بعد تحريات دقيقة ومتابعة لصيقة ثبت لدى الاجهزة الامنية
ان المدعو علاء الدين الشهير بتمبس رشاشة مندس في وسط الموردة
ورغم ان هذا العميل قد ولد ونشاء وترعرع في قلب الموردة وعلى مرمى حجر من نادي الموردة القديم وتعلم السبحة في خور ابو عنجة مش خور بكري ولعب الدافوري في ميدان الموردة وكان يجاوره في السكن لاعب المريخ الفنان كمال عبد الوهاب وجمال ابو عنجة وقطب المريخ الكبير الحاج التوم شقيق لاعب الموردة في عصرها الذهبي عمر التوم الا ان كل ذلك لم يغير في الامر شيئا لذا فقد تقرر ما يلي: 1/ تجريد تمبس من جنسية الموردة 2/ ابعاده من الحي (يعني يشوف ليه عروس من العرضة شمال او حي العرب او زريبة العيش ويرحل معاها) 3/ ينفذ هذا الامر فورا
12-03-2007, 09:54 AM
معتصم دفع الله
معتصم دفع الله
تاريخ التسجيل: 12-18-2003
مجموع المشاركات: 12684
Quote: طيب البجهجه لينا حمام الوالي دا منو .. ياخي خليهو في مكانه مره هلال ومره موردة .. والله أمس الجماعة فازوا بالبركة وركلات الجزاء القالو عليها وسيله جبانة للفوز ..
.. والله يا معتصم لقوها جنينة .. تعرف لو كان في كاوندا وبريش واحد وبريش اتنين .. والله جماعتك ديل كان يشربو لي حسع دي .. يازول انا جنسيتي زرقه لونو عديل .. والبيرق بتاعي قاعد في شارع العليا العام لكن كمان القراقير تحت المطرة خطيرين جدا
12-03-2007, 09:55 AM
ود العجمى
ود العجمى
تاريخ التسجيل: 09-21-2002
مجموع المشاركات: 1595
يا استاذ محمود .. ياخي انا عايز ادلي بتصريحات .. لكن ما ح يصدقوني .. بالذات الصهاينة المساكين ديل .. يعني كان قمت جبت تصريحات قديمة ( لما كان بجيبوني في الجرايد ) عادي جدا المقرضين والصابئين زي ناس ود العجمي .. واساسي .. وطلحة عبد الله وإلخ.. ديل ممكن يطلعوني كضاب .. وعادي جدا يقولو لي .. لا دي كبيرة جدا يا عمك .. شهودي عمر الفاروق .. وزي ما شايف عمر الفاروق زنديق كبير .. كان استعنت بيهو يا هو واطاتي صبحت .. هي كدا .. كدا ما مغطية معانا..
12-03-2007, 11:01 AM
tmbis
tmbis
تاريخ التسجيل: 10-19-2002
مجموع المشاركات: 24862
تعرف يا استاذ محمود: كان عندي ( بيرق ) من انا في الابتدائي .. معلق في راس البيت ومربوط في اريل التلفزيون .. والحركة دي في الموردة معناته إنت كافر عديل كدا اضف لذلك .. لو الموردة مغلوبة من الهلال .. وفتحت خشمك قدام ناس محددين كدا .. احتمال تبقى في عداد المفقودين .. يعني مثلا عندك عمك الجاك الماظ .. عمك المحينة .. ( تيمان ضربة ) اخوان كابتن محمد ضربة .. ونيكرومــا .. وبيتر .. يعني لو عاوز تحتفل ... احتفل في بيتكم .. لكن تطلع بره وتعمل فوضى احتمال كبير تموت .. ودا كلام حقيقي .. لانو بتغابو فيك العرفة .. انا كنت بشجع المورده في حالة واحدة .. تكون لاعبة مع المريخ .. ( يا راشة المريخ ) زي ما حصل في كاس السودان ابو تلاتة اقوان في مرمى شنان خضر .. ومن مضنها هدف محمد بابكر الشهير بي ( مغربي ) .. الجابو من نص الميدان .. ( من جمب اليافطة بتاعت طعم طفلك ).. المهم ( البيرق ) دا يوم قرب يكون السبب في كسر كراعي .. واصدرت لي الأوامر .. بي اني انزلو بعدما تدخلت جهات عليا طبعا في ناس ما بتكون عندها فكرة انو بيت اللاعب ( وليد طاشين ) كسرو اي قزاز فيهو وخلو عاليهو واطيهو .. بعد المباراة الشهيرة بين الهلال والموردة الشهيرة الانتهت على ما اعتقد اتنين .. وجاب فيها وليد هدف جميل جدا بالراس .. وقام جاري على مدرجات الهلال .. وعمل حركة بي يدو للمشجعين استفزتهم .. طبعا القراقير ما بحبو الغلب .. وبالذات من وليد طاشين لانو كان متخصص فيهم وفي نفس الوقت ود الحلة .. وفي نفس الوقت مفترض كان يلعب في الموردة .. المهم بعد نهاية الكورة .. اتحركت كل الجموع صوب بيت ناس وليد ولي حظو السئ أنو بيتهم قريب جدا لي استاد الموردة .. رجموا البيت رجم شديد جدا
12-03-2007, 11:01 AM
ismeil abbas
ismeil abbas
تاريخ التسجيل: 02-17-2007
مجموع المشاركات: 10789
Quote: أنا معارض........... وأسبابى كالتالى: ألموردة والعباسية والعرضة وأبوكدوك وأبوعنجة وألهاشماب.بانت.بالرغم من ان أستاد المريخ..أقرب لهم..لكن أغلبيتهم يشجعوا الهلال..
..
Quote: لاعبى الموردة أغلبهم بشجعوا الهلال..
انا ذاتي معارض معاك ياسمعة . خليك من لعيبة الموردة .. غايتو في الزمن داك كان معظم لعيبة الموردة هلالاب .. حتى اولاد الحلة فيهم .. لكن طبعا حالهم زي حالي .. البجي بلعب ضد الهلال .. كانو بعتبروها حرب .. يعني بي صورة اوضح المورداب كانو لما يتغلبو من الهلال تاني يوم نافي لاعب بيجي شاقي الحلة .. بعدين كان في واحد من لعيبة المريخ مشهور جدا من اولاد الحلة دا كان عديل كدا لما يكونوا لاعبين بكره ضد الهلال .. يا عمل مشكلة في المعكسر .. يا اتجرس قبال الكورة والمشكلة انو كان اساسي جدا في المنتخب ..
.. تعرف قبل الجنسية الجديدة دي .. نحن حضرنا زمن الجنسية الخضـره .. كنت لما اكون محتاج ليها .. بطويها بالقلبه .. عشان مكتوبة بالأزرق .. بعدين البيت كلو رشاشات ابتداء من الحاجة والحاج .. باستثناء واحد بس .. ودا لانو لعب في الموردة .. وكان موردابي وبشجع المريخ .. يعني بيكون لاعب بي سهمين .. لما نرش اي سهم من اسهمو ديل .. كان بخارج نفسو ويشوف ليهو مكان يبيت فيهو .. لكن لما يضربونــا .. كنت بمشي ناس عمي ابيت بي هناك تلاتة اربعة ايام كدا لحدي ما تبرد الحكاية واجي راجع عااادي جدا .. زي جماعتك الهنا ديل
12-03-2007, 11:34 AM
محمود بكر
محمود بكر
تاريخ التسجيل: 10-25-2005
مجموع المشاركات: 763
يا جماعة تمبس ده كان غاب قوسين أو أدنى من إرتداء شعار الموردة .. ولو ما هو زول فارة ووهم ودقس في الإغتراب ده كان أسة يكون واقف محل بهاء الدين ملوص والوالي بيفاوض فيه (راجعوا أحمد الريح في مواضيع التفاوض دي) .. بالمناسبة كل سكان الموردة بيحبو الموردة كحب بالفطرة ولكن ده ما بيمنع من تشجيع فريق تاني .. تمبس ده بيكون دينو وأيمانو فريق الموردة لكن كمان حب الهلال طاغي وكده .. المعلومة دي للمرة الخمسين بنقولا تمبس كان حارس مرمى من طراز رفيع بالرغم من إنو كان أقصر من (حبل الكضب) لي درجة إنو كان إسمو علاء الدين بطّة وبالرغم من كده عراضات دار الرياضة دي بيحوم فيها زي الشي الكعب والما لعب في عراضات دار الرياضة يسأل ويشوف طولا كم ياخ الميدان من هنا لحدي الواغ الواغ لا قانوني ولا يحزنون.. تمبس ضحية للكبسة وللجلكسي والبرنجلنز ولا تفصك ما حاتفك ومتأثر جداً بالدعايت لدرجة إنو بقا يشرب الديو عشان يقوّي قلبو .. والنتيجة بطنك كرّشت ودقنك حمست والله أسة لو قالوا ليهو أقيف في عراضات دافوري الخور ما أظن يقدر يقيف..
12-04-2007, 12:05 PM
Hatim Yousif
Hatim Yousif
تاريخ التسجيل: 06-17-2007
مجموع المشاركات: 697
ياجماعة صحبي تمبس دة اسهل تغيرو اسم البكان ولا تجردو من اسمها ؟ يعني كيف ؟ يعني خور ابوعنجة يغير اتجاهو ؟.. التمس اعادة النظر ولو انو الواحد نظرو ضعيف لكن اهو الباقي لينا ...؟ يعني كيف تمبس يكون ما موردابي ؟؟
12-04-2007, 09:37 AM
محمود بكر
محمود بكر
تاريخ التسجيل: 10-25-2005
مجموع المشاركات: 763
آسف للغياب لاني لا ادخل النت الا في الصباح فقط فعذرا
سارد عليكم واحد واحد
الريس ابوجهينة
صاحبك تمبس الان في حيص بيص يالعروس او الطرد من الموردة
وساطتك مقبولة اذا اختار الاولى شكرا على مرورك
حيدر الاتبرواي الاصيل عرضك مقبول وبالمرة شهر العسل في (الرست هاوس) لك ودي عبد الناصر التحية لك وتحياتك لاهل الموردة مرفوعة د. محمد حسن وينك ياجميل بعدين الحج لسه عمر سعد باين عليك رشاشة مندس اولا/ دفاعك عن تمبس باطل (وطبعا من اللة خلقنى لليوم ما شفتىالموردة غلبت الهلال) يارجل؟ في لاعب اسمه بريش سمعت بيه ولا نسيتو ياخي ناس الموردة ما بكرهو الهلال لكن فقط بحبوا الموردة مو الرائع طبعا لازم تدافع عن صاحبك وبالمناسبة كل اهل الموردة بشجعوا ابو عنجة حسين محي الدين انت عارف حي العرب ده (وجدان السودان)كل الكلام الجميل خرج منه لك وله التحية والمحبة علي محمد بشير المريخابي الاصيل يمكن لتمبس طلب اللجؤ السياسي لامبدة اصلو عملوليها تيم درجة اولى عمر الفاروق يافنان عيبك انك رشاشة اما كورة تمبس مش فكت بل طارت لكن نحن في هلاليته الما ليها رقبة دي ادم الهلباوي كدي اولا انت موردابي ام رشاشة ياحليلك الناس تفرقت من اسه لكن الحيشان الكبيرة لازالت موجودة وفيها بعض العقاب الوريف ابوبكر الراجل نحن عارفين ومتاكدين ميه الميه انو مسكون بحب الموردة (مافي واحد ينط يقول الموردة الحي ما الفريق كله واحد) عشان الحب المدفون ده قلنا يظهروا قبل مايموت كمد اخر سطر حلوة(الحب المدفون)دي للجميع تحياتي
12-04-2007, 11:40 AM
محمود بكر
محمود بكر
تاريخ التسجيل: 10-25-2005
مجموع المشاركات: 763
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة