|
الهلال والمريخ في لقاء رد الاعتبار وكسر العين
|
دائما ما كنا نسمع بعبارة ( الخيل الاصيلة تاتي في المنحني ) وبلغتنا الدارجة كنا نقولها ونسمعها (الحصين الاصيلة بتجي في اللفة ) وهذا هو عهد المريخ العظيم الاصيل حيث انه احترف سقاية الهلال حنضل نهاية الموسم كل عام . فاخوتنا في الزرايب المجاورة للقلعة الحمراء فرحون بهدية الزعيم لهم في المباراة السابقة والتي تنازل فيها المريخ طواعية عن النتيجة بعد ان تقدم طيلة المباراة ليثبت لهم في البداية انه هو الاصل وانه بامكانه تغير النتيجية في اي وقت وبانهم هم الاضعفون ولكن ورأفة بنادي الهلال من المشاكل التي كادت ان تطيح به اشلاء تفهم الزعيم هذا الموقف وبحكمة ودراية بالغة كان القرار ان يترك الهلال يتقدم لينال نتيجة المباراة وذلك درا لما قد يحدث لنادي الهلال لا سمح الله . ولكن كانت عين المريخ دائما علي النهايات والخواتيم واليوم يوم النهاية والخاتمة لهذه السنة التي جال فيها المريخ طولا وعرضا كعادته واثبت كما هو معلوم للجميع بانه بطل السودان الاول والاوحد وحامل كاساته وجوائزه فمثلا انظروا حتي والمريخ يحل ثانيا علي البطولة الافريقية يهدي للسودان الفضة بعكس ما كان يهدي الهلال للسودان سوى المزيد من الخيبات والمرارات والفضائح المحمولة والقارية لذا اخوتي اليوم هو يوم المريخ ليضع حدا لهذا العام ويتوج نفسه بطلا علي السودان اولا ويضع الهلال في وضعه الطبيعي والطليعي اي النادي الثاني في السودان وسيهديه اليوم باذن الله تعالي علقم الختام ليكون شعار الاهلة في هذا اليوم ( مهذب امامك يكون الجلوس )
|
|
|
|
|
|
|
|
Re: الهلال والمريخ في لقاء رد الاعتبار وكسر العين (Re: james)
|
جيمس الزمااااااااان كويس والله الحمد لله
كيفك انت ؟
Quote: مبروووك مقدما للهلال |
ومعك نقول مبروك للهلال مقدما جلوسه في مقعده اللائق به خلف زعيم الكرة السودانية ومقدما ايضا نقول لكم هاردلكم في هذه النتيجة المتوقعة باذن الله
ــــــــــــــ
| |
|
|
|
|
|
|
Re: الهلال والمريخ في لقاء رد الاعتبار وكسر العين (Re: nadus2000)
|
Quote: أساسي صاحبنا زمان كيفك وكيف البنية وأمها، تعرف انت بجنس كتابتك دي، والله أخير من ناس مزمل... |
بخير يا نادوس يا صاحبنا اسع وزمان وبكرة ان شاء الله
ياخي مزمل دا القود فازر حقنا علي قول الخواجات
مزمل كاتب مخضرم مافيهو كلام
حق لنا في المريخ ان نفخر به ونقدمه امام كتابكم (الحمام الميت)
| |
|
|
|
|
|
|
Re: الهلال والمريخ في لقاء رد الاعتبار وكسر العين (Re: اساسي)
|
أساسي .. كلامك على عيني .. وفوق راسي
؟؟؟؟؟؟؟؟؟؟ ماشي يا عم ما حاسي إنها كبيرة شوية
Quote: تنازل فيها المريخ طواعية |
؟؟؟؟
أنت يا أساسي بتككلم عن ياتو مباراة؟؟ الشفناها كلنا ولا واحدة تانيه؟؟ ... ياخي كورة كــرنقــو لو ما الشبكة كان لحدي الليلة تكون لافة فوق (ستادكم) << ما قلنا (زريبتكم)
[QUOTE]وانه بامكانه تغير النتيجة في اي وقت[/QUOTE]
طيب ياخي ما تغيرو النتيجة دي وتريحونا .. خلونا نفرح ليكم شوية ياخي
[QUOTE]ورأفة بنادي الهلال[/QUOTE] والله دي بالغت فيها عدييييل نادي الهلال لا يحتاج لرأفة من أحد .. وعراضات (الرد كاسل) تشهد على ذلك عاين صور البروفيلات دي كلها .. تلاقي عراضاتكم
[QUOTE]ليضع حدا لهذا العام[/QUOTE]
وضع الحد يعني في مشكلة .. والمشكلة دي في المريخ .. يعني ما في الهلال:no: :no: :no:
[QUOTE]الهلال في وضعه الطبيعي [U]والطليعي[/U][/QUOTE]
يعني أنت براك بتقول (الطليعي) .. عمري ما سمعت أنو (الطليعي) دي معناها الثاني :razz2: :razz2: :razz2:
وأخيرا
[QUOTE]ليكون شعار الاهلة في هذا اليوم ( مهذب امامك يكون الجلوس )[/QUOTE]
نحن دائما مهذبون .. أمام المريخ أو غيره .. احترام الخصم مبدأ ثابت في الهلال .. وفي كل مبارياته:shy: :shy: :shy:
لفة: بس يا معلم ما (تسكر) << (تقفل) الجوال زي المرة الفاتت
والله أتمنى أنكم تفوزوا .. ياخي عاوزين حاجة جديدة
| |
|
|
|
|
|
|
Re: الهلال والمريخ في لقاء رد الاعتبار وكسر العين (Re: محمد عبد الماجد الصايم)
|
أساسي أولاً تحياتي وأشواقي ثانياً تعجبني مناوشاتك ووليعك للنيران الهلالية لكن بسأل أنتو موضوع الزعامة دي أختوه بوضع اليد ولا كيف ؟ ومنو الزعمكم كان للعراقة الهلال أعرق منكم أسماً فالهلال كان موجوداً حينما كان المريخ يدعى فريق عباس وكان بالأقدمية فريق التحرير أقدم منكم لأنه كان كان موجود باسم " أستاك" قبل أن يولد المريخ وكان باللعب والكورة الهلال مصنف رقم 3 على مستوى أفريقيا أنتو جيتو الكم؟ بالله أمسكوا في حاجة تانية غير قصة الزعامة
تزويقة سياسية هي البلد ناقصة زعماء
| |
|
|
|
|
|
|
Re: الهلال والمريخ في لقاء رد الاعتبار وكسر العين (Re: اساسي)
|
Quote: أساسي أولاً تحياتي وأشواقي ثانياً تعجبني مناوشاتك ووليعك للنيران الهلالية لكن بسأل أنتو موضوع الزعامة دي أختوه بوضع اليد ولا كيف ؟ ومنو الزعمكم كان للعراقة الهلال أعرق منكم أسماً فالهلال كان موجوداً حينما كان المريخ يدعى فريق عباس وكان بالأقدمية فريق التحرير أقدم منكم لأنه كان كان موجود باسم " أستاك" قبل أن يولد المريخ وكان باللعب والكورة الهلال مصنف رقم 3 على مستوى أفريقيا أنتو جيتو الكم؟ بالله أمسكوا في حاجة تانية غير قصة الزعامة
تزويقة سياسية هي البلد ناقصة زعماء |
استاذنا عاطف عبد الله تحية واشواق اذا كان المريخ اسمه فريق عباس او خليل فالتاريخ يقول ان المريخ تكون قبل الهلال بثلاث سنوات حسوما ودي اقدمية تاريخية تؤهلنا للفصاحة عليكم وتؤهلكم للانصات فقط وليس التعقيب اما باللعب خلينا من المصنفات وغيره الكورة جوائز وكاسات وبطولات ماذا قدم الهلال للسودان سوى الخمسات والاربعات؟؟؟ نحن لا نسعي للزعامة لانها حق حصري لنا وهي تاتينا طائعة مختارة ترويقة منبرية ياخي زمان كنتم ظالمني ساي شوف اسع الكيزان الجد في المنبر منجضنكم كيف اما الترويقة السياسية فشايف اهلنا في الشيوعي ختوا الكورة واطـة وزعموا العدو
| |
|
|
|
|
|
|
Re: الهلال والمريخ في لقاء رد الاعتبار وكسر العين (Re: omar altom)
|
اساسى
طييب لو حصلت الهزيمة
نتفق ان مافيش ندية,,ولا بنرجع تانى للقديم نحن سوينا ونحن عملنا..ونحن ونحن
انا شخصيا لو المريخ اتهزم اليوم تانى ما بجادل اى مريخابى,,, حتى لو كان جمال الوالى,,وبنصحو من الان اذا بحب الكرة يمشى لاتحاد مدنى او الموردة او الاهلى فداسى ,,بكون احسن ليه من الحمام الميت دا بس ما تلعبوها فى استاد المريخ ,,لان العراضة بقت ما بتشيل مهمد والمعز ودمت على الروح الرياضية التىتدب فيك كما لمحت هلال
| |
|
|
|
|
|
|
Re: الهلال والمريخ في لقاء رد الاعتبار وكسر العين (Re: omar altom)
|
اساسي والله انا بتفائل بكتاباتك ، عليك الله امدح في مريخك قبل المباراة ، طالما نحن متأكدين بانك لن تظهر في بعد المباراة ، او تظهر علي وزن (معطونا) ، اساسي اليوم 3/صفر ، اذا ما خمسة ....
اتصل علي احد الاصدقاء وقال ان المباراة تاجلت للغد ، هل هذا صحيح ؟
| |
|
|
|
|
|
|
Re: الهلال والمريخ في لقاء رد الاعتبار وكسر العين (Re: اساسي)
|
ياتو عين وياتة إعتبار يا أساسى
والله جنس هضربتك دى بتودى التوج
وصيتى ليك بس يا ما تحضر الكورة يا ما تركز
نحن برضو بنخاف على خصمنا
لكن ما تشيل هم العلاج عندنا وكرنقو صدقنى ما حيقصر معاكم
وبعد كلامك دا كان غلبك تتضاير كلمنى بتضاير ليك انا انت انتحر عدييييييييييييييل
وموضوع الزعامة دا كيف عندكم ليه وش لسة
ياخ طول عمرنا عارفين الزعامة للأقوى تعرف ناوين نتوسط للهلال يديكم فرصة عشان ما نحرجك يا أساسى يا زعيم
مودتى
سماح
| |
|
|
|
|
|
|
Re: الهلال والمريخ في لقاء رد الاعتبار وكسر العين (Re: محمد عادل)
|
وفعلها سيد البلد وزعيم الكرة السودانية المتوج وكسر عين الاهلة واهداهم ختام الموسم الكروي السوداني طعم الحنظل ليتجرعوه وبذا يرد المريخ الدي لجمهوره وللكرة السودانية التي توجته بطلا عليها بدون منازع ومعا كلنا بصوت واحد
ســـــــــــــــيد البلألألألألألألالالالالالالالالالالالالالالالالالالالالاد سيد البلد
| |
|
|
|
|
|
|
Re: الهلال والمريخ في لقاء رد الاعتبار وكسر العين (Re: نادر الفضلى)
|
Quote: وسيهديه اليوم باذن الله تعالي علقم الختام ليكون شعار الاهلة في هذا اليوم ( مهذب امامك يكون الجلوس ) |
مبرررررررروك للمريخ مبروك أساسي و لولا سوء الطالع في المباراة الأولى لكان المريخ جمع بين الكأسين. مريخنا فوق و ليكن شعارهم (مهذب أمامك يكون الجلوس).
| |
|
|
|
|
|
|
|