|
|
|
 Re: توقعـاتكم لمباراة الهلال × المريخ (Re: إسماعيل وراق)
|
Quote: الخرطوم: (السوداني)
يؤدي فريقا الهلال والمريخ مساء اليوم بإستاديهما بأم درمان تدريبيهما الأساسيين استعدادا لمباراتهما المرتقبة يوم بعد غد الخميس بإستاد الخرطوم في نهائى كأس السودان، وسيعمل الجهازان الفنيان للفريقين بقيادة المدرب محمد عبدالله مازدا مدرب المريخ والبرازيلى هيرون ريكاردو مدرب الهلال، على رفع درجات التأهب والإعداد من خلال بروفتي اليوم الأساسيتين والوقوف على مدى جاهزية اللاعبين واستعدادهم لأداء مباراة الخميس لاختيار تشكيلتهما للمباراة.
مازدا يعمل للثأر والدفاع عن اللقب
يسعى المريخ بقيادة مدربه محمد عبدالله مازدا ونجوم الفريق للثأر من الهلال لهزيمة الفريق الأخيرة فى نهائي الممتاز 2/3 ويعمل الفريق الأحمر للدفاع عن لقبه فى البطولة، وقد حشد المدرب اوراقه الرابحة للمباراة المهمة.
ريكاردو متفائل ويسعى لحصد كل الألقاب
ابدى مدرب الهلال البرازيلى هيرون ريكاردو تفاؤله بعد التألق اللافت لنجوم الفريق فى التدريبات التحضيرية للمباراة، ويسعى البرازيلى للفوز بلقب كأس السودان لحصد كل الألقاب وتعزيز لقب الممتاز بقلب كأس السودان.
بهاء الدين يغيب عن حراسة المريخ
واصل المريخ تدريباته الجادة والمكثفة لمواجهة المهمة وسط اهتمام ادارى وجماهيرى، وأمس الأول اجرى الفريق مرانا بإستاده شارك فيه جميع اللاعبين باستثناء الحارس بهاء الدين محمد عبدالله الذى تأكد غيابه عن المشاركة فى المباراة، وأخضع الجهاز الفنى الحارس محمد كمال لتدريبات خاصة بهدف تجهيزه لمباراة القمة.
حضور جماهيرى كبير في تدريبات الهلال
حظيت تدريبات الهلال الإعدادية لمباراة القمة بمتابعة وحضور متميز من قبل القاعدة الجماهيرية للفريق، التى ظلت حريصة على متابعة تدريبات الفريق للاطمئنان على جاهزية اللاعبين لأداء المباراة المهمة. وقد تواصلت تدريبات الهلال تحت اشراف مدربه البرازيلى هيرون ريكاردو وأمس الأول تدرب الفريق بصالة عفراء للجيمانيزيوم وبإستاد الخرطوم بمشاركة جميع اللاعبين عدا معتز كبير، ويغيب عن الهلال فى مباراة القمة الحارس المعز محجوب حيث من المنتظر ان يدفع الجهاز الفنى بالحارس ابوبكر الشريف، كما يغيب ايضا عن المباراة نجم خط وسط الفريق اللاعب علاء الدين يوسف بسبب الإيقاف.
طبول وكيتا في بروفتي اليوم
اكملت روابط مشجعى الهلال والمريخ ترتيباتها للمساندة والمؤازرة فى مباراة الخميس، وقد اعدت الروابط الطبول والكيتا في بروفات تحضيرية من خلال مرانى اليوم للفريقين.
|
المصدر: صحيفة السوداني
| |
 
|
|
|
|
|
|
|
|
Re: توقعـاتكم لمباراة الهلال × المريخ (Re: alfatih)
|
Quote: المعلم ينفي الشائعات ويخاطب جماهير الهلال عبر (قوون)
• سنواجه الحظ والمريخ في قمة الخميس
كتب: ابراهيم الجيلي
اكد نجم وسط الهلال عمر بخيت في حديث خاص لـ قوون امس عقب مران فريقه لمباراة الخميس المرتقبة امام المريخ·· ان جاهزيته للمباراة من جميع النواحي البدنية منها والنفسية·
وقال: اتأهب لمباراة الخميس لانها تمثل لي شخصياً تحدياً خاصاً والعبها بدوافع كبيرة جداً·
وذكر عمر بخيت ان مباريات الهلال امام المريخ في بطولة كأس السودان يلعب فيها الحظ دوراً كبيراً ويرجح كفة المريخ وابان ان الهلال سيلعب يوم الخميس امام الحظ والمريخ معاً··
واكد معلم الهلال ان المباراة تمثل فرصة للثأر من المريخ في هذه البطولة·· وهي فرصة ايضاً للهلال ليجمع بطولتي الموسم الكروي ويحقق الثنائية خاصة ان الفريق قد قدم موسماً استثنائياً هذا العام على كافة الاصعدة·
وقال عمر ان الرغبة في الثأر تسيطر على لاعبي الهلال وتزيد من اصرارهم للفوز بكأس السودان الذي ذهب الى المريخ اكثر من مرة بالحظ·
وناشد عمر بخيت جماهير الهلال عبر (قوون) بعدم الالتفات للشائعات وتفويت الفرصة على الذين يروجون لمواضيع لا وجود لها في ارض الواقع··
وقال: نحن نعيش الآن افراح البطولات والاداء المميز·· وشخصياً لا ارغب في افسادها·· وارجو من الجماهير الا تفتح اذانها ابدا للشائعات مهما كان حجمها··
وطمأن عمر بخيت جماهير الهلال في حديثه لـ قوون ان انتصارات الهلال لن تتوقف باذن الله·
عمر بخيت وعد >قوون< باجراء حوار مطول يوضح فيه الحقائق الغائبة عن الشائعات المنتشرة في الوسط الرياضي هذه الايام حول مفاوضات المريخ
|
أيه رأيك في الخبر ده يا أسماعيل؟
| |
|
|
|
|
|
|
|
|
|
Re: توقعـاتكم لمباراة الهلال × المريخ (Re: الشيخ صاح محمد)
|
يا وراق ...
لا نحتاج لرأفتكم ...
فقط درهم حظ يا وراق .. وتبطلوا حفير الاستادات وبعد داك عينك ما تشوف إلا النور
فوزي المرضي يوم الكورة دي في ولا ماف ؟؟؟ 
وعلى كل أنصح مهاجمي المريخ بقراءة القرآن والتعوذ قبل المباراة
وأنشوف آخرتا معاكم يا وراق
الكورة بالميت 2/صفر للمريخ
| |
|
|
|
|
|
|
|
|
|
Re: توقعـاتكم لمباراة الهلال × المريخ (Re: Elhadi)
|
هاك دي من بيغادي يا وراق :
Quote: لا خوف على المريخ في مواجهة فريق الهلال يوم الخميس القادم في نهائي بطولة كأس السودان
المريخ يتفوق على الهلال بعناصره المميزة في كل خطوط اللعب
ودافعه للفوز أكبر من دافع الهلال
فقط نحتاج لدرهم حظ ليس إلا ...
ولا أخشى على المريخ في هذه المباراة إلا من فائيين :
1ـ فـــاء .. فيصل العجب
2ـ فــــاء .. فوزي المرضي
وأيضاً لا أخشى على المريخ في هذه المباراة إلا من حائيين :
1ـ حاء ... حكم المباراة
2ـ حاء ... حفارين الاستادات .. أو : حـاء .. أبــو الحــاء "أب اضنين" داك زاااااتو
الهلالاب ليه ما يسجلو (أبو الحاء) ده رسمي في كشفهم في التسجيلات الجاية دي
بدل ما يقعد يلعب ليهم بي تحت تحت كده |
| |
|
|
|
|
|
|
|
|
|
Re: توقعـاتكم لمباراة الهلال × المريخ (Re: Elhadi)
|
Quote: يا وراق ...
لا نحتاج لرأفتكم ...
فقط درهم حظ يا وراق .. وتبطلوا حفير الاستادات وبعد داك عينك ما تشوف إلا النور
فوزي المرضي يوم الكورة دي في ولا ماف ؟؟؟
وعلى كل أنصح مهاجمي المريخ بقراءة القرآن والتعوذ قبل المباراة
وأنشوف آخرتا معاكم يا وراق
الكورة بالميت 2/صفر للمريخ |
الحبيب الهادي
كيف حالك
والله أنا خايف تسفوا تراب الندم ليلة الخميس
قال الكورة بالميت 2/صفر للمريخ
يا راااااااااااجل
| |
|
|
|
|
|
|
|
|
|
Re: توقعـاتكم لمباراة الهلال × المريخ (Re: إسماعيل وراق)
|
Quote: الأخ أبو عثمان خمسة مقابل أثنين دي مش كتيرة شوية والله إلا يكون لاعبين بلي
وبعدين هل المريخ له المقدرة على فعل ذلك..
نشوف.. |
الأخ اسماعيل
تحياتي
ما نحلم ياخي 
والله كمان كانت بقت 6 عشان نرتاح منكم سنتين ثلاثة
تحياتي
| |
|
|
|
|
|
|
|
|
|
Re: توقعـاتكم لمباراة الهلال × المريخ (Re: ابو عثمان)
|
الأخ أبو عثمان
كيف حالك
يا أخي أحلموا لكن الحلم الأكبر من الواقع يصبح كابوس
Quote: والله كمان كانت بقت 6 عشان نرتاح منكم سنتين ثلاثة
|
ما فيش ليكم أي راحة والله تشتغلوا وردية للصباح
أها نشوفك بكره
وغني معاي
يا يوم بكره ما تسرع
| |
|
|
|
|
|
|
|
|
|
Re: توقعـاتكم لمباراة الهلال × المريخ (Re: خالد الجبل)
|
الأخ اسماعيل ،
تحياتي ،
أتوقعها 3/1 لصالحنا نحن الهلالاب
وخليهم المريخاب يحلموا بالخمسة
أوالستة ، كما قال أخونا أبو عثمان :
دعهم يحلمون .. هو الحلم بفلوس ؟!؟!
وزي ما بقولوا : حلم الجيعان عيش !
ولأنو هزيمتين أو(ضربتين) في الراس بتوجع ،
عليه والله أنا خايف بعد هزيمتنا المترقبة لهم
غداً الخميس .. الوالي يتركهم نهائي !!
نحن متفائلون جداً .. والنصر للموج الأزرق الهادر .
مودتي ،
( ليمو )
| |
|
|
|
|
|
|
|
|
|
Re: توقعـاتكم لمباراة الهلال × المريخ (Re: abdulhalim altilib)
|
Quote: 2/1 للمريخ
أتمناها كذلك
محتاجين نفرح ششوية |
اول مرة في حياتي اتمني ان ينهزم الهلال بعدد وافر من الاهداف:
طمبل والعجب وايداهو وعبدالحميد السعودي..وجيمي ناتالي يعني خمسة اهداف بالتمام
حتي يصبح للهلال ندا يمكن ان يعمل له حساب وحتي لا ينكشوا في ريكاردو ويعتبروا انه
هو كل الهلال...وحتي يخططوا ليصبحوا اقوياء ..
وسأتفرج علي المباراة علي هذا الامل..
| |
|
|
|
|
|
|
| |
إسماعيل وراق
امير عوض الجمري
ابو عثمان
alfatih
Elhadi
ولياب
osama idris
بدرالدين يعقوب
مجدي عبدالرحيم فضل
abuguta
حسين محي الدين
خالد الجبل
abdulhalim altilib
nazar hussien
abas
العوض المسلمي
فيس بوك
تويتر
انستقرام
يوتيوب
بنتيريست