|
|
 بوردابيات و بورداب الرياض ...
|
التحية لكن/لكم جميعا
إستناداً إلى المادة 1/أ من دستور تجمع بوردابيات و بورداب الرياض و التي تُقْرأ كالآتي :
نحن نفر تجمعنا تحت سقف هذا البيت السوداني الكبير و إتفقنا على التواصل و التوادد عبر اللقاءات و عبر الهواتف .. و عبر هذا البورد الوطن و إثرائه
عليه :
فقد لاحظنا أن هناك نفر مقدر قد قام بخرق مادة من الدستور و هي عدم التواجد في هذا المنبر مع علمنا بأن الغائبين هم شعلة من نشاط و شحنة من أدب و فن
لذا فإنني أتوجه لهم بالنداء للرد هنا بأنهم لا زالوا موصولون بحبل المنبر ( السري ) و أن مشيمة كتابتهم لا زالت تتبادل غذاء الكلمة و الحرف مع شرايين المنبر
لا نريد أن نذكر أسماء فقد تسقط بعض الأسماء سهوا ...
و لكن كل من يقرأ هذا النداء سيعرف هؤلاء العزيزات و الأعزاء الذين نقصدهم
|
|
 
|
|
|
|
|
|
|
|
Re: بوردابيات و بورداب الرياض ... (Re: ابو جهينة)
|
يعزى اختفاء الاتية تسماءهم للاسباب المذكورة :
1-حليمة عبدالرحمن : مزنوقو زنقو جريو في سلخانة ، الراجل مسافر
وشغالة مرة وراجل في البيت
ومدير واستاف كامل في المكتب
2-الشاب الوجيه مصدق : كان في اليمن يخزن قات وقد عاد بالسلامة يعامي تمزقا في الخد الايمن
3- احمد حنين : منذ حفلة كلاسيك وراجل المرة حلو حلاة فقد حظرت زوجته تواجده في اي تجمع ممكن يجيب الهبوب
4- عائلة ابو حريرة ( خالد المحرب وحرمه) حايمين بالاسواق بفتشوا في التمر السمح لزوم الشربوت ( الزين)
5_ حميدة ( سمعت والا جابوا ليك)
6- الهلباوي حضر من السودان كاسر ركبة
7- علاء حيمورة ، طارق نقد ن مصطفي ، في معسكر مقفول استعدادا لدورة عيد الاضحي
كل من لم يجد اسمه في القائمة اعلاه بنعتبره مشى الحج
قصرت معاك يا ريس؟
| |
|
|
|
|
|
|
|
|
|
Re: بوردابيات و بورداب الرياض ... (Re: د.محمد حسن)
|
د. محمد أبو التومات
Quote: يعزى اختفاء الاتية تسماءهم للاسباب المذكورة :
1-حليمة عبدالرحمن : مزنوقو زنقو جريو في سلخانة ، الراجل مسافر
وشغالة مرة وراجل في البيت
ومدير واستاف كامل في المكتب |
و الله فعلا مزنوقة .. آخر مرة كلمتها كانت مشغولة شديد .. بس دة ما يمنع الطلة.
| Quote: 2-الشاب الوجيه مصدق : كان في اليمن يخزن قات وقد عاد بالسلامة يعامي تمزقا في الخد الايمن |
3-
و أنا أقول ليه إبتسامتو بقت نص كم ؟
| Quote: احمد حنين : منذ حفلة كلاسيك وراجل المرة حلو حلاة فقد حظرت زوجته تواجده في اي تجمع ممكن يجيب الهبوب |
4-
تاني تجي ؟ ما قلت جعلي ؟
| Quote: عائلة ابو حريرة ( خالد المحرب وحرمه) حايمين بالاسواق بفتشوا في التمر السمح لزوم الشربوت ( الزين) |
بدل ما يتعبوا كدة كان يمشوا لود الباوقة ... عندو جميع الأصناف ...
| Quote: 5_ حميدة ( سمعت والا جابوا ليك) |
هو حميدة بيديك فرصة عشان يسمع ؟ ممكن يجيبوهو ليهو .. لكن يسمع ؟ في مصريين عاملين ليهو خلل في الأذن الوسطى.
| Quote: 6- الهلباوي حضر من السودان كاسر ركبة |
يمين ولا شمال ؟
Quote: 7- علاء حيمورة ، طارق نقد ن مصطفي ، في معسكر مقفول استعدادا لدورة عيد الاضحي
كل من لم يجد اسمه في القائمة اعلاه بنعتبره مشى الحج |
المعسكر وين ؟
أيوة.
وين إدريس ود الناظر ؟
| |
|
|
|
|
|
|
|
|
|
Re: بوردابيات و بورداب الرياض ... (Re: ابو جهينة)
|
| Quote: بدل ما يتعبوا كدة كان يمشوا لود الباوقة ... عندو جميع الأصناف ... |
الريس ابو جهينة ..
المستودع مليان تمور بس هناك شروط وهي
ان يكون استخدام التمر في الشربوت فقط
عدم اضافة اي خميرة او شيء اخر من شانه ان يحول المنتج من شربوت خفيف الى قامزوت تقيل ..
لا يسلم التمر الا بعد كتابة تعهد بالموافقة على الشروط اعلاه مع احضار شاهدين للبوردابي وثلاثة للبوردابية ..
عيدا سعيدا وشربوتا مريئا ..
هناك بعض المحظورين لا يتم النظر في طلباتهم ( يعني اصحاب سوابق وكدا )
ود الباوقة
| |
|
|
|
|
|
|
|
|
|
Re: بوردابيات و بورداب الرياض ... (Re: ود الباوقة)
|
أبو النسب ود الباوقة
طلتك بنكهة البركاوي
Quote: المستودع مليان تمور بس هناك شروط وهي
ان يكون استخدام التمر في الشربوت فقط |
و كيف حتتأكد من إنو المستلم ما حيستعملو إلا في الشربوووووت؟
إلا تمر عليهو كل يوم و تاخد ليك شفطة شفطتين .. و لغاية ما تلف على الجماعة ديل كلهم تكون رقدت و إتكومت في إشارة الملز ولا أم الحمام
| Quote: عدم اضافة اي خميرة او شيء اخر من شانه ان يحول المنتج من شربوت خفيف الى قامزوت تقيل .. |
إلا تعمل Link أو Shared Files لكل الجرادل و العبابير عشان تقدر تعرف أحوال الشربوت عند البورداب المشتتين في أرجاء الرياض.
| Quote: لا يسلم التمر الا بعد كتابة تعهد بالموافقة على الشروط اعلاه مع احضار شاهدين للبوردابي وثلاثة للبوردابية .. |
قالوا لشارب الشربوت أحلف .. قال جالك البلح ..
| Quote: عيدا سعيدا وشربوتا مريئا .. |
الشربوت بيمر بكل أنحاء الجسم .. ما عدا المريء
بيعدي من جنبو و كأنو ما شايفو
| Quote: هناك بعض المحظورين لا يتم النظر في طلباتهم ( يعني اصحاب سوابق وكدا ) |
أها ديل بالذات هم ال حيدخلوا التمر في السوق الأسود ..
يشتروا منك ناس مضمونين و يبيعوهو ليهم بأسعار عالية ..
غايتو أحجز لي ملوتين.
| |
|
|
|
|
|
|
|
|
|
Re: بوردابيات و بورداب الرياض ... (Re: ادريس خليفة علم الهدي)
|
بسم الله الرحمن الرحيم
الراعى واعى ...
كلكم راعى وكلكم مسئول عن رعيته ..
بيقولوا الريس دائما الناس بتمسح فى طرفه .
اقتراح للم الشمل :
بمناسبة اليوم العالمى لمرض ( الأيدز) خاصة وتلك
الأرقام التى سمعناها عن مرضى الأيدز فى السودان
لا بد من قيام ندوة بإستراحة كلاسيك ... رأيكم شنو ياريس ؟؟
| |
|
|
|
|
|
|
|
|
|
Re: بوردابيات و بورداب الرياض ... (Re: ادم الهلباوى)
|
الأخ العزيز آدم
تحياتي و عودا حميدا
و متابعك متابعة لصيقة يا الحبيب
Quote: اقتراح للم الشمل :
بمناسبة اليوم العالمى لمرض ( الأيدز) خاصة وتلك
الأرقام التى سمعناها عن مرضى الأيدز فى السودان
لا بد من قيام ندوة بإستراحة كلاسيك ... رأيكم شنو ياريس ؟؟ |
أوافق ..
هل من مثني؟
| |
|
|
|
|
|
|
|
|
|
Re: بوردابيات و بورداب الرياض ... (Re: Mahmed Madni)
|
*
*
الريس أبو جهينة لك خالص التحايا وأنت تنادى
أهل الرياض بإثراء منبر كل السودانيين بأفكارهم
وآراءهم النيرة ،،،،،،،
Quote: اقتراح للم الشمل :
بمناسبة اليوم العالمى لمرض ( الأيدز) خاصة وتلك
الأرقام التى سمعناها عن مرضى الأيدز فى السودان
لا بد من قيام ندوة بإستراحة كلاسيك ... رأيكم شنو ياريس ؟؟ |
الحبيب آدم مشتاقين للقياكم ......
ألا تتفق معى و قبل القيام بعمل تلك الندوة المهمة عن مرض نقص
المناعة المكتسبة (AIDS ) علينا معالجة الحمى الخفيفة والصداع
و الفتور الذى لازم جسم بورداب الرياض فى الفترة السابقة ؟؟ حتى
يعود كما كان ؟ .
ولكم ودى ،،،،،،،،
| |
|
|
|
|
|
|
|
|
|
Re: بوردابيات و بورداب الرياض ... (Re: عبد المنعم عمر عثمان)
|
عزيزي عبد المنعم
سلام كبير جدا
Quote: ألا تتفق معى و قبل القيام بعمل تلك الندوة المهمة عن مرض نقص
المناعة المكتسبة (AIDS ) علينا معالجة الحمى الخفيفة والصداع
و الفتور الذى لازم جسم بورداب الرياض فى الفترة السابقة ؟؟ حتى
يعود كما كان ؟ . |
تمام جدا.
لنا لقاء قريب بحول الله
| |
|
|
|
|
|
|
|
|
|
Re: بوردابيات و بورداب الرياض ... (Re: امجد محمد الأمين)
|
| Quote: في مصريين عاملين ليهو خلل في الأذن الوسطى |
يا ريس .. والله الظاهر اخيرا الواحد حيقول ( الروب ) ..
اولاد ( بمبة ) ديل يا دوب الواحد اقتنع بنوا الهرم كيف ..
بيكونوا ( دقوا ليهو جرس ) .. الحجارة دي نططت براها واترصت ..
ياخي والله بذكروني ( جرس الحديد ) بتاع الطابور .. ويجيبوا الخرطوش ويرشوك بموية ويدقوك ويقولوا ليك جيب ولي أمرك ..
..
..
نحن ( النيل ) دا غير ( الفيضان ) ما شفنا منه حاجة .. شايفني زارع لي ( قمح ) ..!
| |
|
|
|
|
|
|
|
|
|
Re: بوردابيات و بورداب الرياض ... (Re: humida)
|
| Quote: نحن ( النيل ) دا غير ( الفيضان ) ما شفنا منه حاجة .. شايفني زارع لي ( قمح ) ..! |
حميدة
إنت قايل المصريين بيقولوا ليك ( يا إبن النيل ) ليه ؟
عشان حتجيهم أم الدنيا مطفح
| |
|
|
|
|
|
|
|
|
|
موضوع الرسالة (Re: ابو جهينة)
|
الريس / ابو جهينه
سلام
طالما فيها بلح من الباوقه
أو يعني
من نخيل الباوقه طرحه
فهذا حضور حتى لا يضيع نصيبنا
| |
|
|
|
|
|
|
|
|
|
Re: موضوع الرسالة (Re: علي الكرار هاشم)
|
عزيزي علي الكرار
سلام و تحية
Quote: طالما فيها بلح من الباوقه
أو يعني
من نخيل الباوقه طرحه
فهذا حضور حتى لا يضيع نصيبنا |
بس أسرع شوية .. الزباين كتار
حبابك
| |
|
|
|
|
|
|
|
|
|
Re: بوردابيات و بورداب الرياض ... (Re: ابو جهينة)
|
الريس ابوجهينة
سلام
اول حاجة داير اسأل الناس بقو عزاز عشان يعرفوا معزتهم لكن عزاز شامي سافرت امريكا ولاعرست . والكاردينال مما دخل القفص لم يضوق طعم الحرية اظنة العسل ماانتهي .
الشئ التاني ودالباوقة بجهز في التمور للشربوت من رمضان واسع بجهز في القدور عشان التهليل يكون مظبوط .
الريسين ابوجهبنة وودالباوقة بقفيتوا تحاكو صلاح غريبة حضور انشاء الله ولم .....
الحبيب محمد مدني
عصافيرالعشق تداعب غصون الوجد فترسل الحان الشوق .
مشتاقين وفقدناك ونصار الحاج اختفي معاك .
| |
|
|
|
|
|
|
|
|
|
Re: بوردابيات و بورداب الرياض ... (Re: يوسف السماني يوسف)
|
الريس أبو جهينة
تحياتي واشتياقاتي لك ولهم،
علا والله جابتني بس صيحة (مو) وتأوهاته:
Quote: سلام يا ريس ..
غايتو نحن لينا الله وعيشة العزابة ..
لا لامين في موية إدريس ولا تمر ودالباوقة |
يا أبو الشباب :
قبيل شن قلنا يا معتصم .. إنت وصاحبك تمبس
تلحلحوا وتأهلوا عشان تحصلوا تشربوا شوربوت
ود الباوقة وانتو داخل قفص (التمر) الذهبي .
مودتي ،
( ليمو )
| |
|
|
|
|
|
|
|
|
|
Re: بوردابيات و بورداب الرياض ... (Re: يوسف السماني يوسف)
|
صديقي يوسف السماني
سلام
| Quote: اول حاجة داير اسأل الناس بقو عزاز عشان يعرفوا معزتهم لكن عزاز شامي سافرت امريكا ولاعرست . والكاردينال مما دخل القفص لم يضوق طعم الحرية اظنة العسل ماانتهي . |
عزاز شامي مشغولة كان الله في عونها ... غيابها برضو له عذر.
| Quote: الشئ التاني ودالباوقة بجهز في التمور للشربوت من رمضان واسع بجهز في القدور عشان التهليل يكون مظبوط . |
شربوت من رمضان ؟ دة بقى كاتول عديل.
| Quote: الريسين ابوجهبنة وودالباوقة بقفيتوا تحاكو صلاح غريبة حضور انشاء الله ولم ..... |
من قرأ لصلاح غريبة أربعين بوستاً .. صار مثله
تعرف يا يوسف :
1. بفتش في شقتين .. واحدة لي وواحدة لبنتي التي سوف تحضر قبل العيد
2. بديت مذاكرة لرسالة الماجستير ( إدارة أعمال )
3. السيارة مع دخول فصل الشتاء قالت : حردانة يا زول
4. نسيبي معي هذه الأيام لإجراءات كثيرة قبل سفره لأمريكا.
و دايما حضور بقلوبنا و وجداننا
| |
|
|
|
|
|
|
|
|
|
Re: بوردابيات و بورداب الرياض ... (Re: ابو جهينة)
|
بعد إذنك يا ريِّس
معتصم
تعرف أنا بقيت زي أول الفصل يوم النتايج
طوالي مضيع حق فطوري وموبايلي وحاجات تانية حامياني
وصدقني انت وتمبس غلبت معاكم حيلة
لكن كدي النحاول بي هني
0542335039
أكان ما اتصلتا بس رسل رسالة بي رقمك
يوسف
صدقني لن أتوانى في العودة إلى الرياض
بس انتو أمِّنوا الوظيفة
الرقم أعلاه
مدني
| |
|
|
|
|
|
|
|
|
|
Re: بوردابيات و بورداب الرياض ... (Re: ود الباوقة)
|
أبو النسب
| Quote: وفي رواية اخرى من صحبه الى خميس مشيط فكانما دخل معه السفارة وخرج سبعين مـــــرة . وفي رواية ربما دخل وتوظف فيها .. |
الله يجازي محنك يا ود الباوقة ...
الرواية التانية دي صحيحة ولا ضعيفة ؟
| |
|
|
|
|
|
|
|
|
|
Re: بوردابيات و بورداب الرياض ... (Re: ابو جهينة)
|
يا ريس صديقي عادل جبارة عندهم حالة رحول من مبني الشركة القديمة إلي الجديدة
والرئيس احمد عوض عجوز ضيع الباسوورد بتاعو وامبارح كان معاي في البيت ورسلنا لبكري
عشان يرسل ليهو الباسوورد بتاعوا
عماد محمود مريض كما تعلمون نسأل الله له السلامة .
| |
|
|
|
|
|
|
|
|
|
Re: بوردابيات و بورداب الرياض ... (Re: ابو جهينة)
|
تحياتنا يا ريس
حقيت الاسم ياريس
بتفقدك لاخبار الاخوه الغياب
اصدق الدعاء للاخ عماد بعاجل الشفاء
نتمنى ان يكون فى العيد يوم معايدة للبورداب
نقطة اخيرة : اها الحصل شنو فى موضوع الشحن ؟؟؟؟؟؟
أحمد العمار
| |
|
|
|
|
|
|
|
|
|
Re: بوردابيات و بورداب الرياض ... (Re: احمد العمار)
|
Quote: عدم اضافة اي خميرة او شيء اخر من شانه ان يحول المنتج من شربوت خفيف الى قامزوت تقيل ..
|
انا غايتو ضارب خرفان السودان اب حمة قلاعية
وضارب شربوت السودان اب خميرة برة
انشاء الله يحظروا عليكم الخرفان
ويجيكم برد مايخلي الشربوت يخمر
| |
|
|
|
|
|
|
|
|
|
Re: بوردابيات و بورداب الرياض ... (Re: وليد شريف)
|
وليد شريف
سلام و شوق
| Quote: انشاء الله يحظروا عليكم الخرفان |
غايتو أكلنا هنا مع البدو ( الضب ) .. فلو حظروا الخرفان سنأكل الضبان*
* الضبان جمع ضب عند أهل نجد
| Quote: ويجيكم برد مايخلي الشربوت يخمر |
صديقي الدنقلاوي سليم .. لكي يتجاوز البرد فإنه يلف برميل الشربوت ببطانية قديمة كانت تستعمل كـ ( شملة دخان ) .. ثم يضع البرميل في المطبخ خلف التلاجة حتى تصيبه حرارة ماكينة التلاجة ..
أها شن قولك ؟
الحاجة أم ( الشربوت )
| |
|
|
|
|
|
|
|
|
|
Re: بوردابيات و بورداب الرياض ... (Re: احمد العمار)
|
عزيزي أحمد العمار
شيال التقيلة و أخو الأخوان
سلام كبير
| Quote: اصدق الدعاء للاخ عماد بعاجل الشفاء |
اللهم أشفه شفاءا لا يغادر سقما
| Quote: نتمنى ان يكون فى العيد يوم معايدة للبورداب |
أؤيد بشدة و أثني
| Quote: نقطة اخيرة : اها الحصل شنو فى موضوع الشحن ؟؟؟؟؟؟ |
ستسمع أخبارا مفرحة في غضون أيام قليلة ..
تابع مع الأخ هارون أسرم
دمت
| |
|
|
|
|
|
|
|
|
|
Re: بوردابيات و بورداب الرياض ... (Re: ابو جهينة)
|
لله درّك يا أبا جهينة .. وأنت تتفقد البعيد وتحتفي بالقريب ..
ولك كل الحق .. فنحن في هذا الجفاء ملامون ..
فقط عزاؤنا إننا نغيب .. ولكننا بكم حاضرون ..
التحية لك يا ريس .. فليس هناك أجمل من أن تجد من يقول لك :
ونلتقي
صلاح / شتات
| |
|
|
|
|
|
|
|
|
|
Re: بوردابيات و بورداب الرياض ... (Re: شتات)
|
صلاح شتات
سلام
و بركة ال جيت طيب
وين يا زول ( أقصد مساهماتك هنا )
| Quote: فقط عزاؤنا إننا نغيب .. ولكننا بكم حاضرون .. |
كلامك المدوزن دة هو ال بخلينا ما بنعرف نزعل منك
دمتم
| |
|
|
|
|
|
|
|
|
 Re: بوردابيات و بورداب الرياض ... (Re: عمر الفاروق)
|
Quote: صديقي الدنقلاوي سليم .. لكي يتجاوز البرد فإنه يلف برميل الشربوت ببطانية قديمة كانت تستعمل كـ ( شملة دخان ) .. ثم يضع البرميل في المطبخ خلف التلاجة حتى تصيبه حرارة ماكينة التلاجة ..
أها شن قولك ؟ |
ياريس دا شربووت واللا مــلاريا اصلو ..
نادو لينا واحد من ( الكيمائيين ) ديل يورينا الحاصل شنـو ..؟ ..
قبل كدا ياريس عندي صاحبي جا عيد معاي كنت ساكن براي والوكت داك .. يوم الوقفه جبنا التمر .. الساعة عشرة الصباح .. الساعة عشرة ونص كباهو في باقة موية ابو خمسة ريال .. آخر عهدي بي الباقه انو قفله ورفعه في راس الغرفة .. والدنيا كانت حر ..
لما جيت راجع الساعة اتنين ونص .. وانا داخل على البيت اسمع ليك .. اسسس سسس سسس  قلت البيت دا ( مقدود واللا شنــو؟؟ ) .. دخلت الغرفة لقيت جك فيهو باقي من المعروضات .. ولقيت صاحبي نايم على الأرض .. السرير ما قدر يطلع ليهو .. طلعت تابعت خط سير صوت الـ اسسس سسس سسس .. لقيت الباقه استحولت .. ختيت يدي عشان افتحه اللحظة ديك الغطاية طارت .. حتين الباقه ارتاحت بعدما فارت الفورة الالف البقولو عليها ..
صاحبي دا قاعد .. ممكن اتعاقد ليكم معاهو ..
بس اكتبو لينا اقراراتكم من بدري
لانو ( البيطير ) فيكم ما علي ..
| |
|
|
|
|
|
|
|
|
|
Re: بوردابيات و بورداب الرياض ... (Re: tmbis)
|
أبو منصور علاء
سلام
| Quote: ياريس دا شربووت واللا مــلاريا اصلو .. |
| Quote: نادو لينا واحد من ( الكيمائيين ) ديل يورينا الحاصل شنـو ..؟ .. |
د. محمد حسن ... هل تسمعني ؟
| Quote: لما جيت راجع الساعة اتنين ونص .. وانا داخل على البيت اسمع ليك .. اسسس سسس سسس قلت البيت دا ( مقدود واللا شنــو؟؟ ) .. |
يعني رغم قصر المدة سمعت هسسسسسسسسسسس .. لو المدة طالت شوية كنت حتسمع موسيقى الوازا عديييل.
| Quote: دخلت الغرفة لقيت جك فيهو باقي من المعروضات .. ولقيت صاحبي نايم على الأرض .. السرير ما قدر يطلع ليهو .. طلعت تابعت خط سير صوت الـ اسسس سسس سسس .. لقيت الباقه استحولت .. |
تعرف سعر الباغات اليومين ديل إرتفع إرتفاع زي إرتفاع برميل البترول ..
ياربي السبب شنو ؟؟؟
Quote: صاحبي دا قاعد .. ممكن اتعاقد ليكم معاهو ..
بس اكتبو لينا اقراراتكم من بدري
لانو ( البيطير ) فيكم ما علي .. |
تعرف يا تمبس .. ناسنا في الشمالية .. بيقعدوا جنب زير الدكاي من الصباح لغاية المسا .. و بعد يخلص السائل الغتيت .. بيمْصروا التمر .. لامن تحن على المشق .. بالله النوى يتطاير من بين إيدين الترابلة في كل الإتجاهات زي المظاهرة الفرتقوها العساكر .. و في الأخير المشق وكت يجدعوه يقع ناشف زي ال ما كان راقد جوة موية شهر كامل .. عدمان القطرة .. و زي ال ما كان قبال ساعات بيقول إسسسسسسسسسسس
جوال صاحبك يا تامبا .... خالد سعيد قال مغرود فيهو ..
| |
|
|
|
|
|
|
|
|
 Re: بوردابيات و بورداب الرياض ... (Re: ابو جهينة)
|
ياريس سلامات ..
وتحياتي لجميع الشباب والأخوان ...
شايف بوستيكم دا .. زي بيت العزابة ..
حلله قايمة وشربوته مولع .. ومافيهو جنس لطيف ..
ويا د محمد حسن .. افو كمان نحن بنخاف .. وعلي الطلاق المرة التانية جاية في السكة
بس اخنقو الصبر ... وعشان اوريك .. نحن لسع فينا نفس .. وعضلات تبش وكمان بنحلق صلعة . ونشقها
اهيدك هذة الصور ..
وكمان معاها دي
| |
|
|
|
|
|
|
|
|
|
Re: بوردابيات و بورداب الرياض ... (Re: ود الباوقة)
|
الريس ابو جهينة..
لفت انتباهي الاخ د. محمد حسن، لهذا البوست وجيت داخلة عشان ادلي بدلوي لقيت الجماعة خلاص..
ام فِتْفِت حشوها حش
والبصل فِقَشْ فقش
والرايات تهبهب هبطرش..
وكل واحد رقد شبعان وانبرش
وصقع الجرة وما طرش..
يا ناس انا ضبهت وجيت داشة دش
ولا الشغلانة عشش في عشش..
عذراَ لاخوانا العشاشة.. انتم اعزاء على الخاطر..
الله يقطع القافية، التي استلزمتها اللحظة والمقاطع الحلمنتيشية..
هانذا اسرق هنيهة واقول لكم ليكم وحشة يا ايها البورداب.. بس خلوا فرقوا معاكم للباقين بين قوسين.. البيت كلو يا كافي البلاء عزابة xعزابة
| |
|
|
|
|
|
|
|
|
|
Re: بوردابيات و بورداب الرياض ... (Re: حاتم تاج السر المبارك)
|
عزيزي حاتم
عيدك مبارك
| Quote: سلامى يارئيس بما اننى ودعت حياة العزوبية و احذر من اختفاء تمبس بانه سوف يلحق بنا فى الحياة الزو...... |
و الله تمبس إلا نوسط ليهو البنية ال خاتيها أحمد حنين دي ..
و يمكن .. يمكن يوافق
| Quote: القول للعزابة اياكم و الاكثار من اللحوم و تبعاته و البورد انقلب الى عيد اضحى و شطوط سلامى |
بروفة يا حاتم
| |
|
|
|
|
|
|
|
|
|
Re: بوردابيات و بورداب الرياض ... (Re: حليمة محمد عبد الرحمن)
|
حليمة
كيفنك يا عزابية
| Quote: لفت انتباهي الاخ د. محمد حسن، لهذا البوست وجيت داخلة عشان ادلي بدلوي لقيت الجماعة خلاص.. |
أولا بالتبادي البوست دة بيكبوا فيهو بالباغات .. الدلو ما بينفع .. غايتو عشان مصدق مافي بنسمح ليك تدلي بدلوك
Quote: ام فِتْفِت حشوها حش
والبصل فِقَشْ فقش
والرايات تهبهب هبطرش..
وكل واحد رقد شبعان وانبرش
وصقع الجرة وما طرش..
يا ناس انا ضبهت وجيت داشة دش
ولا الشغلانة عشش في عشش.. |
حلوة صقع الجرة و ما طرش ..
هو ال بيكتحوهو هنا تاني بيطرشوهو ؟
Quote: عذراَ لاخوانا العشاشة.. انتم اعزاء على الخاطر..
الله يقطع القافية، التي استلزمتها اللحظة والمقاطع الحلمنتيشية.. |
لا و الله .. قافية زي العسلية ..
عفوا .. زي العسل ..
| Quote: هانذا اسرق هنيهة واقول لكم ليكم وحشة يا ايها البورداب.. بس خلوا فرقوا معاكم للباقين بين قوسين.. البيت كلو يا كافي البلاء عزابة xعزابة |
تمبس
شتات
معتصم
سامعين؟
| |
|
|
|
|
|
|
|
|
|
Re: بوردابيات و بورداب الرياض ... (Re: ود الباوقة)
|
أبو النسب عمر
| Quote: عليه نرجو عــــدم التلاعب في تركيز الشربوت مهما كانت الدوافع والمبررات .. |
منو ال بيتلاعب بالتاني ؟
نحن بنكب موية مع التمر و كلنا حسن نية ...
هو برااااااااااااااهو بيقول إسسسسسسسسسسسسسس في همس كهمس الدبيب أبو دفان ..
ما عارفين دوافعو و مبرراتو شنو ؟
غايتو نحن مبرراتنا أم فت فت ...
***
يخْوانا البوست دة بيترتح ليهو زول
| |
|
|
|
|
|
|
|
|
|
Re: بوردابيات و بورداب الرياض ... (Re: ahmed haneen)
|
أحمد حنين
البوست كان ماشي و بيقول إسسسسسسسسسس
فجأة لقيناهو بيقول : أخاصمك لا ...
ليه كدة يا مكاتل ؟
و بعدين أول مرة أشوف إستعمالات أخرى للإيشارب حق الراس
في ذمتك يا مكاتل .. شنو وجه الشبه بين المتعجرمة و بين أبو شلاليف ال في قزازة إدريس دي ؟
تخريمة :
صاحبي الشايقي قال لأبوه المدمن على بيرة أم جمل : يا أبوي مش أحسن تتوب و تمشي الحج ؟
فقال الأب و هو يتدشا : ما بتوب علا الجمل دة يبْرُك
| |
|
|
|
|
|
|
|
|
|
Re: بوردابيات و بورداب الرياض ... (Re: ابو جهينة)
|
Quote: بعدين أول مرة أشوف إستعمالات أخرى للإيشارب حق الراس
|
سلامة النظر يا ريس
في ناس راسهم فوق زي تمبس
وفي ناس راسهم تحت زي نانسي
عشان كدة الايشارب في المكان السليم
| Quote: ما بتوب علا الجمل دة يبْرُك |
وضحك محمد حسن حتى تفنقل
تخريمة
والله يا احمد حنين مش لو نزلت نانسي عجرم بالايشارب
لو نزلتها لابسة ولا اي حاجة
حكومتك جهجهتك
| |
|
|
|
|
|
|
|
|
|
Re: بوردابيات و بورداب الرياض ... (Re: ابو جهينة)
|
حـردان روحـــى للشــربوت
والشــــر بعيد منو...
أبوجهــينه العزيز...
قلت لى دا الوحيد الما سألو عن حــرمتو ...
الدكاى أجمل وأروه يا أبوجهينه
وعلى ذمة الرواى يقال أن ( شفطتين منو )
تعادل قزازه من أم جمل الفوق دى ...
فى تقاضى حــرمة المذكور بالجمال أعلاه ..
لك العافيه
| |
|
|
|
|
|
|
|
|
|
Re: بوردابيات و بورداب الرياض ... (Re: ابو جهينة)
|
ريس التحايا انضرها
طالما أنت في نحن في
فيك الخير على تفقدنا
وعشان تأآآآآآآآآآآمن
نزلت بوست حتى جيت بي جاي
عندي سؤال اليومين ديل الحاصل شنو ؟؟
في فـورة عذابة و نكهات مشروبات في
الوسط البوردابي بالرياض ؟؟؟
ما تقنعوني لزوم العيد !!!!
دمت يا ريس ودام البورداب بروحهم الجميلة
وترابطهم الرائع ،،
محبتي الكبيرة لكم
| |
|
|
|
|
|
|
|
|
|
Re: بوردابيات و بورداب الرياض ... (Re: الصادق خليفة)
|
الحبيب الصادق خليفة
سلام مربع
| Quote: بحبكم و الله يا بورداب لكن ما بتسألوا منا (هو عتب اخ لاخوانه ) |
و الله يا الصادق .. في الغربة دي الناس جارية جري الوحوش ...
تلقى الواحد يتذكر يتصل بفلان عشان يطمن عليهو .. فجأة تشغلو حاجة ولا مشكلة ..
لكن و الله العضوية كلها في البال ..
و ما بيلومك إلا ال بيدورك
تحياتي لك و للأسرة الكريمة
| |
|
|
|
|
|
|
|
|
|
Re: بوردابيات و بورداب الرياض ... (Re: خالدة البدوي)
|
الأخت الأستاذة خالدة
سلام كبير
Quote: عندي سؤال اليومين ديل الحاصل شنو ؟؟
في فـورة عذابة و نكهات مشروبات في
الوسط البوردابي بالرياض ؟؟؟
ما تقنعوني لزوم العيد !!!! |
كلها خطرفات بالخشم ساكت .. ما تشوفي الهرشة دي ..
أجعص واحد فيهم ما يقدر يتني العبار ..
و في واحد هنا قال ( نعم للزوجة الثانية ) ...
تسلمي و تحياتي لأفراد أسرتك ال هنا و ال في السودان
| |
|
|
|
|
|
|
|
|
|
Re: بوردابيات و بورداب الرياض ... (Re: ابو جهينة)
|
البورداب طمنوني .. الشربوت زاد جنوني
سلامات ياريس
مشتاقين لي كل الشباب والله بس شغلونــا أولادنا وأهلونا فأستغفروا لنا ....
ود الباوقه بيقول ليكم التمر ده من مكـة المكرمة .. يعني الشربوت بتاعه لمن يطير في الراس بخليكم كلامكم كله مدعم بآيات مكيـــــــــــــة من القرآن ..
تعرف مرة واحد عمل لينا شربوت من بلح المدينة .. القعده كلها بقت قال أبو هريرة رضى الله عنه ..
تامبا لز التلفون بتاع خبير الشربوت .. عندنا شربوت مستعجل جــدا .. لي ناس ماشين الحج
لكم تحياتي الزائدة ...
عبركم لأخونا العزيز عماد محمود نقول ليه سلامتك والألم بيزول كم كفارة ليك يازول .. وياريت ياريس لو ننظم زيارة تفقديه للحبيب عمـاد .. إمكن يكون شادي شربوت ..
أخر كلمـــة ...
إنشاء الله ماينفعكم .. نجيب زيادة .. قدر ما حاولنا نصاحبه رافع نخرته علينا ... ماعارف العاجبه شنوا في التانين  ..
أخوكم/ الأرباب
| |
|
|
|
|
|
|
|
|
|
Re: بوردابيات و بورداب الرياض ... (Re: Khalid Saeed)
|
الأرباب
سلام
حمد لله على السلامة
Quote: أخر كلمـــة ...
إنشاء الله ماينفعكم .. نجيب زيادة .. قدر ما حاولنا نصاحبه رافع نخرته علينا ... ماعارف العاجبه شنوا في التانين |
د. نجيب زيادة .. صديق شخصي و دفعة لعلاء حيمورة ...
و زميل شغل مع د. حسن ...
و جيران ناس إدريس
و زميل دافوري لشحرفان
و كانوا بيجروا من نفس الدكان البيجروا منو ناس طارق نقد في الكلاكلة...
| |
|
|
|
|
|
|
|
|
|
Re: بوردابيات و بورداب الرياض ... (Re: ابو جهينة)
|
تحياتي الي جميع الاحباب
ونقول والله مشتاقين الي جلساتكم العامرة
وياريت الي ريس تشوف لينا يوم نلتقي فيه جميعا
وبصراحة انا والله مزحوم شغل شديد مافي نفس والواحد لمن يلقي فرصة
بيكون جاري علي الاخبار داير يعرف الحاصل شنو في البلد والعالم
واخبركم بان اخبار سارة عن قريب عن الموضوع ان شاءالله ولكن بالرغم من كده الواحد
مطلع علي معظم ما يجري حول البورداب واعزرونا يا شباب
اخوكم / اسرم
| |
|
|
|
|
|
|
|
|
 Re: بوردابيات و بورداب الرياض ... (Re: ابو جهينة)
|
بورداب الرياض ..
اسعد الله أوقاتكم بكل خير ..
نستغل البوست دا في حاجات كتيرة ..
أولاً عملية أخونا عماد محمود يوم الأحد القادم إن شاء الله الموافق 9/12/2007م دعواتكم ووقفتكم معه كما عودتمونا دائماً ..
ثانياً حملة دارفور ومشكلة الشحن فهي على مشارف الحل وسوف تسمعون أخبار طيبة نرجو التنسيق لإقامة إجتماع قريب لتذليل كل الصعاب التي تواجه ذلك ..
ثالثاً العيد على الأبواب وكل سنة وأنتو طيبين سوف يكون هناك لقاء زي كل مره نرجو التنسيق كذلك كي يخرج بصورة طيبة وحتى لا يتضارب مع الحجاج وإلتزامات البعض ..
أبقوا دائماً كما انتم حلوين ..
| |
|
|
|
|
|
|
| |
ابو جهينة
مجدي عبدالرحيم فضل
هاشم أحمد خلف الله
ismeil abbas
د.محمد حسن
ادريس خليفة علم الهدي
ادم الهلباوى
أحمد الشايقي
Mahmed Madni
humida
معتصم دفع الله
علي الكرار هاشم
يوسف السماني يوسف
abdulhalim altilib
علاء الدين حيموره
شتات
عمر الفاروق
tmbis
ahmed haneen
حليمة محمد عبد الرحمن
حاتم تاج السر المبارك
خالدة البدوي
الصادق خليفة
Khalid Saeed
haroon asram
فيس بوك
تويتر
انستقرام
يوتيوب
بنتيريست