|
Re: المصنفات الفنيه تتراجع وتجيز اغنيه (سودان جديد).....شكرا لكل البورداب (Re: abazar hamid)
|
الأخ أباذر، مبروك الإجازة.. وشكراً لمن ساندوا الجمال في هذا الموقع الرائد. ونقول للجنة المصنفات الفنية؛ الرجوع إلى الحق فضيلة، وخطوة في الإتجاه الصحيح.
ولى قدام أخي من أجل السودان الجديد.
فدور الفن أساسي في عكس التنوع الثقافي ومعالجته بإيجابية ونشر ثقافة جديدة مشتركة يشعر فيها جميع السودانيين أنهم أفراد ومجموعات متساوين في الحقوق والواجبات in-groups مهما اختلفت ألوانهم وسحناتهم وأشكالهم وإثنياتهم وأعراقهم وقبائلهم وأديانهم وثقافاتهم..
وليس هناك آخر مقصى Out-group...
عندها فقط نكون قد أحسنا إدارة التباين Managing our Diversity
لنجنى معاً ميز التنوع.. إبداعاً في كل مجال.. لتبرز أمتنا للوجود كأمة لا مثيل لها فعلاً لا قولاً.. وتأخذ مكانها الطبيعي والطليعي الذي حرمت منه طويلاً لعدم بفرض الآراء الأحادية لقيادة أمة وبممارسة الظلم والتفرقة والتمييز.
ومعاً لسودان جديد.
العوض الطيب
| |
|
|
|
|
|
|
Re: المصنفات الفنيه تتراجع وتجيز اغنيه (سودان جديد).....شكرا لكل البورداب (Re: abazar hamid)
|
ابو ذر ، مبروك اولا لكن انا ما زلت عند راي وهو ان لجنة المصنفات يجب ان تعدل ، يعني اذا كانت هناك اغنية نوبية او من الجنوب او اغنية بلغة غير عربية فان اللجنة تطلب الترجمة وهذا خطا فادح لان ليس بالترجمة واحدها يمكن ان تصنف الاغنية فيجب ادخال شعراء او من يفهمون اللغات السودانية الاخرى متى ما كان ذلك ضروريا واذكر ان احد الفنانين من اهلنا المحس تقدم الى الاذاعة لبث اغنية فاوقفته ما يسمى بلجنة المصنفات الفنية وتم رفض الاغنية بعلة ان الاغنية لا ترجمة لها واوقفت العديد من الاغنيات ويتم رفض بث الاغنيات من اللغات الاخرى بل ان شركات الانتاج تتوقف كثيراً في طباعة شريط او البوم لاحد من اولئك الفنانين ، وربما ايضا يتوقفون عند اغنية اخرى لك او لغيرك ، انت موش عندك اغنية تانية فيها كلامات لا تتوافق مع توجهات هلاوي ولجنته ، انقل راينا هذا ايضا سلامي لعصام واساغة يسال عليه من انجمينا ...
| |
|
|
|
|
|
|
Re: المصنفات الفنيه تتراجع وتجيز اغنيه (سودان جديد).....شكرا لكل البورداب (Re: abazar hamid)
|
مبروك يا أباذر
أصله ناس الإنقاذ ديل من أول حاجه بقولوا لا تعرف ليه ؟؟؟؟؟
لأنها بتتكون من حرفين أتنين بس وبكده تكون سهله على النطق وغير مكلفه أما كلمة نعم فدى بجوها فى الآخر دايما بعدما يمسحوا بكرامتهم الأرض من الناس كلها هنا بس بقولوها مضطرين مع أنها مكلفه وبتتكون من 3 أحرف الفرق عندهم فى حرف واحد يمكن أن يودوا أجمل حاجه فى ستين داهيه شفت كيف ؟؟؟
عموما مبروك وعقبال سودان جديد قلبا وقالبا....
تحياتى ....
| |
|
|
|
|
|
|
Re: المصنفات الفنيه تتراجع وتجيز اغنيه (سودان جديد).....شكرا لكل البورداب (Re: Hussein Mallasi)
|
عزيزي حسين ملاسى تحياتى افهم جيدا موقفك تجاه الغنية والمغنى، بل وتجاه كل الذى اسميته انت بال ( العالم الهيصت ) وتلك رؤيتك للامر وليس لاحد الحق فى منعك من ان تعمل رؤيتك للامر من خلال الزاوية التى تقف فيها بما يعبر عنك. هذا اولا دعنى هنا ان ارى الامر من خلال الزاوية التى اقف فيها. الرجل تقدم الينا فى سودانيز اونلاين طالبا الدعم فى موقف يرى ان فيه ظلما قد حاق به وبابداعه. وتداخلنا جميعا بعضنا نظر الى الامر من زاوية سياسية. والبعض نظراليها من زاوية فنية. وتكاتفنا بالفنى والسياسى لتقديم النصح له كل حسب قدرته وكل حسب معرفته بعضنا اصاب ونال الاجرين وبعضنا لم يصب واكتفى باجر الاجتهاد.
الرجل حمل كل ماكتبناه وذهب يحاجج به اهل القرار بعد ان استمد من مداخلاتنا القوة المعنوية كما عبر هو بنفسه. وقد فاز والله فوزا جيدا بحملهم على تغيير موقفهم. الامر الذى عده ( بكرى ) انتصار لمجتمع سودانييزاونلاين فعجل برفع البريد المعنى وتعليقه امام الناظرين
اراك قد حملت عليه اكثر مما يحتمل بقولك
Quote: و انت زمنك دا كلو بتغني هذا النوع من الأغاني و أفكارك ما مرتبة لتدافع عنها!! |
فى تصورى المتواضع جدا ان المبدع يجب ان ينشغل بابداعه. وليس بتصنيفه أو تقييمه فنيا او اكاديميا أو غيره. هذا عمل النقاد والدارسين فى احسن الاحوال ثم هو عمل الجمهور العادى ( من امثالنا ) حين يعز النقد والدرس. وهو ايضا عمل المحامين ( فيما بعد ) ان اقتضى الامر.
لماذا ينشغل المبدع فى انتزاع اعتراف به وبابداعه ليس من الجمهور كما هو مأمول بل من بين اصابع افراد يحملون بين اقلامهم مصير اجيال كاملة من المبدعين والمتلقين على السواء وماهم سوى بشر يخضعون لسلطان النفس الامارة بالسوء!!
يا أخى لايكلف الله نفسا الا وسعها..
هذا هو وسعه
ماهو العيب فى ذلك؟؟!!
الرجل قدم لنا غناء اغلبنا اعتبره غناء جيد وقيمناه بمانعتقد انه التقييم الصحيح وهذا هو بالضبط الذى ساعده على ترتيب افكاره. ودفعه الى مزيد من القتال لاجل استرداد حق مسلوب ( حسب رأيه ورأينا معه) فأين الاثم هنا واين الموبقة التى استدعت تجييشك لكل هذه المخاشنة !! هذا ما لم افهمه فى مداخلتك الاخيرة .
لك الود والسلام
منعم الجزولى
| |
|
|
|
|
|
|
Re: المصنفات الفنيه تتراجع وتجيز اغنيه (سودان جديد).....شكرا لكل البورداب (Re: Gazaloat)
|
حسين سلامات تعرف لو اباذر ماقال ( ساعدوني في ترتيب افكاري) كان سلختو معاكـ
اخونا منعم الجزولي سلامات الفنان في الالفيه الثالثه دي مستحيل يكون ماعندو موقف من القضايا الحولو و من فنو برضو وده متوفر في بقة حسب صداقتي الطويله معاهو
يا بقه مبروكـ ياخي غايتو لو ماكان اجازوها كنا جينا فرشنا معاكـ احيي صبركـ و مثابرتكـ والله مبروكــــــــــــــــــــ
| |
|
|
|
|
|
|
Re: المصنفات الفنيه تتراجع وتجيز اغنيه (سودان جديد).....شكرا لكل البورداب (Re: abazar hamid)
|
مبروك يا اباذر إجازة الاغنية
عدم إجازة الاغنية في المرة الاولي ، ثم عودة لجنة النصوص لاجازتها في المرة الثانية، و الكلمات هي نفسها الكلمات و لجنة النصوص ياها نفسها لجنة النصوص بيوضح إنه اللجنة دي يا إما شغالة (شختك بختك) و انت و حظك في اليوم داك لو كان مزاجهم رايق يجيزوا ليك و لو كان معكنن، تتطلب الله حتي لجنة النصوص هي نموذج مصغر لكل انواع التخبط (لجنة النصوص) و (وزارة العدل) في حكومة الانقاذ دي مافي اي فرق بينهم
و الكلام القالوا (سري) فوق ده كلام منطقي و صحيح تماما اللجنة دي عشان تكون لجنة حقيقية لازم يكون فيها اعضاء بيفهموا اللهجات أو اللغات المختلفة لأنه ما ممكن تطالب سوداني عايز يجيز اغنية سودانية، و في السودان، بانه يترجم اغنيته؟!!
| |
|
|
|
|
|
|
Re: المصنفات الفنيه تتراجع وتجيز اغنيه (سودان جديد).....شكرا لكل البورداب (Re: abdalla elshaikh)
|
ألف مبروك يا اباذر..وحنبني سودان جديد..
كما نحن في إنتظار سماع العمل بالأوركسترا..في الإذاعة والتلفزيون..وفي كل مكان
سودان جديد ما قديم.. العدل فيهو مقيم.. سودان لكل الناس ماببقي فيهو تقسيم
نبني نبني نبني نبني
بي زنجوا وبي عربو
بي نوبتو وبي حلبوا
بي زنجوا وبي عربو بي نوبتو وبي حلبوا
بي زنجوا وبي عربو بي نوبتو وبي حلبوا
بي زنجوا وبي عربو
بي نوبتو وبي حلبوا
عمل مواكب ..ويحمل آمال وتطلعات شعب عظيم..
تحية يا اباذر..
| |
|
|
|
|
|
|
Re: المصنفات الفنيه تتراجع وتجيز اغنيه (سودان جديد).....شكرا لكل البورداب (Re: abazar hamid)
|
كويس الما قمت اتحامقتا وشرطّتا الورقة بعد عدم الإجازة...
اقترح بالاحتفاظ بالورقة كوثيقة مهمة يا اباذر... آخر مرة التقيتك فيها يا اباذر -وهي المرة الوحيدة - كان في المركز الثقافي الفرنسي ، يومها كانت ورشة عمل تطوير موقع عقد الجلاد والعزيز وليد الحاردلو... كان رأيك انو وضع اعمال عقد الجلاد في موقعي على الانترنت عمل غير قانوني، صح؟ -صلحني لو انا غلطان ولا فاهم غلط...
الآن وضعك للأغنية-سودان جديد- وبنفسك يؤكد ما ذهبنا عليه من أول...الأغنية السودانية تحتاج للانتشار أولاً...وبعد داك نشوف حق الشاعر والملحن والمؤدي
مودتي
أنور
| |
|
|
|
|
|
|
|