|
|
 قابلني في شارع ريتشارد مع تقاطع شارع داريوكان !!!
|
ارجو ان تستفيد ولاية الخرطوم من تجربة شوارع دفاع الهلال لحل مشكلة المو1صلات بالعاصمة وضمان انسيابية الحركة بشوارع العاصمة خاصة في اوقات الذروه!!!!
العبرة بالخواتيم!!!
صبرنا ونلنا مبتغانا!!!
في نهائي دوري الممتاز كانت شوارع دفاع الهلال مفتوحة ايضا" ولكن الخظ وقلة التوفيق جانبت اهل الزعيم
ابو الهل محتاج لدفاع كامل وولدنا عمر بخيت خليناهو ليكم ومبروك عليكم
مبروك لكل الصفوة علي امتداد المليون ميل !!!!!
|
|
 
|
|
|
|
|
|
|
|
Re: قابلني في شارع ريتشارد مع تقاطع شارع داريوكان !!! (Re: ابو عثمان)
|
اخوي ابوعثمان
مسكاقمي
اولاً مبروك الفوز والكأس
ثانياًبخصوص داريوكان في واحد قال شافو في مطار الخرطوم
سألته مودع ولا مودع
قال لي ما عارف
أما بخصوص ريتشارد غايتو نقول شنو
المباراة دي كشفت حال الجنى دا
أنا بدري قلت ان ريتشارد دا امكانيتو ضعيفة لمن يواجه المهاجم وجهاً لي وجه
ممكن يتخطاهو اي مهاجم وبكل سهولة
ومباراة امبارح كشف حقيقة هذا اللاعب
طبعاً امبارح كان ريتشارد حقو كرت احمر ولكن الحكم الله يهديه حن عليه
| |
|
|
|
|
|
|
|
|
|
Re: قابلني في شارع ريتشارد مع تقاطع شارع داريوكان !!! (Re: حسين يوسف احمد)
|
Quote: مبروك الإنتصار .. مع الرأفة
الجماعه تفرحوهم قبل كم يوم بس.. وتتغابو فيهم العرفه اليوم ؟!
وإيداهو صبى ما شاء الله .. لكن غبينتو شنو مع الجماعة شغال كل سنه ضبح
وأهلو الربابيط قودوين وكلتشى ما يكلمهم يلعبوا كورة بدل الرفسى والدفسى
برضو حقو يراعوا للعيش والملح ويكون عندهم حبة ولاء للسودان وما يعوقو لاعبى المنتخب
ناس سفارى و دامر والزومه معتمد عليهم السودان الشهر الجاى فى منافسات الأمم الإفريقيه
والرباطه ديل عارفين البير وغتاها.. من تمارينهم مع العتالة وشوارعهم المفتوحة
وبراهم شايفين زولهم إيداهو لفه كيف من صينية الجندى المجهول وعدا وفات وشبح ثم قدل ثم فعل! |
| |
|
|
|
|
|
|
|
|
|
Re: قابلني في شارع ريتشارد مع تقاطع شارع داريوكان !!! (Re: ابو عثمان)
|
أمين .. متذكر اليوم القلبتني فيهو من هلالابي كشامشا ساكت لمريخابي متعصب..
إنت ومعاك شلة أهلنا البشاراب بالفتيحاب.. الكلام ده على ما أظن سنة 85 ..
أيام مباريات المريخ في تنزانيا.. وكأس سيكافا..
ويوم بيتنا مع خالي المرحوم أمير في صالة كبار الزوار عشان نلاقي طيارة المريخ تاني يوم الصباح..
والمسيرة في ذلك اليوم الأغر..
والجلسة في الحدائق ..
العشاء صناديق الفراخ المشوي من بستان 2 ..
وكملناهو صير من الموردة ..
والـ ... مايتسمى ..
ياخي أنا ممكن أقعد أحكي ليك كدة لمدة عشرة سنة ما أخلص ..
الحمد لله إنك لسه مريخابي ومالقيت ليك بشارابي قلبك ..
تحياتي لناهد والأولاد..
(الصور طبعا وصلت.. تشكر يالذيذ) ..
عايزين لينا كم ساعة كده بالتلفون..
| |
|
|
|
|
|
|
|
|
 Re: قابلني في شارع ريتشارد مع تقاطع شارع داريوكان !!! (Re: ابو عثمان)
|
كنا قد تحدثنا سابقا بمبدأ تقاسم الثروه والنشاطات بين الكل فتركنا لكم مساحه للفرح هذه هى اخلاق الهلال يلا افرحو شويه والملاحظ ان جميع الهلالاب فى جميع شوارع الخرطوم امس كانت حالتهم طبيعيه وكان هناك شبه اتفاق مع انه لم يحدث على ان نترك مساحه للفرح لدى المريخاب مع خروف العيد وحتى يتذوقو جيدا لحم الخروف وحتى لا يرتفع الضغط والسكرى عندهم ونحنا بطبعنا نحب التسامح فهزيمه مرتين فى العام كتيره عليكم زى فرحه الاطفال لمن تدوهم عيديه الف جنيه
يلا افرحو
والقادم احلى
| |
|
|
|
|
|
|
| |
ابو عثمان
على محمد على بشير
حسين يوسف احمد
Saber Abdelhadi
ملكة سبأ
معتز الامين
فيس بوك
تويتر
انستقرام
يوتيوب
بنتيريست