|
|
|
 Re: لا تحاور المشوكش ...ولا تخلي المشوكش يحاورك...... (Re: ALGARADABI)
|
يا قرادابي
كيفنك؟؟؟
بالاكثر
Quote: أنا شاكوشى قديم، بس لسع بتاور
|
ده خطر شكله الماني زي ماقال سيف مساعد
ما قلنا:
Quote: اما المخضرمينفمرحبا بتجاروبهم ونادرهم
|
ياريت نفضفض بتجاربنا ,عشان الجماعه الشفع الماعانا في البورد يستفيدوا
ويعرفوا انه عادي زي (الزبادي) ومافي داعي يتفشوا في (بوستات مهببه)
منتظرنك يا قردابي
تثري البوست
كأس العالم وانتهى ثاني مختفي وين؟؟؟؟
ياترى في دوري في السودان متابعه ولا شنو؟؟؟
تراجي.
| |
 
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: Tragie Mustafa)
|
الأخت المناضلة تراجي
تحياتي
جميل أن تفتحي هذه النافذة لنستريح فيها من مغص السياسة و أوجاعها التي لا مفر منها.
أورد أنيس منصور في كتابه مدرسة قصة شاكوش طريفة أورد مضمونها في الفقرات التالية:-
أستاذ الفلسفة الجامعي كان يدرس طلابه عن فلسفة الحب ويقوم لهم أن الرجل لا يختار وإنما المرأة هي التي تختاره فتنسج له شركاً مثل خيط العنكبوت يتم نسجه بعناية يأخذ وقتاً طويلة ولكن في النهاية تسقط الفريسة (الرجل) إذا كان الحبيب المرتقب لاعب كرة فإن المراة تذاكر تاريخ كأس العالم وتحفظ كل شئ عن كرة القدم كمدخل لأستطياد الفريسة وإذا كان يحب فناناً حفظت أغانيه ورددتها وتعمقت في معانيها.
ومضى الأستاذ الجامعي يسرد الأمثلة لطلابه ويبين لهم مقدرة المراة في إقناع الرجل الذي تريده حبيباً بأنها الأفضل دون أن تبوح بذلك بل لا تحتاج حتى أن تلمح ويأتي الرجل وفقاً لخططها، وقال الأستاذ أتمنى لو جربت كل طالبة هذه الأفكار.
وفي اليوم التالي جاءته إحدى الطالبات وروت له أن لديها مشاكل مع بعض زملائها الطلاب لأنهم لا يفهمونها فتعاطف معها وبدأ يورد لها كيف تجد طرق الحل، سألته يوما هل أنت متزوج سرد لها كل تفاصيل حياته بتلقائية أن زوجته تركته وأنه الآن وحيد وأصبح يروي لها يومياً تفاصيل حياته.
ويوما ناداها في مكتبه وبعد أن جلست على الكرسي قال لها أنك تعلمين أننا أصبحنا مكملين لبعضنا و لا يمكن أن أتركك تضيعين مني هذه المرة مهما كانت الأسباب أنا جئت اليوم لأقول لك حان الوقت لكي نتزوج.
ردت وقالت له معذرة أستاذي العزيز فقد كنت أجرب الدرس الذي قدمته لنا في الحب طلبت منا نجربه.
مع تحياتي
عادل عبدالرحمن إبراهيم
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: adil rahman)
|
في الثمانينيات التقيت بها
إمراة يستحي من جمالها القمر
شعرها الغجري المجنون يسافر في اعماقي
ويترك كومة من لهب المشاعر
يتمايل حتى يداعب خصرها
جميلة كانت في كل شيء
وقررنا ان نلتقي
اتيتها من الفتيحاب
حيث أنها ستأتي الى السوق الشعبي عندما كان في أوج عظمته
تأتي الى صاحب كافتيريا
تشرب دائما عنده
وأنا اعجبت كثيراً بكل مشروباته
ليس لنكهتها
بل لأنها تشرب منه
وأتيت في ذلك الصباح باكراً
خبات جزءً من مصاريف قفة الملاح لأصل بها للسوق الشعبي
كان ذلك على حساب العجور والليمون والشطة
لبست أحسن ماعندي
وسرحت شعري أكثر من عشرين مرة
وعندما وصلت فاجأني هذا الحيوان { صاحب الكافتيريا } بأنها تزوجت
من تاجر بين الخرطوم وابوظبي
والله رجعت مشياً على أقدامي
من السوق الشعبي حتى محطة صبري في الفتيحاب
وأذكر يومها أن كل { زير سبيل } قابلني في الطريق شربت منه
تاني مشيت اشتريت ليهم بباقي القروش العجور
قال فتاة أحلامي قال!!!
4 سنوات في المدرسة قادين رؤوسنا
عنتر وعبلة
قيس وليلى
جميل بثينة
تاني ماعارف منو
وفي النهاية كلهن فكن الجماعة ديل في الهواء واتزوجن آخرين
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: ابوحراز)
|
ابو حراز
منور والله
اول مرة تزورنا
يعني الا يشركوا لكم ببوست زي ده؟؟؟
ضحكتني كالعاده
Quote: والله رجعت مشياً على أقدامي
من السوق الشعبي حتى محطة صبري في الفتيحاب
وأذكر يومها أن كل { زير سبيل } قابلني في الطريق شربت منه
|
لكن ده ما شاكوش كارب..خلاص
بركه يايابا الكان عندك صحه مشتك المشوار ده كله
تخيل لو بقى فيك (حسه)؟؟؟؟؟
دالك الاول منتظرين نسمع عن آخر واحد....
تراجي.
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: Tragie Mustafa)
|
تقول الحكمة " البرق لايضرب المكان ذاته مرتين "
من يومها كرهنا السوق الشعبي
وكرهنا الخرطوم
وقلنا أخير لينا نقع بنات أهل العوض هنيات ورضيات
ووقعنا في ست النفر
والله { ماسكة } لي في حلقي
يعني كل مانحاول نقول تدينا شاكوش
والله لاحياة لمن تنادي
زولة جنة ساااااااااي
وياها بطريقتها دي الضيعت علينا الحور العين
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: ابوحراز)
|
ابو حراز
يا راجل يا طيب
بالله ياها تجربتك الوحيده...(بس وحده بتشرب شربات في السوق الشعبي)؟؟؟؟
يا بخت ست النفر بيكز..لا لقت رواسب ولا احزان كثيره.
Quote: تقول الحكمة " البرق لايضرب المكان ذاته مرتين "
|
والمؤمن لا يلدغ من جحرا مرتين؟؟؟؟؟
بختك كفيت الشر وغنت ليه..
تراجي.
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: Tragie Mustafa)
|
طبعا البوست ما بعيد عن السياسه شديد
بس لاحظته في ناس مرات بتهضرب هضربه شديده
في البورد ده,طلع ثلاثه ارباع المواضيع ورائها شواكيش
فتوصلت لحقيقه انه:
لا تحاور المشكوكش ..ولا تخلي المشوكش يحاورك.
وحبيت اشرككم معاي
انه نحن على بعض ونرأف ببعض لما تكون جبهتنا الداخليه غير مؤمنه
اكيد كل طرحنا حيكون مضطرب زيها.
فرجاء اي زول حاسي باعراض شاكوش يرحم العباد
ويبطل تعاطي الشأن العام الي ان تهدأ نفسه
ويتجاوز جراحه الداخليه ويتعافى ثم يعود الينا.
ونعود لقصص الشواكيش.
تراجي.
| |
|
|
|
|
|
|
|
|
 Re: لا تحاور المشوكش ...ولا تخلي المشوكش يحاورك...... (Re: Tragie Mustafa)
|
..
.
..
.
سمعت بالمثل البقول اسمع كلام الببكيكـ
وما تسمع كلام البضحككـ ..
بلاشكـ قد سمعت .. وهاكـ الكلام الببكى
بوستيكـ دا بوست فارغ بمعنى الكلمة
ويفتقر للموضوعية .. ولا يتناول قضية مهمة
ولا هو خفيف الظل حتى نتكئ فى ظلاله ولا هو بالجاد حتى نقتحمه
ولولا مشاركة ابوحراز وعادل
كما ان المغزى الإيحائي له باين وأن لم يبن للسابقين
فانا بالنسبة لى واضح ومعلوم..
وكما قلت ادناه ليس بعيد من السياسة
بل قريب من المناكفات الشخصية التى تدور فى رسائل العاشقين
اووبس اقصد راسل التحررين فى بقاع كردفان ..
Quote: طبعا البوست ما بعيد عن السياسه شديد
بس لاحظته في ناس مرات بتهضرب هضربه شديده
في البورد ده,طلع ثلاثه ارباع المواضيع ورائها شواكيش
فتوصلت لحقيقه انه:
لا تحاور المشكوكش ..ولا تخلي المشوكش يحاورك.
وحبيت اشرككم معاي
انه نحن على بعض ونرأف ببعض لما تكون جبهتنا الداخليه غير مؤمنه
اكيد كل طرحنا حيكون مضطرب زيها.
فرجاء اي زول حاسي باعراض شاكوش يرحم العباد
ويبطل تعاطي الشأن العام الي ان تهدأ نفسه
ويتجاوز جراحه الداخليه ويتعافى ثم يعود الينا.
ونعود لقصص الشواكيش.
تراجي. |
عارفه انا بقرا موضوعك دا بفكر فى شنو!!
محتار بشاشا حيجى يقول شنو هنا !!
الا يمسك ليه فرع موضوع زى تعليقي دا ويدودل منو
ودى برضو حيرة مشكوش مخضرم..
_________________
اها دا الكلام الببكى رغم انو الجبخانة جففت دموعكـ
وبالله وقفى مسالة سطر اه وسطر لا عشان ما نلملم سطوركـ
وبالمناسبة ما تحاورى المشوكشين المضرمين الايام دى
لانو سمهم فاير ..
مشوكش مخضرم رقم ( 1)
لو جاء رقم (2) و (3) و (4) و(5)
بلغيهم تحياتى 
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: Tabaldina)
|
تبلدينا
تلم عفشك وتتخارج من البوست ده
لانه دم تقيل اليوم
وبعدين تنطبق عليك صفات المحظورين
Quote:
مشوكش مخضرم رقم ( 1)
|
كتبته مخضرم وقلنا مرحب بيهم
لكن باين شاكوشك طازه لسه
عشان كده بتهضرب.
Quote: بوستيكـ دا بوست فارغ بمعنى الكلمة
ويفتقر للموضوعية .. ولا يتناول قضية مهمة
ولا هو خفيف الظل حتى نتكئ فى ظلاله ولا هو بالجاد حتى نقتحمه
ولولا مشاركة ابوحراز وعادل
كما ان المغزى الإيحائي له باين وأن لم يبن للسابقين
فانا بالنسبة لى واضح ومعلوم..
|
بعدين منو قال لك انا قاصده الانت قاصدوه ؟؟؟
يازول الشواكيش واقعه قرش ونص.
كتبت:
(ليس خفيف الظل)
ردي لك (كل اناء بما عليه ينضح)
| Quote: فانا بالنسبة لى واضح ومعلوم |
الحرامي في رأسه ريشه.
ومسكين (البورد شايل بلاوي)
شكرا لمرورك.
تحياتي.
| |
|
|
|
|
|
|
|
|
 Re: لا تحاور المشوكش ...ولا تخلي المشوكش يحاورك...... (Re: Tragie Mustafa)
|
..
.
Quote: تبلدينا
تلم عفشك وتتخارج من البوست ده
لانه دم تقيل اليوم |
أنا ولا البوست !!؟ 
هى هى هى هى هى
| Quote: لكن باين شاكوشك طازه لسه |
والله انا جسمى الخفيف دا زى جسم خالد بن الوليد رضى الله عنه
لم يخلو من طعنة قلب وضربة رأس وجع عنق وفلايت
وتمزق عضلي ودوشة كل بسبب الشواكيش
| Quote: بعدين منو قال لك انا قاصده الانت قاصدوه ؟؟؟ |
إحساسي البحسو من الناس ما بدسو ..
يا صديقة انا عاجنكـ وخابزكـ
ولا ما كدا عرفت كيف انت انى قاصد شئ من القصد الانت ما قاصداهو
Quote: (ليس خفيف الظل)
ردي لك (كل اناء بما عليه ينضح) |
اليومين دى انت وساره عيسي بتحشروا جمل فى محلات ضيقة خلاص
حسي وينو الإناء ووينو النضح ..
يا فريع البان البسوح نديان الله يا كسلا
الليالي تمر يا الله زيدنا عمر فى ريدو يا سلام
( دى من محاضرة حشر الكلمات بلا مناسبات - الاكزام هول - يونيو 2006م)
Quote: الحرامي في رأسه ريشه.
ومسكين (البورد شايل بلاوي) |
انت زعلت يا دكتور ..
بس انا ما الحرامي انا المراقب صحبو ..
قرقر قرقر قر قر
بقيت بلوا انا .. يا حرااام على العشرة
ظلمونى الناس وجاروا على
والجور دا كتير يا( ناس الحى)
______وصية مخضرم _______
قولى لامونه تبلدي بقول ليكـِ:
يا غايب من العين انت موجود فى عينى الأتنين 
اخيراً
كدا اعتقد بكون زدتو موية البوست دا وخففتو شوية
وخليتو دم غرابة..
احمم
انا ماشى الحمرة ..
الوطانى جمرها ..
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: Tabaldina)
|
تبلدينا
يعني اخطأنا في الكاف نقصت عامل فيها البوست الدمه تقيل؟؟؟؟
Quote: تبلدينا
تلم عفشك وتتخارج من البوست ده
لانه دمك تقيل اليوم |
يا راجل ...
لكن ما بوظته الشغل كله
في داعي تفت الاخبار دي كلها
Quote:
والله انا جسمى الخفيف دا زى جسم خالد بن الوليد رضى الله عنه
لم يخلو من طعنة قلب وضربة رأس وجع عنق وفلايت
وتمزق عضلي ودوشة كل بسبب الشواكيش
|
يعني طلعته خرده ولو في واحده خاته عينا عليك
تقوم جاريه صوف وتقول الراجل ده( داقشه مجروس) مش (شاكوش)
قلت لي حشو للالفاظ
يا زول الحشو وين هنا؟؟؟؟
انت جاينا زهجان قلت بوست (دمه بقري)
جوهنا ناس حلوين زي ناس النسر
عريس على فكره وفوق رأسه الملائكه
وفي شهر العسل كمان ماشاء الله قالو بوست
عسل زي سته(شايف بصلح في نفسيايت كيف)
يبقى كل زول بيشوف حسب حالته النفسيه
Quote:
قولى لامونه تبلدي بقول ليكـِ:
يا غايب من العين انت موجود فى عينى الأتنين |
وعيوني كمان.
تحياتنا لها لو بتقرأ لنا الآن.
منتظرن بالمزيد يا ابو (الفلايت)
تراجي.
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: الأمين عثمان صديق محمد)
|
الاخ عبد العظيم
Quote:
الاخت تراجي
تحياتي الشاكوش خطير
ولكن ما هي اعراض الشاكوش.....
لماذا المشوكش عدواني
لماذا المشوكش زمنوا فارق
لماذا المشوكش رافض لكل شي
ا هو المصير المحتوم للمشوكش ديالكتيكيا
لماذا لا يتصالح المشوكش مع نفسه
|
شكرا للاضافه
بس زمنوا فارق دي ما فهمتها
وعدواني دي لانه حزين وغير مبسوط.
في انتظار اضافاتك.
تحياتي.
تراجي.
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: Mustafa Mahmoud)
|
د.مصطفى محمود
شكرا لمرورك
ومنورنا بزيارتك
وزي ما قلته,اكيد كل زول له تجاربه
والبعض فينا منغلق بطبعه وبعضنا منفتح
هنا اردة مناقشة انه اذا الزول متأزم هل يصح ان يتناول الشأن العام؟؟؟؟
وحتى المشاركه الكتابيه ليست سهله فممكن تحرض امم على امم
تكتب بسلبيه شديده.
من هنا تكمن اهمية مناقشة الموضوع.
لك الود وبانتظار مساهماتك.
تراجي.
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: حاتم الياس)
|
حاتم الياس
| Quote: حاتم الياس..(ضحاياء التهميش.....العاطفى) |
لما هو قدر ده الحاصل عليك الصابر ليها شنو؟؟؟؟
ما تنضم للحركات المدافعه عن المهمشين
او تنشأ حركتك براك!!!!!
وعفيت منهم بنات حواء
Quote:
المشوكشين ديل مابدخلو برضو فى (المهمشين عاطفياً) والله أكان شفتى (أستعلاء) الحبيبات ديل تتاكدى
بأنو برامج الأحزاب دى كلها مفروض تخت المشوكشين أولوية عمل زى مثلاً (من أجل بيئه عاطفية سليمه
ورقه حول تكتيكات المشاعر يقدمها الحزب الفلانى..
|
وايه رايك نفتح شركات تأمين للوقايه من الشواكيش
ومراعاتنا في حالة حدوث الشاكوش.
شكرا لمرورك.
وارجع لينا باك باين جرابك مليان حكاوي.
تراجي.
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: Tragie Mustafa)
|
..
.
وانتي عرفتيهـو كيف هـو قاصـد الانتي قاصـداهـو
قرقر قر قر قرقر
الخير يا تفتيحه
شفت الناس البفهموها وهى طايرة ..
الخير دا داخل معاى فى قائمة النضح والاناء يا ربي!!؟؟
| Quote: انت لزم تحكها لما تجيب الدم |
حييي انا جب اخركـ براكـ ..
دى عجبتنى انت عارفه لمن تشيلي الوهمة من راسكـ
دمك ببقي زى البوست دا بعد مداخلتى..
| Quote: هل يصح تعاطي الشأن العام ونحن تحت تأثير الشاكوش؟؟؟؟؟ |
هنا مربط الفرس ..
انت اليومين دى السر شنو فى استخدام اسلوب الهرم المقلوب
زى صحبتكـ واحدة اسمها ساره عيسي .. ما تجونا من الأخر
بس لو بقى هل يصح تعاطى الشأن العام ونحن تحت التاثيرات - الانفعالات العاطفية-!؟؟
بغض النظر انها شاكوش من جنس لطيف او تاثير قبلي او جهوى او اسري ..الخ
وكدا البوست بقى جاد .. شديد ..
اها ابقي عشرة اقدرى على الكنترول ما يفلت زى انفلات حركة الاخلاص
التى تاهت وضلت الطريق من الخرطوم لتجد نفسها فى حمرة الشيخ..
فتكـ بعافية ؛
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: النسر)
|
الفاضل النسر
شكرا لك......
وعشان كده انا قلت لتبلدينا كل (اناء بماعليه ينضح)
يعني انت شفته بوست دمه خفيف:
Quote: تراجى بوست
مبالغة جميل جميل بجد
الخروج من المالوف والدخول
الى ذات الاخرين بكل حب
احيك اختى تراجى |
وتبلدينا قال بوست سجمان
شفت كل زول بيشوف بعيونه كي!!!.
تراجي.
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: عبد الله عقيد)
|
ود عقيد
انت يا اخوي من كثرة ما اتعودته على ندين ونشجب ونستنكر
حتى دي عايز تدين فيها:
Quote: هذا البوست فيه تعدي واضح وصريح على حقوق المشوكشين
ندين وندد بهذا المسلك الذي يتعدى على شريحة واسعة من
شعبنا الناضل..
|
Quote:
كما ندين التعدي على المثل الأصلي الذي صيغ العنوان على أساسه
لا تحاور المشوكش.. ولا تخلي المشوكش يحاورك..
|
ود عقيد وبما انك مقتنع انك عربي
فانا ادانتك دي عاجباني لانه لا بتطقع ولا بتجيب الحجاره
ولاحقه ادانات ( جامعة الدول العربيه).
تسلم للمرور.
تراجي.
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: waleed500)
|
لوووووووووووووووووووووووووووووووووووووووووووووووووووووووول
لكن والله يا ودعقيد دى بالغتة فيها
Quote: كما ندين التعدي على المثل الأصلي الذي صيغ العنوان على أساسه
لا تحاور المشوكش.. ولا تخلي المشوكش يحاورك..
ونطالب باعتذار من الكتابة للمثل الأصلي |
إعتذار ضمنى كيف!!
بخارج!
بالرغم من انه انطبقت عليك حكاية الكديس والفار
الكديس والفار راكبين مركب فى نص البحر
الكديس: يا فار انت مالك بتكتح؟
الفار: يا الكديس عليك الله اكتحك كيف ونحنا فى نص الموية!
الكديس: انتو بلا لئامتكم دى ما فى شى بخلينا ناكلكم...وقام عليهو
على كلٍ
الملاحظة الذكية دى بتخلينى اطالب معاك تراجى بإعتذار للمثل الاصلى
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: عادل فقاد)
|
عادل فقاد ..
والله عالم (جبنات بشششششششششششششششششكل) يعني الا نجيب سيرة الشواكيش حتى تزوروا بوستاتنا!!!!!
اتاري المنبر ده مليان ( من شالكة ابن الملوح) كان الله في عونكم.
Quote:
انو البت هي البتدي الراجل الشاكوش |
ده كان زمان
Quote: طيب تراجي اذا الولد هو المقلب البت وعمل زغبير بى طريقه ظريفه
|
وده هو السائد الآن عشان كده للاسف البنات بقوا يغنوا ل (راجل المره)
لانه قالوا عوير وبيتدبس بسرعه وما بعرف للتكتيكات الحديث لل(الزغبره)
ومنتظرنك بالمزيد.
شكرا لمرورك.
تراجي.
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: Tragie Mustafa)
|
الغالية ست الناس
| Quote: يعني الا نجيب سيرة الشواكيش حتى تزوروا بوستاتنا!!!!! |
ودي معقوله بس انتي كده اكتبي بوست فاضي بدون حروف وخالي من
كبريتات البوتاسيوم وشوفي كمية الناس الحتجي
تقولي لي برضو الا شواكيش وكده
Quote: وده هو السائد الآن عشان كده للاسف البنات بقوا يغنوا ل (راجل المره)
لانه قالوا عوير وبيتدبس بسرعه وما بعرف للتكتيكات الحديث لل(الزغبره) |
لكن بيني وبينك كده راجل المره ده مش الصاح يكون ما عوير لانه خشى الميس
ودقش المحطه الاخيره يعني الصاح لو غنى ليه وداللمين زاتو راجل المره ده ما يقول بغم
لووووووول خلي يفكر يجي يتورط تاني
بس الغريبه ده الحاصل راجل المره بعرس والشباب عاملين زغبير وحامد بريمه واوليفر كان زاتو
بى كل صراحه انا ما اتشوكشت
لكن
ااااااااااااه من لكن دي كده خلينا نتقابل برانا يا تراجي لووووول
مع تحياتي
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: عادل فقاد)
|
عادل فقاد
تشكر يا اخو البنات انت يارائع...
Quote: انتي كده اكتبي بوست فاضي بدون حروف وخالي من
كبريتات البوتاسيوم وشوفي كمية الناس الحتجي
تقولي لي برضو الا شواكيش وكده |
قلت لي كده يعني انتو بتلبوا بالحيطه تدخلوا تقروا وتتخارجوا من سكات
وسايبني للدشمان و الكتاحه براي
Quote:
بى كل صراحه انا ما اتشوكشت
لكن
ااااااااااااه من لكن دي كده خلينا نتقابل برانا يا تراجي لووووول
|
انت ما في زوله ادتك شاكوش
لكن حرام عليك اديت شاكوش؟؟؟؟؟
ليه يا عادل كده..الله...مسكينه بت الناس..انا متعاطفه معاها...
يا ترى لا يمكن ترميم ما انكسر؟؟؟؟
شكلك لسه متأثر بالقصه...
سنتحدث لا تخف..اختك..بتقدم استشارات ممتازه بتوديك في دهيه.
تراجي.
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: Tragie Mustafa)
|
الامين عثمان
يازول الكلام ده ما اعوج
Quote: بعدين دايرك تعملي فينا معروف وتمسكي الامير الكوشي دا بالله
انتي اديتيهو القبعة والنياشين |
يا زول نحن الامير الكوشي بشاشا ده بنحتفل بقدومه ببوست
وبنودع ببوست
وبنغني ليه قلنا ما ممكن تسافر....
يازول انت قايله راجل ساهل عندنا؟؟؟؟منتظرين
شوكيشك...
تراجي.
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: Tragie Mustafa)
|
Quote: يا زول نحن الامير الكوشي بشاشا ده بنحتفل بقدومه ببوست
وبنودع ببوست
|
اها عشان خاطرك يا تراجي انا الامير الكوشي دا خليتو المرة دي
لكن لمن يدور يمشي عليك الله وريني
عشان ازفو ليك بي بوست صاموتي
تصدقي انا لي هسه دي ما اتشوكشت !!!!
انتي قايلاني انا ود متين
انا اكبر من ود اختك بقال دا بي سنة ولّل سنتين
بعدين هو ذاتو في جكس عشان نتشوكش من اصلو
لكن بساهم معاك بالاغنية دي يمكن الجماعة يلقوا فيها عزاء
مع اني عارفك ما بتحبي تنزيل الاغاني ولا الناس البنزلوهن
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: الأمين عثمان صديق محمد)
|
الابن الامين عثمان صديق محمد
ودي طبعا عشان جبته لي سيرة الغالي ود الغالين (بقال)
Quote: انتي قايلاني انا ود متين
انا اكبر من ود اختك بقال دا بي سنة ولّل سنتين
|
وبعدين يا ابني (قبلكم وقبالكم ما لها بلدكم ما فيها جكس؟؟؟؟
| Quote: بعدين هو ذاتو في جكس عشان نتشوكش من اصلو |
دي بلد ما صحيه اطلاقا وبتجيب امراض ما كويسه
اتخارجوا منها طوالي,دي نصيحتي لك.
خالتك تراجي.
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: Tragie Mustafa)
|
| Quote: الابن الامين عثمان صديق محمد |
يا حليلك يا تراجي
انتي طيبة خلاص بس في ناس هنا ما فاهمنك صاح
يا تراجي انا لمن جيت القاهرة سنة 89 انتو كنتو سناير في الاسكندرية
صدقتي انا قدر بقال !!! 00 انا بمزح معاك
يمكن يكون الفرق بيني وبينك خمسة سنين او ستة بالكتير
ودا يديك حق الاحترام والتقدير والشرق حقو اكبر | Quote: قبلكم وقبالكم ما لها بلدكم ما فيها جكس؟؟؟؟ |
انا اقوم اتخارج قبل ما اخرمج ليك بوستك السمح دا
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: Tragie Mustafa)
|
العزيزة: تراجى.
بوست عينة. وجاب ناس برضو عينة أها صداقات بوصيك عليهم واذا اقتضى الامر والامر بقى جلل حقو تنقلى لينا بعضهم بهناك فى الميدان الشرقى!! حبة عند اللزوم ؟!!.
وشايف واحد جاء يشمشم وعطس فضح نفسو !!
حرامى امسكوه؟!.
تراجى شربتى موية التبلدى قبل كدا!؟.
اوعى تقولى ما بعطش هو العطش دا إلا المشوكشين بحسو بيه؟!!.
سلام يا حراز الازيار ما عندك لكن كم كوز...... لا قصدى كم كباية شربت؟.
مع التحية.
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: ابوالقاسم ابراهيم الحاج)
|
our dear freedom fighter trajee
i send you a little present from my post nazzar gabbani 2
i invite to visit nazzar there
i hope you like it
dr mustafa
في ليالي الشرق لمَّا..
يبلغُ البدرُ تمامُهْ..
يتعرَّى الشرقُ من كلَِ كرامَهْ
و نضالِ..
فالملايينُ التي تركض من غير نعالِ..
و التي تؤمن في أربع زوجاتٍ..
و في يوم القيامَهْ..
الملايين التي لا تلتقي بالخبزِ..
إلا في الخيالِ..
و التي تسكن في الليل بيوتاً من سُعالِ..
أبداً.. ما عرفت شكلَ الدواءْ..
تتردَّى جُثثاً تحت الضياءْ..
في بلادي.. حيث يبكي الأغبياءْ..
و يموتون بكاءْ..
كلَّما حرَّكهمْ عُودٌ ذليلٌ..و "ليالي"
ذلك الموتُ الذي ندعوهُ في الشرقِ..
"ليالي"..و غناءْ
في بلادي..
في بلاد البسطاءْ..
حيث نجترُّ التواشيح الطويلةْ..
ذلكَ السثلُّ الذي يفتكُ بالشرقِ..
التواشيح الطويلة..
شرقنا المجترُّ..تاريخاً
و أحلاماً كسولةْ..
و خرافاتٍ خوالي..
شرقُنا, الباحثُ عن كلِّ بطولةْ..
في أبي زيد الهلالي..
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: Mustafa Mahmoud)
|
Quote: كما ندين التعدي على المثل الأصلي الذي صيغ العنوان على أساسه
لا تحاور المشوكش.. ولا تخلي المشوكش يحاورك..
|
عبدالله عقيد
أظهر وبان عليك الأمان!
ما قلنا ليكم 90% من المتأسلمين صيع و مقددنها!
سيف مساعد
صنع فى رفاعة دا خنجر!
من الخلف!
حسان رفاعة شكرية برموا من الجمل! شاكوش رفاعة منو وعلى غرفة النعاش وان عاش تف لى فى وشى!
أسال منو بدر الدين شنا (رافس أحلام البنات)!
أختنا تراجى
أخوك جنى اتشوكش فوق راسو اكتر من الوتد!
يعنى البت لو ما شوكشتنى تبقى خفيفة وون ريشة ساكت وما عندها بعد نظر اصلى بديت الجكيس فى ال 17!
جنى
جنى
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: jini)
|
سلام يا تراجي
كيفك دا بوست ظريف
طبعا كبنت وحيدة وسط اولاد قسمنا
كنت حائط المبكي حقهم
اها من يفكو التسجيلات يجوني يبروني بقصصهم
وكل واحد عنده اسلوب في التداعي
واحد منهم جنو يتكلم وهو ماشي اها من قصر الشباب لغاية
التلفزيون بنمشي كداري.. اها يشيل ويتداعي ومرات مرات لو شاف ليه غنماية ولا كلب
يطاردهم بالحجارة مرسلا سيلا من الشتائم قاطعا حبل افكاري وتعاطفي بعداك عشان يدخلني في المود
لازم يعمل ري وياند...
واحد تاني بيريد يشرب الشاي وهو بتكلم
اها لما احس احساس ترمسة واطفح بالشاي حتة الروايند حق القصة بيقيف..
اما الثالث
بيمشي يقعد عند ناس عشة وكر
وانا اشيل وانقل الملخصات ومرات بالكربون.وهو في اظلام كامل
بعداك يجي راجع كراستو مظبوطة ويجب نمر احسن مني..موش ظلم بالله..
عشان كدا ما كان مادني فرصة شوكيش...
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: Tragie Mustafa)
|
تراجي
كفانا الله واياكم شر الشواكيش
هسي انتي فتحتي البوست (الدمو خفيف ) دا وما وريتينا قصتك مع الشواكيش شنو
لغاية ما تحكي شاكوشك بهديك القصيدة دي لي زول هاج وماج بعد شاكوش
تاني كاتب لي خبارك؟
انت فاكر انو لسه
قلبي تايه في مدارك؟
دي الديار خليتا ذاتا
لما ضاقت بيّ ديارك
البعاد الشايفو قاسي
ما زمااااان كان بي اختيارك
لما رحت تجور عليّا
ورحت ابعد من مسارك
كنت فاكر بنسي جرحك
جيت تنمق في اعتذارك؟...
الجواب الجاني منك
عندي صار ما ليهو قيمة
والهوي الكان بيني بينك
عدّي بالشوق والهزيمة
وهسي لما طريت هوايا
وقصة الذكري الاليمة
جاي تاني عشان تعاود
للحكايات القديمة؟...
هسي حاول انت تنسي
انو كان بناتنا قصة
وحقو ما يفكر قليبك
اني بطراك انت لسه
الزمن استاذ بِقرّي
واهو قدم لينا حصة
السهاد والغدر اساسا
وما عليك ابداً بدسا
الكلام القلتو ليا
كان بيمشي علي زمان
قبل ما تغدر عيونك
وقبل ما يخوني الزمان
كم جرعت معاك مزلة
واكتويت منك هوان
وانحنا ناس عزتنا اكبر
من حنانك والحنان...
اصلو كان خادعني لونك
والبريق الفي عيونك
والبسيمة الضاوية شمعة
وباقة من اطراف سنونك
كلو كان تغليف مشاعر
عكس ما بتحمل ظنونك..
انت لو فاكرني بحزن
عشان فراقك او جفاك
تبقي موهوم في عواطفك
اصلو قلبي زمااان نساك
ابتديت انساهو ليلك
والسنين الراحو ديلك
وانسي جور كل الاماسي
الفيها كم قاسيتو ويلك...
يبقي ردي علي جوابك
يا جميل الرجعة لا لا
كوني ارجع ليك تاني
الف مليون استحالة
ما البعاد انت البديتو
يوم حرمت الروح وصالا
وانت عارف البادي اظلم
ايه لزوم يعني الرسالة
وانت لو فاكرني بحزن
عشان فراقك !!..يا حليلك
يا حيليك
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: Ahmed Mohammed Osman)
|
اخي احمد محمد عثمان
لم اعد اخي في عمر الشواكيش و الحمد لله.
لكني ماخده (شاكوش سياسي ابن كلب)
توقيع مني آركو مناوي لابوجا بعد المسيره بتاعت يوم 30/ابريل بواشنطون
كان افظع شاكوش بحياتي......
لكن كتبت البوست لانه وقتها لامين لك فين شكل كميه من المشكوشين
وكلما يتلايق واحد معاي وصدفه تآتيك الاخبار ياخي ارحم فلان
تقول ليهم مالوا يقولوا لك مرزوع شاكوش ابن كلب
فحنيت عليه وحبيت اقول لهم,ولا يهمكم تحدث في ارقى العائلات كما يقولون
وانه نحن لازم نكون اخوة في المنبر ونتحمل بعض بالذات اذا الواحد ماري بظروف خاصه زي كده.
ومنتظره باقي حكاويك.
تحياتي.
تراجي.
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: Mustafa Mahmoud)
|
deidcated for trajee mustafa
يوميات امرأة لا مبالية
رقم القصيدة : 69043 نوع القصيدة : فصحى ملف صوتي: لا يوجد
ثُوري ! . أحبّكِ أن تثُوري ..
ثُوري على شرق السبايا . والتكايا .. والبخُورِ
ثُوري على التاريخ ، وانتصري على الوهم الكبيرِ
لا ترهبي أحداً . فإن الشمس مقبرةُ النسورِ
ثُوري على شرقٍ يراكِ وليمةً فوقَ السريرِ ..
نزار
| |
|
|
|
|
|
|
|
|
|
Re: لا تحاور المشوكش ...ولا تخلي المشوكش يحاورك...... (Re: Mustafa Mahmoud)
|
الشينة كضبناها
بى نبوتنا
برة بيوتنا
كايسين موتنا
بنسوى السمح
بين الشعوب
نحنا الخيول التنجمح
وبين الخضار نحنا القمح
--
تبت يدا حاكم سرق
تبت يدا دجال مرق
استاسنا بى أحلام ورق
يا دمنا اليوم انحرق
استهلك اعراضناالأرق
براقنا فى الاكوان برق
أكان مدفعا اكان درق
اشرف مقاصدنا العرق
الشينة كضبناها
بى نبوتنا
برة بيوتنا
كايسين موتنا
بنسوى السمح
بين الشعوب
نحنا الخيول التنجمح
وبين الخضار نحنا القمح
---
تبت يدا حاكم ظلم
شعبا اذا مسك القلم
ما بيكتب العيش فى الألم
لا بيرضى يسجد للصنم
ما بعرف الخوف والندم
ما بنسج الشقا فى العلم
ما بيسرق احلامو العدم
لا بيشتهى القراصة فى يد الأمم
الشينة كضبناها
بى نبوتنا
برة بيوتنا
كايسين موتنا
بنسوى السمح
بين الشعوب
نحنا الخيول التنجمح
وبين الخضار نحنا القمح
---
تبت يدا ذئبا عوى
طلق كلابو ولا ارعوى
تبت يدا حاكم نوى
اختار طريق اللولوى
شغل الكضب والفهلوى
أقدامنا منطلقات سوا
وايدينا تنزف فى الهوى
لحن الشهادة وما حوى
لا عيش ولا كراس ولا حق الدوا
شعبا من الذل ارتوى
الشينة كضبناها
بى نبوتنا
برة بيوتنا
كايسين موتنا
بنسوى السمح
بين الشعوب
نحنا الخيول التنجمح
وبين الخضار نحنا القمح
| |
|
|
|
|
|
|
| |
Tragie Mustafa
saif massad ali
ALGARADABI
خالد عبد الله محمود
adil rahman
ابوحراز
عبدالعظيم عثمان
Mustafa Mahmoud
الخير محمد عوض
Abureesh
حاتم الياس
ebrahim_ali
عبد الله عقيد
Adil Osman
Hani Arabi Mohamed
waleed500
Yassir Tayfour
ibrahim barssi
رأفت ميلاد
ابوالقاسم ابراهيم الحاج
jini
bayan
Ahmed Mohammed Osman
فيس بوك
تويتر
انستقرام
يوتيوب
بنتيريست