|
تكنيك اغتيال البوستات بالردود والاقتتباسات،،،،،،
|
ملاحظين معاي مرات كتيره البوست من بدايتو يتصفي.. اول مداخله في اي بوست مهمه جدا اقتباس الكلام المبتور ده ضرب تحت الحزام التركيز علي نقطه محدده وترك باقي الكلام تحويل مسار البوست باستخدام المزاح واحيانا بافتعال المشاكل وضرب البوست انزال اقتباسات جاهزه لا علاقه لها بالبوست تم ترحيلها من بوست سابق... ...... ............. والكثير بجيكم راجع بعد شويه ما يكون البوست ده ذاتو راح في غضب الله
|
|
|
|
|
|
|
|
Re: تكنيك اغتيال البوستات بالردود والاقتتباسات،،،،،، (Re: عبدالعظيم عثمان)
|
عبدالعظيم
مش كده وبس ، في تكتيك اخطر ، يقوم جنو ليك اتنين ويعملوا ليك فيها متشاكلين
ويقوموا الشكلة في نص البوست ، وفي الحال دي انت تقوم طوالي تستعوض الله في بوستك
وعلي قول رند الجاتك في بوستك سامحتك .
يازول والله زمااان التكتيك في سودانييز هو ان ارفع لي بوستي ارفع ليك بوستك ، الآن بوظ ليه بوستيه
وانا بساعدك .
ينسون تماما ان هذه المساحة للحوار
| |
|
|
|
|
|
|
Re: تكنيك اغتيال البوستات بالردود والاقتتباسات،،،،،، (Re: عبدالعظيم عثمان)
|
تعرف يا رقم صفر يجوك جاريين واحد ساكي التاني من بوست لي بوست ناس كبار وجادين متشكليين باستخدام كافه الاسلحه ويقولو ليك انت معانا ولا مع الخيانه،،،،، ::::::: وفي واحدين يجو يمارسو الاستاذيه علي الجماعه وفي اساليب تانيه مثلا:--- واحد يلقي البوست ماشي تمام يجي يقولي كلمتيين وبالالغاز ... ويكتب وشه ضاحك ولا مكشر ما عارف،،،، ....... يعني جنس محن
| |
|
|
|
|
|
|
Re: تكنيك اغتيال البوستات بالردود والاقتتباسات،،،،،، (Re: عبدالعظيم عثمان)
|
ومرات واحد يجي داخل توش وبدون مفاهمه لانو لقي لي زوول بفتش فيه من زمن يقول كلمه ويغييب يوميين .... يمشي يبحت الارشيف .. ويجيب الدراب ويرميه ويكون فخخ البوست وسيده يكون كرهان اليوم السوي فيه البوست.... ...... ،،،،،،، وفي واحدين يكتلو البوست بردود بارده ما عندها نكهه ولا لون ولا طعم زي ( اي والله،شفت كيف ،، لا يا اخ،،،) ....... ::::::: وفي وحدين بذكروك قصه القرد والنمر بتاعه طاقيتي وينا... الموضوع يكون مختلف ويقوم ينكتو لي موضوع قديم وعاوز يدو قروشو اسع ناو والكتاحه بيقوم
| |
|
|
|
|
|
|
Re: تكنيك اغتيال البوستات بالردود والاقتتباسات،،،،،، (Re: عبدالعظيم عثمان)
|
Quote: ãáÇÍÙíä ãÚÇí ãÑÇÊ ßÊíÑå ÇáÈæÓÊ ãä ÈÏÇíÊæ íÊÕÝí.. Çæá ãÏÇÎáå Ýí Çí ÈæÓÊ ãåãå ÌÏÇ ÇÞÊÈÇÓ ÇáßáÇã ÇáãÈÊæÑ Ïå ÖÑÈ ÊÍÊ ÇáÍÒÇã ÇáÊÑßíÒ Úáí äÞØå ãÍÏÏå æÊÑß ÈÇÞí ÇáßáÇã ÊÍæíá ãÓÇÑ ÇáÈæÓÊ ÈÇÓÊÎÏÇã ÇáãÒÇÍ æÇÍíÇäÇ ÈÇÝÊÚÇá ÇáãÔÇßá æÖÑÈ ÇáÈæÓÊ ÇäÒÇá ÇÞÊÈÇÓÇÊ ÌÇåÒå áÇ ÚáÇÞå áåÇ ÈÇáÈæÓÊ Êã ÊÑÍíáåÇ ãä ÈæÓÊ ÓÇÈÞ... ...... ............. æÇáßËíÑ ÈÌíßã ÑÇÌÚ ÈÚÏ Ôæíå ãÇ íßæä ÇáÈæÓÊ Ïå ÐÇÊæ ÑÇÍ Ýí ÛÖÈ Çááå |
تعرف يا نزار مرات كتيره تكون عاوز تخش بوست الكتاحه بتاعتو ما تديك الدرب... والواحد يكون مزرزرينو ليك .. ويشب ليك انت في رقبتك ويخلي الزول الحاشيه مودتي
| |
|
|
|
|
|
|
Re: تكنيك اغتيال البوستات بالردود والاقتتباسات،،،،،، (Re: عبدالعظيم عثمان)
|
واحد يجيك قاتل ضـلو ويجيب لي معلومات ما انزل الله بها من سلطان والجماعه ينسو الموضوع الاساسي ويزرزرو ليك الزوول لمن يقوم جاري وهو كده بكون حول مجري البوست وخلي الجماعه ممحنيين ويحللو ويقولو هو مالو بس هو مالو ::::: ،،،،،،،،، وفي واحدين زي ابو الدقيق الصراع عنهم يستمر سنيين .. ودفانيين.. يعني ميه سنه ما يخيلك .. وفي اي حته يحدر ليك تتخيل اذا الجماعه اتلاقو كل واحد بيقطع في التاني كف وبعد شويه ينزل بوست بتاع تعزيه تلقاهم بيتصابقو كل واحد عاوز يكون الاول.... وتاني يرجعو يخستكو
| |
|
|
|
|
|
|
Re: تكنيك اغتيال البوستات بالردود والاقتتباسات،،،،،، (Re: عبدالعظيم عثمان)
|
الأخ عبد العظيم عثمان وضيوفة الكرام سلامات بوست خفيف ويفضح الكثير من ممارسات تخريب البوستات او تخويرها .. وكل التكتيكات التي ذكرتها عندها ناس حرفا ولهم مقدرات "تخويرية" و "تخريبية" عالية، عادة ما تبدأ بعبارة مستفزة لزوم دردقة صاحب او صاحبة البوست عشان ينفعل او يرد رد غاضب، وبعد داك تسهل مهمتهم ..
Quote: تعرف يا نزار مرات كتيره تكون عاوز تخش بوست الكتاحه بتاعتو ما تديك الدرب... والواحد يكون مزرزرينو ليك .. ويشب ليك انت في رقبتك ويخلي الزول الحاشيه |
كلامك ده ذكرني قصة طريفة حدثت لخالي عادل كان في واحد في الحلة اسمه عوض واولاد الحلة بقولوا ليه "عوض جعبة"، وهو بكره اللقب ده جدا، اها مرة بعد الكورة في الحلة واحد من ناس الكورة قال ليه "عوض جعبة"، والكتاحة قامت والبونيه دورت ضرب ورفس وشلاليت، وخالي عادل سمع الكواريك جا مارق من البيت وبدأ يحجز فيهم وطبعا ما عارف سبب الشكلة، ومسك عوض وقال ليه خلاص يا "عوض جعبة" انت امشي بيتكم ومافي داعي للمشاكل، اها عوض خلى زوله داك وشبك في خالي والشكلة دورت تاني ..
والله ما قاصد اخرب ليك ولا اخور ليك بوستك ده، لكن بس حبيت اشارك ..
الصاوي
| |
|
|
|
|
|
|
Re: تكنيك اغتيال البوستات بالردود والاقتتباسات،،،،،، (Re: عبدالعظيم عثمان)
|
استاذ الصاوي تعرف المنبر مرات الفرجه فيه سمحه خلاص... مشاكل لي رب السما وحفر وقص تقيل استخدام كافه الاسلحه.... بس تخريب البوستات ما كويس ياخ... في ناس تحس بيهم ماررقيين للريب والتلاف يعني البوست يا يتخور يا يتخور ما طريقه وتلقي مترصد البوست لمان يجيب اجلو
Quote: والله ما قاصد اخرب ليك ولا اخور ليك بوستك ده، لكن بس حبيت اشارك |
حاشاك انت بنتاع خيران ولاشنو... تعرف اذا دقست وسالتك من جعبه عوض الشاكل عادل خالك بكون خورتا البوست ده براي تحياتي
| |
|
|
|
|
|
|
Re: تكنيك اغتيال البوستات بالردود والاقتتباسات،،،،،، (Re: عبدالعظيم عثمان)
|
في النهايه اخطر انواع اغتيال البوستات التجاهل يعني تكتب البوست وتتعب وتساهر وتجمع معلومات وصور ولنكات زوول يقول عينك في راسك مافي تلقي الزوار يزيدو وما في مداخلات يعني بالواضح كده زوول يهببو ليك مافي تعاين للبوست بتاعك يدردق زي كوره التلج وتاني بالفتاشه ما تلقا ولا رايكم شنو يا شباب ادردق ليكم البوست دا
| |
|
|
|
|
|
|
Re: تكنيك اغتيال البوستات بالردود والاقتتباسات،،،،،، (Re: عبدالعظيم عثمان)
|
Quote: ياحبيب اكبر تكتيك لاغتيال البوستات الاسفاف والبعد عن الموضوعية في التناول وعدم احترام الطرف الراي قبل قليل قرات مداخلة لعضو (والله يستاهل كف لمصلحتو)
منبر بقيف (لط) من صباح الرحمن
|
مشكور يا حبيب علي المرور تعرف يا الشفيع بيحدث الاسفاف نتيجه لضيق الافق والعجز وقله الحيله.. .. تعرف زي البيساهل كف ده كتاباتو بتفضحو.....
| |
|
|
|
|
|
|
Re: تكنيك اغتيال البوستات بالردود والاقتتباسات،،،،،، (Re: رقم صفر)
|
Quote: وبحسب متابعتي لهذا البورد عن كثب وجدت أن أنواع الجغاميز لا حصر لها وتتوزع أساليبها من شخص لأخر من ناحية الإستعمال ونتيجة للـ (مهارات الفردية) في إبتداع أنواع عديدة من الجغاميز والمغارز ومن ثم ظهور عدة مدارس خاصة منسوبة لأعضاء بعينهم في البورد .... إلا أنني وبعد عناء شديد أستطعت حصر غالبية هذه المدارس المتفردة في خمسة أنواع رئيسية :
1- الشوت ضفاري !! 2- المابريدك يحدر ليك في أي بوست!! 3- طالعني في بوست تاني !! 4- طالعني الماسنجر!! 5- طالع للريبة والتلاف !!!
|
ref. nazer post
| |
|
|
|
|
|
|
Re: تكنيك اغتيال البوستات بالردود والاقتتباسات،،،،،، (Re: عبدالعظيم عثمان)
|
Quote: حبيبنا عبد العظيم عثمان
هل ممكن نعتبر قتل البوستات نوع من المقاومة اللا عنيفة؟ في بوستات وأصحابها يستحقون السحل bit by bit.. وفي بوستات قوية وأصاحبها أقويا أصحاب حجة، وهذى النوعية لا يستطيع أحد قتلها..
____ لكن معرفة سر وتكنيك قتل البوستات ظاهرة ذي حدين.. تعلمها على الأقل، بديك مناعة |
تعرف يا ياسر الصراعات الاسفيريه غير حقيقه وماخده اكبر من حجمها يبدا الحوار وبعد شويه ينحرف الي ابتزال ووشتيمه والموضوع اصلا ما بستاهل ... ام اغتيال البوستات ده بذكرني خستكه اركان النقاش مودتي
| |
|
|
|
|
|
|
Re: تكنيك اغتيال البوستات بالردود والاقتتباسات،،،،،، (Re: عبدالعظيم عثمان)
|
Quote: احب ان اشكر الاخ ناذر علي لفت نظرنا علي البوست القديم هذا
وعلي لغته النقدية الواضحة ، وتجرده في البوست .
واتمني ان يعيد كتابته الآن بصورة منقحة ، تضع المستجدات الآنية
البوست هو
تكتيكات أوتومسفيرية للكتابة في المنبر (أمثلة حية وتطبيقات) !!! |
اضم صوتي لصوتك وهذه دعوه للاخ ناذر لكتابه البوست مره اخري ..لان الفتره الفاتت دي الكتاحه كانت مدوره وفي اساليب جديده ظهرت
| |
|
|
|
|
|
|
Re: تكنيك اغتيال البوستات بالردود والاقتتباسات،،،،،، (Re: عبدالعظيم عثمان)
|
الأخوان عبد العظيم ورقم صفر ..
حقيقة عندما كتبت ذلك البوست قبل العام تقريبا كانت مجرد ملاحظات جمعتها من خلال متابعة وقراءة صفحات البورد بصورة يومية وعندما فكرت في كتابته كنت مترددا بشأن اللغة التي يتعين علي إستخدامها في الكتابة حيث لا حظت ان أعضاء هذا المنبر وزواره الكرماء لا يحبذون إستخدام اللغة العربية الموغلة في العلمية الرتيبة لأنها قد تجلب الملل وتفقد حيويتها ..
لهذا أخترت أن أكتبه بتلك الصورة التي قرأتموها هنالك من حيث الجمع بين الدارجية العامية والفصحى نوعا ما ..
بالطبع ظهرت الكثير من التكتيكات والتكنيكات الكتابية في البورد بعد ذلك وخاصة بعد ظهور (الخور) كعامل مؤثر في التكنيكات المستخدمة وأيضا ظهور الكثير من المكتبات التي تخص أعضاء المنبر وإستخدام أمين الموقع لها في إبعاد البوستات غير المرغوبة إليها بحيث تخمد حركتها ولا تجد حظها من التفاعل بعد ذلك ..
أفكر منذ مدة في كتابة بوستاً أخر على نسق الأول بعنوان (فن إدارة البوستات في المنبر) ولكني لم أجد حتى اللحظة الجو الملائم لصياغته رغم أن كامل فكرته وأمثلته مختمرة وجاهزة ..
وقد أكتبه خلال الإسبوع القادم بإذن الله ..
شنكل :
فعلا يا أخ عبد العظيم فإن وضع اللنكات قد تغتال البوست الرئيس كما حدث مع وضعي للنكي هنا ، ولكن الحمد لله أن بوستك لم يغتال بل إذدادت وتيرة النقاش فيه ..
لك العتبى حتى تستغيث ..
| |
|
|
|
|
|
|
Re: تكنيك اغتيال البوستات بالردود والاقتتباسات،،،،،، (Re: ناذر محمد الخليفة)
|
ناذر
اكتبه بنفس لغتك السابقة ، وحافظ علي الجانب الكوميدي ، فهذا علي الاقل سيخفف غضب الناس
عليك ، لكن استعد وشيل شيلتك .
من الامثله لقتل البورد ، تتصل علي واحد بالماسنجر وتقول ليه (تعال نتشاكل) ، طبعا الآخر يرد (وين) ، نطالع الخلا ، وطبعا الخلا ده بكون في بوست صاحب الحظ التعيس .
المنبر ، يحتاج الي ميثاق اخلاقي ، شرفي ، غير مكتوب ولكنه محفوظ ، وهو الالتزام بالاخلاق والبعد عن الكلمات البذيئة ، لو تعاملنا مع المنبر علي نفس اسس الجيرة والسكن في الحي الواحد ، لتوقفت كثير من المشاكل . فمهما فعلنا نحن نحافظ علي شرف جارتنا ، فهكذا ان يكون المنبر .
| |
|
|
|
|
|
|
Re: تكنيك اغتيال البوستات بالردود والاقتتباسات،،،،،، (Re: عبدالعظيم عثمان)
|
Quote: فعلا يا أخ عبد العظيم فإن وضع اللنكات قد تغتال البوست الرئيس كما حدث مع وضعي للنكي هنا ، ولكن الحمد لله أن بوستك لم يغتال بل إذدادت وتيرة النقاش فيه ..
لك العتبى حتى تستغيث .. |
يا ناذر تعرف موضوع وضع اللينكات ده شكلو تكنيك فاشل .. لانو اللنك بتاعك عمل العكس ولا رايك شنو وبرضو منتظرنك لاعاده كتاب البوست يا حبيب
| |
|
|
|
|
|
|
Re: تكنيك اغتيال البوستات بالردود والاقتتباسات،،،،،، (Re: عبدالعظيم عثمان)
|
Quote: المنبر ، يحتاج الي ميثاق اخلاقي ، شرفي ، غير مكتوب ولكنه محفوظ ، وهو الالتزام بالاخلاق والبعد عن الكلمات البذيئة ، لو تعاملنا مع المنبر علي نفس اسس الجيرة والسكن في الحي الواحد ، لتوقفت كثير من المشاكل . فمهما فعلنا نحن نحافظ علي شرف جارتنا ، فهكذا ان يكون المنبر . |
بالفعل هو كذلك كما ذكرت اخي رقم صفر العجز دائما هو الذي يقود الي الافلاس والابتزال لذا لابد من وجود ميثاق اخلاقي يحكم كل اصابع تكتب فالكتابه شرف وعنوان وليحرص كل منا علي ابراز عنوانه وصورته... مودتي
| |
|
|
|
|
|
|
|