|
|
|
 Re: شاركوني الفرحة .. زهرتي آخر العنقــــود .. (Re: tmbis)
|
الأخ العزيز tmbis
مبروووووووووك
للباشمهندس زهرة
وان شاءالله كل حياتها أفراح
Quote: هل تغفر لي دمــــــوع فرحتي .. خطئة غيــابي ؟؟
لا اعتقــــد ... |
أشعر بمدى ألمك
ولكن هذا هو حال الغربة
تفقدنا أهم وأجمل مافي الحياة
أن نكون بالقرب من ممن نحب في لحظات الفرح والحزن
ومشاركتهم في أفراحهم وأحزانهم
ولكن لا تيأس
وكن دوما متفائل 
تحياتي
| |
 
|
|
|
|
|
|
|
 Re: شاركوني الفرحة .. زهرتي آخر العنقــــود .. (Re: abuguta)
|
العزيز ابوقوتـــه..
شكرا يا لذيذ .. علي الزهور ..
بعدين يا بهجة حياتي دي ما لقيته والله .. قاعد افتش عليها من امس ..
ما تتصرف لينا ..جيب اي حاجه من عندك يا بنكون طالبنك ، انا غايتو وصلتني كمية من الحاجات فيها زهور .. ارخي اضانك بس
| |
|
|
|
|
|
|
|
|
 Re: شاركوني الفرحة .. زهرتي آخر العنقــــود .. (Re: نهال كرار)
|
الأخت العزيزة نهـــال كرار
الله يبارك فيك .. وعقبال ما نبارك ليك اي لحظة جميلة في حياتك ..
Quote: أشعر بمدى ألمك
ولكن هذا هو حال الغربة
تفقدنا أهم وأجمل مافي الحياة
أن نكون بالقرب من ممن نحب في لحظات الفرح والحزن
ومشاركتهم في أفراحهم وأحزانهم |
احيانا يصعب الاحتمال .. لما تتعاقب المناسبات وتزيد من جحيم الغربه ... غربه
لكن
متفائل
ومغيوظ
من تمنية وتسعين الواحد ما فرتق ليهو حفلة بي نادر خدر 
| |
|
|
|
|
|
|
|
|
|
Re: شاركوني الفرحة .. زهرتي آخر العنقــــود .. (Re: banadieha)
|
العزيز بناديهـــا..
سلامات .. وربنا يحفظ ليك كل الزهرات ..
عندنا طبعا مغالطات كتيرة جدا مع الوالد بخصوص النطق .. هو دائما بيصر علي الاسم بي طريقتو الكلاسيكية زهرااا بي كل علامات الفتح وانا دائما بصر علي انها زهرة واحده اها لما ينادي عليها بينادي طبعا حسب اسمو .. فطوالي بيقوم ينط ليهو اقرب زول .. يا حاج يا ( معتق ) زهرة واحده بس ولي الآن ما اتحسمت المسالة
شكرا جزيلا بناديها .. وطمعانين في اللقيا ..
| |
|
|
|
|
|
|
|
|
 Re: شاركوني الفرحة .. زهرتي آخر العنقــــود .. (Re: ودقاسم)
|
Quote: مبروك لزهرة ، وليتفتح عبيرها ليغمر الجيران ،،،
وعقبال نفرح بيك يا تامبا ...
بلغهم تحياتي والتهاني ،، |
بس كدا ؟؟ يعني قاعد تزوغ بالطريقة دي ؟؟
مش قالو الخال والد وشنو كده ما عارف ؟؟
غايتو ام طلال مجهزة لي علبتين كعك والسكر عالي الجودة و( كمية ) من الحلويات المشكلة ،، والكلام ده كلو وانا ما كلمتها ..
اتحرك معانـــــا ورقم الحساب بي طرفك عندنا مشاريع قدامنا
محبتي ياخـــال وعقبال ما نفرح بالدكتورة فدوى والباشمهندس طلال ..
| |
|
|
|
|
|
|
|
|
|
Re: شاركوني الفرحة .. زهرتي آخر العنقــــود .. (Re: tmbis)
|
Timbs2:
ألف ألف ألف مبروك وتهانينا للباشمهندسة وكده الواحد ضمن إنو بيتو إنشاء الله إتشطب مجااااااااااااااااااان ..
| Quote: ارهقتني بإزعاجها ومشاكستها |
ياراجل قول كلام غير ده شكلها أرهقتك بي علاء الدين حوول لي ريالات ..علاء الدين موبايلي 3310 عايزاك تجيب لي موبايل أبو كاميرا ..علاء الدين جيب لي الدفاتر الملونة ديك والقلم الباركر ..
اسألني انا من إرهاق الحتالة خصوصاً لو طالبة جامعية
قال إزعاج ومشاكسة قال
| |
|
|
|
|
|
|
|
|
 Re: شاركوني الفرحة .. زهرتي آخر العنقــــود .. (Re: عمر الفاروق شيخ الدين)
|
عمر .. الله يبارك فيك وعقبال بيك نفرح
| Quote: وكده الواحد ضمن إنو بيتو إنشاء الله إتشطب مجااااااااااااااااااان .. |
بيتك ده حاول ركب ليهو ( مكنة ) ( قندراني ) وكبر ( العادم ).. الباشمهندس قالت عايزه تحضر في الهندسة الميكانيكية..
| Quote: ياراجل قول كلام غير ده شكلها أرهقتك بي علاء الدين حوول لي ريالات ..علاء الدين موبايلي 3310 عايزاك تجيب لي موبايل أبو كاميرا ..علاء الدين جيب لي الدفاتر الملونة ديك والقلم الباركر .. |
ده حال السعودية طبعا.. وحسع كلما اصحى الصباح جوالي ده اقعد اتأمل في محاسنو..
فقري جدا انت
نسيت المسطرة الطويلة العامله كده من فوق .. الغريبه كلما ارسل مسطرة مع واحد يا ينساها في الرياض .. يا في الطيارة يا في اللموزين..
| |
|
|
|
|
|
|
|
|
|
Re: شاركوني الفرحة .. زهرتي آخر العنقــــود .. (Re: zola123)
|
دكتورة ايناس ..
| Quote: وعقبال ما تفرح بعدلها، ربنا يخليكم لي بعض |
شكرا كتير وانت تقاسميني فرحتي بزهرة ،،
في نفس يوم اللقاء كانت مزحومة في ورش عمل الجامعة وكنت مصر انها لازم تتعرف عليكم.. بالرغم من اللحظات البسيطة الكانت فيها إلا انها حكت لي كتير عن اللمه وعن الروح الطيبة..
وكنت بتمني زي كل مرة اني اكون حضور ..
| |
|
|
|
|
|
|
|
|
|
Re: شاركوني الفرحة .. زهرتي آخر العنقــــود .. (Re: domdom)
|
domdom
سلامات والله يبارك فيك وعقبال ما نبارك للنابقة مرة تانية في اعلي الدرجات العلمية
Quote: بس انا قايلك اصغر من كده
قال دي اخر العنقود طبعا |
اها لقيتني كيف ؟
غايتو ضرب حساباتك ديل اتنين مهندسين هي والولد الاكبر منها طوالي الحمد لله .. والاتنين مرحلة الاساس يعني بي التوقيت الجديد ، اما انا قريت الابتدائية لما كانو بيجو يصورو الطلبة ويرصوهم في كنبه واحده والصور ابيض واسود..
| |
|
|
|
|
|
|
|
|
|
Re: شاركوني الفرحة .. زهرتي آخر العنقــــود .. (Re: عزاز شامي)
|
الاخت العزيزة عزاز شامي ..
الله يبارك فيك وعقبال ما نبارك ليك فرحتك الكبيرة ..
| Quote: وعقبال ما تفرحوا بيها عروسة وأم وينادوك يا خال تمبس |
خليها تندرش شوية كدا وبعدين الخال دي ملحوقة
انا من سنتين بقيت عمو مرتين وكلمااتصل واسمع ياعمو بحس انو في تلاتة ( شيبات ) جن طالعات
غايتو يا عزاز الواحد يحضر بتيختو وجريدتو من حسع وانا مركز علي جريدة الحياة لانو صفحاته كتيرة وبتغطي من المطرة والشمش
| |
|
|
|
|
|
|
|
|
|
Re: شاركوني الفرحة .. زهرتي آخر العنقــــود .. (Re: tmbis)
|
| Quote: كان صوت الوالد ... وهارموني من الزغاريد .. قدرت اميز من بينها نغمة الوالده فهي تطلق زغروده تنطلق من اعلى مستوى للصوت السبرانو وتستمر في ( صولو ) متواصل دون انقطاع.. |
لكن امك دى ما سحرتها عديل كده.
الف مبروك تمبس وجاهزين جاهزين للاحتفال بالناجحين
يا اولاد معتصم ووليد399 جهزوا عدد واحد استراحة وصلحوها،،،،
| |
|
|
|
|
|
|
|
|
|
Re: شاركوني الفرحة .. زهرتي آخر العنقــــود .. (Re: Hussein Mallasi)
|
الأخ الصديق مولانا اسماعين التاج ..
كان بقدومها فرحة وفال .. والآن ببداية مشوارها العلمي اكتملت فرحتنا
شكرا يامولانا .. وما نعدمك ..
الإبن ملاسي
ضاعت عليك الحفلة وامكانية عرض ( الحلاقة ) الجديدة وانت من زير لي زير ..
الله يبارك فيك ويجعل لك في كل خطوة زير ( قناوي ) ..
الحبيب جدا
نزار حسين ..
لك تحيات الاسرة .. وعقبال ما نفرح بيارا
| |
|
|
|
|
|
|
|
|
|
Re: شاركوني الفرحة .. زهرتي آخر العنقــــود .. (Re: tmbis)
|
أينعت فى الروض زهرة
إنشاء الله يا تمبس حياتكم كلها بنكهة الورود وابتسام الحدائق
وتهانى صادقة للزهرة ولكل الأسرة
طيب بالمناسبة دى يا علاء
ما تهبش لينا أغنية أبوداود العجيبة دى
أينعت فى الروض زهرة
على بالايمان فى تسجيل بالعود يا تمبس
برعى وابوداود راس
وثالثهم السحر
كدى حاول
ومبروك آلاف
| |
|
|
|
|
|
|
|
|
|
Re: شاركوني الفرحة .. زهرتي آخر العنقــــود .. (Re: THE RAIN)
|
ألف مبروك يا تمبس لك ولزهرتك آخر العنقود ولأفراد الأسرة الكريمة وربنا يديم الأفراح.
قبل كم يوم كان زواج أختي الصغيرة بنادي أمدر السياحي وبرضي زيك كنت أتابع بالتلفون زغاريد الفرحة والضحكات وأنا وحيد بالرياض. ربنا يديم الأفراح ويلم الشمل في ساعات خير وبهجة لك ولنا ولكل السودانيين.
| |
|
|
|
|
|
|
|
|
|
Re: شاركوني الفرحة .. زهرتي آخر العنقــــود .. (Re: Marouf Sanad)
|
تمــــــــــــــــبس الجميل..
ازيك يامفرده الروح ..
ازيك يا من تهدى الرفاق طعم الاشياء والنفس..
لعلك بخير..
خالص الامانى القلبيه لاواخر العنقودالزهره ..
بدوام النجاح والتوفيق فى كل سبل الحياه..
وانت كذلك..
وعبرك ارسل ليها هذه الكلمات المرتجله..
فتحياتى لها..
القسم
من زمان يالسمحه
فى عينيك ختيت قسم..
ووهبتو ليك حياتى
ومشيت طريق لافيه حدود لارسم..
وفرحت بى الجاينى منك
شيتا لافى الواقع لاجاى من حلم..
بس لقيت البيناتنا اكبر
يزيد كل يوم وينحت فى الالم..
معاهو الخطى ملت طريقه
شعاع العتمه فى الصرخه اترسم..
متين نلقاكى فى الغربه
اعيد قسمى واشيل باقى عمرى النقسم0
| |
|
|
|
|
|
|
|
|
|
Re: شاركوني الفرحة .. زهرتي آخر العنقــــود .. (Re: Elnasri Amin)
|
الأخ تمبس
تحياتى
نعم الإله على العباد كثيرة** وأجلهن نجابة الأبناء
التهنئة بنجاح زهرتك وتفتحها عقلا يحلق عاليا فى سماء المعرفة وروحا تفوح بحب الوطن.
والتهنئة موصولة لكل أبناء وبنات السودان الناجحين والمفرحين لقلوب أهلهم.
كما أتمنى والمناسبة مجال تعليم الأبناء أن أذكر -عندما كنت فى منطقة خميس- مشيط مشروعا إقترحته على الأخوة آنذاك ويتلخص فى عمل صندوق لتعليم أبناء المغتربين على أن يدفع كل مغترب بالسعودية مبلغ خمسة ريال شهريا. وكنت أراهن على أن هذا المبلغ البسيط إذا إنتظم جميع المغتربين دفعه شهريا سوف يعلم جميع أبناء المغتربين بالجامعات السودانية أو غيرها. فبالطبع وجد المشروع من يحطمه بحجة الأمانة ومن الذى سوف يكون مسئول عن هذا المال وكيف نحاسبه ووووو...الخ.مع أن المبلغ المطلوب من الفرد صغير ويمكن أن نجرب به بداية المشروع مع وصع كل الضمانات لنجاحه وإن فشل سوف لن يخسر الشخص أكثر من60 ريال فى السنة ونكون قد حاولنا.
وكان إقتراحى الثانى أن نجمع هذا المال ونوزعه على جامعات السودان سنويا على شرط أن تقبل أبناء المغتربين مجانا, وبهذا نكون قد عالجنا موضوع ألا يكون المال فى أيدى أفراد ربما يخونوا الأمانة.
فعفوا لتذييل تهنئتى بهذا الموضوع ولكن عسى أن يكون نجاح زهرة هو فاتحة خير على السودانيين ليفكروا فى مشاريع يمكن أن تخدم أجيال المستقبل.
| |
|
|
|
|
|
|
|
|
|
Re: شاركوني الفرحة .. زهرتي آخر العنقــــود .. (Re: tmbis)
|
My friend Tmbis
Our congratulations to the engineer Zahra and to your parents the nobles ..Also I wish that Allah makes every days you weddings Waqbal doctorate and I wish that we rejoice over you at your qualification for the marriage ...
We wish that we see you soon in the eastern region so that we please a proper with Zahra 's graduation on the shore of the Persian Gulf or as they named it the Arabs the Arab Gulf..
Quote: يا ابوخدره
Quote: ( وبيت مال عيال)
الواحد بقى يخاف عليك
يعني انا اخلي الرياض والشغل الفي يدي ده واجي احرسك والا شنو؟؟
عذبتني معاك
غايتو شكرا للفرزتو من كلامك ده ولحدي ما نشوفك
انا عامل اعلان فوق لي بن بن |
does not become disturbed a lot concerning the brother Khedr it has come to very late stages that rebelled against our control
My friend hope the acceptance of my regret for my lag in the congratulation
Badri
| |
|
|
|
|
|
|
| |
tmbis
أحمد الشايقي
صلاح الدين عبدالله محمد
abuguta
garjah
ودقاسم
banadieha
A.Razek Althalib
خضر حسين خليل
معتصم دفع الله
samwal ebrahiem
zola123
ghariba
إسماعيل وراق
صديق الموج
خالد فضل
إسماعيل التاج
Hussein Mallasi
nazar hussien
THE RAIN
Marouf Sanad
معتز تروتسكى
محمد الامين احمد
سجيمان
محمد عبدالرحمن
ودالعباسية
حسام يوسف
هاشم نوريت
kamalabas
Agab Alfaya
Rashid Elhag
abas
خدر
لؤى
مهاجر
lana mahdi
elsharief
Badri
JAD
مريم بنت الحسين
Ibrahim Algrefwi
شرووم
فيس بوك
تويتر
انستقرام
يوتيوب
بنتيريست