|
الوزير ده من شدة ما هو مدعوم جعل إجازة عيد الفطر 3 أيام فقط ولا ندرى عيد الأضحى كيف يكون !!
|
بسم الله الرحمن الرحيم
قالوا : الراجل فرض على الناس عيد الفطر 3 أيام والما عجبه يهئ نفسه للصالح العام
لكن ربك الما ليه شريك ده خلى العيد اربعة أيام حيث صار العيد الجمعة والسبت
والأحد والإثنين لتتابع الناس اعمالها يوم الثلاثاء زى ما هو قال .. قادر ومريد.
قالوا : فرض ليك إجادة اللغة الإنجليزية على كل القيادين عشان ما تمرر عليهم بعض
النقاط المامفهومه فى المفاوضات فى المحافل الدولية يعنى المسألة ما تكون مبهولة ساكت كده ..
قالوا : كورس ولا فى البرتش كاونصل خلى ليك ناس دكتور .. دكنور الكثيرة دى يحكوا
رؤوسهم .. أنا أضحك إذن أنا مبسوط .. فال أيه ميرى قال .. من أخذ الأجر حاسبه ...!!
أنا من راى في الأخيرة دى عند حق لأنو مرات كتيرة الخواجات ديل فاعدين يمرروا علينا
حاجات كده نفهمها بعدين !! هلا هلا ياأبوعين حمرة ! كدة الخدمة المدينة حتكون تمام.
|
|
![Edit](https://sudaneseonline.com/db/blank.gif)
|
|
|
|
|
|
Re: الوزير ده من شدة ما هو مدعوم جعل إجازة عيد الفطر 3 أيام فقط ولا ندرى عيد الأضحى كيف يكون ! (Re: ادم الهلباوى)
|
تصدق أنا الحجاج ده مبسوط منو جنس إنبساط
ما هو ما معقول الواحد تركبوا لاندى مكندش
وبيت لقطة وشارع ظلط يمين وشمال يبرطع فيها
زى ما داير وياكل فى المشمر والمحمر الجمبرى
والاستكوزا ويلبس آخر ما انتجته لاتكشير من
نواعم القماش وأثاث من إيطاليا وفرش من تركيا
ودورات تدريبية خارجية يمين وشمال وبعد ده كلو
يجي ينوم ليك فى المكتب ؟ والناس بره قلاعية وهوى متصدع
قالوا : خلاهم ليك يحفظوا ال A B C على ظهر قلب
ديل الرجال البعجبونى أنا .. عليك أمان الله مسكهم الدرب
عديل لا بغم ولا أنا منتمي .. تقول لي قال البحر غلب العوام .
| |
![Edit](https://sudaneseonline.com/db/blank.gif)
|
|
|
|
|
|
|