|
|
 الحكم يذبح المريخ من الوريد للوريد ويهدى الهلال ضربة جزاء والكأس باقرب واغرب طريق
|
فى الشوط الاول لم نرى فريق يجارى المريخ وكان الهدف الاول من طمبل من ارتباك اصاب الهلال منذ صافرة المبارة,وكالعاده بها الدين يهدى الهلال هدف من خارج ال18
لينتهى الشوط الاول بالتعادل بهدف لهدف ولا شى حتى الان
وكعادته الملك فيصل العجب يضع هدف المريخ الثانى وهدفه الشخصى السادس فى شباك الهلال
وعاد الهلال لجو المباراة عن طريق بها الدين فى كرة لم يحسن التعامل معها فتصتد بالقائم ويتابعها لاعب هلالى هدف تعادلى ادخل الهلال الى جو المباراة والتنافس
بعدها بدقائق اهدى حكم المباراة ضربة جزاء لا وجود لها للهلال احرز منها المحترف النجيرى هدف الفوز لتنتهى عليه المباراة وسط دهشة الملايين من جمهور الاحمر وهم يرون فريقهم يذبح بضربة جزاء وهمية ادخلت الاحباط فى نفوس اللاعبيين والجمهور الذى امتلئت به جنبات القلعة الحمراء
بروح الرياضة وايمانا منا ان الخطأ والنسيان من شيم الانسان نقول مبروك للهلال وحظ اوفر للزعيم سيد البلد مريخ افريقيا والعرب
عاش المريخ رمزا للمجد والتاريخ والحاضر والغد
العاشق محمدالمختار الزيادى
|
|
 
|
|
|
|
|
|
|
|
Re: الحكم يذبح المريخ من الوريد للوريد ويهدى الهلال ضربة جزاء والكأس باقرب واغرب طريق (Re: محمد المختار الزيادى)
|
محمد المختار الزيادى
ســـــــــلامات| Quote: بعدها بدقائق اهدى حكم المباراة ضربة جزاء لا وجود لها للهلال احرز منها المحترف النجيرى هدف الفوز لتنتهى عليه المباراة وسط دهشة الملايين من جمهور الاحمر |
انت يا اخوى كنت بتشوف فى كورة تانية ولا حكوا ليك
ضربة الجزاء كانت هدف التعادل التانى بعدين ضربة الجزاء لانها صحيحة لم يحتج عليها اللاعبين داخل الملعب
لكن معليش الهزيمة طششت بيك والجاتك فى شبكتك سامحتك
على التوالى للمرة الخامسة , ولا مكان للوصيف الضعيف
احمــد خضــر
| |
|
|
|
|
|
|
|
|
|
Re: الحكم يذبح المريخ من الوريد للوريد ويهدى الهلال ضربة جزاء والكأس باقرب واغرب طريق (Re: محمد المختار الزيادى)
|
أوووووووووووووه
صاحبنا بتاع البغل
وينك ياخ , كدي اولا نقوم معاك بالواجب و نآجرك في المصيبة بتاعة الرجاء و الصفع القاسي
ثانيا يا خوي إنت كنت بنحضر في ياتو كورة
الليلتنا دي الهلال درن بضربة الجزاء (الظالمة) و تقدم بهدف مهند
ثم قصة بهاء الدين يهدي الهدف لكرنقو دي بالغت فيها
ياخي الصاروخ المافي زول شافه دا كا ن وقفت بهاء و الإحتياطي بتاعه و معاهم المعز و الشريف و حافظ و الوالي كلهم سوا ما بتصد
أبوي ألحق العيادة حمى الوالي المتألم دي أظنها هبشتك
| |
|
|
|
|
|
|
|
|
|
Re: الحكم يذبح المريخ من الوريد للوريد ويهدى الهلال ضربة جزاء والكأس باقرب واغرب طريق (Re: محمد المختار الزيادى)
|
كلمات رنانة ماليها اي علاقة بمباراة اليوم
ذبح المريخ من الوريد للوريد!!!
لو ضربة الجزاء الواااااااااااضحة دى بقت ذبح
طيب البتسوانى داك عمل شنو يكون فى الاسماعيلى!!!
خلوكم منطقيين يا جماعة
ويمين الله انا لو مريخابى افرح للهزيمة دى لانو النصر معناهو
الرواكيب ديل حيقعدو الموسم الجاى ..كده احسن ياخى خلو الوهم
ديل يشطبو ويجو ناس يشبهو المريخ بجد
مريخكم ده كلو فيهو سفارى والسعودى وسعيد السعودى
والعجب ده اصلو بقى زى الوزراء مفيد او غير مفيد
قااااااااعد
يا خوفى على المنتخب المدربو مازدا وجايب معاهو الرواكيب ديل
ياحليل المريخ لما كان مريخ
وسلامات يا بريمة
| |
|
|
|
|
|
|
|
|
|
Re: الحكم يذبح المريخ من الوريد للوريد ويهدى الهلال ضربة جزاء والكأس باقرب واغرب طريق (Re: Naji A.Moniem)
|
Quote: وكعادته الملك فيصل العجب يضع هدف المريخ الثانى وهدفه الشخصى السادس فى شباك الهلال
وعاد الهلال لجو المباراة عن طريق بها الدين فى كرة لم يحسن التعامل معها فتصتد بالقائم ويتابعها لاعب هلالى هدف تعادلى ادخل الهلال الى جو المباراة والتنافس
بعدها بدقائق اهدى حكم المباراة ضربة جزاء لا وجود لها للهلال احرز منها المحترف النجيرى هدف الفوز لتنتهى عليه المباراة وسط دهشة الملايين من جمهور الاحمر وهم يرون فريقهم يذبح بضربة جزاء وهمية ادخلت الاحباط فى نفوس اللاعبيين والجمهور الذى امتلئت به جنبات القلعة الحمراء
|
يازول البركة فيكم ، والله دي بتحصل في ارقي العائلات ، يازول الملاريا المتعودين عليها دي ، مرات بتخلي الزول يهضرب .....
عليك الله انت حضرت المباراة بالجد كده .... لاه ما كتبته هذا لايمكن ان يكون خطأ مطبعي او (استعجالي) ..ز شوف ليك عذر تاني ,,,,,
البغال البقولوها الناس دي شنو ؟ والله ما فهمتها ،،، وبرضو هارلك
| |
|
|
|
|
|
|
|
|
|
Re: الحكم يذبح المريخ من الوريد للوريد ويهدى الهلال ضربة جزاء والكأس باقرب واغرب طريق (Re: hajhamad)
|
اقول ليكم كلام مدرب المريخ السابق الدكتور / حسن المصري في برنامج عالم الرياضة امس الجمعة عن ضربة الجزاء
قال د. حسن المصري :
ضربة الجزاء صحيحة وهذه المباراة كبيرة على سعيد السعودي وبرغم انه من الجيل الواعد للمريخ ولكن كان لا يجب أن يزج به في هذه المباراة لأن هذا الخطأ الذي ارتكبه يبين عدم الخبرة لديه وأنه ضربة الجزاء هذه ستكون انتحار للاعب وهو في بداية مشواره
_________
اها تاني نقول شنو
نحن مابنعرف كورة
جيبوا الوالي في الصدي يصرح عن ضربة الجزاء
جيبوا رئيس لجنةالتحكيم في الفيفا
يا اخوانا شوفوا ليكم لاعبين كويسين عشان تشيلوا الدوري المرة الجاية
اول مرة في الدنيا اشوف الوصافة بالجوز خلال اسبوع واحد
قال مريخ قال زعيم قال
| |
|
|
|
|
|
|
|
|
|
Re: الحكم يذبح المريخ من الوريد للوريد ويهدى الهلال ضربة جزاء والكأس باقرب واغرب طريق (Re: جمال السنوسي)
|
يا الزيادي ..
طبعا ضربة الجزاء دي مقرر ثابت
لابد لأي حكم أن يصرفه لعوانس مستر
كلارك ..
دخلنا المباراة وندري أن هناك حصة
هلالية ثابتة عبارة عن ضربة جزاء لابد
من منحها للهلال كالعادة ..
والفضيحة الكبرى كانت في ايقاف الحكم
لهجمة مريخية من غير أي مبرر ..
وحين شعر بالخجل والحياء قام باسقاط
الكرة في اعتراف واضح بذنبه البشع الذي
أفسد على المريخ هجمة خطيرة ..
وفي ذات الوقت تغاضى هذا الحكم ورجل
الراية عن امساك كلاتشي للكرة بيده والتي
استفاد منها الهلال في هدفه الثالث ..
أنظر لهذا الفديو لترى كيف تحول كلاتشي
من لاعب كرة قدم للاعب كرة سلة :
محبتـي ..
| |
|
|
|
|
|
|
|
|
|
Re: الحكم يذبح المريخ من الوريد للوريد ويهدى الهلال ضربة جزاء والكأس باقرب واغرب طريق (Re: محمد المختار الزيادى)
|
Quote: وكعادته الملك فيصل العجب يضع هدف المريخ الثانى وهدفه الشخصى السادس فى شباك الهلال
وعاد الهلال لجو المباراة عن طريق بها الدين فى كرة لم يحسن التعامل معها فتصتد بالقائم ويتابعها لاعب هلالى هدف تعادلى ادخل الهلال الى جو المباراة والتنافس
بعدها بدقائق اهدى حكم المباراة ضربة جزاء لا وجود لها للهلال احرز منها المحترف النجيرى هدف الفوز لتنتهى عليه المباراة وسط دهشة الملايين من جمهور الاحمر وهم يرون فريقهم يذبح بضربة جزاء وهمية ادخلت الاحباط فى نفوس اللاعبيين والجمهور الذى امتلئت به جنبات القلعة الحمراء |
معليش الهزيمة خلتك مطشش مابتعرف البلنتي الهدف رقم كم ,,, وارجوكم لاتعملو التحكيم شماعة لهزائمكم المتواصلة من الهلال و لفشلكم لهزيمة الهلال في عقر داركم والحصول علي دربي الممتاز للمرة الخامسةوخليكم مع الوصافة ولا تحلمو بغيرها .
| |
|
|
|
|
|
|
| |
محمد المختار الزيادى
ahmed khidir
محمد البشرى الخضر
keiga2000
abuguta
خالد عبد الله محمود
Naji A.Moniem
ناذر محمد الخليفة
رقم صفر
hajhamad
جمال السنوسي
حسين يوسف احمد
بدرالدين يعقوب
امير عوض الجمري
فيس بوك
تويتر
انستقرام
يوتيوب
بنتيريست