|
|
 فى أمريكا نساء ورجال يتشرّف بهن/م السودان
|
خلال رحلتى للولايات المتحدة الأمريكية والتى إمتدت لمدّة أسبوع ، تعلّمت درساً مهمّاً جدّاً إستطاع أن يغيّر من بعض مفاهيمى .. كنت فى السابق ونسبةً لتجارب شخصيّة ، كنت أعتقد أن السودانيين/ات فى بلاد الغربة والتى تكثر فيها أعدادهم/ن كنت أعتقد أن الأحاسيس بالوطنيّة والإنتماء تتلاشى وتموت ، وأن العلاقات فيما بينهم/ن تضعف وتوهن حد الجفاء .. ثم جاءت زيارتى لأمريكا والتى ضرب لى أبناء وبنات وطنى خلالها أروع مثال فى الشهامة والوُد والسودنة الأصيلة .
قبل تحرّكى من السويد يرسل لى الحبيب أستاذ يوسف الموصلى الأصيل ، يرسل لى رسالة ليعلمنى فيها أنّه بصدد تغيير حجزه والبقاء فى واشنطن فى إنتظارى رغم ظروفه الملحّة والتى تحتّم عليه العودة لبيته فى أياوا ، وليس هذا بغريب على يوسف الشهم وإبن البلد الأصيل . ثم بعدها يفتح لى دكتور متوكل محمود الشهم الاصيل كذلك بيته فى لوس أنجلس ويدعونى للإقامة معه حتّى قبل تحرّكى من هنا ، وكم أسفت لكونى لم أستطع تلبية دعوته الكريمة تلك ، لك شديد إعتذارى عزيزى متوكل ولك خالص الثناء والتقدير .
وصلت إلى فيرجينيا لأجد الرسائل البريدية تملأ سلّة بريدى من مختلف الأخوة والأخوات والذين واللاتى لم تجمعنى بهم/ن سوى عضوية هذا المنبر ومعظمها مرفق معها أرقام هواتفهم/ن ، فهل تكفيهم/ن كلمات الشُكر ؟؟ الدعوات الصادقة من الجميع جعلتنى لاأحس للحظة بأنّنى فى غربة .
إستضافنى الأخ العزيز مبارك طه الفكى شقيق صديقى محمد طه هنا فى السويد ، إستضافنى فى بيته العامر فى Sterling هو وعادل وأمير ولم أحس للحظة أنّنى خارج بيتى رغم أنّنى كنت أقضى كل ساعات النهار خارج البيت وأعود منتصف الليل وهم فى حالة ركض مثلهم مثل الغالبية العظمى فى بلاد العم سام . ورغم ذلك لم تستسلم العزيزة هادية طلسم وظلّت تصر وتلح على حضورى لدارهم والإقامة هناك .
شديد شُكرى وتقديرى وكل إحترامى ووُدّى لكل من كتب/ت لى ، الشكر للأخوان ياسيكو ، السهيلى ، أنور أحمد ، كوستاوى ، عمر عبدالله ، أسعد إبراهيم ، مالك سيدأحمد .. وللأخوات شاينينغ ستار Shiningstar ، سلوى صيام ، هالة قوتة ، وصفاء فقيرى .
والشُكر كل الشُكر لكل من كتب/ت لى وتحدّث/ت معى عبر الهاتف ، الشكر للأخوان زمراوى ، وليد صفوت ، أسامة بخاف ، والصديق منتصر صدّيق ، والعزيز خطّاب حسن أحمد ، والصديق عثمان مبارك .. وللأخوات تماضر شيخ الدين ، ندى أمين ، وراوية العبّاسى .
شُكرى وإحترامى وتقديرى الخاص للأستاذ يوسف الموصلى والذى تعرفونه وتعرفون أخلاقه وكرمه ونبله ، وسنلتقى من جديد يايوسف وفى القريب .
الشُكر الكبير والخاص للأخ ماهر تاج السر والفضلى زوجته الأخت عالية على دعوة العشاء التى أصرّا عليها رغم وقت الأخ ماهر الضيق والذى كان ملتزماً بحفل فى نفس الليلة .. والشُكر الكبير والخاص للأخت حنين للبلد والأخ إبراهيم واللذان أصرّا على ملاقاتى فى آخر لحظة لأصل منزلهما العامر قبل مغادرتى بساعات قليلة .. والشكر الكبير والخاص للأخ دكتور متوكل محمود الرجل السودانى الأصيل الذى أصر على إقامتى فى داره والحضور إليه فى لوس أنجلس ، وإعتذارى الشديد لعد تمكّنى من ذلك .. والشكر الكبير والخاص للأخت الأستاذة هادية طلسم والتى أصرّت على إقامتى فى بيتهم ، وشديد إعتذارى لكونى لم أستطع تلبية الدعوة .
الشُكر للصديق أحمد عثمان والذى ظل يتصل بى من كندا ويصر على زيارتى له ، وسأضع الأمر فى الحسبان عند زيارتى القادمة ياأحمد .. والشُكر للأصدقاء فى السويد محمد طه الفكى والمعز مهدى حبّورة .
والشُكر أولاً وأخيراً للأخوان أمير وعادل ، وكل الشُكر للأخ الصديق مبارك طه الفكى الذى فتح بيته لى وظللت مقيماً فيه كبيتى رغم سفره فيما بعد لبريطانيا .
لكم/ن جميعاً كل الحُب والتقدير
لؤى
|
|
 
|
|
|
|
|
|
|
 Re: فى أمريكا نساء ورجال يتشرّف بهن/م السودان (Re: لؤى)
|
ألأخ لؤي سلامات وحمد لله علي سلامة الطيارة الودتك ورجعتك من غير ماتزورك واحدة من ناطحات السحاب هناك.
كدي أدينا أنطباعاتك عن البلد ديك لأنو أخوك قايم قريب علي أمريكا.ياتو ولاية عجبتك أكتر شي؟؟؟؟؟؟؟متين راجع لانو ممكن نتقابل هناك ؟البلد ديك بتتعاشر وأهلا حنان ولا مسدسات ورصيص في نص النهار
| |
|
|
|
|
|
|
|
|
|
Re: فى أمريكا نساء ورجال يتشرّف بهن/م السودان (Re: sari_alail)
|
العزيز سارى الليل
أمريكا دى موضوعها طويل وباين حاأكتب عنّها الكتير ، عبدالهادى للاسف الشديد لم ألتقيه ووقتى ماسمح لى إطلاقاً بتفيذ برنامجى بالكامل .. وواشنطون حلوة جدّاً بس طبعاً شمسها نار مقارنة بطقس السويد .. شوف الشمس عملتنى زى البرازيلى
ياعزيزى بتمنى ليك كل التوفيق والسداد فى دراستك فى ماليزيا وخلّى بالك من روحك .
خالص الوُد
________________________________________________________
[email protected]
| |
|
|
|
|
|
|
|
|
|
Re: فى أمريكا نساء ورجال يتشرّف بهن/م السودان (Re: لؤى)
|
نيابة عن نساء امريكا اشكرك للصورة الحية العكستها عن السودانيات في امريكا وما دام دا رايك اكيد لاقيت مريم محمد الطيب وتماضر شيخ الدين وخالدة الجنيد واسمح لي ان احيهن من خلال هذا البوست واحي كل الطيورالمهاجرة هناك ..
وبمناسبة هذه الصورالبهية ارجو ان تشرح لي كيف حملتها الى البورد لاني جايبها صور من السودان صورتها للبورد بنفسي ولم استطيع ان انزلها وهي حجمها كبيروالف شكر ليك استاذ لؤيوالف سلامة...
| |
|
|
|
|
|
|
|
|
|
Re: فى أمريكا نساء ورجال يتشرّف بهن/م السودان (Re: عشة بت فاطنة)
|
أستاذة عشّة
حمد الله على السلامة .. وحقيقى حقيقى تشرّفت بالتعرّف على ناس على قدر كبير من الأخلاق والشهامة والأصالة ، منهم/ن من إلتقيت ومنهم/ن من تحدّثت إليهم/ن عبر الهاتف ، لهم/ن ولكِ التحيّة .
وبخوصوص الصور إن أمكن راسلينى على أيميلى وسأشرح لكِ الأمر بتفصيل حتى نتمكّن من مشاهدة صور السودان .
خالص الوُد والإحترام
ــــــــــــــــــــــــــــــــــــــــــــــــ
[email protected]
| |
|
|
|
|
|
|
|
|
|
Re: فى أمريكا نساء ورجال يتشرّف بهن/م السودان (Re: لؤى)
|
لؤي جيتك صادّي تاني
موضوع ا(أمريكيا) دا باقي مغلّب علي بالحيل لأنو أخوك مسافر للأقامة هناك ومفارق درب اوروبا علا الشغلانة دي خايف منها تب آزول؛ كدي بجيك ناطي في السويد يوم يومين نتفاهم برواقة في الموضوع لانو عندي اصحابا لي في النرويج داير ازوروم ومن هناك بديك غشوة؛ رايك شنو؟؟؟الكلام دا بعد ماتمش السعودية وترجع؛ برسل ليك ميل نتفاهم.
| |
|
|
|
|
|
|
|
|
|
Re: فى أمريكا نساء ورجال يتشرّف بهن/م السودان (Re: ود حماد)
|
يالوي الف حمدلله علي السلامة وكلي اسف لعدم مقابلتك في السويد زرت السويد الجميلة هذا العام لكن كتاميه يا حبيبيو وشوقتني لزيارة امريكيا , صدقني اكثر من مرة رفضت ان ازورها رغم الدعاوي الكثيرة والتذاكر الملح,اما يوسف الموصلي رجل فاضل عن جد وحبوب, التقيته في القاهرة ومعي المان اكرم الناس الي يومنا هذا يعج لسانهم بالشكر له
| |
|
|
|
|
|
|
|
|
|
Re: فى أمريكا نساء ورجال يتشرّف بهن/م السودان (Re: saif massad ali)
|
الأخ سيف
الله يسلّمك ياعزيزى ، ووالله انا اللى آسف لكونى لم أعلم بزيارتك للسويد ، وأرجو أن تخبرنى إن كنت تنوى زيارتنا مرّة ثانية .. أمّا أمريكا فالأمر كان كذلك بالنسبة لى زيارات ودعوات منذ سنوات ولكن كما قلت (( القدم ليهو رافع )) .
أمّا يوسف فكما قلت لك فى مكان آخر ، ارجع للوصلة التى أرفقتها هناك وستقرأ بنفسك كيف كان رد فعل أستاذ الموسيقى السويدى حينما سمع لحن (( رسالة إلى أمّى )) .
لك خالص التقدير
ـــــــــــــــــــــــــــــــــــــــــ
[email protected]
| |
|
|
|
|
|
|
|
|
|
Re: فى أمريكا نساء ورجال يتشرّف بهن/م السودان (Re: ود حماد)
|
العزيز ود حمّاد
أهلين بيك تانى وتالت وألف ، وموضوع أمريكا ده ماتخليهو يعمل ليك مشغولية ساى أكتب لى رقم تلفونك فى إيميلى وانا بتصل بيك أناقش معاك الموضوع بى روقة .. واهلين بيك فى السويد وفى بيتى ، ودى والله ماعزومة مراكبية بالعكس عزومة زى عزومة ناس أمريكا الرائعين/ات ديل ، وكان إتفقنا انا بودّيك النرويج ذاتها بى عربيتى ، أصلى عندى أصحاب هناك لى زمن منّهم .
اها انا فى رجاك
ـــــــــــــــــــــــــــــــــــــــــــــ
[email protected]
| |
|
|
|
|
|
|
|
|
 Re: فى أمريكا نساء ورجال يتشرّف بهن/م السودان (Re: لؤى)
|
العزيز لؤي..
سلام وتحية..
يعني الزول ما يغيب ليهو يومين يلاقي ناس السويد مشو أمريكا.. وناس أمريكا جو القاهرة.. و.. و....
الصور حلوة.. تكشف عن أيام جميلة قضيتها.. هنيئا لك ولصحبك..
| Quote: فى أمريكا نساء ورجال يتشرّف بهن/م السودان |
هذا لا لشئ إلا لأنك شخص (أصيل صاحب نفس جميلة).. لا ترى إلا الجمال..
نعم إن في أمريكا وأوروبا وكل العالم نساء ورجال يتشرف بهم السودان.. ويكفي المنبر مثالا..
تحاياي..
| |
|
|
|
|
|
|
|
|
|
Re: فى أمريكا نساء ورجال يتشرّف بهن/م السودان (Re: Raja)
|
رجاء الوردة
التحايا والأشواق
أولاً حمدالله على سلامتك والبورد نوّر .. شفتى البيغيب بيجى يلقى الدنيا بقت ماياها ، عشان كده بالله تانى ماتغيبى .. والله يارجاء إسمتعت فعلاً شديد بزيارتى وناوى أعيد الكَرّة من جديد .. والجمال يارجاء وجدته انا فى هذا الحقل مشتولاً بين حروفكم/ن والأصالة عنوان لكم/ن .
| Quote: نعم إن في أمريكا وأوروبا وكل العالم نساء ورجال يتشرف بهم السودان.. ويكفي المنبر مثالا.. |
لن أزيد ....
لك مودّتى وأشواقى
ـــــــــــــــــــــــــــــــــــــــــ
[email protected]
| |
|
|
|
|
|
|
|
|
|
Re: فى أمريكا نساء ورجال يتشرّف بهن/م السودان (Re: Insaf Abbas)
|
إنصاف
بالفعل انا من أم درمان ، لكنّنى لست شقيقاً لإيمان وخالد شمّت ، ولكن ربّما كنّا أقرباء فالأسرة مُمتدّة بشكل كبير جدّاً وغيابى الطويل جدّاً عن أرض الوطن جعلنى حقيقة لاأذكر إلاّ الأقرباء جدّاً ، لكن لاأظن أننى أذكر أن لنا أقرباء فى الموردة ، وكما قلت لك مع غيابى الطويل ربّما تكون أشياء كثيرة قد تغيّرت .
لكِ إحترامى ووُدّى
ـــــــــــــــــــــــــــــــــــ
[email protected]
| |
|
|
|
|
|
|
|
|
|
Re: فى أمريكا نساء ورجال يتشرّف بهن/م السودان (Re: كبسيبة)
|
الأخ كبسيبة
ياخوى العفو والعافية ، ولاأذكر أنّه قد حدث أى خلاف بيننا على صفحات هذا المنبر ، أمّا إن كان ذلك قد حدث بينك وبين غيرى فلا أظنّنى أكون على علم بهذا الأمر ، نسبة لعدم دخولى لأى بوست لايخصّنى أو المشاركة حتّى بالرأى فى مايحدث من خلافات .
لك الوُد والإحترام
ـــــــــــــــــــــــــــــــــــ
[email protected]
| |
|
|
|
|
|
|
|
|
|
Re: فى أمريكا نساء ورجال يتشرّف بهن/م السودان (Re: لؤى)
|
ههااهاهاهاهاهاه
لوى انت عارف انا اشيلواخت و اقول يا ربى دة هو ولا ما هو
علشان كدة قلتا ياخ مابيدهاش النسالو ونخلص ويا ابيض يا اسود
والحمد لله طلعوا الاتنين.
والله زمان يا ابو الول السنين طالت غايتوا الله يدى العافية.
وبمناسب الاخ عاطف عبدالله انتا عارف الغريبة انا قبل شهر كدة عرفت ولاول مرة انة مشترك
فى س او لا المهم وكان رسلتا ليهو ايميل واتونستا معاوة شوية والحمد للة طمنا على اخبلرة
بس فضلتا انتا كدى قول لينا الحاصل عليك شنوا وامورك كيف واوعى بس تقول جيت امريكا دى قريب
وما كلمتنى ولا ضربتا ليا؟؟
عارف الناس الزكرتهم ديل كلهم بعرفهم معرفة فى بعض حالاتها قوى شديد كمان بس اللهم الا الاخ الموصلى
كدى ورينا الحاصل عليك شنوا وانت
وفى انتظار ردك
| |
|
|
|
|
|
|
|
|
|
Re: فى أمريكا نساء ورجال يتشرّف بهن/م السودان (Re: لؤى)
|
العزيز لؤى
بركه الاستمتعت برحلتك وفعلا حظك كان حلو وكنا على مشارف خريف..... حسه فاضل ليهو يومين بالعدد ويبدأ
كان بودنا نرحب بيك وتزورنا فى بلدنا عشان نفرجك شلالات نياجارا او على اقل تقدير بحيره ايرى
الصور ظريفه
سلام خاص لى محمد طه والعزيزه رباب
انا كنت شاكه من زمان انه دا محمد طه بتاع زراعه شبين
لكن اسامه اكد لى
سلام كتير ليهم
| |
|
|
|
|
|
|
|
|
|
Re: فى أمريكا نساء ورجال يتشرّف بهن/م السودان (Re: Rawia)
|
العزيزة راوية
مشتاقين ، وحمدالله على السلامة .. وبالفعل إستمتعت بالرحلة رغم قصر المُدّة وعدم تمكّنى من زيارة بعض الولايات الأخرى ..
كنت أعشم فى زيارة كل الناس هناك ، ولكنّى للأسف لم أتمكن ولذلك سأعود حتماً .. وتحيّاتك لمحمد ورباب ستصلهما بالتأكيد ، ونعم هو محمّد طه الذى عنيتيه .
كل التقدير
ــــــــــــــــــــــــــــــــــــــــــــــــ
[email protected]
| |
|
|
|
|
|
|
| |
لؤى
ود حماد
sari_alail
omar_ragab
Elmosley
Habib_bldo
عشة بت فاطنة
saif massad ali
خضر عطا المنان
Raja
Hisham Amin
اسامة الخاتم
Rawia
فيس بوك
تويتر
انستقرام
يوتيوب
بنتيريست