|
|
 ساخر سبيل : إمتحان نهاية السنة
|
أمتحان آخر السنة
2007
أجب مستعيناً بالله تعالى على جميع الأسئلة التالية بوضوح تام وشفافية :
السؤال الأول : ضع الكلمة المناسبة فى المكان الخالى
1- بنبيع بترول يعنى نحنا دولة ............
(بترولية – بنزينية – بوبارية - كتامية)
2- لن يبارك الله فى كورتنا حتى يصرف عليها من قروش ...........
( حلال – بلال – زلال - ضلال )
3- سودانى الجوه ............... بريدو.
(حنانى – جيوبى – بطنى – وجدانى )
4- ذهبت مقررات الإستراتيجية الشاملة أدراج ............
( المسئولين- النباح -الرياح – المزاح)
5- أكثر قناة تلفزيونية لا يشاهدها مواطنوها هى قناة ............... الفضائية
(الفيل – الزلومة – الخرطوم – أب جاغومة)
6 – أسباب هزيمة فرقنا الكروية هى .................
(التحكيم – الملعب- الطقس- الفندق)
7- يمارس المسئول من خلال موقعه القيادى عمليات .................
(الرفع –النصب – السكون - الجر)
8- على الرغم من وجود شركات .............. فإن الأحياء تمتلئ بالنفابات .
(القيافه – النظافة – الظرافه – الخرافه)
9- الجريمة الوحيده التى يمكن أن تطلع منها ذى الشعرة من العجين هى جريمة غسيل .............
(الأموال – الإثقال – الأمصال – الحبال)
10- السلعة الضرورية التى تمت زيادتها أكثر من مرة هى ....................
(الكافيار – الكيك – البسطرمة – الرغيف)
11- كان دار أبوك خربت شيل ليك منها ......................
(عربات – أثاثات – دولارات – عمولات)
12- أذا تم حل مسألة المحالين للصالح العام أهو ده .................
(دقنى – شنبى – راسى – حاجبى)
13- أصبح ربع عدد العربات التى فى الطريق تحمل لوحات مكتوب عليها .............
(أستحمار – أستعمال – إستعمار – إستهبال)
14- نحن الدولة الوحيدة التى لا توجد بها ............. عامة .
(مواصلات – مفاصلات – مراحيض- مناضيد)
15- ............. مبسوط منى عشان انا بريد فنى .
(الحريف – النضيف – الشريف- اللطبف)
16- ............. هدية ما علاقة شخصية
(التوب – الشبشب – الشنطة- اللكزس)
17- عقوبة الإساءة إلى الدين هى السجن .................
(15 ثانية – 15 دقيقة- 15 ساعة -15 يوم)
18- أفضل الجهاد كلمة حق عند سلطان ..............
(حائر – طائر- جائر- بائر)
19- علماء السلطان دائما يفتون فى الأمور ................
(السطحية – الجوفية – الغازية – النملية)
20- المواطن محتار هل يأكل اللحم ...................
(المسلوق- المغلى- المشوى – المحمر)
السؤال الثانى :ضع علامة صح أو علامة خطأ على هذه (الدائماً) :
1- الزبون دائما على حق ( )
2- الشرطة دائما في خدمة الشعب ( )
3- الممثل لدينا دائما بيمثل ( )
4- أنتخاباتنا دائماً مزورة ( )
5- أسواقنا دائماً وسخانة ( )
6- المرحوم دائماً غلطان ( )
7- مذيعاتنا دائما جاهلات ( )
8- كورتنا دائما تعبانه ( )
9- كهربتنا دائماً قاطعه ( )
10- مسؤلينا دائما نضاف وسمان ( )
السؤال الثالث : إختار الكلمة الشاذة :
1- (نشال – حرامى – مكوجى – غسال)
2- (كبرى- صيانة – عمولة – تأخير)
3- (مسئول- عمارات- مرتب- فساد)
4- (صحافة – قيود – حرية – تعبير)
5- (مبدعين- فلس- فقر- ترطيب)
6- ( جريمة – غسيل – تنزيل- براءة)
7- (الحكومة- المعارضة – المواطن – الحكم )
8- (مسئول – عربات – سفريات – مهام)
9- (مسيرة – تصريح – سلمية – بمبان)
10-(بترول –عأئدات –ثروة – كلام )
|
|
 
|
|
|
|
|
|
|
|
Re: ساخر سبيل : إمتحان نهاية السنة (Re: الفاتح يوسف جبرا)
|
استاذنا الفاتح جبرا ..
دايما امتحاناتكم صعبة .. عشان كدا .. نحنا شهادة عربية ..
تتصور ما قدرت احل الا الاسئلة دى:
12- أذا تم حل مسألة المحالين للصالح العام أهو ده .................
(دقنى – شنبى – راسى – حاجبى)
13- أصبح ربع عدد العربات التى فى الطريق تحمل لوحات مكتوب عليها .............
(أستحمار – أستعمال – إستعمار – إستهبال)
14- نحن الدولة الوحيدة التى لا توجد بها ............. عامة .
(مواصلات – مفاصلات – مراحيض- مناضيد)
15- ............. مبسوط منى عشان انا بريد فنى .
(الحريف – النضيف – الشريف- اللطبف)
و بعدين ياخى معقول الاسئلة دى .. دى كلهاخارج المقرر..
السؤال الثالث : إختار الكلمة الشاذة :
1- (نشال – حرامى – مكوجى – غسال)
2- (كبرى- صيانة – عمولة – تأخير)
3- (مسئول- عمارات- مرتب- فساد)
4- (صحافة – قيود – حرية – تعبير)
5- (مبدعين- فلس- فقر- ترطيب)
6- ( جريمة – غسيل – تنزيل- براءة)
7- (الحكومة- المعارضة – المواطن – الحكم )
8- (مسئول – عربات – سفريات – مهام)
9- (مسيرة – تصريح – سلمية – بمبان)
10-(بترول –عأئدات –ثروة – كلام )
| |
|
|
|
|
|
|
|
|
|
Re: ساخر سبيل : إمتحان نهاية السنة (Re: الفاتح يوسف جبرا)
|
Quote: 1- بنبيع بترول يعنى نحنا دولة ............
(بترولية – بنزينية – بوبارية - كتامية) |
سيد الفاتح سلامات
مالة اسئلتك المرة دي كتر كتر وصعبة خلاص ولو في واحد قدر يحل الاسئلة دي كلها صاح يبقي الحكومة مغلوبة ستاشر صفر انا غايتو ما قدرت الا علي السوال دة لانو واضح لمن كنا بنزرع قطن بس حالتنا كانت اخير من لمن طلعنا البترول . ياربي السبب شنو.يمكن بترولنا بايت وسعرو في السوق مش ولا بد ولا يمكن الدول محاربانا وما قادرين نبيع بترولنا ولا يمكن بترولنا طعمة حلو ومسئولينا جزاهم الله خير قالوا نشربوا برانا كيتنا للمابينا ولا يمكن في سبب رابع مدسوس مننا عشان دول الاستكبار والاستعمار ما يعرفوة ولا يمكن الجماعة داسين بترولنا ومخزننة ليوم اسود من سواد الايام دي.
| |
|
|
|
|
|
|
|
|
|
Re: ساخر سبيل : إمتحان نهاية السنة (Re: الفاتح يوسف جبرا)
|
السؤال دا .. فعلا تعجيزى ..
11- كان دار أبوك خربت شيل ليك منها ......................
(عربات – أثاثات – دولارات – عمولات)
و غايتو مستحيل اجاوبه لانو خيارات الاجابة الاربعة .. ما عندنا و الحمدلله ..
مع انو ود جيرانا .. جاوب فى ثانية .. و يا كافى البلا الاربعة (لفقوا معاهو) !
لك ودى
| |
|
|
|
|
|
|
|
|
|
Re: ساخر سبيل : إمتحان نهاية السنة (Re: الفاتح يوسف جبرا)
|
Quote: لسؤال الثالث : إختار الكلمة الشاذة :
1- (نشال – حرامى – مكوجى – غسال)
|
B]يالإجابة الصحيحة يا شكرى هى إنو الكلمة الشاذة (مكوجى) عشان (الغسال -بتاع غسيل الأموال) و(النشال) و(الحرامى ) كلهم مجرمين وإلا ما كدى! Re: ساخر سبيل : إمتحان نهاية السنة (Re: الفاتح يوسف جبرا)
|
أستاذى الفاتح ،،،
معقول لسع ما سمعت بمكوجى القروش الغسلها الغسالين ...
ده حتى عندهم رابطة مكوجيى القروش المغسولة ...
و عندهم فروع فى كل من نيفاشا و أبوجا و جدة و القاهرة و الشرق وسرت
و لسع فتحوا فرع جديد لندن (بمناسبة آخر موضات القضايا الدينية) ...
شفتنى شفت و مقددها كيف ...
(و الله يكضب الشينة) زى ما قالوااا
ش
| |
|
|
|
|
|
|
|
|
|
Re: ساخر سبيل : إمتحان نهاية السنة (Re: الفاتح يوسف جبرا)
|
غايتو الواحد اتنجض بالامتحان كده ..
اضطريت اتصل بالسودان .. و بواحد زميلنا كان صيدلى و هسع.. شغال فى اسبيرات الاتوس ..
قولت ليهو السؤال
الجريمة الوحيده التى يمكن أن تطلع منها ذى الشعرة من العجين هى جريمة غسيل .............
(الأموال – الإثقال – الأمصال – الحبال)
رد على رد ما فهمتو ..
ما عارف شنو كده اسأل ناس الشنو كده و ما قريت الجرايد و كلام غايتو الفهمتو منو انو السؤال ده خاتف جوابين
اموال تجى
و امصال تجى
لانو الامصال لمن تغسلها بتبقا محاليل وريدية !! و الله اعلم
مش
| |
|
|
|
|
|
|
|
|
|
Re: ساخر سبيل : إمتحان نهاية السنة (Re: اسعد الريفى)
|
بسم الله الرحمن الرحيم
الستاذ / الفاتح .. مع فائق الاحترام
مادة ( التربية الوطنية ) دى ما من ضمن مواد ( البوكسنج )
ولا بتاهل لدخول الجامعات ال ( 26 ) هى فقط متطلبات ( أزمة)
يا اخى شوف لينا أسئلة فى مادة تؤهل الناس لدخول الكليات العلمية !!
| |
|
|
|
|
|
|
| |
الفاتح يوسف جبرا
اسعد الريفى
شكرى سليمان ماطوس
الزبير صالح الزبير
ادم الهلباوى
فيس بوك
تويتر
انستقرام
يوتيوب
بنتيريست