هل يصدق احدكم بأن لاعب الهلال المحترف (داريوكان) يشارك فى (مؤامرة) ضد المريخ وهو من يفرض على مدربى المريخ وضع لاعبين بعينهم ضمن تشكيلة المريخ .. لا (الوالى) أو (مزمل) ؟؟ ________
يعنى مباراة اليوم ما ح تكون المشكله فى الحكم وانما فى (مؤامرة) داريوكان !!!!!!!!!!!
فى المباراة التى هزم فيها (الزعيم) من الرديف أو (فرعه الصغير) 2/ صفر، كان (العجب) اسوا من (الحمام الميت)، وأجمع المريخاب كلهم كما لم يجمعوا من قبل أن ميعاد تكريم العجب قد أزف، لكن (المتآمر) داريو كان اصر على مواصلته فى اللعب ضمن التشكيله الأساسيه للمريخ، فاهداه هدفا فى آخر دقائق المباراة، يمكن (للنعام آدم) أن يحرزه، ومن (ديك وعيك) العجب لاعب اساسى فى المريخ وكمان فى المنتخب، يعنى السبب فى استمراره (مؤامرة) داريوكان (القذره) !!
وفى المباراة الأخيره التى نطلق عليها عملية ( تبقون) اى تبقون (داخل بيت الطاعه) الأبدى (الهلالى) أو عملية (طلاق 3) !! واصل (داريوكان) فى مؤامراته الدنيئه .. فقد كان ولدنا (هيثم طمبل) اسوا من (حمام ميت) كذلك، تصله الكرة فى خط 3 أو خط لا يحزنون (فيصرج) ويبعدها عن المرمى بصورة لا يستطيعها (بهاء الدين) - بالمناسبه الزول ده وين .. والله مشتاقين - المهم يبعد (هيثم طمبل) الكره عن الشباك وكأنه يشارك فى نسج المؤامرات جنبا الى جنب(داريو)، حتى وصل الأحباط بالمريخاب درجة جعلتهم يتحسرون على اى مليم دفعت فيه - (عارف) فى واحدين ما مهتمين لأنهم عارفين انه (القروش) المدفوعه فى (طمبل) ما عندها (وجيع) - .. المهم فى الأمر فاذا (بداريوكان) لا يرضى ذلك وحلف قسم انه مواصلة (طمبل) فى الملاعب مسوؤليته شخصيا .. اعتقد انه (صلاح أدريس) دفع ليهو مبلغ من المال عشان يعمل كده !! المهم (داريو) اهدى (طمبل) قون ما اظن يقدر يهديهو لى روحو .. وبعد تعععععععععععب أحرز (طمبل) ذلك الهدف !! وبتلك الهديه فرض (داريوكان) لاعبين ضمن صفوف المريخ ح تشوفوهم (الليله) تذكروا (العجب) و(طمبل) وأبقوا معنا .. الله يستر من تكرار حالة (الزول) القبل ما يفتح (التلفزيون) لقى (البعيوات) مغلوبين 3 !!! يعنى فى الملعب الليله ضمن صفوف المريخ وبعد نجاح (مؤامرة) داريو كان، يوجد 5 من (الحمام الميت)!! 2 تعابه وغلابه + 3 (زيت راجع) !! لكن اكتر حاجه ضحكتنى انه (العجب) تم استبداله خلال شوط المباراة الأول ضد فريق (الثغر) بورتسودان ليه ؟؟ قال عشان ما يأخد بطاقه صفراء ويحرم من المشاركه فى لقاء (الهلال) ههههههههههه !! هو منو العايز (العجب) مايشارك ؟؟ ومال كيف ناس (عمر بخيت) يتفسحوا لو (العجب) ما شارك؟؟ ________
ده كلو كوم وكوم تانى انه (داريو) الليله قالوا حلف يقدم هديه قيمه (لمحمد كمال) زى هديتو للعجب و(طمبل) عشان يستمر فى الجلوس على دكة البدلاء وما يوسخ (هدومو)!! قوموا بلا لمه .. من الله خلقتكم شفتو ليكم قون اسمو (حماده) ؟؟ حليل سبت ، وزغبير، وبريمه، وصفيحه ... الخ
برضـــو : يا هـــو ده الهــــلال !!!!!! كلامنا اصلا ما بقع واطه .. بعد (الخندقه) الما حصلت فى التاريخ خلال شوط المبياراة الأول، وفى زمن زى ده كانت (صفاء) محشره 3 أهداف .. حكم (الهلال) بالأبقاء على (الحمام الميت) فى كشف المريخ الى الأبد، فجاءت الهديه من (المعلم) عمر بخيت.
12-15-2007, 08:32 AM
نادر محمد الراضي
نادر محمد الراضي
تاريخ التسجيل: 02-15-2007
مجموع المشاركات: 1178
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة