف تواصل غير آبهة لما بدر منا من تعليقات.

الألفة بت قضيم تدخلت بروح الأخت الكبيرة ، وهي فعلا الاخت الكبيرة (شفتي ورطتك كيف؟) وأدارت الشكلة المزعومة بدواعي يا اخوانا اسكتو خلونا نسمع .. طبعا بهزر يا بت قضيم أنت لست أكبرنا سنا طبعا ، وبناء على نفس الفهم السابق ، وظنت أنها أغضبت قرجة .. لا أعتقد أن قرجة قد زعل ، وإن حصل فيا قرجة آدي راسك أبوسها ..

تحية احترام لكم جميعاً .. تحية للألفة بت قضيم .. تحية لقرجة وجاد
وحروزة وكولا وعزيز والعبد الفقير .. ويا سماح ، ما خلاص؟

ود العمدة : الدخان غرضه معروف ، وهو معروف في المجتمعات الأخرى بأنواع وتجهيزات أخرى ، فالعرب قديما تسميه الحمام . وأشهر الحمامات حاليا هو الحمام التركي ، يذهب الناس إلى مكان فيه أحواض كبيرة تحتوي على الماء الساخن وله طقوس معينة ويشتمل على خدمات تختلف باختلاف طالبيها .. طبعا نحن مالنا ومال الموية الحارة

(عدل بواسطة Ahlalawad on 03-13-2003, 12:35 PM)